சமீரா ரெட்டியிடம் கிரெடிட் கார்டு மோசடி!

கோலிவுட், பாலிவுட் என மாறி மாறி நடித்து ரசிகர்களை தனது கவர்ச்சியால் கட்டிப் போட்டிருக்கும் நடிகை சமீரா ரெட்டியிடம் கிரெடிட் கார்டு மோசடி நடந்துள்ளது. சுமார் 4 லட்சம் ரூபாய் வரை அவரது கணக்கில் இருந்து பணம் கையாடல் செய்யப்பட்டுள்ளது.
இந்த மோசடி சம்பவம் குறித்து சமீரா அளித்துள்ள பேட்டியில், சமீபத்தில் எனது மொபைலுக்கு பேசிய ஒரு நபர், தன்னை அமெரிக்க வாழ் இந்தியர் என அறிமுகப்படுத்திக் கொண்டார். அவரும், அவரது நண்பர்களும் சேர்ந்து என்னுடைய கணக்கில் இருந்து பணம் எடுத்து விட்டதாக தெரிவித்தார்.

நக்கீரன் மீது தாக்குதல்- கருணாநிதி கண்டனம்

நக்கீரன் பத்திரிகை எரிப்பு மற்றும் அலுவலகம் மீது அதிமுகவினர் தாக்குதல் நடத்தியதற்கு திமுக தலைவர் கருணாநிதி கண்டனம் தெரிவித்தார்.
ஜெயலலிதா குறித்து அவதூறு கட்டுரை வெளியிட்டதாகக் கூறி நக்கீரன் பத்திரிகை பிரதிகளை மாநிலம் முழுக்க எரித்து ஆர்ப்பாட்டம் நடத்தி வருகின்றனர் அதிமுகவினர்.
அமைச்சர்கள், மாவட்ட செயலாளர்கள், எம்எல்ஏக்கள் மற்றும் நிர்வாகிகள் இதில் ஈடுபட்டுள்ளனர். முதல்வர் ஜெயலலிதா இதுகுறித்து எதுவும் வெளிப்படையாக கருத்து கூறவில்லை.
இந்த நிலையில், நக்கீரன் அலுவலகத்தின் மீது இன்று அதிமுகவினர் தாக்குதல் நடத்தினர். கற்களை வீசியும், நக்கீரன் பிரதிகளை தீயிட்டுக் கொள்ளுத்தியும் வன்முறையில் ஈடுபட்டனர்.
அதிமுகவினரின் இந்த செயலுக்கு திமுக தலைவர் முன்னாள் முதல்வர் மு கருணாநிதி கண்டனம் தெரிவித்துள்ளார்.
"ஜனநாயக நாட்டில் இத்தகைய தாக்குதல்கள் ஏற்றுக் கொள்ளக் கூடியதல்ல. கண்டிக்கத்தக்கது. எதிர்ப்பை சட்டப்பூர்வமாக தெரிவிக்க வேண்டும். அரசு இதுபோன்ற செயல்களை வேடிக்கைப் பார்க்கக் கூடாது", என அவர் கூறியுள்ளார்.

வரி ஏய்ப்பு - சாந்தி பூஷணுக்கு ரூ 27 லட்சம் அபராதம்!!

அலஹாபாத்: ஊழலுக்கு எதிராக உண்ணாவிரதம், போராட்டம், அரசுக்கு சவால் என பெரிய அளவில் பேசி வரும் ஹஸாரே குழுவின் முக்கிய உறுப்பினரும் முன்னாள் மத்திய அமைச்சருமான சாந்தி பூஷண் ரூ 1.33 கோடிக்கு வரி ஏய்ப்பு செய்திருப்பது அம்பலமானது.
இந்த வரித் தொகையையும், அதற்கான அபராதப் பணம் ரூ 27 லட்சத்தையும் செலுத்துமாறு அலகாபாத் வருவாய் நீதிமன்றம் உத்தரவிட்டுள்ளது.
உச்சநீதிமன்றத்தில் பிரபல வழக்கறிஞராக பணியாற்றும் சாந்தி பூஷன், 1970 வரை அலகாபாத்தின் பிரதானமாக உள்ள சிவில் லைன்ஸ் பகுதியில் பெரிய வீட்டில் வாடகைக்கு குடியிருந்தார். இந்த வீட்டின் பரப்பளவு 7818 சதுர மீட்டர் (அதாவது 84 153 சதுர அடி – 36 கிரவுண்ட்!).

Beef உண்பவரா அம்மா?'- பொன்னையன் கொதிப்பு... நக்கீரன் மீது வழக்கு!

சென்னை: உண்மைக்கு மாறாக செய்தி வெளியிட்ட நக்கீரன் மீதும் அதன் உரிமையாளர், வெளியீட்டாளர் மற்றும் ஆசிரியர் குழு பொறுப்பாளர்கள் மீதும் உரிய சட்ட நடவடிக்கை எடுக்கப்படும் என்று அதிமுக அமைப்புச் செயலாளர் பொன்னையன் அறிவித்துள்ளார்.
மாட்டுக்கறி சாப்பிடும் மாமி நான் என்ற தலைப்பில் முதல்வர் ஜெயலலிதா பற்றி நக்கீரன் இதழ் வெளியிட்ட கட்டுரையைக் கண்டித்து இன்று முழுவதும் அதிமுகவினர் தமிழகம் முழுக்க நக்கீரன் இதழ்களை எரித்தனர். சென்னையில் அந்த பத்திரிகை அலுவலகமும் தாக்குதலுக்குள்ளானது.

பெரியார், அண்ணா, கலைஞருக்குப் பிறகு கனிமொழிக்கு மட்டுமே கழகத்தினர் Happy birhtday

முன்பெல்லாம் கனிமொழியின் பிறந்தநாள் தேதிகூட கட்சியின் நிர்வாகிகளுக்குத் தெரியாது. ஆனால், இன்றோ நிலைமை தலைகீழாகியிருக்கிறது.
பெரியார், அண்ணா, கருணாநிதி வரிசையில் கனிமொழியும் இடம்பிடித்துவிட்டார். கனிமொழியின் பிறந்தநாளை வியாழனன்று தமிழகம் முழுவதும் தடபுடலாக கொண்டாடி அசத்தியிருக்கிறார்கள் உடன்பிறப்புகள்!
வழக்கமாக கருணாநிதியின் பிறந்த நாளுக்கு மட்டுமே தொண்டர்கள் திரண்டுவந்து வாழ்த்துச் சொல்வார்கள். கடந்த தி.மு.க. ஆட்சியில் உள்ளாட்சித் துறை அமைச்சராக ஸ்டாலின் பொறுப்பேற்ற பின்பு கருணாநிதிக்கு இணையாக அவரது பிறந்தநாளை வட மாவட்டத் தொண்டர்கள் கொண்டாடி வருகின்றனர். அதேபோல், அழகிரியின் பிறந்த நாளை தென் மாவட்டத்தில் உள்ள உடன்பிறப்புகள் கொண்டாடி வருகின்றனர். இந்த கொண்டாட்டங்களை எல்லாம் விஞ்சும் வகையில் இப்போது கனிமொழியின் பிறந்த நாளை கொண்டாடி இருக்கிறார்கள் உடன்பிறப்புகள்.

தமிழ் முகங்கள் Set property போல்தான் பாரதிராஜாவிற்கு

ரதி, ராதா, ரேவதி, ரஞ்சிதா, அமலா, பிரியாமணி, சுகன்யா, சொர்ணமால்யா. ரோஜா, குஷ்பு, அமலாபால், சரண்யா, ராஜஸ்ரீ இவர்கள் பாரதிராஜாவிடம் பொங்கி வழிகிற தமிழ் உணர்வுக்கும், மண்வாசனைக்கும் சாட்சிகள்!

இயக்குநர் இமையம் பாரதிராஜா படங்களில் சாதி உணர்வை பற்றி குறிப்பிட்டு இருந்தீர்கள். ஆனால் அவர் படத்தில்தான் உண்மையான கிராமத்து தமிழ் முகங்களை பார்க்க முடிந்தது?

-கு. செல்வநம்பி, திருச்சி.

ஆமாம்.

ஏரி, குளம், குட்டை, மாடு, ஆடு புழுதி, சகதி இவைகளை காட்டுவது கிராமத்து சூழலை காட்சிப் படுத்துவதற்காக. அதுபோலவேதான் அழுக்கான மனிதர்கள், வயதானவர்கள் என்று தமிழ் அடையாளம் தெரிவதற்காக Set property போல், கிராமத்து தமிழ் முகங்கள் காட்டப்பட்டது.
மற்றபடி படத்தின் முக்கிய வேடத்தில், கதாநாயகிகளாக வருகிற ‘அழகி’ களை அக்கிரகாரத்திலும், கேரளத்திலும் இருந்துதான் கண்டெடுக்கும் பாரதிராஜாவின் கலைக் கண்கள்.
திரு.ஷேக் மொய்தீன் அவர்களை ஆசிரியராக கொண்டு வெளிவருகிற தங்கம்டிசம்பர் மாத இதழில் வாசகர் கேள்விக்கு நான் எழுதிய பதில்.

ஆருஷி கொலை வழக்கு : விசாரணையை தொடர சுப்ரீம் கோர்ட் அனுமதி!

புதுடில்லி: உத்தரபிரதேச மாநிலத்தில் கடந்த 2 ஆண்டுகளுக்கு முன்பு டில்லி நொய்டாவைச் சேர்ந்த பல் டாக்டர் ராஜேஷ் தல்வாரின் மகள் ஆருஷி என்ற 14 வயது மாணவி கொல்லப்பட்டார். நாடு முழுவதும் பெரும் சர்ச்சையை ஏற்படுத்திய இந்த கொலை வழக்கு முதலில் மாநில சி.ஐ.டி. விசாரித்து பின்னர் சி.பி.ஐ. விசாரித்தது. இந்த வழக்கு சி.பி.ஐ.,க்கு மாற்றப்பட்டது. வழக்கை விசாரித்த சி.பி.ஐ., ராஜேஷ்தல்வார், அவரது நண்பர், ராஜேஷ் வீட்டில் வேலை பார்த்த மேலும் 2 பணியாட்கள் ஆகியோரிடமும் விசாரணை நடத்தினர்.

நிலுவையில் வழக்குகள்- புதிய தலைமைச் செயலகத்தை மருத்துவமனையாக்க ஜெ. ஆலோசனை!

சென்னை: கடந்த திமுக ஆட்சிக்காலத்தில் அப்போதைய முதல்வர் கருணாநிதி பார்த்துப் பார்த்துக் கட்டிய புதிய தலைமைச் செயலக கட்டடம் கட்டியதில் முறைகேடுகள் நடந்துள்ளது என்று கூறி விசாரணைக் கமிஷனை அமைத்துள்ள நிலையில், புதிய தலைமைச் செயலகத்தை இடமாற்றம் செய்ததை எதிர்த்து திமுக சார்பில் வழக்கு தொடரப்பட்ட நிலையில், அதை 300 படுக்கைகள், 8 உயர் சிகிச்சைப் பிரிவுகளுடன் அதி நவீன மருத்துவமனையாக மாற்றுவது குறித்து அதிகாரிகளுடன் முதல்வர் ஜெயலலிதா ஆலோசனை நடத்தியுள்ளார்.

ஆர்யா: கேரளாவில் ரிலீஸ் பண்ண முடியலேன்னா பரவால்ல... நான் நஷ்ட ஈடு தர்றேன்!

தான் நடித்து பொங்கலுக்கு வெளியாக உள்ள வேட்டை படத்தை கேரளாவில் ரிலீஸ் பண்ண முடியாவிட்டால் பரவாயில்லை. அதற்கான நஷ்ட ஈட்டை என் சம்பளத்திலிருந்து பிடித்துக் கொள்ளுங்கள், என நடிகர் ஆர்யா கூறியுள்ளார்.
வேட்டை படம் பொங்கலுக்கு வெளியாகிறது. இதில் ஆர்யா - அமலா பால் ஜோடியாக நடித்துள்ளனர். மற்றொரு ஜோடியாக மாதவன் - சமீரா நடித்துள்ளனர்.
ஆர்யா, மாதவன் இருவருமே கேரள தொடர்பு உடையவர்கள்தான்.
இப்போது முல்லைப் பெரியாறு பிரச்சினை காரணமாக இவர்களது வேட்டை படம் அங்கே ரிலீசாகுமா என்ற கேள்வி எழுந்துள்ளது.

ஒரு ஐஏஎஸ் அதிகாரி, சுனாமி நிவாரணத்தில் அடிச்ச பணத்தை வச்சு வடநாட்டில ஒரு மெடிக்கல் காலேஜே கட்டி விட்டான்.

தகவல் அறியும் உரிமைச் சட்டம் ஒரு பாமரனை பந்தாடிய கதை!

