வெள்ளி, 12 மே, 2017

ஜெயலலிதா அப்போலோவில் விடியோ ஆதாரம் இருக்கிறதாம்..

நரைத்த தலையுடன் ஜெயலலிதா அப்பல்லோவில் சிகிச்சை பெறும் 4 வீடியோக்களை சசிகலா கோஷ்டி எந்த நேரத்திலும் ரிலீஸ் செய்ய கூடும் என தகவல்கள் வெளியாகி உள்ளன.
By: Prabha சென்னை: அப்பல்லோ மருத்துவமனையில் ஜெயலலிதா சிகிச்சை பெறும் 4 வீடியோக்கள் சசிகலா உறவினர் வசம் இருக்கிறதாம்... இதை எந்த நிமிடத்திலும் சசி கோஷ்டி ரிலீஸ் செய்யலாம் என கூறப்படுகிறது. முதல்வர் ஜெயலலிதா மரணம் தொடர்பான சந்தேகங்கள் இன்னும் தீரவில்லை. அவரது மரணம் தொடர்பாக சி.பி.ஐ விசாரணைக்கு உத்தரவிட வேண்டும் என்ற ஓபிஎஸ் கோரிக்கையை நிராகரித்துவிட்டார் முதல்வர் எடப்பாடி பழனிசாமி. அதேநேரத்தில் ஜெயலலிதா சிகிச்சை பெற்ற போது வீடியோ எடுக்கப்பட்டதாக சசிகலா தம்பி திவாகரனின் மகன் ஜெயானந்த் ஃபேஸ்புக் பக்கத்தில் பதிவிட்டிருந்தார். இதனால் பெரும் பரபரப்பு ஏற்பட்டது. இது தொடர்பாக சசிகலா உறவினர்களிடம் நாம் விசாரித்த போது, ஜெயலலிதா சிகிச்சை காலத்தில் செல்போனில் 4 வீடியோக்கள் எடுக்கப்பட்டுள்ளன. நர்ஸ் ஒருவர் மூலம் எடுக்கப்பட்ட இந்தக் காட்சிகளை சசிகலா உறவினர் ஒருவர் ரகசியமாக பாதுகாத்து வைத்திருக்கிறார் என்றனர்.


தொடரும் சந்தேகம்... ஜெயலலிதாவின் மரணத்துக்குக் காரணமான இதய முடக்கம் எதனால் ஏற்பட்டது? திட்டமிட்டு உருவாக்கப்பட்டதா? என்பதற்கான விளக்கங்களை லண்டன் மருத்துவர் ரிச்சர்ட் பீலேவோ, எய்ம்ஸ் மருத்துவர்களோ விளக்கவில்லை. இதனால் பொதுமக்கள் மத்தியில் சந்தேகம் நீடிக்கிறது.

வீடியோ இருக்கிறதாம்... இந்த சந்தேகத்தை தீர்த்து வைக்கும் வகையில் வீடியோக்களை வெளியிட வேண்டும் என அரசியல் கட்சித் தலைவர்கள் வலியுறுத்தி வருகின்றனர். கர்நாடக மாநில அ.தி.மு.க செயலாளர் புகழேந்தியும் வீடியோ காட்சிகள் இருப்பதாக உறுதிப்படுத்தியுள்ளார்.

சசிக்கு வசை.... அந்த வீடியோ காட்சிகளில் சசிகலாவுடன் ஜெயலலிதா இயல்பாக பேசிக் கொண்டிருக்கும் காட்சிகள் இடம்பெற்றுள்ளனவாம். அதில் ஒரு இடத்தில், நாங்க இங்க எவ்வளவு கஷ்டப்படறேன். உங்களுக்கு எதாவது கவலை இருக்கா?' என சசிகலாவிடம் ஜெயலலிதா கடுப்படித்ததும் இடம்பெற்றுள்ளதாம்.

எதிரியை வசைபாடிய ஜெ..... இதையும் தாண்டி ஜெயலலிதாவுக்கும் சசிகலாவுக்கும் இடையே நடந்த விவாதங்கள் வெளியிடவே முடியாத அதிர்ச்சி ரகம் எனவும் கூறப்படுகிறது. தமது பரம எதிரியையும் அவரது குடும்பத்தினரையும் எவ்வளவு கேவலமாக விமர்சிக்க முடியுமோ அப்படி வசைபாடியும் இருக்கிறாராம் ஜெயலலிதா.

எந்த நேரத்திலும் ரிலீஸ்.... அப்போலோவில் இந்தக் காட்சிகளை எடுத்த நர்ஸும் மிகுந்த ரகசியம் காக்கிறார். இருப்பினும் எந்த நேரத்திலும் இந்த வீடியோவை சசிகலா கோஷ்டி ரிலீஸ் செய்ய வாய்ப்பு உள்ளதாகவே கூறப்படுகிறது.  tamiloneindia

கருத்துகள் இல்லை: