தயாநிதிமாறன் வீட்டுக்கு இணைப்பு- Traffic Ramasamy புதிய மனு

;பி.எஸ்.என்.எல். தொலைபேசி இணைப்புகளை முறைகேடாகப் பயன்படுத்தி ரூ.400 கோடி அளவுக்கு வருவாய் இழப்பு ஏற்படுத்தியதாக் முன்னாள் அமைச்சர் தயாநிதிமாறன் மீதான குற்றச்சாட்டு குறித்து சி.பி.ஐ. மறு விசாரணை மேற்கொள்ள உத்தரவிட வேண்டும் என்று சென்னை சமூக சேவகர் டிராபிக் ராமசாமி உயர்நீதிமன்றத்தில் வழக்கு தொடர்ந்துள்ளார்.இது தொடர்பாக டிராபிக் ராமசாமி செய்துள்ள மனுவில் கூறியிருப்பதாவது:முன்னாள் மத்திய அமைச்சர் தயாநிதிமாறன் தொலைத் தொடர்பு அமைச்சராக இருந்தபோது, கடந்த 2007ஆம் ஆண்டு சென்னை போட்கிளப்பில் உள்ள தன்னுடைய வீட்டிற்கு பி.எஸ்.என்.எல். பொது மேலாளர் பெயரில் 323 தொலைபேசி இணைப்புகளை பெற்றுள்ளார். இந்த இணைப்புகளை சன் டிவி அலுவலகத்திற்கு முறைகேடாக பயன்படுத்தியுள்ளார்.>இதற்காக தயாநிதிமாறன் வீட்டில் சட்ட விரோதமாக தொலைபேசி இணைப்பகம் அமைக்கபப்ட்டுள்ளது. இந்த முறைகேடு மூலம் பி.எஸ்.என்.எல். நிறுவனத்திற்கு ரூ.440 கோடி வருவாய் இழப்பு ஏற்படுத்தப்பட்டுள்ளது. இதனை எதிர்த்து பி.எஸ்.என்.எல். பதிவாளர்கள் சங்கம் கடந்த 2011-ல் ஆர்பாட்டம் செய்தனர்ஜவுளித் துறை அமைச்சராக இருந்த தயாநிதிமாறன் பதவி விலக வேண்டுமென பி.எஸ்.என்.எல்.தொழிலாளர்கள் வலியுறுத்தி ஆர்பாட்டம் செய்தனர். இந்த முறைகேடு குறித்து சிபிஐ விசாரித்தது.ஆனால் அதன் மீது சி.பி.ஐ. எந்த விதமான சட்டரீதியான நடவடிக்கையையும் மேற்கொள்ளவில்லை. இது குறித்து மறுவிசாரணை செய்யக்கேட்டு, சிபிஐ இயக்குனர், தொலை தொடர்பு செயலாளர் ஆகியோருக்கு சென்ற அக்டோபர் மாதம் 27ஆம் தேதி மனு கொடுத்தேன் அந்த மனுவை பரிசீலிக்கும்படி கோர்ட் உத்தரவிடவேண்டும்.இவ்வாறு அந்த மனுவில் கூறப்பட்டிருந்தது.இந்த வழக்கு விசாரணையை 4 வாரங்கள் நீதிபதிகள் ஒத்தி வைத்தனர். http://tamil.webdunia.com

FDI வாக்கெடுப்புடன் விவாதத்துக்கு தயார் என மத்திய அரசு அறிவிப்பு!! திமுக ’தைரியம்

டெல்லி: சில்லறை வர்த்தகத்தில் அன்னிய நேரடி முதலீட்டுக்கான அனுமதி கொடுக்கும் விவகாரத்தில் அரசை ஆதரிப்போம் என்று திமுக அறிவித்துவிட்டதால் மத்திய அரசும் ‘தைரியமாக' வாக்கெடுப்புடன் கூடிய விவாதத்துக்கு தயார் என அறிவித்திருக்கிறது.
வாக்கெடுப்புக்கு தயார்
டெல்லியில் இன்று ஐக்கிய முற்போக்குக் கூட்டணிக் கட்சிகளின் ஆலோசனைக் கூட்டம் நடைபெற்றது. கூட்டத்துக்குப் பின்னர் செய்தியாளர்களிடம் பேசிய நாடாளுமன்ற விவகாரத்துறை அமைச்சர் கமல்நாத், அன்னிய முதலீட்டு விவகாரத்தில் வாக்கெடுப்புடன் கூடிய விவாதத்துக்கு மத்திய அரசு தயாராக இருக்கிறது. இந்த விவகாரத்தில் எந்த விதியின் கீழும் விவாதம் நடத்தலாம். இது பற்றி அவைத்தலைவர்களே முடிவு செய்வார்கள். ஐக்கிய முற்போக்குக் கூட்டணியின் முடிவை அவைத் தலைவர்களுக்கு தெரிவித்துவிட்டோம் என்றார்.

தனுஷின் தந்தை கஸ்தூரி ராஜா செக் மோசடி

சென்னை: இயக்குநர் கஸ்தூரி ராஜா மீது சவுகார் பேட்டையை சேர்ந்தவர் முகுந்சந்த் போத்ரா என்பவர் செக் மோசடி வழக்கு பதிவு செய்துள்ளார். தன் மகன் தனுஷ் ரஜினி மகளை மணந்துள்ளதால், வாங்கிய கடனை திருப்பி செலுத்துவதில் பிரச்சினை இல்லை என்று கூறி இந்த கடனை வாங்கியுள்ளாராம் கஸ்தூரி ராஜா (!!)
திரைப்படத் துறையினருக்கு வட்டிக்கு கடன் கொடுத்து வருபவர் இந்த போத்ரா. இயக்குநர் கஸ்தூரி ராஜாவுக்கு இவர் கொடுத்த கடனை திரும்பி தரவில்லையாம்.

