BBC மீது நடவடிக்கை ! மத்திய அரசு ஆலோசனை ! பிஜேபி காரங்க ஏதோ தாங்களேதான் பேருந்துல கற்பழிச்சவிங்க மாதிரி bbc நினைச்சு நடுங்குராய்ங்க?

புது டெல்லி - ஆவணப்படம் வெளியிட்டது தொடர்பாக பிபிசி மீது சட்டப்படி நடவடிக்கை எடுப்பதற்கான வாய்ப்புகள் பற்றி மத்திய அரசு தீவிரமாக ஆராய்ந்து வருவதாக மத்திய உள்துறை அமைச்சர் ராஜ்நாத் சிங் தெரிவித்தார். டெல்லி மருத்துவ மாணவி பலாத்காரம் செய்து கொல்லப்பட்ட வழக்கின் குற்றவாளியான முகேஷிடம் ஆவணப்படத்திற்காக பிபிசி நிறுவனம் பேட்டி எடுத்தது.
இந்தியாவின் மகள் என்ற தலைப்பில் இந்த ஆவணப்படம் சர்வதேச மகளிர் தினத்தன்று ஒளிபரப்ப திட்டமிடப்பட்டிருந்தது. இந்த ஆவணப்படத்தில் முகேஷ் சிங் தெரிவித்திருந்த கருத்துக்களுக்கு கடும் எதிர்ப்பு கிளம்பியது. இதையடுத்து ஆவணப்படத்தை ஒளிபரப்ப மத்திய அரசு தடை விதித்தது. எனினும், தடையை மீறி இந்த ஆவணப்படம் திடீரென ஒளிபரப்பப்பட்டது.இதுகுறித்து டெல்லியில் உள்துறை அமைச்சர் ராஜ்நாத் சிங்  கூறும் போது, பிபிசி மீது சட்டப்படி நடவடிக்கை எடுப்பதற்கான வாய்ப்புகள் பற்றி அரசு ஆராய்ந்து வருகிறது என்றார்.thinaboomi.com/

டெல்லி பலாத்கார குற்றவாளியின் வழக்கறிஞர்களுக்கு பார் கவுன்சில் நோட்டீஸ்

பிபிசி தொலைக்காட்சி நிறுவனத்தின் 'இந்தியாவின் மகள்' ஆவணப்படத்தில் பெண்களை தரக்குறைவாக விமர்சித்துப் பேசிய டெல்லி பலாத்கார குற்றவாளியின் வழக்கறிஞர்கள் எம்.எல்.சர்மா, ஏ.பி.சிங் ஆகிய இருவருக்கும் பார் கவுன்சில் ஆஃப் இந்தியா நோட்டீஸ் அனுப்பியுள்ளது.

சர்ச்சைக்குள்ளான அந்த ஆவணப்படத்தில் பேசிய வழக்கறிஞர்கள், எம்.எல்.சர்மா, ஏ.பி.சிங் ஆகிய இருவரும் பெண்களுக்கு எதிராக தரக்குறைவான விமர்சனங்களை முன் வைத்திருந்ததாக பல்வேறு தரப்பிலிருந்தும் எதிர்ப்புகள் கிளம்பின.

இந்நிலையில், சம்பந்தப்பட்ட அந்த இரண்டு வழக்கறிஞர்களுக்கும் பெண்களை இழிவு படுத்திப் பேசியது தொடர்பாக தன்னிலை விளக்கம் அளிக்கக் கோரி நோட்டீஸ் அனுப்பியுள்ளது. இந்த இரு வக்கீல்களும் மேட்டுக்குடி சாத்தான்கள் . bbc யில் இவர்கள் எடுத்த வாந்தி இந்திய ஆண்களை இனி ஒருபோதும் தலைதூக்க விடாது

என் மகள் பல கேள்விகளை விட்டுச் சென்றிருக்கிறாள். அதற்கு இந்த தேசத்தின் பதில் என்ன?'' ஒவ்வொரு பெண் குழந்தையின் தந்தையின் கேள்வி ......

ஏ.கே.கான் டெல்லியில் 4 காமுகர்களால் ஓடும் பஸ்ஸில் மிகக் கொடூரமாக பலாத்காரம் செய்யப்பட்டு, அதை விட மிகக் கொடுமையாக தாக்கப்பட்டு, குடல் எல்லாம் வெளியே எடுத்து வீசப்பட்ட நிர்பயா குறித்த பிபிசியின் வீடியோவை மத்திய அரசு தடை செய்தது ஏன் என்பதே புரியவில்லை. அந்த பிபிசி வீடியோவை யுடியூபில் நானும் நேற்று பார்த்தேன். மனதை நடுங்க வைத்துவிட்டது அந்த டாகுமெண்டரி. மத்திய அரசின் உத்தரவையடுத்து இன்று அந்த வீடியோவை யுடியூப் நீக்கிவிட்டது.  ஆனால், அந்த வீடியோவில் பிபிசி எதையும் தவறாகக் காட்டவில்லை பிபிசி என்பதே என் கருத்து. பலியான நிர்பயாவின் தந்தையே தனது மகளின் உண்மையான பெயரைச் சொல்லி, பெயரை வெளியே சொல்வதில் எனக்கு எந்தத் தயக்கமும் இல்லை.. உலகத்துக்கு உண்மையான பெயர் தெரியட்டும். ஜோதி சிங் என்ற பெண் விட்டுச் சென்ற கேள்விகளுக்கு இந்த உலகம் என்ன விடைகளைத் தரப் போகிறது என்று முடிகிறது அந்த டாகுமெண்டரி. மிக ஏழ்மையான குடும்பத்தைச் சேர்ந்த நிர்பயா தனது கடுமையான உழைப்பால் மார்க்குகள் பெற்று எம்பிபிஎஸ் சீட் பெறுகிறார். அவரை படிக்க வைக்க தங்களது கிராமத்தில் இருந்த நிலத்தையும் விற்கின்றனர் நிர்பயாவின் பெற்றோர். மிக வறுமையான, ஆண் குழந்தைகளை மட்டுமே அரவணைத்து பெண் குழந்தைகளை வெறுத்து ஒதுக்கும் சமூக சூழலைச் சேர்ந்தவர்களாக இருந்தாலும் மிக முற்போக்கான சிந்தனை கொண்ட, வித்தியாசமான பெற்றோர் இவர்கள். எங்கள் மகள் பிறந்தபோது நான் அனைவருக்கும் இனிப்பு கொடுத்தேன். என்ன ஆண் பிள்ளையா பிறந்துவிட்டது என்று கேலி செய்தனர். எனக்கு ஆணும் பெண்ணும் ஒன்று தான் என்று பதில் தந்தேன் என்கிறார் நிர்பயாவின் தாயார். இவர்களது சமூகச் சூழலும் நிதி நிலையும் தான் இறுகிய நிலையில் உள்ளது. ஆனால், இவர்களது பேட்டியை பார்த்தபோது இந்தப் பெற்றோரின் மிகப் பரந்த மன நிலையும், நியாய- தர்மங்களை அணுகும் விதமும் பெரிய அளவில் கல்வி கற்றவர்களையே ஒருபடி கீழே தள்ளும் நிலையில் இருந்தது. சரியாக, தீர்க்கமாக, உணர்ச்சிவசப்படாமல், அதே நேரத்தில் நடந்த கொடுமையை இவர்கள் விவரித்த விதம் யாரையும் கலங்கடித்துவிடும்.

தர்ணாவை வாபஸ் பெற்ற தாமரை ! நேரில் வருத்தம் தெரிவித்த தியாகு!

சென்னை: சினிமா பாடலாசிரியர் தாமரையையும், மகனையும் கணவர் தியாகு நேரில் சந்தித்து வருத்தம் தெரிவித்ததோடு வீட்டிற்கு அழைத்துச் சென்றதால் கடந்த 8 நாட்களாக தாமரை நடத்திய போராட்டம் முடிவிற்கு வந்தது. திரைப்பட பாடலாசிரியர் கவிஞர் தாமரைக்கும், அவருடைய கணவரும் தமிழ் தேசிய விடுதலை இயக்கத்தின் தலைவருமான தியாகுவுக்கும் இடையே கருத்து வேறுபாடு ஏற்பட்டது. கடந்த 3 மாதங்களுக்கு முன்பு தியாகு, கவிஞர் தாமரையை விட்டு பிரிந்து சென்றுவிட்டார். தியாகுவின் நடவடிக்கையை கண்டித்து, கவிஞர் தாமரை கடந்த மாதம் 27ஆம்தேதி முதல் 1ஆம்தேதி வரை 3 நாட்கள் சென்னை சூளைமேட்டில் உள்ள தியாகுவின் அலுவலகம் முன்பும், 3ஆம்தேதி ஒரு நாள் வேளச்சேரியில் உள்ள அவருடைய மகள் வீட்டு முன்பும் தர்ணாவில் ஈடுபட்டார்.

தந்தி டி.வி.க்கு இலங்கை பிரதமர் ரனில் விக்ரமசிங்கே பரபரப்பு பேட்டி

இந்திய மீனவர்கள் அவர்கள் எல்லைக்குள் மீன் பிடிக்கட்டும் என்றும், கச்சத்தீவை இந்தியாவுக்கு விட்டுத்தர மாட்டோம் என்றும் தந்தி டி.வி.க்கு இலங்கை பிரதமர் ரனில் விக்ரமசிங்கே பரபரப்பு பேட்டி அளித்தார். இலங்கை பிரதமர் ரனில் விக்ரமசிங்கே தந்தி டி.வி.க்கு சிறப்பு பேட்டி அளித்தார். அப்போது சிறப்பு செய்தியாளர் ஹரிஹரன் கேட்ட கேள்விகளும், அதற்கு ரனில் விக்ரம சிங்கே அளித்த பதில்களும் வருமாறு:- இரண்டும் முக்கியம்
கேள்வி:- இலங்கை இந்திய உறவில், இன்று சீனா பற்றிய நிலைப்பாடு என்னவாக உள்ளது?. ராஜபக்சே அரசு சீன சார்புடையது என்று கருதபட்டது..
பதில்:- இந்திய-இலங்கை உறவை, சீன-இலங்கை உறவில் இருந்து வேறுபடுத்தியே வைத்திருக்கிறோம். இரண்டும் எங்களுக்கு முக்கியமானவை. இந்தியாவுடன் எங்களுக்கு வரலாற்று உறவு உள்ளது. இந்திய-இலங்கை ஒப்பந்தத்தின்படி, ஒரு நாட்டின் பாதுகாப்புக்கு பங்கம் வரும் எந்த ஒரு செயலையும், மற்ற நாடு செய்யாது என்று பரஸ்பரம் முடிவு செய்திருக்கிறோம். எனவே சீனாவுடனான உறவிலோ, இதர நாடுகளுடனான உறவிலோ இந்த ஒப்பந்தத்தை கருத்தில் கொண்டு தான் செயல்படுகிறோம். ஆனால் ராஜபக்சே ஆட்சியில் என்ன நடந்தது என்றால் சீனாவை மிரட்ட இந்தியாவின் பெயரையும், இந்தியாவை மிரட்ட சீனாவின் பெயரையும் பயன்படுத்தினார்.

நானே எரிய போறேன்; நகை எதுக்குப்பா?' உயிர் கரையும் நேரத்திலும் உருகிய பெண்: 'கவுரவ கொலை'யில் கண்ணீர் காட்சி!

மகளின் பாசத்தை விட சாதியை முக்கியமாக கொண்ட இவரை நிச்சயம் மரண தண்டனை மூலமே தண்டிக்கவேண்டும்.மேலும் இன்னமும் சில அரசியல்வாதிகள், சாதியை வைத்துகொண்டு அரசியல் பிழைப்பு நடத்துவதே இவர்கள் போன்றோருக்கு ஊக்கமாக அமைந்துவிட்டது. கட்சிதலைவர் பாராட்டுவார் என்று எண்ணியிருப்பார். சாதி கட்சிகளை தடை செய்திடவேண்டும்..அப்போதுதான் இவர்கள் போன்றோர் இனியும் நாட்டில் தோன்றாமல் இருப்பார்கள். சிவகங்கை உடைகுளத் தில் நடந்த, 'கவுரவக் கொலை' .
தமிழ்ச்செல்வி தந்தை  அவளுக்கு எமனாக உருவெடுத்தார் தந்தை தங்க ராஜ். இன்னும் சில நிமிடங்களில் உயிர் கரைந்து காற்றில் கலக்கப் போகிறது... அந்த தருணத்தில், எந்த ஆன்மாவும் இப்படி நினைத்திருக்காது; தமிழ்ச்செல்வியை தவிர. 'நானே சாகப் போறேன்... என் நகையை கழற்றி தம்பி, தங்கச்சியிடம் கொடுங்கப்பா' என்றாள் தந்தையிடம். அந்த இடத்திலாவது, 'கல்லான' தந்தை கரைந்திருக்க வேண்டும்; மனிதர், அசையவில்லை!
சிவகங்கை அருகே உடைகுளத்தை சேர்ந்தவர் தங்கராஜ், 47. இவரது மகள் தமிழ்ச்செல்வி, 19. கடந்த 3ம் தேதி, திடீரென தமிழ்ச்செல்வி இறந்தார். உடல் எரிக்கப்பட்ட நிலையில், அவர் கொல்லப்பட்டதாக போலீசாருக்கு தகவல் கிடைத்தது. காதல் பிரச்னையில் அவரை, தந்தை தங்கராஜ் மற்றும் உறவினர்கள் கொன்று எரித்தது விசாரணையில் தெரிந்தது.

