tamil.samayam.com - வித்ரன் தேவேந்திரன் : அதிமுக பொதுச் செயலாளர் எடப்பாடி பழனிசாமி, தேமுதிகவுக்கு ஒரு எம்.பி. சீட் கொடுப்பதாக வாக்குறுதி அளித்து இருந்தார்.
இந்த நிலையில் பிரேமலதா விஜயகாந்த் , அதிமுக பொதுச் செயலாளர் எடப்பாடி பழனிசாமி, எம்.பி. சீட் தருவதாக கூறி முதுகில் குத்தி விட்டார் என கடுமையாக சாடி உள்ளார்.
சென்னை தியாகராய நகரில் நடைபெற்ற தேமுதிக பூத் கமிட்டி கூட்டத்தில் பிரேமலதா விஜயகாந்த் இந்த கருத்தை முன்வைத்துள்ளார்.
இது தமிழ்நாடு அரசியல் களத்தை விறுவிறுப்பு அடைய செய்துள்ளது.
இந்த நிலையில் அரசியல் விமர்சகர் ப்ரியன், பிரமலதா கூறுவது சரிதான். அதிமுக, தேமுதிகவுக்கு சீட் கொடுப்பதாக கூறி ஏமாற்றிவிட்டது.
அதிமுக – தேமுதிக இடையிலான கூட்டணி அரசியல் புதிய திருப்பத்தை எட்டியுள்ளது. அதிமுக பொதுச் செயலாளர் எடப்பாடி பழனிசாமி (எபிஎஸ்), தேமுதிகவுக்கு ஒரு எம்.பி. சீட் வழங்குவதாக வாக்குறுதி அளித்திருந்தார் என கூறப்படுகிறது. ஆனால், அந்த வாக்குறுதி நிறைவேறவில்லை என தேமுதிக தலைவர் பிரேமலதா விஜயகாந்த் குற்றம்சாட்டியுள்ளார்.
தேமுதிக பூத் கமிட்டி
சென்னை தியாகராய நகரில் நடைபெற்ற தேமுதிக பூத் கமிட்டி கூட்டத்தில் உரையாற்றிய பிரேமலதா, “அதிமுகவுடன் நடந்த பேச்சுவார்த்தையில், எமக்கு ஒரு பாராளுமன்ற இடம் வழங்கப்படும் என எடப்பாடி பழனிசாமி உறுதி அளித்தார். ஆனால், தேர்தல் வந்தபோது அந்த வாக்குறுதி கைவிடப்பட்டது. இது ஒரு கூட்டணி கட்சியை மதிக்காத செயலாகும். எங்களுக்கு சீட் தருவதாகக் கூறி முதுகில் குத்திவிட்டார்” என கடுமையாக சாடினார்.
அவரது இந்தக் கருத்து உடனடியாகவே அரசியல் வட்டாரத்தில் பெரும் பரபரப்பை ஏற்படுத்தியுள்ளது. தேமுதிக நிறுவனர் விஜயகாந்தின் மரணத்திற்குப் பிறகு கட்சியின் பாதை எப்படி அமையும் என்ற கேள்வி எழுந்த நிலையில், பிரேமலதாவின் இந்த கூற்று அதிமுக கூட்டணியில் விரிசல் ஏற்பட்டுள்ளதாகப் பார்க்கப்படுகிறது.
ப்ரியன் சொல்வது என்ன?
அதேவேளை, ப்ரியன், “பிரேமலதா விஜயகாந்த் கூறுவது உண்மையாகும். அதிமுக முதலில் தேமுதிகவுக்கு எம்.பி. சீட் தருவதாக வாக்குறுதி அளித்து, பின்னர் பின்வாங்கிவிட்டது. இது தேமுதிக ஆதரவாளர்களுக்கு அதிருப்தியை ஏற்படுத்தும். கூட்டணிகளில் நம்பிக்கை முக்கியம். அந்த நம்பிக்கையை அதிமுக காப்பாற்றவில்லை” என்று குறிப்பிட்டுள்ளார்.
