Instant மேதைகளின் டிவி ஷோக்களை விட தூரதர்ஷனின் Naad Bhed (நாத பேதம்?) நிகழ்ச்சி,,,

போன மாதம் ஊரெங்கும் சூப்பர் சிங்கர் பரபரப்பு பற்றியிருந்த நேரம்.
தொலைபேசிய ஒரு நண்பர் சொன்னார் -
‘அந்தக் குழந்தை பிரமாதமா பாடறா. விக்கு விநாயகராம் கேட்டு அசந்து போய் அப்படியே கட்டிண்டுட்டார். நித்யஸ்ரீ பிரமிச்சுப் போய் இருந்தாங்க்.இந்த வயசிலேயே பெரிய பெரிய பாடகிகள் மாதிரி பாடறான்னு பாராட்டினாங்க். சங்கீதத்தையே கரைகண்டுட்டா’.
பெருவாரியான ரசிகர்கள் மட்டுமில்லாமல், அந்தக் குழந்தையின் பெற்றோரே இப்படித்தான் நம்பியிருக்கக் கூடும். அந்தக் குழந்தை கூட அப்படியே நினைத்திருக்கலாம்.
சினிமாவில் வரும் பாடலை, அது கர்னாடக இசையா, மெல்லிசையா என்று பேதம் இல்லை, அப்படியே பின்னணிப் பாடகர் பாடிய மாதிரி அச்சு அசலாகப் பாடுவதே மேதமை என்று ரியாலிட்டி ஷோ ரசிகர்கள் நாடெங்கும் நினைக்கிறார்கள், இவர்களின் எண்ணிக்கை கூடி வருகிறது என்பது நினைவில் கொள்ள வேண்டிய ஒன்று.

மனைவியை அடித்துக் கொன்ற ஐ.டி. இளைஞர்! மனைவி வேலைக்கு செல்ல விரும்பியதால் கொன்றாராம்

முதுகலை பட்டம் பெற்ற பெண் வேலைக்கு போக வேண்டும் என்று விரும்பியதால், தன் கணவராலேயே கொலை செய்யப்பட்டுள்ளார். உத்தர பிரதேச மாநிலம் காசியாபாத்தில் உள்ள ஒரு அடுக்குமாடி குடியிருப்பில் வசித்து வருபவர் மோகித் சர்மா. 32 வயதான இவர் தகவல் தொழில்நுட்ப துறையில் வேலை பார்க்கிறார். இவரது மனைவி ருச்சி. இவர்களுக்கு 9 வயதில் ஒரு மகன் இருக்கிறான். கணவர் வேலைக்கும் மகன் பள்ளிக்கும் சென்றுவிடுவதால், வீட்டில் தனியாக இருக்கும் ருச்சிக்கு மிகவும் போரடித்துள்ளது. எனவே வேலைக்கு போகவேண்டுமென்று கணவரிடம் பலமுறை கேட்டுள்ளார். இதற்கு மோகித் சர்மா சம்மதிக்கவில்லை. வீட்டில் இருந்து மகனை கவனித்துக்கொள்ளும்படி கூறியுள்ளார். இதனால் இருவருக்குமிடையே அடிக்கடி வாக்குவாதம் ஏற்பட்டுள்ளது.

அர்விந்த் கெஜ்ரிவாலுக்கு உடல்நலக்குறைவு: பெங்களூர் டாக்டர்கள் தகவல்

ஆம் ஆத்மி கட்சி தலைவரும், டெல்லி முதல் மந்திரியுமான அரவிந்த் கெஜ்ரிவால் கர்நாடக மாநில தலைநகர் பெங்களூரில் உள்ள ஜிண்டால் நேச்சர் கியூர் மருத்துவமனையில் இயற்கை முறை சிகிச்சைக்காக அனுமதிக்கப்பட்டுள்ளார். இந்நிலையில், கெஜ்ரிவாலின் உடல்நிலை இவ்வளவு மோசமாவதற்கு தவறான மற்றும் மன அழுத்தமான வாழ்க்கை முறையும்தான் மூலக்காரணம் என அவருக்கு சிகிச்சை அளித்துவரும் டாக்டர் பபினா நந்தகுமார் குறிப்பிட்டுள்ளார். ஒழுங்காக வேளைக்கு சாப்பிடாமல் குளிர்பானங்கள் போன்றவற்றை அதிக அளவில் பயன்படுத்தியதால் அவரது உடலில் சர்க்கரையின் அளவு அதிகரித்து விட்டது.

பிரதமர் மோடிக்கு யாழ்ப்பாணத்தில் அமோக வரவேற்பு

இந்திய கலாசார நிலையத்திற்கு  அடிக்கல் நாட்டிய பின்  யாழ்ப்பான பொதுநூல் நிலைய மண்டபத்தில் தற்போது நிகழ்சிகள் நடைபெற்று கொண்டிருக்கிறது .இன்று தனது யாழ் விஜயத்தினை மேற்கொண்ட இந்தியப் பிரதமர் நரேந்திர மோடியை வரவேற்பதற்காக யாழ் விழாக்கோலம் பூண்டுள்ளது. நரேந்திர மோடியின் வருகையை முன்னிட்டு யாழ் கே.கே.ஸ் வீதிகள் தோரணங்கள் நிறைகுடங்கள் மற்றும் இலங்கை, இந்திய கொடிகளினால் அலங்கரிக்கப்பட்டுள்ளது. சற்று முன்னர் யாழ்.மத்திய கல்லூரி மைதானத்தில் வந்து இறங்கிய இந்திய பிரதமர் யாழ் பொதுநூலகத்தில் நடை பெற்ற விழாக்களில் கலந்து கொண்டார் -

மேலும் மோடியின் வருகை தமது நியாயமான அபிலாசைகளை நிறைவேற்றும் எனவும், தமிழ் மக்களின் பிரச்சினைகளுக்கான நிரந்தர தீர்வினை இலங்கை அரசிடம் மோடி முன்வைப்பார் எனும் ஆர்பரிப்பிலேயே இந்தியப் பிரதமரை கோலாகலமாக வரவேற்கிறோம் என யாழ்.மக்கள் கருத்து தெரிவித்தனர்.  - See more at: http://onlineuthayan.com/News_More.php?id=237683917914502623#sthash.7Q3tf8kr.dpuf

இதேவேளை கீரிமலை சென்று தனது வழிபாடுகளை மேற்கொள்ள உள்ள மோடி இளவாலையில் இந்திய நிதியுதவியின் கீழ் அமைக்கப்பட்ட இந்திய வீட்டுத்திட்ட வீடுகளை வைபவரீதியாக திறந்து வைத்து பயனாளிகளிடம் கையளிக்கவுள்ளார்.  - See more at: http://onlineuthayan.com/News_More.php?id=237683917914502623#sthash.7Q3tf8kr.dpuf

onlineuthayan.com/

தலைமன்னார் புதிய ரெயில் சேவை: பிரதமர் மோடி தொடங்கி வைத்தார்! இந்திய உதவியில் நிர்மாணிக்கப்பட்ட ...

இரண்டு நாள் பயணமாக இலங்கை வந்துள்ள இந்திய பிரதமர் நரேந்திர மோடி, தலைமன்னார்-மது ரோடு இடையிலான புதிய ரெயில் சேவையை இன்று கொடியசைத்து தொடங்கி வைத்தார். கடந்த 25 ஆண்டுகளாக ரெயில்கள் இயக்கப்படாத இந்த வழித்தடத்தில் இலங்கையின் வடக்கு கோட்ட இருப்புப்பாதை மறுசீரமைப்பு குழுவினர் சுமார் 265 கிலோ மீட்டர் நீளமுள்ள புதிய இருப்புப்பாதையை அமைத்து வருகின்றனர். இந்த பணிகளை இந்திய அரசுக்கு சொந்தமான ‘இர்க்கான் இண்டர்நேஷனல் நிறுவனம்’ செய்து வருகின்றது. இதில் முதல்கட்டமாக 63 கிலோ மீட்டர் நீளமுள்ள தலைமன்னார்-மது ரோடு இடையில் பாதை அமைக்கும் பணி நிறைவடைந்துள்ளது. இந்நிலையில், இலங்கை வந்துள்ள இந்திய பிரதமர் நரேந்திர மோடி இன்று இந்த வழித்தடத்தில் புதிய ரெயில் சேவையை தொடங்கி வைத்தார்.

ஆந்திரா சட்டசபையில் நடிகை ரோஜா வெளிநடப்பு ! அங்கன்வாடி பெண்தொழிலாளர் சம்பள உயர்வு கேட்டு .....

ஆந்திராவில் அங்கன் வாடி பெண் ஊழியர்கள் தங்களுக்கு பதவி உயர்வு, ஊதிய உயர்வு உள்பட பல்வேறு கோரிக்கைகளை வலியுறுத்தி நேற்று 13 மாவட்ட கலெக்டர் அலுவலகம் முன்பு தர்ணா போராட்டம் நடத்தினார்கள்.
அங்கன்வாடி ஊழியர்கள் கோரிக்கை குறித்து விவாதிக்க வேண்டும் என்று சட்டசபையில் நகரி தொகுதி ஒய்.எஸ்.ஆர். காங்கிரஸ் எம்.எல்.ஏ.வான நடிகை ரோஜா ஒத்திவைப்பு தீர்மானம் கொண்டு வந்தார்.
ஆனால் அதற்கு சபாநாயகர் சிவப்பிரசாத் அனுமதி வழங்கவில்லை. இது தொடர்பாக பேச அனுமதி அளிக்க வேண்டும் என்று நடிகை ரோஜா பலமுறை வற்புறுத்தியும் அவர் அனுமதி வழங்கவில்லை. இதனால் சபாநாயகருக்கு எதிராக எதிர்க்கட்சி எம்.எல்.எ.க்கள் கோரிக்கை எழுப்பினர்.
இதனால் ஏற்பட்ட அமளியால் சபையை சபாநாயகர் ஒத்திவைத்தார்.

தமிழிசை சவுந்தரராஜன்: இலங்கைத் தமிழர்களின் வாழ்வில் மறுமலர்ச்சி ஏற்படும் என்பதை நம்புகிறோம்

சென்னை தியாகராய நகரில் உள்ள பா.ஜ. கட்சியின் தலைமை அலுவலகமான கமலாலயத்தில் மாநில தலைவர் தமிழிசை சவுந்தரராஜன் செய்தியாளர்களை சந்தித்தார். அப்போது அவர் கூறியதாவது,பிரதமர் மோடி இலங்கை சென்றிருப்பது இலங்கைத் தமிழர்கள், உலகத் தமிழர்கள் மத்தியில் வரவேற்பைப் பெற்றுள்ளது. அங்குள்ள தமிழர்கள் ஆட்சி அதிகாரத்தோடு கூடிய நல்வாழ்வு பெறவும், மீள் குடியேற்றம் பெறுவதற்கும், அவர்களுக்குக் கட்டப்பட்ட வீடுகளில் குடியேறவும் இந்தப் பயணம் மிகவும் முக்கியமானத சீனாவின் ஆக்கிரமிப்பிலிருந்து இலங்கையை மீட்டெடுத்து சமூக, பொருளாதார ரீதியில் அந்த நாட்டுடன் இணைந்து செயல்படவும், தமிழக மீனவர்களின் பிரச்சனைக்கு நிரந்தரத் தீர்வை ஏற்படுத்தவும் இந்தப் பயணம் உதவும்.தமிழக பாஜகவைப் பொருத்தவரை, நீண்ட காலமாகத் தீர்க்கப்படாத இந்தப் பிரச்னை தீர்க்கப்படும். இலங்கைத் தமிழர்களின் வாழ்வில் மறுமலர்ச்சி ஏற்படும் என்பதை நம்புகிறோம் என்றார்.படம்: ஸ்டாலின்<

இந்தியாவை நம்புங்கள்: தமிழ் தேசிய கூட்டமைப்பு தலைவர்களிடம் மோடி உறுதி

இலங்கையில் சுற்றுப் பயணம் செய்யும் பிரதமர் மோடி நேற்று இரவு கொழும்பில் தங்கி இருந்தார். முன்னதாக மாலை 6 மணிக்கு மோடி தங்கி இருந்த தாஜ் ஓட்டலுக்கு தமிழ் தேசிய கூட்டமைப்பு தலைவர்கள் சென்றனர். அங்கு பிரதமர் மோடியை சந்தித்து இலங்கைத் தமிழர்களின் பிரச்சினைகள் குறித்து எடுத்துக் கூறினார்கள்.
இலங்கையில் நிலவும் இனப் பிரச்சினையால் வடக்கு கிழக்கு இணைப்பு என்பது ஒரு முக்கிய விஷயம். இது தான் தமிழர்களின் தாயகம், வடக்கு – கிழக்கு இணைப்பு இந்தியா – இலங்கை ஒப்பந்தத்தின் அடிப்படையில் ஏற்படுத்தப்பட்டது. அந்த ஒப்பந்தத்தை ராஜபக்சே தலைமையிலான அரசு இல்லாமல் செய்துவிட்டது.
வட, கிழக்கு இணைப்பு இந்திய இலங்கை ஒப்பந்தத்தின் அடிப்படையில் ஏற்படுத்தப்பட்டது. எனினும் பின்னர் மஹிந்த ராஜபக்சே தலைமையில் அந்த ஒப்பந்தம் இல்லாமல் செய்யப்பட்டது. தவிர வட, கிழக்கு என்பது தமிழ் மக்களுடைய வரலாற்று பூர்வமான தாயகப் பிரதேசம்.

நவ்யா நாயர்: பாலியல் தொழிலை சட்டபூர்வமாக்க வேண்டும்!