நன்றி www.thehindu.com

ஐக்கிய முன்னணி அரசின் சாதனைகளில் ஒன்றாக போற்றப்படுவது தகவல் அறியும் உரிமைச் சட்டம். அந்தச் சட்டத்தின் மூலம் அரசு அலுவலங்களில் நடக்கும் குளறுபடிகளை வெளியில் கொண்டு வந்து ஊழலற்ற ஜனநாயகத்தை கட்டி அமைக்கிறார்கள் என்று பத்திரிகைகளும் ஆளும் கட்சி பேச்சாளர்களும் வியந்தோதுகிறார்கள். நடைமுறையில் அது எப்படி செயல்படுகிறது என்பது குறித்த நேரடி அனுபவம் ஒன்று:

‘சார் அடுத்த திங்கள் கிழமை மாநில தகவல் ஆணையர் அலுவலகத்துக்கு என்னை வரச் சொல்லி லெட்டர் வந்திருக்கு சார். தப்புத்தப்பா தகவல் தந்தாங்கன்னு நான் அனுப்பிய புகாரை விசாரிக்க வரச்சொல்லியிருக்காங்க. நான் கிளம்பி வருகிறேன்’.

சுனாமியால் பாதிக்கப்பட்ட மக்களுக்கு வீடு கட்டிக் கொடுப்பதாக பல தொண்டு நிறுவனங்கள் பெருமளவு ஊழல் செய்து விட்டதாகவும், தஞ்சாவூர் மாவட்டத்தில் 3,500 வீடுகள் கட்டியதாகச் சொல்லிக் கொண்டிருந்த ஒரு நிறுவனம் உண்மையில் 2178 வீடுகள்தான் கட்டினார்கள் என்றும், கட்டப்பட்ட வீடுகளுக்கு காப்பீடு செய்ய வேண்டும் என்ற அரசாணைக்குப் புறம்பாக காப்பீடு செய்யயாமல் ஏமாற்றி விட்டார்கள் என்றும் கடற்கரை கிராமம் ஒன்றைச் சேர்ந்த கனகசபை சில வாரங்களுக்கு முன்பு தொடர்பு கொண்டார். ஆதாரங்களாக பத்திரிகைச் செய்திகள், அரசு அலுவலகங்களுக்கு அனுப்பிய மனுக்கள், போராட்ட தகவல்கள் மற்றும் புகைப்படங்கள் ஸ்கேன் செய்து மின்னஞ்சலில் அனுப்பியிருந்தார்.
தொலைபேசியில் மேல் விபரங்கள் கேட்டுக் கொண்டோம். ‘பலபேருக்கு வீடு கட்டிக் கொடுத்ததாக கணக்கு எழுதி காசு அடித்து விட்டாங்க சார், இன்சூரன்சு செய்யாமலேயே இன்சூரன்சு செய்ததாக காட்டிவிட்டாங்க, பெரிய ஊழல் நடந்திருக்கு. இதற்கு ஒரு தீர்வு காணாமல் விட மாட்டேன்’ என்று சொன்ன அவர், சொன்னதற்கு ஏற்ப விடாமல் வாரத்துக்கு இரண்டு முறை தொலைபேசி விபரங்களை தெரிவித்துக் கொண்டிருந்தார்.

ப்ளீஸ், உங்க மனைவியை சீக்கிரமா கொல்லுங்க: இப்படிக்கு குண்டு இட்லி

கோவை அத்தப்பகவுண்டன்புதூரை சேர்ந்தவர் கவுதமன் (26). இரும்பு வியாபாரி. இவருடைய மனைவி கீதா (25). இவர் போலீசில் அளித்துள்ள புகார் மனுவில்,
நானும், கவுதமனும் காதலித்தோம். இருவீட்டாருக்கும் இது தெரியவந்ததும், பெற்றோர் பேசி முடித்து 21.9.09 அன்று எங்களுக்கு திருமணம் நடைபெற்றது. திருமணத்தின்போது என்னுடைய பெற்றோர் நகையை வரதட்சணையாக அணிவித்தனர். கவுதமனுக்கும் பிரஸ்லெட் நகை போடப்பட்டது.
திருமணத்துக்கு பிறகு கவுதமன் என்னுடன் நெருங்கி பழகுவதை குறைத்தார். அவருக்கு பீளமேடு பகுதியை சேர்ந்த கல்லூரி பேராசிரியை உமா மகேஸ்வரி என்ற பெண்ணுடன் கள்ளத்தொடர்பு இருப்பது தெரியவந்தது. இதுபற்றி கவுதமனிடம் கேட்டபோது `எனக்கு தொழில் செய்ய பணம் தேவைப்படுகிறது. அவள் எனக்கு எல்லாம் தருகிறாள்.

கலைஞர் டிவி வாசல் படியைக் கூட என் மகள் மிதிச்சதில்லை.. ராசாத்தி அம்மாள்

சென்னை: கனிமொழிக்கு ஸ்பெக்ட்ரம் பற்றி ஒன்றுமே தெரியாது என்று திமுக தலைவர் கருணாநிதியின் துணைவியார் ராசாத்தி அம்மாள் கூறியுள்ளார். அதேபோல் கலைஞர் தொலைக்காட்சியின் வாசலைக்கூட அவர் மிதித்ததில்லை என்று அவர் கூறி அனைவரையும் அதிரவைத்துள்ளார்.
திமுக தலைமையகமான அண்ணா அறிவாலய வாசல் வழியாகத்தான் கலைஞர் டிவி அலுவலகத்திற்கே போக முடியும் என்பது குறிப்பிடத்தக்கது.
கனிமொழியின் பிறந்தநாள் விழாவை ஒட்டி நலத்திட்ட உதவிகள் வழங்கப்பட்டது. சென்னை ராஜா அண்ணாமலை மன்றத்தில் நடைபெற்ற விழாவில் கலந்து கொண்டு பேசிய ராசாத்தி அம்மாள், ‘’என் மகள் கலைஞர் டி.வி. வாசல்படியை கூட மிதித்தது இல்லை. அவளுக்கு ஸ்பெக்ட்ரம் பற்றி ஒன்றும் தெரியாது. ஒருமுறைகூட ஆ.ராசாவின் அலுவலகத்திற்கு சென்றதில்லை என்றார்.

எம்.ஜி.ஆர் கொலை முயற்சி வழக்கு

S.P. சொக்கலிங்கம்www.tamilpaper.net
1967ம் ஆண்டு பொதுத் தேர்தல் அறிவிக்கப்பட்டிருந்த நேரம். எம்.ஜி.ஆர் தொண்டையில் குண்டடிப்பட்டு, ராயப்பேட்டை மருத்துவமனைக்கு சிகிச்சைக்காக ஸ்ட்ரெச்சரில் வைத்து கொண்டு வரப்பட்டார். சிறிது நேரத்துக்கெல்லாம் எம்.ஆர். ராதாவும் ராயப்பேட்டை மருத்துவமனைக்கு நெற்றிப்பொட்டிலும், கழுத்திலும் குண்டடிப்பட்டு ஸ்ட்ரெச்சரில் வைத்து கொண்டு வரப்பட்டார். இருவருடைய ஸ்ட்ரெச்சர்களுக்கும் இடையே ஒரு மீட்டர் இடைவெளி தான். குண்டடிப்பட்ட இருவரிடமும் எந்த சலனமும் இல்லை.
இருவருக்கும் சிகிச்சை அளிக்கப்பட்டது. எம்.ஜி.ஆரிடம் விசாரித்ததில், திரைப்பட நடிகர் எம்.ஆர்.ராதா தன்னை காதருகே சுட்டதாகத் தெரிவித்தார். குண்டு எம்.ஜி.ஆரின் காதை உரசிக்கொண்டு அவரது தொண்டையில் போய் பாய்ந்தது. எம்.ஆர். ராதா அங்கு தனக்கு சிகிச்சை அளித்துக்கொண்டிருந்த மருத்துவர்களிடம், “நான்தான் எம்.ஜி.ஆரை சுட்டேன்” என்று தெரிவித்தார். காவல்துறைக்கு தனது வாக்குமூலத்தை அளித்துவிட்டேன் என்றார்.
செய்தி கேட்டு, எம்.ஜி.ஆரைக் காண மருத்துமனையில் கூட்டம் திரண்டது. சுமார் 50,000 பேர் மருத்துவமனையில் கூடிவிட்டதாக ஒரு செய்தி உண்டு. எம்.ஆர்.ராதா ஆதரவாளர்களும், அவருடைய நலனை விசாரிக்க மருத்துவமனைக்கு வந்தனர். சினிமாக்காரர்கள், அரசியல் தலைவர்கள் என பலரும் குழுமினர். திமுகவின் அண்ணாதுரை, கருணாநிதி, நடிகர் அசோகன் என்று அனைவரும் எம்.ஜி.ஆருக்கு சிகிச்சை நடந்த ஆபரேஷன் தியேட்டரின் வாசலில் நின்று கொண்டிருந்தார்கள்.
எம்.ஜி.ஆரும் எம்.ஆர்.ராதாவும் குண்டடிப்பட்டு மருத்துவமனைக்கு அழைத்து வரப்பட்டபோது, ஏதோ சினிமா படப்பிடிப்பின் போது ஏற்பட்ட விபத்து என்றுதான் அனைவரும் நினைத்தனர். ஆனால் நடந்தது ஒரு விபத்தல்ல. பெற்றால்தான் பிள்ளையா என்ற படத்தின் படப்பிடிப்பை முடித்துவிட்டு எம்.ஜி.ஆர், தி.மு.கவுக்காக தேர்தல் பிரச்சாரம் மேற்கொண்டார். அவரும் சட்டமன்றத் தேர்தலில் பரங்கிமலைத் தொகுதியில் போட்டியிட்டார்.
அப்போது எம்.ஜி.ஆரைச் சந்திக்க அவரது ராமாபுரம் இல்லத்துக்கு எம்.ஆர். ராதாவும், பெற்றால்தான் பிள்ளையா என்ற படத்தைத் தயாரித்த தயாரிப்பாளர் கே.கே.என்.வாசுவும் சென்றிருக்கிறார்கள்.
எம்.ஜி.ஆரை, எம்.ஆர். ராதா சந்தித்தற்கான காரணம் என்ன என்பதை ஊடகங்கள் பின்வருமாறு தெரிவித்தன. ‘பெற்றால்தான் பிள்ளையா படத்தைத் தயாரிக்க, தயாரிப்பாளர் வாசுவுக்கு ஒரு லட்சம் ரூபாய் பணம் தேவைப்பட்டது. அதை எம்.ஆர்.ராதா, வாசுவுக்கு கொடுத்து உதவினார். பின்னர் தனக்கு அந்தப் பணம் வேண்டுமென்று ராதா வாசுவிடம் கேட்டார். படப்பிடிப்பு முடிந்து படம் வெளியில் வரட்டும், அந்த பணத்தை எம்.ஆர்.ராதாவுக்குத் தருகிறேன் என்று கூறியிருந்தார் எம்.ஜி.ஆர். பெற்றால்தான் பிள்ளையா படம் திரையிடப்பட்டு பிரமாதமாக ஓடிக்கொண்டிருந்தது. எம்.ஆர்.ராதா தன்னுடைய பணத்தை வாங்க வாசுவுடன் எம்.ஜி.ஆர் வீட்டிற்கு சென்றிருக்கிறார். எம்.ஜி.ஆருக்கும், எம்.ஆர்.ராதாவிற்கும் வாக்கு வாதம் ஏற்பட்டது. இதில் கோபம் அடைந்த எம்.ஆர்.ராதா, எம்.ஜி.ஆரை துப்பாக்கியினால் சுட்டார். பின்னர் தன்னைத்தானே சுட்டுக்கொண்டார்.’

கேரள மசாலா கம்பெனியில் துன்புறுத்தப்படும் தமிழர்கள்

நெல்லை ஜன,6 - கேரளாவில் உள்ள ஒரு மசாலா கம்பெனியில் தமிழர்கள் அடைத்து வைக்கப்பட்டு துன்புறுத்தப்படுவதாகவும் அவர்களை மீட்க நடவடிக்கை எடுக்கவேண்டும் என்றும் அங்கிருந்து தப்பி வந்த நெல்லை மாவட்ட தொழிலாளர்கள் கலெக்டரிடம் மனுக்கொடுத்தனர். நெல்லை மாவட்டம் சங்கரன்கோவில், ஆலங்குளம்,குருவிகுளம் உள்ளிட்ட பகுதியை சேர்ந்த வாலிபர்கள் 15க்கும் மேற்பட்டவர்கள் கடந்த 7 ஆண்டுகளாக கேரள மாநிலம் எர்ணாகுளத்தில் உள்ள மசாலா கம்பெனி ஒன்றில் பணியாற்றி வருகின்றனர்.

