மாநிலப் பட்டியலில் உள்ள மருத்துவமனைகள் - பொது சுகாதாரத்தை பொதுப் பட்டியலுக்கு ...?

Asiriyar K Veeramani : மாநிலப் பட்டியலில் உள்ள மருத்துவமனைகள் - பொது சுகாதாரத்தை பொதுப் பட்டியலுக்குக் கொண்டு போவதா?
 மாநில அரசும் - எதிர்க்கட்சிகளும் ஒருங்கிணைந்து கருவிலேயே இதனை முறியடிக்க வேண்டியது அவசியம்!அவசரம்!!

மத்தியில் பா.ஜ.க. ஆட்சி வந்தவுடன், முதல் வேலையாக நாடு முழுவதும் உள்ள மருத்துவக் கல்லூரிகளில் சேர்ந்து படிப்பதற்கு இந்தியாவுக்கே ஒரே தேர்வு முறைதான்; அதைக் கூட மெடிக்கல் கவுன்சில் என்ற அமைப்பினால் உருவாக்கப்படும் ஒரு குழுதான் நடத்தும் என்று கூறி, இதற்கு உச்சநீதிமன்றத்தின் - மறுசீராய்வு மனுவின் தீர்ப்பை தங்கள் திட்டத்திற்கு வாய்ப்பாகப் பயன்படுத்திக் கொண்டார்கள்.
மேல் நடவடிக்கை என்ன?
மெடிக்கல் கவுன்சில் தலைவராக இருந்து ஊழல் செய்தார் என்பதற்காக வெளியேற்றப்பட்ட கேத்தன் தேசாய் என்பவரின் வீடு, அலுவலகங்களில், வருமான வரித் துறை மற்றும் சி.பி.அய். போன்ற அமைப்புகளால் சோதனையிடப்பட்டு, பல கோடி ரூபாய் மதிப்புள்ள தங்கம் அங்கிருந்து கைப்பற்றிய செய்திகள் வந்தன. ஆனால், எந்த மேல் நடவடிக்கையும் தொடர்ந்ததாகத் தெரியவில்லை.
அவருடைய திட்டம்தான் மருத்துவக் கல்லூரிக்கான ‘‘நீட்’’ தேர்வுத் திட்டம்!
‘பார்கவுன்சில்’ வழக்குரைஞர்களை ஒழுங்குபடுத்தி அங்கீகரிக்கும் வழக்குரைஞர்கள் குழுவா - சட்டக் கல்லூரி, சட்டப் பல்கலைக் கழகங்களில் தேர்வுகளை நடத்துகிறது? இல்லையே!
இந்த கேத்தன் தேசாய்தான் இதன் மூலவர்; இதை ஒரு உலக வர்த்தக அமைப்பிற்கு (மருத்துவப் பட்ட படிப்புக்கு) கதவு திறந்துவிட்டுள்ளார்!
இதுவே கொடுமை; பல படித்தவர்களுக்குத் தெரியாத ஒரு ‘புதிர்.’
நிலையான பார்ப்பனரின் மேலாண்மை!
‘கார்ப்பரேட்டுகளின்’ கொள்ளை ஒருபுறம்; பார்ப்பனரின் மேலாண்மைக்கான ஏகபோகமும் ‘நீட்’ தேர்வின்மூலம் நிலை பெற்ற கொடுமை இன்னொருபுறம்!

`தமிழ் மந்திரங்களில் இறை ஆற்றல்!'- 1,674 கோயில்களை ஒப்பிடும் சத்தியவேல் முருகனார்

vikatan -கு. ராமகிருஷ்ணன்- ம.அரவிந்த் : இதுவரை 1,674 கோயில்களுக்கு தமிழ் ஆகமப்படி குடமுழுக்கு செய்துள்ளேன். அந்தக் கோயில்கள் எல்லாம் இறை ஆற்றலோடுதான் உள்ளன.
தஞ்சை பெரியகோயில் குடமுழுக்கு, சம்ஸ்கிருத முறைப்படி நடத்துவதா.. தமிழ்வழியில் நடத்துவதா.. என்ற விவாதம் அனல் பறந்துகொண்டிருக்கிறது. சம்ஸ்கிருத முறைப்படி செய்தால்தான் கோயிலின் இறை ஆற்றல் உயிர்ப்பிக்கப்படும் என்ற கருத்தை இதன் ஆதரவாளர்கள் முன் வைத்து வருகிறார்கள். ஆனால், இதை தமிழ் ஆகம அறிஞர்கள் மறுக்கிறார்கள்.
தமிழ்தான் தெய்வமொழி, பக்தி மொழி எனவும் தமிழர்கள் கட்டிய கோயில்களுக்கு தமிழ் வழியில் குடமுழுக்கு செய்தால்தான் இறை ஆற்றல் கிடைக்கும் என ஆதாரங்களை முன் வைக்கிறார் செந்தமிழ் வேள்வி சதுரர் சத்தியவேல் முருகனார். இது தொடர்பாக வாதங்களை முன் வைக்கும் சத்தியவேல் முருகனார் ``தமிழ்வழி குடமுழுக்கு கோரிக்கை தஞ்சை பெருவுடையார் கோயிலோடு முடிந்துவிடக் கூடாது. தமிழர்கள் கட்டிய அனைத்துக் கோயில்களுக்கும் இது விரிவடைய வேண்டும். இறைவனை வணங்கக்கூடிய மக்களுக்கு என்ன மொழி தெரியுமோ, அந்த மொழியில்தான வழிபாடுகள் நடைபெற வேண்டும். சம்ஸ்கிருத மந்திரங்களின் அர்த்தம் நம் தமிழ் மக்களுக்குத் தெரியாது. தமிழில் குடமுழுக்கு செய்தால் இறை ஆற்றல் கிடைக்காது என்ற ஒரு பொய்யான வாதத்தை, சம்ஸ்கிருத ஆதரவாளர்கள் முன்வைக்கிறார்கள்.
அது அபத்தமானது. கடந்த 40 ஆண்டுகளில் தமிழ்நாட்டிலும், வெளிநாடுகளிலும் இதுவரை 1,674 கோயில்களுக்கு தமிழ் ஆகமப்படி குடமுழுக்கு செய்துள்ளேன்.

ரூ.1000 கோடி வெளிநாட்டு சொத்து; பாதுகாக்க தனி டிரஸ்ட்!’- சிக்கிய லலித் சூரியின் மனைவி

vikatan.com -ராம் சங்கர் ச : மாநிலங்களவை எம்.பி.யாக இருந்த லலித் சூரி என்பவரின் தலைமையில் தொடங்கப்பட்டது. லலித்தின் மரணத்திற்கு பின் அவருடைய மனைவி ஜோத்ஸ்னா சூரி 2006-ஆம் ஆண்டு இந்த குழுமத்தின் தலைமை பொறுப்பை ஏற்றுக்கொண்டார். ஜோத்ஸ்னா சூரியின் பாரத் ஹோட்டல் என்கிற நிறுவனம் நாடு முழுவதும் லலித் ஹோட்டல் என்கிற பெயரில் ஹோட்டல்களை நடத்தி வருகிறது. டெல்லியில் உள்ள ஜோத்ஸ்னா சூரிக்கு சொந்தமான 13 வளாகங்களில் வருமானவரி துறையினர் கடந்த ஜனவரி 19-ம் தேதி சோதனை நடத்தினர். இந்த சோதனையில் 1,000 கோடிக்கும் அதிக மதிப்புள்ள கணக்கில் காட்டப்படாத வெளிநாட்டுப் சொத்துக்கள் கண்டுபிடிக்கப்பட்டுள்ளதாக தகவல்கள் தெரிவிக்கின்றன. இதுதொடர்பாக வருமான வரித்துறை வெளியிட்டுள்ள அறிக்கையில், “கறுப்பு பணத்திற்கு எதிராகவும் வெளிநாட்டு சொத்துகளை பதுக்கியுள்ளதற்கு எதிராகவும் அரசு இந்த நடவடிக்கையை எடுத்துள்ளது. பாரத் ஹோட்டல் நிறுவனம் கணிசமான வெளிநாட்டு சொத்துக்களை வைத்துள்ளதாக வந்த தகவலின் அடிப்படையில் இந்த நடவடிக்கை எடுக்கப்பட்டுள்ளது” என்று தெரிவித்துள்ளனர்.