அந்தக் கொடிய இரவு... உலகை அதிரவைக்கும் ஆவணப்படம்! Daughter of India ஏன் தடை செய்தார்கள்?

இஸ்ரேலைச் சேர்ந்த லெஸ்லி உத்வீன் தயாரித்து, இயக்கிய பிபிசி ஆவணப்படமான  ‘இந்தியாவின் மகள்’ பெண்கள் தினத்தன்று வெளியிடுவதாக இருந்தது. தூக்குத் தண்டனை விதிக்கப்பட்ட குற்றவாளிகளில் ஒருவனான முகேஷ் சிங்கின் பேட்டி வெளிவந்த பிறகு பெரிதும் காயப்பட்டிருப்பதாகக் குறிப்பிட்ட இந்திய உள் துறை அமைச்சர் ராஜ்நாத் சிங், அப்படத்தை இந்தியாவில் வெளியிடத் தடை விதிக்கப்படும் என்றார். பிபிசி நிறுவனம்  அசராமல் அந்த ஆவணப்படத்தை youtube தளத்தில் நான்கு நாட்கள் முன்னரே வெளி யிட்டு விட்டது. முழுவதும் அப்படத்தைப் பார்த்து முடித்த அனுபவத்தைப் பகிர்கிறேன். படம் டிசம்பர் 16, 2012-ல் அந்தக் கொடிய இரவில் இருந்தே துவங்குகிறது. ஜோதி சிங் என்கிற தங்களுடைய மகளைப் பற்றி அவளின் பெற்றோர் ஆஷா சிங், பத்ரி சிங் பேசுகிறார்கள். பெண் குழந்தை பிறந்த பொழுது ஆண் குழந்தை பிறந்ததைப் போலக் கொண்டாடி இனிப்புகள் தந்த நினைவில் பெற்றோர்கள் மூழ்குகிறார்கள்.

குறும்படங்களை தொகுத்து ரிலீஸ் செய்ய கார்த்திக் சுப்புராஜ் முயற்சி!

செங்கல்பட்டில் சினிமா எடுக்க ஆசைப்படும் ராஜ்கிரண்கள் ஒருபுறமிருக்க, இன்னொரு பக்கம் ஊருக்கு ஊர் குறும்படங்கள் மூலமாய் சினிமாவின் கதவை நெட்டித் திறக்கலாம் என்கிற நம்பிக்கையில் வேலையை விட்டு, குறும்படம் எடுத்துத்தள்ளும் கூட்டம் பெருகிவிட்டது. முன்பு கவிதைத் தொகுப்புகளை வெளியிடுவதைப் போல, தற்போது குறும்பட வெளியீடு நடந்து கொண்டிருக்கிறது.

ஊரும் உறவும் நண்பர்களும் கூடி, குறும்பட வெளியீட்டுவிழாவுக்குப் பெருந்தொகை செலவழித்தபின், அதை யூடியூபில் போட்டு நண்பர்கள் வட்டம் மூலமாய் பகிர்ந்து ஒரு பத்தாயிரம் ஹிட்ஸ் தேத்திவிட்டால், அடுத்தக் குறும்பட முயற்சிக்கு போக வேண்டியதுதான். இப்படித்தான் போய்க் கொண்டிருக்கிறது குறும்பட உலகம். ஆனால் செலவழித்த தொகையையாவது திரும்ப எடுக்க முயற்சிக்க வேண்டும் என்று யாரும் நினைப்பதே இல்லை.

பாகிஸ்தானில் இந்துக்களும் முஸ்லிம்களும் ஒன்றாக ஹோலி கொண்டாடினார்கள்

நாடு முழுவதும் இன்று ஹோலி பண்டிகை உற்சாகமாக கொண்டாடப்பட்டு வரும் நிலையில், பாகிஸ்தானில் உள்ள காராச்சி நகரில் இந்துக்கள் ஒன்று கூடி அங்குள்ள சுவாமி நாராயண் கோவிலில் ஹோலி பண்டிகையை கொண்டாடினர். இவர்களுக்கு பாதுகாப்பு அளிக்கும் வகையில் தேசிய மாணவர் கூட்டமைப்பினர் கோவிலை சுற்றி மனித சங்கிலி போன்று அமைத்திருந்தனர். மத ஒற்றுமையை வலியுறுத்தவே இந்த மனித சங்கிலியை அமைத்துள்ளதாகவும், மற்றவர்களின் உரிமையை நாம் பாதுகாக்க தவறினால், நாளை நமது உரிமையை பாதுகாக்க யாரும் வரமாட்டார்கள் என்றும் மாணவர் கூட்டமைப்பின் உறுப்பினர் ஒருவர் தெரிவித்தார்.

ஜெ. சொத்துக்குவிப்பு வழக்கு தொடர்பான தீர்ப்பு தேதி அடுத்த வாரம் அறிவிக்கப்படும்; நீதிபதி குமாரசாமி

 ஜெயலலிதா மீதான சொத்துக்குவிப்பு வழக்கு தொடர்பான தீர்ப்பு தேதி அடுத்த வாரம் திங்கள்கிழமை அல்லது செவ்வாய்க்கிழமை அறிவிக்கப்படும் என்று கர்நாடக உயர்நீதிமன்ற சிறப்பு நீதிபதி குமாரசாமி தெரிவித்துள்ளார். சொத்துக்குவிப்பு வழக்கில் வழங்கப்பட்ட தண்டனையை எதிர்த்து ஜெயலலிதா உள்ளிட்டவர்கள் மேல்முறையீடு செய்து மனு அளித்திருந்தனர். அந்த மனு மீது கர்காடகா உயர்நீதிமன்ற சிறப்பு அமர்வில் 38 நாள் விசாரணை நடந்தது. கடந்த 6 நாட்களாக அரசு தரப்பு வழக்கறிஞர் பவானிசிங் இறுதி வாதத்தை முன்வைத்தார். ஜெயலலிதா சொத்துக்குவிப்பு மேல்முறையீட்டு வழக்கில் அனைத்து தரப்பு வாதமும் நிறைவடைந்தது. ஜெயலலிதா தரப்பு இறுதி வாதங்களை வழக்கறிஞர் நாகேஸ்வரராவ் தொகுத்து முன்வைத்தார். இறுதி வாதங்களை எழுத்துப்பூர்வமாக தாக்கல் செய்ய அவகாசம் தருமாறு ஜெயலலிதா வழக்கறிஞர் நாகேஸ்வரராவ் கோரிக்கையை ஏற்று 4 நாள் அவகாசம் அளித்தார் நீதிபதி. திங்கள்கிழமை சுப்பிரமணிய சாமி கோர்ட்டில் ஆஜராக உள்ளதாகவும் நீதிபதி தெரிவித்தார்.nakkheeran.in

அம்மா தாயே நிரந்தர மக்களின் முதல்வரா இரு தாயே ! நீ வழக்கில அப்படியே அமுங்கிடனும்னு பால்சொம்பு காவடி...

மக்களின் முதல்வர் அம்மா சீக்கிரம் வழக்குகளை எல்லாம் ஒருவழியாக்கிட்டு முதல்வர் நாற்காலியில் அமரவேண்டும் என்ற நோக்கத்திற்காக இந்த அதிமுக  அமைச்சர் பிரமுகர்கள் எல்லாம் காவடி மண்சோறு ருத்ர யாகம்  எல்லாம்னு வெகுளியா ரோசனை பண்ணவேண்டாம் இது விஷயமே வேற வேற வேற  . அம்மா அப்படியே இந்த கேசுல அமுங்கி போயிடனும் , அப்புறம் அதையே அனுதாப வாக்காக மாத்தி மாத்தி  அரசியல்ல பதவி சுகத்தோடு எஞ்சிய காலத்தையும் ஓட்டிடணும் . இதுதாங்க சத்தியம் நம்புனா நம்புங்க.  கொஞ்சம் நேரம் இந்த அடிமைங்களின்  பாடி லாங்குவேஜை பாத்தாலே உங்களுக்கு புரியும் . அம்மா அடங்கி இருப்பதிலே எவ்வளவு மகிழ்ச்சியாக இவிங்க இருக்காங்க தெரியுமா? முகம் அழுவுது கண்ணு சிரிக்குது . இது ஒரு வரலாற்று உண்மைங்க.

பேச்சுரிமைக்கு எதிராக செயல்படும் இந்தியா! பெண்களுக்கு எதிரான போக்கிற்கு பச்சை சிக்னல் காட்டும் பாஜக அரசு

பிபிசி செய்தி நிறுவனத்தின் 'இந்தியாவின் மகள்' ஆவணப்படத்துக்கு தடை விதித்துள்ளதன் மூலம் பேச்சுரிமைக்கு எதிராக இந்தியா செயல்படுவதாக அப்படத்தின் இயக்குநர் லெஸ்லி உட்வின் கூறியுள்ளார்.

லெஸ்லி உட்வின் இயக்கத்தில் உருவான 'இந்தியாவின் மகள்' (‘Storyville: India’s Daughter’) ஆவணப்படம், சர்வதேச மகளிர் தினத்தையொட்டி மார்ச் 8-ம் தேதியன்று உலகம் முழுவதும் ஒளிபரப்பப்படுவதாக இருந்தது. ஆனால், இந்திய அரசு ஆவணப்படத்தை தடை செய்ய எடுத்த முயற்சிகளையடுத்து குறிப்பிட்ட தேதிக்கு முன்னதாகவே 5-ம் தேதி இரவே பிரிட்டனில் ஒளிபரப்பப்பட்டது.

'இந்தியாவின் மகள்' ஆவணப்படத்தை மத்திய உள்துறை அமைச்சகம் கடுமையாக எதிர்த்துள்ளதோடு, சட்ட நடவடிக்கை எடுக்கப்படும் என கூறியுள்ளபோதும் லெஸ்லி அஞ்சவில்லை. தன் ஆவணப்படத்தை தகுந்த பரிசீலனையில்லாமல் தடை செய்துள்ள விவகாரத்தில் பிரதமர் நரேந்திர மோடி தலையிட்டு தீர்வு காண வேண்டும் எனவும் லெஸ்லி கோரிக்கை விடுத்துள்ளார்.

டெல்லி BBC பேட்டிக்கு 40 ஆயிரம் வாங்கிய குற்றவாளி முகேஷ் சிங்! முதலில் இரண்டு லட்சம் கேட்டானாம்!

இங்கிலாந்தைச் சேர்ந்த திரைப்பட பெண் தயாரிப்பாளர் லெஸ்லீ உத்வின் மற்றும் பி.பி.சி.–4 குழுவினர் இந்த நிர்பயா கற்பழிப்பு சம்பவத்தை மையமாக வைத்து ‘இந்தியாவின் மகள்’ என்ற ஆவணப்படத்தை தயாரித்து உள்ளனர். இதற்காக திகார் சிறையில் அடைக்கப்பட்டு இருக்கும் முகேஷ் சிங்கிடம், சிறை அதிகாரிகள் அனுமதியுடன் பேட்டியும் எடுத்தனர். குற்றவாளி முகேஷ் சிங் அளித்த பேட்டி முழுமையாக ஊடகங்களில் வெளியானது. இந்த நிலையில் முகேஷ் சிங்கிற்கு பேட்டி எடுக்க லெஸ்லீ உத்வின் ரு 40 ஆயிரம் வழங்கியதாக தகவல் வெளியாகி உள்ளது. பல முறை முகேஷ் சிங்கிடம் பேட்டி எடுக்க உத்வின் முயன்று உள்ளார் ஆனால் முடிய வில்லை.அவருக்கு பேட்டி எடுக்க உதவியவர் முல்லர் என்பவர் ஆவார். பின்னர் உத்வினுக்கு திகார் சிறைச்சாலையில் முகேஷ் சிங்கை சந்தித்து பேட்டி எடுக்க மத்திய உள்துறை அலுவலகத்தில் இருந்து அனுமதி கிடைத்து உள்ளது. முதலில் இந்த் பேடி எடுக்க முகேஷ் சிங் ரூ. 2 லட்சம் கேட்டு உள்ளான். பின்னர் அது பேரம் பேசப்பட்டு ரூ40 ஆயிரம் வழங்கபட்டு உள்ளது.அவன் 40 ஆயிரத்திற்கு பேட்டி கொடுக்க சம்மதம் தெரிவித்ததும் உடனடியாக அவனை சந்தித்து பேட்டி எடுக்க அனுமதி கிடைத்து உள்ளது. குற்றவாளி முகேஷ் சிங்கின் வங்கி கணக்கில் வரவு வைக்கபட்டு உள்ளது. பின்னர் அவரது குடும்பத்தினர் அந்த பணத்தை எடுத்துள்ளனர்.nakkheeran.in

தமிழகத்துக்கு ரூ. 4 லட்சம் கோடி கடன்! திவாலாகும் நிலையில் தமிழக அரசு?