தயாநிதி மீது நடவடிக்கை எடுக்காதது ஏன்? சிபிஐக்கு உச்ச நீதிமன்றம் நோட்டீஸ்

புது தில்லி, ஜன. 5: 2ஜி அலைக்கற்றை ஒதுக்கீடு விவகாரத்தில் முன்னாள் மத்திய அமைச்சர் தயாநிதி மாறனுக்கு எதிராக முதல் தகவல் அறிக்கை (எஃப்ஐஆர்) பதிவு செய்யப்பட்ட பிறகும் எந்த நடவடிக்கையும் எடுக்கப்படவில்லை என்கிற குற்றச்சாட்டு குறித்து விளக்கமளிக்குமாறு கேட்டு சிபிஐக்கு உச்ச நீதிமன்றம் வியாழக்கிழமை நோட்டீஸ் அனுப்பியது.  எஸ்ஸார் டெலி ஹோல்டிங்ஸ், லூப் டெலிகாம் ஆகிய நிறுவனங்களிடம் மென்மையாக நடந்து கொள்வதாக கூறப்படும் குற்றச்சாட்டு குறித்து விளக்கமளிக்க வேண்டும் என்றும் சிபிஐ மற்றும் அமலாக்கப் பிரிவுக்கு உச்ச நீதிமன்றம் உத்தரவிட்டிருக்கிறது.  சிபிஐ இயக்குநர் மற்றும் சட்ட அமைச்சர் சல்மான் குர்ஷித் ஆகியோரின் தலையீட்டின் காரணமாக எஸ்ஸôர் டெலி ஹோல்டிங்ஸ், லூப் டெலிகாம் ஆகிய நிறுவனங்களுக்கு எதிராக ஊழல் தடுப்புச் சட்டத்தின் கீழ் குற்றம்சாட்டப்படவில்லை என்று கூறி தன்னார்வ அமைப்பு மனு தாக்கல் செய்திருந்தது.  

24 மணி நேரம் இடைவிடாமல் ஒளிபரப்பு விளம்பர குறுக்கீடு இல்லாமல் 4 ஆக்ஷன் மூவி சேனல்கள்

சென்னை : தமிழ், தெலுங்கு, மலையாளம் மற்றும் கன்னட மொழியில் 24 மணி நேர ஆக்ஷன் மூவி சேனல்களை சன் டி.வி. நெட்வொர்க் நிறுவனம் தொடங்கியுள்ளது.
பிரபல தொலைக்காட்சி நிறுவனமான சன் டி.வி. நெட்வொர்க் நிறுவனம், புதிதாக 4 ஆக்ஷன் மூவி சேனல்களை நேற்று முன் தினம் தொடங்கியுள்ளது. ‘சன் ஆக்ஷன்’ என்ற பெயரில் தமிழிலும், ‘ஜெமினி ஆக்ஷன்’ என்ற பெயரில் தெலுங்கிலும், ‘சூரியன் டி.வி’ என்ற பெயரில் கன்னடத்திலும், ‘சூர்யா ஆக்ஷன்’ என்ற பெயரில் மலையாளத்திலும் துவங்கப்பட்டுள்ள இந்த சேனல்கள் 24 மணி நேர சேனல்கள். விளம்பர இடையூறு இல்லாத இந்த மூவி சேனல்கள், கட்டண சேனல்களாக அறிவிக்கப்பட்டுள்ளது.

31 லட்சம் பேர் புதிதாக சேர்ப்பு தமிழகத்தில் 5.4 கோடி வாக்காளர்

  சென்னை : தமிழகத்தில் வாக்காளர் பட்டியலில்  மொத்தம் 5.4 கோடி பேர் இடம் பெற்றுள்ளனர். 31 லட்சம் பேர் புதிதாக சேர்க்கப்பட்டுள்ளனர்.  தமிழகம் முழுவதும் ஜனவரி 1ம் தேதியை அடிப்படையாக கொண்டு, 18 வயது நிரம்பிய புதிய வாக்காளர்கள் சேர்க்கப்பட்டனர். இதற்கான வரைவு வாக்காளர் பட்டியல் கடந்த அக்டோபர் 24ம் தேதி வெளியிடப்பட்டது. அப்பட்டியலில் பெயர், திருத்தம், முகவரி மாற்றத்துக்காக நவம்பர் 11ம் தேதி வரை காலக்கெடு நிர்ணயிக்கப்பட்டது. இதற்காக தமிழகம் முழுவதும் 50 ஆயிரத்துக்கும் அதிகமான இடங்களில் சிறப்பு முகாம்கள் நடத்தப்பட்டன.

நன்றி கூறுவோம் ஜிடி நாயுடுக்கு!கோவையில் பஸ் அறிமுகமாகி 90 ஆண்டுகள்

கோவை: தென்னிந்தியாவின் மான்செஸ்டர் என அழைக்கப்படும் கோவை மாநகரில் பேருந்து போக்குவரத்து தொடங்கி 90 ஆண்டுகள் நிறைவடைந்துள்ளன.
அரசுப் பேருந்தில் செல்லவே அச்சமடைந்துள்ள இன்றைய காலகட்டத்தில் நாடு சுதந்திரம் அடைவதற்கு முன்னதாகவே பேருந்துகளை இயக்கி அனைவரையும் அதிசயிக்கச் செய்தவர் தமிழ்நாட்டின் அறிவியல் மேதை ஜி.டி நாயுடு.
அவரது நினைவு நாள் நேற்று அனுசரிக்கப்பட்டது. இந்த நேரத்தில் ஜி டி நாயுடு கோவையில் முதல் முறையாக அறிமுகப்படுத்திய பஸ் குறித்த சுவாரஸ்யத் தகவல்களைத் தெரிந்து கொள்வோம்.
அமர்ந்த இடத்தில் இருந்து கொண்டே டிக்கெட் கேட்கும் நடத்துநர். தானியங்கி கதவுகள் இருந்தும மூடாத பரிதாபம், சைட் ஜன்னல்கள் போக காலுக்குக் கீழேயும் ஏகப்பட்ட ஓட்டைகளுடன் இருக்கும் பஸ், பொத்துக்கிட்டு ஊத்துதடி வானம் என்று பாட்டுப் பாடாத குறையாக ஓட்டையான மேற்கூரையுடன் மழைக்காலத்தில் பயணிகளை நனைத்தபடி ஓடும் பல பஸ்கள் என்பதுதான் இன்றைய அரசு மற்றும் தனியார் பேருந்துகளின் நிலைஆனால் நாடு சுதந்திரம் அடைவதற்கு முன்னதாகவே தானியங்கி டிக்கெட், ரேடியேட்டர் அதிர்வு கருவி, பேருந்து வழித்தட கருவி என அதிசய இயந்திரங்களை கண்டறிந்து மாடர்னாக பஸ்ஸை அறிமுகப்படுத்தி பெருமை சேர்த்தவர் கோவையை சேர்ந்த அறிவியல் மாமேதை ஜி.டி. நாயுடு.

சுப்பிரமணிய சாமி.. ப.சிதம்பரம் !சிபிஐ நீதிமன்றத்தில்..(சனிக்கிழமை

டெல்லி: ஸ்பெக்ட்ரம் ஊழல் வழக்கில் மத்திய அமைச்சர் ப.சிதம்பரத்துக்கு எதிரான முக்கிய ஆவணங்களுக்கு மத்திய அரசின் சான்றிதழைப் பெற்றுள்ளார் ஜனதா கட்சித் தலைவர் சுப்பிரமணிய சாமி. இந்த ஆவணங்களை வரும் சனிக்கிழமை அவர் சிபிஐ நீதிமன்றத்துக்கு தாக்கல் செய்யவுள்ளார். இதையடுத்து இந்த விவகாரத்தில் ப.சிதம்பரத்துக்கு பெரும் சிக்கல் உருவாகும் என்று எதிர்பார்க்கப்படுகிறது.
2ஜி ஸ்பெக்ட்ரம் ஊழல் வழக்கு விசாரணை டெல்லி பாட்டியாலா ஹவுசில் உள்ள சிபிஐ சிறப்பு நீதிமன்றத்தில் நீதிபதி ஓ.பி.சைனி முன்னிலையில் நடந்து வருகிறது. தற்போது இந்த வழக்கின் முக்கிய சாட்சியான ஆசீர்வாதம் ஆச்சாரியிடம் குறுக்கு விசாரணை நடந்து வருகிறது. முன்னாள் மத்திய தொலைத் தொடர்புத்துறை அமைச்சர் ஆ.ராசாவிடம் செயலாளராக பணியாற்றிய இவரை சிபிஐ தனது தரப்பு சாட்சியாக சேர்த்துள்ளது. ஆனால், இவர் சிபிஐ உருவாக்கிய பொய் சாட்சி என ராசா கூறி வருகிறார்.

புல் மப்பில்' விமானம் ஓட்ட வந்த பைலட்; 3 பணிப் பெண்களும் பிடிபட்டனர்

மும்பை: மும்பையில் புத்தாண்டு தினத்தன்று குடித்துவிட்டு விமானத்தை இயக்க வந்த கோ-பைலட்டும், 3 விமான பணிப் பெண்களும் கையும் களவுமாக பிடிபட்டனர். இதையடுத்து அவர்களை தாற்காலிகமாக பணியிடை நீக்கம் செய்துள்ளது மத்திய விமானப் போக்குவரத்துத்துறையின் டைரக்டர் ஜெனரல் அலுவலகம்.
குடித்துவிட்டு வந்த பைலட் இன்டிகோ விமான நிறுவனத்தைச் சேர்ந்தவர். 3 பணிப் பெண்களும் ஜெட்லைட், கிங்பிஷர், இன்டிகோ ஏர்லைன்ஸ் நிறுவனங்களைச் சேர்ந்தவர்கள்.

வாங்கிய பணத்தை திருப்பி கொடுங்கள்” சசிகலா குடும்பத்துக்கு நெருக்கடி!

viruvirupu.com

சசிகலா குடும்பத்தாரிடம் பணம் கொடுத்தவர்கள், கொடுத்ததைத் திருப்பி கேட்க ஆரம்பித்திருக்கிறார்கள்.
“கட்சியில் பதவி வேண்டுமா? இவ்வளவு வெட்டுங்கள்.. ஆட்சியில் காரியம் ஆக வேண்டுமா? சற்று அதிகமாகக் கொட்டுங்கள்” என்று விலைப் பட்டியல் போடாத குறையாக நடைபெற்ற வசூல் அது. அதுவும் இவர்களிடம் நேரடியாகப் பணம் கொடுத்தவர்கள் யாருமே சில லட்சங்களுக்கு குறைவாகக் கொடுத்ததில்லை. அநேக டீலிங்குகள் கோடிகளில்தான். அவ்வளவு பணத்தைக் கொட்டிக் கொடுத்தவர்கள் சும்மா விடுவார்களா?
பிய்த்து எடுக்கத் தொடங்கி விட்டார்கள்.
இங்குள்ள மற்றொரு சிக்கல், பணம் கொடுத்தவர்களில் சில வில்லங்க பார்ட்டிகளும் உண்டு, போலீஸ் பார்ட்டிகளும் உண்டு, வேறு கட்சிக்காரர்களும் உண்டு, சென்ட்ரலில் செல்வாக்கு உள்ளவர்களும் உண்டு!
முன்பு நடைமுறை வேறு விதமாக இருந்தது. “பணத்தைக் கொடுத்தமா, காரியமாகும் வரை கம்மென்று இருந்தமா” என்று அனைவரும் காத்திருந்தார்கள். காரணம், சின்டிகேட்டுக்கு இருந்த காவல்துறை கனெக்ஷன் அப்படி! கொடுத்த பணத்தைக் கேட்கப் போனால் தேவையில்லாத வில்லங்கங்கள் வந்து சேரும் என்று கொடுத்தவர்களுக்கு நன்றாகவே தெரியும்!

ஆளே இல்லாத பள்ளிகளுக்கு மாணவர்களை வாடகைக்கு விடும் குழந்தை காப்பகங்கள்!

நெல்லை மாவட்டதில் மாணவர்களே இல்லாமல் திண்டாடும் பள்ளிகளில் ஆள் பலத்தைக் காட்டுதவற்காக காப்பகங்களிலிருந்து மாணவர்களை அந்தப் பள்ளிகளுக்கு வாடகைக்கு விடுவதாக அதிர்ச்சித் தகவல் வெளியாகியுள்ளது.
நெல்லை அருகே இட்டெரியில் சிறுவர்கள் குளத்தில் மூழ்கி பலியான சம்பவத்தின் பின்னனி குறித்து போலீசார் விசாரணை நடத்தி வருகின்றனர். இதில் திடுக்கிடும் தகவல்கள் கிடைத்துள்ளன.
இந்த மாவட்டத்தில் செயல்படும் பல தொண்டுநிறுவனங்களின் காப்பகங்களில் தங்கியுள்ள மாணவர்களை, மாணவர்கள் பலம் இல்லாத பள்ளிகளுக்கு வாடகைக்கு விடுகிறார்களாம்.