சோ குடும்பத்திடம் இருந்து துக்ளக்கை அபகரித்தது ஏன்?.. குருமூர்த்திக்கு சு.சாமி பரபர கேள்வி

/tamil.oneindia.com : சென்னை: சோ குடும்பத்திடம் இருந்து குருமூர்த்தி துக்ளக்கை அபகரித்தது ஏன் என்று பாஜக மூத்த தலைவர் சுப்பிரமணியன் சுவாமி துக்ளக் ஆசிரியர் குருமூர்த்தியிடம் கேள்வி எழுப்பியுள்ளார். இதற்கு குருமூர்த்தி தனது டிவிட்டர் பக்கத்தில் விளக்கம் அளித்துள்ளார். சென்னையில் துக்ளக் இதழின் 50ஆம் ஆண்டு நிறைவு விழா கடந்த வாரம் நடைபெற்றது. இந்த விழாவில் நடிகர் ரஜினிகாந்த் பேசியது பெரிய சர்ச்சையாகி உள்ளது. ரஜினி தனது பேச்சில், சோ போன்ற பத்திரிக்கையாளர்கள் தற்போது அதிகம் வேண்டும். பத்திரிக்கை துறை தற்போது சரியாக இல்லை. முரசொலி வைத்திருந்தால் அவரை திமுககாரர் என்று சொல்லிவிடலாம், கையில் துக்ளக் வைத்திருந்தால் அவரை அறிவாளி என்று சொல்லிவிடலாம் என்று ரஜினி குறிப்பிட்டார். நடிகர் ரஜினியின் கருத்துக்கு எதிராக இணையத்தில் பலரும் விமர்சனம் வைத்து வருகிறார்கள். இணையத்தில் இதனால் ரஜினி கடுமையான விமர்சனங்களை சந்தித்து வருகிறார்.

அரசமைப்பை பாதுகாப்போம்: களத்தில் குதித்த கத்தோலிக்க திருச்சபை

மின்னம்பலம் :  நாட்டின் 71 ஆவது குடியரசுத் திருநாளை அரசியல் அமைப்பு சாசன பாதுகாப்பு நாளாக கடைபிடிக்கும்படி இந்தியாவின் முக்கியமான கிறிஸ்துவ அமைப்புகளில் ஒன்றான, இந்திய கத்தோலிக்க திருச்சபை வேண்டுகோள் விடுத்துள்ளது. குடியுரிமை சட்டத் திருத்தம், நாடாளூமன்ற- சட்டமன்றங்களில் ஆங்கிலோ இந்தியர் (கிறிஸ்துவர்) ஒதுக்கீடு ரத்து ஆகியவற்றை முன் வைத்து இந்த வேண்டுகோளை தனது அனைத்து பிஷப்புகளுக்கும் முன் வைத்துள்ளது இந்திய கத்தோலிக்க திருச்சபை.
கேரளாவின் கொல்லத்தில் இருக்கும் கத்தோலிக்க பிஷப் பால் ஆண்டனி, தனது மறைமாவட்டத்தின் கீழ் உள்ள அனைத்து திருச்சபை பாதிரியார்களுக்கும் எழுதிய கடிதத்தில், “குடியரசுத் திருநாளான 26 ஆம் தேதி ஞாயிற்றுக் கிழமை தேவாலயங்களில் நடக்கும் ப்ரேயரில் அரசியலமைப்பைப் பாதுகாப்பதாக உறுதிமொழி எடுக்க வேண்டும்” என்று கேட்டுக் கொண்டிருக்கிறார்.
கொல்கத்தா பேராயர் தாமஸ் டிசோசா திருச்சபைகளுக்கு எழுதியுள்ள கடிதத்தில், “யுனைடெட் இன்டர்ஃபெத் அறக்கட்டளை ஏற்பாடு செய்துள்ள சமத்துத்துவத்துக்கான மனித சங்கிலியில் பங்கெடுக்குமாறு கிறிஸ்துவ சமூகத்திடம் கேட்டுக்கொண்டிருக்கிறார்.

நிர்பயா குற்றவாளிக்கு ஸ்லோ பாய்சன் கொடுக்கப்பட்டது: வழக்கறிஞர் குற்றச்சாட்டு!

மின்னம்பலம் : நிர்பயா குற்றவாளிக்கு ஸ்லோ பாய்சன் கொடுக்கப்பட்டது: வழக்கறிஞர் குற்றச்சாட்டு!

நிர்பயா பாலியல் வன்கொடுமை வழக்கில் தூக்குத் தண்டனையைத் தாமதப்படுத்த அடுத்தடுத்த நடவடிக்கைகளைக் குற்றவாளிகள் மேற்கொண்டு வருகின்றனர்.
2012ல் டெல்லியில் ஓடும் பேருந்தில் மருத்துவ மாணவி ஒருவர் பாலியல் வன்கொடுமைக்கு ஆளாக்கப்பட்டுத் தூக்கி வீசப்பட்டார். பின்னர் மீட்கப்பட்ட அவர் சிகிச்சை பலனின்றி உயிரிழந்தார். நாட்டையே உலுக்கிய இந்த சம்பவத்தைத் தொடர்ந்து வன்கொடுமைக்கு ஆளாகி உயிரிழந்த அந்த பெண் இந்தியாவின் மகள் என்று அழைக்கப்பட்டார். அவருக்கு நிர்பயா என்று பெயரிடப்பட்டது. இந்த வழக்கில் குற்றவாளிகளுக்கு 2013ல் தூக்குத் தண்டனை விதிக்கப்பட்டது. இந்த தண்டனையை 2018ல் உச்ச நீதிமன்றம் உறுதி செய்தது. இருந்த போதும் இதுவரை தண்டனை நிறைவேற்றுவதைக் குற்றவாளிகள் தொடர்ந்து தாமதப்படுத்தி வருகின்றனர்.
டெல்லி நீதிமன்றத்தில் மறு சீராய்வு மனுத் தாக்கல் செய்வது, அது தள்ளுபடி செய்யப்பட்டால் உச்ச நீதிமன்றத்தில் மேல் முறையீடு செய்வது, அதுவும் தள்ளுபடி செய்யப்பட்டால் குடியரசுத் தலைவருக்குக் கருணை மனு அளிப்பது எனக் குற்றவாளிகள் 4 பேரும் இதனைச் செய்து வருகின்றனர்.

தமிழகத்தை மாற்றும் வாடகை பைக்குகள்!

மின்னம்பலம் : பெங்களூரை சேர்ந்த பவுன்ஸ் என்கிற தொடக்க நிறுவனம் நாடுமுழுவதும் 36 நகரங்களில் 20 ஆயிரத்திற்கும் மேற்பட்ட எலெக்ட்ரிக் பைக்குகளை இயக்கி வருகிறது. இதற்கான 150 மில்லியன் டாலர் நிதியை ‘பி கேப்பிடல்’ நடத்திய புதிய நிதிச்சுற்றில், நாட்டிற்குள் அதன் வியாபாரம் விரிவடைவதற்கும், சொந்தமாக எலெக்ட்ரிக் பைக்குகளை உற்பத்தி செய்வதற்கும் உதவும் வகையில் திரட்டியுள்ளது.
இந்தியா போன்ற மக்கள் தொகை பெருகிவரும் நாடுகளில் ஒவ்வொரு நபரும் தனெக்கென ஒன்றுக்கு இரண்டாய் வாகனங்களை வாங்கி தங்களது தினசரி வேலைகளுக்கு பயன்படுத்துவது, மாசு, வாகன நெரிசல், எரிபொருள் பற்றாக்குறை போன்ற பல்வேறு பிரச்னைகளுக்கு காரணமாகிறது. சிலர் வாகனங்களை பகிர்ந்து கொண்டு வேலைகளுக்கு செல்லும் கார்பூலிங் முறையைத் தொடர்ந்து மற்றொரு யுக்தியாக இந்த வாடகை பைக்குகளை பார்க்கலாம். இந்தியாவில் வாடிக்கையாளர்கள் பட்டியலில் கிட்டத்தட்ட 30 சதவீதம் பெண்கள், இந்த முறையை பாதுகாப்புடன் கையாளக்கூடியதாக பார்க்கின்றனர்.