நடிகை புவனேஸ்வரி சென்னை அருகே தியேட்டரில் ஜோராக காட்டினார்

சென்னை அருகே டிரைவ் இன் தியேட்டருக்கு வந்த கவர்ச்சி நடிகை புவனேஸ்வரியும், அவரது ஆட்களும், தியேட்டருக்குள் புகுந்து, அடித்து நொறுக்கி ஒரு வழி பண்ணி விட்டனர் என்று வழக்கு செய்துள்ளது போலீஸ்.
நடிகை புவனேஸ்வரியின் ஆட்கள் போகிற போக்கில், போலீஸூக்கும் ‘நாலு சாத்து’ சாத்திவிட்டு போனதால், புவனேஸ்வரியைக் கைது செய்து உள்ளே தள்ள போலீஸார் தீவிரம் காட்டி வருவதாக கூறப்படுகிறது.
தீவிரவாதி தாக்கினாலாவது கௌரவமாக இருக்கும், தனிப்படை அமைத்து தேடலாம். இங்கே தாக்கியது புவனேஸ்வரியின் தனிப்படை அல்லவா? கடுப்பில் உள்ளது காவல்துறை.
நடிகை புவனேஸ்வரி, ஏற்கனவே போலீஸூக்கு பரிச்சயமானவர். சில காலத்துக்கு முன், விபச்சாரம் செய்ததாக கையும் களவுமாக பிடிபட்டவர். அந்த விவகாரம் விஸ்வரூபம் (கமல் மன்னிக்கவும்) எடுத்து, பத்திரிக்கையாளர்களுக்கும் திரையுலகினருக்கும் கூட பெரும் பிரச்சினை வெடித்தது.

கி.வீரமணி: தி.மு.க. நிலைப்பாடுதான் சரியானது! ஆட்சிக் கவிழ்ப்புக்கு துணைபோககூடாது

சில்லறை வர்த்தகத்தில் அந்நிய முதலீட்டை அனுமதிப்பதை உறுதியாக எதிர்க்கும் தி.மு.க., மத்தியில் ஆட்சி கவிழ நாங்கள் ஒருபோதும் அனுமதிக்க மாட்டோம் என்ற நிலைப்பாட்டினை தி.மு.க. தலைவர் கலைஞர் அறிவித்திருப்பது மிகவும் வரவேற்கத்தக்கது என திராவிடர் கழகத் தலைவர் கி.வீரமணி கருத்துத் தெரிவித்துள்ளார்.திராவிடர் கழகத் தலைவர் கி.வீரமணி இன்று (27.11.2012) வெளியிட்டுள்ள அறிக்கையில் கூறியிருப்பதாவது:

சில்லறை வணிகத்தில் வெளிநாட்டு மூலதன முதலாளிகளை அனுமதித்தால் நம் நாட்டு சில்லறை வியாபாரிகள் பாதிக்கப்படுவார்கள் என்பதால், காங்கிரஸ், மற்றும் ஒரு சிலர் தவிர, எல்லோரும் எதிர்க்கிறார்கள். ஏனோ ஆளும் அய்க்கிய முற்போக்குக் கூட்டணி தலைமை இதில் பிடிவாதம் காட்டுகிறது.

கலைஞர் ஆதரவு முடிவுக்கு நன்றி: பி.எஸ்.ஞானதேசிகன்

சில்லறை வர்த்தகத்தில் அன்னிய நேரடி முதலீடு விவகாரத்தில் மத்திய அரசுக்கு தி.மு.க. தனது ஆதரவைத் தெரிவிப்பதாக கலைஞர் இன்று (27.11.2012) அறிக்கை வெளியிட்டார். இதற்கு காங்கிரஸின் சார்பில் நன்றி தெரிவிப்பதாக தமிழ்நாடு காங்கிரஸ் கமிட்டி தலைவர் பி.எஸ்.ஞானதேசிகன், அறிக்கை ஒன்றில் கூறியுள்ளார்.இது குறித்து அவர் இன்று வெளியிட்ட அறிக்கையில்,>சில்லறை வர்த்தகத்தில் அன்னிய முதலீடு என்பது எந்த வகையிலும் சிறு வியாபாரிகளை பாதிக்காது என்ற உறுதிமொழியை மத்திய அரசு பலமுறை அளித்துள்ளது.

