ஒரு வாரமாக உங்களை விலைபேச வந்தவர்களை விரட்டியதால் இன்று தாக்கப்பட்டீர்கள்!

மாணவனுக்கு ஒரு தாயின் கண்ணீர் கடிதம்,  எந்த புத்தகமும் எந்த பாசறையும் கற்றுத் தராத விலை மதிக்க முடியாத வாழ்க்கைப் பாடத்தை படித்திருப்பாய் தந்தையோடு மகனும், பெண்ணோடு தாயும், பாட்டியும் நாட்கணக்கில் அமரச் செய்தாய். கட்சி புகழ் வெளிச்சம் தவிர்த்தாய். விலைபேச வந்தவர்களை விரட்டி அடித்தாய். தங்கமே மூச்சு விட்டுக்கொள். முதலில் ஆதரவாகப்பேசிய குரல்கள் பிரபலங்கள் இப்போது பம்முவதைப்பார்த்திருப்பாய். உசுப்பேற்றிய தற்காலிக கதாநாயகர்கள் இப்போது அடக்கி வாசிப்பதை பார்த்திருப்பாய். Celebrity என்ற வகை ஆட்கள் நீங்கள் தடியடி வாங்கும்போதும் ரத்தம் சிந்தும்போதும் கண்ணிலேயே படாத பாதுகாப்பான கூடாரங்களில் பதுங்கி இருந்ததை பார்த்திருப்பாய்.
போராட்ட நாட்களில் மெல்லிய புன்னகையுடன் சாப்பாடு பெற்றுக்கொண்ட அதிகாரி இன்று நெஞ்சில் மிதிப்பதை பார்த்திருப்பாய்.; நான்கு வருடங்களாக நடக்காத விஷயத்தை நான்கு நாட்களில் முடிக்கும் அலாவுதீன் பூதமொன்று உயிருடன் இன்னும் இருப்பதையும் பார்த்திருப்பாய்.
உணவும் தண்ணீரும் கிடைத்தது போக இன்று கடலில் நனைந்தபடி பட்டினி கிடக்கும்போதும் கன்னத்துல சதை பிய்ந்து தொங்கும்போதும். வயிற்றில் பூட்ஸ்கால்களால் மிதிபடும் போதும் கண்முன்னே யாரோ செய்த தீவைத்தலுக்கு நீ கைதாகும்போதும்,கல்லால் ஒங்கி அடிவாங்கிய போதும் உணர்ந்திருப்பாய் அரசியல் என்றால் என்னவென்று.

ஜல்லிகட்டு போராட்டத்தில் தோற்றுவிட்ட மத்திய மாநில அரசுகள் பிரகடனம் செய்த.... போலீஸ் வன்முறை

மாணவர்களின் அமைதி போராட்டம் வெற்றி பெறக்கூடாது என்பதற்காக தமிழக அரசும்.. அடியாள் போலீசும் செய்த திட்டமிட்ட கலவரம்.. அயோக்கியத்தனம்..! தமிழர்கள் நடத்திய வரலாற்று சிறப்புமிக்க அமைதி போராட்டத்தின் வெற்றி குறித்து கொண்டாட்டத்துடன் எழுதியிருக்க வேண்டிய இந்த பதிவை மிகவும் வேதனையுடன் எழுதிக்கொண்டிருக்கிறேன்.
ஜல்லிக்கட்டுக்காக மாணவர்கள் மெரினாவில் நடத்திய முதல் ஊர்வலத்தில் ஆரம்பித்து, மெரினாவில் அமைதி போராட்டமாக உருவெடுக்க ஆரம்பித்து வரலாறாக மாறிய போராட்டத்தின் ஒவ்வொரு வளர்ச்சியையும் அணு அணுவாக ரசித்து வந்தவன் நான்.
ஒவ்வொரு நாளும் பார்வையாளனாக சுற்றி சுற்றி வந்திருக்கிறேன். முதல் இரு நாட்கள் மாணவர்களின் கட்டுப்பாட்டில் இருந்த போராட்டம் பின்னர் ஊடகங்களின் தொடர் நேரலையால் லட்சக்கணக்கானோரின் வருகையாக மாறி போராட்டம் திருவிழா கொண்டாட்டமாக மாறியது.
ஊரில் திருவிழா பார்க்க கிராம மக்கள் வண்டி கட்டி வருவதுபோல் ஒவ்வொரு பகுதியிலிருந்தும் பொதுமக்கள் குழந்தைகளுடன் வந்து மகிழ்ச்சியாக கலந்துகொண்டுவிட்டு சென்றனர். வேண்டும் வேண்டும்.. ஜல்லிக்கட்டு வேண்டும்.. தமிழன்டா என்ற கோசங்கள் வரும்போதெல்லாம் மக்களில் உற்சாக குரல் பார்க்க பரவசமாக இருக்கும்.

இங்கே யார் சமூக விரோதிகள்? யார் வன்முறைக் கும்பல்?

திரும்பத் திரும்ப ஒன்று சொல்லப்படுகிறது. மாணவர்கள் அறவழியில்தான் போராடினார்கள். அதற்குள் புகுந்த சமூக விரோதிகள்தாம் வன்முறைக்கும்பல் என்பது ஒரு பொதுஜனக் கருத்தாக கட்டமைக்கப்படுகிறது.
மாணவர்கள் உறுதியாக அறவழியில் ஈடுபட்டார்கள் என்பது உண்மை. அவர்கள் தாக்குதல்களுக்குள்ளானபோது அவர்களுக்கு அரணாகவும், ஆதரவாகவும் இருந்தது விளிம்புநிலையைச் சேர்ந்த மீனவ மக்கள், எளிய மக்களுமே.
காலம் காலமாக இந்த அமைப்பினால் சுரண்டப்பட்ட, அதிகார வர்க்கத்தால் நசுக்கப்பட்ட அவர்கள், போலீஸ் அடிக்கும்போது திருப்பி அடிக்கவேச் செய்வார்கள். போலீஸ் கல்லெறிந்தால் திருப்பி எறியவேச் செய்வார்கள். அதுதான் நியாயமும். அவர்களை சமூக விரோதி என்றும், வன்முறைக் கும்பல் என்றும் எப்படிச் சொல்ல முடியும்.
மாணவர்களுக்கு ஆதரவாக நின்று, போலிஸை எதிர்த்தவர்களைத் தேடுகிறோம் என்று மக்களின் வசிப்பிடங்கள், தெருக்களில் போலீஸின் வன்முறை, கோரத்தாண்டவமாய் நிகழ்த்தப்பட்டு இருக்கிறது. பொருட்களும் சேதப்படுத்தப்பட்டு இருக்கின்றன. சமூக விரோதிகள் என பலரை கைது செய்திருக்கிறது. இங்கே யார் சமூக விரோதிகள்? யார் வன்முறைக் கும்பல்?
எந்தக் காரணமும் இல்லாமல், எந்த நியாயமும் இல்லாமல் போலிஸ் விரட்டி விரட்டி மிருகங்களைப் போல மக்களை வேட்டையாடும். அதை லேசான தடியடி செய்து கலைத்தனர் என்று காவல்துறையும், அரசும், ஊடகங்களும் சொல்லும். அதை ஏற்றுக்கொள்பவர்களுக்கு இந்தக் கேள்விகள் எழ வாய்ப்பில்லை.

