நடிகர்கள் கட்டும் வீட்டின் மதிப்பானது அவர்களுக்கு பெருமிதமான ஒன்றாக எப்போதுமே பார்க்கப்படும். சமீபத்தில் 120 கோடியில் விஜய் வீடு கட்டினார். அதுபோல, 140 கோடியில் அஜித் வீடு கட்டினார் எனச் சொல்லப்படும். அந்த மாதிரி, வீட்டினை சுமார் 80 கோடி பட்ஜெட்டில் கட்டிவருகிறாராம் தனுஷ். பெரிய தொகையில் வீடு கட்டுவதால் தான், முன்னரே சத்யஜோதி பிலிம்ஸ் மற்றும் வி கிரியேஷன்களுக்கு அடுத்தடுத்து நடிக்க ஒப்பந்தமானார். தனுஷைப் போல, விஜய்சேதுபதியும் பெரும் தொகையில் வீடு கட்டிவருகிறார் என்பதும் குறிப்பிடத்தக்கது. விஜய்சேதுபதியுமே வீட்டுக்காக பெரும் தொகையைப் பயன்படுத்துவதால் தான் இரவுபகலாக அதிகப் படங்கள் கமிட்டானார் என்றும் சொல்கிறார்கள்.
தனுஷ் நடிப்பில் இந்த வருடம் மூன்று படங்கள் ரிலீஸாக இருப்பது உறுதியாகியிருக்கிறது. தமிழில் கார்த்தில் சுப்பராஜ் இயக்கத்தில் ‘ஜெகமே தந்திரம்’ படமானது நெட்ஃப்ளிக்ஸிலும், மாரி செல்வராஜ் இயக்கத்தில் ‘கர்ணன்’ திரையரங்கிலும் வெளியாகிறது. அதோடு, இந்தியில், அக்ஷய்குமாருடன் நடித்திருக்கும் அட்ராங்கி ரே படமும் வெளியாக இருக்கிறது.
- தீரன்
கருத்துகள் இல்லை:
கருத்துரையிடுக