நிர்பயா மானபங்க விவகாரம் தொடர்பாக தயாரிக்கப்பட்ட டாக்குமென்ட்ரி படத்துக்கு தடை விதிக்கப்பட்டது. இதில் குற்றவாளி அளித்த பேட்டிக்கு அனைத்து தரப்பிலும் எதிர்ப்பு கிளம்பியது. இதுதொடர்பாக கருத்து தெரிவித்த நவ்யா நாயர், மானபங்க நிகழ்வுகள் நடக்காமல் இருப்பதற்கு பாலியல் தொழிலை சட்டபூர்வமாக அங்கீகரிக்க வேண்டும் என கூறியதாக பரபரப்பு எழுந்தது.  இதற்கு எதிர்ப்பும், ஆதரவும் கிளம்பியது.பிரச்னை முற்றுவதை உணர்ந்த நவ்யா நாயர், பேஸ்புக்கில் விளக்கம் அளித்திருக்கிறார். ‘நான் சொன்னது தவறாக அர்த்தம் கொள்ளப்பட்டிருக்கிறது. அதற்கு விளக்கம் அளிக்க விரும்புகிறேன். நாட்டில் மானபங்க நிகழ்வுகள் நடைபெற்று  கொண்டிருக்கின்றன. குற்றவாளிகள் தண்டனை அனுபவிப்பது மட்டும் கிடப்பிலேயே வைக்கப்பட்டிருக்கிறது. இதுதொடர்பாக டிவியில் நிறைய விவாதங்கள் நடப்பதை பார்க்கிறேன். அதில் பேசுபவர்கள் பாலியல் தொழிலை சட்டப்பூர்வமாக அங்கீகரிப்பதுதான் மானபங்க நிகழ்வுகளை ஒழிப்பதற்கு தீர்வு என குறிப்பிட்டனர். நமது கலாசாரம், சூழல் ஆகியவற்றை கருத்தில் கொண்டு அரசு இதுபற்றி சரியான விவாதம் நடத்தி முடிவு எடுக்க வேண்டும் என குறிப்பிட்டிருந்தேன்' என்றார்.தான் வெளியிட்ட கருத்து தவறாக இருந்தால் மன்னிப்பு கேட்டுக்கொள்வதாக நவ்யா நாயர் கூறி உள்ளார் - See more .tamilmurasu.org

ஜெயலலிதா : நிலம் கையகப்படுத்துதல் சட்டத்தை ஆதரித்தது ஏன்?

சென்னை: அ.தி.மு.க., பொதுச்செயலர் ஜெயலலிதா நேற்று வெளியிட்ட அறிக்கை:முந்தைய காங்கிரஸ் கூட்டணி அரசு கொண்டு வந்த, நிலம் கையகப்படுத்துதல் சட்டத்தில், சில திருத்தங்களை, தற்போதைய பா.ஜ., அரசு செய்து, அதை அவசர சட்டமாக, கடந்த டிசம்பர், 31ம் தேதி அமல்படுத்தியது.அந்த அவசர சட்டத்தை, சட்டமாக்கும் மசோதா, கடந்த, 9ம் தேதி, லோக்சபாவில் அறிமுகம் செய்யப்பட்டது. அதன் மீது, எதிர்க்கட்சிகள் தெரிவித்த கவலைகள் அடிப்படையில், பா.ஜ., அரசு மேலும், ஒன்பது திருத்தங்களை செய்து மறுநாள் தாக்கல் செய்தது.நில எடுப்பு தொடர்பான, இந்த சட்டத் திருத்தத்தில், தனியார் கல்வி நிறுவனங்கள் மற்றும் தனியார் மருத்துவமனைகளுக்கு விலக்குகள் அளிக்கப்படக் கூடாது என்பது, அ.தி.மு.க., முடிவு.அதை, பா.ஜ., அரசு ஏற்றுக்கொண்டதால், அந்த சட்ட திருத்த மசோதாவிற்கு, லோக்சபாவில், அ.தி.மு.க., ஆதரவளித்து ஓட்டளித்தது.  சொத்து குவிப்பு 'தீர்ப்புகள் திருத்தப்படலாம்' என்ற எதிர்பார்ப்பில், ஜெ மசோதாவை ஆதரிக்கிறார். இது பச்சைப் புள்ளைக்கும் தெரியும். அதற்காக கஷ்டப்பட்டு கொள்கை விளக்கம் வேறு. முதலில் பன்னீருக்குப் புரிகிறதா?

புதிய தலைமை செயலக வழக்கில் கலைஞரிடம் 72 கேள்விகள்! ரகுபதி கமிஷன் !

புதிய தலைமைச் செயலக வளாகம் கட்டப்பட்டதில் முறைகேடுகள் நடந்ததாக கூறப்படும் புகார்கள் குறித்து விசாரிக்கும் நீதிபதி ரகுபதி கமிஷன், முன்னாள் முதல்வர் கருணாநிதியிடம், 72 கேள்விகளை எழுப்பியுள்ளது.சென்னை, ஓமந்தூரார் அரசினர் தோட்டத்தில், கடந்த தி.மு.க., ஆட்சிக் காலத்தில் புதிய தலைமைச் செயலகம் கட்டப்பட்டது.கடந்த, 2011ல், அ.தி.மு.க., ஆட்சிக்கு வந்ததும், புதிய தலைமைச் செயலக கட்டடம் கட்டியதில் முறைகேடு நடந்ததாக புகார் எழுந்தது.அது குறித்து விசாரணை நடத்தி, அரசுக்கு அறிக்கை தாக்கல் செய்ய, ஓய்வுபெற்ற உயர் நீதிமன்ற நீதிபதி ரகுபதி தலைமையில், விசாரணை கமிஷன் அமைத்து, தமிழக அரசு உத்தரவிட்டது. அதைத்தொடர்ந்து புதிய தலைமைச் செயலக கட்டடத்தில், பல்வேறு கட்டங்களாக நீதிபதி ரகுபதி ஆய்வு நடத்தினார். இந்த திட்டம், தொடர்பாக எழுந்த முறைகேடு புகார்கள் தொடர்பாக, இதுவரை, பொதுப்பணித்துறை, சி.எம்.டி.ஏ., ஒப்பந்த நிறுவனங்கள், பல்வேறு அரசுத்துறை அதிகாரிகள் என, 24 பேருக்கு சம்மன் அனுப்பப்பட்டு, விசாரிக்கப்பட்டனர். கஞ்சா கேஸ் போட்டாவது கலைஞரை நடுராத்திரி கைது... ? வேறென்ன பண்ண முடியும் மைக்கல் குன்ஹாவின் ஆப்புதான் இறுகி கெடக்கே! ஆத்திரம் வராதா?  

கேரளா சட்டசபையில் வரலாறு காணாத ரகளை : சபாநாயகர் இருக்கை தகர்ப்பு

திருவனந்தபுரம்:கேரள சட்டசபையில் நேற்று வரலாறு காணாத அமளி ஏற்பட்டது. மதுபான பார் ஊழலில் சிக்கிய நிதியமைச்சர், கே.எம்.மோனி, 82, மாநில பட்ஜெட்டை சமர்ப்பிக்கக் கூடாது என, முதல்வர் உம்மன் சாண்டியை எதிர்க்கட்சிகள் வலியுறுத்தின. அதை, காங்கிரஸ் அரசு ஏற்றுக் கொள்ளாததால், சட்டசபையில் அதை தடுக்கும் முயற்சியில், கம்யூனிஸ்ட் கட்சி எம்.எல்.ஏ.,க்கள் ஈடுபட்டனர்.நிதியமைச்சர், கே.எம்.மோனி, மாநில பட்ஜெட்டை தாக்கல் செய்யக் கூடாது என தெரிவித்து, கம்யூனிஸ்ட் எம்.எல்.ஏ.,க்கள் சபையில் கடும் ரகளையில் ஈடுபட்டு, கம்ப்யூட்டர், மேஜை, மைக் போன்ற பொருட்களை உடைத்து தகர்த்தனர். அவர்கள் மீது சபை காவலர்கள் நடத்திய தாக்குதலில், 20க்கும் மேற்பட்டோர் காயம் அடைந்தனர்.கேரளாவை மலையாளிகள் ரொம்ப பெருமையா  Gods own country என்பார்கள் அது இதுதாய்ன் 

அழகான பெண்களுக்கு தான் அனைத்து வாய்ப்புகளும் கிடைக்கின்றன: ராஜ்யசபாவில் சரத் யாதவ் பேச்சு

புதுடில்லி: அழகான பெண்களுக்கு தான் அனைத்து வாய்ப்புகளும் கிடைக்கின்றன என ஐக்கிய ஜனதா தள கட்சியின் சரத் யாதவ் ராஜ்யசபாவில் பேச்சு சர்ச்சையை ஏற்படுத்தியுள்ளத ராஜ்யசபாவில் இன்சூரன்ஸ் மசோதா குறித்த விவாதத்தின் போது, சரத்யாதவ் பேசியதாவது: இங்கு சிலர் தோல் நிறத்திற்கு மயங்கியவர்கள் உள்ளனர். கடவுள்கள் அனைவரும் ரவிசங்கர் பிரசாத் நிறமுடையவர்கள். ஆனால், மேட்ரிமோனியல் இணையதளங்களில், வெள்ளை தோலுடைய மணமக்களை மட்டுமே தேடுகின்றனர். நாடு முழுவதிலும், கருப்பு நிறமுடைய ஆண்கள் அதிகமாக உள்ளனர். தென் இந்தியாவை சேர்ந்த பெண்கள் அழகான உடல் அமைப்பை உடையவர்கள். அவர்களின் நிறமும் அழகானது. இதனை இங்கு பார்க்க முடியாது. அவர்களுக்கு நடனமாடவும் தெரியும் என கூறினார். மேலும் நிர்பயா ஆவணப்படம் எடுத்த லெஸ்லி உட்வின் குறித்து பேசிய சரத்யாதவ், அவர் வெள்ளை தோள் நிறமுடைய பெண் என்பதால், அனுமதி கொடுக்கப்பட்டது. அழகான பெண்களுக்கு தான் அனைத்து வாய்ப்புகளும் கிடைக்கின்றன எனக்கூறியுள்ளார்.இது சர்ச்சையை ஏற்படுத்தியுள்ளது. அரசியல் பண்ண நல்ல இஷு இல்லாம தவிக்கும் சீமான், திருமாவளவன், வைகோ போன்றோருக்கு நல்ல வாய்ப்பு போராட. தவற விடாதீர்கள்/

பூஜா குமார் : வயதானால் நடிக்கக்கூடாதா?

பூஜாகுமார். ' விஸ்வரூபம் 2'  படத்தில் நடிப்பதுடன் உத்தமவில்லன் படத்திலும் கமலுடன் இணைந்து நடித்திருக்கிறார். 36 வயதாகும் பூஜா கூறியது:நடிப்புக்கு வயது ஒரு பொருட்டல்ல என்று எண்ணுகிறேன். வயதானால் நடிக்கக் கூடாதா? ஸ்ரீதேவி, ஹேமமாலினி இருவரும் இன்னமும் நடித்துக்கொண்டுதான் இருக்கிறார்கள். வயதைப்பற்றி நான் கவலைப்படுவதற்கு இன்னும் 30 ஆண்டுகள் போக வேண்டும். ஒவ்வொரு நடிகருக்கும் என்ன வேண்டுமென்றால், சினிமாவில் தொடர்ந்து இருக்க வேண்டும் என்பதுதான். பல வருடங்களுக்கு முன் நடித்ததற்கும், விஸ்வரூபம் படத்தில் நடித்ததற்கும் நான் நிறையவே மாறி இருந்தேன். பெரிய மாற்றத்துக்கு நான் உட்பட்டிருக்கிறேன். நடிப்பில் குறிப்பிடத்தக்க விஷயம் தொடர்ந்து மாறிக்கொண்டே இருப்பதுதான் நல்லது. நேற்றைக்கு என்ன செய்தோமோ, அது மறுநாளைக்கு எடுபடாமல் போகலாம். மாறுபட்ட வேடங்களில் நடிப்பதன் மூலம் கிடைக்கும் அனுபவம் நம்மை பக்குவப்படுத்தும். இவ்வாறு பூஜாகுமார் கூறினார். - See more at: .tamilmurasu.org/I

மோடி, சிறிசேன கூட்டாக பேட்டி: ஈழ தமிழர்களுக்கு சம உரிமை கிடைக்க ஆதரவு: மீனவர் பிரச்னைக்கு மனிதாபிமான தீர்வு

கொழும்பு: இலங்கை சென்றுள்ள இந்திய பிரதமர் மோடியை அந்நாட்டு பிரதமர் ரணில் விக்ரமசிங்கே கொழும்பு ஏர்போர்ட்டில் நேரில் சந்தித்து வரவேற்பு அளித்தார்.  இதை தொடர்ந்து இலங்கை அதிபர் சிறிசேனவுடன் மோடி பேச்சு வார்த்தை நடத்தினார். ஈழ தமிழர்களுக்கு சம உரிமை கிடைக்க இந்தியா ஆதரவு அளிக்கும். மேலும்  தமிழக மீனவர் பிரச்னை மனிதாபிமான முறையில் அணுகி தீர்க்கப்பட வேண்டு¢ம் என்று பிரதமர் மோடி தெரிவித்தார்.இந்திய பிரதமர் நரேந்திர மோடி செசல்ஸ்,  மொரீஷியஸ், இலங்கை ஆகிய நாடுகளுக்கு 5 நாட்கள் பயணமாக சென்றுள்ளார். செசல்ஸ் மற்றும் மொரிஷியஸ் பயணத்தை முடித்து கொண்டு நேற்று இரவு  இலங்கை பயணத்தை தொடங்கினார். மொரீஷியசில் இருந்து ஏர் இந்தியா சிறப்பு விமானம் மூலம் மோடி இன்று காலை கொழும்பு சென்றார்.

ஸ்டாலின் : டிராபிக் ராமசாமி மீது பழிவாங்கல் நடவடிக்கை

ஜெயலலிதா வீட்டுக்கு பக்கத்தில் இருக்கக் கூடிய பேனர்களையெல்லாம் தைரியமாக, அகற்றுகிற காரியத்தில் டிராபிக் ராமசாமி ஈடுபட்டிருந்த நேரத்தில் பழிவாங்கப்பட்டிருப்பது ஆச்சரியப்படுவதற்கில்லை என்று திமுக பொருளாளர் ஸ்டாலின் தெரிவித்துள்ளார்.

சமூக ஆர்வலர் டிராபிக் ராமசாமி சென்னை ராயப்பேட்டை அரசு மருத்துவமனையின் அவசர சிகிச்சைப் பிரிவில் இன்று காலை அனுமதிக்கப்பட்டார். இந்நிலையில், ஸ்டாலின் டிராபிக் ராமசாமியை நேரில் சந்தித்துப் பேசி, உடல் நலம் விசாரித்தார்.

இந்தியா இலங்கையுடன் நான்கு ஒப்பந்தங்கள் கைசாத்து! இருநாடுகளும் நெருங்கி வருகிறது

இலங்கை அதிபர் மைத்ரிபால சிறிசேன மற்றும் இந்திய பிரதமர் நரேந்திர மோடி முன்னிலையில் விசா நீடிப்பு, சுங்கத்துறையில் ஒத்துழைப்பு, இலங்கையில் தாகூர் கலையரங்கம் கட்டுவது உள்ளிட்ட நான்கு முக்கிய ஒப்பந்தங்கள் கையெழுத்தாகியுள்ளன.