மெரீனாவில் ஆர்.எஸ்.எஸ், பிஜேபி காவி கும்பல் அரங்கேற்ற துடித்த பிரிவினை வாத பூச்சாண்டி .. ஒரு டாக்டரின் சாட்சியம்

அவசர சிகிச்சையில் பொதுவாக drunk and drive காரணமாக சனி ஞாயிறு இரவுகளில் விபத்து காரணமாக அதிக அளவில் வருவார்கள். நேற்றும் முன் தினமும் அவசர சிகிச்சை நைட் டியூட்டி பார்த்துக் கொண்டிருந்த போது எப்போதும் விட விபத்து எண்ணிக்கை குறைவு. மக்கள் பெருவாரியாக மெரினாவில் இருப்பதால் drunk and drive குறைவு என்று அனுமானித்துக் கொண்டேன்.

நேற்று நல்லிரவில் இருவர் தங்களை அட்மிட் செய்யக்கோரி வந்தனர். எதற்காக அட்மிட் செய்ய வேண்டுமென்று கேட்டபோது போராட்டத்திற்கு தேசிய கொடியை தூக்கி சென்றதாகவும் அதைப் பார்த்த ஒரு கும்பல் தங்களை தாக்கியதாகவும் தெரிவித்தனர். அதற்கு ஏன் தாக்கினார்கள் என்று கேட்டபோது தேசிய கொடி வைத்ததால் தாக்கினார்கள் என்று சொன்னார்கள். சரி சிகிச்சை அளிக்கலாம் என்று எதுவும் காயங்கள் ஆகி விட்டதா என்று கேட்டபோது அதை பற்றி அவர் எதையும் சொல்லவில்லை.
AR ரிப்போர்ட் மட்டும் வேண்டும் என்று கூறினர்.
ஆக்ஸிடண்ட் கேஸ் அடிதடி போன்ற காயங்களுக்கு அந்த சம்பவத்தை வைத்து ஒரு FIR போல Accident register Entry எழுத வேண்டும். ஆனால் அவருக்கு காயங்களே கண்ணுக்கு தெரியவில்லை. சிகிச்சை வேண்டாம் AR ரிப்போர்ட் மட்டும் வேண்டும் என்றார்.

பார்ப்பனர்களால் போற்றப்படும் ஜெயாவும் மிரட்டப்படும் சசிகலா, நடராஜன், பன்னீர் வகையறாக்களும் அதே குட்டையில் ஊறிய ஊழல் மட்டைகள்தான்

 பவ்யமா நடந்து, அளவோடு சிரித்து, மௌனமாய் இருக்கும் பன்னீர்செல்வம் என் அபிப்பிராய படி தற்போது மத்திய அரசு கையில். அரசியலில் எதுவும் சாத்தியம் என்கிற விதியோடு, அவரை underestimate செய்கிறோமா என தோன்றியது.
காரணம், சதா பிரமணியத்தை திட்டி நமக்கே சலித்து விட்டது, எல்லாத்துக்கும் அதுவா காரணம் என்று நினைக்கும் போது, நம் திகட்டலுக்கு கொஞ்சமும் அசராமல், ஈவு இரக்கமில்லாமல் சந்தேகப்பட வைக்க கூடிய அரசியல் தான் இந்தியாவின் பிராமண அரசியல்.
துக்ளக் விழாவில், சசிகலாவிடம் அதிமுகவை விட முடியாது என குருமூர்த்தி சூளுரைத்ததில் இருந்து லீட் எடுத்து நேற்று நடந்தவை வரை பார்த்தால், ஓரளவு தெளிவான பார்வை கிடைக்கிறது.

பிராமண அரசியலின் பலம், பலவீனம், இரண்டுமே சொல்லி வைத்தார் போல ஒரே போல இயங்குவது, ஜெயா உயிரோடு இருந்தவரை பாத நக்கிகளாக இருந்தவர்கள், இறந்ததும் அதுவரை பேசாத ஊழல் குறித்து பேசியதும், நேற்று கலவரத்தில் சிலவற்றை திட்டமிட்டு மறைத்து, மேலோட்டமாக anti social element பேசிக்கொண்டிருந்தார்கள்.
இவர்களில் இருந்தே நாம் நடப்பது என்னவென்பதை புரிந்துகொள்ள முடியும். சசிகலா நடராசன் கையில் அதிகாரம் போனதுக்கு, அதிமுகவில், பாஜக தேர்ந்த எடுத்த ஆள் பன்னீர், அவருக்கு என்ன டீலிங் சொல்லி கையுக்குள் போட்டு இருக்கிறார்கள் என்பது காலம் சொல்ல வேண்டிய பதில்.

உண்மையை மறைக்கும் ஊடகங்கள் ... போலீசே போலிஸ் நிலையத்தை பாதுகாத்தது...