FDI: BJP யின் ஆட்சிக்கவிழ்ப்பு தந்திரம் பலிக்காது! கலைஞர் திட்டவட்டம்

ஆட்சியைக் கவிழ்க்கும் நோக்கத்துடன் நாடாளுமன்றத்தில் வாக்கெடுப்பு நடத்த பாஜக கோருவதால்தான் அரசை ஆதரிக்க திமுக முடிவு செய்தது என்று அக்கட்சித் தலைவர் கருணாநிதி விளக்கம் அளித்திருக்கிறார்.
சென்னையில் இன்று கருணாநிதி நடத்திய செய்தியாளர்கள் சந்திப்பில் கேட்கப்பட்ட கேள்விகளும் அவர் அளித்த பதில்களும்:
செய்தியாளர்: சில்லறை வணிகத்தில் அன்னிய நேரடி முதலீடு பற்றி உங்கள் அறிக்கை கிடைத்தது. மத்திய ஐக்கிய முற்போக்குக் கூட்டணி அரசை திடீரென்று தாங்கள் ஆதரவளிக்க என்ன நெருக்கடி? என்ன நிர்பந்தம்?
கருணாநிதி: உங்கள் கேள்விகளுக்கெல்லாம் பதில் என்னுடைய அறிக்கையிலே தெளிவாக இருக்கிறது.
செய்தியாளர்: ஆதரவு தரமாட்டோம் என்பதுபோல ஏற்கெனவே பல முறை சொல்லியிருந்தீர்களே?
கருணாநிதி: வாக்கெடுப்போடு கூடிய விவாதம் தேவை என்று பாஜக போன்ற கட்சிகள் தொடர்ந்து வலியுறுத்துவது எப்படியாவது ஆட்சி மாற்றம் செய்ய வேண்டும் என்ற உள்நோக்கம் கொண்டது என்பதை நான்கு நாட்களாக நாடாளுமன்றத்தில் நடைபெறுகின்ற கூச்சல், குழப்பத்தையும் பிடிவாதமாக வாக்கெடுப்பு என்று பாஜக போன்ற கட்சிகள் வற்புறுத்துவதையும் பார்க்கும்போது புரிந்து கொள்ள முடிகிறது. அதைப் புரிந்து கொண்டுதான் இந்த முடிவை எடுக்க நேரிட்டது என்றார் அவர். http://tamil.oneindia.in/

Murugappa Group: 900 தொழிலார்களில் வெறும் 68 பேர்தான் நிரந்தர பணியாளர்கள்

வினவு.com

முருகப்பா குழுமத்தை பற்றி நீங்கள் கேள்விப்பட்டிருக்கலாம். இருபத்து எட்டு துறைகளில் இந்தியாவின் பதிமூன்று மாநிலங்களில் இந்நிறுவனம் தனது தொழிற்சாலைகளையும் அலுவலகங்களையும் நிறுவியுள்ள ஒரு ’தமிழ் முதலாளி’ கம்பெனி.

24-ம் தேதி இரவு ஏழு மணி. ஆவடியிலுள்ள டி.ஐ மெட்டல் ஃபார்ம்மிங் (காருக்கு கதவுகள் தயாரிக்கும் தொழிற்சாலை) ஆலையின் வாசலை கடந்து சர் சர் என்று  பாய்ந்து கொண்டு வந்த ஆறு ஏழு உயர்ரக கார்கள் சடன் பிரேக் அடித்து நின்றன. கார்களிலிருந்து ஆலையின் மேலாளர்கள், உயர் அதிகாரிகள், மொத்த முருகப்பா குழுமத்தின் மிக உயர்மட்டத்திலுள்ள மூன்றாம் கட்ட, நான்காம் கட்ட அதிகாரிகள் என்று இருபதுக்கும் மேற்பட்டவர்கள் பதட்டத்துடன் இறங்கி ஆலைக்குள் ஓடினர்.
மாலை நாலரை மணிக்கு ஷிப்ட் முடியும் தருவாயில் அடுத்த ஷிப்ட்டுக்காக வந்த தொழிலாளர்களும் ஷிப்டில் இருந்தவர்களும் இணைந்து  ஆலையின் உற்பத்தியை திடீரென்று நிறுத்தினர். கேந்திரமான உற்பத்தி பகுதியை தங்களுடைய கட்டுப்பாட்டிற்குள் கொண்டு வந்தனர். ஏற்கெனவே உற்பத்தி செய்யப்பட்டவை அனைத்தும் ஆலையிலிருந்து வெளியேற்றப்பட்டுவிட்ட நிலையில் திங்கட்கிழமை சப்ளைக்காக உடனடியாக உற்பத்தியை துவங்க வேண்டிய நெருக்கடி நிலையில் தான் தொழிலாளர்கள் உற்பத்தியை தமது கட்டுப்பாட்டிற்குள் கொண்டுவந்து ஆலைக்குள் உள்ளிருப்பு போராட்டத்தை அறிவித்தனர்.
முருகப்பா குழுமத்தை பற்றி நீங்கள் கேள்விப்பட்டிருக்கலாம். இக்குழுமத்தின் கீழ் பல்வேறு நிறுவனங்கள் உள்ளன. பாரிஸ், ஈ.ஐ.டி பாரி, பாரி அக்ரோ, டி.ஐ சைக்கிள்ஸ், டி.ஐ.டி.சி , டி.ஐ மெட்டல் பார்ம்மிங், பி.எஸ்.ஏ மோட்டார்ஸ், கோரமண்டல் இண்டர்நேஷ்னல், சோழமண்டலம் பைனான்ஸ் என்று இருபத்து எட்டு துறைகளில் இந்தியாவின் பதிமூன்று மாநிலங்களில் இந்நிறுவனம் தனது தொழிற்சாலைகளையும் அலுவலகங்களையும் நிறுவியுள்ளது.

மங்காத்தா ரீமேக்கில் அஜித்குமார்!

நடிகர் அஜித்குமாரின் 50-வது படம் ‘மங்காத்தா’. வசூலிலும் ரசிகர்களின் மனதை கவர்வதிலும் சூப்பர் ஹிட் அடித்த மங்காத்தா படத்தில் ரசிகர்கள் ஒரு புதிய அஜித்தை கண்டனர். வெங்கட் பிரபு மங்காத்தா படத்தை இந்தியில் ரீமேக் செய்கிறாராம். இந்தியிலும் அஜித் நடிக்க வேண்டும் என விருப்பப்பட்டு அஜித்திடம் கேட்டிருக்கிறாராம்.

