அங்கு போலீஸ் சூப்பிரண்டு சந்திரகுப்தாவை சந்தித்து ஒரு மனு கொடுத்தார். அதில் நித்யானந்தா சாமியார் மடத்தில் தங்கியிருந்த தனது மகள் சங்கீதா டிசம்பர் மாதம் 28-ந் தேதி இறந்ததாகவும், அவரது சாவில் சந்தேகம் இருப்பதாகவும், மறு பிரேத பரிசோதனை செய்து உரிய விசாரணை நடத்தி நடவடிக்கை எடுக்க வேண்டும் என்றும் கூறியிருந்தார்.
இதையடுத்து கர்நாடக மாநிலம் ராமநகர் பிடுவி போலீசார் வழக்குப்பதிவு செய்தனர். மேலும் அந்த போலீஸ் நிலையத்தில் பணியாற்றும் போலீசார் நேற்று திருச்சி வந்தனர். மாவட்ட போலீஸ் சூப்பிரண்டு அலுவலகத்தில் போலீஸ் அதிகாரிகளை சந்தித்து சங்கீதாவின் உடலை தோண்டி எடுத்து மீண்டும் பிரேத பரிசோதனை செய்வது குறித்த தகவல் தெரிவித்தனர்.
அதன்பின் நவலூர் குட்டப்பட்டு சென்று சங்கீதாவின் பெற்றோர் மற்றும் உறவினர்களிடம் கர்நாடக மாநில போலீசார் விசாரணை நடத்தினர். நவலூர் குட்டப்பட்டுவில் சங்கீதா உடல் புதைக்கப்பட்டு 5 நாட்களுக்கு மேல் ஆகிவிட்டதால் அவரது உடல் மிகவும் அழுகி இருக்கும்.
இதனால் இன்று (புதன்கிழமை) அதிகாலை சங்கீதாவின் உடலை தோண்டி எடுத்து அதே இடத்தில் மீண்டும் பரிசோதனை செய்ய போலீசார் முடிவு செய்துள்ளனர். இதற்காக மருத்துவ குழுவினர் இன்று காலை நவலூர் குட்டப்பட்டு செல்கின்றனர். பிரேத பரிசோதனை அறிக்கை வந்த பின்னரே சங்கீதா எப்படி இறந்தார்? என தெரியவரும் என போலீசார் தெரிவித்தனர்.maalaimalar.com
கருத்துகள் இல்லை:
கருத்துரையிடுக