கே.சி. பழனிசாமி: அ.தி.மு.க. முன்னாள் எம்.பி. கோவையில் கைது

bbc :அதிமுக சார்பில் நாடாளுமன்ற உறுப்பினராகவும், சட்டமன்ற
உறுப்பினராகவும் பதவிவகித்த கே.சி.பழனிசாமி இன்று காலை கைது செய்யப்பட்டுள்ளார். அதிமுகவின் பெயர் மற்றும் கட்சி சின்னத்தை அனுமதியின்றி முறைகேடாக பயன்படுத்திய குற்றம்சாட்டின் பேரில் கே.சி.பழனிசாமி கோவையில் உள்ள அவரது இல்லத்தில் வைத்து கைது செய்யப்பட்டுள்ளார்.
சூலூர் காவல் நிலையத்திற்கு கொண்டு செல்லப்பட்ட பழனிசாமி மீது இந்திய தண்டனைச் சட்டப் பிரிவுகள் 417, 418, 419, 464, 465, 468, 479, 481, 482, 485 மற்றும் தகவல் தொழில் நுட்ப சட்டம் ஆகிய 11 பிரிவுகளில் வழக்கு பதிவு செய்யப்பட்டுள்ளதாக கூறப்படுகிறது.
அதிமுகவின் பெயரில் போலி இணையதளம் நடத்தியதால் இவர் மீது குற்றவியல் நடவடிக்கை எடுக்கப்பட்டுள்ளது என்று ஊடகங்கள் செய்தி வெளியிட்டுள்ளன.
யார் இந்த கே.சி. பழனிசாமி?
1989ஆம் ஆண்டு திருச்செங்கோடு தொகுதியில் இருந்து நாடாளுமன்ற மக்களவை உறுப்பினராக தேர்ந்தெடுக்கப்பட்ட இவர், காங்கேயம் தொகுதி சட்டமன்ற உறுப்பினராகவும் இருந்துள்ளார்.

சீனா கொரோனா வைரஸ் பாதிப்பு எதிரொலி : 10 நாட்களில் 1,000 படுக்கைகள் புதிய மருத்துவமனை

தினத்தந்தி ;கொரோனா வைரஸ் பாதிப்பு எதிரொலியாக, 10 நாட்களில் 1,000 படுக்கைகள் கொண்ட புதிய மருத்துவமனை அமைக்க சீன அரசு தீவிரம் காட்டி வருகிறது. பெய்ஜிங், சீனாவில் கொரோனா வைரஸ் பாதிப்பால் உயிரிழந்தவர்களின் எண்ணிக்கை தற்போது 26 ஆக உயர்ந்துள்ளது. யுவான் நகரையும் தாண்டி இந்த வைரஸ் பரவி 830 பேருக்கு பாதிப்பை ஏற்படுத்தி உள்ளது. இது மேலும் பரவாமல் இருப்பதற்காக 5 நகரங்களில் லட்சக்கணக்கானோர் பாதுகாப்பு வளையத்திற்குள் கொண்டு வரப்பட்டுள்ளனர். இந்நிலையில் படுவேகமாக பரவி வரும் கொரோனா வைரஸ் காரணமாக பாதிக்கப்பட்ட மக்களுக்கு சிகிச்சை அளிக்க, அந்நாட்டில் விரைவாக புதிய மருத்துவமனை ஒன்றை அமைக்க அந்நாட்டு அரசு தீவிர ஏற்பாடுகள் செய்து வருகிறது. மேலும் புதிதாக அமைய உள்ள இந்த மருத்துவமனை 10 நாட்களுக்குள் 25,000 சதுர மீட்டரில் 1,000 படுக்கைகளுடன் அமைக்கப்பட உள்ளதாக தகவல் வெளியாகி உள்ளது.

ஐஸ்லாந்து. அனைத்து மதங்களையும் " Mental disorders " சட்டம் நிறைவேறியது

https://www.patheos.com/blogs/laughingindisbelief/2020/01/iceland-declares-all-religions-are-mental-disorders/
Kishoker Stanislas
அனைத்து மதங்களையும் " Mental disorders " என்று அறிவிக்கும் சட்டத்தை நிறைவேற்றியது ஐஸ்லாந்து. ஐஸ்லாந்தின் பாராளுமன்றில் இடம்பெற்ற வாக்கெடுப்பில் 60-3 என்ற அறுதிப் பெருமான்மையுடன் ஐஸ்லாந்து சட்டத்தை நிறைவேற்றியிருக்கிறது. இந்தச் சட்டத்தின் பிரகாரம் முதற்கட்டமாக பொது இடங்களில் மதரீதியான எந்தச் செயற்பாடுகளிலும் ஈடுபடுவதை தடைசெய்கிறது. மதங்களை " Mental disorders " என்று அறிவித்ததன் மூலம் உண்மையை உலகுக்கு உரக்கச் சொன்ன புத்திஜீவிகளாக ஐஸ்லாந்தவர்கள் உலகுக்கு தம்மை காட்ட்கியிருக்கிறார்கள்.
அந்த மண்ணை என்றேனும் ஒருநாள் தரிசிக்க வேண்டும்.
தவிர , கடந்த வருட நடுப்பகுதியில் பிள்ளைகளுக்கு எந்த மதத்தையேனும் போதிப்பதற்கு தடை விதித்து சட்டம் நிறைவேற்றியது ஸ்வீடன். யாராகினும் " ஐயோ... இது கருத்து திணிப்பு. நாஸ்திக திணிப்பு , இதெல்லாம் உள்ளார்ந்து தெளிந்து நாஸ்திகராக மாறவேண்டுமே ஒழிய சட்டம் போடக் கூடாது என்று வாய்பேசி தமது பிள்ளைகளுக்கு மதங்களை போதித்தால் முதல் தடவைக்கு 500 ஸ்வீடன் க்ரோனர்களும், இரண்டாம் தடவைக்கு 1000 க்ரோனர்களும் தண்டப்பணமாக விதிக்கப்படும். மூன்றாம் தடவை என்றால் ஜெயிலில் களி தின்கவேண்டும் என்கிறார் ஸ்வீடன் அதிகாரிகள்.
மனித குலத்தின் மேல் பாரிய அன்போடு சட்டமியற்றியிருக்கும் இரண்டு நாடுகளுக்கும் அன்பும் முத்தங்களும்.
- ராம் திராவிடன்

கனடாவில் தமிழக மாணவிக்கு கத்திக்குத்து - ஐசியுவில் தீவிர சிகிச்சை

According to the Toronto police, Rachel was walking near campus when a man reportedly assaulted her. She was found with serious stab injuries.

news Crime Friday, January 24, 2020 - 15:26

tamil.indianexpress.com/ :கனடாவில் படித்துவந்த தமிழகத்தைச் சேர்ந்த 23 வயது பெண் அடையாளம் தெரியாத மர்ம நபரால் கத்தியால் குத்தப்பட்டதில் படுகாயம் அடந்தைவர் ஆபத்தான நிலையில் மருத்துவமனையில் திவிர...
கனடாவில் படித்துவந்த தமிழகத்தைச் சேர்ந்த 23 வயது பெண் அடையாளம் தெரியாத மர்ம நபரால் கத்தியால் குத்தப்பட்டதில் படுகாயம் அடந்தைவர் ஆபத்தான நிலையில் மருத்துவமனையில் திவிர சிகிச்சைப் பிரிவில் அனுமதிக்கப்பட்டுள்ளார்.
கனடா நாட்டில் டொரோண்டா நகரில் உள்ள யார்க் பல்கலைக்கழகத்தில் தமிழகத்தைச் சேர்ந்த ரேச்சல் ஆல்பர்ட் என்ற பெண் முதுகலை படித்துவந்தார். ரேச்சல் டொரோண்டொவில் பல்கலைக்கழக வளாகம் அருகே லெய்ட்ச் அவின்யூ அசினிபோயினே சாலையில் நடந்து சென்றுகொண்டிருந்தபோது, புதன்கிழமை காலை 10 மணி அளவில் அடையாளம் தெரியாத மர்ம நபரால் அவரைத் தாக்கி சிறிது தூரம் இழுத்துச் செல்லப்பட்டுள்ளார். இதில் மாணவியின் கழுத்துப் பகுதியில் கத்தியால் குத்தப்பட்டதில் படுகாயம் அடைந்தார். இதையடுத்து அருகில் இருந்தவர்கள் அவரை மீட்டு ஆபத்தான நிலையில் மருத்துவமனைக்கு கொண்டு சென்று அனுமதித்தனர்.

