நித்யா குறித்து வசந்தி வீட்டிற்கு விசாரிக்க சென்ற போது, வசந்தி ஏற்கனவே இறந்து விட்டதாக கூறியதால் போலீசார் திரும்பினர். இந்நிலையில், திடீர் திருப்பமாக கொலை செய்யப்பட்டு இறந்ததாக கூறப்பட்ட வசந்தி, கடந்த 2009 ஜனவரி 10ம் தேதி கணவர் வெங்கடேசனுடன் திருச்சி போலீஸ் கமிஷனர் முன்பு ஆஜராகி, காதல் திருமணம் செய்த தங்களுக்கு போலீஸ் பாதுகாப்பு வழங்க வேண்டும் என மனு கொடுத்தனர். இறந்ததாக கூறப்பட்ட வசந்தியை உயிருடன் பார்த்த போலீசாருக்கு அதிர்ச்சி ஏற்பட்டது. அவரிடம் நடத்திய விசாரணையில், எரிந்த நிலையில் சடலமாக கிடந்தவர் நித்யா என்பது தெரியவந்தது.
இதையடுத்து, திருமணம் செய்ததை வீட்டிற்கு தெரிவிப்பதாக மிரட்டியதால் நித்யாவை தூக்க மாத்திரை கொடுத்து கொலை செய்து பிணத்தை எரித்ததாக வசந்தி மற்றும் வெங்கடேசனை போலீசார் கைது செய்தனர். இவ்வழக்கில் இருவருக்கும் ஆயுள் தண்டனை வழங்கி, திருச்சி கோர்ட் உத்தரவிட்டது. இந்த தண்டனையை எதிர்த்து இருவரும் ஐகோர்ட் கிளையில் மேல்முறையீடு மனுத்தாக்கல் செய்தனர். மனுவை விசாரித்த நீதிபதிகள் ஜெய்சந்திரன், நாகமுத்து இன்று தீர்ப்பளித்தனர். ‘வசந்தி, வெங்கடேசன் இருவரும் நித்யாவை கொலை செய்ததை சந்தேகத்திற்கு இடமின்றி நிரூபிக்க போலீசார் தவறி விட்டனர். சூழ்நிலை சாட்சியங்கள் அடிப்படையில் இருவருக்கும், கீழ்கோர்ட் தண்டனை வழங்கியுள்ளது. சம்பவம் தொடர்பாக சாட்சியங்கள் கோர்வையாக இல்லை. எனவே, இருவருக்கும் கீழ்கோர்ட் வழங்கிய தண்டனை ரத்து செய்யப்படுகிறது’ என்று உத்தரவிட்டனர்.
கருத்துகள் இல்லை:
கருத்துரையிடுக