பாரதீய ஜனதா, சிவசேனாவின் நிலைப்பாட்டை ஏற்க மறுத்துள்ளது. இவ்விவகாரம் தொடர்பாக மும்பை மற்றும் டெலியில் சிவசேனா மற்றும் பாரதீய ஜனதா கட்சியின் தலைவர்கள் கூட்டம் நடைபெற்று வருகிறது. இந்நிலையில் சிவசேனா கட்சியின் தலைவர் உத்தவ் தாக்கரே இறுதியாக சிவசேனா 151 தொகுதிகளியில் போட்டியிடும் என்றும் பாரதீய ஜனதாவுக்கு 119 தொகுதியும், மற்ற கூட்டணி கட்சிகளுக்கு 18 தொகுதியும் ஒதுக்கப்படும் என்று கூறியுள்ளார். சிவசேனா மீண்டும் தனது நிலைப்பாட்டை உறுதி படுத்தியுள்ளது. ஏற்கனவே சிவசேனாவின் கோரிக்கையை பாரதீய ஜனதா ஏற்க மறுத்தும், பாரதீய ஜனதாவிற்கு 119 தொகுதி மட்டுமே கொடுக்கப்படும் என்று சிவசேனா தெரிவித்துள்ளது.
சிவசேனாவுடன் தொகுதி பங்கீடு பற்றி தொடர்ந்து பேசுவதற்கு பா.ஜனதா தயாராக இல்லை என்பது போல் தேர்தல் பொறுப்பாளர் ஓம் மாத்தூர் அளித்த நேற்றைய பேட்டி அமைந்திருந்தது. டெல்லியில் இன்று நடக்கும் கூட்டத்தில் எடுக்கப்படும் முடிவு முக்கியத்துவம் வாய்ந்ததாக இருக்கும் என்று நம்பப்படுகிறது. சிவசேனா ஒதுக்கும் 119 தொகுதிகளில் போட்டியிடுவதா? அல்லது கூட்டணியை விட்டு வெளியேறி புதிய கூட்டணியை உருவாக்குவதா? என்ற முடிவை பா.ஜனதா எடுக்கும் என்று அரசியல் வட்டாரத்தில் பரபரப்பாக பேசப்படுகிறது. இதனால் இதனால் சிவசேனா - பா.ஜனதாவின் 25 ஆண்டு கூட்டணி நீடிக்குமா? என்ற கேள்வி எழுந்துள்ளது.dailythanthi .com
கருத்துகள் இல்லை:
கருத்துரையிடுக