கண்களை கட்டிக்கொண்டு தன்னை சுற்றி உள்ளதை கூறி அசத்தும் மாணவர்

மாலைமலர் : அரசு பள்ளி மாணவர் தண்டபாணி கண்களை துணியால் கட்டிக்கொண்டு தன்னை சுற்றி உள்ளதை சரியாக கூறி அனைவரையும் அசத்தி வருகிறார். மாணவர் தண்டபாணி கண்ணை கட்டிக்கொண்டு ரூ.500 நோட்டை சரியாக கூறியபோது எடுத்த படம்.

லாலாபேட்டை : கரூர் மாவட்டம், பழையஜெயங்கொண்டம் அருகே உள்ள கோவக்குளம் கிராமத்தை சேர்ந்தவர் ஜெயபால். கூலி தொழிலாளி. இவரது மகன் தண்டபாணி (வயது 13). இவர் பழையஜெயங்கொண்டத்தில் உள்ள அரசு மேல்நிலைப்பள்ளியில் 8-ம் வகுப்பு படித்து வருகிறார். இவர் கண்களை துணியால் கட்டி கொண்டு சுற்றி நடப்பதை அறிந்து கொள்ளும் பயிற்சி பெற்றிருக்கிறார். இந்தநிலையில் நேற்று காலை பள்ளி வளாகத்தில் மாணவ-மாணவிகள் மற்றும் ஆசிரியர்கள் முன்னிலையில் தண்டபாணியின் கண்களை ஒரு துணியில் கட்டிவிட்டனர். பிறகு ஆசிரியர்கள் கைவிரலை காட்டி இது எத்தனை என்று கேட்டபோது சரியாக பதில் கூறினார். ரூபாய் நோட்டுகளின் மதிப்பு, அந்த நோட்டின் வரிசை எண்கள் போன்றவை குறித்த விவரங்களை அவர் சரியாக கூறினார். இதைக்கண்டு பள்ளி ஆசிரியர்கள், மாணவ-மாணவிகள் ஆச்சரியம் அடைந்தனர்.

பெரியார் சிலை சேதம்: டிஜிபி எச்சரிக்கை!

மின்னம்பலம் : பெரியார் உள்ளிட்ட தலைவர்களின் சிலையை சேதப்படுத்தினால் கடும் நடவடிக்கை எடுக்கப்படும் என டிஜிபி திரிபாதி எச்சரித்துள்ளார்.
காஞ்சிபுரம் மாவட்டம் சாலவாக்கம் அருகேயுள்ள கலியப்பேட்டையில் 1998ஆம் ஆண்டு தந்தை பெரியார் சிலை நிறுவப்பட்டு, திராவிடர் கழகத்தின் துணைத் தலைவர் கலி.பூங்குன்றனால் திறந்துவைக்கப்பட்டது. இந்த நிலையில் நேற்று (ஜனவரி 23) இரவு பெரியார் சிலையை அடையாளம் தெரியாத நபர்கள் உடைத்துவிட்டு தப்பியுள்ளனர். அதில், சிலையின் முகம் மற்றும் கை பகுதிகளில் சேதம் ஏற்பட்டது. சேதமடைந்த பெரியார் சிலை வெள்ளை துணியைக் கொண்டு மூடிவைக்கப்பட்டது.

சிஏஏ: தொடங்கியது இரவு பகல் தொடர் போராட்டம்!

மின்னம்பலம் : சென்னையில் ஒரு ஷாஹீன் பாக்
குடியுரிமை திருத்தச் சட்டத்துக்கு எதிராக நாடு முழுதும் ஆங்காங்கே போராட்டங்கள் நடந்துகொண்டே இருக்கின்றன. உச்ச நீதிமன்றம் இந்த சட்டத்துக்கு இடைக்காலத் தடை விதிக்க முடியாது என்று மறுத்துவிட்ட நிலையில், மத்திய அரசு இந்த சட்டத்தில் இருந்து ஒரு இன்ச் அளவு கூட பின்வாங்காது என்று உள்துறை அமைச்சர் அமித் ஷா அறிவித்துவிட்ட நிலையிலும் போராட்டங்கள் தொடர்ந்து நடந்துகொண்டே இருக்கின்றன.
தமிழகத்தின் பல பகுதிகளில் ஆர்பாட்டம், முற்றுகை, மாநாடு என்று பல்வேறு வடிவங்களில் குடியுரிமை திருத்தச் சட்டத்துக்கு எதிராக போராட்டம் நடைபெற்று வரும் நிலையில்... டெல்லியில் ஷாஹீன் பாக் பகுதியில் நடப்பது போல ஒரே இடத்தில் நீண்ட நாட்களாக தொடர் போராட்டம் இன்னும் தமிழகத்தில் நடக்கவில்லை.
இந்த நிலையில்தான் சென்னை வண்ணாரப்பேட்டையில் ஷாஹீன் பாக் போல தொடர் போராட்டத்தை நடத்த முடிவு செய்து அதை இன்று (ஜனவரி 24) தொடங்கியிருக்கிறார்கள். இதற்கு வண்ணாரப்பேட்டை அனைத்து மஸ்ஜித்கள் மற்றும் ஜமாத்தார்கள் கூட்டமைப்பு ஏற்பாடு செய்திருக்கிறது. பேசின் பிரிட்ஜ் அருகே இருக்கும் லாலாகுன்டா பகுதியில் இந்த தொடர் போராட்டம் தொடங்கியிருக்கிறது.

ரஜனி மீதான விசாரணைக்கு 15 நாள் அவகாசம் தேவை .. நீதிமன்றம்

''ரஜினிகாந்த் மீது போலீஸ் ஸ்டேசனில் புகார் கொடுத்து 15 நாட்கள் முடிவதற்குள்ளாகவே நீதிமன்றத்தை அணுகியது ஏன்? புகாரின் மீது விசாரணை நடத்த போலீஸ்துறைக்கு அவகாசம் அளிக்காமல் நீதிமன்றத்தில் வழக்கு தொடர்வதை ஏற்க முடியாது. சட்ட விதிகளுக்கு உட்பட்டு தான் நீதிமன்றம் செயல்பட முடியும் . புகாரின் மீது போலீசார் விசாரணை நடத்த கால அவகாசம் வழங்கி அதில் நடவடிக்கை எடுக்காத பட்சத்தில் மனுவாக தாக்கல் செய்ய வேண்டும்'
 தினமலர் : சென்னை: ஈ.வெ.ரா., குறித்து பேசிய நடிகர் ரஜினிகாந்த் மீது நடவடிக்கை எடுக்க வேண்டும் என, சென்னை உயர்நீதிமன்றத்தில் தாக்கல் செய்த மனுக்களை திராவிடர் விடுதலை கழகம் வாபஸ் பெற்றது.
இதனால், அந்த மனுக்கள் தள்ளுபடி செய்யப்பட்டன. 'துக்ளக்' இதழின் 50வது ஆண்டு விழாவில் பங்கேற்ற நடிகர் ரஜினி, 1971ல் சேலத்தில் நடந்த ஈ.வெ.ரா., நடத்திய பேரணி குறித்து பேசினார். இது சர்ச்சையை ஏற்படுத்தியது. அவர் மன்னிப்பு கேட்க வேண்டும் என சிலர் வலியுறுத்தினர். ஆனால், மன்னிப்பு கேட்க முடியாது என ரஜினி தெரிவித்துவிட்டார். இந்நிலையில், ஈ.வெ.ரா., குறித்து கருத்து தெரிவித்த நடிகர் ரஜினிகாந்த் மீது சட்டப்படியான நடவடிக்கை எடுக்க உத்தரவிட வேண்டும் என சென்னை உயர்நீதிமன்றத்தில் திராவிடர் விடுதலை கழகத்தின் உமாபதி என்பவர் மனு தாக்கல் செய்தார்.