இலங்கை சென்றுள்ள இந்தியப் பிரதமர் நரேந்திர மோடி, அந்நாட்டு அதிபர் மைத்திரிபால சிறிசேனவை சந்தித்தார். இந்த சந்திப்பு அதிபரின் அலுவலகத்தில் நடைபெற்றது.

இரண்டு நாடுகளுக்கு இடையிலான ஈழத்தமிழர் விவகரம், மீனவர் பிரச்சனை உள்ளிட்ட முக்கிய விவகாரங்கள் குறித்து பேச்சுவார்த்தை நடத்தப்பட்டதாகத் தெரிகிறது. இந்த சந்திப்பில் பிரதமர் ரணில் விக்ரமசிங்க உட்பட அமைச்சரவை அமைச்சர்களும் பங்கேற்றனர்.

4 ஒப்பந்தங்கள் கையெழுத்து:

சந்திப்புக்குப் பின்னர், சிறிசேன மற்றும் இந்திய பிரதமர் நரேந்திர மோடி முன்னிலையில் விசா நீடிப்பு, சுங்கத்துறையில் ஒத்துழைப்பு, இலங்கையில் தாகூர் கலையரங்கம் கட்டுவது உள்ளிட்ட நான்கு முக்கிய ஒப்பந்தங்கள் கையெழுத்தாகியுள்ளன. இருநாட்டு அதிகாரிகளும் ஒப்பந்தங்களில் கையெழுத்திட்டனர்.

நடிகை அபிராமி: பெண்களுக்கு பெப்பெர் ஸ்ப்ரே அவசியம்!

விருமாண்டி' படத்தில் நடித்தவர் அபிராமி. இப்போது ஜோதிகாவுடன் சேர்ந்து '36 வயதினிலே' படத்தில் நடித்துள்ளார். அவர் கூறியது:
ஆண் நண்பர் தவறாக நடக்க முயன் றால், அவர்களிடம் அதை குறிப்பிட்டு நீங்கள் செய்வது தவறு என்று எச்சரிக்கை செய்யுங்கள். எந்நேரமும் பெப்பர் ஸ்பிரேவும், பாக்கெட் கத்தியையும் கையோடு வைத்திருங்கள். எச்சரிக்கையை பொருட்படுத்தாமல் உங்களிடம் தவறாக நடக்க முயன்றால் அவர்களை தாக்குங்கள். எது செய்தாலும், அவர்கள் உங்களை தொடுவதற்கு வருந்துகிற அளவுக்கு இருக்க வேண்டும். அத்துடன் அமைதியாக இருந்துவிட வேண்டாம். அதுபற்றி இணையதளத்தில் தெரிவியுங்கள்.  அதே சமயம் பெண்கள் கவனமாக இருக்க கேட்டுக்கொள்கிறேன். என்றார் அபிராமி. - See more at: .tamilmurasu.org

அழிவின் விளிம்பில் சிகப்பு சிந்தி இனமாடுகள் ! கருமாற்று தொழில்நுட்பம் மூலம் 66 சிந்தி கன்றுகள் ஈன்றெடுப்பு

ஓசூர்-ஆங்கிலேயர்கள் காலத்தில் பாகிஸ்தானிலிருந்து இந்தியாவிற்கு கொண்டு வரப்பட்ட சிகப்பு சிந்தி இனமாடுகள் தற்போது அழிவின் விளிம்பில் உள்ளன. இத்தகைய நாட்டு இனமாடுகளின் எண்ணிக்கையை பெருக்க கருமாற்று தொழில்நுட்பம் என்ற புதிய தொழில்நுட்பத்தை கால்நடை மருத்துவர்கள் பயன்படுத்தி வருகின்றனர். இதன் மூலம், தமிழகத்தில் கடந்த 2 ஆண்டுகளில் ஆரோக்கியமான 66 சிகப்பு சிந்தி இன கன்றுகள் ஈன்றெடுக்கப்பட்டுள்ளதாக மருத்துவர்கள் தெரிவித்துள்ளனர்.பால் உற்பத்தி திறன் அதிகம் கொண்ட சிகப்பு சிந்தி இன மாடுகள், இந்தியாவிற்கு அறிமுகம் செய்யப்பட்டன. ஓசூர் கால்நடை பண்ணைக்கும், சிந்தி இனமாடுகள் கொண்டு வரப்பட்டன. பின்னர் ஏற்பட்ட வெண்மை புரட்சி காரணமாக, பால் மற்றும் அதனை சார்ந்த பொருட்கள் உற்பத்தியை பெருக்கும் நோக்கில், நம் நாட்டினர் அயல் நாட்டு கலப்பின பசுக்களை அதிகமாக இனப்பெருக்கம் செய்வித்தனர்.

மன்மோகனுக்கு ஆதரவாக சோனியா தலைமையில் பேரணி நிலக்கரிச் சுரங்க வழக்கில் சம்மன் விவகாரம்:

நிலக்கரிச் சுரங்க ஒதுக்கீட்டு முறைகேடு வழக்கில் சம்மன் அனுப்பப்பட்டுள்ள முன்னாள் பிரதமர் மன்மோகன் சிங்குக்கு ஆதரவு தெரிவித்து, தில்லியில் அவரது இல்லம் நோக்கி, காங்கிரஸ் தலைவர் சோனியா காந்தி உள்பட அக்கட்சியின் மூத்த தலைவர்கள் வியாழக்கிழமை பேரணியாகச் சென்றனர்.

முன்னதாக, காங்கிரஸ் கட்சியின் செயற்குழுக் கூட்டம், தில்லி காங்கிரஸ் தலைமை அலுவலகத்தில், சோனியா காந்தி தலைமையில் வியாழக்கிழமை காலை நடைபெற்றது.

இக் கூட்டத்தில், மத்திய முன்னாள் அமைச்சர்கள் ப.சிதம்பரம், ஆனந்த் சர்மா, அம்பிகா சோனி, வீரப்ப மொய்லி, ரகுமான்கான் ஆகியோர் கலந்து கொண்டனர்.

பின்னர், அங்கிருந்து அரை கிலோ மீட்டர் தொலைவில் உள்ள மன்மோகன் சிங்கின் இல்லத்துக்கு அவர்கள் அனைவரும் பேரணியாகச் சென்றனர்.

அவர்களை மன்மோகன் சிங்கும், அவரது மனைவியும் வீட்டு வாசலுக்கு வந்து வரவேற்றனர்.

டிராபிக் ராமசாமியை சுற்றி வளைத்து அதிகாலையில் கைது; உடனே சிறையில் அடைப்பு! தமிழக போலீஸ் சட்டத்தை பாதுகாக்கிறாய்ங்கடோய்

இது அ தி மு க போலீஸ் கூட்டணியின் பழி வாங்கும் செயலாகப் படுகிறது.
அடேங்கப்பா, எப்பேர்பட்ட திருடனை, மடக்கி, கஷ்டப்பட்டு பிடித்திருக்கின்றனர். எப்பேர்பட்ட தீவிரவாதி இவர் ?? இது முற்றிலும் பழிவாங்கும் செயல். நினைவிருக்கிறதா ?? கருணாநிதி கூட இப்படிதான், நடுநிசியில் கைது செய்யப்பட்டு, சிறையில் அவசர அவசரமாக அடைக்கப்பட்டார். அதுசரி. விடிகாலையில் சிறையில் ராமசாமியை அடைக்கவேண்டிய அளவுக்கு, இது பயங்கரவாதமா அல்லது இவர் தீவிரவாதியா ??? சும்மா காமெடி பண்ணாதீங்கப்பா. அப்படியே இருந்தாலும், இது பெட்டி கேஸ். இதற்கு போய், நள்ளிரவு கைது, விடிகாலையில் சிறை அடைப்பு எல்லாம், ரொம்ப ஓவர். அதுசரி. காவல் துறை அதிகாரிகளுக்கு கூடவா, இது பிரயோஜனமில்லாத அவசரம் என்று தெரியவில்லை ?? இவர் தன் உடலையே தூக்க முடியாத அளவுக்கு வயதானவர் / தளர்ந்தவர் என்று தெரியவில்லையா ?? நாட்டில் எத்தனையோ ஊழல் பெருச்சாளிகள் / திருடர்கள் / தீவிரவாதிகளிடம் காட்ட வேண்டிய வேகத்தை, இப்படி அப்பாவியிடம் காட்டுவது தான் கடமையா ?? இதில் என்ன பெருமை இருக்கிறது ?? ஒரு அப்பாவி வயோதிகரை துன்புறுத்திய பாவம் தேவையா ?? போயும் போயும் செத்த பாம்பின் மேலா கோபத்தை காண்பிப்பது ?? சம்பந்தப்பட்டவர் மேலும் மேலும் பாவ மூட்டையை சுமப்பது உறுதி. அரசன் அன்றே கொல்வான், தெய்வம் நின்று கொல்லும். அதுசரி, புகார் கொடுத்தவரின் மற்றும் அவரது குடும்பத்தினர், இதை பற்றி என்ன நினைக்கின்றனர் ??? அவர்கள் மனசாட்சி இதை ஒத்துகொள்கிறதா ?

மின்சார உற்பத்தியில் தமிழக அரசுக்கு ஸ்டாலின் சவால்! நிருபித்தால் அரசியலை விட்டே ஒதுங்குவேன்!

மெட்ரோ ரயில் பணி திட்டத்தை துரிதப்படுத்தி, விரைவில் திறக்காவிடில், சென்னையில் நான்கு மாவட்ட தி.மு.க., இளைஞர்களை திரட்டி, பெரும் போராட்டம் நடத்தப்படும்' என, தி.மு.க., பொருளாளர் ஸ்டாலின் பேசினார். சென்னை, தி.நகரில் நடந்த, தி.மு.க., பொதுக் கூட்டத்தில் அவர் பேசியதாவது: தேர்தல் வெற்றி, தோல்விகள் குறித்து, தி.மு.க., கவலைப்பட்டதில்லை. ஸ்ரீரங்கம் இடைத்தேர்தலில், 55,445 ஓட்டுகள் பெற்றுள்ளோம். கடந்த தேர்தலை விட, 600 ஓட்டுகள் கூடுதலாகத் தான் பெற்றுள்ளோம். அதனால், தி.மு.க., தோல்வி அடைந்ததாக எடுத்துக் கொள்ளத் தேவைஇல்லை. மெட்ரோ ரயில் திட்டம், 2006ல் தி.மு.க., ஆட்சியில், அமைச்சரவை ஒப்புதல் அளிக்கப்பட்டு, 14,600 கோடி ரூபாய் மதிப்பீட்டில் உருவாக்கப்பட்டது. ஆனால் ஓரவஞ்சனையால், இத்திட்டம் கிடப்பில் போடப்பட்டு, பணி துரிதமாக நடைபெறவில்லை. மெட்ரோ ரயில் பணி திட்டத்தை துரிதப்படுத்தி, விரைவில் திறக்காவிடில், சென்னையில் நான்கு மாவட்ட தி.மு.க., இளைஞர்களை திரட்டி, பெரும் போராட்டம் நடத்தப்படும். அது சிறை நிரப்பும் போராட்டமாக அமையும்.  திராணி பற்றி பேசும் ஜெயலலிதா இந்த சவாலை ஏற்க வேண்டும்......தமிழக மின்சாரவாரிய நிலையை மக்களுக்கு தெளிவு படுத்த வேண்டும்...அமைதி காத்தால்.....ஒப்பு கொண்டதாக பொருள்

இலங்கை சென்றடைந்தார் மோடி மொரீஷியஸ் நாட்டிற்கு அதிநவீன கப்பல்: இந்தியா பரிசு

ஐந்து நாட்களில் மூன்று நாடுகளுக்குச் செல்லும் சுற்றுப்பயணத்தில் மொரீஷியஸ் பயணத்தை நிறைவு செய்த பிரதமர் நரேந்திர மோடி அந்நாட்டு தலைநகரிலிருந்து இலங்கை புறப்பட்டார். அவர் இன்று அதிகாலை 5.25 மணிக்கு கொழும்பு சர்வதேச விமான நிலையம் சென்றடைந்தார். அவரை இலங்கை பிரதமர் ரனில் விக்ரமசிங்கே நேரில் சென்று வரவேற்றார். இலங்கை சென்றுள்ள அவர் இலங்கை அதிபர் ஸ்ரீசேனாவை சந்தித்து பேச்சுவார்த்தை நடத்துகிறார். பின்னர், இலங்கை பிரதமர் ரனில் விக்ரமசிங்கேவுடன் பேச்சுவார்த்தை நடத்துகிறார கடந்த 28 ஆண்டுகளுக்குப் பிறகு இலங்கை செல்லும் முதல் இந்திய பிரதமர் மோடிதான் என்பது குறிப்பிடத்தக்கது.

மொரீஷியஸ் நாட்டில் மோடி சுற்றுப் பயணத்தின் முக்கிய அம்சங்கள்:

* அந்நாட்டுக்கு இந்தியா, 3,000 கோடி ரூபாய் நீண்ட கால கடன் வழங்க சம்மதம்.

சுயேச்சைகள் போட்டியிட தடை விதியுங்கள்! லோக்சபா, சட்டசபை தேர்தல்களுக்கு சட்ட கமிஷன் பரிந்துரை

புதுடில்லி: 'அரசியல் கட்சிகள் நன்கொடை பெறுவது தொடர்பான விதிமுறைகளை கடுமையாக்க வேண்டும்; விதிமுறைகளை பின்பற்றாத அரசியல் கட்சிகளுக்கும், அரசியல்வாதிகளுக்கும், கடும் தண்டனை வழங்க வேண்டும்; சுயேச்சைகள் தேர்தலில் போட்டியிட, தடை விதிக்க வேண்டும்' என்பது உட்பட, பல பரிந்துரைகளை, மத்திய அரசுக்கு, மத்திய சட்டக் கமிஷன் வழங்கி உள்ளது.தேர்தல் களத்தை சந்திக்கும் அரசியல் கட்சிகள் எல்லாம், பொதுமக்கள் மற்றும் நிறுவனங்களிடம் இருந்து, நிதி மற்றும் நன்கொடைகள் பெறுவது வழக்கமாகி விட்டது. தற்போதைய விதிமுறைகளின்படி, அரசியல் கட்சிகள் பெறும் நன்கொடைகளில், 20 ஆயிரத்திற்கு மேலான நன்கொடைகளுக்கு மட்டுமே, அந்தக் கட்சிகள் கணக்கு காண்பிக்க வேண்டும். அதற்கு குறைவாக பெறும் நன்கொடைகளுக்கு, தேர்தல் கமிஷனிடம் கணக்கு சமர்ப்பிக்க வேண்டியதில்லை.