அவனுங்க போடாட்டி என்ன நாம போடுவோம் அட்மின்னு நம்ம follower ஒருத்தரு இத அனுப்புறாரு.... பெருமையா இருக்குய்யா உங்கள நினைச்சா
போராட்ட நாட்களின் போது மாணவர்கள் கூடவே நீங்களும் சாப்டாம நிக்க கூடாதுன்னு உங்களுக்கும் சேர்த்துதான் சாப்பாடு போட்டான் மாணவன்....சாப்பாடு இருக்கான்னு கேட்டு இருந்தா மொத்தத்தையும் கொடுத்து இருப்பான்...ஆனா அவன விரட்டி விட்டுட்டு சாப்பாட்ட திருடி திங்கிறது எப்டி இருக்கு தெரியுமா.... பந்தி முடிஞ்சி வீசும் எச்சில் இலைகளுக்கு அடிச்சிக்குமே... அது மாதிரி இருக்கு முகநூல் பதிவு

குட்கா மாமுல்? லஞ்சத்தில் முந்தைய சாதனைகளையும் முறியடித்தவர் .. flashback

savukkuonline.com: சென்னை மாநகர காவல்துறையின் வரலாற்றிலேயே லஞ்சம் வாங்கிக் குவித்து, இதற்கு முன்னால் இருந்த அனைத்து காவல்துறை ஆணையர்களின் வசூல் சாதனைகளையும் பின்னுக்குத் தள்ளி, ஜெயலலிதாவுக்கும் வசூலில் ஒரு பங்கை கொடுத்து, ஆட்சியாளர்களுக்கு தவறாமல் சாமரம் வீசி கொடிகட்டிப் பறந்தவர் ஜோர்ஜு சேட்டா என்பது காவல்துறையில் உள்ள அனைவருக்கும் தெரிந்த விஷயம்.ஜோர்ஜு சேட்டாவுக்கு மாமூல் வாங்கித் தரும் அல்லக்கை ஆய்வாளர்கள் மற்றும் உதவி ஆணையர்களின் கவனத்துக்கு. தனக்கு ஒரு ஆபத்து என்றால், தனக்கு மாமூல் வாங்கிக் கொடுத்த அதிகாரிகள் மீதே விசாரணைக்கு உத்தரவிடும் அளவுக்கு கழுத்தறுப்பவர் ஜோர்ஜு சேட்டா என்பதை மறந்து விடாதீர்கள். ஜார்ஜின் அக்கிரமங்களுக்கு துணை போனால் நாளை உங்களுக்கும் இதே கதிதான். உன்மத்தர்களும், ஊழல் பெருச்சாளிகளும், ஊரை அடித்து உலையில் போடுபவர்களும் உத்தமர்களாக காட்சியளிக்கும் காலம் இது.   ஒரு கொள்ளைக்காரி அரியணை ஏறும் காலம் இது.   ஒரு கொள்ளைக் கூட்டம் அதிகாரத்தை கைப்பற்றுவதை நல்லவர்களும், நியாயமானவர்களும் கையறு நிலையில் வேடிக்கை பார்க்கும் காலம் இது.
ஊழல் பெருச்சாளியான ஒரு அரசு தலைமைச் செயலர், வருமான வரிச் சோதனை நடந்த பிறகு, பேட்டியளிக்கையில், ஜெயலலிதா இருந்தால் என்னுடைய அறையில் வருமான வரி சோதனை நடந்திருக்குமா என்று வெளிப்படையாக பேட்டியளித்து விட்டு, பணி இடைநீக்கம் கூட செய்யப்படாமல் ஆனந்தமாக சுற்றும் காலகட்டம் இது.    “பேய்கள் அரசாண்டால் சாத்திரங்கள் பிணந்திண்ணும்” என்று சொன்னான் பாரதியார்.   சாத்திரங்கள் பிணங்களை தின்று கொண்டிருக்கும் காலகட்டம் இது.

கமிஷனர் ஜோர்ஜ் ஆணையின்படி போலீஸ் பகல் முழுதும் ஆடிய கோரத்தாண்டவம்.. சமுகவலையில் ...

சிவசங்கர் எஸ்.எஸ்:   டியர் மிஸ்டர் கமிஷ்னர் ஜார்ஜ்,
காவல்துறை தோழர்களின் நட்பு, பாசத்தை ஆறு நாட்களாக பார்த்து சொக்கி போயிருந்த மாணவர்கள் மற்றும் தமிழ்மக்களை இன்று ஒரே நாளில் எதிரி ஆக்கி விட்டீர்கள். இந்தக் கசப்பு லேசில் மறையாது.
ஒரு சின்ன கூட்டம் நடத்தனும்னா கூட மைக்செட் லைசென்ஸ்ல ஆரம்பிச்சி ஏகப்பட்ட ஃபார்மாலிட்டியோட, விண்ணப்பிச்சாலே அனுமதி தர உங்க துறை அவ்வளவு இழுத்தடிப்பீங்க.

ஆனா இந்த முறை மாணவர்கள் மற்றும் இளைஞர்கள் போராட்டம் மெரீனாவில் துவங்கிய போது இதை விண்ணப்பிக்க நேரம் இல்லை. காரணம், அலங்காநல்லூரில் நடந்த போலீஸ் நடவடிக்கையால் கோபப்பட்ட இளைஞர்கள் தானாக மெரீனாவில் கூடினார்கள். யாரும் தலைமை ஏற்கவில்லை. யாரும் கூட்டி வரவில்லை. போராட்டக் களம் சூடானது.
பிறகு மைக் கட்டி பேச ஆரம்பித்தார்கள். அப்போது உங்கள் துறை, மைக் லைசென்ஸ் கேட்கவில்லை, பர்மிஷன் வாங்கவில்லை என்று சொல்லவில்லை. பொறுமையாக இருந்தீர்கள். காரணம், அரசு உங்களை அமைதி காக்க சொன்னது. அவர்கள் சொன்னாலும் நீங்கள் சட்டப்படி நடந்துக் கொண்டிருக்க வேண்டுமல்லவா?