வெங்கட்பிரபு அஜித்தை தமிழில் அஜித் நடித்த கேரக்டரில் நடிக்கவைக்கப்போவதில்லையாம். அர்ஜூன் நடித்த கதாபாத்திரத்தில் தான் நடிக்க கேட்டிருக்கிறாராம். ’சிறுத்தை’ சிவா இயக்கத்தில் உருவாகும் படத்தின் ஷூட்டிங்கில் டிசம்பர் 10 முதல் அஜித் கலந்துகொள்கிறார். வெங்கட் பிரபுவும் பிரியாணி படப்பில் பிசியாக இருப்பதால் மங்காத்தா படத்தின் இந்தி ரீமேக் புராஜெக்ட் இன்னும் வேகம் எடுக்கவில்லை. 

மின்தடையால் 50 சதவீத Ready Made ஆடை ஏற்றுமதி பாதிப்பு

கோபிசெட்டிபாளையம்: ஈரோடு மாவட்டத்தில் ஏற்படும், 18 மணி நேர மின்தடை, ஆட்கள் பற்றாகுறையால் ஜவுளி ஏற்றுமதி, 50 சதவீதம் பாதிக்கப்பட்டுள்ளதாக, ஆயத்த ஆடை ஏற்றுமதியாளர்கள் தெரிவித்தனர்.
ஈரோடு மாவட்டத்தில், 200 ஜவுளி ஏற்றுமதி நிறுவனங்கள் செயல்படுகின்றன. பல்வேறு மாநிலங்களிலும் இருந்து எடுத்து வரும் ஆர்டர்களுக்கு ஏற்ப, ஜவுளி ரகங்கள் தயார் செய்து அனுப்புகின்றனர். அமெரிக்கா, சீனா போன்ற வெளிநாடுகளுக்கும், ஜவுளி ஏற்றுமதி செய்யப்படுகிறது. இதன் மூலம், ஈரோடு மாவட்டத்தில் மாதம், 500 கோடி ரூபாய் வர்த்தகம் நடக்கிறது. http://www.dinamalar.com/

மணி சென்னை - Chennai ,இந்தியா

 தமிழ்நாடுலையே அ தி மு க வ அதிகம் ஜெயிக்க வெச்சது இவங்கதான் ஆப்ப வேண்டி விரும்பி வாங்கி வெச்சுகிட்டு இப்போ குத்துதே குடையுதேன்னா என்ன அர்த்தம் ?...

சினிமாக்காரன் மப்டியில் நேதாஜிகளும் பகவத்சிங்குகளும்

நாட்டுக்கு ஆபத்து வரும்போதெல்லாம் நம்முடைய மல்டிபிள் ஸ்டார்ஸ்களே முன்னால் வருவார்கள்.

ஏழாம் அறிவில் நம்மையெல்லாம் தமிழன் என்று பெருமைப்பட வைத்த ஏஆர் முருகதாஸ் துப்பாக்கி படத்தில் இந்தியன் என்று மெய்சிலிர்க்க வைத்திருக்கிறார். விஜயகாந்தோ அர்ஜூனோ நடித்திருந்தால் துவண்டு போயிருக்கும் அவர்களுடைய மார்க்கெட்டை தூக்கி நிறுத்த உதவியிருக்கும். விஜய் நடித்ததால் ஒன்றும் குடிமுழுகி போய்விடவில்லை. அவருடைய மார்க்கெட்டும் சரிந்துகொண்டுதானே இருந்தது. நம்முடைய நாட்டுக்கு ஆபத்து வரும்போதெல்லாம் சம்பவாமி யுகே யுகே என்று நம்முடைய மல்டிபிள் ஸ்டார்ஸ்களே முன்னால் வருவார்கள். அதுபோலவே துப்பாக்கி படத்திலும் விஜய் குபீரென ராணுவ வீரனாக தோன்றி அதர்மத்தை அழித்து தர்மத்தை நிலைநாட்டுகிறார்.< மலைப்பகுதியில் தனிவீட்டில் குடும்பத்தோடு வசிக்கும் வில்லன். அவனுக்கு போரடிக்கும்போதெல்லாம் காரணமேயில்லாமல் மும்பையில் குண்டு வைத்து விளையாடுகிறான். அவனுடைய விளையாட்டுக்கு மும்பையில் வசிக்கும் இஸ்லாமிய மிடில்கிளாஸ் மக்கள் உதவுகிறார்கள். காஷ்மீர் தீவிரவாதிகளை பந்தாடி போர் அடித்து லீவு போட்டுவிட்டு மும்பைக்கு வருகிறார் விஜய்.

தலித்கள் மீது தேவர் சாதி போலீசின் கொலைவெறியாட்டம் !

வினவு

கேவலம் பள்ளன் பறையனெல்லாம் போலீச எதிர்த்துப் பேசுவதா? அப்புறம் பாண்டியமாரு மரியாதை என்னாவது? என்கிற சாதிவெறிதான் போலீசை கொலைவெறியுடன் இயக்குகிறது என்கிறார் ஆனந்தனின் தாய்

கூமாபட்டி-வத்திராயிருப்பு பகுதிகளில் தலித்கள் மீது தேவர் சாதி போலீசின் கொலைவெறியாட்டம் !

