அமலாபால் சாக்கடையில் குதித்து நடித்திருக்கிறார்

;சாக்கடையில் விழுந்தார் அமலாபால்! சமுத்திரக்கனி இயக்கத்தில் ’நிமிர்ந்து நில்’ திரைப்படம் படுவேகமாக உருவாகி வருகிறது. தமிழில் நிமிர்ந்து நில் என்ற பெயரி உருவாகி வரும் இத்திரைப்படம், தெலுங்கில் ’ஜண்டா பை கபிராஜு’ என்ற பெயரில் தயாராகிறது. தமிழில் ஜெயம் ரவி, அமலா பால் ஜோடியாக நடிக்க, தெலுங்கில் ‘நான் ஈ’ புகழ் நானி அமலா பாலுடன் ஜோடி சேர்கிறார்.சமீபத்தில் நடைபெற்ற ’ஜண்டா பை கபிராஜு’ படப்பிடிப்பின் போது ஒரு குறிப்பிட்ட காட்சிக்காக நானியையும், அமலா பாலையும் சாக்கடையில் குதிக்கச் சொன்னாராம் இயக்குனர் சமுத்திரக்கனி. எவ்வித தயக்கமும் இல்லாமல் சட்டென அமலாபாலுடன் சாக்கடையில் குதித்துவிட்டு கிட்டத்தட்ட 30 நிமிடம் அந்த காட்சியில் நடித்திருக்கிறார்கள் இருவரும்.இது பற்றி தனது டுவிட்டர் வலைதளத்தில் அமலா பால் “ நான் கூட பாதி தான் சாக்கடையில் மூழிகியிருந்தேன். ஆனால் நானி கிட்டத்தட்ட கழுத்துவரை அந்த சாக்கடையில் மூழ்கியிருந்தார். அவருடன் நடித்தது நல்ல அனுபவத்தை தந்துள்ளது” என்று கூறியுள்ளார்.