ஜல்லிகட்டு போராட்டம் உடைத்தெறிந்த கர்நாடக கம்பளா தடை ! Jallikattu Effect Lifting Ban on Buffalo Race Kambala in Karnataka

மங்களூர்: கர்நாடக மாநிலத்தின் பாரம்பரிய விளையாட்டான கம்பாளா போட்டிகளுக்கு தடையை நீக்க வலியுறுத்து வரும் 28-ம் தேதி மாபெரும் போராட்டம் நடத்த திட்டமிட்டுள்ளனர். தமிழகத்தில் பொங்கல் பண்டிகையின் போது ரேக்ளா பந்தையங்கள், ஜல்லிக்கட்டு என கோலாகலமாக கொண்டாட்டங்கள் நடைபெறும். இதற்காகவே காளைகள் சொந்த பிள்ளைகள் போல வளர்க்கப்படும். உச்சநீதிமன்ற தடையால் கடந்த 2 ஆண்டுகள் இந்த போட்டிகள் நடைபெறவில்லை. Karnataka today decided to hold the traditional sport in Mangaluru on January 28 தமிழர்களின் அறவழிப் போராட்டம் உலகம் முழுவதும் பரவியது. அதுமட்டுமல்லாமல் அமெரிக்கா, ஜெர்மனி, குவைத், சவுதி, சிங்கப்பூர் என பல நாடுகளில் வாழும் தமிழர்களும் ஜல்லிக்கட்டு என்ற ஒன்றை வார்த்தைக்காக குரல் கொடுத்தனர்.

மெரீனாவில் தொடர் போராட்டம் நடக்கிறது ! ஓ.பி.எஸ். வாக்குறுதி அளித்தால் மட்டுமே கைவிடப்படும்.. இளைஞர்கள் பேட்டி

ஜல்லிக்கட்டுக்காக பிறப்பிக்கப்பட்டுள்ள சட்டத்தை 9வது பிரிவில் சேர்க்க முதல் அமைச்சர் உறுதி அளித்தால் போராட்டம் கைவிடப்படும் என்று சென்னை மெரினாவில் போராட்டத்தை தொடரும் இளைஞர்கள் தெரிவித்துள்ளனர். தடியடி நடத்திய காவல்துறையினர் வருத்தம் தெரிவிக்க வேண்டும் என்றும் வலியுறுத்தியுள்ளனர். ;திங்கள் கிழமை இரவு சென்னை மெரீனாவில் போராட்டத்தில் ஈடுபட்டவர்கள் சார்பில் செய்தியாளர்களை சந்தித்த வழக்கறிஞர் ஜான் கார்த்திக்,;சில ஊடகங்களில் போராட்டத்தில் ஈடுபட்டவர்கள் கலைந்தனர் என்று செய்திகள் வருகிறது.  நாங்கள் மீனவ மக்களின் உறுதுணையோடு மிகவும் கட்டுக்கோப்பாக இருக்கிறோம்.;எங்கள் போராட்டத்திற்கு ஆதரவு தெரிவித்த அனைவருக்கும் நன்றி. போராட்டக் குழு சார்பாக தமிழக அரசுக்கும், காவல்துறைக்கும் சில கோரிக்கைகளை வைக்கிறோம். ஒட்டுமொத்த போராட்டக் குழு சார்பாக அரசுக்கு 3 கோரிக்கைகள் வைக்கிறோம்.

ஊரை கொழுத்திய போலீஸ் அந்த பழியையும் போராட்டகாரர்கள் மீது சுமத்திய கொடுமை ... கூடவே கோரஸ் பாடிய தந்தி டிவி

சென்னை மெரினாவில் உள்ள போராட்டக்காரர்களை கலைப்பதற்கு காவல்துறை எடுத்திருக்கும் ஆயுதம் தடியடி மற்றும் பலப்பிரயோகம். அதோடு, பொதுமக்களின் வாகனங்களையும், வீடுகளையும் கொளுத்தி வருகின்றது. இதை, அப்படியே பொதுமக்களின் மீதும், போராட்டக்காரர்களின் மீதும் போட்டுவிடலாம் என்று நினைக்கின்றனர். அதேப்போன்று, போராட்டத்தில் ஈடுபட்டுள்ளவர்களை தடியடி மூலம் கடுமையாக அச்சுறுத்தி வருகின்றனர். இதனால், சென்னையில் உள்ள மக்கள் மிகவும் அச்சத்தில் இருப்பதாக கூறப்படுகின்றது. இந்தியாவில் உள்ள காவல்துறையில் நம்பர் ஒன் என்று பெயர் எடுத்த காவல்துறை, தற்பொழுது வாகனங்களை கொளுத்துவதில் தான் நம்பர் என்று பெயரை பெற்றுவிடும்போல் இருக்கின்றது. காவல்துறையினர் நேரடியாகவே நின்று களத்தில் பொருட்களையும் வாகனங்களையும் கொளுத்தும் வீடியோ காட்சி சமூக வலைதளங்களில் வைரலாக பரவி வருகின்றது.

தமிழ்நாட்டு மக்கள் என்ன தீவிரவாதிகளா? போலீஸ்காரர்கள் என்ன விடுதலை வீரர்களா? என்ன நடக்கிறது?

Muthu Krishnan 11 hrs · Madurai, India · போராட்டத்தை தொடங்கியது மாணவர்கள், போராட்டத்திற்கு வந்த அவர்கள் அப்பா-அம்மாக்கள் ISIS தீவிரவாதிகள், போராட்டத்திற்கு ஆதரவு தெரிவித்த சகோதர-சகோதரிகள் நக்சலைட்டுகள், மெரினாவில் ஆதரவு தெரிவித்த மீனவர்கள் கடல் கொள்ளையர்கள், உணவளித்த சமையல்காரர்கள் நக்சலைட்டுகள், தண்ணீர் பாக்கெட் கொடுத்தவர்கள் மாவோயிஸ்டுகள். தினசரி லட்சக்கணக்கில் வந்தவர்களில் ஒருவர் கூட இந்தியர் இல்லை அனைவரும் வெளிநாட்டு தீவிரவாதளே. உரிமைக்காக போராடுபவர்களுக்கு இத்தனை பெயர்கள் உலகில் வேறு எங்கும் இல்லை.

