டயான் ஜயதிலக்க : காணாமல்போன சகல துப்பாக்கிகளையும் கண்டுபிடியுங்கள்!

 Balasingam Balasooriyan  :  காணாமல்போன சகல துப்பாக்கிகளையும் கண்டுபிடியுங்கள்!
2001 ஆம் ஆண்டு இலங்கை இராணுவத்தினரால் ஈழமக்கள் ஜனநாயகக்கட்சித் (ஈ.பி.டி.பி) தலைவரும் முன்னாள் அமைச்சருமான டக்ளஸ் தேவானந்தா அவர்களுக்கு வழங்கப்பட்ட கைத்துப்பாக்கி ஒன்று பாதாள உலகக்குழுவின் கைகளுக்கு போய்ச்சேர்ந்ததாகக் கூறப்படும் விவகாரம் குறித்து நடந்து வரும் விசாரணை தொடர்பில் குற்றப்புலனாய்வுத் திணைக்களம் (Crime Investigation Department - CID) கடந்த வெள்ளிக்கிழமை (26.12.2025) அவரைக் கைது செய்தது.
 பிரபல குற்றவாளியான மாகந்துரே மதூஷிடம் (Makandure Madush) இருந்து பெறப்பட்ட தகவலின் அடிப்படையில், வெளிவேரிய (Weliweriya) பகுதியில் உள்ள புதர் ஒன்றில் மறைத்து வைக்கப்பட்டிருந்த அந்தத் துப்பாக்கி மீட்கப்பட்டதாகக் கூறப்படுகின்றது.
தேவானந்தா, தமிழீழ விடுதலைப்புலிகள் (LTTE) அமைப்பைத் துணிச்சலாக எதிர்த்து நின்று, 
அதனைத் தோற்கடிக்க உதவிய முன்னாள் போராளிகளில் ஒருவர். களுத்துறை சிறைச்சாலைக்குள் நடந்த கொலை முயற்சி உட்பட பல கொலை முயற்சிகளில் இருந்து அவர் உயிர் தப்பியுள்ளார். 

தேவானந்தாவிற்கு ஏற்பட்டுள்ள இந்த இக்கட்டான நிலைமை, தமிழீழ விடுதலைப்புலிகள் ஆதரவுக் குழுக்களுக்கு மிகுந்த மகிழ்ச்சியை அளித்துள்ளதை, அவர்களின் சமூக ஊடகப் பதிவுகள் மூலம் அறிய முடிகின்றது.
தமிழீழ விடுதலைப்புலிகளின் பயங்கரவாதம் உச்சக்கட்டத்தில் இருந்தபோது இந்தத் துப்பாக்கி தேவானந்தாவிற்கு வழங்கப்பட்டதாகக் கூறப்படுகின்றது. மதூஷ் 2019 இல் கைது செய்யப்பட்டு, 2020 ஒக்ரோபரில் பொலிஸ் காவலில் இருந்தபோது கொல்லப்பட்டார். அந்தத் துப்பாக்கி பாதாள உலகக்குழுவினரின் வசம் இருந்தபோதும், அதன் வரிசை எண் (Serial number) சிதையாமல் அப்படியே இருந்துள்ளது என்பதுதான் ஆச்சரியத்துக்குரிய விடயம்.

மதூஷ் இறந்து நீண்ட காலமாகிவிட்டதால், இந்தத் துப்பாக்கி தொடர்பாக சி.ஐ.டி (CID) கூறும் புகார்களைச் சரிபார்க்க எந்த வழியுமில்லை. ஜே.வி.பி/என்.பி.பி (JVP/NPP) அமைப்பைச் சார்ந்த ஓய்வுபெற்ற பொலிஸ் கூட்டமைப்பின் இரு உறுப்பினர்களின் கீழ் இயங்கும் சி.ஐ.டி, இப்போது ஜே.வி.பியின் ஏவல்படையாக மாறியுள்ளது. ஜே.வி.பி/என்.பி.பி அரசாங்கத்தின் நலன்களைப் பாதுகாக்கவே பொலிசார் துடியாய் துடிக்கின்றனர். 

