மத்திய அரசு விலக்கு அளித்தவுடன் அந்த காலத்துக்குள் மாநில அரசு மாணவர்களை தேர்வுக்கு தயார்படுத்த ஏதுவாக இருக்கும் என்பதால் 3 ஆண்டுகள் விலக்களித்தால் நன்றாக இருக்கும் என்று கவுதமி கேட்டதற்கு அவரது மனு பரிசீலனை செய்து முடிவு எடுக்க 2 வார கால அவகாசம் தேவைப்படும் என்று அமைச்சர் பதில் அளித்துள்ளார். தரமான மருத்துவர்களை உருவாக்க வேண்டும் என்றால் நீட் தேர்வை கட்டாயம் நடத்த வேண்டும் என்று மத்திய அரசு கருதுகிறது.
ஆனால் கவுதமிக்கு ஜாவடேகர் அளித்த வாக்குறுதியை பார்க்கும்போது நீட் தேர்வில் பாஜகவுக்கு இரட்டை நிலைப்பாடு உள்ளதையே காட்டுகிறது என்று அரசியல் ஆர்வலர்கள் கருதுகின்றனர். நீட் தேர்வை முன்னெடுத்துச் செல்ல பாஜகவினர் பல்வேறு முயற்சிகளை எடுத்துச் செல்லும் நிலையில் நீட் தேர்வு குறித்து நடிகையிடம் அத்தகைய வாக்குறுதியை அமைச்சர் கொடுக்காமல் இருந்திருக்கலாம் என்று கட்சி வட்டாரங்கள் தெரிவித்தன. மத்திய அரசுக்கும், மாநில பாஜகவுக்கு கருத்து வேறுபாடு நிலவுகிறதா என்ற கருத்தை பாஜக தேசிய செயலாளர் எச்.ராஜா மறுத்துள்ளார்.
மேலும் மருத்துவ படிப்பில் சேர நீட் தேர்வு கட்டாயம் என்பதை மத்திய அரசு தெளிவாக கூறிவிட்டது. கவுதமிக்கும் அமைச்சர் ஜாவடேகருக்கும் இடையே எந்த மாதிரியான கருத்து பரிமாறப்பட்டது என்பது குறித்து தனக்கு தெரியாது என்று எச்.ராஜா தெரிவித்துள்ளார்.
கருத்துகள் இல்லை:
கருத்துரையிடுக