பொள்ளாச்சி பாலியல் கொடூரம்... அடிதடி வழக்கில் ஆதாரம் இல்லை... கைவிட காத்திருக்கும் சிபிஐ!!

nakkheeran.in - அருள்குமார் : பெண்களை ஆபாச வீடியோ எடுத்து மிரட்டி நகையை பறித்ததாக கடந்த 2019 -ம் ஆண்டு பிப்ரவரி 24-ந் தேதி பாதிக்கப்பட்ட பெண் கொடுத்த புகாரின் பேரில் புகார் கொடுக்கப்பட்டது.
அதன் பின்னரே பல பெண்கள் இந்த விவகாரத்தில் சம்பந்தப்பட்டிருப்பது சில வீடியோக்கள் மூலம் வெளியானது. அதைத் தொடர்ந்து இந்த வழக்கில் திருநாவுக்கரசு என்கிறவன் முக்கிய குற்றவாளியாகவும், அதைத் தொடர்ந்து சபரிராஜன், சதீஷ், வசந்தகுமார் என மூவர் கைது செய்யப்பட்டனர். முக்கியக் குற்றவாளியென சொல்லப்பட்ட திருநாவுக்கரசு தலைமறைவாகி பின்னர்  கைது செய்யப்பட்டான். அதன் பின்னர் மார்ச் 26-ந் தேதி பொள்ளாச்சி ஜோதி நகர் பேருந்து நிறுத்தம் அருகே புகார் கொடுத்த பெண்ணின் அண்ணண் மீது தாக்குதல் நடத்தியதாக சொல்லப்பட்ட  வழக்கில் பைக் டீலிங் பாபு, செந்தில், வசந்தகுமார் ஆகிய மூன்று பேரை அடிதடி வழக்கில் சேர்த்து கைது செய்தது பொள்ளாச்சி காவல்துறை.

வெட்டி ஒட்டி தில்லுமுல்லு பிகாரி ரெங்கராஜ் பாண்டே .. காணொளி

வளன்பிச்சைவளன் : "நெஞ்சில் உரமின்றி நேர்மை திறனின்றி வஞ்சனை செய்வாரடி வாய் சொல்லில் வீரரடி"

என்ற பார்பன பாரதியின் வாய் சொல்லுக்கு இலக்கணமாய் திகழும் பீகாரி ரெங்கராஜ் பாண்டே, பீகாரி ஹரிஹர ராஜா சர்மா வரிசையில் இன்று மராட்டிய சிவாஜி ராவ் கெய்க்வாட் (தமிழக மக்கள் இட்ட பிச்சை ரஜினி என்ற பெயர்) இவர்கள் பொய்களை, தில்லுமுல்லுகளை நம்பி பிழைப்பு நடத்தும் இவர்களை சொல்ல சொல் தமிழில் இல்லை என்பதும் தமிழின் சிறப்பு.
திராவிடர் கழக பொதுச் செயலாளர் கி. வீரமணி அவர்களின் பேச்சில் பத்திரிகை நிருபர்கள் ஜலந்தரில் இந்திராகாந்தி அம்மையாரிடம் பெரியார் ராமனை செருப்பால் அடித்து விட்டார் உங்கள் பதிலென்ன என கேட்ட கேள்வியை வெட்டி திரு கி. வீரமணி அவர்கள் பெரியார் ராமனை செருப்பால் அடித்தார் என சொல்லுவதைப் போல் வெட்டி தில்லு முல்லு செய்யதோடு நில்லாமல்.
பிளிட்ஸ், கரண்ட் ஆங்கில வார ஏடுகள் மத விசயம் தமிழகத்தில் பெரு விளைவுகளை ஏற்படுத்த வில்லையே என்றும் மேலும் ராமனை செருப்பால் அடித்து விட்டு ஓட்டு கேட்டால் தமிழகத்தில் அதிக ஓட்டுகள் கிடைக்கும் என்று எழுதினார்கள் என்று சொன்னதை இதை திரு கி. வீரமணி தனது கருத்தாக சொன்னதை ப் போல் ஒரு மாயத் தோற்றத்தை ஏற்படுத்தி பரப்புகின்றனர்.
. இந்த தில்லுமுல்லு வை கோலாகலம் சீனிவாசன் போன்றோர் ஆதாரமாக காட்டி பேசுவதும், சில அரை சங்கிகள் (தங்களை சங்கி என அறிவிக்க திராணியற்றவர்கள்) இதை பரப்புகின்றனர்.
இது வட இந்தியா அல்ல இது தமிழகம். இது பெரியார் மண் பொய்களை யும், புனை சுருட்டுகளையும் தவிடு பொடியாக்குவோம்.
தில்லுமுல்லு கோஷ்டியின் முகத்திரையை கிழித்து மக்களுக்கு அடையாளம் காட்டுவோம்

பெரியார் ஊர்வலம்: 'ரஜினிகாந்த் ஏன் துக்ளக்கை ஆதாரமாக காட்டவில்லை?' - கலி. பூங்குன்றன்

BBC : சேலத்தில் 1971ல் திராவிடர் கழகத்தால் நடத்தப்பட்ட மூட நம்பிக்கை
ஒழிப்பு மாநாட்டில் ராமர் - சீதை படங்கள் அவமதிக்கப்பட்டதாக நடிகர் ரஜினிகாந்த் பேசிய விவகாரம் சர்ச்சையாகியிருக்கும் நிலையில், ரஜினிகாந்த் சொல்வதுபோல நடக்கவில்லையென மறுத்திருக்கிறது திராவிடர் கழகம். அந்த ஊர்வலத்தில் பங்கேற்றவரும், திராவிடர் கழகத்தின் துணைத் தலைவருமான கலி. பூங்குன்றன், அந்தத் தருணத்தில் நடந்த சம்பவங்களை பிபிசியின் செய்தியாளர் முரளிதரன் காசி விஸ்வநாதனிடம் பகிர்ந்துகொண்டார். அவரது பேட்டியிலிருந்து:
கே. 1971ல் திராவிடர் கழகத்தால் நடத்தப்பட்ட மூடநம்பிக்கை ஒழிப்பு மாநாட்டில் என்ன நடந்தது?
ப. 1971 ஜனவரி மூன்றாவது வாரத்தில் சேலத்தில் திராவிடர் கழகத்தின் சார்பில் மூட நம்பிக்கை ஒழிப்பு மாநாடு, ஊர்வலம் நடைபெற்றது. அதில் நான் நேரடியாகப் பங்கு கொண்டேன். முதல் நாள் மாநாட்டில் ஜி.டி. நாயுடு போன்றவர்கள் பங்குபெற்றார்கள். இரண்டாவது நாள் மாநாடு, ஊர்வலத்துடன் தொடங்கியது.
அந்த ஊர்வலத்தில் தந்தை பெரியார் வாகனத்தில் அழைத்துச் செல்லப்பட்டார். அது மூட நம்பிக்கை ஒழிப்பு மாநாடு என்பதால், இந்து மத புராணங்கள், இதிகாசங்களின் அடிப்படையில், ஓவியங்கள் வரையப்பட்டு எடுத்துச் செல்லப்பட்டன. உதாரணமாக, ஐய்யப்பன் என்றால் ஹரிக்கும் ஹரனுக்கும் பிறந்தவர் என்று சொல்வார்கள். ஆகவே அந்தப் படத்தையும் போட்டு, கீழே விளக்கத்தையும் கொடுத்திருந்தோம். ராமர் படத்தையும் போட்டிருந்தோம்.

நித்தியின் இருப்பிடம்: காட்டிக்கொடுத்த வங்கிக்கணக்கு! வானது தீவு !