வண்டியில் இருப்பவர் ஆனந்தன்

பார்ப்பன பாசிச ஜெயலலிதாவின் ஆட்சி வந்து விட்டால் போலீசுக்குக் கொண்டாட்டம் தான். ஜெயலலிதாவின் ஆட்சி போலீசின் ஆட்சி. அதுபோலவே ‘அவாளுடைய’ ஆட்சியும் கூட. பார்ப்பன ஊடகங்கள் தொடங்கி ‘அவாளின்’ அனைத்து தரப்புக்கும் ஒரு நமுட்டு மகிழ்ச்சிதான். அத்தோடு இப்போது முக்குலத்தோர் சாதி வெறியாட்டமும் சேர்ந்து கொண்டு கட்டுக்கடங்காமல் போய்க் கொண்டிருக்கிறது.
விருதுநகர் மாவட்டம் பிளவக்கல் அணைப் பகுதியில் நடைபெற்ற மணல் கொள்ளையை எதிர்த்து தன்னந்தனியாகப் போராடிய தலித் விவசாயி கூமாபட்டி ராமசாமியாபுரம் ராஜேந்திரன் கடந்த அக்டோபர் மாதம் 11ந்தேதி அதற்காகத் தீக்குளித்து இறந்தார். அவரது உடலுக்கு இறுதி அஞ்சலி செலுத்த அனுமதி கோரிய அவரது குடும்பத்தார் மற்றும் அந்த ஊர் மக்களை அனுமதிக்காமல் காட்டு மிராண்டித்தனமாக தடியடி தாக்குதல் நடத்தி விரட்டிவிட்டு உடலை போலீசே சிதையில் வைத்து தீ முட்டியது.

TEA குடிக்கலாமா? வேண்டாமா? பரதேசி பிரஸ் மீட்

இளையராஜாவை மிஸ் பண்ணிட்டீங்களே ஏன் பாலா? - பரதேசி பிரஸ் மீட்டில் கேள்வி ;     
புதிய காம்பினேஷனில் படம் பண்ண வேண்டும் என பத்திரிகைகள் எழுதியதால்தான் பரதேசியில் டீமை மாற்றினேன் என பதிலளித்துள்ளார் இயக்குநர் பாலா.
பாலா இயக்கும் புதிய படம் ‘பரதேசி'யின் ஆடியோ வெளியீடு நேற்று சென்னையில் நடந்தது.
இதைத்தொடர்ந்து 'பரதேசி' படக்குழுவினரின் பத்திரிகையாளர் சந்திப்பு நடைபெற்றது. இதில் பத்திரிகையாளர்களின் கேள்விகளுக்கு பாலா அளித்த பதில்கள்:

ராம்ஜெத்மலானி கத்காரிக்கு எதிராக போர்க்கொடி! ஓயப்போவதில்லை !!

பாரதிய ஜனதா கட்சித் தலைவர் நிதின் கத்காரிக்கு எதிரான தமது கலகக் குரல் ஓயப்போவதில்லை என்று கர்ஜித்திருக்கிறார் மூத்த பாஜக தலைவரும் எம்.பியுமான ராம்ஜெத்மலானி.

ஊழல் புகாரில் சிக்கிய நிதின் கத்காரி பாஜக தலைவர் பதவியிலிருந்து ராஜினாமா செய்ய வேண்டும் என்று ராம்ஜெத்மலானி குரல் கொடுத்து வந்தார். அவருடன் யஷ்வந்த் சின்ஹா, சத்ருகன் சின்ஹா ஆகியோரும் கை கோர்த்திருக்கின்றனர். இந்நிலையில் சிபிஐ இயக்குனர் நியமன விவகாரத்தில் பாஜக விமர்சனம் செய்தது தவறு.. காங்கிரஸின் நிலைப்பாடு சரி என்றும் ராம்ஜெத்மலானி கூறினார். இதனால் ராம்ஜெத்மலானியை தற்காலிகமாக கட்சியிலிருந்து நீக்குவதாக பாஜக அறிவித்தது.
ஆனாலும் ராம்ஜெத்மலானி ஓயப் போவதில்லை என்று கூறிவருகிறார். கத்காரிக்கு எதிராக அனைவரும் ஒன்று திரள வேண்டும் என்றும் அவருக்கு மீண்டும் கடிதம் அனுப்ப இருக்கிறேன்... அப்பொழுது இன்னும் நடவடிக்கை எடுங்கள் என்று ஆவேசமாகக் கூறியுள்ளார் அவர்.
சத்ருகன் சின்ஹா, யஷ்வந்த் சின்ஹா மீது நடவடிக்கை?

திமுக நோட்டீஸ்! 2ஜி தொடர்பான சிஏஜி அறிக்கை- பார்லி.யில் விவாதம் கோரிகிறது DMK

டெல்லி: 2ஜி அலைக்கற்றை ஒதுக்கீட்டு விவகாரத்தில் ரூ1.76 லட்சம் கோடி இழப்பு என்பது மிகைப்படுத்தப்பட்ட ஒன்று என சிஏஜி அதிகாரி ஆர்.பி.சிங் கூறிய கருத்து தொடர்பாக நாடாளுமன்றத்தில் விவாதம் நடத்தக் கோரி திமுக நோட்டீஸ் கொடுத்திருக்கிறது.

2ஜி அலைக்கற்றையை முதலில் வருவோருக்கு முன்னுரிமை என்ற அடிப்படையில் ஒதுக்கீடு செய்ததாலேயே ரூ1.76 லட்சம் கோடி இழப்பு என்று சிஏஜி அறிக்கை தெரிவித்தது. இதனால் ஏற்பட்ட சுனாமிப் பேரலையில் சிக்கியது திமுக. மத்திய அமைச்சர்களாக இருந்த திமுகவின் ராசா, தயாநிதி மாறன் ஆகியோர் பதவி இழக்க நேரிட்டது. திமுக தலைவர் கருணாநிதியின் மகள் கனிமொழி கைது செய்யப்பட்டு டெல்லி திகார் சிறையில் அடைக்கப்பட்டார். தமிழகத்தில் நடைபெற்ற சட்டசபை தேர்தலில் திமுக தோல்வியைத் தழுவியது.