திமுக செயற்குழு கூட்டம் கட்சி தலைவர் கருணாநிதி தலைமையில் இன்று நடைபெற்றது. இதில் நிறைவேற்றப்பட்ட தீர்மானங்கள் விவரம்:
ஓ.பன்னீர்செல்வம் முதல் அமைச்சராகப் பொறுப்பேற்று ஐந்து மாதங்களை நிறைவு செய்திருக்கிறார். இந்த காலம் நிர்வாகக் குழப்பம் மேலும் ஆழமாக  வேரூன்றி, முக்கிய முடிவுகள் எதுவும் மேற்கொள்ளப்பட முடியாத அல்லது ஒத்திவைக்கப்பட வேண்டிய காலமாகவே இருந்துள்ளது.திமுக ஆட்சியில்  தொடங்கப்பட்ட பல திட்டங்களுக்கு மூடு விழா நடத்தியதோடு, 2011ஆம் ஆண்டு தொடங்கப்பட்ட பல திட்டங்களில் உள்ள சிக்கல்களை அகற்றி  உள்கட்டமைப்பை மேம்படுத்துவதற்கான முயற்சிகளை எடுக்காமலும், கல்வித் துறையிலும், மக்கள் நல்வாழ்வுத்துறையிலும் மற்றும் பல துறைகளிலும் ஏற்பட்ட  பிரச்சினைகளுக்கு உரிய தீர்வு காணாமலும், குறிப்பாக 2014ம் ஆண்டு இறுதியில் நடத்தப்பட வேண்டிய மாவட்ட ஆட்சி தலைவர்கள் மற்றும் காவல் துறை  அதிகாரிகளின் மாநாட்டினைக் கூட நடத்த முற்படாமலும், மாநில நிர்வாகம் சூறாவளி காற்றில் சிக்கிய படகைப் போலச் சுழன்று கொண்டிருக்கிறது.

ஒரு கற்பழிப்பு குற்றவாளிக்காக BBC ஆவணப்படத்தை தடை செய்த அரசு! உண்மையை சொல்றானே?

தமிழ் சிங்கம் - chennai,இந்தியா

இந்த சம்பவம் இந்திய சமுகத்தின் அவல நிலையைத்தான் வெளிகாட்டி உள்ளது. இந்த படத்தை தடுப்பதன் மூலம், இந்த அவலத்தை நீக்கி விட முடியாது. நேற்றே இதை நான் எழுதி இருந்தேன். ஆனால் பிரசுரிக்கப்படவில்லை. இன்று தந்தையே சொல்லி உள்ளார். பாதிக்கப்பட்டவரை குறை சொல்வது தான் இந்திய சமுகத்தின் லட்சணம். இப்போதும் இன்னும் நாலு பேர், உங்கள் பெண்ணை ஒழுங்காக வளர்த்து இருந்தால், ஏன் அந்த ஆண் நண்பரோடு ஊர் சுற்றினாள்? என்று இழித்து பேசும் சமுகம் தான் நமது சமுகம். இந்தியா ஒன்றும் சவுதி அரேபியா அல்ல. இங்கு ஆணிற்கு உள்ள சுதந்திரம் பெண்ணிற்கும் உண்டு. பெண்ணை சமமாக மதிக்காத நாடு ஒருபோதும் உருப்படாது. அந்த பெண், அவளது கணவனோடு சேர்ந்து சென்று இருந்தால் கூட, இந்த கயவாளிகள் இதைதான் செய்து இருப்பார்கள். ISIS பயங்கரவாதிகள் கொலை செய்வதற்கும் கற்பழிப்பிற்கும் காரணத்தை தேடி கடைசியில் மதத்தை காட்டுவார்கள். இந்த கயவாளிகளும் பழியை, நமது சமுகத்தை பின்பற்றி பாதிக்கப்பட்ட பெண்ணின் மீதே போட்டுள்ளனர். அதில் ஆச்சரியம் ஒன்றும் இல்லை. பப்புக்கு செல்லும் பெண், அல்கஹோல் அருந்தும் பெண், ஆண்களுடன் செல்லும் பெண், கவர்ச்சி உடைகளை போடும் பெண், இரவில் செல்லும் பெண் என அனைவரும் கெட்டவர்களே என்று எண்ணும் சமுகம் தான் நமது இழிவான சமுகம். இதற்கு முன், வேலைக்கு போகும் பெண், தனியாக தைரியமாக செல்லும் பெண்களையும் இப்படிதான் ஏசினோம். ஆனால் இன்று IT வேலைக்கு சென்று ஐம்பதாயிரம் சம்பாதிப்பதால், அதை நிறுத்தி விட்டோம். பயந்த சுபாவம் உள்ள முழு ஆடை அணிந்த இந்த சமுகம் சுட்டி காட்டும் நல்ல பெண்களையே பெரும்பாலும் இந்த கயவாளிகள் சரியான சந்தர்ப்பம் கிடைக்கும்போது கற்பழித்துள்ளனர். மனிதன் தவறு செய்ய முழு முதற் காரணம், மாட்டி கொள்ள மாட்டோம் என்ற சந்தர்ப்பம் சூழ்நிலை தான். அந்த சூழ்நிலை நிகழும் வரை, தயவு செய்து இனிமேலும் பாதிக்கபட்டவரையே குற்றம் சொல்லாதீர்கள். இதைதான் அரசியல்வாதிகள் செய்தார்கள், சாமியார்கள் செய்தார்கள். அதையே மக்களாகிய நாமும் செய்ய கூடாது. dinamalar.com

அசிங்கம் அம்பலமாகிவிடும் என பயந்த அரசு: டில்லி மருத்துவ மாணவியின் தந்தை பகிரங்க பேட்டி

புதுடில்லி: ''டாட்டர் ஆப் இந்தியா' என்ற அந்த டாக்குமென்டரி படத்தில், நிறைய வல்லுனர்கள், வழக்கறிஞர்கள், சமூக அறிஞர்கள் கருத்து தெரிவித்துள்ளனர். ''அந்த படம் வெளியானால், சமூகத்தின் உண்மை நிலை துளியும் மாறவில்லை என்பது அம்பலமாகும் என்பதால் தான், அதை அரசு தடை செய்து விட்டது,'' என, கற்பழிக்கப்பட்டு கொல்லப்பட்ட, டில்லி மருத்துவ மாணவியின் தந்தை பத்ரிநாத் கூறினார்.டில்லியில், 2012 டிசம்பர், ஓடும் பஸ்சில், ஆறு பேர் கொண்ட கும்பலால், பாலியல் பலாத்காரம் செய்யப்பட்ட, 23 வயது மருத்துவ மாணவியின் தந்தை, பத்ரிநாத் சிங்கின் பேட்டி: என் மகளை கெடுத்த கயவன் முகேஷ் சிங்கின் பேட்டி அடங்கிய, பி.பி.சி., டாக்குமென்டரி படத்தை, இந்திய அரசு தடை செய்திருக்கக் கூடாது. அந்த படத்தில், ஏராளமான அசிங்கங்கள் ஒளிந்திருப்பதாலும், என் மகளுக்கு நேர்ந்தது போன்ற கொடுமை, இன்னும் பல பெண்களுக்கும், சிறுமியருக்கும் நடைபெற்று வருகிறது என்ற அசிங்கத்தை, அந்த டாக்குமென்டரி வெளிக்காட்டி விடும் என்பதால் தான், அதை அரசு தடை செய்துள்ளதாகக் கருதுகிறேன். தூக்கு தண்டனை குற்றவாளி முகேஷ் சிங் அளித்த பேட்டி என, பத்திரிகைகளில் வெளியாகியுள்ள செய்தியில், ஒன்று தெளிவாகத் தெரிகிறது; பெண் குழந்தைகள் வெளியே நடமாடவே கூடாது என, அவன் கருதுகிறான். அவன் கூறுவது படி பார்த்தால், எந்தப் பெண்ணை, யாராவது ஒரு கயவன் கெடுக்க முற்பட்டால், அதற்கு அந்தப் பெண் இடம் கொடுக்க வேண்டும்; அதற்கு இணங்க வேண்டும். எதிர்த்தால், கொடூரமாக சித்ரவதை செய்து கொன்று விடுவான். படிப்பறிவில்லாதவர்கள் என்று இல்லாமல், படித்தவர்கள், வசதியான குடும்பங்கள் போன்றவற்றிலும் இப்படிபட்ட ஆண்கள் தான் அதிகமாக உள்ளனர். அவர்களின் மனப்போக்கு, என் பெண்ணுக்கு நேர்ந்த கதிக்குப் பின்னரும் மாறவில்லை. நான் சொல்ல விரும்பு வது என்னவென்றால், ஆண் குழந்தைகளை வைத்துள்ளவர்கள், தங்கள் ஆண் குழந்தைகளுக்கு எது சரி, எது தவறு என்பதை சரிவர சொல்லிக் கொடுங்கள். இறுதியாக, நான் ஒன்றை சொல்லிக் கொள்ள விரும்புகிறேன். என் மகளுக்கு நேர்ந்த கொடூரம் மூலம், இந்த சமூகத்தின் யதார்த்தம் வெளிப்பட்டுள்ளது. அவளை நாங்கள் நல்ல பெண்ணாகத் தான் வளர்த் தோம். அவள் இப்போது, இந்த நாட்டின் உண்மையான முகமாக உள்ளாள். இவ்வாறு, அவர் பேட்டி அளித்துள்ளார்.

ஓம் பிரகாஷ் சவுதாலாவுக்கு10 ஆண்டு சிறை தண்டனையை உயர் நீதிமன்றம் உறுதி செய்தது.

புதுடில்லி: அரியானா முன்னாள் முதல்வரும், வட மாநில அரசியலில் அசைக்க முடியாத சக்தியாக விளங்கும், 'ஜாட்' இனத்தின் தலைவர்களில் ஒருவருமான, ஓம் பிரகாஷ் சவுதாலா மற்றும் அவர் மகன் அஜய் சவுதாலாவுக்கு, டில்லி, சி.பி.ஐ., கோர்ட், 2013ல் வழங்கிய, 10 ஆண்டு சிறை தண்டனையை, டில்லி உயர் நீதிமன்றம், நேற்று உறுதி செய்தது.தீர்ப்பு வழங்கிய நீதிபதி சித்தார்த் மிருதுள், ''சவுதாலாவுக்கு, 80 வயதாகும் நிலையிலும், அவர் மீது கருணை காட்ட முடியாது,'' என உத்தரவிட்டு, 'ஊழல் முறைகேட்டில் யார் ஈடுபட்டாலும், அவர்கள் எவ்வளவு அதிகாரம் படைத்தவர்களாக இருந்தாலும், எந்த வயதினராக இருந்தாலும், தண்டனையிலிருந்து தப்ப முடியாது' என்பதை உறுதி செய்துள்ளார்.

BBC யின் ஆவணப்படத்தை இந்தியாவில் முடக்கியது பாஜக அரசு! பேயரசு ஆட்சி செய்தால் ....

ஆவணப்படத்தை பாஜக அரசு ஏன் தடை செய்யவேண்டும்? BBC யின் ஆவணபடத்தால் பண்பாட்டு சாயம் வெளுக்கிறது?

இந்தியாவின் மகள்’ ஆவணப்படத்தை ஒவ்வொருவரும் பார்க்கவேண்டும்: ஜோதி சிங்கின்  தந்தை நிர்பயா கற்பழிப்பு வழக்கில் கைதாகி திகார் சிறையில் அடைக்கப்பட்டுள்ள குற்றவாளிகளுள் ஒருவனான முகேஷ் சிங்கிடம் லெஸ்லி உட்வின் என்ற திரைப்பட தயாரிப்பாளர் பேட்டி கண்டார். ஆவணப்படமாக உருவாக்கப்பட்ட இப்பேட்டியை பி.பி.சி. தொலைக்காட்சி நேற்று பிரிட்டன் மற்றும் இதர நாடுகளில் ஒளிபரப்பியது.ஆனால், இந்தியாவில் இந்திய ஆவணப்படம் ஒளிபரப்ப தடை விதிக்கப்பட்டுள்ளது. இந்த ஆவணப்படத்தை ஒளிபரப்பிய பி.பி.சி. கூறுகையில், நிர்பயாவின் பெற்றோர் ஒத்துழைப்புடன் தான் இந்த ஆவணப்படம் உருவாக்கப்பட்டதென்றும், அவர்களின் ஒப்புதலின் பேரிலேயே தொலைக்காட்சியில் ஒளிபரப்பட்டது என்றும் கூறியது.

BBCயின் டெல்லி பலாத்கார ஆவணப்படம் உலகை உலுக்கியது !

கடந்த 2012ம் ஆண்டு டிசம்பரில் டெல்லியில் ஓடும் பேருந்தில் மருத்துவ மாணவி நிர்பயாவை பாலியல் பலாத்காரம் செய்து கொலை செய்யப்பட்ட வழக்கில் 6 பேர் கைது செய்யப்பட்டனர். அவர்களில் டிரைவர் முகேஷ் சிங் என்பவர் தூக்கு தண்டனை விதிக்கப்பட்டு திகார் சிறையில் அடைக்கப்பட்டான். வருகிற 8 ந்தேதி உலக மகளிர் தினத்தில் ஆவணப்படம் ஒன்றை ஒளிபரப்ப இங்கிலாந்தை சேர்ந்த தொலைக்காட்சி நிறுவனம் ஏற்பாடு செய்துள்ளது. அதற்காக திகார் சிறையில் அனுமதி பெற்று முகேஷ் சிங்கிடம் பேட்டி எடுத்தது. அதில், பாலியல் பலாத்கார சம்பவங்களுக்கு ஆண்களைவிட பெண்களே காரணம். பலாத்காரத்தின்போது நிர்பயா போராடியிருக்காவிட்டால், அவர் உயிரிழந்திருக்க மாட்டார். நாட்டில் 20 சதவிகித பெண்களே ஒழுக்கமானவர்கள் என்று முகேஷ் சிங் கூறியுள்ளான்.