இதனால், தேமுதிகவின் எதிர்கால அரசியல் நிலைப்பாடு என்ன என்பதில் ஆர்வம் அதிகரித்துள்ளது. பிரேமலதா ஏற்கனவே தன்னுடைய கட்சியை மீண்டும் வலுப்படுத்த முயற்சி மேற்கொண்டுள்ளார். அவருடைய பேச்சு, தேமுதிக தனித்துப் போட்டியிடுமா? அல்லது புதிய கூட்டணியைத் தேடுமா? என்ற கேள்வியை எழுப்புகிறது.
தேமுதிக விலகுமா ?
மற்றொரு புறம், அதிமுக வட்டாரங்கள், “கூட்டணியில் பேச்சுவார்த்தைகள் எப்போதும் சூழ்நிலைக்கு ஏற்ப மாறக்கூடியவை. இறுதியில் முடிவெடுப்பது அரசியல் கணக்கீடு அடிப்படையில்தான். பிரேமலதாவின் குற்றச்சாட்டு தேவையற்றது” என்று விளக்கம் அளிக்கின்றன.
இந்நிலையில், அதிமுக – தேமுதிக உறவில் ஏற்பட்டுள்ள இந்த சிக்கல், தமிழக அரசியல் களத்தை சூடுபிடிக்கச் செய்துள்ளது. திமுக கூட்டணியை எதிர்த்து வலுவாக நின்று வந்த தேமுதிக, இனி எந்த வகையில் தனது அரசியல் நடைமுறையை அமைப்பது என்பதில் ஆர்வம் அதிகரித்துள்ளது.
அதிமுக தலைமை மவுனமாக இருக்க, பிரேமலதாவின் குற்றச்சாட்டு தொடர்ந்து அரசியல் விவாதமாக மாறியுள்ளது. குறிப்பாக, விஜயகாந்தின் நினைவுகளை மதிக்கும் தேமுதிக ஆதரவாளர்கள், “எங்கள் கட்சியை புறக்கணிக்கக் கூடாது” என்ற மனநிலையோடு இருப்பது குறிப்பிடத்தக்கது. எனவே பாஜக தலைமையிலான என்டிஏ கூட்டணியில் இருந்து தேமுதிக விரைவில் விலகலாம் என தகவல் அறிந்த வட்டாரங்கள் கூறுகின்றன.
பவித்ரன் தேவேந்திரன்
ஆசிரியர் பற்றிபவித்ரன் தேவேந்திரன்பவித்ரன் தேவேந்திரன் சமயம் செய்திகளில் உதவி செய்தி ஆசிரியராக உள்ளார். அவருக்கு 7 ஆண்டுகள் பத்திரிக்கை துறையில் அனுபவம் உள்ளது. அவர் 2018ம் ஆண்டு தினத்தந்தி நாளிதழில் பணியை தொடங்கினார். தொடக்கத்தில் புரூப் ரீடராக பணியை ஆரம்பித்த அவர், பொருளாதார பக்க உதவி ஆசிரியராகவும், ரிப்போர்டராகவும் பணி செய்தார். மேலும் வெளிநாடு-உள்நாட்டு செய்திகள், அரசியல் போன்ற பிரிவுகளில் மொழிப்பெயர்ப்பு செய்து வந்தார். பின்னர் 2024ம் ஆண்டு சமயம் தமிழ் இணையத்தளத்தில் டிஜிட்டல் கண்டெண்ட் புரோடியூசராக பணி செய்து வருகிறார். அங்கு உலகம், தேசியம் மற்றும் தமிழ்நாடு பிரிவுகளில் செய்திகளை வாசகர்களுக்கு வழங்கி வருகிறா
கருத்துகள் இல்லை:
கருத்துரையிடுக