மாணவர்களை அடித்த போலீஸ் தங்களை மாணவர்கள் அடித்து விட்டதாக போட்ட நாடகம் அம்பலம்

Kalvi Kuyil ar ·

போராட்டத்தை வன்முறை எதுவும்
நிகழாமல் அமைதியான முறையில் நடத்தி முடித்த காவல் துறைக்கு நன்றி...... 50காவலர்களை போராட்ட மாணவர்கள் அடிச்சிட்டாங்கன்னு கணக்கு சொன்னவங்களுக்கும்...... தீக்குளிக்காம தப்பிச்ச அம்பி விஷாலுக்கும் இந்த படங்கள் சமர்ப்பணம்...... அடேய் காவலர்கள் அடிச்சி நொருக்கின மாணவர்கள் கணக்கு எத்தனைன்னு இன்னும் ஏன்டா சொல்லல????..... உங்க நீதியில தீய வைக்க..... முகநூல் வெளியீடுகள்

போர்க்களமானது சென்னை ... வாட்சைப் , முகநூல்களின் வரும் செய்திகள் படங்கள்

Sudhakar Chandra 26 mins · இந்த வாட்ஸப், முகநூல்... இளைஞர்களை ஒன்று சேர்க்க உதவியது..... தற்பொழுது போலிஸின் அராஜகத்தையும் தோல் உரித்துக்காட்டுகிறது... போராடிய ஒவ்வொருவரின் கையிலும் ஒரு செல் போன்... உங்கள் லட்சணத்தை உலகத்திற்கு காட்டும்... Biased media எதுவும் தேவையில்லை...

கவிஞர் அறிவுமதி: நான் மருத்துவமனையில் சேர்கிறேன் என்று இணையத்தில் செய்தி வெளியிட்டுவிட்டு ராகவா லாரன்ஸ் வெளியேறுகிறார்.. முதல்வருக்கு நன்றி என்று கடிதம் கொடுத்துவிட்டு ஆர்.ஜே.பாலாஜி வெளியேறுகிறார்.. கொடிய மிதிக்கறாங்க, கோக்கைத் திட்டறாங்க என்று திகிலடைந்து ஆதி வெளியேறுகிறார் எல்லாம் நல்லபடியா முடிஞ்சுது.. மூணு மாசம் தள்ளி வைப்போம் என்று அந்தப் பெரிய மனிதர்களும் வெளியேறுகிறார்கள்.. எல்லாம் நேற்று மாலை ஓரிரு மணி நேரத்தில் நடக்கிறது.. உள்ளே இருந்த தன் பிள்ளைகளை வெளியேற்றிய அரசு இன்று நம் பிள்ளைகளை அடிக்கிறது.. இவர்கள் சொல்கிறார்கள் 'மாணவர்களுக்குள் அந்நியர்கள் ஊடுருவிவிட்டார்கள்..அதனால் வெளியேறினோம்...' ஆறு நாட்கள் மாணவர்களின் போராட்டக்களத்தில் உள்ளே இருந்த இந்த சமரச சன்மார்க்கவாதிகள் எந்தக்கல்லூரிகளில் படிக்கிறார்கள்...

சென்னை சம்பவங்களுக்கு நீதிவிசாரணை தேவை .ஸ்டாலின் ஆளுநரிடம் கோரிக்கை

: சென்னையில் இன்று காலை முதல் நடந்த அசம்பாவித சம்பவங்கள் குறித்து பணியில் உள்ள உயர்நீதிமன்ற நீதிபதி தலைமையில் விசாரணை நடத்த வேண்டும் என எதிர்க் கட்சி தலைவர் ஸ்டாலின் கோரிக்கை விடுத்துள்ளார்.; தமிழக பொறுப்பு ஆளுநர் வித்யாசாகர் ராவை இன்று மாலை எதிர்க்கட்சி தலைவர் மு.க.ஸ்டாலின் சந்தித்து பேசினார். ஆளுநர் மாளிகையில் நடைபெற்ற இந்த சந்திப்பின் போது கோரிக்கை மனு ஒன்றை ஸ்டாலின் அளித்தார்.; பின்னர் செய்தியாளர்களை சந்தித்த ஸ்டாலின், தமிழகத்தில் சட்டம் ஒழுங்கை பாதுகாக்க நடவடிக்கை எடுக்க வேண்டும் என ஆளுநரிடம் வலியுறுத்தினேன். மேலும், சென்னையில் இன்று காலை முதல் நடந்த அசம்பாவித சம்பவங்கள் குறித்து நீதி விசாரணை தேவை என ஆளுநரிடம் கேட்டுக்கொண்டேன். மேலும் பணியில் உள்ள உயர்நீதிமன்ற நீதிபதி தலைமையில் விசாரணை கமிஷன் அமைத்து விசாரணை நடத்த வேண்டும் என கோரினோம் என்றார் tamiloneindia

பஞ்சு டயலாக்’ பிராணிகளே எம் மீனவ மக்களிடம் கற்றுக் கொள்ளுங்கள்

மதிமாறன் : மனசாட்சி இல்லாமல் மாணவர்களைக் கொச்சைப்படுத்தி ‘இது அரசு ஆதரவுடன் நடக்கும் போராட்டம்’ என்று தொடர்ந்து அவதூறு செய்தவர்களை அம்பலப்படுத்திய தடியடி இது. * ‘போராட்டம் முடிவுக்கு வந்தது’ என்ற பாணியிலும் கொடூரமாக தடியடி நடத்திய போலிசை ‘காவல் துறை வேண்டுகோள்’ என்று மென்மையாக சித்திரிததும் எல்லாத் தொலைக்காட்சிகளும் செய்தி வெளியிட்டுக் கொண்டிருக்கும்போது, NEWS 7 TAMIL மட்டும், அந்த அவதூறுகளை மறுத்து மாணவர்களைப் போல் தொடர்ந்து களத்தில் போராடிக் கொண்டிருக்கிது. நன்றி NEWS 7 TAMIL . * பன்ஞ் டயலாக்’ சவடால்களே எம் மீனவ மக்களிடம் கற்றுக் கொள்ளுங்கள் * ஜல்லிக்கட்டை ஆதரிக்கிற கட்சிகள், இயக்கங்கள், அமைப்புகள் மாணவர் மீது நடத்தப்பட்ட இந்தத் தாக்குதலை கண்டித்து, சாலை மறியல், ஆர்பாட்டம் என்று உடனடியாக இன்று காலையே வீதியில் இறங்கினால், இந்தப் போராட்டம் அடுத்தக் கட்டத்தைத் தாண்டி செல்லும். மாறாக, ‘தங்களை மாணவர்கள் அனுமதிக்கவில்லை’ என்று காழ்ப்புணர்ச்சியோடு அமைதிகாப்பார்களேயானால் அம்பலமாகப்போவது இவர்களே. அரசியல்வாதிகளே கற்றக் கொள்ளுங்கள் அரசியலை, எம் மீனவ மக்களிடம்.