நிர்வாணப் படங்களை வெளியிடுவது கற்பழிப்பைவிட மோசமானது! - ஹன்சிகா ஆவேசம்

சென்னை: நடிகைகளின் நிர்வாணப் படங்கள், ஆபாச வீடியோக்களை மோசடியாக உருவாக்கி வெளியிடுவது கற்பழிப்பை விட மோசமானது என்று ஆவேசமாகக் கூறியுள்ளார் நடிகை ஹன்சிகா. சமீபத்தில் ஹன்சிகாவின் குளியல் வீடியோ என்ற பெயரில் வெளியான சில நிமிட ஆபாசப் படம் பெரும் பரபரப்பை ஏற்படுத்தியது. குளியலறையில் கேமராவை மறைத்து வைத்து, ஹன்சிகா அல்லது அவரைப் போன்ற பெண் குளிப்பதைப் படமாக்கியுள்ளனர். இந்த வீடியோவைப் பார்த்த பலரும் படத்திலிருப்பது ஹன்சிகாதான் என நம்பினர். அந்த அளவுக்கு ஹன்சிகாவின் முகம் தெளிவாகத் தெரிந்தது படத்தில். இதுகுறித்து ஹன்சிகா தரப்பிலிருந்து எந்த ரியாக்ஷனும் இல்லை. போலீசிலும் அவர் புகார் ஏதும் தெரிவிக்கவில்லை. இந்த நிலையில் இப்போது அந்த வீடியோ குறித்து கருத்து தெரிவித்துள்ளார். அவர் கூறுகையில், "இந்த மாதிரி வீடியோக்கள் வெளியாவது மிகவும் வருத்தப்பட வேண்டிய விஷயம் இது. சினிமாவில் நாங்கள் சொகுசு வாழ்க்கை வாழவில்லை. 365 நாட்களும் கஷ்டப்பட்டு உழைத்து, மற்றவர்களைச் சந்தோஷமாக வைக்கிறோம். ஆனால் எங்களை இழிவுபடுத்துவதற்கு எப்படி மனசு வருகிறது என்று புரியவில்லை. இது, கற்பழிப்பை விட கொடுமையானது. எங்கள் மனதை புண்படுத்துகிறவர்களை கடவுள்தான் தண்டிக்க வேண்டும்," என்றார்.

கூடையே அழுகியிருக்கிறது! பெண்கள் மீதான மதவாதிகளின் பார்வையும் இந்திய ஆண்களின் பார்வையும் ஏன் ......

நிர்பயா வழக்கில் தண்டனை பெற்றவர்களில் ஒருவரான முகேஷ் சிங்கின் சமீபத்திய பேட்டி பெரும் பரபரப்பை ஏற்படுத்தியிருக்கிறது. பெண்கள் பாலியல் பலாத்காரம் செய்யப்படுவதற்கு அவர்களே காரணம் என்ற அர்த்தத்தில் முகேஷ் சிங் பேசியிருப்பது நாடெங்கும் கொந்தளிப்பை ஏற்படுத்தியிருக்கிறது.

முகேஷ் சிங்கின் குரல் தனிக் குரல் அல்ல. மேற்படி வழக்கில் குற்றம் சாட்டப்பட்டவர்களுக்காக வழக்காடிய வழக்கறிஞர் எம்.எல். சர்மா சொன்னதைக் கேளுங்கள்:

“என் தங்கையோ பெண்ணோ திருமணத்துக்கு முன்பு இதுபோன்ற நடவடிக்கைகளில் ஈடுபட்டிருந்தால் என் குடும்பத்தினர் அத்தனை பேரின் முன்னிலையிலும் நான் அவள் மீது பெட்ரோல் ஊற்றிக் கொளுத்தியிருப்பேன்.”

பாலியல் வல்லுறவு என்பது அடிப்படையில் ஒரு மாபெரும் குற்றம், மனித உரிமை மீறல், நாகரிகத்துக்குச் சற்றும் தொடர்பற்ற இழிசெயல் என்னும் உணர்வு சிறிதளவேனும் இருந்திருந்தால் இத்தகைய பேச்சுக்கள் வராது. பெண்களின் நடை, உடை, பாவனைகளும் அவர்களுக்கு எதிரான குற்றங்களும் ஒன்றுக்கொன்று தொடர்புடை யவை என்னும் வாதம் எந்த வகையில் எழுப்பப்பட்டாலும் அதன் ஊற்றுக்கண் ஒன்றுதான்: ஒரு பெண் கட்டுப்படுத்தப்பட்டவளாக, ஆண்மையச் சமூகம் விதிக்கும் கட்டுப்பாடுகளை ஏற்பவளாக இருப்பதுதான் அவளுக்குப் பாதுகாப்பு என்னும் பார்வைதான் அது. இந்தக் கட்டுப்பாட்டை எந்த வகையிலேனும் ஏற்க மறுக்கும் பெண் தனக்கு எதிரான குற்றத்தைத் தானே தேடிக்கொள்கிறாள் என்பதே இதன் விபரீதப் பொருள். இந்த அடிப்படையில் பார்த்தால் நடந்தது குற்றமே இல்லை! தவிர்க்க முடியாத விபத்து! அதைத் தூண்டியவள் பெண்!

திமுக ஆட்சியில் ரத்து செய்யப்பட்ட விவசாயிகள் கடனை மீண்டும் அறவிட வங்கிகள் ....

சென்னை: 'தி.மு.க., ஆட்சியில் ரத்து செய்யப்பட்ட விவசாயிகளின் கடனை திரும்ப கேட்கக் கூடாது' என, தமிழக அரசுக்கு, தி.மு.க., தலைவர் கருணாநிதி கோரிக்கை விடுத்துள்ளார்.

அவரது அறிக்கை: தி.மு.க., அரசு தள்ளுபடி செய்த விவசாய கடனை, ஒன்பதாண்டுகள் கழித்து, திடீரென, இப்போது அசல் மற்றும் வட்டியுடன் திருப்பி செலுத்துமாறு, தஞ்சை மாவட்டத்தில் உள்ள, சில கூட்டுறவு கடன் சங்கங்கள், விவசாயிகளுக்கு தற்போது நோட்டீஸ் அனுப்பியுள்ளன. உதாரணத்திற்கு சொல்ல வேண்டுமேயானால், தஞ்சை மாவட்டம், திருவையாறு பகுதியை சேர்ந்த சுசீலா என்பவர், நடுக்காவேரி தொடக்க வேளாண்மை கூட்டுறவு கடன் சங்கத்தில் 9,110 ரூபாய் விவசாய கடன் பெற்றிருந்தார். தி.மு.க., ஆட்சியின் அறிவிப்புக்குப் பின், அசல் மற்றும், 1,880 ரூபாய் வட்டியும் சேர்த்து, 10,990 ரூபாய் தள்ளுபடி செய்யப்பட்டு, அதற்கான சான்றிதழ், கூட்டுறவு சங்கத்தினால் வழங்கப்பட்டது. தற்போது ஒன்பதாண்டுகளுக்கு பின், சுசீலா உட்பட, பல விவசாயிகளுக்கு வட்டியுடன் கடனை திரும்ப செலுத்துமாறு நோட்டீஸ் அனுப்பப்பட்டிருப்பதாக செய்திகள் வந்துள்ளன. /தி.மு.க., ஆட்சியில் ரத்து செய்யப்பட்ட விவசாயிகளின் கடனை திரும்ப கேட்கக் கூடாது/// கோரிக்கை சரிதான் ஆனால் சிறு திருத்தம். அது திமுக அரசல்ல. காங்கிரஸ் வி சிறுத்தைகள், கிருஷ்ணசாமி கட்சி என்று ஏகப்பட்ட கூட்டணி சேர்ந்துதான் ஆட்சி அமைத்தது என்பதால் திமுக அரசு என்பது குற்றமாகும், சற்று விட்டுக்கொடுப்பதாக இருந்தாலும் திமுக தலைமையிலான என்பது குற்றமில்லை, இருந்தும் "முன்னாள் தமிழக அரசு" என்று விளிப்போமாக.

தமிழக காங்கிரசிற்கு தலைவர் மாற்றம்? குஷ்புவுக்கு ஜாக்பாட்?

டில்லியில், முன்னாள் மத்திய நிதியமைச்சர் சிதம்பரத்தை அழைத்து, காங்கிரஸ் தலைவர் சோனியா அவசர ஆலோசனை நடத்தியதை அடுத்து, தமிழக காங்கிரசில் அதிரடி மாற்றம் ஏற்படலாம் என்ற தகவல் வெளியாகி உள்ளது. தமிழக காங்கிரஸ் தலைவர் பதவியில் இருந்து இளங்கோவனை நீக்கி விட்டு, புதிய தலைவரை நியமிப்பது குறித்து, சோனியா ஆலோசித்து வருவதாகவும் கூறப்படுகிறது. சிதம்பரம் - இளங்கோவன் இடையே ஏற்பட்டுள்ள மோதலால், தமிழக காங்கிரஸ் கட்சி இரண்டுபட்டு நிற்கிறது. இளங்கோவன் பேச்சுக்களால், கடும் அதிருப்தி அடைந்த சிதம்பரம், இரண்டு நாட்களுக்கு முன், டில்லியில் சோனியாவை சந்தித்தார்.இந்த சந்திப்பின் போது, நடந்த விவாதம் குறித்து, காங்கிரசில் உள்ள நம்பத் தகுந்த வட்டாரம் கூறியதாவது: இளங்கோவன், தமிழக காங்கிரஸ் தலைவராக நீடிக்கும் வரையில், கட்சியில் ஒற்றுமை ஏற்படுவதற்கு வழியில்லை என்றும், தன்னால் தொடர்ந்து செயல்பட முடியாது என்றும், சோனியாவிடம் சிதம்பரம் திட்டவட்டமாக தெரிவித்துள்ளார். கவர்ச்சியை மட்டுமே விரும்பி காவடி எடுத்து  அலகு குத்தி கண்ணீர்விட்டு அரசியல் பண்ணும் தமிழ்நாட்டுக்கு குஷ்புதாய்ன் அடுத்த மக்களின் ? 

Daughter of India ஆவணப்படத்தை ஒளிபரப்பியது பி.பி.சி.குற்றவாளியின் வாக்குமூலத்தில் RSS கருத்துக்கள் பரவியுள்ளன

லண்டன்; டில்லி மருத்துவ மாணவி பலாத்காரம் குறித்த இந்தியாவின் மகள் ஆவணப்படத்தை பி.பி.சி. ஒளிபரப்பியது.
கடந்த 2012-ம் ஆண்டு டிசம்பரில் டில்லியில் ஓடும் பஸ்சில் மருத்துவ மாணவி, 5 பேர் கொண்ட கும்பலால் பலாத்காரம் செய்யப்பட்டார். சிங்கப்பூரில் சிகிச்சை பெற்று வந்த நிலையில் இறந்தார். நாட்டை உலுக்கிய இச்சம்பவத்தில் தொடர்புடைய குற்றவாளிகள் கைது செய்யப்பட்டு அவர்களுக்கு மரண தண்டனையும் விதிக்கப்பட்டது.
இந்நிலையில் இச்சம்பவத்தின் தொடர்புடைய குற்றவாளியான முகேஷ் சிங்என்பவனை , இங்கிலாந்து நாட்டைச் சேர்ந்த லெஸ்லி உட்வின் , திகார் சிறையில் சந்தித்து பேட்டி எடுத்துள்ளார். தவிர இந்தியாவின் மகள் என்ற ஆவணப்படமாகவும் தயாரித்துள்ளார். இதற்கு RSS  கருத்தை கொண்டவர்கள் மத்தியில் இருந்து கடும் எதிர்ப்பு கிளம்பியுள்ளது. இந்த ஆவணப்படத்தை ஒளிபரப்ப கூடாது என மத்திய அரசு வலியுறுத்தியது.இதனைமீறி இன்று காலை 3.30 மணியளவில் லண்டன் பி.பி.சி.யில் இந்தியாவின் மகள் ஆவணப்படம் ஒளிபரப்பானது.

பார்பன பனியா கும்பலின் இந்துத்துவாவை குறிவைத்து ஏன் தாக்கவேண்டும் ?