யாரையும் காப்பி அடிக்காம 25 படம் நடிச்சிட்டேன்...: சொல்கிறார் சிட்டிபாபு

  பணம் வச்சிருக்கீங்கன்னு கேட்டேன் சில லட்சத்தை சொன்னாங்க. பேசாம ஊருக்கு போயி ஒரு அனாதை ஆசிரமம் கட்டுங்க, இல்லேன்னா சின்ன பேக்டரி கட்டி நாலு பேருக்க வேலை கொடுங்கன்னு அனுப்பி வச்சிட்டேன். நம்மள நமக்கு தெரியாதுங்களா.?

படங்களுக்கு மேல் தாண்டியிருக்கிறார் சிட்டிபாபு. தொலைக்காட்சி தொகுப்பாளராக தன் கலை வாழ்க்கையை துவங்கி, தற்போது காமெடி மற்றும் குணசித்திர வேடங்களில் தனக்கென தனி பாணியை உருவாக்கி நடித்து வருகிறார். அவரின் பேட்டி: "என்னோட சொந்த ஊர் உசிலம்பட்டி பக்கத்துல உள்ள புழுதிப்பட்டி அங்கிருந்து சினிமா ஆசையில மஞ்சள் பையை தூக்கிக்கிட்டு சென்னைக்கு வந்து. பசி தாங்காம கார்பரேஷன் குழாய் தண்ணிய குடிச்சு. படுக்க இடம் இல்லாம பிளாட்பார்முல படுத்து சான்ஸ் தேடி இந்த அளவுக்கு முன்னுக்கு வந்திருக்கேன்...." இப்படி எல்லாரும் பிளாஷ்பேக் டயலாக் உடுறமாதிரி நானும் உட முடியாதுங்க. நான் பக்கா சென்னை பையன். செல்லப்பேரு பாபு. சிட்டி பையன்ங்றதால சிட்டிபாபு. படிக்கிறப்பவே சினிமா ஆசை. ஏங்க தியேட்டரே இல்லாத கிராமத்துலேருந்து நிறைய பேரு சினிமா தேடி சென்னை வர்றப்போ. 50 தியேட்டரும், பத்து ஸ்டுடியோவும், எம்.ஜி.ஆரும், சிவாஜியும், ரஜினியும், கமலும் வாழ்ற ஊர்ல பிறந்து எனக்கு இருக்ககூடாதா. பிரண்சுங்ககூட சேர்ந்து வாய்ப்பு தேடுனதுல கிடைச்சது

25 சாதிமறுப்பு திருமணங்கள் உறுதி செய்யப்பட்டுள்ளது

பெரியார் சுயமரியாதை திருமண நிலையம் சார்பில், முற்போக்கு சிந்தனையுள்ள குடும்பத்தினருக்கு பயன்படும் வகையில், தமிழகம் தழுவிய அளவில் சாதிமறுப்பு இணை தேடல் பெருவிழா மன்றல் 2012 என்ற பெயரில், சென்னை பெரியார் திடலில் 25.11.2012 ஞாயிற்றுக்கிழமை நடந்தது. இதற்காக சாதி மறுப்பு, மதமறுப்பு, மாற்றுத்திறனாளிகள், மணமுறிவு பெற்றோர், துணையை இழந்தோர் என்று தனித்தனியாக 5 அரங்குகள் அமைக்கப்பட்டிருந்தன. திருமண நிகழ்ச்சியில் கலந்து கொண்டவர்கள் இந்த அரங்குகளில் தங்கள் பெயர்களை காலை பதிவு செய்தனர். பின்னர் ஆண், பெண் இருவரும் 21 வயது நிரம்பியதற்கான சான்றுகள், தனித்து வாழ்க்கை நடத்துவதற்கான பொருளாதார வாய்ப்புகள் குறித்த சான்றுகள் சரிபார்க்கப்பட்டது.தொடர்ந்து திருமணத்திற்கு தயாராகுதல், மருத்துவம், மனநல ஆலோசனைகள் குறித்த மருத்துவ முகாமும் நடந்தது. திருமணம் செய்து கொள்ள விரும்புவோரிடம் மருத்துவம், மனவளர்ச்சி சோதனைகள், உயரம், எடை மற்றும் ரத்த சோதனையும் செய்யப்பட்டது.http://www.nakkheeran.in/

Kerala 13 வயது இளம் பெண்ணை தந்தையும் அண்ணனும் கற்பழித்தனர்

கண்ணூர்: கேரள மாநிலம் கண்ணூர் மாவட்டம் தலச்சேரியில் 13 வயது இளம் பெண்ணை பலாத்காரம் செய்ததாக அப்பெண்ணின் தந்தை மற்றும் அண்ணன் உட்பட 3 பேர் கைது செய்யப்பட்டிருக்கின்றனர்.
தலச்சேரி தார்மடத்தைச் சேர்ந்த அருண்குமார் என்பவரின் மகள்கள் சாரு, சரண்யா. இவரது மகன் ரமேஷ். மூத்த மகள் சாரு கடந்த 2 ஆண்டுகளுக்கு முன்பு தற்கொலை செய்து கொண்டார். இளைய மகள் சரண்யா 8-ம் வகுப்பு படித்து வந்தார். கடந்த வாரம் பள்ளிக்கு சென்ற சரண்யா மாலையில் வகுப்புகள் முடிந்த பிறகும் வகுப்பறையிலேயே இருந்திருக்கிறார். இது குறித்து ஆசிரியை விசாரித்த போது சரண்யா பல திடுக்கிடும் தகவல்களைத் தெரிவித்திருக்கிறார்.

