வங்காளதேச நடிகை ரைமா கொலை ..பாலத்திற்கு அடியில் மூட்டையில் பிணமாக

 shameena Parveen | Samayam Tamil :  வங்கதேசத்தில் காணாமல் போன நடிகை ரைமா இஸ்லாம் ஷிமுவின் உடல் பாலத்திற்கு அடியில் கண்டுபிடிக்கப்பட்டுள்ளது.
வங்கதேசத்தை சேர்ந்தவர் நடிகை ரைமா இஸ்லாம் ஷிமு. அவர் கடந்த சில நாட்களுக்கு முன்பு காணாமல் போய்விட்டார். இதையடுத்து அவரை தேடிக் கண்டுபிடித்துக் கொடுக்குமாறு கடந்த ஞாயிற்றுக்கிழமை அன்று உறவினர்கள் காவல் நிலையத்தில் புகார் அளித்தனர்.
இந்நிலையில் திங்கட்கிழமை கேரனிகஞ்ச் பகுதியில் இருக்கும் ஹசரத்பூர் பாலத்திற்கு அருகில் ஒரு மூட்டை கிடந்தது. அந்த மூட்டையை பிரித்துப் பார்த்தபோது அதில் ரைமாவின் உடல் இருந்தது.

இது குறித்து போலீஸ் உயர் அதிகாரி ஒருவர் கூறியதாவது,

ரைமாவின் உடல் கண்டுபிடிக்கப்பட்டது உண்மை தான். பிரேத பிரசோதனைக்காக சர் சலிமுல்லா மருத்துவக் கல்லூரி மருத்துவமனைக்கு அனுப்பி வைக்கப்பட்டது.

ரைமாவின் மரணம் குறித்து விசாரணை நடந்து கொண்டிருக்கிறது என்றார்.
1998ம் ஆண்டு வெளியான பர்தாமேன் படம் மூலம் நடிகையாக அறிமுகமானவர் ரைமா. 45 வயதான அவர் இதுவரை 25 படங்களில் நடித்திருக்கிறார்.
படங்கள் தவிர்த்து தொலைக்காட்சி தொடர்களிலும் நடித்துள்ளார் ரைமா. தொலைக்காட்சி தொடர்களை தயாரிக்கவும் செய்தார் என்பது குறிப்பிடத்தக்கது.