கருவறை நுழைவுப் போராட்டம், அரசு பதவிகளில் லஞ்சம் மற்றும் தலித் அமைப்புகள் குறித்து புதிய ஜனநாயகம் பத்திரிகையில் 1993-ம் ஆண்டு ஜூலை மாதம் வெளியான கேள்வி-பதில்கள் பார்ப்பனியத்துக்கு எதிரான போராட்டம் இன்னும் வீறு பெறுவதன் அவசியத்தையும், இந்த அரசியல் அமைப்பே லஞ்ச ஊழலை ஊக்குவிப்பதாக இருப்பதையும், தலித் அமைப்புகளின் அரசியல் செயல்பாட்டு வரம்பையும் விளக்குகின்றன.
கேள்வி: பார்ப்பனர்களே தங்களது தவறைத் திருத்திக் கொண்டு சூத்திரர்களின் கருவறை நுழைவை அனுமதித்தால் உங்கள் போராட்டம் என்னவாக இருக்கும்?
இது நல்ல, வளமான கற்பனை மட்டுமல்ல, காலங்கடந்த கற்பனையும் கூட.
சூத்திரர்களும், பஞ்சமர்களும் கோவிலுக்குள்ளேயே நுழையக் கூடாது என்று ஆயிரக்கணக்கான ஆண்டுகளாகத் தடுக்கப்பட்டு வந்தார்கள். இப்போது அத்தடை சட்டப்படி நீக்கப்பட்டு கோவிலுக்குள் அனுமதிக்கப்படவேண்டும் என்றுள்ளது.
ஆனால், சட்டப்படியான அத்தடை நீக்கமும் அனுமதியும் கூட பார்ப்பனர்கள் தாங்களே தவறை உணர்ந்து திருத்திக் கொண்டதன் விளைவு அல்ல. பெரியார், அம்பேத்கார் போன்றவர்களின் போராட்டங்களின் விளைவும் நிர்ப்பந்தமும்தான்.
அதேபோல் பஞ்சமர்களும், சூத்திரர்களும் கருவறை நுழைவதை அனுமதிப்பது, அனைத்துச் சாதியினரும் அர்ச்சகராவது உட்பட சம உரிமை பெறுவது, தாய்மொழி வழிபாடு போன்றவற்றை பார்ப்பனர்கள் தாங்களே உணர்ந்து திருத்திக் கொள்ளமாட்டார்கள் என்பதை நமது போராட்டங்களுக்கு அவர்கள் காட்டும் கொலை வெறி எதிர்ப்பே நிரூபிக்கிறது. ஆகவே, நமது கோரிக்கைகள் ஏற்கப்பட்டாலும் அது அவர்களாகவே உணர்ந்து திருத்துவதாக இருக்காது; அந்தப் பிரமையும் நம்மிடம் கிடையாது. நமது போராட்டங்களின் விளைவும், நிர்ப்பந்தமும் மட்டுமே காரணமாக இருக்க முடியும்.

பார்ப்பனர்களின் எதிர்ப்பால் நியமனம் பெற முடியாமல் விடப்பட்டுள்ள அனைத்து சாதியினருன் அர்ச்சகராகும் சட்டத்தின் கீழ் பயிற்சி பெற்ற மாணவர்கள் (கோப்புப் படம்)

Delhi பலாத்கார குற்றவாளி பேட்டியை ஒளிபரப்ப தடையை நீட்டித்தது டெல்லி நீதிமன்றம்

சர்ச்சையைக் கிளப்பியுள்ள டெல்லி பலாத்கார குற்றவாளி முகேஷ் சிங்கின் பேட்டியை தொலைக்காட்சியில் ஒளிபரப்புவதன் மீதான கட்டுப்பாடுகள், அடுத்த உத்தரவு வரை நீடிக்கும் என்று டெல்லி நீதிமன்றம் உத்தரவிட்டுள்ளது. செவ்வாய்க்கிழமையன்று டெல்லி நகர மேஜிஸ்ட்ரேட்டின் தடை உத்தரவை டெல்லி போலீஸ் இன்று மாநகர தலைமை மேஜிஸ்ட்ரேட் சஞ்சய் கனக்வால் முன்னிலையில் சமர்ப்பித்தது. அந்த உத்தரவை வாசித்த கனக்வால், பலாத்கார குற்றவாளி முகேஷ் சிங்கின் பேட்டியை ஒளிபரப்புவதன் மீதான கட்டுப்பாடுகளை அடுத்த உத்தரவுகள் பிறப்பிக்கப்படும் வரை நீட்டித்தார். இந்த உத்தரவை மீறி பேட்டியை ஒளிபரப்பு செய்பவர்கள் மீது டெல்லி போலீஸ் சட்டப்படி உரிய நடவடிக்கைகளை எடுக்கலாம் என்றும் நீதிபதி கனக்வால் அனுமதி வழங்கியுள்ளார்.

இளையராஜா முழுக்க முழுக்க வியாபாரியானார்! தனது பாடல்களை தயாரிப்பாளர் சங்கத்திடம் கமிசனுக்கு...

இளையராஜா : இனிமேல் என்னுடைய இசையை அதிகாரப்பூர்வமாக உலகளவில் எந்தவொரு மொபைல் நிறுவனமும், உலகளாவிய இணையதளங்களிலும், யூடியூப், டெய்லி மோஷன் போன்ற இன்னும் பல வீடியோ இணையதளங்களிலும், ஆடியோ, வீடியோ விளம்பரங்களிலும், ரீமிக்ஸ் செய்யவோ, எப்.எம்., டிவியில் ஒலி / ஒளிபரப்பவோ, மேடை நிகழ்ச்சிகள் மற்றும் பொது இடங்களில் முறையற்ற வகையில் இசையை உபயோகிக்கவோ தயாரிப்பாளர் சங்கத்தில் முறையான அனுமதி பெற வேண்டும். விதிமுறைகளை மீறும் நபர்கள் மீது சட்டப்படி நடவடிக்கை எடுக்கப்படும்
தென்னிந்திய திரைப்பட உலகில் தலைசிறந்த இசையமைப்பாளர்களில் ஒருவராக திகழ்ந்து வருபவர் இசைஞானி இளையராஜா. கடந்த 1970-ஆண்டு முதல் இதுநாள் வரை இசையமைத்து வருகிறார். 1000 படங்களுக்கு மேலும், 4500-க்கும் மேற்பட்ட பாடல்களுக்கும் மெட்டமைத்துள்ளார். இசைக்காக 5 விருதுகளும் பெற்றுள்ளார்.இந்நிலையில், இவருடைய இசையி அமைந்துள்ள பாடல்களை இவருடைய அனுமதியின்றி சில நிறுவனங்கள் விற்பனை செய்து வருவதாக கடந்த ஆண்டு சென்னை ஐகோர்ட்டில் வழக்கு தொடர்ந்தார். அந்த வழக்கில் தற்போது தீர்ப்பு வெளியாகி, இவரது பாடல்களை விற்பனை செய்ய சம்பந்தப்பட்ட நிறுவனங்களுக்கு ஐகோர்ட்டு நிரந்தர தடை விதித்துள்ளது. அது  சரி  பாரம்பரிய சங்கீத மேதைகளிடம் இருந்து  பொறுக்கியதை  கோடிக்கணக்கில் காசுக்கு வித்தது பத்தாதுன்னு  நிரந்தரமா கொள்ளை அடிக்க துணிந்த ராசா ? இதுக்குள்ள சாமியார் வேஷம் வேற!

பார்த்திபனின் வழக்கமான வல்கர் பேச்சுக்கு சைலன்ட் டோஸ் கொடுத்த ஆண்ட்ரியா

கமல்ஹாசன் நடிக்கும் ‘உத்தம வில்லன்‘ பட டிரைலர், ஆடியோ வெளியீட்டு விழா நடந்தது. ஹீரோயின்கள் ஆண்ட்ரியா, பூஜா குமார், பார்வதி பங்கேற்றனர். நிகழ்ச்சியை தொகுத்து வழங்கிய பார்த்திபன் 3 ஹீரோயின்களையும் மேடைக்கு அழைத்தார். பூஜாவுக்கு சரிவர தமிழ் தெரியாது என்பதால் தான் தமிழில் கேட்கும் கேள்விகளை அவருக்கு ஆங்கிலத்தில் மொழி பெயர்த்து சொல்லும்படி அருகிலிருந்த ஆண்ட்ரியாவிடம் கேட்டுக்கொண்டார் பார்த்திபன். ‘கமலுடன் நடித்த அனுபவம், உங்கள் அழகின் ரகசியம் என்ன? கமல் முத்தமிட்டு கன்னம் வீங்கிவிட்டதா?'  என சரமாரியாக கேள்விகளை கேட்டார் பார்த்திபன். ஆனால் ஆண்ட்ரியா எந்த கேள்வியையும் மொழிமாற்றம் செய்துசொல்லாமல் மவுனம் காத்தார். கேள்வி புரியாமல் பூஜா குமார் தவிப்பதை பார்த்து அருகில் இருந்த பார்வதி, கேள்விகளை ஆங்கிலத்தில் மொழி பெயர்த்தார். ஆனாலும் பூஜா குமார் சரிவர கேள்வியை புரிந்துகொள்ள முடியாமல் திணறியபடி நின்றார். அதுவரை வேடிக்கை பார்த்துக்கொண்டிருந்த கமல், முத்தம் பற்றி பார்த்திபன் கேள்வி கேட்டதும் சுதாரித்துக்கொண்டார். அருகிலிருந்தவரிடம் மைக்கை வாங்கி ‘இந்த வம்புக்கு நான் வரவில்லை'  என்று கூறி பார்த்திபனின் சில்மிஷ கேள்விக்கு முற்றுப்புள்ளி வைக்க அரங்கம் சிரிப்பலையில் மூழ்கியது. - See more at: tamilmurasu.org

சாந்தி (70 எம்.எம். ஏ/சி) சிவாஜியின் படங்களால் உசந்து பிரபுவின் படங்களால் சாயம் கழன்று இப்போ...

அம்மா அங்கே சிவாஜி படம் (ஜஸ்டிஸ் கோபிநாத் அல்லது பைலட் பிரேம்நாத் என நினைக்கிறேன்) பார்த்துக் கொண்டிருந்தபோதுதான் இடுப்பு வலி வந்ததாம். மறுநாள் காலை நான் பிறந்தேன். ஒருவேளை தியேட்டரிலேயே பிறந்திருந்தால் சிவாஜி கணேசன் என்று பெயர் வைத்திருப்பார்கள். வாத்யார் ரசிகரான அப்பாவுக்கு அசிங்கமாகியிருக்கும். ‘ஏர் கண்டிஷன்’ என்றொரு நவீன வசதியை விஞ்ஞானிகள் கண்டுபிடித்திருப்பதையே தமிழர்கள் முதன்முதலாக சாந்தி தியேட்டர் மூலமாகதான் அறிந்தார்கள். ‘குளுகுளு வசதி செய்யப்பட்டது’ என்று விளம்பரப்படுத்தப் படுமாம். சென்னையின் முதல் ஏர்கண்டிஷண்ட் தியேட்டரான சாந்தி 1961ல் திறந்து வைக்கப்பட்டிருக்கிறது.
ஆனந்த் தியேட்டர் உரிமையாளர் உமாபதி கட்டிய இந்த அரங்கை, சிவாஜி ஆசையாக கேட்டு வாங்கிக் கொண்டதாக சொல்வார்கள் (காசுக்குதான்). அப்படியல்ல, உமாபதி காண்ட்ராக்டர் மட்டும்தான் என்று சொல்வோரும் உண்டு. எப்படியிருப்பினும் இதற்கு நன்றிக்கடனாக பிற்பாடு நடிகர் திலகம் உமாபதிக்கு நடித்து கொடுத்த ‘ராஜ ராஜ சோழன்’ படுமோசமாக தோல்வியடைந்து, உமாபதியை மேற்கொண்டு நஷ்டத்துக்கு உள்ளாக்கியது என்பதெல்லாம் இப்போது தேவையில்லாத சமாச்சாரம்.

ஜெயமோகன்:நிலம் கையக படுத்தும் சட்டமும் அண்ணா ஹாசாரேயும்

வடகிழக்குப் பயணத்தில் இருந்தபோது அண்ணா ஹசாரே பற்றிய செய்திகளை நாளிதழ்களில் வாசிக்க நேர்ந்தது. அவர் அரவிந்த் கேஜரிவாலுடன் மீண்டும் இணைந்ததும் சரி, அரசுக்கு எதிரான அவரது போராட்ட அறிவிப்பும் சரி பலவகையான எதிர்வினைகளை உருவாக்கியிருப்பதைக் கண்டேன்.
அரவிந்த் கேஜரிவால் தேர்தலில் வென்றதும் அண்ணா சென்று சேர்ந்துகொண்டார் என்றவகையான நக்கலை வாசித்தேன். அண்ணா தான் உருவாக்கிய ஊழலுக்கு எதிரான அரசியலியக்கம் அரசியல் கட்சியாக உருவானதை ஐயப்பட்டது மிக இயல்பானதே. ஏனென்றால் எப்போதுமே அவர் கட்சி அரசியலுக்கு அப்பாற்பட்டே செயல்பட்டு வருகிறார்
கேஜரிவாலின் வெற்றியை அவர் பாராட்டுவதும், அவரது நல்ல நோக்கங்கள் புரிந்தபின் அவர் ஆதரிப்பதிலும், இணைந்து போராடுவதிலும் ஆழமான முதிர்ச்சியே உள்ளது. ஆனால் அவர் இப்போதுகூட அரவிந்த் கேஜரிவாலின் கட்சி அரசியலுடன் நேரடியாக சம்பந்தப்பட மறுக்கிறார். அது அவரது செயல்முறையின் அடிப்படை இயல்பு. அப்படித்தான் இன்றுவரை அவர் சமூகப்பணியாற்றியிருக்கிறார். அந்த கவனம் போற்றற்குரியது.

தமிழக கூட்டணி கட்சிகளுக்கு சலுகைகளை அள்ளிவீச தொடங்கிய பாஜக! ஸ்ரீ ரங்கம் பேதி வேலை செய்கிறது?