மின்னம்பலம் : பாலியல் வன்கொடுமை, கடத்தல் என பல்வேறு குற்றச்சாட்டுகளுக்கு ஆளாகித் தலைமறைவாகியுள்ள சர்ச்சை சாமியார் நித்யானந்தா வனுவாட்டில் இருப்பதாகத் தகவல் கிடைத்துள்ளது.
பெங்களூருவில் பிடதி ஆசிரமத்தை நடத்தி வந்த நித்யானந்தா நாளடைவில் தனது ஆசிரம கிளைகளை வெளிமாநிலங்களுக்கும், வெளி நாடுகளுக்கும் பரப்பினார். எந்த அளவுக்கு அவரது ஆசிரமங்கள் வளர்ச்சி அடைந்ததோ, அதே அளவுக்கு அவர் மீது பாலியல் குற்றச்சாட்டு, கடத்தல், பணம் பறித்தல் என பல்வேறு குற்றச்சாட்டுகள் தொடுக்கப்பட்டன. இதன்மூலம் தனக்கு நெருக்கடிகள் அதிகரித்ததை அடுத்து நித்தி தலைமறைவானார். நேபாளில் இருக்கிறார், ஈகுவாடரில் இருக்கிறார் என நாள்தோறும் ஒரு தகவல் வெளியானது.
அவரது இருப்பிடத்தைக் கண்டறியக் குஜராத் போலீசாரும், கர்நாடகா போலீசாரும் இண்டர்போல் உதவியை நாடினர். அதன்படி இண்டர்போல் நேற்று நித்திக்கு எதிராக ப்ளூ கார்னர் நோட்டீஸை வெளியிட்டது.

சிவகாசி சிறுமி கொலை - அசாம் வாலிபர் கைது

மாலைமலர் : சிவகாசியில் 8 வயது சிறுமி கொலை செய்யப்பட்டது தொடர்பாக, அசாம் மாநிலத்தை சேர்ந்த மஜம் அலி என்பவரை போலீசார் கைது செய்தனர்.  விருதுநகர்: சிவகாசி அருகே 8 வயது சிறுமி, காட்டுப்பகுதியில் கொடூரமாக கொலை செய்யப்பட்டார். அவர் பாலியல் பலாத்காரம் செய்யப்பட்டு இருக்கலாம் என்று போலீசார் சந்தேகம் அடைந்தனர்.
கொலையாளிகளைப் பிடிக்க மாவட்ட போலீஸ் சூப்பிரண்டு பெருமாள் உத்தரவுப்படி 5 தனிப்படைகள் அமைக்கப்பட்டன. இந்த தனிப்படையினர் பல்வேறு கோணங்களில் விசாரணை நடத்தி வந்தனர்.
வட மாநில வாலிபர்களுக்கு கொலையில் தொடர்பு இருக்கலாம் என கருதினர். அதன்பேரில் அப்பகுதியில் தங்கி வேலை பார்க்கும் வட மாநில வாலிபர்களிடம் விசாரணை நடத்தப்பட்டது.
இதில் வடமாநில வாலிபர்கள் உள்பட 4 பேரை பிடித்த போலீசார் அவர்களை ரகசிய இடத்தில் வைத்து விசாரணை நடத்தி வருகின்றனர். இந்நிலையில், சிவகாசி சிறுமி கொலை செய்யப்பட்ட வழக்கில் அசாம் மாநிலத்தைச் சேர்ந்த மஜம் அலி என்ற வாலிபரை போலீசார் கைது செய்துள்ளனர். அவரிடம் தொடர்ந்து விசாரித்து வருகின்றனர்

பெரியார் மீது நடந்த தாக்குதல்கள் குறித்து ரஜினிகாந்த் ஏன் பேசவில்லை’: பினாங்கு ராமசாமி

படத்தின் காப்புரி  BBC -சதீஷ் பார்த்திபன் :தமிழ், தமிழர்களின் வரலாறு குறித்தெல்லாம் ஏதும் தெரிந்து கொள்ளாத நடிகர் ரஜினிகாந்த் தேவையற்ற விஷயங்களைப் பேசி தன்னைத் தானே அசிங்கப்படுத்திக் கொள்வதாக மலேசியாவின் பினாங்கு மாநில துணை முதல்வர் பேராசிரியர் ராமசாமி தெரிவித்துள்ளார்.

பிபிசி தமிழுக்கு அளித்த பேட்டியில் ரஜினிகாந்தை கடுமையாக விமர்சித்துள்ளார் பேராசிரியர் ராமசாமி.

அண்மையில் துக்ளக் பத்திரிகை ஆண்டு விழாவில் ரஜினி தெரிவித்த சில கருத்துகளுக்காக அவரை குற்றவாளி எனச் சாட இயலாது என்றபோதிலும், தமிழர்களின் கலாசாரம், வழக்கம் மற்றும் மரபுகள் ஆகியவற்றைத் தொடும் விஷயங்கள் தொடர்பாக கருத்து தெரிவிப்பதை அவர் தவிர்ப்பது நல்லது என்றார் ராமசாமி.

கேள்வி: பல ஆண்டுகளுக்கு முன் நிகழ்ந்த ஒரு சம்பவம் தொடர்பான ஊடகச் செய்தியை எடுத்துச் சொல்லி ரஜினி தன் கருத்தைச் சொல்ல முற்பட்டது தவறா?
பதில்: கருத்து தெரிவிக்க எல்லோருக்கும் உரிமை உண்டு. ராமர் சிலை மீது காலணிகள் வீசப்பட்டதாகக் கூறுகிறார் ரஜினி. அதே காலகட்டத்தில் பெரியார் மீதும் எத்தனையோ தாக்குதல்கள் நடந்துள்ளன. அதை மறுக்க இயலுமா? அது குறித்து ரஜினிகாந்த் ஏன் பேசவில்லை?
தமிழன் உருப்பட வேண்டும், சாதிகள் ஒழிய வேண்டும், பிராமண ஆதிக்கம் முடிவுக்கு வர வேண்டும் என்பதற்காகப் பாடுபட்டவர் பெரியார் என்பதுதான் வரலாறு. ரஜினி ஏன் அதைப் பற்றிப் பேசவில்லை? மக்களுக்காக பெரியார் எவ்வளவோ போராட்டங்களை நடத்தினார். ரஜினி அதுபோன்று தொடர்ந்து போராடியுள்ளாரா?
கேள்வி: ரஜினி மன்னிப்பு கோர வேண்டும் என்று வலியுறுத்தப்படுவது குறித்து என்ன நினைக்கிறீர்கள்?

குடியுரிமை சட்ட விவாதம்: அமித்ஷா விடுத்த சவாலை அகிலேஷ் யாதவ், மாயாவதி ஏற்றனர்

தினத்தந்தி : லக்னோ, மத்திய அரசு கொண்டு வந்துள்ள குடியுரிமை திருத்த சட்டம், சிறுபான்மையினருக்கு பாதிப்பை ஏற்படுத்தும் என்று எதிர்க்கட்சிகள் குற்றம் சாட்டி வருகின்றன. அதன் அடிப்படையில், மத்திய உள்துறை மந்திரி அமித்ஷா, எதிர்க்கட்சிகளுக்கு ஒரு சவால் விடுத்துள்ளார். “சிறுபான்மையினரின் குடியுரிமை பறிக்கப்படும் என்று சட்டத்தில் எங்காவது கூறப்பட்டுள்ளதா என்பதை காட்ட முடியுமா? இதுதொடர்பாக பா.ஜனதா தலைவர்களுடன் விவாதத்துக்கு வர தயாரா?” என்று அமித்ஷா சவால் விடுத்தார்.
இந்நிலையில், அமித்ஷா விடுத்த சவாலை சமாஜ்வாடி கட்சி தலைவரும், உத்தரபிரதேச முன்னாள் முதல்-மந்திரியுமான அகிலேஷ் யாதவ், பகுஜன் சமாஜ் கட்சி தலைவர் மாயாவதி ஆகியோர் ஏற்றுக்கொண்டுள்ளனர்.
லக்னோவில், மறைந்த சோஷலிஸ்ட் தலைவர் ஜானேஸ்வர் மிஸ்ரா நினைவு தின நிகழ்ச்சி நேற்று நடைபெற்றது. அதில், அகிலேஷ் யாதவ் பேசியதாவது:-

மும்பை இனி 24 மணி நேரமும் திறந்திருக்கும்! சென்னை?

