உடனடியாக கோவை வருமான வரி அதிகாரிகள் மனோஜ், பிரசாத், கனகராஜ் ஆகியோர் அங்கு விரைந்தனர். கார் முழுவதும் இருந்த பணத்தை கைப்பற்றினர். மொத்தம் 490 கட்டுகளாக ரூ.2 கோடியே 55 லட்சம் இருந்ததாக போலீசார் தெரிவித்தனர்.விபத்தில் காயமின்றி தப்பியவரிடம் விசாரித்தனர். அவர் கேரள மாநிலம் மலப்புரம் மாவட்டம் மாலத்தூரை சேர்ந்த ஜலீல் (40) என்றும், காரில் தன்னுடன் கோட்டயத்தை சேர்ந்த ஜாபர் வந்ததாகவும், கோழிக்கோட்டை சேர்ந்த டிரைவர் யாசர் அபுபக்கர் (25) காரை ஓட்டியதாகவும் தெரிவித்தார். ஈரோட்டில் ரயில்வே கேட்டரிங் நடத்தி வரும் முஸ்தபா என்பவர் இந்த பணத்தை தங்களிடம் கொடுத்தனுப்பியதாகவும், அவரது சொந்த ஊரான மலப்புரத்துக்கு இதை கொண்டு சென்றதாகவும், மொத்தம் எவ்வளவு பணம் என்பது தெரியாது என்றும்அவர் தெரிவித்தார்.
இது ஹவாலா பணமா, அல்லது தீவிரவாதிகளுக்காக கொண்டு செல்லப்பட்டதா என போலீசார் விசாரிக்கின்றனர். முஸ்தபாவிடம் விசாரிக்க வருமான வரித்துறையினர் ஈரோடு விரைந்துள்ளனர். பணத்தை அள்ளிய மக்கள்விபத்து நடந்த காரில் பணக்கட்டு சிதறியதை பார்த்த அப்பகுதி மக்களும், பயணிகளும் ஆளாளுக்கு பணத்தை எடுக்க துவங்கினர். தாங்கள் கொண்டு வந்த பைகளிலும், பேண்ட் பாக்கெட், சேலைகளிலும் மறைத்துக் கொண்டு அங்கிருந்து எஸ்கேப் ஆயினர். தகவல் காட்டுத் தீ போல் பரவியதும், அருகில் உள்ள ஊர்களில் இருந்தும் பலர் படையெடுத்தனர். சிலர் ஆட்டோவில் வந்து பணக்கட்டுகளை அள்ளிப்போட்டுக் கொண்டு சென்றதாக போலீசாரிடம் ஜலீல் தெரிவித்தார். எனவே, காரில் கொண்டு வந்த தொகை ரூ.3 கோடிக்கும் அதிகமாக இருக்கும் என சந்தேகிக்கப்படுகிறது.
காயமடைந்தவர்களில் கார் டிரைவர் யாசர் அபுபக்கர் கவலைக்கிடமாக உள்ளார். அவருக்கு தீவிர சிகிச்சை அளிக்கப்பட்டு வருகிறது.தமிழக-கேரள எல்லையில் உள்ள வனத்துறை அலுவலகத்தில் சில தினங்களுக்கு முன் மாவோயிஸ்ட்கள் தாக்குதல் நடத்தினர். இதேபோல் அங்குள்ள அரசு அலுவலகத்தையும் தீவிரவாதிகள் சூறையாடி அங்குள்ள முக்கிய ஆவணங்களை அழித்தனர். இதனால் தமிழக-கேரள எல்லையில் தீவிரவாதிகளை கட்டுப்படுத்த கேரள, தமிழக போலீசார் தீவிர நடவடிக்கை எடுத்து வருகின்றனர். வாகன சோதனைகள் நடத்தி வருகின்றனர். ஆனால் அவற்றையும் மீறி, காரில் பணம் கடத்தி செல்லப்பட்டது போலீசார் மத்தியில் அதிர்ச்சியை ஏற்படுத்தி உள்ளது. அது தீவிரவாதிகள் பணமா என்ற கோணத்திலும் விசாரணை நடக்கிறது - See more at:tamilmurasu.org
கருத்துகள் இல்லை:
கருத்துரையிடுக