தமிழக பா.ஜனதா கூட்டணியிலிருந்து மதிமுக, பாமக என வரிசையாக கூட்டணி கட்சிகள் வெளியேறிக்கொண்டிருக்கும் நிலையில், தேமுதிகவோ மதில் மேல் பூனையாக தருணம் பார்த்துக்கொண்டிருக்கிறது. இந்நிலையில் இருக்கும்  கட்சிகளையாவது தக்கவைத்துக் கொள்ள வேண்டும் என்ற எண்ணத்தில் அக்கட்சிகளுக்கு மத்திய அரசின் வழக்கறிஞர் பதவிகளை வழங்க பா.ஜனதா முடிவு செய்துள்ளதாக தகவல்கள் வெளியாகி உள்ளன.
தமிழக பா.ஜனதா கட்சியின் கூட்டணியில் தற்போது தேமுதிக, இந்திய ஜனநாயகக்  கட்சி, கொங்குநாடு மக்கள் தேசிய கட்சி, புதிய நீதி கட்சி ஆகியவை உள்ளன.
மதிமுக விலகிய பிறகு டாக்டர் ராமதாஸின் பாமக, தனி பாதை கண்டு முதல்வர் வேட்பாளராக அன்புமணியை அறிவித்து தேர்தலைச் சந்திக்க தீவிர மாகியுள்ளது.
இந்நிலையில், ஸ்ரீரங்கம் தொகுதி இடைத்தேர்தல் கொடுத்த படு தோல்வி பாஜக தலைமையை யோசிக்க வைத்துள்ளது. அதனால் மீதம் உள்ள கூட்டணி கட்சிகள் தங்களைவிட்டு விலகாமல் இருக்கவும், கூட்டணியைப்  பலப்படுத்தவும் பாஜகவின் டெல்லி தலைமை  முடிவு செய்துள்ளது.

ராஜ்யசபாவில் மோடி அரசுக்கு எதிரான தீர்மானம் வெற்றி ! பாஜக அரசுக்கு பெரும் தர்மசங்கடம்

கறுப்புப் பணத்தை மீட்கும் விவகாரத்தில், அரசின் நடவடிக்கை அதிருப்தியளிப்பதாக கூறி, ராஜ்யசபாவில், எதிர்க்கட்சிகள் ஒருங்கிணைந்து கொண்டு வந்த தீர்மானம் வெற்றியடைந்தது; இது, பா.ஜ.,வுக்கு பெரும் தர்மசங்கடத்தை ஏற்படுத்தி உள்ளது.ஜனாதிபதி உரைக்கு நன்றி தெரிவிக்கும் தீர்மானத்தின் மீதான விவாதத்தின் மீது, நேற்று ராஜ்யசபாவில், பிரதமர் நரேந்திர மோடி பதிலளித்து பேசினார். பிரதமர் பேசி முடித்ததும், பொதுவாக, ஜனாதிபதி உரையை ஒருமனதாக நிறைவேற்றுவது வழக்கம். ஆனால், நேற்றைய பிரதமரின் பதிலுரையின் போது, சரத்யாதவ், மாயாவதி போன்றவர்கள் இடைமறித்த போது, அவர்கள் பேசுவதற்கு, நரேந்திர மோடி வழிவிட்டார். ஆனால், மார்க்சிஸ்ட் எம்.பி.,யான சீத்தாராம் யெச்சூரி பேச முயற்சித்த போது, பிரதமர் ஏற்கவில்லை. ஆனால், சீத்தாராம் யெச்சூரியோ, நேற்று அதிரடியாக செயல்பட ஆரம்பித்தார். தான் வலியுறுத்தியிருந்த திருத்தத்தை, ஓட்டுக்கு விட வேண்டுமென்று, பிடிவாதம் காட்டினார். இதையடுத்து, வேறுவழியின்றி, சீத்தாராம் யெச்சூரி கொண்டுவந்த திருத்தங்கள், ஒவ்வொன்றின் மீதும், ஓட்டெடுப்பு நடத்தும்படி சபைத் தலைவர் ஹமீத் அன்சாரி உத்தரவிட்டார்.  அந்த திருத்தப்பட்ட தீர்மானத்தில் உள்ள வார்த்தை இவர்களுக்கு ஒரு அவமான சின்னம், " the government has failed to stop corruption & bring back black money" . இது தான் அந்த வார்த்தை....

Delhi Rape Casel Documentary என் மகளைப் பற்றி தயாரிக்கப்பட்ட ஆவணப்படத்தை ஆதரிப்போம்

டெல்லியில் கடந்த 2012-ம் ஆண்டு டிசம்பர் 16-ம்தேதி இரவு பிஸியோதெரபி மாணவி தனது நண்பருடன் திரைப்படம் பார்த்துவிட்டு வீடு திரும்பும் வழியில் ஓடும் பேருந்தில் வைத்து ஒரு குடிகார கும்பல் அவரை கற்பழித்ததுடன் கொடூரமாக தாக்கி சாலையோரம் வீசியது. உடன் சென்ற நண்பரும் கடும் தாக்குதலுக்கு உள்ளானார். உயிருக்கு போராடிய அந்த மாணவி சிகிச்சை பலனின்றி பரிதாபமாக உயிரிழந்தார். இந்த சம்பவத்தை மையப்படுத்தி இங்கிலாந்தின் லெஸ்லி உட்வின் என்பவர் ஆவணப்படம் தயாரித்துள்ளார். ‘இந்தியாவின் மகள்’ என்ற பெயரில் தயாரிக்கப்பட்டுள்ள இந்த ஆவணப்படத்தில் பல்வேறு தகவல்கள் பதிவு செய்யப்பட்டுள்ளன. இந்த வழக்கில் கைதான பஸ் டிரைவர் முகேஷ் சிங் சிறையில் இருந்தபடியே இந்த ஆவணப்படத்திற்காக பேசியுள்ளான். வரும் 8-ம்தேதி வெளியாகவுள்ள நிலையில் பலியான டெல்லி மாணவியின் பெற்றோருக்கு இந்தப் படம் திரையிடப்பட்டது. படத்தை பார்த்து திருப்தியடைந்த அவர்கள் இந்தப் படத்தை ஆதரிப்போம் என்று தெரிவித்துள்ளனர்.maalaimalar.com

திருமணவீட்டில் அழகிரியும் கலைஞரும் ஏன் பேசவில்லை ? அஞ்சா நெஞ்சனின் சுயமரியாதை?

சென்னை: குடும்ப விழாவில் தி.மு.க. தலைவர் கருணாநிதியை நேரில் பார்த்தும் பேசாமல் தவிர்த்தார் மு.க.அழகிரி. கருணாநிதியின் இளைய மகன் மு.க.தமிழரசு மகன் நிச்சயதார்த்த விழா சென்னை தியாகராய நகரில் உள்ள நட்சத்திர ஹோட்டல் ஒன்றில் நேற்று மாலை நடைபெற்றது. இந்த விழாவில் கருணாநிதி, ராசாத்தி அம்மாள், தி.மு.க. பொருளாளர் ஸ்டாலின், துர்கா ஸ்டாலின், தி.மு.க. மாநில மகளிர் அணி செயலர் கனிமொழி, முன்னாள் மத்திய அமைச்சர் மு.க.அழகிரி, காந்தி அழகிரி, முரசொலி செல்வம், செல்வி என கருணாநிதியின் குடும்பத்தினர் அனைவரும் கலந்து கொண்டனர் இந்த விழாவிற்காக முன்னாள் மத்திய அமைச்சர் அழகிரி, நேற்று பகலே மதுரையில் இருந்து சென்னைக்கு வந்து விட்டார். விழாவில், அழகிரி தனது குடும்பத்தினருடன் விழா மேடைக்கு எதிரில் அமர்ந்து பேசிக் கொண்டிருந்தார். அப்போது, அவரது தந்தையும் தி.மு.க. தலைவருமான கருணாநிதி வந்தார். சுமார் ஒரு மணி நேரத்துக்கும் மேலாக இந்த நிகழ்ச்சியில் கலந்து கொண்டிருந்த கருணாநிதி, அதன் பின் கிளம்பி சென்றார்.

காஷ்மீர் முதல்வர் உரை : வா ரே வா.. கொன்னுட்டீங்க பாய் !

ஜம்மு காஷ்மீரில் அமைதியான முறையில் தேர்தல் நடந்து முடிந்ததற்கு பாகிஸ்தான், போராளி அமைப்புகள், ஹுரியத் ஆகியோர்தான் காரணம்… அவர்கள் ஏதாவது செய்திருந்தால் நாம் அமைதியாக தேர்தலை நடத்தியே இருக்க முடியாது. நான் இதை பிரதமரிடம் தெளிவாக கூறிவிட்டேன் என்பதை இங்கே அதிகார பூர்வமாக பதிவு செய்ய விரும்புகிறேன்.”
நேற்று மாலை ஜம்மு காஷ்மீர் முதல்வராகப் பதவி ஏற்றவுடன் நடைபெற்ற பத்திரிகையாளர் சந்திப்பில் முப்தி முகமது சயீத், ஆற்றிய உரை இது. முப்தி இதைப் பேசும்போது, அவருக்கு அருகில் அமர்ந்திருந்த துணை முதல்வரான பாஜக வின் நிர்மல் சிங், மூச்சு கூட விடவில்லை என்பது குறிப்பிடத்தக்கது.
இந்த வரலாற்றுச் சிறப்பு மிக்க அறிவிப்பை முதல்வர் முப்தி வெளியிடுவதற்கு சில நிமிடங்கள் முன்பு முகமெல்லாம் பெருமை பொங்க 56 இஞ்ச் மார்பழகன் சூப்பர்மேன் மோடியும், 55 இஞ்ச் அஞ்சா நெஞ்சன் அமித் ஷா வும், பதவியேற்பு விழா மேடையில் முப்தி முகமது சயீதை கட்டித் தழுவினார்கள். ஜோக்கடித்து மகிழ்ந்தார்கள்.

ராஜ்ய சபாவில் அலப்பறை பாடிய அதிமுக பெண் எம்பி விஜிலா! அரிதார தலைவியின் ஓவர் அரிதார எம்பி

தனக்கு அளிக்கப்பட்ட, 3 நிமிடத்தில், 2 நிமிடத்திற்கு ராகம் போட்டு பாட்டுப்பாடி, மீதமுள்ள ஒரு நிமிடத்தில் காவிரி மேலாண்மை வாரியம் அமைக்க நடவடிக்கை எடுக்கும்படி வலியுறுத்திய, அ.தி.மு.க., - எம்.பி.,யை பார்த்து, ராஜ்யபா துணைத் தலைவர் குரியன் உட்பட ஒட்டுமொத்த சபையும், விலா நோகச் சிரித்து தீர்த்தது. ராஜ்யசபாவில் நேற்று காலை, பொது முக்கியத்துவம் வாய்ந்த நேரத்தில், தமிழக எம்.பி.,யான விஜிலா சத்யானந்திற்கு, பேச வாய்ப்பு வழங்கப்பட்டது. அவர் எழுந்து, மாநிலங்களுக்கு இடையிலான ஒற்றுமை குறித்து, சில வார்த்தைகளை பேசிவிட்டு, திடீரென, 'சிந்து நதியின் மிசை நிலவினிலே..' என, ராகம் போட்டு பாட ஆரம்பித்தார். பாரதியாரை மேற்கோள்காட்டி பாடினாலும், கைகொடுத்த தெய்வம் படத்தில், சிவாஜி கணேசன் வாயசைத்து பாடிய, அந்த திரையிசைப் பாடலின் ராகத்தில், அப்படியே ஏற்ற இறக்கத்துடனும், முகபாவனையுடனும் பாடிக் கொண்டே போனார்.   மூஞ்சி நிறைய பவுடர் அப்பி தலை நிறைய பூ வெச்சு கம்மல் போட்டு ஆள அடிக்குற செவப்பு கலர் வித் கோல்டன் கலர் பார்டர் போட்ட அங்கி அணிய வெச்சு......... ஒ இதுக்கு பெயர்தான் எம் பி பதவீல உக்கார வெச்சு அழகு பாக்குறதா ?

கற்பழிக்கும்போது எதிர்த்ததால் கொடூரமாக துன்புறுத்தினோம் ! நியாயம் கற்பிக்கிறான் டெல்லி காம கொடூரன்

புதுடில்லி: ''கற்பழிக்கும் போது, முரண்டு பிடித்து, எதிர்ப்பு தெரிவித்து ஆக்ரோஷமாக நடந்து கொண்டதால் தான், அந்தப் பெண்ணை கொடூரமாக துன்புறுத்தினோம்,'' என, டில்லி மருத்துவ மாணவியை, பாலியல் பலாத்காரம் செய்ததற்காக, தூக்கு தண்டனை விதிக்கப்பட்ட குற்றவாளிகளில் ஒருவனான, முகேஷ் சிங், 28, கூறியுள்ளான்.டில்லி, திகார் சிறையில் அடைக்கப்பட்டுள்ள அவன், பி.பி.சி., செய்தி நிறுவனத்திற்கு அளித்துள்ள பேட்டியில் கூறியதாவது: எங்களைப் போன்ற கற்பழிப்பு குற்றவாளிகளை தூக்கில் போடுவதால், கற்பழிப்புக்கு ஆளாகும் பெண்களுக்குத் தான் பாதிப்பு. கற்பழிக்கப்படும் பெண்ணை, சும்மா மிரட்டி விட்டு விடுபவர்கள் கூட, 'இவளை உயிருடன் விட்டால் நம்மை காட்டிக் கொடுத்து விடுவாள்' என நினைத்து, கொன்று விட வாய்ப்பு உள்ளது. டில்லியில் நடைபெற்றது ஒரு விபத்து. அந்த சம்பவத்திற்கு, அந்தப் பெண்ணும் ஒரு காரணம் தான். சும்மா இருந்திருந்தால், நாங்கள் அவளை கெடுத்து விட்டு விட்டிருப்போம். எங்களுடன் பலமாக போராடினாள்; ஆக்ரோஷமாக எதிர்த்தாள். அதனால் தான், நாங்களும் கொடூரமாக நடந்து கொள்ள வேண்டியதாகி விட்டது. நல்ல பெண்களுக்கு, ராத்திரியில் என்ன வேலை... 9:00 மணிக்கு மேல், காதலனுடன் ஊர் சுற்றிய அந்தப் பெண்ணை யாரும் குற்றம் சொல்லவில்லை. ராத்திரி ஆனா, வீட்டில இருக்க வேண்டிய பெண், ஊர் சுற்றலாமா? இவ்வாறு அவன் கூறியுள்ளான்.  உனக்கு அதரவாக பேசிய பண்ணாடைங்களுக்கு , மனித உரிமை பேசுபவர்களுக்கு இந்த கேள்வி? இவனை தூக்கில் போட கூடாது ஏன் வாதிடுகறிர்கள்? இன்னும் நீ உயிரோடு இருப்பதே இந்த பாழாபோன சட்டத்தினால் தாண்டா...உனக்கு தூக்கு தண்டனை போதாது....அதுக்கும் மேலே ,,அதுக்கும் மேலே ,,,,அதுக்கும் மேலே,,,,,,,,,,,,,,,,,,,,

அவிஜித் ராய் ! வங்கதேசத்தில் கொல்லப்பட்ட அமெரிக்க பகுத்தறிவு எழுத்தாளர் .