மீனாட்சிபுரம் தமிழகத்தின் முதல் சூரிய மின் ஒளி கிராமம்:

மதுரை: தமிழகத்தின் முதல் 'சோலார் மின் ஒளி கிராமம்' என மதுரை மாவட்டம் மீனாட்சிபுரம் மலைகிராமம் பெயரெடுத்துள்ளது.திண்டுக்கல் மாவட்டம் சிறுமலை தென்மலை அருகே மீனாட்சிபுரம் மலைகிராமம் உள்ளது. இது மதுரை மாவட்டம் வாடிப்பட்டி ஊராட்சி ஒன்றியம் விராலிமலை ஊராட்சிக்கு உட்பட்டது. கிழக்கு தொடர்ச்சி மலைகளின் அழகின் மொத்த உருவமாக மீனாட்சிபுரம் கிராமம் பசுமை போர்த்திய அடர்ந்த வனத்தில் அமைந்துள்ளது. மதுரை மீனாட்சி அம்மன் கோயிலுக்கு சொந்தமான 600 ஏக்கர் வனப்பரப்பு 'மீனாட்சிபுரம்' என அழைக்கப்படுகிறது. மலைப்பயிர்களான காபி, மிளகு, பலா, சவ்சவ், அவரை, பீன்ஸ் போன்ற பயிர்கள் விளைவிக்கப்படுகிறது. மீனாட்சிபுரம் கிராம மக்களுக்கு விவசாயமே பிரதான தொழில். 130 குடும்பங்கள் அவரவர் தோட்டங்களில் வசிக்கின்றனர். 550 ஓட்டுகள் உள்ளன.

நாளை 11 படங்கள் ரிலீஸ் ! ஒரே தியேட்டரில் 3, 4 படங்களும் ரிலீசாகிறது.

தமிழ் சினிமாவின் தற்போது உள்ள நிலையில் ஏராளமான படங்கள் வெளியாகி வருகின்றன. அவை அனைத்தும் ஒரு வார படங்களாகவே மாறி வருகிறது. ஒரு படம் 100 நாட்களை கடந்துள்ளது என்ற பெயர் மாறி தற்போது 1 வாரம் கடந்து விட்டது என்ற செய்தியே பெரியதாகிவிட்டது. அப்படி உள்ள சூழ்நிலையில் கடந்த வெள்ளிக்கிழமை 6 படங்கள் வெளியானது. இதனைத் தொடர்ந்து இந்த வாரம் 11 படங்கள் வெளியாகவுள்ளது. இதில் இவனுக்கு தண்ணில கண்டம், வானவில் வாழ்க்கை,  மகாபலிபுரம், ஐவராட்டம், இரவும் பகலும் வரும், கதம் கதம், தவறான பாதை, சொன்னாப் போச்சு, ராஜதந்திரம் ஆகியவை 9 நேரடி தமிழ் படங்களாக வெளிவருகின்றன. புதிய தொழில் நுட்பத்தில் மறுவெளியீடாக ‘சங்கராபரணம்’ படமும் ரிலீசாகிறது. மேலும் ஆங்கில டப்பிங் படம் ஒன்றும் வெளியாகவுள்ளது. இத்தனை படங்கள் வெளியாவதால் தியேட்டர் கிடைப்பதில் சிக்கல் எழுந்துள்ளது.

கோவை மாநகராட்சி ! திமுக கவுன்சிலர் மீனாவுக்கு அதிமுக அன்னம்மாளும் இதர கவுன்சில் அடிமைகளும் பயங்கர அடி பிடி

கோவை மாநகராட்சி பட்ஜெட் கூட்டத்தில் தி.மு.க. - அ.தி.மு.க. கவுன்சிலர்களிடையே மோதல் ஏற்பட்டது. இந்த மோதலில் தி.மு.க. பெண் கவுன்சிலர் மீனா லோகநாதன் மீது அதிமுக கவுன்சிலர்கள் மன்ற கூட்டத்தில் வைத்து தாக்குதல் நடத்தினர். இந்த தாக்குதலில் பலத்த காயமடைந்த திமுக கவுன்சிலர் மீனா லோகநாதன் கோவை அரசு மருத்துவமனையில் சிகிச்சைக்காக அனுமதிக்கப்பட்டுள்ளார். வீரப்போரல்லவா இது? நமக்கு வாய்த்த அடிமைகளில் யார் அதிக விசுவாசம் என்பதை காட்ட நடக்கும் வீர விளையாட்டு இது , நாடு வெளங்கிடும் !

மனிதக்கழிவுகளை மனிதனே அள்ள தமிழகத்தில் தடை! 15 ஆம் தேதி முதல் தடை

சென்னை: மனிதக்கழிவுகளை மனிதனே அள்ள தமிழகத்தில் தடை விதிக்கப்பட்டுள்ளது. இது வருகின்ற 15 ஆம் தேதி முதல் அமலுக்கு வருகிறது.> இது தொடர்பாக தமிழக அரசின் அரசிதழில், ''மனிதக் கழிவுகளை மனிதனே அள்ளுவதற்கு தடை செய்தல் மற்றும் மறுவாழ்வுச் சட்டம் 2013 என்ற சட்டம் 15 ஆம் தேதியில் இருந்து அமலுக்கு வருகிறது என்று தமிழக அரசு அறிவிக்கிறது. அதன்படி, வருகின்ற 15 ஆம் தேதியில் இருந்து எந்தவொரு தனிநபரோ, உள்ளாட்சி அமைப்போ, முகமையோ தங்களின் ஊழியரை நேரடியாகவோ அல்லது மறைமுகமாகவோ, மனிதக் கழிவுத் தொட்டியை (செப்டிக் டாங்க்) கழுவும் ஆபத்தான பணிக்கு பயன்படுத்தக் கூடாது" என்று கூறப்பட்டு உள்ளது. இந்த அறிவிப்பு குறித்து நகராட்சி நிர்வாகம் மற்றும் குடிநீர் வழங்கல் துறையின் முதன்மைச் செயலாளர் கே.பணீந்திர ரெட்டி கூறும்போது, ''மனிதக் கழிவுகளை மனிதனே அகற்றிய நடவடிக்கைகள் குறித்து தொடரப்பட்ட வழக்கில் உச்ச நீதிமன்றம் பிறப்பித்த உத்தரவின் அடிப்படையில் இந்த சட்டம் பிறப்பிக்கப்பட்டுள்ளது.

Googleக்கு எதிராக மறக்கப்படுவதற்கான உரிமை தீர்ப்பு ! எது சரி, எது தவறு

டிஜிட்டல் யுகத்தில் வாழ்வதன் விளைவுகள் என்ன வென்றால், உலகின் ஒரு பகுதியில் வழங்கப்படும் தீர்ப்பு பிற பகுதிகளிலும் எதிரொலிக்கிறது. ‘மறக்கப்படுவதற்கான உரிமை’ தொடர்பான வழக்கில், கூகுளுக்கு எதிராக ஐரோப்பிய ஒன்றியத்தின் நீதிமன்றம் வழங்கிய தீர்ப்பால் ஏராளமானோர் தங்களைப் பற்றிய குறிப்புகளை நீக்கவோ திருத்தவோ கோரி விண்ணப் பங்களை அனுப்பத் தொடங்கிவிட்டார்கள். ‘தி இந்து’ ஆங்கில நாளிதழின் வாசகர்கள், மக்கள் தொடர்பு முகமைகள், பெருநிறுவனங்கள், வழக்குகளை எதிர் நோக்கியுள்ளோர் என்று பலதரப்பட்டவர்களும் ‘தி இந்து’ ஆங்கிலப் பத்திரிகையின் தரவுக் காப்பகத்தில் இருக்கும் (Archives) தங்களைக் குறித்த செய்திகளை நீக்கக் கோரி மின்னஞ்சல்களை அனுப்பிக்கொண்டிருக்கிறார்கள்.

கி.வீரமணி :புதிய தலைமுறை மீது :குண்டு வீச்சு: ஒத்த கருத்துள்ளவர்கள் ஒன்று திரண்டு முறியடிப்போம்:

புதிய தலைமுறை’ அலுவலகம்முன் இன்று காலைகூட டிபன்பாக்ஸ் குண்டு வீச்சு எனும் வன்முறை நடந்துள்ளது. ஒத்த கருத்துள்ளவர்கள் ஒன்று திரண்டு முறியடிப்போம் என்று திராவிடர் கழகத் தலைவர் கி.வீரமணி கூறியுள்ளார். இதுதொடர்பாக அவர் வெளியிட்டுள்ள அறிக்கையில், ‘தாலி’பற்றிய விவாதம் ஒன்றினை ‘புதிய தலைமுறை’ தொலைக்காட்சி ஒன்று சில நாள்களுக்குமுன் ஏற்பாடு செய்ததை, மிரட்டி நடக்கவிடாமல் செய்ய, அந்த ஊடகவியலாளர்களான ‘கேமிராமேன்’ மற்றும் சில ஊழியர்களைப் பின்புறத்தில் சென்று தாக்கி வன்முறையைக் கட்டவிழ்த்துவிட்டு, கருத்துச் சுதந்திரத்தை எதிர்த்து அச்சுறுத்தல்களை மேற்கொண்டுள்ளனர்; அதுவும் மோடி அரசு மத்தியில் வந்ததையட்டி தங்கு தடையின்றி, பா.ஜ.க., ஆர்.எஸ்.எஸ். மற்றும் மதவாத அமைப்புகள் வன்முறைகளில் தீவிரமாக இறங்கிவிட்டன.

சமூக ஆர்வலர் டிராபிக் ராமசாமி கைது!

 சென்னையில் சாலையோரமாக வைக்கப்படும் பேனர்களை தன்னந்தனி ஆளாக நின்று அகற்றி பரபரப்பை ஏற்படுத்துபவர் டிராபிக் ராமசாமி. நேற்று இவர், புரசைவாக்கத்தில் டாக்டர் அழகப்பா சாலையில் போக்குவரத்துக்கு இடையூறாக வைக்கப்படும் பேனர்கள் குறித்து தனியார் தொலைக்காட்சிக்கு நடுரோட்டில் பேட்டி அளித்தார். இதனை அந்த வழியாக காரில் வந்த வேப்பேரியை சேர்ந்த வீரமணி என்பவர் தட்டிக்கேட்டார். போக்குவரத்துக்கு இடைஞ்சலாக நின்று கொண்டு பேட்டி கொடுக்கிறீர்களே, ஓரமாக நிற்கக்கூடாதா? என்று கேட்டார். இதனால் இருவருக்கும் கடுமையான வாக்குவாதம் ஏற்பட்டது. அப்போது டிராபிக் ராமசாமி, தனது காரை உடைத்து தகராறில் ஈடுபட்டதுடன் கொலை மிரட்டல் விடுத்ததாக வேப்பேரி போலீசில் வீரமணி புகார் கொடுத்தார். இதையொட்டி டிராபிக் ராமசாமி மீது கொலை மிரட்டல், அவதூறாக பேசுதல், காரை உடைத்தல் உள்ளிட்ட 4 சட்ட பிரிவுகளின் கீழ் வழக்கு பதிவு செய்யப்பட்டது.

Chennai Metro ரயில் திட்டம் பூர்த்தி ஆனால் ஜெயலலிதாவுக்காக கிடப்பில் போடப்பட்டுள்ளது!

சென்னை-தி.நகர் கிழக்கு, மேற்கு பகுதி திமுக சார்பில் மறைந்த திமுக பிரமுகர் பழக்கடை ஜெயராமன் 31வது நினைவு நாள் பொதுக்கூட்டம் தி.நகரில் நேற்று நடந்தது. இந்த கூட்டத்திற்கு மாவட்ட செயலாளர் ஜெ.அன்பழகன் தலைமை தாங்கினார். ஜெ.கருணாநிதி, கே.ஏழுமலை முன்னிலை வகித்தனர். உதயசூரியன் வவேற்றார். பி.மாரி நன்றி கூறினார். கூட்டத்தில் ஈரோடு இறைவன், அய்யாவு, உசேன் பேசினார்கள். கூட்டத்தில் சிறப்பு விருந்தினராக கலந்து கொண்ட திமுக பொருளாளர் மு.க.ஸ்டாலினுக்கு ஜெ.அன்பழகன் வெள்ளி வீரவாளை வழங்கினார். ஆளுயர ஆப்பிள் பழ மாலை அணிவித்தார். கூட்டத்தில் மு.க.ஸ்டா லின் பேசியதாவது:அவசர நிலை பிரகடனத்தின்போது எங்களோடு மிசா கைதியாக சிறையில் வாடியவர் பழக்கடை ஜெயராமன். நான் இந்த நிகழ்ச்சிக்கு தொடர்ந்து வருவதாக அன்பழகன் கூறினார். இனியும் தொடர்ந்து வருவேன்.

பர்மா பஜாரில் என் பாட்டுக்களை விக்கிராய்ங்கோ ! இளையராஜா சிபிசிடியில் முறையிட்டார்

தான் இசையமைத்த பாடல்களின் சி.டி.க்கள் உரிமம் இன்றி சென்னை பர்மா பஜாரில் விற்பனை செய்யப்படுவதாக, சி.பி.சி.ஐ.டி.யில் இசையமைப்பாளர் இளையராஜா புகார் செய்தார்.