சசிகலா நீக்கம் : மன்னார்குடிக்குப் பதிலாக மயிலாப்பூர் கும்பல் !

www.vinavu.com

மன்னார்குடி கும்பலோ பொறுக்கித் தின்பதற்கு மட்டும்தான் அதிகாரத்தைப் பயன்படுத்தியது. ஆனால், பார்ப்பனக் கும்பலின் அதிகாரம், தமிழகத்தில் கடுமையான விளைவுகளை ஏற்படுத்தும்.

கடந்த டிசம்பர் 19ஆம் தேதியன்று தனது நெருங்கிய தோழியும் அ.தி.மு.க.வின் தலைமைச் செயற்குழு உறுப்பினருமான சசிகலா மற்றும் அவரது உறவினர்களைக் கட்சியிலிருந்து நீக்கியுள்ளதாகவும், இவர்களுடன் கட்சிக்காரர்கள் எவ்விதத் தொடர்பும் வைத்துக் கொள்ளக் கூடாது என்றும் அறிவித்துள்ள தமிழக முதல்வரும் அ.தி.மு.க. தலைவியுமான ஜெயலலிதா, சசிகலாவை போயஸ் தோட்டத்திலிருந்தும் வெளியேற்றியுள்ளார். மன்னார்குடி மாஃபியா என்று அழைக்கப்பட்ட சசிகலா கும்பலின் விசுவாச அதிகாரிகள் இடமாற்றம் செய்யப்பட்டுள்ளனர்.
யாருடைய தலையீடும் இல்லாத, நிர்வாகத் திறன்மிக்க ஆட்சியை ஜெயலலிதா தருவார் என்று பார்ப்பன ஊடகங்கள் உருவாக்கிய பிம்பம் கடந்த ஆறு மாதங்களுக்குள்  உடைந்து நொறுங்கிவிட்டது. ஜெயாவின் ஆட்சி மக்களிடம் அதிருப்தியை ஏற்படுத்தி, எதையும் உருப்படியாகச் சாதிக்க முடியாமல்  சீர்கேடைந்துள்ளது என இந்தியா டுடே போன்ற ஊடகங்களே குறிப்பிடுகின்றன. ஜெயா ஆட்சியில் சசிகலா கும்பலின் ஆதிக்கத்தை மூடிமறைத்தும், கருணாநிதியின் குடும்ப ஆட்சியைச் சாடியும் நேற்றுவரை பிரச்சாரம் செய்துவந்த பார்ப்பனப் பத்திரிகைகள், இப்போது  சசிகலா கும்பல் வெளியேற்றப்பட்டதும்,  ஜெயா ஆட்சியில் சசிகலா கும்பலின்  தலையீடு காரணமாகவே ஊழல்கொள்ளை, நிர்வாகச் சீர்கேடுகள் பெருகியதாகவும், ஜெயாவுக்கு எதுவுமே தெரியாது என்பது போலவும், ஊரறிந்த ஊழல் பெருச்சாளியை உத்தமராகக் காட்டி ஒளிவட்டம் போடுகின்றன.

Anna ஹசாரே உண்ணாவிரதம் பரோட்டா முதல் பரதநாட்டியப் போர் வரை!

வினவு

டெம்போக்களில் வந்து இறங்கிய பிரெட் பக்கோடா, கச்சோரி, சமோசா, ஆலூ பூரி, பரோட்டா, ரசகுல்லா, தேநீர், பிஸ்கட்டுகள், அரை டசன் வகையான நொறுக்குத் தீனிகள் என்று எது வேண்டுமானாலும் வாங்கித் தின்னும் வாய்ப்பு ஆதரவாளர்களுக்கு அளிக்கப்பட்டது.

நாடாளுமன்றம் லேட்நைட் ஷெட்யூல் போட்டுக் கொண்டு லோக்பால் மசோதாவை நிறைவேற்ற, தில்லியின் குளிர் தாங்காத பயத்தில் மும்பைக்கு முகாம் மாற்றிக் கொண்டு 11 லட்ச ரூபாய் வாடகையில் உண்ணாவிரத மைதானம் ஏற்பாடு செய்து போராட்டத்தைத் தொடங்கிய கையோடு முடித்துள்ள அண்ணா ஹசாரே அலையின் தெறிப்புகள் நாடெங்கும் சிதறியிருக்கின்றன. அவை பற்றிய பல்வேறு நாளிதழ்களில் வெளிவந்துள்ள சில தகவல்களை தொகுத்து வழங்குகிறோம். இவை எதுவும் எமது கற்பனை அல்ல.
1. முதலில் ஆகஸ்டில் நடந்த உண்ணாவிரதம் – சீசன் 2ல் ‘ஆதரவாளர்களுக்கு விருந்துச் சாப்பாடு’ என்ற செய்தி

கேரளா கம்யுனிஸ்டுகளின் தமிழ் துவேஷம்

முல்லைப் பெரியாறு: ‘தேசிய’க் கட்சிகளின் துரோகம்!

இந்திய தேசியம் என்ற பொய்மைத் தோற்றம் உருப்பெறத் தொடங்கிய காலத்தில்தான் முல்லைப் பெரியாறு அணையும் கட்டப்பட்டது. பலவீனமடைந்துவிட்டதாகவும், உடையப்போகிறதென்றும் பொய்ப்பிரச்சாரமும் பீதியும் கிளப்பப்பட்ட போதிலும் அணை அசையாமல் நிற்கிறது; இந்திய தேசியமோ ஆடிக் கொண்டிருக்கிறது. முல்லைப் பெரியாறு அணையைத் தகர்ப்பதற்கு முன்நிற்கிறார்கள் இந்திய தேசியவாதிகள்.


நியாயமான மாநில உரிமைக்காகவும் தேசிய இன உரிமைக்காகவும் நடத்தப்படும் போராட்டங்களை பிரிவினைவாத முத்திரை குத்தி ஒடுக்குவதுதான் இந்திய தேசியத்தையும்  ஒருமைப்பாட்டையும் பாதுகாக்கும் வழி என்பது பாரதீய ஜனதா, காங்கிரசு மற்றும் போலி கம்யூனிஸ்டு கட்சிகளின் கொள்கை. என்றபோதிலும்,  நதிநீர்ப் பங்கீடு மற்றும் எல்லைப் பிரச்சினைகள் போன்ற மாநிலங்களுக்கிடையிலான  தகராறுகளில் நியாயஅநியாயங்களைப் பரிசீலித்து, இவர்கள் நிலைப்பாடு எடுப்பதில்லை. மாறாக, ஓட்டுப் பொறுக்குவதற்காக மாநிலவெறி, இனவெறியைத் தூண்டுவதுதான் இந்தத் தேசியக் கட்சிகளுடைய மாநிலப் பிரிவுகளின் நடைமுறையாக இருந்து வருகிறது.
இக்கட்சிகளின் அனைத்திந்தியத் தலைமைகள், பிராந்திய நலன்களைக் கைவிட்டுச் சுமுகமாகப் பிரச்சினைகளைப் பேசித் தீர்த்துக் கொள்ள வேண்டும் என்று பொதுவில் உபதேசிக்கின்றன. அதேநேரத்தில்,  சம்பந்தப்பட்ட இரு மாநிலங்களிலும் ஓட்டுப் பொறுக்கும் நோக்கில் இரு மாநிலப் பிரிவுகளையும் தனித்தனியே தூண்டிவிடுகின்றன. முல்லைப் பெரியாறு பிரச்சினையில் தேசியக் கட்சிகளின் நிலைப்பாடுகள், அவர்களிடம் நிலவும் தமிழக விரோதப் போக்கை மட்டுமின்றி, அவர்களால் விதந்தோதப்படும் தேசிய ஒருமைப்பாட்டுக்கு எதிரான  சந்தர்ப்பவாதத்தையும் மிகத் தெளிவாக அம்பலப்படுத்தியிருக்கின்றன.

பொக்கிஷங்களை தேச நலனுக்கு செலவிட கோரி சுப்ரீம் கோர்ட்டில் மனு

புதுடில்லி: பத்மநாபசுவாமி கோவில் பாதாள அறைகளில் பாதுகாக்கப்பட்டு வரும் பொக்கிஷங்களை, தேச நலனுக்குப் பயன்படுத்த உத்தரவிடவேண்டும் எனக் கோரி, சுப்ரீம் கோர்ட்டில் மனு தாக்கல் செய்யப்பட்டுள்ளது. கோவிலை அரசு ஏற்று நடத்த, கேரள ஐகோர்ட் பிறப்பித்த உத்தரவை எதிர்த்து தாக்கல் செய்யப்பட்ட மனு, இன்று சுப்ரீம் கோர்ட்டில் விசாரணைக்கு வருகிறது.
கேரள தலைநகர் திருவனந்தபுரத்தில் உள்ள பத்மநாபசுவாமி கோவில் பாதாள அறைகளில் பல நூற்றாண்டுகளாக பல கோடி ரூபாய் மதிப்புள்ள பொக்கிஷங்கள் பாதுகாக்கப்பட்டு வருகிறது. இப்பொக்கிஷங்களை தேச நலனுக்குப் பயன்படுத்தவேண்டும் என கொச்சியைச் சேர்ந்த ஜேக்கப் மாப்பிளசேரி என்பவர் சுப்ரீம் கோர்ட்டில் மனு தாக்கல் செய்துள்ளார். அம்மனுவில், "கோவிலில் பொக்கிஷங்களை பாதுகாத்து வரும் அதே நேரத்தில், அவற்றை லாபகரமான வகையில், தேச நலனுக்கு பயன்படுத்த மத்திய அரசுக்கும், ரிசர்வ் வங்கிக்கும் உத்தரவிடவேண்டும்.

சேது சமுத்திரம்: நிபுணர் அறிக்கை கேட்கிறது சுப்ரீம் கோர்ட்

புதுடில்லி: சேது சமுத்திரத்திட்டத்தை மாற்று வழியில் செயல்படுத்துவது தொடர்பாக, பிரதமர் நியமித்த நிபுணர் குழுவின் அறிக்கையை தாக்கல் செய்யும் படி, மத்திய அரசுக்கு சுப்ரீம் கோர்ட் உத்தரவிட்டுள்ளது.

பத்மநாப சுவாமி கோயில் வழக்கு : கேரள அரசிற்கு உச்சநீதிமன்றம் கண்டனம்!

திருவனந்தபும்: திருவனந்தபுரம் பத்மநாப சுவாமி கோயில் தொடர்பான வழக்கில் நீதிமன்ற உத்தரவுகளை அமல்படுத்தாத கேரள அரசுக்கும் கோயில் நிர்வாகத்திற்கும் உச்சநீதிமன்றம் கண்டனம் தெரிவித்துள்ளது. பத்மநாப சுவாமி கோயிலில் கிடைத்த பொக்கிஷங்களை மதிப்பீடு செய்ய உச்சநீதிமன்றத்தால் அமைக்கப்பட்ட உயர்மட்ட குழுவிற்கு உரிய நிதி ஒதுக்க வேண்டும், பாதாள அறைகளை சுற்றி பாதுகாப்பு சுவர் அமைக்க வேண்டும் என்று உச்சநீதிமன்றம் உத்தரவிட்டிருந்தது.
இந்நிலையில், இன்று நடைபெற்ற இந்த வழக்கின் விசாரணையின் போது, உச்சநீதிமன்றத்தின் உத்தரவை பின்பற்றாத கேரள அரசுக்கு நீதிபதிகள் ஆர்.எம். லோத்தா, ஈ. கே. பட்நாயக் ஆகியோர் கண்டனம் தெரிவித்தனர்.

Afghanistan விபச்சாரத்திற்கு ஒத்துழைக்காத புதுமணப்பெண்ணுக்கு நேர்ந்த பயங்கரம்

காபூல்: விபச்சாரத்திற்கு இணங்க மறுத்த 15 வயது புதுமணப் பெண்ணை கடந்த 5 மாதங்களாக கழிவறைக்குள் அடைத்து வைத்து கொடுமைப்படு்ததிய அவரது மாமனார், மாமியார் மற்றும் நாத்தனார் ஆகியோர் கைது செய்யப்பட்டுள்ளனர்.
ஆப்கானிஸ்தானின் பதக்ஷான் மாகாணத்தைச் சேர்ந்தவர் சாஹர் குல்(15). அவருக்கும் பக்லான் மாகாணத்தைச் சேர்ந்த குலாம் சாகி(30) என்னும் ராணுவ வீரருக்கும் கடந்த 7 மாதங்களுக்கு முன்பு திருமணம் நடந்தது. புதுமணப் பெண்ணை குலாம் வீட்டார் விபச்சாரத்தில் ஈடுபடுத்தி பணம் சம்பாதிக்க நினைத்தனர். இதனால் குல்லை விபச்சாரத்தில் ஈடுபடுமாறு வற்புறுத்தினர். ஆனால் அவர் மறுத்துவிட்டார்.
இதையடுத்து அவர்கள் குல்லை சிகரட்டால் சுட்டும், உருட்டுக் கட்டையால் அடித்தும், கை நகங்களைப் பிய்த்தும், முடியைப் பிடித்து இழுத்தும் கொடுமைப்படுத்தி வந்துள்ளனர். குல்லை வீட்டின் கீழ்தளத்தில் உள்ள கழிவறையில் கடந்த 5 மாதங்களாக அடைத்து வைத்து அவருக்கு போதிய உணவு கூட கொடுக்காமல் பாடாய் படுத்தியுள்ளனர்.