அமெரிக்காவை சேர்ந்த பிரபல இணைய எழுத்தாளர் வங்காளதேசத்தில் கொலை செய்யப்பட்ட சம்பவத்திற்கு அமெரிக்க தனது கடும் கண்டனத்தை தெரிவித்துள்ளது.தீவிரவாதத்துக்கு எதிராக  வலைப்பூவில் எழுதி வந்த அமெரிக்காவைச் சேர்ந்த அவிஜித் ராய்  என்ற பிரபல எழுத்தாளர், வங்காள தேசத்தில் நடந்த புத்தக கண்காட்சியில் பங்கேற்க சென்ற போது மர்ம நபர்கள்  சரமாரியாக வெட்டிப் படுகொலை செய்தனர். இந்த சம்பவத்தில் அவரது மனைவியும் படுகாயம் அடைந்தார். இந்த நிலையில்,  எழுத்தாளர் அவிஜித் ராய் படுகொலைக்கு அமெரிக்கா தனது கடும் கண்டனத்தை தெரிவித்துள்ளது.  இது தொடர்பாக நேற்று அமெரிக்க வெளியுறவு துறை செய்தி தொடர்பாளர் ஜென் பெஸ்கி கூறுகையில், அவிஜத் ராயை   படுகொலைக்கு அமெரிக்கா கடும் கண்டனம் தெரிவிக்கிறது. இது இரக்கமற்ற கோழைத்தனமான செயல்.

மாயாண்டி பாரதி ! உண்மையும் நேர்மையும் தேசபக்தியும் நிரம்பிய ஐ.மா.பா.!

அவரை எப்போதும் 'அப்பா’ என்றுதான் அழைப்பேன். நிறையத் தோழர்கள், நண்பர்கள் அப்படித்தான் அழைப்பார்கள். குழந்தைகள் இல்லை. 3 ஆண்டுகளுக்கு முன் அவரது மனைவி இறந்துபோகிற வரை ஒன்றாகவே இருவரும் வாழ்ந்தார்கள். அவருக்குப் பிடித்த கடையில் இருந்து உணவு வாங்கி வந்து நான், அவர், அம்மா என்று மூன்று பேரும் ஒன்றாகச் சாப்பிடுவோம். விடுதலைப் போராட்டம், விடுதலைக்குப் பிந்திய போராட்டங்கள் குறித்து அவருக்கு முழுமையான அனுபவ அறிவு இருந்தது. அவருக்குத் தெரியாத நிகழ்வுகள் குறித்து நாம் கேட்டால், ''அன்னிக்கு நாம் போகல; எனக்குத் தெரியாது... ஆனா போனவங்க சொன்னதை வேனா உனக்குச் சொல்றேன்'' என்று விவரிப்பார். எத்தனை முறை கேட்டாலும், சலிக்காமல் திரும்பிச் சொல்வார். வருடம், மாதம், தேதி என்று எந்தப் பிழையுமின்றி துல்லியமாகச் சொல்வார்.

ஜெயகாந்தனோடு பல்லாண்டு 21- ஜே.கே.வும், தமிழ் சினிமாவும்! இந்த சிங்கத்தோடு பேசவே பயமாக இருக்கிறது .பாலசந்தர்

ஓர் இலக்கியவாதியின் கலையுலக அனுபவங்கள்’ என்கிற புத்தகத்தில் ஜெயகாந்தனின் சினிமா அனுபவங்கள் எல்லாம் விவரமாக எழுதப்பட்டுள்ளன. அவருக்கும் சினிமா உலகுக்கும் உள்ள உறவை, அதை விடவும் சிறப்பாகவும் விளக்கமாகவும் நான் எழுதிவிட முடியாது.

இருப்பினும், என் தனி அனுபவங்களில் நான் அறிந்தவற்றை எழுதுவது அதிகப்பிரசங்கித்தனம் ஆகாது என்று நம்புகிறேன்.

ஜெயகாந்தன் தமிழ் சினிமாவை மிகக் கடுமையாக விமர்சித் திருக்கிறாரே தவிர, நான் அறிந்தவரை, அது சம்பந்தமான நபர்களை எப்போதும் ஒரு பரிவுடனேயே நடத்தி வந்துள்ளார்.

சேத்துப்பட்டு மெக்னிகல்ஸ் ரோடில் ஜெயகாந்தன் குடியிருந்தார். என் துணைவியார் என் மகன் சிவகுமாரைப் பெற்றெடுக்கும் பொருட்டு எழும்பூர் தாய் - சேய் நல மருத்துவமனையில் அனு மதிக்கப்பட்டிருந்தார். அப்போதெல்லாம் என் துன்பமான நேரங்களை எல்லாம், ஜெயகாந்தனுடன் நெருங்கி இருந்த இன்பத்திலேயே கழித்தேன்.

நம்மால் மீண்டு வர முடியாத கட்டத்தை அடைந்து விட்டோம்: தாமரைக்கு தியாகு கடிதம்

கணவரை சேர்த்து வைக்க கோரி, கடந்த வெள்ளி பிப்ரவரி 27 ஆம் தேதி   காலை 11 மணி அளவில் தர்ணா போராட்டத்தை தொடங்கிய கவிஞர் தாமரை  நான்காவது  நாளாக இன்றும் தனது போராட்டத்தை தொடர்கிறார்.
இந்நிலையில் தாமரைக்கு அவரது கணவர் தியாகு எழுதியுள்ளார். அதில், நான் விலகியிருப்பதால் உனக்கும் சமரனுக்கும் எவ்வளவுத் துன்பம் என்று எனக்குப் புரியாமலில்லை. கடந்த ஓராண்டுக்கால நிகழ்வுகளை மட்டும் எண்ணிப் பார்த்தாலே போதும், நம்மால் மீண்டு வர முடியாத கட்டத்தை அடைந்து விட்டோம் என்பது விளங்கும்.இப்போது என்ன செய்வது? மற்றவர்களை அணுகிப் பேசுவதென்றால் பேசலாம், நீதிமன்றப் படியேறுவதென்றாலும் ஏறலாம். அதற்கு முன் நமக்குள் கொஞ்சம் உரையாடலாம் என்பது என் கருத்து. நேரில் பேசும் போது நீ உணர்ச்சிவயப்படுவதைத் தவிர்க்க முடியாது என்பதால் மின்னஞ்சல் வழியாகவே உரையாடலாம் என்கிறேன். அது சரிப்படாத போது மற்ற வழிகளை நாடலாம்.

உச்ச நீதிமன்றம் : சிறப்பு காரணங்கள் இருந்தால் கற்பழிப்பு குற்றவாளிக்கு குறைந்த தண்டனை வழங்கலாம்

சிறப்பான காரணங்கள் இருந்தால், கற்பழிப்பு வழக்கில் குற்றவாளிக்கு குறைவான தண்டனை விதிக்கலாம் என்று சுப்ரீம் கோர்ட்டு ஒரு வழக்கில் பரபரப்பு தீர்ப்பு வழங்கி உள்ளது.
கற்பழிப்பு வழக்கு மத்திய பிரதேச மாநிலத்தை சேர்ந்தவர் ரவீந்திரா. இவர் 1994–ம் ஆண்டு, ஆகஸ்டு 24–ந் தேதி, தனது வயலில் வேலை செய்த ஒரு இளம்பெண்ணை கற்பழித்து விட்டார்.
இது தொடர்பான வழக்கை விசாரித்த செசன்சு கோர்ட்டு அவருக்கு 10 ஆண்டு கடுங்காவல் சிறைத்தண்டனை விதித்து தீர்ப்பு வழங்கியது. இந்த தீர்ப்பை எதிர்த்து அவர் மத்திய பிரதேச ஐகோர்ட்டில் மேல் முறையீடு செய்தார். அந்த மேல் முறையீடு வழக்கை விசாரித்த ஐகோர்ட்டு, செசன்சு கோர்ட்டின் தீர்ப்பை உறுதி செய்து, ரவீந்திராவின் மேல் முறையீட்டு வழக்கை தள்ளுபடி செய்தது.
சுப்ரீம் கோர்ட்டில் அப்பீல் ஐகோர்ட்டு தீர்ப்புக்கு எதிராக சுப்ரீம் கோர்ட்டில் ரவீந்திரா அப்பீல் செய்தார். இந்த அப்பீல் வழக்கை நீதிபதிகள் எம்.ஒய்.இக்பால், பி.சி.கோஷ் ஆகியோர் விசாரித்தனர்.  கற்பழிப்புக்கு சிறப்பு காரணங்கள் என்ன அழகான கில்லாடி சொற்பதம் ? நிச்சயமா இந்த நீதிபதியோட தீர்ப்பு தவறான பாதையில் நீதி செல்வதாக சந்தேகத்தை தருகிறது

புலியூர் முருகேசன் ! ஜெயமோகன் : சாதியதிகாரம் இடைநிலைச்சாதியினரின் கைகளுக்குச் சென்றுவிட்டதையே

ஊர் திரும்பியபின்னர்தான் புலியூர் முருகேசன் அவர் எழுதிய கதைக்காகத் தாக்கப்பட்டதை அறிந்தேன். ஒருவகை கொந்தளிப்பும் பின்னர் ஆற்றாமையும்தான் ஏற்பட்டது. இனி சாதியவாதிகள் கிளம்பி எழுத்தாளர்களுக்கு பாடம் எடுக்கத் தொடங்குவரகள் என எதிர்பார்க்கலாம்.
மீண்டும் ஒரே கதைதான். இலக்கியத்தில் சமூகம் பற்றி எழுதாதே. எழுதினால் மனம்புண்படுகிறது. ஆகவே ‘யார் மனதையும் புண்படுத்தாமல்’ எழுது. அது ரமணிசந்திரன் போல ‘எல்லார் மனதையும் குளிர்விப்பதாக’ இருந்தால் சாலவும் நன்று
ஒருவகையில் இதுவும் நல்லதே. தமிழ்ச்சமூகம் ‘சாதியற்ற’ முற்போக்கு சமூகமாக ஆகிவருகிறது என்ற பிரமை இங்கே சிலரால் உருவாக்கப்பட்டிருந்தது. அப்படி அல்ல, இது இன்னமும் பிகாரை விட பிற்போக்கான சாதியசமூகம் தான் என்பதும் சாதியதிகாரம் இடைநிலைச்சாதியினரின் கைகளுக்குச் சென்றுவிட்டதையே இங்கு முற்போக்காக கொண்டாடிக்கொண்டிருந்தோம் என்பதும் தெளிவாகியிருக்கிறது.

சுப்பர் சிங்கரும் உலகத்தமிழரின் அடாவடி அரசியலும்!

சுப்பர் சிங்கர் ஜுனியர் நாலாவதில் பங்குபற்றிய ஏனைய போட்டியாளர்களின் பாடும் திறமைகளின் அடிப்படையிலும் பார்க்கும்போது, ஜெசிக்கா முதல் பத்து இடங்களுக்கு வருவதற்கே தகுதியற்றவர் என்பது  இசைபற்றி அதிகம் ஆழ்ந்த ஞானம் இல்லாதவர்களுக்கு சாதாரணமானவர்களுக்கு கூட  புரியும்.

கடந்த சில வருடங்களாக விஜய் ரி.வியின் சுப்பர் சிங்கர் நிகழ்ச்சியினை தவறாது பார்த்து வருகின்றேன். இந்த வருடத்து சுப்பர் சிங்கர் நிகழ்ச்சியில்தான் (2014-2015) இசை தோற்றுப் போனதையிட்டு மிகவும் மனவருத்தம் அடைகின்றேன்.
மிகச்சிறந்த பாடகர்கள், இறுதிப்போட்டிக்கு தகுதி பெறுவதிலிருந்து, முதல் மூன்று இடங்களுக்கு வருவதுவரை, மிகவும் நேர்த்தியாக திட்டமிட்டு தவிர்க்கப்பட்டுள்ளது. யசிக்காவிற்கு ஒரு கோடிக்கு மேற்பட்ட வாக்குகள் அளிக்கப்பட்டதாகவும், ஆனால் ஜெசிக்காவிற்கு முதலிடம் வழங்காமல் விஜய் ரி.வி மோசடி செய்து விட்டதாகவும் இலங்கைத்தமிழர்சார் இணையங்கள் பிரச்சாரம் செய்து வருவது இன்னமும் வேதனையை அதிகரிக்க செய்துள்ளது.