அமைதியான போராட்டத்தை RSS துணையுடன் வன்முறை போராட்டமாக்கிய அதிமுக பாஜக போலீஸ்!

Damodaran Chennai 4 hrs · ""இன்று காலைவரை மிகவும் அமைதியாகவும் கட்டுப்பாட்டுடன் நடந்துகொண்ட மாணவர்களுக்கும்... தற்சமய நடந்துள்ள தீ வைத்தல் போன்ற வன் முறைச்செயல்களுக்கும் எந்த தொடர்பும் இல்லை எங்கள் மீது பழி போட்டு எங்கள் போராட்டத்தை இழிவுபடுத்துவதாக காவல்துறையினரே இப்படி செயகிறார்கள் என்று எனக்கு நம்பத்தகுந்த தகவல்கள் வருகின்றன "" ## இயக்குனர் கவுதமன். ஆர் எஸ் எஸ் காரன் தன் வீட்டில் தானே பெட்ரோல் குண்டு போட்டுக் கொண்டு..... இஸ்லாமியர்கள் மீது பழி போட்ட வரலாறு இங்கே உண்டு என்ற பின்னணியில் பார்த்தால்... கவுதமனின் கூற்று யோசிக்கத்தக்கதே ...

Venkat Ramanujam 1 hr · 164 ) காலையில் தடிஅடியை அதுவும் பெண்கள் மீது கர்ப்பிணி பெண் மீது பார்த்தவுடன் மனது வலி .. நேரில் சென்றும் காவலர்கள் தடுத்து நிறுத்தியதும் ., என்ன செய்வதே என்றே தெரியவில்லை .. மதுரை சேலம் ஈரோடு அலங்காநல்லுர் மெரினா நண்பர்கள் மற்றும் செய்தி துறை நணபர்கள் கொடுத்த செய்தியை , secondary source verify செய்து பதிந்து வந்தேன் .. எண்ணி பார்த்து ஒரு நண்பர் சொன்னார் 156 பதிவுகள் செய்து இருக்கிறேன் என்று .. போலீஸ் தானே நெருப்பை வைத்து கொண்டு கலவரத்தை தூண்டிய வரலாறு .. தமிழகம் இது வரை காணாத அசாதாரண சூழ்நிலை .. கிடைத்த தகவல் பதிந்து கொண்டே வந்தேன் .. மாணவர்கள் தண்ணீர் சாப்பாட்டை புடிங்கி சென்றது போலீஸ் அவர்களுக்கு அரணாக நின்று சாப்பிடும் போட்ட மீனவ குப்பம் பெண்களும் ஆண்களும் மனதில் உயர்ந்து நிற்கிறார்கள் .. உயர் நீதி மன்றம் அறவழி போராட்டத்தை தடுக்க கூடாது என்று உத்தரவு வந்ததும் நிம்மதி பெற்று இதோ இந்த 164th பதிவோடு முடித்து கொள்கிறேன் .. சுமார் 10 மணி நேரத்தில் 164 பதிவு .. (average 3mts / post )  முகநூல் பதிவுகள்

ஜல்லிகட்டு போராட்டம் முழுமையாக வெற்றி அடையும் முன்பே வன்முறை கட்டவிழ்த்து விட்ட பாஜக அதிமுக கூட்டணி !

இத்தனை நாட்களாக அமைதியாக நடந்து வந்த போராட்டம் இன்று வன்முறை போராட்டமாக சித்தரிக்கப்படுகிறது. மாணவர்கள் யாரும் வன்முறையில் ஈடுபடவில்லை. ஒரு வேளை காவல்துறை நியமித்த ஆட்கள் கலவரத்தை ஏற்படுத்தி இருக்கலாம் என நம்பப்படுகிறது. அமைதியான போராட்டத்தை உடனடியாக கலைக்க வேண்டிய அவசியம் காவல்துறைக்கு ஏன் வந்தது. எல்லாமே திட்டமிட்டபடி நடைபெற்று வருகிறது. போராட்டக்காரர்களால் பெரிதும் மதிக்கப்பட்ட ஆதி திடீரென நேற்று ஒரு பத்திரிக்கையாளர் சந்திப்பை கூட்டி விலகுவதாக அறிவிக்கிறார். அவருக்கு விவேக் ஆதரவு தெரிவிக்கிறார். அவர் சொன்னதையே ஆர்.ஜே.பாலாஜியும், ராகவா லாரன்ஸ்சும் அப்படியே ஒப்பிக்கின்றனர். காவல்துறை குண்டுகட்டாக அமைதியாக போராடியவர்களை தூக்கிச் செல்கிறது. போராட்டம் உச்சத்தில் இருந்தபோது ஆதரவு தெரிவித்த, பிரபலங்கள் பலரும் இல்லை. கூட்டத்தை பார்த்து சேர்ந்த கூட்டம் கலைந்தது. உண்மையாக போராடியவர்கள் மட்டுமே களத்தில் உள்ளனர். சிலர் பாதி மனதுடனேயே கலைந்து செல்கின்றனர். போராட்டத்தை உண்மையாக ஆதரித்த பல ஊடகவியலாளர்களை கடந்த 2 நாட்களாக பார்க்க முடியவில்லை. ஆக போராட்டம் வெற்றியடைந்துவிட்டது முழுமைபெறாமல் ஒடுக்கப்பட்டு விட்டது என்பது தான் உண்மை. ஜல்லிகட்டு நிரந்தர சட்டம், பீட்டா மீதான தடை என எதுவும் நடக்கவில்லை. போராட்டக்காரர்களால் கதாநாயகர்களாக பார்க்கப்பட்டவர்கள் தங்களை ஏமாற்றிவிட்டதாகவே மாணவர்களின் மனநிலை உள்ளது. இதற்கு அரசியல்வாதிகளே பரவாயில்லை என்கின்றனர் மாணவர்கள். – ஒரு லைவ் டே செய்தியாளர்

ஐஸ்ஹவுஸ் காவல் நிலையம் தீ வைப்பு!

