இந்த சம்பவங்களை கண்டித்த அமெரிக்க ஜனாதிபதி ஒபாமா, கருப்பின அமெரிக்கர்கள் அடிக்கடி போலீசாரால் கொல்லப்படுவதற்கு, நியாயமான எண்ணங்களை கொண்ட அனைவரும் கவலைப்பட வேண்டும். இத்தகைய பாரபட்ச மனநிலையை போலீசார் வேரடி மண்ணாக விட்டொழிக்க வேண்டும், என்றார்.
இதற்கிடையே இரு ஆப்பிரிக்க அமெரிக்கர்கள் படுகொலைக்கு கண்டனம் தெரிவித்து அமெரிக்கா முழுவதும் போராட்டங்கள் நடைபெற்று வருகின்றது. டெக்சாஸ் மாகாணம், டல்லாஸ் நகரில் நேற்று இரவு கண்டன போராட்டம் ஒன்று நடந்து கொண்டிருந்தது. போராட்டம் நடத்தியவர்கள் பேரணியாக சென்று கொண்டிருந்தபோது, திடீரென உயரமான ஒரு இடத்தில் இருந்து துப்பாக்கி ஏந்திய 2 நபர்கள் தாக்குதல் நடத்தினர்.
அவர்கள்
போலீசாரை நோக்கி சரமாரியாக சுடத் தொடங்கினர். இதனால் பேரணியில் பதற்றம்
உருவானது. மக்கள் நாலா பக்கமும் சிதறி ஓடத் தொடங்கினர். இந்த
சம்பவத்தின்போது 11 போலீசார் துப்பாக்கியால் சுடப்பட்டனர். 5 போலீஸ்
அதிகாரிகள் உயிரிழந்தனர். குண்டு பாய்ந்து 6 பேர் படுகாயம் அடைந்தனர்.
அவர்கள் உடனடியாக மீட்கப்பட்டு மருத்துவமனைக்கு ஆம்புலன்சுகளில் அனுப்பி
வைக்கப்பட்டனர்.
மருத்துவமனையில் அவருக்கு
தொடர்ந்து சிகிச்சை அளிக்கப்பட்டு வருகிறது, அவர்களில் சிலரது நிலை,
கவலைக்கிடமாக உள்ளதாக தகவல்கள் கூறுகின்றன. பின்னர் தாக்குதல் நடத்திய
நபர்களில் ஒருவர் போலீசாரால் கைது செய்யப்பட்டு காவலில்
வைக்கப்பட்டதாகவும், மற்றொருவர் சரண் அடைந்துள்ளதாகவும் டல்லாஸ் போலீஸ்
விடுத்துள்ள செய்திக்குறிப்பில் கூறப்பட்டது. இச்சம்பவத்தில் சந்தேகத்தின்
பெயரில் மொத்தம் 3 பேரை போலீசார் காவலில் எடுத்து உள்ளனர். போலீசாருடன்
துப்பாக்கி சூட்டில் ஈடுபட்ட 4 வது சந்தேகத்திற்குரியவர் தன்னைத் தானே
சுட்டு தற்கொலை செய்து கொண்டதாக தெரியவந்து உள்ளது.
கருத்துகள் இல்லை:
கருத்துரையிடுக