Laurie Baker பேக்கர் வீடு -ஒரு மறுதரப்பு

வாழ்க்கை படைப்பூக்கமும் புதுமைநாட்டமும் கொண்டவர்களாலேயே முன்னெடுக்கப்படுகிறது 
பெருமதிப்புக்குரியஜெயமோகன்,
‘ஜெயஸ்ரீயின் வீடு’ பதிவைக் கண்டேன். லாரி பேக்கர் கொள்கைகள் பற்றி உங்கள் வலைப்பக்கத்துக்கு வெளியே எதுவும் படித்ததில்லை. ஆனால் இந்த வீட்டைப் பார்க்கும்போது சில அடிப்படைக் கோளாறுகள் தென்பட்டன. வீட்டு சன்னல்களின் அளவைப் பாருங்கள், வேலூர் போல் வறுத்தெடுக்கும் ஊரில் கருங்கல் சுவர் நல்லதுதான், அதற்காகக் காற்றே புக முடியாத அளவுக்கு சிறிய சன்னல்கள் claustrophobicஆக தோன்றவில்லையா உங்களுக்கு? உள் அறையில் விட்டத்தைத் தொட்டு நிற்கும் சன்னல்களைப் பார்த்தால் சிறைக்குள் சென்றது போன்ற பிரமை!

820 மில்லியன் ஹிட்!! கங்னம் ஸ்டைல்’ ராப் பாடல், youtube ப்பில் மெகா சாதனை!

தென் கொரிய ராப் பாடகர் சை (PSY) படைப்பில் உருவான கங்னம் ஸ்டைல் (Gangnam Style) பாடல் வீடியோ, யூடியூப்பில் இதுவரை அதிக தடவை பார்க்கப்பட்ட வீடியோ என்ற சாதனையை படைத்துள்ளது. கடந்த ஜூலையில் யூடியூப்பில் இணைக்கப்பட்ட கங்னம் ஸ்டைல் பாடல் வீடியோ, நேற்றைய (ஞாயிற்றுக்கிழமை) நிலவரப்படி 820 மில்லியன் ஹிட்டுகளைக் கடந்துவிட்டது.

BJP பா.ஜ.,விலிருந்து ஜெத்மலானி "சஸ்பெண்ட்

புதுடில்லி: கட்சி மேலிடத்துக்கு எதிராக போர்க்கொடி தூக்கியதை அடுத்து, பா.ஜ., எம்.பி.,யான, ராம் ஜெத்மலானி, கட்சியிலிருந்து நேற்று "சஸ்பெண்ட்' செய்யப்பட்டார்.
பா.ஜ., சார்பில் ராஜ்யசபா எம்.பி.,யாக தேர்வு செய்யப்பட்டவரும், மூத்த சட்ட நிபுணருமான, ராம் ஜெத்மலானி, சமீபகாலமாக, பா.ஜ., மேலிடத்துக்கு எதிராக, குரல் கொடுத்து வந்தார். "ஊழல் குற்றச்சாட்டில் சிக்கிய, நிதின் கட்காரி, பா.ஜ., தலைவர் பதவியை ராஜினாமா செய்ய வேண்டும். ரஞ்சித் சின்கா, சி.பி.ஐ., இயக்குனராக நியமிக்கப்பட்டதை, பா.ஜ., தலைவர்கள் எதிர்த்தது கண்டனத்துக்குரியது' என, அவர் கருத்து தெரிவித்தார்.http://www.dinamalar.com/

FDI விட்டுக் கொடுக்காத திமுக.. விரக்தியடைந்த குலாம்நபி ஆசாத்

சென்னை: சில்லறை வர்த்தகத்தில் அன்னிய முதலீட்டுக்கு அனுமதி கொடுத்த விவகாரத்தில் திமுகவை சமாதானப்படுத்த காங்கிரஸ் கட்சி மேற்கொண்ட சமாதான முயற்சிகள் தோல்வியடைந்துவிட்டன. சென்னையில் தம்மை சந்தித்த காங்கிரஸ் தூதர் குலாம்நபி ஆசாத்திடம் ஐக்கிய முற்போக்குக் கூட்டணிக் கட்சிகளின் கூட்டத்தைக் கூட்டி ஆலோசனை நடத்த வேண்டும் என்று திமுக தலைவர் கருணாநிதி தெரிவித்திருக்கிறார்.
சில்லறை வர்த்தகத்தில் அன்னிய முதலீட்டுக்கு அனுமதி கொடுத்த விவகாரத்துக்கு எதிர்ப்புத் தெரிவித்து நாடாளுமன்றத்தை எதிர்க்கட்சிகள் முடக்கியிருக்கின்றன. இந்த விவகாரத்தில் வாக்கெடுப்புடன் கூடிய விவாதம் நடத்த எதிர்க்கட்சிகள் கோரி வருகின்றன. ஆனால் மத்திய அரசோ விவாதம் மட்டும் நடத்தலாம் என்று கூறி வருகிறது.
இந்நிலையில் ஆளும் ஐக்கிய முற்போக்குக் கூட்டணியில் உள்ள திமுகவும் சில்லறை வர்த்தகத்தில் அன்னிய முதலீட்டை அனுமதித்தற்கு கடும் எதிர்ப்பு தெரிவித்து வருகிறது. நாடாளுமன்றத்தில் எதிர்க்கட்சிகள் வாக்கெடுப்புடன் கூடிய தீர்மானம் கொண்டுவந்தால் திமுகவும் ஆதரித்துவிடும் என்ற நிலை இருக்கிறது.  http://tamil.oneindia.in/