மின்னம்பலம் : இந்தியாவின் தூங்காத நகரம் என்று அழைக்கப்படும் மும்பை, இனி 24 மணி நேரமும் திறந்திருக்கும் நகரமாகவும் அறிவிக்கப்பட்டுள்ளது.
மகாராஷ்டிரா அமைச்சரவை நேற்று (ஜனவரி 22) கூடியபோது மால்கள், மல்டிபிளெக்ஸ் மற்றும் கடைகளை அடுத்த திங்கட்கிழமை (ஜனவரி 27) முதல் இரவு பகலாக 24 மணி நேரமும் செயல்பட அனுமதித்துள்ளது.

முதல் கட்டத்தில், குடியிருப்பு அல்லாத பகுதிகளில் அமைந்துள்ள மால்கள், கடைகள், உணவகங்கள் மற்றும் தியேட்டர்கள் 24 மணி நேரம் திறந்த நிலையில் இருக்க அனுமதிக்கப்படும் என்று அறிவிக்கப்பட்டுள்ளது. மகாராஷ்டிர சுற்றுலாத்துறை அமைச்சர் ஆதித்யா தாக்கரே இந்தக் கொள்கையின் பின்னணியில் உள்ளார்.

ரஜினி மீது மேலும் ஒரு வழக்கு.. பெரியார் குறித்து பொய்யான தகவல்!-

nakkheeran.in -அதிதேஜா : தந்தை பெரியார் குறித்து அவதூறான கருத்துகளைப் பரப்பியதாக நடிகர் ரஜினிகாந்துக்கு எதிராக திராவிடர் விடுதலை கழகம் சார்பில் மேலும் ஒரு புதிய வழக்கு தொடரப்பட்டுள்ளது.
கடந்த ஜனவரி 14 -ம் தேதி சென்னையில் நடைபெற்ற துக்ளக் இதழின் ஆண்டு விழாவில் பேசிய நடிகர் ரஜினிகாந்த், 1971 -ஆம் ஆண்டு, சேலத்தில் தந்தை பெரியார் நடத்திய பேரணி ஒன்றில் ராமன், சீதை ஆகியோரின் நிர்வாண உருவங்களை எடுத்துச்சென்றதாகவும், செருப்பு மாலை அணிவிக்கப்பட்டிருந்ததாகவும் பேசினார். பெரியார் பற்றி பொய்யான தகவலைப்  பரப்பி பெரியாரின் பெயருக்கு களங்கம் ஏற்படுத்தியதுடன், பொது அமைதியைக் குலைக்கும் வகையிலும் நடிகர் ரஜினிகாந்த் பேசி உள்ளதால், அவர் மீது வழக்கு பதிந்து நடவடிக்கை எடுக்கக்கோரி கோவை காட்டூர் காவல் நிலையத்தில் திராவிடர் விடுதலை கழகத்தின் கோவை மாவட்ட தலைவர் நேருதாஸ் புகார் அளித்திருந்தார்.

Dr. Shalini : ரஜினி ஒரு நச்சு. அவர் நம்மிடையே பரவுவது நமக்கு பேராபத்து.

Dr. Shalini : ரஜினிகாந்த் ஓர் அபஸ்வரம், அபத்தம் மட்டுமல்ல, ரொம்ப
ஆபத்தான மனிதர்....
நமது இளைஞர்களுக்கு சிகரெட் பிடிப்பது பெரிய ஸ்டைல் என்று சொல்லித்தந்தார்.
பெண்களை மட்டமாக நடத்த சொல்லித் தந்தார்.
சினிமாவில் மட்டும் பெரிய தியாகி மாதிரி நடிப்பவர், நிஜ வாழ்வில் பிளாக் டிக்கெட், பிளாக் மனி என்று பல சட்ட விரோதமான செயல்களை தொடர்ந்து செய்கிறார்.
இதுவே டூ மச் டேமேஜ்!

இது போதாதென்று இவர் சோவிற்கு கூஜா தூக்குகிறார்!
சோ யார்?
சென்னையில் மேடை நாடகம் போட்டவர். சினிமாவில் காமடியன், இரண்டிலுமே மெட்ராஸ் பாஷையை கொச்சை படுத்தி பிழைப்பு நடத்தியவர். துக்ளக் எனும் பெயரில் தமிழ் பத்திரிக்கை நடத்தியவர்: துக்ளக் என்பது உருது, பத்திரிக்கையின் மொழி தமிழ், அடிக்கும் காபி 5000. படிப்பவர் எல்லோருமே பிராமணர்கள்.
5000 காபி மட்டும் அச்சடிக்கும் பத்திரிக்கைக்கு சொந்தக்காரர். பெரிய அறிவாளி, அரசியல் சாணக்கியர், கிங் மேக்கர் என்றெல்லாம் புகழப்படும் மிஸ்டர் ராமசாமி, மிடாஸ் எனும் சாராய கம்பெனியின் ஓனர்.

கர்நாடகாவின் மங்களூரு சர்வதேச விமான நிலையத்தில் வெடிகுண்டு வைத்த நபர் போலீசில் சரண்

தினத்தந்தி : கர்நாடகாவின் மங்களூரு சர்வதேச விமான நிலையத்தில் வெடிகுண்டு வைத்த நபர் இன்று காலை போலீசில் சரண் அடைந்துள்ளார். கர்நாடகாவின் மங்களூரு நகரில் அமைந்துள்ள மங்களூரு சர்வதேச விமான நிலைய வளாகத்தில் கடந்த திங்கட்கிழமை காலை வெடிகுண்டு ஒன்று வைக்கப்பட்டு இருந்தது கண்டறியப்பட்டது.
இதுபற்றி சி.சி.டி.வி. கேமிரா பதிவுகளை கொண்டு போலீசார் விசாரணை மேற்கொண்டு வந்தனர்.  இந்நிலையில், இதுபற்றி பத்திரிகைகள் மற்றும் தொலைக்காட்சி சேனல்களில் செய்திகள் வெளியாகின.  இதனை அடுத்து வெடிகுண்டு வைத்த நபர் இன்று காலை 8 மணியளவில் போலீசில் சரண் அடைந்துள்ளார்.  அவரை ஹலாசூர்கேட் போலீசார் உடனடியாக சென்று கைது செய்து காவல் நிலையத்திற்கு கொண்டு சென்று விசாரணை மேற்கொண்டனர்.

சத்துணவு முட்டை நிறுத்தப்படும் அபாயம் வருகிறது ?

Krishnavel T S : இனிமேல் இஸ்கானின் அட்சய பாத்திரம் என்ற அமைப்பு தமிழ்நாட்டின் சத்துணவு திட்டத்தை எடுத்து நடத்தும் போல உள்ளது. இனிமேல் குழந்தைகளுக்கு சத்தான உணவாகிய முட்டை நிறுத்தப்படும், வெங்காயம் பூண்டு இருக்காது.
ஐஎஸ்ஓ தர சான்றிதல் பெற்ற சமையல் அறைகள் என்று அவாள் நடத்தும் சமையல் கூடங்கள் மூலம் எல்லா பள்ளிகளுக்கும் (எதையெல்லாம் எடப்பாடி அரசு மூடவில்லையோ) உணவு அனுப்பி வைக்கப்படும்.
சமூக நீதி என்று தாழ்த்தப்பட்டவரை சமையல் செய்ய நியமித்த கலைஞர் அவர்களது வேலைவாய்ப்பு திட்டம் அடியோடு ஒழிக்கப்பட்டுவிடும். கான்ட்ராக்ட் முறையில் சத்துணவு சமைப்பதற்கு இஸ்கான் அமைப்பிற்கு மாதாமாதம் பணம் கொடுக்கப்படும் அந்த பணத்தின் மூலம் இஸ்கான் தொடர்ச்சியாக மூடநம்பிக்கைகளை பரப்பும் வேலையை செவ்வனே செய்யும்

பேரா .சுப.வீரபாண்டியன் ரஜனிக்கு பதிலடி !: இந்துக்களுக்கு எதிரானவர்கள் பார்ப்பனர்கள் மட்டுமே!