அண்மையில் அரசாங்க நாடாளுமன்ற உறுப்பினர் ஒருவர் விபத்தை ஏற்படுத்தியபோது, (அவர் மது அருந்தியுள்ளாரா என்பதைப் பரிசோதிப்பதற்கு) பொலிசாரிடம் சுவாசப் பரிசோதனை கருவிகள் (breathalysers) திடீரென இல்லாமல் போயுள்ளது. கஞ்சா தோட்டமொன்றினைச் சோதனையிட்டதற்காக, ஒரு பொலிஸ் அதிகாரி (தேசிய மக்கள் சக்தி) அரசாங்க நாடாளுமன்ற உறுப்பினர் மற்றும் அவரது ஆதரவாளர்களால் தாக்கப்பட்டதோடு, அவர் தற்காலிகப் பணிநீக்கம் செய்யப்பட்டு கைது செய்யப்பட்டுள்ளார்! மோசடிக் குற்றச்சாட்டு சுமத்தப்பட்ட ஒரு பிரதி அமைச்சரையும் தேசிய மக்கள் சக்திக்கட்சியின் மாநகர முதல்வரையும் பொலிசார் இதுவரை கைது செய்யவில்லை.
தேவானந்தாவின் துப்பாக்கி குறித்து சி.ஐ.டி தீவிரமாக விசாரித்து வரும் நிலையில், 1980களின் இறுதியில் நடந்த ஜே.வி.பியின் இரண்டாவது கிளர்ச்சியின் போது அரசியல்வாதிகளுக்கு வழங்கப்பட்ட ஆயிரக்கணக்கான ஆயுதங்கள் மற்றும் அக்காலகட்டத்தில் ஜே.வி.பியால் கைப்பற்றப்பட்ட ஆயுதங்கள் குறித்தும் விசாரணை நடத்தப்பட வேண்டும்.


2019 ஆம் ஆண்டு ஜனவரியில் அப்போதைய பாதுகாப்புச் செயலாளர் ஹேமசிறி பெர்னாண்டோ (Hemasiri Fernando), சுமார் 4,700 9mm பிஸ்டல்கள் மற்றும் ரிவோல்வர்களுக்கு உரிமம் வழங்கப்பட்டிருந்தாலும், அவற்றை யார் பெற்றார்கள் என்ற தகவல் இல்லை என்றும், மோசமான விடயமென்னவெனில் சில நபர்கள் தலா 15 சிறியரகத் துப்பாக்கிகளை வைத்திருப்பதாகவும் தெரிவித்தார். 
2023 இல் அப்போதைய பாதுகாப்பு இராஜாங்க அமைச்சர் பிரமித பண்டார தென்னகோன் (Premitha Bandara Tennakoon), 1980களின் பிற்பகுதியில் ஜே.வி.பி படுகொலைகளில் ஈடுபட்டிருந்தபோது, 154 அரசியல்வாதிகளுக்கு சுமார் 700 துப்பாக்கிகள் வழங்கப்பட்டதாகவும், அவை இதுவரை திருப்பி ஒப்படைக்கப்படவில்லை என்றும் நாடாளுமன்றத்தில் தெரிவித்தார். இந்த எண்ணிக்கை உண்மையான எண்ணிக்கையை விட மிகக் குறைவானது என்றே நாங்கள் நம்புகிறோம்.
நாங்கள் முன்னையதொரு ஆசிரியர் தலையங்கத்தில் சுட்டிக்காட்டியுள்ளபடி, இலங்கையில் சட்டவிரோத ஆயுதப் புழக்கம் குறித்து, 2004 இல் ஜனாதிபதி சந்திரிகா பண்டாரநாயக்க குமாரதுங்கவினால் நியமிக்கப்பட்ட சட்டவிரோத சிறியரக ஆயுதங்கள் பரவலுக்கு எதிரான தேசிய ஆணைக்குழு (National Commission against the Proliferation of Illicit Small Arms) விரிவாக ஆராய்ந்தது. அதன் ஆய்வு அறிக்கையில் மதிப்புமிக்க தகவல்கள் உள்ளன. எனினும் தற்போதைய நிலைக்கு ஏற்ப அது புதுப்பிக்கப்பட வேண்டும். பாதுகாப்பு அதிகாரிகள் இந்த ஆவணத்தை முழுமையாகப் படித்து, சட்டவிரோத துப்பாக்கிகள் குறித்த புதிய ஆய்வை மேற்கொள்ள வேண்டும்.