ஜோஷிக்கு தொடர்பில்லை: மாஜி சி.ஏ.ஜி.அதிகாரி திடீர் பல்டி

புதுடில்லி: "2ஜி' ஸ்பெக்ட்ரம் முறைகேடு குறித்த சி.ஏ.ஜி., அறிக்கையில், தனக்கு தொடர்பில்லை என்று கூறி, திடுக் புகார் தெரிவித்த, சி.ஏ.ஜி., முன்னாள் டைரக்டர் ஜெனரல், ஆர்.பி.சிங், இப்போது திடீர் பல்டி அடித்துள்ளார்.
"சி.ஏ.ஜி., அறிக்கை தயாரிப்பில், பொது கணக்கு குழு தலைவர், முரளி மனோகர் ஜோஷிக்கு தொடர்பு இருப்பதாக சொல்லவில்லை' என, கூறியுள்ளார்."2ஜி' ஸ்பெக்ட்ரம் ஒதுக்கீட்டில் முறைகேடு என்று செய்தி வெளியானதிலிருந்து இன்றுவரை, அந்த விவகாரம் இடியாப்ப சிக்கலாõக உள்ளது. இந்த ஊழல், தொடர்பாக, சுப்ரீமகோர்ட்டில், அரசுக்கு எதிராக கடும் கண்டனம் வரும்போதெல்லாம், அதற்கு மாறாக கருத்துகள் கிளம்புவதும், மறுப்பதும் நடந்து கொண்டிக்கிறது.
இந்நிலையில், கடந்த வார இறுதியில், புதிதாக கிளம்பினார், சி.ஏ.ஜி.,யின் முன்னாள் டைரக்டர் ஜெரனல், ஆர்.பி.சிங். இவர்தான், 2ஜி ஸ்பெக்ட்ரம் ஒதுக்கீட்டை, தணிக்கை செய்தவர். 14 மாதங்களுக்கு முன், பணியில் இருந்து ஓய்வு பெற்ற இவர், தனியார் செய்தி சேனலுக்கு பேட்டி கொடுத்து குட்டையை குழப்பிவிட்டார்.

கருணாநிதியை சமரசம் செய்ய சந்தித்தார் குலாம் நபி ஆசாத்

சென்னை: நாடாளுமன்ற குளிர்காலக் கூட்டத்தொடரின் முதல் 2 நாட்களை எதிர்க்கட்சிகளை முடக்கி வைத்திருக்கும் பரபரப்பான சூழ்நிலையில் திமுக தலைவர் கருணாநிதியை மூத்த காங்கிரஸ் தலைவரும் மத்திய அமைச்சருமான குலாம்நபி ஆசாத் இன்று சந்தித்துப் பேசினார்.
சில்லறை வர்த்தகத்தில் அன்னிய முதலீட்டுக்கு அனுமதி கொடுக்க எதிர்ப்பு தெரிவித்து நாடாளுமன்றத்தை எதிர்க்கட்சிகள் முடக்கி வருகின்றன. இந்த விவகாரத்தில் வாக்கெடுப்புடன் கூடிய விவாதம் நடத்த வேண்டும் என்பது எதிர்க்கட்சிகளின் கோரிக்கை. விவாதம் நடத்த தயார்... ஆனால் வாக்கெடுப்புக்கு அவசியமில்லை என்று கூறி வருகிறது மத்திய அரசு.
இதனிடையே 2ஜி விவகாரத்தில் புதிய திருப்பமாக ரூ1.76 லட்சம் கோடி இழப்பு ஏற்பட்டதாகக் கூறிய சிஜிஏ அறிக்கையில் தம்மை கட்டாயப்படுத்தி கையெழுத்து வாங்கியதாக சிஏஜியின் தொலைத்தொடர்புத் துறைக்கான இயக்குநர் ஆர்.பி.சிங் புகார் கூறியிருந்தார். இதை ஆயுதமாகப் பயன்படுத்தி 2ஜி விவகாரம் தொடர்பாக ஆர்.பி.சிங் கூறியது தொடர்பாக நாடாளுமன்றத்தில் விவாதம் நடத்தக் கோரி திமுக மூலம் தீர்மானம் கொண்டுவர மத்திய அரசு திட்டமிட்டிருப்பதாகக் கூறப்பட்டது.http://tamil.oneindia.in/

கோவையில் Volvo show room இந்தியாவின் மிகப் பெரிய

India`s Biggest Volvo Showroom in India The Biggest Showroom at VOLVO has opened now in Coimbatore

இந்தியாவின் மிகப்பெரிய வல்வோ கார் ஷோரூம் கோவை நகரில் நேற்று திறந்து வைக்கப்பட்டது.
உலகின் புகழ்பெற்ற வல்வோ நிறுவனத்துக்கு ஏற்கெனவே இந்தியாவில் ஏழு ஷோரூம்கள் உள்ளன. ஆனால் அவற்றில் மிகப் பெரியது இந்த கோவை சின்னிப்பாளையத்தில் ஷோரூம்தான்.

ரவி ஐபிஎஸ் இந்த ஷோரூமை திறந்து வைத்தார். வல்வோ நிறுவன சிஎப்ஓ சினேகா ஓபராய் குத்து விளக்கேற்றினார்.நிறுவனத்தின் நிர்வாக மேலாளர் தாமஸ் எர்ன்பர்க் கூறுகையில், "ஸ்வீடனில் தயாராகும் வல்வோ கார்கள், உலகின் அத்தனை பகுதிகளிலும் பாதுகாப்பான கார்கள் என பெயர் பெற்றுள்ளன என்றார்.
1920-ம் ஆண்டிலிருந்து சந்தையில் உள்ள வல்வோ கார்கள், இந்தியாவுக்கு 2008-ம் ஆண்டு அறிமுகமாயின.