சென்னை எழும்பூரில் உள்ள சி.பி.சி.ஐ.டி. தலைமை அலுவலகத்தில் இளையராஜா சார்பில், அவரது வழக்குரைஞர் புதன்கிழமை வழங்கிய புகார் மனுவில் மேலும் கூறப்பட்டிருப்பதாவது:

நான் இசையமைத்த பாடல்களை சில நிறுவனங்களுக்கு மட்டும் சி.டி.யாக குறிப்பிட்ட காலத்துக்கு விற்பனை செய்ய அனுமதி வழங்கியிருந்தேன். இதற்காக அவர்களிடம் ஒப்பந்தம் செய்திருந்தேன். இந்நிலையில், ஒப்பந்த காலம் முடிந்த பின்னரும் சிலர், எனது பாடல்களை எவ்வித உரிமமும், அனுமதியும் இன்றி விற்பனை செய்து வருகின்றனர். தன்னை முற்றும்  துறந்த பரப்பிரமம் என்று வேஷம் போட்டு  திரிந்த  இந்த காரியகிறுக்கன் S.J.சூரியாவின் இசை படம் வந்ததில் இருந்து ஒரே அப்செட் . பேராசையும் அகம்பாவமும் தலைக்கேறிவிட்டது . அற்பனுக்கு பவிசு வந்தால் அர்த்த ராத்திரியில் குடைபிடிபாய்ன்

மன்மோகன் சிங் சிபிஐ சிறப்பு நீதிமன்றில் ஆஜாராக அழைப்பு

புதுடில்லி: நிலக்கரி சுரங்க முறைகேடு தொடர்பாக காங்கிரசைச் சேர்ந்த முன்னாள் பிரதமர் மன்மோகன் சிங்கை 83, 'குற்றம்சாட்டப்பட்டவர்' என தெரிவித்துள்ள சி.பி.ஐ., சிறப்பு நீதிமன்றம் 'சம்மன்' அனுப்பி ஏப்ரல் 8ம் தேதி ஆஜராகுமாறு உத்தரவிட்டுஉள்ளது.சி.பி.ஐ., சிறப்பு கோர்ட்டில் அடுத்த மாதம் ஆஜராகும் போது அவர் கைது செய்யப்பட வாய்ப்பு உள்ளதாகவும் கூறபபடுகிறது. கடந்த 2005ல் பிரதமராக இருந்த மன்மோகன் சிங் நிலக்கரி துறைக்கும் அமைச்சராக இருந்தார். அப்போது ஒடிசா மாநிலத்தில் உள்ள ஒரு நிலக்கரி சுரங்கத்தை 'ஹிண்டால்கோ' என்ற தனியார் நிறுவனத்திற்கு ஒதுக்கியதில் முறைகேடு நடைபெற்றதாக கண்டறியப்பட்டது.

கிரண் பேடி : டெல்லி பலாத்கார ஆவணப்படத்திற்கு தடைவிதித்தது தவறு

டெல்லியில் கடந்த 2012-ம் ஆண்டு நடந்த மருத்துவ மாணவி கற்பழிப்பு தொடர்பாக 'இந்தியாவின் மகள்' என்ற பெயரில் ஆவணப்படம் தயாரிக்கப்பட்டு உள்ளது. கற்பழிப்பு சம்பவத்தில் ஈடுபட்ட குற்றவாளியின் பேட்டியுடன் எடுக்கப்பட்டுள்ள இந்த படத்துக்கு பலத்த எதிர்ப்பு கிளம்பியதால், இந்த ஆவணப்படத்தை இந்தியாவில் ஒளிபரப்ப தடை விதிக்கப்பட்டு உள்ளது. இந்த படத்துக்கு இந்தியா தடை விதித்தது சரியல்ல என இந்தியாவின் முதல் பெண் ஐ.பி.எஸ். அதிகாரியும், கடந்த டெல்லி சட்டசபை தேர்தலில் பா.ஜ.க.வின் பிரதமர் பதவி வேட்பாளருமான கிரண் பேடி கருத்து தெரிவித்துள்ளார். தற்போது, அமெரிக்காவில் சுற்றுப்பயணம் செய்துவரும் கிரண் பேடி, இது தொடர்பாக ஒரு செய்தி நிறுவனத்துக்கு அளித்த பேட்டியில், 'இந்தியாவில் முன்னேற்றம் அடைந்த முற்போக்கு சிந்தனை கொண்ட ஆண்களின் எண்ணிக்கை பெருகிக் கொண்டே வந்தாலும், பெண்களை அடக்கி வைக்க நினைக்கும் ஆணாதிக்கவாதிகளும் அதிகரித்துக் கொண்டே வருகின்றனர இந்தியாவில் நிலவி வரும் இந்த ஆணாதிக்க மனப்போக்கு தொடர்பான நிலைப்பாட்டையும், குற்றவியல் சட்டங்களில் உள்ள குறைபாடுகளையும் இந்த (இந்தியாவின் மகள்) ஆவணப்படம் மிக துல்லியமாக தோலுரித்து காட்டியுள்ளது.

மன்மோகன்சிங் நேரில் ஆஜராக சி.பி.ஐ. கோர்ட் சம்மன்! . நிலக்கரி சுரங்க முறைகேடு வழக்கு

டெல்லி: நிலக்கரி சுரங்க முறைகேடு தொடர்பான வழக்கில் முன்னாள் பிரதமர் மன்மோகன்சிங் ஏப்ரல் 8-ந் தேதி நேரில் ஆஜராகக் கோரி டெல்லி சி.பி.ஐ. நீதிமன்றம் சம்மன் அனுப்பியுள்ளது. முன்னாள் பிரதமர் மன்மோகன்சிங் நிலக்கரித் துறை அமைச்சராகவும் இருந்த காலத்தில் 2005 ஆம் ஆண்டு குமார் மங்கலம் பிர்லாவுக்கு சொந்தமான ஹிண்டால்கோ நிறுவனத்துக்கு ஒடிஷாவின் தலபிரா நிலக்கரி சுரங்கம் முறைகேடாக ஒதுக்கீடு செய்யப்பட்டது என்பது வழக்ககுமார் மங்கலம் பிர்லா, மன்மோகன்சிங்குக்கு 2 கடிதங்கள் எழுதி கேட்டுக்கொண்டதன் பேரில் இந்த ஒதுக்கீடு நடந்தது என்பது குற்றச்சாட்டு. இந்த வழக்கில் மன்மோகன்சிங்கிடம் விசாரணை நடத்த கடந்த ஆண்டு டிசம்பர் 16-ந் தேதி சி.பி.ஐ. நீதிமன்றம் உத்தரவிட்டது.

எனக்குள் ஒருவன் ! கனவில் வருவதெல்லாம் நினைவாகி வந்தால் அட வருகிறதே?

குமார் எழுதி இயக்கிய கன்னட திரைப்படத்தின் தமிழ் ரீமேக் தான் சித்தார்த்தின் எனக்குள் ஒருவன். கன்னடத்தில் மிகப்பெரும் வரவேற்பை பெற்ற LUCIA திரைப்படத்தின் இசையமைப்பாளர் சந்தோஷ் நாராயணன். அவர் மூலமாகத் தான் C.V.குமார், சித்தார்த் கைக்கு இந்த படம் வந்தடைந்தது. ஹீரோ வேடத்தில் சித்தார்த், அவரது இரண்டு ஜோடிகளாக தீபா சன்னிதி, ஸ்ருஷ்டி டாங்கே ஆகியோர் நடிக்க, முக்கிய கதாபாத்திரங்களில் ஆடுகளம் நரேன், ஜான் விஜய் ஆகியோர் நடித்திருக்கிறார்கள்."கோமா ஸ்டேஜில் மருத்துவமனையில் அனுமதிக்கப்பட்டிருக்கும் சித்தார்த்தின் ஃப்ளாஷ்பேக்கிலிருந்து துவங்குகிறது எனக்குள் ஒருவன் கதை. திரையரங்கில் வேலை செய்யும் ஒருவன் இரவில் தூக்கமின்றி தவிக்க, தவறானவர்களின் வழிகாட்டுதாலால் லூசியா மாத்திரையை பயன்படுத்துகிறான்.

மரண படுக்கையில் இருப்போர் உயிரை போக்கிக்கொள்ள அனுமதிக்கும் சட்டம்: பிரான்ஸ் நாடாளுமன்றத்தில் விவாதம்

மரணத்தை தவிர்க்க முடியாது என உறுதியாக தெரிந்தவர்கள் இறக்கும் வரை தூக்கத்தில் இருக்க அனுமதிக்கும் சட்ட மசோதா தொடர்பாக பிரான்ஸ் நாடாளுமன்றத்தில் நாளை மறுதினம் விவாதம் நடைபெற உள்ளது. உலகம் முழுவதும் பலர் கொடிய நோய்கள் மற்றும் விபத்துகளில் பாதிக்கப்பட்டு இனிமேல் எந்த விதத்திலும் பிழைக்க முடியாது என்று தெரிந்த பின்னரும், மரணம் வரையில் கொடுமையான துன்பங்களை அனுபவிக்க வேண்டியுள்ளது. இவர்கள் தொடர்ந்து தங்கள் வாழ்வை தாங்களே முடித்துக்கொள்ள அனுமதிக்க வேண்டி போராடி வருகிறார்கள்.> இதே கோரிக்கை பிரான்சிலும் பல ஆண்டுகளாக முன்வைக்கப்பட்டு வந்தது. இதற்கு அனுமதிக்கும் சட்டம் தொடர்பாக நாளை மறுதினம் பிரான்ஸ் நாடாளுமன்றத்தில் விவாதம் நடைபெற உள்ளது. உலகில் பெல்ஜியம், நெதர்லாந்து மற்றும் சுவிட்சர்லாந்து ஆகிய நாடுகளில் மட்டுமே மரணத்தை தேர்ந்தெடுத்துக்கொள்ள சட்டம் அனுமதிக்கிறது. maalaimalar.com

நிலம் கையகப்படுத்துதல் மசோதா லோக்சபாவில் நிறைவேற்றம்: ராஜ்ய சபாவில்?

புதுடில்லி : நிலம் கையகப்படுத்துதல் மசோதா, நேற்று லோக்சபாவில் நிறைவேறியது. ஆனாலும், ராஜ்ய சபாவில், இந்த மசோதாவை நிறைவேற்ற, மத்திய அரசு கடும் பிரயத்தனம் செய்ய நேரிடும் என, எதிர்பார்க்கப்படுகிறத முந்தைய ஐக்கிய முற்போக்கு கூட்டணி ஆட்சியில், நிலம் கையகப்படுத்துதல் மசோதா நிறைவேற்றப்பட்டது. இந்த மசோதா வில், பிரதமர் நரேந்திர மோடி தலைமையிலான அரசு, சில திருத்தங்களை செய்து, கடந்த ஆண்டு அவசர சட்டமாக அமல்படுத்தியது.அந்த அவசர சட்டமானது, ஏப்ரல், 5ம் தேதிக்குள் பார்லிமென்டில் மசோதாவாக நிறைவேற்றப்பட வேண்டும். இல்லை யெனில், காலாவதியாகி விடும். அதனால், நிலம் கையகப்படுத்துதல் மசோதாவை, பார்லிமென்டில் நிறைவேற்ற மத்திய அரசு தீவிரம் காட்டி வந்தது.  உலக மக்கள் தொகையில் 1% மக்கள் உலகத்தின் 98% வளங்களை அனுபவிகின்றனர், இந்த 1% மக்களில் 99.5% மக்கள் தங்கள் சொந்த திறமையால் அடைந்த சொத்துக்கள் இல்லை அவை, தலைமுறையாக வந்தவை (inherited ). இந்த 1% மக்கள், தங்கள் நினைத்தவைகளை எப்பொழுதுமே அடைய தவறுவது இல்லை, இந்த சட்டம் இதற்கு ஒரு உதாரணம்...

Air India? ஏர் இந்தியாவை இழுத்து மூட அரசு முடிவு! நஷ்டத்தில் இயங்கும் அரசு நிறுவனங்கள் மூடப்படும் .

தொடர்ந்து பல ஆண்டுகளாகவே, ஏர் - இந்தியா நிறுவனம் நஷ்டத்தில் தான் இயங்கி வருகிறது. 2011 - 12ம் நிதியாண்டில், 7,559 கோடி ரூபாய், 2012 - 13ம் நிதியாண்டில், 5,490 கோடி ரூபாய், 2013 - 14ம் நிதியாண்டில், 5,388 கோடி ரூபாய் நஷ்டத்தை ஏற்படுத்தியுள்ளது.  புதுடில்லி: தொடர்ந்து நஷ்டத்தில் இயங்கி, அன்றாட செயல்பாட்டிற்காக அரசின் பணத்தை காலி செய்து வரும், ஏர் - இந்தியா விமான நிறுவனம், எம்.டி.என்.எல்., தொலை தொடர்பு நிறுவனம், இந்துஸ்தான் ஷிப்யார்டு போன்ற, ஐந்து பொதுத்துறை நிறுவனங்களை இழுத்து மூட, மத்திய அரசு முடிவு செய்துள்ளது. இதற்கான அறிவிப்பை, லோக்சபாவில், கனரகத் துறை அமைச்சர் ஆனந்த் கீதே, நேற்று வெளியிட்டார்.   பொதுத் துறை நிறுவனங்கள் அரசு நிறுவனங்களை விட கேவலமாகச் செயல் படுவதில் ஆச்சர்யம் இல்லை.காரணம் வேலை செய்து சம்பளம் வாங்குவோரை விட வேலை செய்யாமலே சம்பாதிப்பதற்கு என்று கொஞ்சம் பேர் தொழில் சங்கங்கள் வைத்துக் கொண்டு நிர்வாகத்தை பயமுறுத்தி வருவது வேதனைக்கு உரியது.அதன் பலனாகத்தான் மொத்த தொழிலாளர்களும் பாதிப்புக்கு உள்ளாகிறார்கள்.இதில் வேடிக்கை என்னவென்றால் இவர்களுக்கு வக்காலத்து வாங்குவதற்கு என்று சில எம்.பிக்களும் இருக்கிறார்கள்.இவர்கள் எல்லாம் தன தலையிலேயே தெரிந்தே மண்ணை அள்ளிப் போட்டுக் கொள்வது நமக்கும் வேதனையாகத்தான் இருக்கிறது.இருந்தும் என்ன பலன்.

குஜராத்திலிருந்து 40 மூட்டைகளில் கொண்டு வரப்பட்ட குட்கா: மடக்கிப் பிடித்த மகாராஷ்டிர போலீசார்

மகாராஷ்டிர மாநிலத்தில் 2012 ஆண்டு ஜூலை முதல் குட்காவுக்கு தடை விதிக்கப்பட்டுள்ள நிலையில் மும்பையின் வடக்கு பகுதியில் உள்ள காஷ்மீரா மாவட்டத்தில் 14 லட்ச ரூபாய் மதிப்புள்ள பான் மசாலா மற்றும் குட்காவை கடத்தி வந்தவர்களை போலீசார் கைது செய்தனர். நெடுஞ்சாலை வழியாக குட்கா கடத்தப்படுவதாக தங்களுக்கு கிடைத்த தகவலையடுத்து நேற்று மதியம் காஷ்மீராவில் உள்ள மும்பை அகமதாபாத் தேசிய நெடுஞ்சாலையில் திடீர் சோதனையில் ஈடுபட்ட போலீசார், சந்தேகத்திற்கிடமான டெம்போ ஒன்று வருவதைக் கவனித்தனர். போலீசைப் பார்த்ததும் உஷாரான டெம்போ டிரைவர் அலி வண்டியை நெடுஞ்சாலையில் நிறுத்திவிட்டு ஓட்டமெடுத்தார். அவரை துரத்திப் பிடித்த போலீசார் அலியை ரிமாண்ட் செய்து விசாரணை நடத்தி வருகின்றனர். குஜராத் மதுவிலக்குன்னு பெரிசா பேசுறாய்ங்க ஆனா குட்கா பான்பராக்  எல்லாம் இந்தியா பூரா அவிங்கதானே சப்பிளை !

