புதுடில்லி:சமையல் எரிவாயு மானியத்தை, நேரடியாக பயனாளிகளின் வங்கிக் கணக்கில் செலுத்தும், மத்திய அரசின், 'பாஹல்' திட்டம், 'கின்னஸ்' சாதனை புத்தகத்தில் இடம் பெறுகிறது.
இது குறித்து அரசு வெளியிட்டுள்ள அறிக்கை விவரம்:மத்திய அரசின், 'பாஹல்' திட்டம், உலகிலேயே, மிக அதிகமான மானிய தொகையை, பயனாளிகளுக்கு நேரடியாக வழங்குகிறது என்று, கின்னஸ் அமைப்பு அங்கீகாரம் அளித்துள்ளது. கடந்த, 2014ம் ஆண்டு, நவம்பர், 15ம் தேதி, 54 மாவட்டங்களில் இத்திட்டம் துவக்கப்பட்டு, இந்தாண்டு, ஜனவரி 1முதல் நாடு முழுவதும் விரிவுபடுத்தப்பட்டுள்ளது. இத்திட்டத்தில், இதுவரை, 13.9 கோடி பேர் இணைந்துள்ளனர். ஒரு குடும்பத்திற்கு, ஆண்டு ஒன்றுக்கு, மானிய விலையில், 12 சமையல் எரிவாயு சிலிண்டர்கள் வழங்கப்படுகின்றன. நேரடி மானிய திட்டம் மூலம், ஆண்டுக்கு, 90 ஆயிரம் கோடி ரூபாய், அரசுக்கு மிச்சமாகும்.இவ்வாறு அறிக்கையில் கூறப்பட்டுள்ளது வினவு.com
கருத்துகள் இல்லை:
கருத்துரையிடுக