ஜே.வி.பி தனது இரண்டாவது கிளர்ச்சியின் போது பயன்படுத்திய சட்டவிரோத துப்பாக்கிகளைக் கண்டறிய பொலிசார் அனைத்து முயற்சிகளையும் கட்டாயமாக எடுக்க வேண்டும். ஜே.வி.பியின் பெரும்பாலான ஆயுதக் கிடங்குகள் இன்னும் கண்டுபிடிக்கப்படவில்லை. 1987 முதல் 1989 வரை ஜே.வி.பியால் கைப்பற்றப்பட்ட 2,000 இற்கும் மேற்பட்ட துப்பாக்கிகள் இன்னும் மீட்கப்படவில்லை என்று சபாநாயகர் தயாசிறி ஜயசேகர (Dayasiri Jayasekara) 2025 பெப்ரவரி 27 அன்று நாடாளுமன்றத்தில் தெரிவித்தார். 

ஜே.வி.பி பல பொலிஸ் நிலையங்கள் மற்றும் இராணுவ முகாம்களைத் தாக்கி பல ஆயுதங்களைக் கொள்ளையடித்து சென்றது நினைவிருக்கலாம். 1987 ஆம் ஆண்டு ஏப்ரலில் ஜே.வி.பி பல்லேகல இராணுவ முகாமின் ஆயுதக் கிடங்கைக் கைப்பற்றியது. ஜே.வி.பி தலைமையிலான தேசிய மக்கள் சக்தி, இப்போது அரசாங்கமொன்றினை அமைத்து, துப்பாக்கி வன்முறையை ஒழிப்பதற்கான பிரச்சாரத்தை தொடங்கியுள்ள நிலையில், 1980களின் பிற்பகுதியில் ஜே.வி.பி பயன்படுத்திய துப்பாக்கிகள் பற்றிய தகவல்களை பாதுகாப்பு அமைச்சாலும் சி.ஐ.டியினராலும் கண்டறிய முடியும்.

துப்பாக்கிச் சூட்டுச் சம்பவங்கள் எதுவுமில்லாத ஒரு நாள் கூட கடந்ததில்லை. நேற்று (31.12.2025) மேல் மாகாணத்தில் இரண்டு துப்பாக்கிச் சூட்டுச் சம்பவங்கள் பதிவாகியுள்ளன. ஆயுதங்கள் கடத்தப்படுவது, பொலிஸிலும் ஆயுதப்படைகளிலும் உள்ள மோசடிக்காரர்களின் சட்டவிரோத நடவடிக்கைகள், உள்நாட்டில் ஆயுதத் தயாரிப்பு, தமிழீழ விடுதலைப்புலிகளின் ஆயுதக் கிடங்குகளில் கைப்பற்றப்பட்ட ஆயுதங்கள் மற்றும் 1980களின் பிற்பகுதியில் காணாமல் போன ஆயுதங்கள் குற்றவாளிகளிடம் சென்றடைந்தது போன்றவையே இலங்கையில் சட்டவிரோத துப்பாக்கிகள் பெருகுவதற்கு முக்கிய காரணங்களாக ஆராய்ச்சியாளர்கள் கருதுகின்றனர்.