பிரியங்கா காந்தி காங்கிரஸ் பொதுசெயலாளர் ஆகிறார்

புதுடெல்லி: ராகுல் காந்தி விடுப்பில் சென்றதால் கடும் விமர்சனங்கள் எழுந்துள்ள நிலையில், கட்சியின் பொதுச்செயலாளராக பிரியங்கா காந்தியை நியமிக்க  காங்கிரஸ் தலைமை முடிவு செய்துள்ளதாக தகவல் வெளியாகியுள்ளது. கட்சியை பலப்படுத்துவதற்கு அச்சாரமாக அவருக்கு பொறுப்பு வழங்க  திட்டமிட்டுள்ளதாக காங்கிரஸ் வட்டாரங்கள் தெரிவிக்கின்றன. அதன்படி திங்கட்கிழமையே பிரியங்கா பொதுசெயலாளராக நியமிக்கப்படுவார் என தகவல்  வெளியாகியுள்ளது. இதனிடையே ராகுல் காந்தி எங்கிருக்கிறார் என்பதை கண்டறிய மத்திய அரசுக்கு உத்தரவிடக்கோரி அலகாபாத் உயர்நீதிமன்றத்தின் லக்னோ அமர்வில் பொதுநல  வழக்கு தொடரப்பட்டுள்ளது. ராகுல் காந்தியின் செயல்பாட்டை கண்டித்து கான்பூர் உட்பட நாட்டின் பல்வேறு பகுதிகளில் காங்கிரஸ் கட்சியினரே போஸ்டரை ஒட்டினர்.

கேரளாவில் விழுந்த எரிகற்கள்? ஆறு மாவட்டங்களில் வானில் இருந்து நெருப்பு

கேரள மாநிலம் எர்ணாகுளம், பத்தனம்திட்டா, கண்ணணூர், கோழிக்கோடு, கோட்டயம், ஆலப்புழா ஆகிய 6 மாவட்டங்களில் நேற்று முன்தினம் நள்ளிரவு வானில் தீப்பிழம்பு தோன்றியதை அந்த பகுதி பொதுமக்கள் பார்த்து உள்ளனர்.
மின்னல் வேகத்தில் ராக்கெட் போல் அந்த தீப்பிழம்பு வானில் பயணித்ததாகவும் அப்போது பயங்கர சத்தம் கேட்டதாகவும், அந்த நேரத்தில் நில அதிர்வை உணர்ந்ததாகவும் அந்த பகுதி பொதுமக்கள் பீதியுடன் தெரிவித்துள்ளனர்.
இந்த மர்ம தீப்பிழம்பு இந்த 6 மாவட்டங்களில் 50–க்கும் மேற்பட்ட இடங்களில் சிதறி விழுந்துள்ளது. இதன் காரணமாக பல இடங்களில் தென்னை மரங்கள் உள்பட பயிர்கள் தீயில் கருகி சாம்பலாகி உள்ளது.
அதிர்ஷ்டவசமாக குடியிருப்புகள் மீது இந்த தீப்பிழம்பு விழாததால் உயிர் சேதம் தவிர்க்கப்பட்டது. ஆலப்புழா அருகே புச்சாக்கல் என்ற இடத்தில் ராஜேஷ் என்பவர் வீட்டு முன்பு தீப்பிழம்பில் இருந்து சிதறிய ஒரு இரும்பு வளையம் போன்ற ஒரு மர்ம பொருள் கிடந்ததை அவரது வீட்டினர் பார்த்துள்ளனர்.

விற்பனைக்கு வந்துள்ள இந்தியா! நிலம் கையக படுத்தும் சட்டத்தை சொல்கிறோம்!

இந்தியா விற்பனைக்கு ரெடி!
புடவையைத்தானே இழுக்கிறேன் பெண்ணே! உன் சுந்தர தேகத்துக்கு ஆபத்து ஒன்றும் இல்லையே திரௌபதி!’ என்று அஸ்தினாபுரத்து இளவரசன் துச்சாதனன், சான்றோர் நிறைந்த சபையில் கூறினான். அதேபோலத்தான் இருக்கிறது... 'நிலங்களைத்தானே எடுக்கிறோம். உங்கள் உயிருக்கு ஆபத்து ஒன்றும் இருக்காது விவசாயிகளே’ என்று இப்போது மத்தியில் ஆளும் பி.ஜே.பி அரசு சொல்வதும்.
100 ஆண்டு காலத்துக்கும் மேலான போராட்டத்துக்குப் பிறகு, வெள்ளைக்கார காலத்து அடிமை சட்டத்துக்குப் பதிலாக, கடந்த கால காங்கிரஸ் கூட்டணி ஆட்சியில் ஒரு புதிய சட்டம் பிறந்தது. அது, 100 சதவிகிதம் விவசாயிகளுக்கு நன்மை செய்யும் சட்டம் இல்லைதான். 'வெள்ளைக்காரனின் கொடுங்கோல் சட்டத்துக்கு, ஏதோ பரவாயில்லை’ என்றே ஏற்றுக் கொண்டனர் விவசாயிகள். ஆனால், 'சுத்தம் சுயம்பிரகாசம் நாங்கள், இந்தியாவை வளர்ச்சிப் பாதையில் மட்டுமே கொண்டு சொல்வோம், வெள்ளைக்காரர்களை விரட்டியது போதாது... கொள்ளைக்காரர்களையும் நாட்டைவிட்டு விரட்டுவோம், விவசாயிகளுக்கு எங்களைவிட்டால் வேறு தோழர்களே கிடையாது’ என்றெல்லாம் பசப்பு மொழிகளைக் கூறி ஆட்சியைப் பிடித்த நரேந்திர மோடி, வெள்ளைக்காரன் போட்ட சட்டத்தைவிட, மிகக்கொடுமையான ஒரு சட்டத்தை அவசர அவசரமாக கொண்டுவந்து விவசாயிகளை ஒரேயடியாக கொல்லத் துடித்தால் எப்படி?

சேதுசமுத்திர திட்டத்தை நிறைவேற்ற தமிழக அரசுடன் பேசி முடிவு! அருண் ஜெட்லி பேட்டி

மத்திய பட்ஜெட்டை தாக்கல் செய்த பின்னர் நிதிமந்திரி அருண்ஜெட்லி நிருபர்களுக்கு பேட்டியளித்தபோது கூறியதாவது:–
வரும் நிதியாண்டில் வளர்ச்சி விகிதம் கணிசமாக உயரும் என்று எதிர்பார்க்கிறோம். வசதி படைத்தவர்கள் மானியத்தை குறைத்துக் கொள்ள வேண்டும். ஏழைகள் மட்டுமே மானியம் பெறவேண்டும்.
சேது சமுத்திர திட்டத்தை நிறைவேற்றுவது குறித்து தமிழக அரசுடன் பேசி முடிவு எடுக்கப்படும். வரி ஏய்ப்பவர்களுக்கு கடுமையான தண்டனை விதிக்கப்படும். வரி செலுத்துவோரிடம் அதிக பணம் இருப்பதையே அரசு விரும்புகிறது. ராணுவத்தில் ஒரு பதவிக்கு ஒரே ஓய்வூதியம் என்ற திட்டத்தை செயல்படுத்துவோம்.
இவ்வாறு அவர் கூறினார்.dailythanthi.com

மங்கள சமரவீரா : சீன நீர்முழ்கி கப்பல்களை அனுமதிக்க மாட்டோம்!

சீனாவின் நீர் மூழ்கி கப்பல்களை எங்கள் நாட்டு கடல் எல்லைக்குள் அனுமதிக்க மாட்டோம் என மைத்ரிபாலா சிறிசேனா தலைமையிலான இலங்கை அரசு அறிவித்துள்ளது. இது தொடர்பாக சீனத் தலைநகர் பீஜிங்கில் இன்று செய்தியாளர்களுக்கு பேட்டியளித்த வெளியுறவு துறை மந்திரி மங்கல சமரவீரா, ‘‘கடந்த செப்டம்பர் மாதம் ஜப்பான் பிரதமர் ஷின்சோ அபே இலங்கைக்கு வந்த அதேநாளில் எந்த சூழ்நிலையில் சீன நீர்மூழ்கி கப்பல்கள் கொழும்பு துறைமுகத்துக்கு வந்தன? என்பது பற்றி எனக்கு உண்மையில் எதுவும் தெரியாது. ஆனால், எங்களது ஆட்சிக்காலத்தில் இதைப்போன்ற சம்பவங்கள் இனி நேராது என்று நாங்கள் உறுதியளிக்க முடியும்’’ என குறிப்பிட்டுள்ளார கடந்த செப்டம்பர் மாதம் ஜப்பான் பிரதமர் ஷின்சோ அபே அந்நாள் இலங்கை அதிபர் ராஜபக்சேவை சந்திப்பதற்காக கொழும்பு நகருக்கு வந்த அதேநாளில் ஜப்பானோடு கடல் எல்லை தகராறில் ஈடுபட்டுவரும் சீனாவின் நீர் மூழ்கி கப்பல்களை கொழும்பு துறைமுகம் பகுதியில் எப்படி அனுமதித்தீர்கள்? என்ற நிருபர்களின் கேள்விக்கு பதிலளித்த மங்கல சமரவீரா இவ்வாறு கூறியுள்ளார். maalaimlar.com

ஐந்நூறு அடிக்கு தோண்டி இருநூறு அடிக்கு இரும்புக் குழாயை இறக்கி

சுற்றிச் சுற்றி ஆழ்குழாய் கிணறுகளைத் தோண்டுகிறார்கள். எங்கள் வீட்டில் ஒரு குழாய். எதிர்வீட்டில் ஒன்று அதற்கு பக்கத்துவீட்டில் ஒன்று. வெறுமனே தோண்டுவதில்லை. தோண்டிக் கொண்டிருக்கும் போது அவ்வப்போது அழுத்தமான காற்றை உள்ளே அனுப்புகிறார்கள். ‘புஸ்ஸ்’ என்ற பெரும் சப்தத்துடன். உடைந்த கற்கள் மண்கட்டிகளையெல்லாம் சிதறடிக்கும் ஒரு நுட்பம் அது.  ‘நான் நல்லா இருந்தா போதும்’ என்கிற கான்செப்டும் அதில் உண்டு. எங்கள் ஆழ்குழாயில் நூற்றியிருபது அடியிலேயே தண்ணீர் வந்துவிட்டது. மூன்று வருடங்களுக்கு முந்தைய கதை இது. ஆனால் எதற்கும் இருக்கட்டும் என்று ஐந்நூறு அடிக்கு தோண்டி இருநூறு அடிக்கு இரும்புக் குழாயை இறக்கியிருந்தோம். தரையிலிருந்து இருநூறு அடி வரைக்கும் உதிரி மண். விழுந்து குழியை மூடிவிடக் கூடாது என்பதற்காக பாதுகாப்பு அஸ்திரம் அந்த இரும்புக் குழாய். அந்த அஸ்திரத்தில் பக்கத்து வீட்டுக்காரர்கள் அம்பு எறிந்துவிட்டார்கள். எங்களுக்குப் பிறகு அவர்கள் போர்வெல் தோண்டினார்கள்.

அதிமுகவின் 38 எம்பிக்களும் ஜனாதிபதி உரை விவாதத்திற்கு ஜகா வாங்கி வாய்தா வாங்கி !

போதுமான எம்.பி.,க் கள் பலம் இருந்தும், ஜனாதிபதி உரை மீதான விவாதத்தில், பங்கெடுத்து பேச முன்வராமல், பின்வாங்கியதன் மூலம், தனக்குரிய முக்கியத்துவத்தை அ.தி.மு.க., தாரைவார்த்துள்ளது. பேச வரும்படி, திரும்ப திரும்ப அதிகாரி கள் தரப்பில் அழைப்பு விடுத்தும் கூட, நாளை வரை, 'வாய்தா' கேட்டது தெரியவந்து உள்ளது.பார்லிமென்ட்டின் மைய மண்டபத்தில், ஜனாதிபதி உரை நடத்திய பின், அந்த உரை மீதான விவாதம், லோக்சபா, ராஜ்யசபா என, இரு சபைகளிலும் நடக்கும்.விவாதத்தில் கலந்து கொண்டு பேசும் எம்.பி.,க்கள், தேசிய மற்றும் மாநில அளவிலான முக்கிய பிரச்னைகள், மக்கள் நல திட்டங்கள் என, கலந்து கட்டி குரல் கொடுத்தும், அரசியல் ரீதியாக விமர்சனம் செய்தும் கவனத்தையும் ஈர்ப்பர். இதனாலேயே, விவாதத்தில் பங்கேற்று உரையாற்ற, எம்.பி.,க்கள் மத்தியில் போட்டி நிலவும்.அதிமுகவில் ஒரு விததிறமையும் கொள்கையும் இல்லாமல் வெறும்  காவடி எடுத்தல்  அலகு குத்தல்  அம்மா புராணம் பாடுதல் போன்றவைகள் செய்பவர்கள் மட்டுமே நின்று பிடிக்க முடியும். இந்த எம்பிக்கள் தப்பி தவறி ஏதாவது  பேச போய் அதையாராவது  சும்மா சீண்டிப்பாக்க  பாராட்டினாங்கன்ன  என்ன நடக்கும் கதை காலி . அதாய்ன் எல்லா எம்பிக்களும் ஜகா வாங்குதுங்கோ ?