சென்னை மெரினா கடற்கரையில் ஜல்லிக்கட்டுக்கு நிரந்தரச் சட்டம் நிறைவேற்றக்கோரி இளைஞர்கள் போராடி வருகின்றனர். ஏழு நாட்களாக போராட்டம் நீடித்துவரும் நிலையில், இன்று காலையில் காவல் துறையினர் போராட்டக்காரர்களை அப்புறப்படுத்தத் தொடங்கினர். போராட்டக்காரர்கள் தங்களது போராட்டத்தைக் கைவிடாமல் தொடர்ந்து போராட்டம் செய்துவருவதால், காவல் துறையினர் அவர்களை வலுக்கட்டாயமாக அப்புறப்படுத்தி வருகின்றனர். இதனால் ஒரு தரப்பினர் வன்முறையில் ஈடுபட்டிருப்பதாகத் தெரிகிறது.

மெரினா ரவுண்டு-அப்: கடற்கரைப் போராட்டம் நடந்ததது எப்படி?

படம்: தமிழ் தி இந்து
தமிழ்நாடு முழுவதிலும் ஜல்லிக்கட்டு சட்டம் நிரந்தரமாக்கப்பட வேண்டும் என்ற குறிக்கோளுடன் போராடிக்கொண்டிருக்கும் மாணவர்களை, காவல்துறை போராட்டக் களத்திலிருந்து அப்புறப்படுத்த முயன்றுகொண்டிருக்கிறது. அறப் போராட்டம் செய்துவந்த மாணவர்கள் காவல்துறையின் முயற்சிகளுக்கு எதிராக நடத்திய எந்தப் போராட்டங்களும் பயனளிக்கவில்லை. நான்கு போலீஸ்காரர்களாகச் சேர்ந்து மாணவர்களைப் பிடித்து போராட்டக் களங்களைவிட்டு அப்புறப்படுத்தியபோது தேசிய கீதம் பாடினார்கள். ஆனால், தேசிய கீதம் பாடியபடியே காவல்துறையினர் அவர்களை போராட்டக்களத்திலிருந்து தூக்கிச் சென்றனர். இந்திய தேசியக் கொடியை மேலே போர்த்திக்கொண்டு படுத்திருந்தவர்களுக்கும் இதே கதிதான். வாட்ஸ்-அப், ஃபேஸ்புக் போன்ற சமூக வலைதளங்களில் பரவிய வதந்திகளால்தான் மாணவர்கள் இத்தகைய முயற்சிகளை மேற்கொண்டனர்.
போராட்டக்களத்திலிருந்து சென்ற மாணவர்கள் சாலைகளில் ஓரத்தில் நின்று கோஷங்கள் எழுப்பிக்கொண்டிருக்க, போராட்டத்தில் ஈடுபட்டிருந்த சிலர் கடற்கரையை நோக்கி ஓடிச்சென்று அலை கடல் சேரும் இடத்தில் நின்றுகொண்டனர்.

மெரினாவின் அதிகாலை முகம் ! RSS-காரர்கள் கூட்டத்திற்குள் புகுந்து அடாவடி!

ஜல்லிக்கட்டுக்கு எதிரான அறவழிப் போராட்டம் இன்று எப்படி வன்முறையாய் மாறியது? என தெரிந்து கொள்ளப் போராடும் மாணவர்களிடம் விசாரித்தோம். நம்மோடு பேசிய முகில் வெண்மணி என்ற மாணவரது கருத்துக்களை கீழே கொடுத்துள்ளோம்.ஆதியின் வீடியோவை பார்த்ததும் மெரினாவை நோக்கி என் நண்பர்களுடன் நேற்றிரவு 7 மணிக்கு புறப்பட்டேன். காலை 8 மணி வரை அங்குதான் இருந்தேன். ஆதி, சேனாபதி பேச்சைக் கேட்டு மக்கள் கூட்டம் குறைவதை பார்க்க முடிந்தது. எனினும் பலர் அங்கு போராட்டத்தில் தொடர்ந்து ஈடுபட்டு வந்தனர். ஒரு 3 அல்லது 4 மணி வாக்கில் சில RSS-காரர்கள் தேசியக் கொடியை ஏந்தி வந்து இந்தியாவை எதிர்க்காதே மோடியை வசை பாடாதே என கோஷமிட்டனர்.

தமிழகம் எங்கும் கல்வீச்சு போலீஸ் மக்கள் மோதல் பல இடங்களில் கலவரம்

ஜல்லிக்கட்டு போராட்டத்தை முடிவுக்கு கொண்டுவரும் வகையில், மாநிலம் முழுவதும் போராட்டம் நடைபெறுமிடங்களில் போலீசார் குவிக்கப்பட்டு தடியடி சம்பவம், கல்வீச்சு நடைபெற்றதால் தமிழகமே போராட்டக்களமாக மாறியுள்ளது.
ஜல்லிக்கட்டுக்கு விதிக்கப்பட்ட தடையை நீக்கக் கோரியும், பீட்டா அமைப்பை தடை செய்ய வலியுறுத்தியும் மாணவர்கள் அறவழியில் போராட்டம் நடத்திவந்த நிலையில், ஜல்லிக்கட்டு நடத்துவதற்கு தமிழக கவர்னர் அவசரச் சட்டம் பிறப்பித்தார். அதன்படி, ஜல்லிக்கட்டு நடத்துவதற்கு முதலமைச்சர் ஓ.பன்னீர்செல்வம் தலைமையில் ஏற்பாடு செய்யப்பட்டது. இதற்கும் மாணவர்கள் எதிர்ப்புத் தெரிவித்தனர்.
அதையடுத்து, ஜல்லிக்கட்டு போராட்டத்தை முடிவுக்கு கொண்டுவரும் வகையில், மாநிலம் முழுவதும் போராட்டம் நடைபெறுமிடங்களில் போலீசார் குவிக்கப்பட்டு போராட்டக்காரர்களை தடியடி நடத்தி கலைத்து வருகின்றனர். இதனால், தமிழகம் முழுவதும் கல்வீச்சு, போலீஸ் தடியடி போன்ற சம்பவங்கள் நடைபெற்று வருவதால் ஒட்டுமொத்த தமிழகமே அதிர்ச்சியடைந்துள்ளது.
சென்னை நடுக்குப்பம்
சென்னை நடுக்குப்பத்தில் மாணவர்களுக்கு உதவிய மீனவர்கள் பகுதியில் போலீசார் நடத்திய தடியடியில் ஒரு பெண்ணின் 5 மாத கரு கலைந்துவிட்டதாக தகவல் வெளியாகியுள்ளது. மேலும் அப்பகுதியில் போராட்டத்தில் ஈடுபட்டு வந்த இளைஞர்கள் மற்றும் பொதுமக்கள் மீது காவல் துறையினர் கடுமையான தடியடி நடத்தினர்.
அலங்காநல்லூர்