தொல்காப்பியர் விருது' பெறுகிறார் 'தினமலர்' ஆசிரியர் டாக்டர் இரா.கிருஷ்ணமூர்த்தி

சென்னை: செம்மொழி தமிழுக்கான ஜனாதிபதி விருதுகள், கடந்த பிப்., 21ம் தேதி மத்திய அரசாணையில் வெளியிடப்பட்டுள்ளன. அதில், 2011-12, 2012-13ம் ஆண்டுகளுக்கான தொல்காப்பியர் விருது, செ.வை.சண்முகத்திற்கும், 'தினமலர்' ஆசிரியரும் நாணயவியல் அறிஞருமான டாக்டர் இரா.கிருஷ்ணமூர்த்திக்கும் வழங்கப்பட உள்ளது. செம்மொழி தமிழாய்வு மத்திய நிறுவனம், மத்திய அரசின் மனிதவள மேம்பாட்டு அமைச்சகத்தின் கீழ் இயங்கும் தன்னாட்சி நிறுவனம். செம்மொழி தமிழை மேம்படுத்தும் வகையில், தமிழின் தொன்மையையும் தனித்தன்மையையும் அடிப்படையாக கொண்டு, 10 செயல் திட்டங்களை வகுத்து செயல்படுத்தி வருகிறது.2004 செப்டம்பரில் மத்திய அரசு, 'செம்மொழிகள்' என்ற ஒரு சிறப்பு பிரிவை தோற்றுவித்து, தமிழை 'செம்மொழி' என அறிவித்தது. விருதுகள், தமிழ் மொழி மேம்பாட்டு வாரியம், ஆய்வு உதவித் தொகைகள், செம்மொழி தமிழ் உயராய்வு மையம் ஆகிய நான்கு உட்பிரிவுகளைக் கொண்ட மத்திய அரசின், செம்மொழி தமிழ் திட்டத்தை செயல்படுத்தும் பொறுப்பு, இந்திய மொழிகளின் நடுவண் நிறுவனத்திடம் 2005 இறுதியில் ஒப்படைக்கப்பட்டது.  இந்த ஆட்சியில் சென்னையில் செம்மொழி அலுவலகம் மோசமாக இருக்கும் அவலத்தையும் கொஞ்சம் எழுதுங்க

காந்திதான் அரசியலில் மதத்தை புகுத்தி கலவரத்திற்கு வித்திட்டார்! நீதிபதி மார்கண்டேய கட்ஜு

புதுடெல்லி பிரஸ் கிளப் முன்னாள் தலைவர் நீதிபதி மார்கண்டேய கட்ஜுவையும், சர்ச்சைகளையும் பிரிக்க முடியாது. தற்போது, அவர் தேசத்தந்தை மகாத்மா காந்திக்கு எதிராக புதிய சர்ச்சையை உருவாக்கி உள்ளார். ‘காந்தி–ஒரு பிரிட்டிஷ் ஏஜெண்ட்’ என்ற தலைப்பில் சமூக வலைத்தளத்தில் அவர் எழுதிய கட்டுரையை சற்று நேரத்தில் 1,300–க்கும் மேற்பட்டோர் பகிர்ந்து கொண்டுள்ளனர்.
அதில், மார்கண்டேய கட்ஜு எழுதி இருப்பதாவது:–
இந்த கட்டுரை எனக்கு கண்டனத்தைப் பெற்றுத் தரலாம். ஆனால், நாட்டு நலனுக்காக இதை சொல்ல வேண்டும் என்று கருதுகிறோம். மகாத்மா காந்தி, வெள்ளையர்களின் ஏஜெண்டாக இருந்தார். நாட்டுக்கு பெரும் தீங்கு இழைத்தார். இதற்கு ஆதாரங்கள் உள்ளன.
இந்தியா, பல்வேறு சாதி, மொழி, மதங்களைக் கொண்ட நாடு. இதை உணர்ந்த வெள்ளையர்கள், பிரித்தாளும் கொள்கையை பின்பற்றினர். காந்தியும் தன் பங்குக்கு பல ஆண்டுகளாக, அரசியலில் மதத்தை புகுத்தியதன் மூலம், வெள்ளையர் கொள்கைக்கு உரம் சேர்த்தார்.

Daughter of India அமெரிக்காவில் சிறப்பு காட்சி ! உலகமெங்கும் பார்க்கப்படுகிறது!

இந்தியாவில் தடைவிதிக்கப்பட்டுள்ள சர்ச்சைக்குரிய 'இந்தியாவின் மகள்' ஆவணப்படம், அமெரிக்காவில் கல்லூரி ஒன்றில் சிறப்புக் காட்சியாகத் திரையிடப்பட்டது.

டெல்லியில் மருத்துவ மாணவி பாலியல் பலாத்காரம் செய்து கொல்லப்பட்ட சம்பவத்தை மையாமாக வைத்து லெஸ்லி உட்வின் ஆவணப்படம் இயக்கினார். அதில் குற்றவாளிகளில் ஒருவரான முகேஷ் சிங், பெண்களைப் பற்றி தெரிவித்த கருத்துகள் பெரும் சர்ச்சையை ஏற்படுத்தின. தயாரிப்பில் பங்கு வகித்த பிபிசி-யில் இந்த ஆவணப்படம் ஒளிபரப்பட்டாலும், இந்தியாவில் தடை செய்யப்பட்டது.

இந்த நிலையில் தடை செய்யப்பட்ட இந்த ஆவணப்படம் அமெரிக்காவில் உள்ள பரூச் கல்லூரியில் 'பிகாஸ் ஐயாம் எ கேர்ள்' என்ற அமைப்பின் சார்பில் திரையிடப்பட்டது.

இந்த ஆவணப்படத்தின் சிறப்புத் திரையிடலில், கல்லூரி மாணவர்கள், ஹாலிவுட் நடிகர்கள் உள்ளிட்ட 650 பங்கேற்பாளர்கள் மெழுகுவர்த்தி ஏற்றி 'நிர்பயா'-வுக்கு அஞ்சலி செலுத்தினர்.

Daughter of India வை தடை செய்தது இந்தியாவின் தற்கொலை முடிவு: இயக்குநர் லெஸ்லி உட்வின் பேட்டி

இந்தியாவின் மகள் ஆவணப் படத்தை தடை செய்ததன் மூலம் இந்தியா சர்வதேச அளவில் தற்கொலை செய்து கொண்டுள்ளது என்று அப்படத்தின் இயக்குநர் லெஸ்லி உட்வின் தெரிவித்துள்ளார்.

டெல்லியில் மருத்துவ மாணவி பாலியல் பலாத்காரம் செய்து கொல்லப்பட்ட சம்ப வத்தை வைத்து பிரிட்டனை சேர்ந்த லெஸ்லி ஆவணப் படம் தயாரித்தார்.

அதில் குற்றவாளிகளில் ஒருவர் பெண்களைப் பற்றி தெரிவித்த கருத்துகள் பெரும் சர்ச்சையை ஏற்படுத்தின. பிபிசி-யில் அந்த ஆவணப்படம் வெளி யிடப்பட்டாலும் இந்தியாவில் தடை செய்யப்பட்டது.

தடையைத் தொடர்ந்து இந்தியா தவிர மற்ற நாடுகளில் முன்கூட்டியே அப்படத்தை பிபிசி வெளியிட்டது.

மனிதர்களின் ஆயுளை 500 ஆண்டுகள் வரை நீட்டிக்க முடியும்: கூகுள் தகவல்

In an interview with Bloomberg, Google Ventures' president Bill Maris said he thinks it's possible to live to 500 years old
மனிதர்களின் வாழ்நாளை அதிகப்பட்சமாக 500 ஆண்டுகள் வரை நீட்டிக்க முடியும் என கூகுளின் புதிய ஆய்வுகளுக்கான தலைமை அதிகாரி பில்மார்ஸ் தெரிவித்துள்ளார். > கூகுள் நிறுவனம் தகவல் தொழில்நுட்ப துறை தவிர மற்ற பிற துறைகளிலும் பெரும் முதலீடுகளை செய்து ஆய்வில் ஈடுபட்டு வருகிறது. குறிப்பாக மரபணு, புற்றுநோயை முன்கூட்டியே கண்டறிவது மற்றும் மனிதர்களின் வாழ்நாளை அதிகரிப்பது அதாவது முதுமையை தடுக்கும் துறைகளில் அதிக கவனம் செலுத்திவருகிறது. இந்த ஆய்வுகளை தலைமையேற்று நடத்திவரும் பில் மார்ஸ் தங்கள் ஆய்வு பற்றி கூறுகையில், "மனிதர்களின் வாழ்நாட்களை அதிகரிப்பதற்கான தொழில்நுட்பங்களை உருவாக்கி வருகிறோம். சாவை தடுக்க முடியாது. ஆனால், கண்டிப்பாக நீண்ட நாட்கள் வாழ வைக்க முடியும்" என்று தெரிவித்துள்ளார்.

ராமஜெயம் கொலைகாரர்களை போலீஸ் நெருங்கி விட்டதாம்! ஆனால் ஆறுமாதம் அவகாசம் வேணுமாம்? அவிங்க ஆட்சியோ? அதாய்ன் அவகாசமோ?

முன்னாள் தி.மு.க. அமைச்சர் நேருவின் சகோதரர் ராமஜெயம், கடந்த 2012–ம் ஆண்டு மார்ச் மாதம் திருச்சி காவிரி ஆற்றின் கரையில் கை–கால்கள் கட்டப்பட்ட நிலையில் கொலை செய்யப்பட்டு பிணமாக கிடந்தார்.
இதுகுறித்து சி.பி.சி.ஐ.டி. போலீசார் விசாரணை நடத்தி வருகின்றனர். இந்த வழக்கில் இதுவரை யாரையும் போலீசார் கைது செய்யவில்லை.
இந்த நிலையில் ராமஜெயத்தின் மனைவி லதா, இந்த வழக்கை சி.பி.ஐ. விசாரணைக்கு மாற்ற வேண்டும் என்று மதுரை ஐகோர்ட்டு கிளையில் மனு தாக்கல் செய்திருந்தார். இந்த மனு நீதிபதி சத்தியநாராயணன் முன்னிலையில் இன்று விசாரணைக்கு வந்தது.
அப்போது சி.பி.சி.ஐ.டி. போலீசார் தரப்பில் ஒரு அறிக்கை தாக்கல் செய்யப்பட்டது. அதில், ராமஜெயம் கொலையில் சம்பந்தப்பட்ட குற்றவாளிகளை நெருங்கி விட்டோம் என்றும், அவர்களை கைது செய்ய 6 மாத கால அவகாசம் வேண்டும் என்றும் கூறப்பட்டு இருந்தது.
இதை ஏற்றுக்கொண்ட நீதிபதி, 3 மாத கால அவகாசம் அளித்து இந்த விசாரணையை வருகிற ஜூன் மாதம் 11–ந்தேதிக்கு தள்ளிவைத்தார். maalaimalar.com

தாலி பெண்களுக்கு தேவையா? Talk show! ரவுடி ராம கோபாலன் புதிய தலைமுறை டிவி மீது காட்டம்

சமூக விரோதிகளின் கூடாரமாக மாறி விட்டதா புதிய தலைமுறைத் தொலைக்காட்சி நிறுவனம் என்று கேட்டுள்ளார் இந்து முன்னணி அமைப்பாளர் ராம. கோபாலன்.  இதுதொடர்பாக அவர் விடுத்துள்ள அறிக்கை: புதிய தலைமுறை தொலைக்காட்சியில் மகளிர் தினத்தை முன்னிட்டு பெண்களுக்குத் தாலி தேவையா? என்ற விவாதத்தை நடத்துவதாக விளம்பரப்படுத்தியிருந்தார்கள். இந்த விளம்பரத்தில் பெண்களுக்கு தாலி என்பது நாய்க்கு சங்கலி கட்டுவது போல என ஒரு பெண் பேசுவதைப் பார்த்து அதிர்ச்சி அடைந்த பொது மக்கள், இதனைத் தடுத்து நிறுத்த இந்து முன்னணிக்கு வேண்டுகோள் விடுத்ததோடு, புதிய தலை முறைக்கும் தங்களது ஆட்சேபணையைத் தெரிவித்துள்ளனர். இதனைத் தொடர்ந்து இந்து முன்னணி பொறுப்பாளர்கள் புதிய தலைமுறை தொலைக்காட்சி அதிகாரிகளிடம் தொடர்பு கொண்டு நம்முடைய ஆட்சேபணையை தெரிவித்தபோது, நிகழ்ச்சியை ரத்து செய்யமுடியாது எனத் தெரிவித்துவிட்டனர்.

உலகின் முதல் சூரிய சக்தி விமானம் பயணத்தை தொடங்கியது

அபுதாபியில் உலகின் முதல் சோலார் விமானம் தனியார் நிறுவனங்களின் பங்களிப்புடன் தயாரிக்கப்பட்டது. இரண்டு பேர் மட்டுமே அமரக்கூடிய இந்த விமானத்தின் 72 மீட்டர் (சுமார் 236 அடி) நீள இறக்கைகளில் சூரிய தகடுகள் பொருத்தப்பட்டுள்ளன. இந்த விமானத்தை வடிவமைப்பதில் சுவிட்சர்லாந்து நாட்டைச் சேர்ந்த விமானி ஆண்ட்ரே போர் ச்பெர்க் மற்றும் விமானி பெர்ட்ராண்ட் பிக் ஆகியோர் முக்கியப்பங்கு வகித்தனர். 12 வருடத்திற்கு முன்பு தொடங்கப்பட்ட இந்த திட்டம் தற்போது நனவாகியிருப்பது தங்களுக்கு மகிழ்ச்சியை ஏற்படுத்தியுள்ளது என்று விமானிகள் தெரிவித்தனர். ‘சோலார் இம்பல்ஸ்’ 2 என்று பெயரிடப்பட்டுள்ள இந்த சோலார் விமானம் அபுதாபி அல் புத்தீன் நிர்வாக விமான நிலையத்தில் இருந்து நேற்று தனது பயணத்தை தொடங்கியது.