டாக்டர் சேதுலட்சுமி படுகொலை மருத்துவர்கள் பணம் பறிப்பவர்களா?

அந்தப் பெண்ணின் மரணம்; "பணம் கொண்டு வந்து தரும்வரை மனைவியை பெரிய மருத்துவமனைக்குக் கொண்டு செல்லவில்லை' என்று கொலைக்குற்றவாளி சொல்லும் குற்றச்சாட்டு என அனைத்து விவகாரங்களும் சுபம் கிளீனிக்குடன் தொடர்புடையவைதூத்துக்குடி டாக்டர் சேதுலட்சுமி படுகொலை செய்யப்பட்டதைக் கண்டித்து அரசு மருத்துவர்கள் அனைவரும் ஒரு நாள் வேலைநிறுத்தம் செய்தனர். சக மருத்துவர் படுகொலையில், அனைவரும் வேதனைப்படுவதைப் புரிந்துகொள்ள முடிகிறது. ஆனால், ஒரு கிளீனிக்கில் நடந்த சம்பவத்தை ஏன் அரசு மருத்துவமனையோடு முடிச்சுப் போட வேண்டும்?  டாக்டர் சேதுலட்சுமி இஎஸ்ஐ மருத்துவமனையின் தலைமை மருத்துவர். ஆனால், அரசு மருத்துவரின் சிகிச்சையில் குறை கூறியோ அல்லது அரசு மருத்துவமனை வளாகத்திலோ இந்தக் கொலை நடந்திருக்கவில்லை. அவர் தனியாக நடத்தி வரும் சுபம் கிளீனிக்கில் நடந்த சம்பவம் இது.  ஒரு கர்ப்பிணிப் பெண்ணுக்கு நடத்திய அறுவைச் சிகிச்சை; அதன்பின் நேர்ந்த சிக்கல்; அந்தப் பெண்ணின் மரணம்; "பணம் கொண்டு வந்து தரும்வரை மனைவியை பெரிய மருத்துவமனைக்குக் கொண்டு செல்லவில்லை' என்று கொலைக்குற்றவாளி சொல்லும் குற்றச்சாட்டு என அனைத்து விவகாரங்களும் சுபம் கிளீனிக்குடன் தொடர்புடையவை.  மேலும், மனைவியின் மரணத்துக்குக் காரணமான டாக்டரைக் கொலை செய்வதாக கொலையாளி மிரட்டிச் சென்றுள்ளார். அது குறித்து காவல்நிலையத்தில் டாக்டரே புகார் கொடுத்துள்ளார். கொலை மிரட்டல் விடுத்தவரை காவல்துறை கைது செய்திருக்கலாம் அல்லது சமரசம் பேசியிருக்கலாம். மருத்துவ உலகம் முதலில் கண்டிக்க வேண்டியது காவல்துறையைத்தான்.  இவை எல்லாவற்றையும் மறந்துவிட்டு, இறந்துபோன சேதுலட்சுமி இஎஸ்ஐ மருத்துவமனை தலைமை டாக்டர் என்பதை மட்டுமே முன்னிலைப்படுத்தி, அனைத்து அரசு மருத்துவமனைகளையும் ஸ்தம்பிக்கச் செய்வது முறையானதுதானா?

புயல் நிவாரணம் நித்தியானந்தா பப்ளிசிட்டி ஸ்டன்ட்

புதுச்சேரி, கடலூரில் புயலால் பாதிக்கப்பட்ட இடங்களில், 96 லட்சம் ரூபாய் செலவில் நிவாரணப் பணிகள் மேற்கொள்ளப்பட உள்ளன,'' என நித்தியானந்தா தெரிவித்தார். இதுகுறித்து அவர் நேற்று நிருபர்களிடம் கூறியதாவது: "தானே' புயலால் புதுச்சேரி, கடலூர் பகுதி மக்கள் கடுமையாக பாதிக்கப்பட்டுள்ளனர். ஏம்பலத்தில் உள்ள நித்தியானந்தா பீடத்தில் இருந்து, பாதிக்கப்பட்ட பகுதிகளுக்கு நிவாரண உதவிகளை அளித்து வருகிறோம். கடந்த 3ம் தேதியிலிருந்து, ஒரு லட்சம் பேருக்கு உணவு வழங்கப்பட்டு வருகிறது. மேலும், ஒவ்வொரு நாளும் 25 ஆயிரம் பேருக்கு வேட்டி, சேலை, போர்வைகள் வழங்கப்படுகின்றன. தினந்தோறும் 40 ஆயிரம் பேருக்கு மருத்துவ சிகிச்சை அளிக்கப்படுகிறது.

நாயை விட கேவலமாக நடத்துகின்றனர்' : இந்தியர்கள் கதறல்: சீனா மறுப்பு

பீஜிங்: சீனாவின் இவு நகரில் உள்ள ஓட்டலில் தங்க வைக்கப்பட்டுள்ள இந்திய வர்த்தகர்கள் வெளியிட்டுள்ள செய்தியில், தங்களை சீனர்கள் நாயை விடக் கேவலமாக நடத்துவதாகவும், மத்திய அரசு காப்பாற்றா விட்டால் தற்கொலை செய்து கொள்ளப் போவதாகவும் கதறியுள்ளனர்.
சீனாவின் ஷீஜியாங் மாகாணத்தில் இவு நகரில் உள்ள ஓட்டலில் தற்போது தங்க வைக்கப்பட்டுள்ள இந்திய வர்த்தகர்கள் தீபக் ரஹேஜா மற்றும் ஷ்யாம் சுந்தர் அகர்வால் இருவரும், விரைவில் ஷாங்காய் நகருக்கு கொண்டு செல்லப்பட உள்ளதாக, மத்திய வெளியுறவு அமைச்சர் எஸ்.எம்.கிருஷ்ணா தெரிவித்துள்ளார்.

சிங்கப்பூர் அரசியல்வாதிகள் சம்பளம் பாதியாகக் குறைப்பு: அரசு அதிரடி

சிங்கப்பூர்: உலகிலேயே மிக அதிகளவு சம்பளம் வாங்கும் சிங்கப்பூர் அரசியல்வாதிகளின் சம்பளம், பாதியாகக் குறைக்கப்பட உள்ளது. அந்நிலையிலும் கூட அவர்கள் தான் உலகில் அதிகளவில் சம்பளம் வாங்கும் அரசியல்வாதிகளாக உள்ளனர். உலகிலேயே சிங்கப்பூர் அரசியல்வாதிகள் தான் மிக அதிகளவில் சம்பளம் வாங்குகின்றனர். அந்நாட்டு பிரதமர் லீ செயின் லூங், ஆண்டுக்கு 23 லட்சம் டாலர் சம்பளம் பெறுகிறார். அமெரிக்க அதிபர் ஒபாமா கூட ஆண்டுக்கு வெறும் 4 லட்சம் டாலர் மட்டும் தான் சம்பளம் வாங்குகிறார்.
இந்நிலையில், சிங்கப்பூர் அரசியல்வாதிகளின் சம்பளத்தைக் குறைப்பது குறித்து அரசு ஒரு குழுவை நியமித்தது. அக்குழு, பிரதமரின் சம்பளத்தில், 336 சதவீதம், அதிபருக்கு 51 சதவீதம், அமைச்சர்களுக்கு 37 சதவீதம் குறைக்கலாம் என பரிந்துரைத்துள்ளது. இக்குழுவின் பரிந்துரை, இம்மாதம் பார்லிமென்ட்டில் விவாதிக்கப்பட்டு நிறைவேற்றப்படும். இவ்வளவு குறைத்த பின்பும் கூட சிங்கப்பூர் பிரதமர் 17 லட்சம் டாலர் சம்பளம் வாங்குவார்.

Rajasthan .நர்ஸ் எரித்து கொலை முன்னாள் அமைச்சர் பின்னணியில்

ஜெய்ப்பூர்: ராஜஸ்தானில் காணாமல் போன நர்ஸ் பன்வாரி தேவி எரித்துக்கொலை செய்யப்பட்டிருக்கலாம் என்று தெரிகிறது. அவர் எரித்துக் கொல்லப்பட்ட இடத்தை சிபிஐ அதிகாரிகள் கண்டுபிடித்து விட்டதாகவும் தகவல்கள் வெளியாகியுள்ளன.
பன்வாரி தேவியின் உடல், ஒஸ்ஸியான் கிராமத்திற்கு அருகே எரிக்கப்பட்டதாக சிபிஐ அதிகாரிகள் தரப்பில் கூறப்படுகிறது. ராஜஸ்தான் மாநில முன்னாள் அமைச்சர் மஹிபார் மதர்னாவின் உத்தரவின் பேரிலேயே பன்வாரி தேவி கொலை செய்யப்பட்டு எரிக்கப்பட்டதாகவும் சிபிஐ தகவல்கள் தெரிவிக்கின்றனர்

இந்திய தயாரிப்பு போன்ற சீன போலி பொருளால் ரூ.26,500 கோடி இழப்பு

புதுடில்லி,ஜன.4-இந்தியாவின்பிரபல நிறுவனங்களின் தயாரிப் புகள் போன்று போலி யான பொருள்களை சீனா தயாரித்து சந்தை யில் விற்கிறது. அத னால், நம்நாட்டுக்கு ஆண்டிற்கு ரூ.26,500 கோடி வருவாய் இழப்பு ஏற்படுவதாக அதிகா ரிகள் தெரிவித்தனர்.

வேகமாக விற்பனை யாகும் பொருள்கள் உற்பத்தியில் (எப். எம்.சி.ஜி) தோல், ஹேர் ஆயில், டூத்பேஸ்ட் போன்றவற்றை டாபர் நிறுவனமும், சிகரெட், காகித பெட்டிகள், வேளாண் பொருள் களை அய்டிசியும் தயா ரிக்கின்றன. இப் பொருள்களுக்கு உள் நாடு, வெளிநாடுகளில் நல்ல வரவேற்பு உள்ளது. இதை சீனாவில் சில கும்பல் அவர்களுக்கு சாதகமாக பயன்படுத்தி போலியான பொருள் களை தயாரிக்கின்றனர். இந்தியாவில் தயாரானது போன்ற போலி முத்திரை களுடன் சட்ட விரோத மாக உலக நாடுகளுக்கு குறிப்பாக இந்தியா மற் றும் ஆப்ரிக்க நாடு களுக்கு அதிகம் ஏற்று மதி செய்கின்றனர். அத னால், நம்நாட்டுக்கு ஆண்டிற்கு ரூ.26,500 கோடி வருவாய் இழப்பு ஏற்படுகிறது.

நோக்கியா, அடி டாஸ், ரீபோக், நிவியா போன்ற பன்னாட்டு பொருள்களையும் போலியாக தயாரித்து சந்தையில் விற்கின்றனர். மேலும், மக்களுக்கு தீங்கு விளைவிக்கும் வகையில் போலியான மருந்து, மாத்திரைகளை தரமற்ற முறையில் தயாரித்து, குறைந்த விலைக்கு சந் தையில் விற்கின்றனர். இதுபோன்று சீனாவில் தயாரித்த போலி மருந் துகள் நைஜீரியா மற்றும் ஆப்ரிக்க நாடுகளில் அண்மையில் கைப் பற்றப்பட்டது என்று மத்திய கலால் மற்றும் சுங்கவரி வாரியத் தலை வர் (சிபிஇசி) எஸ்.கே. கோயல் தெரிவித்தார்.

இந்தியாவின் மிக பிரபலமான பொருள் களின் பெயரில், சீனா வில் போலியாக தயாரிக் கப்பட்ட பொருள்கள் டில்லியில் பல்வேறு பகுதிகளில் கைப்பற்றப் பட்டன.

இந்தி அன்னிய மொழியே! குஜராத் நீதிமன்றம் கருத்து!!

அகமதாபாத், ஜன 4- இந்தி அன்னிய மொழி தான். அந்த மொழியில் வெளியிட்ட அறிவிப்பை மாற்றி மாநில மொழி யில் வெளியிட வேண் டும் என்று தேசிய  நெடுஞ் சாலை ஆணையகத்திற்கு குஜராத் உயர்நீதி மன்றம் உத்தரவிட்டுள்ளது.

குஜராத்தில் ராஜ் காட் மற்றும் ஜூனா காட் ஆகிய பகுதிகளில் இருவழிப்பாதையாக இருந்த தேசிய நெடுஞ் சாலையை நான்கு வழிப் பாதையாக மாற்றுவதற் கான அறிவிப்பை கடந்த ஆண்டு தேசிய நெடுஞ் சாலை ஆணையகம் வெளியிட்டது.