கிளிநொச்சியில் புதைக்கப்பட்டிருந்த தமிழீழ விடுதலைப்புலிகளின் ஆயுதக் கிடங்குகளில் இருந்து எடுக்கப்பட்ட ஆயுதங்களை நாட்டின் ஏனைய பகுதிகளில் உள்ள குற்றவாளிக் கும்பல்களுக்கு விநியோகித்ததற்காக 12 சந்தேக நபர்களை 2019 மார்ச் 22 அன்று பொலிசார் நீதிமன்றத்தில் முன்னிலைப்படுத்தினர். பொலிஸ், இராணுவம் மற்றும் ஈ.பி.டி.பி போன்ற மாற்றுக் குழுக்கள் மீது தமிழீழ விடுதலைப்புலிகள் தாக்குதல்களை நடத்தி, அவர்களிடமிருந்தும் ஆயுதங்களைக் கைப்பற்றினார்கள். சட்டவிரோதத் துப்பாக்கிகள் அனைத்தையும் கண்டறிய பொலிசார் தீவிர முயற்சி எடுப்பது அவசியமாகும். இதுவே அவர்களின் புத்தாண்டு உறுதிமொழியாக இருக்கட்டும்.
- ஆசிரியர் தலையங்கம்
The Island, 01.01.2026
---------------------------------------------------------------
Trace all missing firearms
The CID arrested EPDP leader and former minister Douglas Devananda last Thursday in connection with an ongoing investigation into a pistol issued to him by the Army way back in 2001 allegedly ending up in the underworld. It has claimed that information elicited from Makandure Madush, a notorious criminal, led the police to the weapon hidden in a shrub in Weliweriya.
Devananda is one of the battle-scarred ex-Tiger combatants who courageously stood up to the LTTE and helped defeat it. He survived several assassination attempts, including one inside the Kalutara Prison. Devananda’s predicament has gladdened the hearts of pro-LTTE groups beyond measure, as evident from their social media posts.
The pistol in question was reportedly issued to Devananda at the height of LTTE terror; Madush was arrested in 2019 and killed in October 2020, while in police custody. Curiously, the serial number of the weapon remained intact while it was in the underworld.
Madush is long dead, and there is no way the CID’s claims about the firearm at issue can be checked. The CID, which is under two members of the Retired Police Collective of the JVP/NPP, has become the JVP’s rottweiler. The police are all out to protect the interests of the JVP/NPP government; they suddenly ran out of breathalysers when a government MP caused a road accident the other day. A policeman, assaulted by a government MP and his backers recently for conducting a raid on a cannabis plantation, was arrested and interdicted! The police have not arrested a deputy minister and an NPP mayor, charged with fraud.
Now that the CID is busy probing Devananda’s pistol, let it be urged to launch an investigation into thousands of weapons issued by the Defence Ministry to politicians in the second JPV uprising in the late 1980s, and the arms seized by the JVP during that period.
In January 2019, the then Defence Secretary Hemasiri Fernando disclosed that about 4,700 9mm pistols and revolvers had been licensed, but there was no information about those who had obtained them and, worse, some individuals possessed as many as 15 small firearms each! In 2023, the then State Minister of Defence Premitha Bandara Tennakoon revealed in Parliament that the defence authorities had issued about 700 firearms to 154 politicians in the late 1980s, when the JVP went on a killing spree, but none of them had been returned. This figure, we believe, is a gross underestimate.
The National Commission against the Proliferation of Illicit Small Arms, appointed by President Chandrika Bandaranaike Kumaratunga in 2004, dealt extensively with the issue of illegal weapons in circulation in Sri Lanka, as we pointed out in a previous editorial comment. Its survey report contains valuable information, which, however, needs to be updated. Defence authorities should study this document thoroughly and commission a fresh survey on illicit firearms.
The police must go all out to find the illegal firearms used by the JVP during its second uprising. Most of the JVP’s arms caches have not been traced. SJB MP Dayasiri Jayasekara told Parliament on 27 February 2025 that more than 2,000 firearms seized by the JVP between 1987 and 1989 had not been recovered. One may recall that the JVP attacked several police stations and military camps and grabbed many weapons. In April 1987, it seized the arsenal of the Pallekele army camp. Now that the JVP-led NPP has formed a government and launched a campaign to eliminate gun violence, the Defence Ministry and the CID may be able to ascertain information about the firearms used by the JVP in the late 1980s.
Hardly a day passes without incidents of gun violence. Two shooting incidents were reported from the Western Province yesterday. The proliferation of illicit firearms in Sri Lanka can be attributed to several key factors, according to researchers; they include gunrunning, illegal operations carried out by rogue elements in the police and the armed forces, local arms manufacturing, and criminals gaining access to arms caches of the LTTE and the weapons that went missing in the late 1980s.
The police produced 12 suspects before the Colombo Chief Magistrate on March 22, 2019, for having supplied weapons retrieved from some buried LTTE arms caches in Kilinochchi to criminal gangs elsewhere. The LTTE seized firearms from the police, the armed forces and the rival militant groups like the EPDP. It is incumbent upon the police to make a serious effort to trace all illegal firearms. Let that be their New Year resolution.
- Editorial, The Island
01.01.2026