இந்திய கற்பழிப்பு புள்ளிவிபரத்தை காரணம் காட்டி ஜெர்மன் கல்லூரி இந்திய மாணவருக்கு கதவை சாத்துகிறது !

புதுடில்லி: இந்திய மாணவருக்கு பயிற்சி அளிக்க, ஜெர்மனி பேராசிரியை ஒருவர் தெரிவித்த கருத்து, பலத்த சர்ச்சையை கிளப்பியுள்ளது. 'இந்தியாவில் கற்பழிப்பு அதிகமாக இருப்பதால், இந்தியாவிலிருந்து வரும் இளைஞருக்கு நான் பயிற்சி அளிக்க மாட்டேன்' என, அந்தப் பேராசிரியை தெரிவித்ததற்கு, இந்தியாவில் உள்ள ஜெர்மனி தூதர் கண்டனம் தெரிவித்துள்ளார். பெயர் குறிப்பிடப்படாத, இந்தியாவைச் சேர்ந்த மாணவர் ஒருவர், ஜெர்மனியின், லெய்ப்ஜிக் பல்கலைக்கழக பேராசிரியை பெக்சிங்கர் என்பவரிடம், 'இன்டர்ன்ஷிப்' எனப்படும் பயிற்சி பெற விண்ணப்பித்த போது, அந்த பேராசிரியை மறுத்தார்.'இந்திய இளைஞருக்கு பயிற்சி அளிக்க மாட்டேன்' என பதில் கடிதம் அனுப்பினார். அதில், மேற்கண்டவாறு வார்த்தைகளை அவர் பயன்படுத்தியிருந்தார். இந்தியா ஒரு பாலியல் பலாத்கார நாடு என்ற பெயரை எடுத்துகொண்டிருக்கிறது.  BBC ஆவணப்படத்தை தடை செய்தது கூட அதற்கு இன்னும் தூபம் போடுகிறது

மக்கள் திலகமும் மலிவு விலை மதுவும்

‘நீ தான் ஒரு மிருகம் –
இந்த மதுவில் விழும் நேரம்’ என்று ஒரு நடிகராக மதுவிற்கு எதிராகத் தொடர்ந்து முழுங்கிய எம்.ஜி.ஆர்;
முதலமைச்சராக ஆனவுடனேயே; விஸ்கி, பிராந்தி போன்ற சீமை சரக்கல்ல; பட்ட சரக்கு சாராயத்தையே மலிவு விலை மதுவாக விற்றார்.
இதற்கு இவர் சினிமாவில் குடிகாரனாகவும், முதலமைச்சராக மதுவிற்கு எதிராகவும் இருந்திருந்தால் எவ்வளவு சிறப்பாக இருந்திருக்கும்?mathimaran.wordpress.com

ஜெயாவின் விடுதலைக்காக அறநிலைய துறையின் செலவில் தினசரி பிரசாதம் வழங்க முடிவு.

சொத்து குவிப்பு வழக்கில் தண்டனை பெற்றுள்ள, முன்னாள் முதல்வர் ஜெயலலிதா, அதை எதிர்த்து, மேல்முறையீட்டு மனு தாக்கல் செய்துள்ளார். கர்நாடக உயர் நீதிமன்றத்தில், தற்போது அந்த வழக்கு விசாரணை நடைபெற்று வருகிறது. பிரார்த்தனைகள்: அப்பீல் மனு தாக்கல் செய்யப்பட்ட நாளில் துவங்கி, வழக்கில் இருந்து அவர் விடுதலை பெற வேண்டி, தமிழகம் முழுவதும் பல்வேறு பிரார்த்தனைகள், ஆளுங்கட்சியினரால் நடத்தப்பட்டு வருகின்றன. அதிலும் குறிப்பாக, ஜெயலலிதாவின் பிறந்த நாளை ஒட்டி நடந்த நிகழ்ச்சிகள் அனைத்துமே, அவரது விடுதலைக்காக செய்யப்பட்ட வழிபாடுகளாக தான் இருந்தன. ஜெயலலிதா விடுதலைக்காக, அறநிலையத் துறை ஏற்பாடு செய்திருந்த சிறப்பு ஏற்பாடு பற்றிய தகவல் வெளியாகி உள்ளது.  அன்றாடம் வரும் ஐந்து கோவில் பிரசாதம்: ஜெ., விடுதலைக்காக அறநிலையத் துறை விசேஷ ஏற்பாடு! இதைதான் நாடு நாறிக்கிடக்கிறது என்பது

அக்ரி கிருஷ்ணமூர்த்தி லஞ்ச விவகாரம் அதிமுகவின் அத்திவாரத்தையே பீஸ் பீசாக்குகிறது? லஞ்சம் அம்மா பஜனை அபிஷேகம் ஆராத்தி காவடி டாஸ்மார்க் .....

திருநெல்வேலி: 'நெல்லையில், வேளாண் அதிகாரி முத்துக்குமாரசாமியிடம், 21 லட்சம் ரூபாய் கேட்டு, கடுமையாக மிரட்டியது தான், அவர் தற்கொலை செய்து கொண்டதற்கு காரணம்' என, உளவுத்துறை தெரிவித்துள்ளது. கடந்த மாதம் 20ம் தேதி, நெல்லையில், வேளாண்மை பொறியியல் துறையில் பணிபுரிந்த முத்துக்குமாரசாமி, 57, ரயிலில் பாய்ந்து தற்கொலை செய்து கொண்டார். மாவட்டத்தில், ஓட்டுனர் பணியிடங்களை நிரப்புவது தொடர்பாக ஏற்பட்ட நெருக்கடியால், அவர் தற்கொலை செய்து கொண்டதாக புகார் எழுந்தது. அப்போதைய, வேளாண் துறை அமைச்சர் அக்ரி கிருஷ்ணமூர்த்தி கொடுத்த அழுத்தம் தான், அதிகாரி தற்கொலைக்கு காரணம் என, எதிர்க்கட்சிகள் குரல் கொடுத்தன. இதையடுத்து, கட்சிப் பதவி மற்றும் அமைச்சர் பதவியில் இருந்து, அக்ரி கிருஷ்ணமூர்த்தி நீக்கப்பட்டார்.  அரசு அதிகாரிகள் இன்னமும் இங்கிலாந்து காலத்திலேயே உள்ளனர். ஊழியர்களை அடிமைகளாக நடத்துகின்றனர். இதை பின்பற்றி ஊழியர்களும், மக்களை அடிமைகளாக நடத்துகின்றனர். அமெரிக்காவில் அரசு அதிகாரிகள் எப்படி அரசு ஊழியர்களை நடத்துகிறார்கள் என்று பாருங்கள். ஊழியர்களும் மக்களை எப்படி நடத்துகிறார்கள் என்று பாருங்கள்? அடிமை தனம் இல்லை. சமுதாயத்தில் மாற்றம் வரவேண்டும். இது மேலிருந்து வர வேண்டும். அரசியல்வாதிகளிடம் இருந்து ஆரம்பிக்க வேண்டும். அவர்களுக்கு தான் எளிமை என்பதே தெரியாதே அதற்கு தான் ஆம் ஆத்மி கட்சி வந்தது. பின்னர், அதன் தலைவர் அரவிந்திற்கே எளிமை பிடிக்காமல் போய்விட்டது.

கிக் பானம் குடித்து ரெஜினா கும்மாளம்

பங்கி அடிச்சேன்டி பான்பீடா போட்டேன்டி'  என பில்லா படத்தில் ரஜினிகாந்த் பாடியதுபோல் பாங்கு அடித்துவிட்டு கும்மாளம் போட்டார் ரெஜினா. சமீபத்தில் நடிகர், நடிகைகள் வண்ண பொடிகளை வீசி ஹோலியை கொண்டாடி மகிழ்ந்தனர். இதில் இந்த ஆண்டுக்கான ஹோலியை மறக்க முடியாததாக்கிக் கொண்டிருக்கிறார் ‘கேடி பில்லா கில்லாடி ரங்கா‘ ஹீரோயின் ரெஜினா. வண்ணப் பொடிகளை தூவி, ' ஹோலி ஹே'  என கும்மாளம் போடுவதற்கு முன் ‘பாங்கு‘ (போதை ஏற்றும் பானம்) பருகுவது வழக்கம். இலை மற்றும் பூக்களை கொண்டு தயாரிக்கப்படும் இதை வட இந்திய பெண்களும் ஹோலி சமயத்தில் குடிப்பார்கள். ரொம்ப நாட்களாகவே இந்த பானத்தை சுவைக்க வேண்டும் என்று ரெஜினாவுக்கு ஆசையாம். அதை இப்போது நிறைவேற்றிக்கொண்டார். இதுபற்றி அவர் கூறும்போது, ‘பாங்கு குடித்து பார்க்க வேண்டும் என்று ரொம்ப நாளாகவே ஆசை. அதை குடித்த பிறகு என்ன உணர்வு ஏற்படும், எப்படியெல்லாம் செயல்படுகிறேன் என்பதை அறிய ஆவலாக இருந்தேன். இந்த அனுபவம் ரொம்பவே நன்றாக இருந்தது. தோழிகளுடன் ஹோலி கொண்டாடியபோது பள்ளி வயது ஞாபகங்கள் வந்துவிட்டது' என்றார்.tamilmurasu.org

புதிய தலைமுறை TV யைத் தாக்கிய இந்து முன்னணி RSS – தீர்வு என்ன ?

புதிய தலைமுறை தொலைக்காட்சியின் ஒளிப்பதிவாளர் செந்தில்குமரனை, அந்த தொலைக்காட்சி நிலையத்தின் வாயிலிலேயே வைத்து, இந்து முன்னணி, பாரதிய ஜனதா காலிகள் 30 பேர் சூழ்ந்து கொண்டு தாக்கி, அவருடைய கேமராவையும் உடைத்திருக்கின்றனர். தற்செயலாக அங்கு வந்த பத்திரிகையாளர் தியாகச்செம்மலும் பொதுமக்கள் சிலரும் குறுக்கிட்டுத் தடுத்து அவரைக் காப்பாற்றியிருக்கின்றனர். புதிய தலைமுறை தொலைக்காட்சியின் ஒளிப்பதிவாளர் செந்தில்குமரனை, அந்த தொலைக்காட்சி நிலையத்தின் வாயிலிலேயே வைத்து, இந்து முன்னணி, பாரதிய ஜனதா காலிகள் 30 பேர் சூழ்ந்து கொண்டு தாக்கி, அவருடைய கேமராவையும் உடைத்திருக்கின்றனர். RSS நாசகாரிகளின் ஆட்சியில் நிச்சயம் ஊடங்கள் இன்னும் மோசமாக நசுக்கப்படும் . அதற்குரிய  சகல சகுனங்களும் தெரிகிறது Wake up before its too late

சேது சமுத்திர கடலுக்குள் புதைந்த இயந்திரம் மீட்க படுகிறது

ராமேசுவரம்,மார்ச்.09 (டி.என்.எஸ்) கடந்த 2009–ம் ஆண்டு சேதுசமுத்திர கால்வாய் திட்டத்திற்காக கடலை ஆழப்படுத்தும் பணிகள் நடந்து வந்தன. அப்போது ராமேசுவரம் தனுஷ்கோடி 4–வது மணல் தீட்டை மற்றும் 5–வது மணல் தீட்டை ஆகிய இடங்களுக்கு இடைப்பட்ட கடல் பகுதிகளில் பாறைகளை உடைக்கும் பணியில் அக்வாரிஸ் என்ற கப்பல் ஈடுபட்டு இருந்தது. அப்போது எதிர்பாராத விதமாக அந்த கப்பலின் ‘ஸ்பட்’ என்ற ராட்சத எந்திரம் கடலில் விழுந்து விட்டது. இந்த எந்திரம் தான் கடலில் உள்ள பாறைகளை உடைத்து, மணலை அப்புறப்படுத்தும் பணியில் முக்கிய பங்காற்றியது. அந்த எந்திரம் 50 டன் எடையும், 15 மீட்டர் நீளமும் கொண்டது. இதற்கிடையில் சேது சமுத்திர திட்டத்தை நிறைவேற்றக்கூடாது என்று உச்ச நீதிமன்றத்தில் வழக்கு போடப்பட்டதால் அந்த திட்டம் கிடப்பில் போடப்பட்டது.

அமைச்சர் அக்ரி கிருஷ்ணமூர்த்தி 12 லட்சம் லஞ்சம் கேட்டதால் அதிகாரி முத்துகுமாரசாமி தற்கொலை.......

நெல்லையில் வேளாண் அதிகாரி தற்கொலை செய்து கொண்ட வழக்கை சிபிசிஐடி விசாரணைக்கு மாற்றி டிஜிபி உத்தரவிட்டுள்ளார்.

தமிழக வேளாண் துறையில் 4 ஓட்டுநர்கள் நியமனத்துக்கு ரூ.12 லட்சம் லஞ்சம் கேட்டு, அமைச்சர் அக்ரி கிருஷ்ண மூர்த்தி தொல்லை கொடுத்த தால், நெல்லை மாவட்ட வேளாண் துறை செயற்பொறியாளர் முத்துக் குமாரசாமி தற்கொலை செய்து கொண்டார் என்று புகார் எழுந்தது.

பதவிகள் பறிப்பு

அமைச்சர் அக்ரி கிருஷ்ண மூர்த்தியை கைது செய்து உடனடி யாக சிபிஐ விசாரணைக்கு உத்தர விட வேண்டும் என்று பல்வேறு கட்சிகளை சேர்ந்தவர்கள் வலி யுறுத்தினர். அதைத் தொடர்ந்து கட்சிப் பொறுப்புகளில் இருந்தும், அமைச்சர் பதவியில் இருந்தும் அக்ரி கிருஷ்ணமூர்த்தி நீக்கப்பட்டார்.