சென்னை நகரில் பிளாஸ்டிக் தார்சாலை திட்டம்

சென்னை தியாகராயநகரில் ஜி.என்.செட்டி சாலை பகுதியில் உள்ள லட்சுமணன் சாலையில் பிளாஸ்டிக் கலந்த தார்சாலை அமைக்கும் பணியை சென்னை மாநகர மேயர் சைதை துரைசாமி இன்று துவக்கி வைத்தார்.
மதுரை தியாகராஜ கல்லூரி முதல்வர் வாசுதேவன் இந்த சாலைக்கான செயல் விளக்கம் அளித்தார். மாநகராட்சி ஆணையர் தேவிதார் மற்றும் பலர் கலந்துகொண்டனர். இந்த நிகழ்ச்சியில் மேயர் சைதை துரைசாமி பேசுகையில்,
சாலைகள் உறுதியுடன் விளங்க பிளாஸ்டிக் கலந்த தார்சாலை அமைக்கும் பணி நடைபெற்று வருகிறது. 9 டன் தாருடன் ஒரு டன் பிளாஸ்டிக் கலந்து இந்த தார்சாலை அமைக்கப்படுகிறது. இது உறுதியுடனும் தரமாகவும் இருக்கும். சென்னை நகரில் நாளொன்றுக்கு 160 டன் பிளாஸ்டிக் குப்பை கிடைக்கிறது.

விமானிகள் தூக்கம் : மும்பை விமானம் கோவா சென்றது!

மும்பை : 100 பயணிகளுடன் துபாயிலிருந்து மும்பைக்கு வந்து கொண்டிருந்த ஏர்-இந்தியா விமானத்தின் இரு விமானிகளும் தூங்கிவிட்டதால், விமானம் மும்பையைத் தாண்டி கோவா அருகே சென்ற அதிர்ச்சிகரமான சம்பவம் நடந்து 15 நாட்களுக்குப் பின்னர் தற்போது வெளியே கசிய ஆரம்பித்துள்ளது. கடந்த 15 நாட்களுக்கு முன்னர், துபாயிலிருந்து 100 பயணிகளுடன் மிசி 612 என்ற ஏர் இந்தியா விமானம் மும்பை கிளம்பியது. துபாய் நேரப்படி இரவு 1.35 மணிக்கு இந்த விமானம் கிளம்பி, இந்திய நேரப்படி காலை 7 மணிக்கு ஜெய்ப்பூரில் தரையிறங்கியது. பின்னர் ஜெய்ப்பூரிலிருந்து மும்பை கிளம்பியது. ஆனால், கிளம்பிய சிறிது நேரத்தில் ஆட்டோ பைலட்டை இயக்கிவிட்டு முதலில் ஒரு  விமானி தூக்கத்தில் ஆழ்ந்தார். இதைத் தொடர்ந்து துணை  விமானியும் தூங்கிவிட்டார். மும்பை விமான கட்டுப்பாட்டு நிலையம் ஷிணிலிசிகிலி முறையைப் பயன்படுத்தி விமானத்தைத் தொடர்பு கொண்டதும் காக்பிட்டிலுள்ள அலாரம் ஒலிக்க ஆரம்பித்தது. அதைக் கேட்டு திடுக்கிட்டு இரு விமானிகளும் விழித்துள்ளனர். இவ்வளவும் நடக்கும் முன்னர் விமானம் மும்பை வான்வெளியைத் தாண்டி கோவாவுக்குப் பாதி தூரம் வரை போய்விட்டது. இதையடுத்தபிரு விமானிகளும் விமானத்தை திருப்பி மும்பையில் தரையிறக்கினர்.

Nano வுக்கு போட்டியாக Bajaj குட்டிக் காரை அறிமுகப்படுத்தியுள்ளது

டாடா நிறுவனத்தின் நானோவுக்குப் போட்டியாக பஜாஜ் ஆட்டோ நிறுவனம் குட்டிக் காரை அறிமுகப்படுத்தியுள்ளது. ஆர்இ60 என்ற பெயரிலான இந்தக் கார் டெல்லியில் (03.01.2012) அறிமுகப்படுத்தப்பட்டது.
புதிய ரகக் கார் இந்த ஆண்டு இறுதியில் விற்பனைக்கு வரும் என்று நிறுவனத்தின் நிர்வாக இயக்குநர் ராஜீவ் பஜாஜ் தெரிவித்தார். ஆர்இ60 ரகக் காரில் 200 சிசி திறன் கொண்ட இன்ஜின் உள்ளது. இதில் மணிக்கு அதிகபட்சம் 70 கி.மீ. வேகத்தில் செல்ல முடியும். ஒரு லிட்டர் பெட்ரோலுக்கு 35 கி.மீ. தூரம் ஓடக்கூடியது என்று ராஜீவ் பஜாஜ் தெரிவித்தார்.

பெண்களை க‌ற்ப‌ழி‌த்த போலீசாரை இதுவரை கைது செய்யாதது ஏ‌ன்? த‌மிழக அரசு‌க்கு உயர் நீதிமன்றம் கேள்வி

இருளர் பெண்கள் பாலியல் பலாத்காரம் செய்யப்பட்ட வழக்கில் குற்றம்சா‌ற்ற‌ப்ப‌ட்ட 5 காவ‌ல‌ர்க‌ளை இதுவரை கைது செய்யாதது ஏன்? எ‌ன்று த‌மிழக அரசு‌க்கு ச‌ெ‌ன்னை உயர் நீதிமன்றம் கேள்வி எழுப்பியு‌ள்ளது.
கட‌ந்த நவம்பர் 22 ஆம் தேதி விழுப்புரம் மாவட்டம் திருக்கோவிலூருக்கு அருகில் உள்ள மண்டபம் கிராமத்தில், இருளர் சமூகத்தைச் சேர்ந்த லட்சுமி, கார்த்திகா, ராதிகா மாதேஸ்வரி ஆகிய நான்கு பெண்களை, காவல்துறையினர் விசாரணைக்கு என்று கூறி, வலுக்கட்டாயமாக இழுத்துச்சென்று பாலியல் பலாத்காரம் செய்தன‌ர்.

தனுஷ் - ஸ்ருதிஹாஸன் நெருக்கம் - கடும் கோபத்தில் ரஜினி குடும்பம்!!

Why this kalaivery?

 சூப்பர் ஸ்டாரை நிம்மதியாக இருக்கவிடமாட்டார்கள் போலிருக்கிறது சுற்றியிருப்பவர்கள்.
முன்னணி ஆங்கில நாளிதழ் ஒன்று இன்று வெளியாகியிருக்கும் செய்தி (வதந்தி அல்ல!) கோலிவுட்டில் மிகப்பெரிய சலசலப்பை உண்டாக்கியிருக்கிறது. அது தனுஷ் - ஸ்ருதி ஹாஸனின் நெருக்கம்!
3 படத்தில் தனக்கு ஜோடியாக நடிக்கும் ஸ்ருதி ஹாஸனுடன் தனுஷ் மிக மிக நெருக்கமாகப் பழகுவதாகவும், அது பகிரங்கமாக ரஜினி குடும்பத்தில் பெரும் பிரச்சினையாக வெடித்திருப்பதாகவும் உறுதியாக செய்தி வெளியாகியுள்ளது.
தனுஷ் – ஸ்ருதி நெருக்கம் காரணமாக, சூப்பர் ஸ்டார் ரஜினி அமைதியிழந்து தவிப்பதாகவும், அவரும் அவரது மனைவி லதாவும் இதுகுறித்து தனுஷின் தந்தை கஸ்தூரி ராஜாவிடம் பேசியதாகவும் அந்த செய்தி தெரிவிக்கிறது.

கொலை முயற்சி வழக்கு ஜெயேந்திரர் கோர்ட்டில் ஆஜராக உத்தரவு!

சென்னை: ஆடிட்டர் ராதாகிருஷ்ணன் மர்ம மனிதர்களால் தாக்கப்பட்ட வழக்கில் காஞ்சி ஜெயேந்திரர் உள்பட 10 பேர் வரும் 12ம் தேதி நேரில் ஆஜராக சென்னை உயர் நீதிமன்றம் உத்தரவிட்டுள்ளது.
ஆடிட்டர் ராதாகிருஷ்ணன் சென்னை மந்தவெளியில் வசித்து வருகின்றார். கடந்த 2002ம் ஆண்டு அவர் வீட்டில் வைத்தே அவரை சில மர்ம மனிதர்கள் தாக்கினர். இதில் அவர் படுகாயம் அடைந்தார். இந்த சம்பவம் குறித்து பட்டினப்பாக்கம் போலீசார் வழக்குப் பதிவு செய்து விசாரணை நடத்தி வந்தனர்.
இந்த நிலையில் காஞ்சி வரதராஜ பெருமாள் கோவில் மேலாளர் சங்கரராமன் கொலை செய்யப்பட்டார். இந்த கொலை வழக்கில் காஞ்சி ஜெயேந்திரர் விஜயேந்திரர், சுந்தரேச ஐயர் உட்பட 23 பேர் கைது செய்யப்பட்டனர்.
இந்த வழக்கு விசாரணையின்போது ஆடிட்டர் ராதாகிருஷ்ணன் தாக்கப்பட்ட விவகாரத்திலும் காஞ்சி ஜெயேந்திரருக்கு தொடர்பு உள்ளது என்பது தெரிய வந்தது.

Jeya Tv லிருந்து தினகரன் மனைவி அனுராதா நீக்கம்!

சென்னை: ஜெயா டிவி நிர்வாகத்திலிருந்து டிடிவி தினகரனின் மனைவி அனுராதா நீக்கப்பட்டு விட்டதாக கூறப்படுகிறது. அதேபோல அந்த நிறுவனத்தின் முக்கிய நிர்வாகியான பாலசுவாமிநாதனுக்கும் நெருக்கடி ஏற்பட்டுள்ளதாக தகவல்கள் தெரிவிக்கின்றன.
சசிகலா குடும்பத்தைச் சேர்ந்த அத்தனை பேரையும் களையெடுத்து வருகிறார் ஜெயலலிதா. அவர்களில் கிட்டத்தட்ட அத்தனை பேருமே அதிமுகவை விட்டு நீக்கப்பட்டு விட்டனர். அவர்களுக்கு ஆதரவாக இருந்து வந்தவர்கள் தற்போது விரட்டப்பட்டு வருகிறார்கள்.

என் உதவியாளர் பொய் சாட்சி அளிக்க சி.பி.ஐ. நிர்ப்பந்தம்- ராசா குற்றச்சாட்டு

டெல்லி: 2ஜி விவகாரத்தில் குற்றவாளிகளாக காட்டப்படுவோருடன் எனக்கு தொடர்பு இருப்பதை நிரூபிக்க
எந்த ஆதாரமும் கிடைக்காததால், என் முன்னாள் உதவியாளரை எனக்கு எதிராக பொய் சாட்சியம் அளிக்க வைக்க சி.பி.ஐ. நிர்ப்பந்தித்து வருகிறது என்று முன்னாள் தொலைத் தொடர்புத்துறை அமைச்சர் ஆ.ராசா குற்றம் சாட்டியுள்ளார்.

புது அணை கட்டத் தேவையில்லை- நிபுணர் குழு

முல்லைப் பெரியாறு அணையை நவீனத் தொழில்நுட்பம் மூலம் பலப்படுத்தினால் போதும். புது அணை கட்ட வேண்டிய அவசியமே இல்லை என்று நிபுணர் குழு தெரிவித்துள்ளது.
முல்லைப் பெரியாறு அணை நிலநடுக்கத்தால் பாதிக்கப்பட்டுள்ளதாக கேரள அரசு தொடர்ந்து கூறி வருகிறது. இதையடுத்து சமீபத்தில் தொழில்நுட்ப நிபுணர்கள் சி.டி.தத்தே மற்றும் டி.கே. மேத்தா ஆகியோர் அடங்கிய குழு அணைக்கு நேரடியாக சென்று ஆய்வு நடத்தியது. இந்த ஆய்வறிக்கையை நேற்று முன்தினம் அவர்கள் ஐவர் குழுவிடம் வழங்கினர். நேற்று இந்த ஆய்வறிக்கை குறித்து விவாதிக்கப்பட்டது.
ஐவர் குழுத் தலைவர் நீதிபதி ஏ.எஸ்.ஆனந்த்திடம் உறுப்பினர் தத்தே கூறுகையில், முல்லைப் பெரியாறு அணை பலமாகவே உள்ளது. அதில் நிலநடுக்கத்தால் எந்த வகையான பாதிப்பும் ஏற்படவில்லை.
தற்போதைய அணையை மேலும் பலப்படுத்தினால் போதுமானது.

அணையின் நீர்மட்டம் 136 அடியே நீடிக்கும்120 அடியாக குறைக்க முடியாது...