ஜல்லிகட்டு போராட்டம் வாபஸ் ... மேலும் இரண்டு மூன்று மாதங்கள் பொறுத்திருந்து அடுத்த அறிவிப்பு

நீதியரசர் ஹரி பரந்தாமன் ஜல்லிக்கட்டு சட்டம் பற்றி விளக்கிக் கூறியதை அடுத்து மாணவர்கள் மெரினா போராட்டத்தை வாபஸ் பெற்றனர். இது தொடர்பாக இயக்குநர் கவுதமன் இன்று தலைமைச் செயலகத்தில் செய்தியாளர்களிடம் கூறியதாவது:

''ஜல்லிக்கட்டுக்கு நிரந்தர தீர்வு காண வலியுறுத்தி மாணவர்கள் நடத்திய போராட்டம் முழுவெற்றி பெற்றுள்ளது. ஜல்லிக்கட்டு சட்டத்தை முழு மகிழ்வோடு ஏற்கிறோம். ஜல்லிக்கட்டு சட்டம் நிறைவேற்றப்பட்டதை அடுத்து போராட்டத்தை உடனடியாக கைவிடுகிறோம்'' என்றார்.

இதைத் தொடர்ந்து சென்னை மெரினா கடற்கரையில் இருந்து இளைஞர்கள் மற்றும் மாணவர்கள் கலைந்து சென்றனர்.

முன்னதாக, தமிழகம் முழுவதும் கடந்த ஒரு வாரமாக ஜல்லிக்கட்டு கோரியும், பீட்டா அமைப்புக்குத் தடை கோரியும் அறவழியில் போராட்டத்தில் ஈடுபட்டு வந்தனர். இந்நிலையில் கடந்த சனிக்கிழமையன்று தமிழக அரசு கொண்டு வந்த அவசர சட்டத்துக்கு ஆளுநர் வித்யாசாகர் ராவ் ஒப்புதல் வழங்கினார். இதனால், ஜல்லிக்கட்டு மீதான தடை உடனடியாக நீக்கப்பட்டதாக அறிவிக்கப்பட்டது.

போராட்ட களத்தில் தீ வைத்த போலீஸ் .. கல்வீச்சு கண்ணீர் புகைகுண்டு வாகனங்கள் எரிப்பு ...

ஜல்லிக்கட்டுக்கான போராட்டத்தில் வன்முறை வெடித்தது. மெரினாவில் உள்ளவர்களை கலைந்து போகச்சொல்லி போலீசார் பேச்சுவார்த்தை நடத்திக்கொண்டுருந்தபோது அவர்கள் போராட்டத்தை கைவிட மறுத்ததால் இரு தரப்பிலும் வாக்குவாதம் முற்றியது. கைகலப்பும் ஆனது. கல்வீச்சு, செருப்பு வீச்சு, கண்ணீர் புகை குண்டுகள் வீச்சு, வாகனங்கள் எரிப்பு, காவல்நிலையம் தாக்குதல் என சென்னை மாநகரம் முழுவதும் போர்க்களம் ஆனது. போராட்டக்காரர்களுக்கு ஆதரவாக பொதுமக்களும், மாணவர்களும் ஆங்காங்கே சாலை மறியலில் ஈடுபட்டதால் போக்குவரத்து முடங்கியது. அடையாறு பகுதியில் இருந்து திருப்போரூர் வரை பழைய மகாபலிபுரம் சாலையில் 6 மணி நேரத்திற்கும் மேலாக போக்குவரத்து முடங்கியுள்ளது. இந்நிலையில் சென்னையில் பல பகுதிகளில் பேருந்து போக்குவரத்து நிறுத்தப்பட்டது. இதனால் பள்ளிக்கு சென்ற குழந்தைகள், கல்லூரிக்கு சென்ற மாணவ, மாணவிகள் வீடு திரும்புவது எப்படி என்ற நிலையில் இருக்கின்றனர். கலவரம் நடைபெற்ற பகுதிகளில் வீடு வீடாகச்சென்று சந்தேகப்படும் நபர்களை கைது செய்து கொண்டு போகிறார்கள் போலீசார். இதனால் மேலும் பதற்றம் நீடிக்கிறது.நக்கீரன்

மக்களே மெரீனாவுக்கு வாருங்கள் ! வேடிக்கை பார்க்கும் தமிழகமே வீதிக்கு விரைந்து வா!

மெரினா கரையில் போராடிக் கொண்டிருந்த மாணவர்களை தமிழக போலீசார் வலுக்கட்டாயமாக கலைத்திருக்கின்றனர். இருப்பினும் போலீசாரின் ஒடுக்குமுறையை மீறி மாணவர்கள் கடலுக்குள் சென்று போராடிக் கொண்டிருக்கிறார்கள். மெரினா ராஜிவ் காந்தி சாலையில் 1000 போலீசார் குவிக்கப்பட்டு அந்த பகுதி முற்றிலும் துண்டிக்கப்பட்டிருக்கிறது. இருப்பினும் இந்நிலையை மீறி பட்டினப்பாக்கம் கடல் வழியாக மாணவகளை காக்க மக்கள் நூற்றுக்கணக்கில் சென்று கொண்டிருக்கின்றனர். எனவே இச்செய்தியை பார்க்கும் சென்னை மக்கள் எவ்வளவு நபர்களை திரட்ட முடியுமோ திரட்டிக்கொண்டு மெரினாவுக்கு விரைந்து வாருங்கள்.

;தமிழகத்தின் இதர பகுதிகளிலும் இதே போன்று வன்முறையாக கலைப்பாதாக செய்திகள் வருகின்றன. கோவை, மதுரையிலும் போலிசார் இதே போன்று வன்முறையை அரங்கேற்றி மாணவர்களை கலைத்தனர்.