திரைப்படத் தயாரிப்பை நிறுத்திவைக்க தயாரிப்பாளர்கள் சங்கம் ஆலோசனை !அடுத்த 3 மூன்று மாதங்களுக்கு

தமிழ்த் திரைப்படங்களின் தயாரிப்பை அடுத்த 3 மூன்று மாதங்களுக்கு நிறுத்திவைப்பது தொடர்பாக தயாரிப்பாளர்கள் சங்கம் ஆலோசனை செய்து வருகிறது தமிழ்த் திரைப்படத் தயாரிப்பாளர்கள் சங்கத்தின் மாதாந்திர பொதுக் குழுக் கூட்டம், அதன் தலைவர் கலைப்புலி எஸ்.தாணு தலைமையில் சென்னையில் ஞாயிற்றுக்கிழமை நடைபெற்றது. இக் கூட்டத்தில், திரைப்படத் தொழிலில் தொடர்ந்து ஏற்பட்டு வரும் சரிவு, பட வெளியீட்டில் ஏற்பட்டு வரும் சிக்கல்கள் உள்ளிட்ட பல்வேறு பிரச்னைகள் குறித்து விவாதிக்கப்பட்டன. அப்போது பேசிய தயாரிப்பாளர் மன்னன், நடிகர்களுக்கான சம்பளம், படப்பிடிப்பு உபகரணங்களுக்கான வாடகை அதிகரிப்பு உள்ளிட்ட காரணங்களால் திரைப்படத் தயாரிப்புகளுக்கான செலவு தொடர்ந்து அதிகரித்து வருகிறது. அப்படி தயாரிக்கப்பட்டு வரும் படங்களை வெளியிடுவதில் பல சிரமங்கள் ஏற்பட்டுள்ளன. ஷங்கர் ரஜனி போன்ற மெகா கொள்ளைக்காரர்களால் தமிழ் திரை உலகமே மாபியா பிசினெஸ் ஆகிவிட்டது, நல்ல படங்களுக்கு தியேட்டர் பற்றாக்குறை அடிதடி வெட்டு குத்து மாசாலா வன்முறை படங்கள் நாட்டையே குட்டி சுவராக்கி விட்டது  பெண்களின் சுயமரியாதையை பறிப்பதில் இவைதான் முன்னணியில் உள்ளன.

எங்கள் மாநிலத்தில் அணு உலை அமையுங்க: ஆந்திரா, கர்நாடக மாநிலங்கள் கோரிக்கை

புதுடில்லி:தங்கள் மாநிலங்களில் அணு உலைகள் அமைக்க, பல மாநிலங்கள் எதிர்ப்பு தெரிவித்த நிலையில், ஆந்திரா மற்றும் கர்நாடக மாநிலங்கள் விருப்பம் தெரிவித்துள்ளன.தமிழகத்தில், கல்பாக்கம், கூடங்குளம் ஆகிய இடங்களில், அணு மின் உற்பத்தி நிலையங்கள் உள்ளன. கூடுதலாக பல அணு உலைகள் அமைக்க மத்திய அரசு முடிவு செய்தது.ரஷ்ய அதிபர் புடின், கடந்த ஆண்டு இந்தியா வந்திருந்த போது, 16 இடங்களில் புதிய அணு உலைகள் அமைக்க தயார் என கூறி, அதற்கான இடங்களை தேர்வு செய்யுமாறு, இந்திய அதிகாரிகளிடம் கேட்டுக் கொண்டார்.இடங்களை தேடிய இந்திய அணுசக்தி துறை அதிகாரிகள், அணு மின் உற்பத்தி நிலையங்கள் இல்லாத, மேற்கு வங்கம், கேரளா, ஒடிசா ஆகிய மாநிலங்களின் விருப்பத்தை கேட்டனர்.அப்போது, மேற்கு வங்கம், கேரளா, ஒடிசா போன்ற மாநிலங்கள், தங்கள் மாநிலங்களுக்கு அணு மின் உற்பத்தி நிலையங்கள் வேண்டாம் என தெரிவித்து விட்டன.இந்த மாநிலங்களில், முறையே, திரிணமுல் காங்கிரஸ், காங்கிரஸ் மற்றும் பிஜு ஜனதாதளம் கட்சிகள் ஆட்சியில் உள்ளன.  பிழைக்க தெரிந்த கர்நாடகா/ ஆந்திரா... ஆனால் அங்கும் உதயகுமார்கள் எங்கிருந்தாவது கிளம்பி விடுவார்கள்....

ஆஸ்திரேலியாவில் இந்தியப் பெண் கொடூரமான முறையில் குத்திக் கொலை

div dir="ltr" style="text-align: left;" trbidi="on"> ஆஸ்திரேலியாவில் சிட்னி நகரின் அருகில் உள்ள புறநகரான வெஸ்ட்மீட் பகுதியில் வாழ்ந்துவந்த இந்தியப் பெண்ணை அடையாளம் தெரியாத மர்மநபர் கொடூரமான முறையில் குத்திக் கொன்ற சம்பவம் பெரும் அதிர்ச்சியை ஏற்படுத்தியுள்ளது. சிட்னியில் ஐ.டி. துறையில் ஆலோசகராக பணியாற்றிவந்த பிரபா அருண் குமார்(41) இங்குள்ள பாராமட்டா பூங்கா வழியாக அவர் நடந்துவந்தபோது இந்த படுகொலை நடந்ததாக உள்ளூர் ஊடகங்கள் செய்தி வெளியிட்டுள்ளன. அந்தப் பூங்கா அருகே எப்போதும் முகாமிட்டிருக்கும் சில போக்கிரிகள் அவ்வழியே செல்பவரை மடக்கி பணம் பறிப்பது வழக்கம். நேற்றிரவு அவ்வழியே வந்த பிரபா அருண் குமார் மிக மோசமான கத்திக் குத்து காயங்களுடன் சாலையோரமாக ரத்த வெள்ளத்தில் மயங்கிக் கிடந்தார். இதைக் கண்டு வழிப்போக்கர்களில் ஒருவர் அவசர உதவி மையத்துக்கு அளித்த தகவலையடுத்து, வெஸ்ட்மீட் ஆஸ்பத்திரிக்கு தூக்கிச் செல்லப்பட்டு அனுமதிக்கப்பட்டார்.

பெண் இயக்குநர்களை இங்கு வளர விடுவதில்லை: நடிகை லட்சுமி சிறப்பு பேட்டி

உழைக்கும் பெண்களின் உரிமைக்குரலில் உருவாக்கப் பட்டதுதான் மகளிர் தினம். ஆனால் இந்தியாவில் பெண்களுக்கு ஒரு நாள்கூட ஓய்வு இல்லை. தினமும் வீட்டில் உழைத்துக்கொண்டுதான் இருக்கிறார்கள். இது போதாதென்று பாலியல் வன்கொடுமைகள், குடித்து விட்டு வந்து மனைவியை அடிப்பது என பெண்களுக்கு எதிரான கொடுமைகள் இங்கு தொடர்ச்சியாக நடந்து கொண்டே இருக்கிறது. என்றைக்கு இந்தியாவில் உள்ள அனைத்து பெண்களும் சுதந்திரமாகவும், கருத்துரிமையோடும் வலம் வருகிறார்களோ அன்றைக்குதான் நம் நாட்டில் உண்மையான மகளிர் தினம் மலரும்” என்று உணர்ச்சிவசப்பட்டு பேசுகிறார் நடிகை லட்சுமி.

தமிழ் சினிமாவின் மூத்த நடிகைகளில் ஒருவரான அவரை மகளிர் தின சிறப்பு பேட்டிக்காக சந்தித்தபோதுதான் இப்படி பொங்கி எழுந்தார். அவருடன் மேலும் பேசியதிலிருந்து:  அட நீங்க ஒண்ணு . இங்க தமிழ் நடிகர்களையே வளரவிடுவதில்லை .தெலுங்கு மலையாளம் கன்னடம் இந்தி துளு கொங்கனி ச்வாஹிலிபோல  எதுவாயிருந்தாலும் வளரலாம் 

முதல் நாளில் 10 லட்சம் டிவிடி விற்பனை: சேரன் மகிழ்ச்சி

சி2ஹெச்-ல் வெளியிடப்பட்ட 'ஜே.கே எனும் நண்பனின் வாழ்க்கை' முதல் நாளில் 10 லட்சம் டி.வி.டிக்கள் விற்பனையாகி சாதனை படைத்திருக்கிறது.

மார்ச் 5-ம் தேதி தமது நீண்ட நாள் திட்டமான சி2ஹெச் திட்டத்தை தொடங்கினார் இயக்குநர் சேரன். திரையரங்குகள் கிடைக்காமல் இருக்கும் படங்களை வீடுகளே அதிகாரபூர்வமாக டி.வி.டிக்களை கொண்டு போய் சேர்ப்பதே சி2ஹெச் திட்டத்தின் நோக்கமாகும்.

தங்கர் பச்சான் : கருகும் பிஞ்சுகள்! குடியினால் அப்பாக்களை இழந்த குடும்பங்கள் ....

ஊரைவிட்டுத் துரத்துவதற்காக வும், பிரிப்பதற்காகவுமே பள்ளிக்கூடங்கள். அதை சிறப்பாக செய்து தருவதுதான் சிறந்த பள்ளி. உடன் பயின்றவர்களைப் பின்னா ளில் காணாமலே போக நேரிடுகிறது. நடுவில் சேர்ந்துகொண்டவர்களோடு வாழ்க்கை நகர்ந்து கொண்டிருக்கிறது. மகிழ்ச்சியைத் திருப்பித் தருவதற்கு, கடந்துபோன பள்ளி நாட்களாலும் இழந்த காதலி, காதலனாலும் மட்டுமே முடியும்.

‘பள்ளிக்கூடம்’ திரைப்படத்துக்குப் பின் ஏராளமான பள்ளிகளுக்கு நான் செல்ல நேர்ந்தது. இரண்டு ஆண்டு களுக்கு முன்பு மட்டும், ஒரே ஆண்டில் 60 பள்ளி, கல்லூரிகளுக்குச் சென்று மாணவர்களுடன் உரையாடினேன். நான் கூர்ந்து கவனிக்கக்கூடிய முகங்கள் அவர்களுடையதாகவே இருக்கின்றன.

அந்தப் படத்துக்குப் பின் மூடும் நிலைக்குத் தள்ளப்பட்டிருந்த எத்த னையோ பள்ளிக்கூடங்கள் முன்னாள் மாணவர்களால் மீண்டும் உயிர்பெற்றன.

பாலச்சந்தரின் படங்களில் பெண்கள் உருப்படாமேலே போகிறார்கள்? மகளிர் தின பாலச்சந்தர் மகிமை

கே. பாலசந்தர் ‘மகளிர் தினம்’: நல்லா வௌங்கும் நாடு
பி.பி.சி தொலைக்காட்சி, ‘டெல்லியில் பெண்ணைப் பாலியல் வன்முறை செய்து கொலை செய்தவன் பேட்டியை, மகளிர் தினத்தை முன்னிட்டு, ஒளிபரப்பும்’ என்று முன்னர் அறிவித்திருந்தது.
அதுபோல் பொதிகை தொலைக்காட்சி, ‘மகளிர் தினச் சிறப்பாக இயக்குர் கே. பாலசந்தர் பற்றிய சிறப்பு நிகழ்ச்சி’ என்று அறிவித்திருக்கிறது.
வேலைக்குப் போகிற பெண்கள் கவர்ச்சியாக உடையணிந்து ஆண்களைக் கவர்வது போல்தான் போவார்கள். கணவன் இல்லாதவர்கள், குடும்பப் பொறுப்பற்ற ஆண்கள் இந்தச் சூழல் தான் பெண்களை வேலைக்குப் போக வேண்டிய இழிவான நிலைக்குத் தள்ளுகிறது..
பாவம் குடும்ப வறுமை காரணமாகப் பெண் வேலைக்குப் போக வேண்டியிருக்கிறது. வீட்டிலிருந்தால், பெண்கள் நிம்மதியாக, பாதுகாப்பாக, மன அமைதியுடன் வாழ்வார்கள் என்று,
பெண்கள் வேலைக்குப் போவதையே ‘விலை’க்குப் போவதைப்போல் அவள் ஒரு தொடர்கதையில் சித்தரித்தார்.
தொடர்ந்து தன் படங்களில், மோசமான கணவனைப் பிரிந்த பெண்கள் மறுமணம் செய்து கொள்வதைத் தடுத்தே வந்தார்.
அரசு தொலைக்காட்சி மகளிர் தினத்திற்கு இவரைப் பற்றிச் சிறப்பு நிகழ்ச்சி ஒளிபரப்பி, சிறப்புச் செய்திறதாம் பெண்களுக்கு.
நல்லா வௌங்கும் நாடு.mathimaran.wordpress.com

நிர்பயா ஆவணப்பட விவகாரம்: கண்மூடித்தனமாக அனுமதி அளித்த காங்., அரசு: நஜ்மா குற்றச்சாட்டு

புதுடில்லி:நிர்பயா பாலியல் குற்றவாளிகள் குறித்த ஆவணப்படத்தை எடுக்க பி.பி.சி., ஊடகக் குழுவுக்கு, காங்கிரஸ் தலைமையிலான முந்தைய மத்திய அரசு கண்மூடித்தனமாக அனுமதி அளித்தது என்று, மத்திய அமைச்சர் நஜ்மா ஹெப்துல்லா குற்றம்சாட்டினார்.
இதுகுறித்து டில்லியில் பத்திரிகையாளர்களிடம் நேற்று அவர் கூறுகையில்,நிர்பயா பாலியல் குற்றவாளிகள் குறித்த ஆவணப்படத்தை எடுக்க பிபிசி ஊடகக் குழுவுக்கு முந்தைய காங்கிரஸ் அரசு அனுமதி அளித்தபோது, கருத்தில் கொள்ள வேண்டிய காரணிகளையும், அந்த ஆவணப்படத்தின் எழுத்துப் பிரதியையும் சரிபார்க்காமல் கண்மூடித்தனமாக அனுமதி அளிக்கப்பட்டது.இந்த விவகாரத்தில் தற்போது, உள் துறை அமைச்சர் ராஜ்நாத் சிங் எடுத்துள்ள நடவடிக்கைகள் உறுதியானவை. இதில், மத்திய அரசு இனி எடுக்கவுள்ள நடவடிக்கைகளும் சரியாகத்தான் இருக்கும்.  இந்தியாவில் நடந்த ஒரு சம்பவத்தை ஆவணப்படம் எடுத்து உலகிற்கு  வெளிச்சம் போட்டு காட்டியதை  தவறு என்று இந்த நஜ்மாவும் இவரது பிஜேபி யும் கூக்குரல் இடுகிறது. வடகொரியா சவுதி அரேபியா எல்லாம் இவிங்க கிட்ட  ட்ரெயினிங் எடுத்துக்கணும்? மூடி மறைக்க அப்படி ஒரு  வேகம் ஆசை அவசரம்! ஹிந்துராஷ்டம் இஸ்லாமிய ராஷ்ட்ரம் எல்லாம் ஒன்னுதாய்ன்