டெல்லி: முல்லைப் பெரியாறு அணையின் நீர்மட்டம் தற்போதைய 136 அடி என்பதிலேயே நீடிக்கும். 120 அடியாக குறைக்க அனுமதிக்க முடியாது என்று நீதிபதி ஏ.எஸ்.ஆனந்த் தலைமையிலான ஐவர் குழு திட்டவட்டமாக கூறி விட்டது. மேலும், நிலநடுக்கத்தால் அணைக்கு எந்தப் பாதிப்பும் இல்லை என்றம் அது கூறி விட்டது. இதனால் கேரளாவுக்கு பெருத்த பின்னடைவு ஏற்பட்டுள்ளது. மேலும் தமிழகத்தின் வாதத்திற்கும் பெரும் பலம் கிடைத்துள்ளது.
முல்லைப் பெரியாறு அணையில் சமீபத்தில் நேரடியாக ஆய்வு நடத்திய தொழில்நுட்ப உறுப்பினர்கள் சி.டி.தத்தே, டி.கே.மேத்தா ஆகியோர் அடங்கிய குழு அளித்த ஆய்வறிக்கை நேற்று ஐவர் குழு கூட்டத்தில் விவாதிக்கப்பட்டது.

சோனாவின் வாழ்க்கை மட்டுமல்ல. ஆயிரக்கணக்கான சினிமா பெண்களின் கதை

பேக்கப்) எழுத்தாக்கம் : தேவிமணி, ப்ரியாதம்பி

காதல், நட்பு என்று வாழ்க்கை முழுவதும் பல ஆண்களிடம் ஏமாந்திருக்கிறேன்.
விவரம் தெரியாத வயதில் என் அப்பாதான் என்னை முதன்முதலாக ஏமாற்றினார். பெண் குழந்தைகள் அப்பாவிடம்தான் இயல்பாகவே ப்ரியமாக இருப்பார்கள். ஆனால் மிகச்சிறு வயதில் இருந்தே எ ன்னை என் அப்பாவுக்குப் பிடிக்காது. பக்கத்தில் போனாலே திட்டுவார். சாயங்காலம் அவர் வரும் நேரத்தில் என் உடலே பதற ஆரம்பிக்கும். ஆனால் என் தங்கையிடம் அவர் இவ்வளவு கண்டிப்பாக நடந்து கொள்வதில்லை.

கமல்:பணம் முக்கியம் என்று நினைத்திருந்தால் 25 வருடத்துக்கு முன்பே ரிடையர் ஆகியிருப்பேன்!

பணம் மட்டுமே முக்கியம் என்று நினைத்திருந்தால் 25 ஆண்டுகளுக்கு முன்பே நடிப்புத் துறையிலிருந்து விலகிவிட்டிருப்பேன். கேமிரா முன் நிற்பதில் எனக்கு மகிழ்ச்சியும் மனப்பூர்வமான திருப்தியும் கிடைக்கிறது," என்று நடிகர் கமல்ஹாஸன் கூறினார்.
'விஸ்வரூபம்' படத்தை இயக்கி நடிக்கும் கமல், படப்பிடிப்பில் மும்முரமாக உள்ளார். பாதிப் படம் முடிந்துவிட்டதாகச் சொல்கிறார்கள். ரூ.120 கோடி பட்ஜெட்டில் தயாராகிறது.

பெரியாறு பிரச்னை நடிகர்& நடிகைகள் உண்ணாவிரதம்

முல்லைப் பெரியாறு பிரச்னைக்காக 8ம் தேதி அணைக்கு அருகில், அனைத்து இயக்குனர்களும் உண்ணாவிரதம் இருக்கின்றனர். இந்த உண்ணாவிரதத்தில் நடிகர்&நடிகைகள், பெப்சி அமைப்பைச் சேர்ந்த தொழிலாளர்கள் கலந்துகொள்ள வேண்டும் என்று இயக்குனர்கள் சங்கம் சார்பில், கடிதம் அனுப்பி வைக்கப்பட்டுள்ளது.
இதுகுறித்து ஆலோசிப்பதற்காக, தென்னிந்திய நடிகர் சங்கத்தின் அவசர செயற்குழு கூட்டம், நேற்று இரவு ஆந்திரா கிளப்பில் நடந்தது. இதில் ராதாரவி, வாகை சந்திரசேகர், சத்யராஜ், குமரிமுத்து, சத்யப்பிரியா, கே.ராஜன், பசி சத்யா, கே.என்.காளை, கே.ஆர்.செல்வராஜ், ஜெயமணி, பூச்சி முருகன் உட்பட பலர் கலந்து கொண்டனர். பிறகு நடிகர் சங்க தலைவர் சரத்குமார் நிருபர்களுக்கு பேட்டி அளித்தார். அவர் கூறியதாவது:

நீர்மட்டம் குறைக்க கேரளா விடுத்த கோரிக்கை நிராகரிப்பு

புதுடெல்லி : முல்லை பெரியாறு அணையின் நீர்மட்டத்தை 120 அடியாக குறைக்க வேண்டும் என்ற கேரளாவின் கோரிக்கையை உயர் அதிகார குழு நிராகரித்துவிட்டது.
முல்லை பெரியாறு அணை பலவீனமாக உள்ளதாக கேரள அரசியல்வாதிகள் புரளி கிளப்பி வருகின்றனர். எந்த நேரத்திலும் அணை உடைந்து லட்சக்கணக்கானவர்கள் உயிரிழக்கும் அபாயம் இருப்பதாக வதந்தி பரப்பினார்கள். இது தமிழகம், கேரளாவில் பதற்றத்தை ஏற்படுத்தியது.

M.R.Radha.. ஏய் குருக்கள்… அம்பாள் எந்தக் காலத்திலடா பேசினாள்?”

 கும்புடுறேன் சாமி’ என்கிற அடிமைத்தமிழையும், ‘நமஸ்காரம்’ என்கிற பார்ப்பன சமஸ்கிருதத்தையும் ஒழித்து, ‘வணக்கம்’ என்கிற சுயமரியாதை மிக்க சொல்லை அறிமுகபடுத்தியது திராவிட இயக்கம்.

தமிழ்நாட்டைப் பிடித்து ஆட்டியது ஒரு பூதம். சுயமரியாதை இயக்கம் என்னும் பூதம்.

1925 ல் தந்தை பெரியாரால் ஆரம்பிக்கப்பட்ட சுயமரியாதை இயக்கம் சைவம், வைணவம், இஸ்லாம், கிறித்தவம், காங்கிரஸ், நீதிக்கட்சி என்று பல இடங்களில் ஊடுறுவியது. அதுகாறும் அவர்கள் நம்பிக்கொண்டிருந்த புனிதமாக நினைத்துக்கொண்டிருந்தவைகளை தலைகீழாக கவிழ்த்து நொறுக்கியது. அதற்கு ஆதரவாக எதிராக ஏதோ ஒரு நிலை எடுக்க வேண்டிய கட்டாயத்தை ஏற்படுத்தியது. அப்படித்தான் அது நாடக கலைஞர்களிடமும் தாக்கத்தை ஏற்படுத்தியது. அதன் தாக்கத்தால் ஈர்க்கப்பட்டவர்தான் நடிகவேள் எம்.ஆர். ராதா.

தந்தை பெரியார் அரசியல் மேடைகளில் எப்படி சமரசம் இல்லாமல் போர்க்குணத்தோடு இயங்கினாரோ, அதுபோல் நாடக மேடைகளில் பெரியாரைபோலவே ஒரு ஒற்றை போர்வாளாக இயங்கினார் நடிகவேள். இப்படித்தான் திராவிட இயக்கம்  கலைத்துறையில் கால்பதித்தது.

சரியாத்தான் சார் கேட்பேன்” ஒரு ஆட்டோ ஓட்டுநரின் உரை!

by வினவு,

வழிப்பயணத்தில் சந்தித்த ஒரு ஆட்டோ ஒட்டுநரை பேச விட்ட போது கிடைத்த விசயம். இனி அவரே பேசுகிறார்….

சரியாத்தான் சார் கேப்பேன், தகராறு வேண்டான்னுதான் பார்ட்டிகிட்ட பேரம் பேசுவேன். அவ்ளோ தூரம் ஓட்றதுக்கு இவ்ளோ வாங்குனாதான் பத்தோ இருபதோ எனக்குத் தேறும்
பெட்ரோலுக்கே பாதி காசு போயிடுது. வண்டிக்கு வாடகை தொனோம் கொடுக்கணும். இது எல்லாம் போக ஒரு  நாளைக்கு சம்பாதிக்க வேண்டும். தினசரி வாடகை 150 ரூபாய் பகலுக்கு, ராத்திரிக்கு 80 ரூபாய். 24 மணி நேரம் ஓட்டிட்டு வண்டியை ஓனர்கிட்ட் கொடுத்துட்டுதான் வீட்டுக்கு போவனும். ஷிப்டு, காலேல 10 மணிக்கு ஆரம்பிக்குதுன்னா ஓனராண்ட பேசி வண்டி எடுக்கும் போது மணி 12 கிட்ட ஆயிடும். அப்புறம் நைட்டு வரைக்கும் ஓட்டி விட்டு எக்மோர்ல வண்டியிலேயே தூங்கி விட்டு, எழுந்து முகம் கழுவி விட்டு மறுபடியும் 10 மணி வரை ஓட்டுவேன்.

பெண் டாக்டரை கொலை செய்த ஆட்டோ டிரைவர்- கொன்றது ஏன்?

தூத்துக்குடியில் இரவு சிகிச்சை அளித்து கொண்டிருந்த பெண் டாக்டர் ஒருவர் வாளால் வெட்டியும், குத்தியும் கொடூரமாக கொலை செய்யப்பட்டார். இந்த கொலையில் துப்பு துலங்கியது. கர்ப்பிணி மனைவி இறந்ததால் ஆட்டோ டிரைவர் தனது நண்பர்களுடன் வந்து இந்த வெறியாட்டத்தை நடத்தியிருப்பது தெரிய வந்துள்ளது. தலைமறைவாகி விட்ட அவர்களை போலீசார் தேடி வருகின்றனர்.
தூத்துக்குடி பாலவிநாயகர் கோவில் தெருவில் வசிப்பவர் ஆவுடையார்புரத்தைச் சேர்ந்த மகேஷ். ஆட்டோ டிரைவர். இவரது மனைவி நித்யா. 6 மாத கர்ப்பிணியான இவருக்கு கடந்த 30ம் தேதி மதியம் திடீரென்று கை, கால் வீக்கம் ஏற்பட்டு அவதிப்பட்டார். உடனே அவரை மகேஷ் டாக்டர் சேதுலட்சுமியிடம் அழைத்துச் சென்றார். அவரை பரிசோதித்த டாக்டர் சேதுலட்சுமி நித்யா வயிற்றில் உள்ள குழந்தை இறந்து விட்டது. உடனே ஆபரேஷன் செய்து எடுக்க வேண்டும். இல்லாவிட்டால் தாயின் உயிருக்கு ஆபத்து என்றார். இதற்கு மகேஷ் சம்மதிக்கவே ஆபரேசன் செய்து குழந்தையை வெளியே எடுத்தனர். அதன்பிறகு நித்யாவுக்கு வலிப்பு ஏற்பட்டதாக தெரிகிறது. இதைத் தொடர்ந்து தனது மனைவியை வேறு மருத்துவமனையில் சேர்த்து பார்த்துக் கொள்வதாகக் கூறிய அவர் நித்யாவை பிரபல தனியார் மருத்துவமனையில் சேர்த்தார்.

அங்கு நித்யா சிகிச்சை பலனின்றி உயிர் இழந்தார். இதனால் ஆத்தரிமடைந்த மகேஷ் தனது மனைவி சாவுக்கு டாக்டர் சேதுலட்சுமி தான் காரணம் என்று கருதினார்.

புயலால் பாதிக்கப்பட்ட பகுதியை கலைஞர் நேரில் பார்வையிடுகிறார்

தமிழகம் மற்றும் புதுச்சேரியில் தானே புயலால் பாதிக்கப்பட்ட பகுதிகளை திமுக தலைவர் கலைஞர் வரும் 4ஆம் தேதி நேரில் பார்வையிட்டு பாதிக்கப்பட்ட மக்களுக்கு ஆறுதல் கூறுகிறார்.
இதுதொடர்பாக திமுக தலைமைக் கழகம் வெளியிட்டுள்ள அறிக்கையில்,
திமுக தலைவர் கலைஞர் தனது திருவாரூர் தொகுதி மற்றும் தானே புயலாலும் கடும் மழையினாலும் பாதிக்கப்பட்டுள்ள கடலூர், விழுப்புரம் மாவட்டங்கள் மற்றும் புதுச்சேரியில் கடும் சேதத்திற்குள்ளான பகுதிகளை பார்வையிட வரும் 4ஆம் தேதி முதல் பயணம் மேற்கொள்ளவுள்ளார் என்று தெரிவிக்கப்பட்டுள்ளது.

அஞ்சலி குப்தா: இந்திய விமானப்படையின் ஆணாதிக்கத்திற்கு பலிகடா!

முன்னாள் விமானப்படை அதிகாரியான அஞ்சலி குப்தா தற்கொலை செய்து கொண்டார்…’ இந்தத் தற்கொலைக்கு பின்னால் ஒரு பெரிய கதை இருக்கிறது. 
ஆங்கில நாளிதழ்களின் துணுக்குச் செய்தியாக வந்திருந்ததை நீங்கள் கவனித்திருக்க மாட்டீர்கள். தற்கொலை செய்து கொள்ளும் காரணுங்களுக்கு நம் நாட்டிலா பஞ்சம் என்று நீங்கள் யோசிக்கலாம். ஆனால், இந்தத் தற்கொலைக்கு பின்னால் ஒரு பெரிய கதை இருக்கிறது. போராடி வாழ முயன்ற அஞ்சலி குப்தா, பெண் என்ற காரணத்தினாலேயே தனது போராட்டத்தையும் தொடர முடியாமல், வாழவும் முடியாமல் தன் வாழ்வை முடித்துக் கொண்டார். அந்தப் பெண்ணின் கதையை படியுங்கள்.
டெல்லியை சேர்ந்த அஞ்சலி குப்தா, மூன்று பெண்களில் இரண்டாவது பெண்ணாகப் பிறந்தவர். புத்திசாலியான பெண்ணும்கூட. டெல்லி பல்கலைக்கழகத்தில் எம்.ஃபில் பட்டம் பெற்றிருந்தார். தனது தாயைப் போல ஆசிரியராக அவர் விரும்பவில்லை. ஆசிரியை பணி என்பது பெண்களுக்கான பணியாக இருப்பதாகவும் ஆண்கள் மட்டுமே செய்யக்கூடியது என்று சொல்லப்படும் துறையொன்றில் பணியாற்றவே, தான் விரும்புவதாகவும் அடிக்கடி தனது தாயிடம் சொல்லுவாராம். விமானப்படை பாதுகாப்புப் பிரிவு அவரது எண்ணத்துக்கு உகந்ததாக இருந்தது.

பெண் டாக்டர் படுகொலை: கோவில்பட்டியில் அரசு டாக்டர்கள் திடீர் ஸ்டிரைக்

கோவில்பட்டி: தூத்துக்குடியில் பெண் டாக்டர் படுகொலை செய்யப்பட்டதைக் கண்டித்து கோவில்பட்டி அரசு மருத்துவமனையில் டாக்டர்கள் இன்று திடீர் ஸ்டிரைக்கில் ஈடுபட்டனர். இதனால் கைக்குழந்தைகளுடன் சிகிச்சை பெற வந்த பெண்கள் ஆவேசமடைந்து வளாகத்திலுள்ள அரசு தலைமை டாக்டர் வீட்டை முற்றுகையிட்டனர்.
தூத்துக்குடி இஎஸ்ஐ மருத்துவமனை டாக்டர் சேதுலட்சுமி நேற்றிரவு அரிவாளால் வெட்டி படுகொலை செய்யப்பட்டார். இதை கண்டித்தும், இந்த சம்பவத்தில் ஈடுபட்ட குற்றவாளியை கைது செய்யக் கோரியும், டாக்டர்களுக்கு பாதுகாப்பு வழங்க வலியுறுத்தியும் தமிழகம் முழுவதும் டாக்டர்கள் இன்று ஆர்ப்பாட்டம் செய்து வருகின்றனர்.

Business News:தமிழகத்தில் 9 கோவில்கள் கட்டும் திருப்பதி தேவஸ்தானம்-சென்னையில் 100 ஏக்கரில் கோவில்!

சென்னையில் 100 ஏக்கர் பரப்பளவில் மிகப் பிரமாண்டமான கோவிலைக் கட்ட திருப்பதி தேவஸ்தானம் தீர்மானித்துள்ளது. இதேபோல தமிழகத்தில் மொத்தம் 9 இடங்களில் கோவில்கள் கட்டப் போவதாகவும் அது கூறியுள்ளது.
ஆந்திர மாநில இந்து அறநிலையத்துறை அமைச்சர் பொன்னாள லட்சுமணய்யா இன்று சென்னை வந்தார். இந்து அறநிலையத்துறை அமைச்சர் ஆனந்தனை அவர் சந்தித்துப் பேசினார்.பின்னர் அவர் கூறுகையில், திருமலை-திருப்பதி தேவஸ்தானம் சார்பில் தமிழகத்தில் 9 இடங்களில் கோவில்கள் கட்டத் தீர்மானித்துள்ளோம். இதுதொடர்பாக தமிழக அமைச்சருடன் ஆலோசனை நடத்தினேன்.
கிழக்குக் கடற்கரைச் சாலை, காட்பாடி உள்ளிட்ட இடங்களில் கோவில் கட்டலாம் என்று தமிழக அரசு தெரிவித்துள்ளது.
சென்னையில் 100 ஏக்கர் பரப்பளவில் பெரிய அளவிலான கோவில் கட்ட தீர்மானிக்கப்பட்டுள்ளது. ஜனவரி 3வது வாரத்தில் கோவில் கட்டும் இடங்கள் குறித்து மீண்டும் ஆலோசனை நடத்தப்படும். அப்போது இடம் தேர்வு செய்யப்படும் என்றார் அவர்
ரொம்ப முக்கியம்

முல்லைபெரியாறு பாரதிராஜா உண்ணாவிரதம் தமிழ் நடிகர்கள் பங்கேற்பார்களா?

சென்னை: முல்லைப் பெரியாறு அணை அருகே தமிழ் இயக்குனர்கள் 8ம் தேதி உண்ணாவிரதப் போராட்டம் நடத்துகின்றனர். இதில் பங்கேற்குமாறு நடிகர், நடிகைகளுக்கும் அழைப்பு விடுத்துள்ளனர்.
முல்லைப் பெரியாறு பிரச்சனையில் மலையாள நடிகர், நடிகைகள் கேரள அரசுக்கு ஆதரவாக போராட்டத்தில் ஈடுபட்டுள்ளனர். இதற்கு பதிலடியாக தமிழ் திரைப்பட இயக்குனர்கள் போராட்டத்தில் ஈடுபட்டுள்ளனர்.சமீபத்தில் மெரீனா கடற்கரையில் நடந்த கூட்டத்தில் இயக்குனர்கள் பாரதிராஜா, தங்கர்பச்சான் உள்ளிட்டோர் பங்கேற்றார்கள். அடுத்த கட்டமாக உண்ணாவிரதப் போராட்டம் நடத்த முடிவு செய்துள்ளனர்.

சசிகலா நியமித்த 14 அமைச்சர்களின் பாதுகாப்பு அதிகாரிகள் மாற்றம்

முதல்வர் ஜெயலலிதா அதிரடியாய் ஒரு உத்தரவு பிறப்பித்துள்ளார்
தமிழக அமைச்சர்கள் அனைவரின்  பாதுகாப்பு அதிகாரிகளையும் (பி. எஸ். ஓ)  அதிரடியாக மாற்றம் செய்து உத்தரவிட்டுள்ளார் என்று தலைமைச்செயலக வட்டாரம் தெரிவிக்கிறது.

நிதி அமைச்சர் ஓ.பி. பன்னீர்செல்வம், கல்வி அமைச்சர் சி.வி.சண்முகம் உட்பட 14 அமைச்சர்களின் பி.எஸ். ஓக்களை மாற்றம் செய்துள்ளார். இந்த பி.எஸ்.ஓக்கள் அனைவரும் முக்குலத்தோர் சமூகத்தை சேர்ந்தவர்கள் என்பது குறிப்பிடத்தக்கது.

ஆச்சாரி தேர்தலில் போட்டியிட ராசா உதவவில்லை அதனால் பழிவாங்கவே பொய் சாட்சி

கடந்த 2009ம் ஆண்டு நடந்த பொதுத் தேர்தலில் காங்கிரஸ் சார்பில் போட்டியிட விரும்பிய ஆச்சாரிக்கு, முன்னாள் அமைச்சர் ராஜா எந்த உதவியும் செய்யவில்லை. அதனால், தொலைத்தொடர்புத் துறையிலிருந்து ராஜினாமா செய்த ஆச்சாரி, "ராஜாவுக்கெதிராக வாக்குமூலம் கொடுத்தார்' என்று ராஜாவின் வழக்கறிஞர் சுஷில்குமார் குற்றம் சாட்டினார். முன்னாள் மத்திய தொலைத்தொடர்பு அமைச்சர் ராஜாவிடம் உதவியாளராக பணியாற்றியவர் ஆசிர்வாதம் ஆச்சாரி. இவர், ஸ்பெக்ட்ரம் வழக்கின் முக்கிய சாட்சியாக உள்ளார். இவரிடம் குறுக்கு விசாரணை நடத்தப்பட்டு வருகிறது. ஒரு வார விடுமுறைக்கு பிறகு, நேற்று ஆசிர்வாதம் ஆச்சாரியை ராஜாவின் வழக்கறிஞர் சுஷில்குமார் குறுக்கு விசாரணை செய்தார்.

5,750 கோடி ரத்து பாகிஸ்தானுக்கு நிதியுதவி: நிராகரித்தார் ஒபாமா

வாஷிங்டன் : பாகிஸ்தானுக்கு ராணுவ நிதியுதவியாக ரூ.5,750 கோடி அளிப்பதை தடை செய்யும் சட்ட மசோதாவில் அமெரிக்க அதிபர் ஒபாமா கையெழுத்திட்டார். இதனால், இருதரப்பு உறவில் விரிசல் அதிகரித்துள்ளது. தீவிரவாதத்துக்கு எதிரான சர்வதேச போரில் அமெரிக்காவுடன் பாகிஸ்தானும் இணைந்து செயல்படுவதாக கூறப்பட்டது. விரவாதிகளை ஒடுக்க பாகிஸ்தான் ராணுவத்துக்கு ரூ.5,750 கோடி நிதியுதவி அளிக்க அமெரிக்க அரசு திட்டமிட்டது. சந்தேகத்தின் பேரில் பிடிபடும் தீவிரவாதிகளை காவலில் வைத்திருத்தல், விசாரணை மற்றும் வழக்கு தொடர்தல் ஆகிய நடைமுறைகளில் ராணுவத்துக்கு உதவ இந்த நிதி அளிக்கப்படுவதாக அறிவிக்கப்பட்டது.

விவசாயம் செழி்க்க சிறுமி நரபலி: இரு விவசாயிகள் கைது

பிஜப்பூர்: சத்தீஷ்கர் மாநிலத்தில் விவசாயம் செழிக்க வேண்டி 7 வயது சிறுமி நரபலி கொடுக்கப்பட்டதாக எழுந்த புகாரினை தொடர்ந்து இரு விவசாயிகள் கைது செய்யப்பட்டனர். சத்தீஷ்கர் மாநிலம் ராய்ப்பூரின் பிஜப்பூர் மாவட்டம் மிகவும் பின்தங்கிய மாவட்டமான இங்கு விவசாயம் சரிவர நடக்கவில்லை என கூறப்படுகிறது. இந்நி‌லையில் இம்மாவட்டத்தைச் சேர்ந்த லலிதாதாட்டி,7 என்ற சிறுமி கடந்த அக்டோபர் மாதம் முதல் காணாமல் போனார். பின்னர் அம்மாநில டி.வி.யில் இவர் கொலை செய்யப்பட்டு பிணமாக கண்டெடுக்கப்பட்டது தெரிந்தது.

தமிழ்த் திரையுலகம் நெடுஞ்சாலையோர உணவு விடுதிபோல்

மூன்று புத்தகங்களுக்கான முன்னுரை

B.R. மகாதேவன்


தலைகீழ் ரசவாதி, இங்கே திரைக்கதைகள் பழுது நீக்கித் தரப்படும், பாரதிராஜா போலி மீட்பர் – ஆகிய மூன்று புத்தகங்களை நிழல் வெளியீடு வெளியிட்டிருக்கிறது. இந்த மூன்று புத்தகங்களையும் எழுதியவர் B.R. மகாதேவன். அந்தப் புத்தகத்தின் முன்னுரை இங்கே.

-oOo-

திரைப்படம் என்பது ஒளிப்பதிவு, இசை, எழுத்து, நடிப்பு, ஆர்ட் டைரக்ஷன், ஒப்பனை எனப் பல கலைகளின் கூட்டு முயற்சியில் உருவாகும் ஒரு நவீனக் கலை வடிவம். இவற்றில் பாரம்பரியக் கலைகளான இசை, எழுத்து, ஒப்பனை, நடிப்பு எனப் பலவற்றில் தமிழ்ச் சமுதாயம் எட்டியிருக்கும் சாதனைகள் அளப்பரியவை. அந்தவகையில் இந்த நவீனக் கலையில் வெற்றிக்கோட்டுக்கு வெகு அருகில் இருந்து ஓடும் மிகப் பெரிய வாய்ப்பு தமிழர்களாகிய நமக்குக் கிடைத்திருக்கிறது. ஆனால், நாமோ எதிர்த்திசையில் தலைதெறிக்க ஓடிக்கொண்டிருக்கிறோம்.