Suba.Veerapandian : தமிழக அரசியல் மீண்டும் தொடங்கிய இடத்திற்கே.... -சுப, வீரபாண்டியன்
2007 ஜனவரி 22 ஆம் நாள், சென்னை, கலைவாணர் அரங்கில், இனமானப் பேராசிரியர் அவர்களால் தொடக்கி வைக்கப்பட்ட இயக்கமே, திராவிட இயக்கத் தமிழர் பேரவை! 13 ஆண்டுகளை நிறைவு செய்து, 14 ஆம் ஆண்டில் அடியெடுத்து வைக்கும் இத்தருணத்தில், அன்பையும், தோழமையையும் அனைவருடனும் பகிர்ந்து மகிழ்கிறேன்.
கடந்த 13 ஆண்டுகளில், தொடக்க நாளிலிருந்து இன்றுவரையில் என்னுடன் சேர்ந்து பயணம் செய்யும் தோழர்கள், இடையில் பிரிந்தோர், புதிதாய் வந்தோர் என்று பலர் உண்டு. அனைவருக்கும் என் அன்பும், நன்றியும்!
பேரவை தொடர்பான என் அனுபவங்கள் பகிர்ந்துகொள்ளப்பட வேண்டியவைதாம் என்றாலும், இந்தப் பதிவு அதற்கானதில்லை. பேரவை என்பது, சமூகத்திற்கு நன்மை செய்ய வேண்டும் என்ற நோக்கில் உருவாக்கப்பட்டதுதான். எனவே அதனைப் பற்றிப் பேசிக் கொண்டிருப்பதை விட, நம் தமிழ்ச் சமூகம் குறித்த என்னைப் போன்றோரின் கவனம், கவலை ஆகியன குறித்து அனைவருடனும் என் எண்ணங்களைப் பகிர்ந்து கொள்ளவே இதனைப் பதிவிடுகிறேன்.

காலைவாரிய காங்கிரஸ்: திமுக செயற்குழுவில் கோபக் குரல்!

மின்னம்பலம் : திமுக தலைமைச் செயற்குழுவில் ஆபரேஷனுக்கு தயார் என்று அக்கட்சித் தலைவர் ஸ்டாலின் பேசியிருந்ததை மின்னம்பலம் தமிழின் முதல் மொபைல் தினசரி இதழில் நேற்று (ஜனவரி 21) மாலை 7 மணி பதிப்பில் வெளியிட்டிருந்தோம்.
இந்நிலையில் இன்று உங்களில் ஒருவன் என்ற தலைப்பில் திமுக தொண்டர்களுக்கு ஸ்டாலின் எழுதிய கடிதத்தில் அதை உறுதிப்படுத்தியிருக்கிறார் . தலைமைச் செயற்குழு அவசரக் கூட்டத்தில் நிறைவேற்றப்பட்ட முக்கியமான ஆறு தீர்மானங்கள் பற்றி விளக்கிய ஸ்டாலின், “ நாடாளுமன்றத் தேர்தலில் மகத்தான வெற்றி பெற்றோம். அதில் சில இடங்களில் உள்ளாட்சித் தேர்தலில் தொய்வு தெரிகிறது. தயக்கமும் சுணக்கமும் ஏன் என்பதை ஆலோசனை செய்தாக வேண்டும். கழக நிர்வாகிகள் உங்களால் முடிந்தளவு பிரச்சினைகளைத் தீர்ப்பதற்கு முயற்சி செய்யுங்கள். தலைமைக் கழகத்தால்தான் தீர்க்க முடியும் என்கிற விஷயங்களைச் சொல்லுங்கள். பரிசீலித்துத் தீர்த்து வைக்கும். நோய் வந்தால் உடனடியாக அதற்கு மருந்து தந்தாக வேண்டும். இல்லாவிட்டால் எந்த மருந்துக்கும் குணமாகாத நோயாக அது மாறிவிடும். சிறு பிரச்சினைதானே என்று மறைத்தால், அது உள்ளுக்குள்ளேயே வளர்ந்து பெரிய பிரச்சினையாக ஆகிவிடும்.

அச்சுறுத்தும் கொரோனோ: விமான நிலையங்களில் சோதனை!

மின்னம்பலம் : தற்போது உலக நாடுகளை அச்சுறுத்தி வரும் கொரோனோ வைரஸிற்கு இதுவரை 9 பேர் பலியாகியுள்ளனர். இந்நிலையில் சீனாவிலிருந்து இந்தியா வரும் விமான பயணிகளிடையே தீவிர மருத்துவ பரிசோதனை நடத்தப்பட்டு வருகிறது.
சீனாவில் புதிய வகை கொரோனா வைரஸ் கடந்த வாரத்திலிருந்து பரவி வருகிறது. முதலில் இது கடல் உணவு மற்றும் இறைச்சி சந்தையில் விலங்குகளிடம் இருந்து பரவியதாகத் தகவல்கள் தெரிவிக்கின்றன. இந்த புதிய வைரஸ் தற்போது மனிதனிலிருந்து மனிதனுக்குப் பரவும் என்று சீனாவின் மருத்துவ ஆணையம் தெரிவித்துள்ளது. குவாங்டாங், வுகான் ஆகிய மாகாணங்களில் இந்த நோய்த் தொற்று கண்டறியப்பட்டுள்ளது. 1.1. கோடி பேர் வசித்து வரும் வுகானில் 100க்கும் மேற்பட்டவர்களிடம் இந்த தொற்று இருப்பதாக கண்டறியப்பட்டுள்ளது. அவர்களுக்கு மருத்துவச் சிகிச்சை அளித்த நிலையில் 15 மருத்துவ பணியாளர்களுக்கும் இந்த பாதிப்பு ஏற்பட்டுள்ளது. இந்த வகை காய்ச்சல் ஏற்பட்டால் சுவாசத்தில் பிரச்சினை ஏற்பட்டு உயிரிழப்பு ஏற்படும். இந்நிலையில் இந்த பாதிப்பினால் 9 பேர் வரை உயிரிழந்துள்ளதாகச் சீனா தெரிவித்துள்ளது.
தாய்லாந்து, ஜப்பான், தென் கொரியா போன்ற நாடுகளிலும் சிலருக்கு இந்த வைரஸ் தொற்று ஏற்பட்டிருப்பது கண்டறியப்பட்டுள்ளது. இவர்கள் சமீபத்தில் சீனாவின் வுகான் மாகாணத்துக்குச் சென்று திரும்பியவர்கள் என்று தகவல்கள் தெரிவிக்கின்றன.

சுப்ரமணியன் சுவாமி : ரஜினி என்னிடம் போனில் பேசினார்: அவருக்காக நீதிமன்றத்தில் வாதாடத் தயார்

நடிகர் ரஜினிகாந்த் பெரியார் குறித்து பேசிய பேச்சில் அவருக்கு பின்னால் தாம் நிற்பதாகவும், அவருக்காக நீதிமன்றத்தில் வாதாடவும் தயார் என பாஜக மூத்த தலைவர் சுப்ரமணியன் சுவாமி தெரிவித்துள்ளார்.
சமீபத்தில் நடந்த துக்ளக் ஆண்டு விழாவில் பேசிய ரஜினி, திமுக தலைவர் கருணாநிதி, முரசொலி, பெரியார் பற்றி குறிப்பிட்டுப் பேசிய நிகழ்வு சர்ச்சைக்குரியதாக மாறியது. இரு தரப்பிலும் சமூக வலைதளங்களில் காரசாரமாக மோதிக்கொண்டனர்.

அன்றிரவே திமுக இளைஞரணிச் செயலாளர் உதயநிதி ரஜினியை இடித்துரைக்கும் வண்ணம் ட்விட்டரில் பதிவிட்டிருந்தார். ரஜினியின் கருத்துக்கு திராவிடர் கழகம், திராவிடர் விடுதலை கழகம் எதிர்வினையாற்றின.
அவரது பேச்சுக்கு பலத்த எதிர்ப்பு கிளம்பியது. பெரியார் குறித்து அவதூறு கிளப்புவதாக திராவிடர் விடுதலைக் கழகம் சார்பில் கோவையில் ரஜினி மீது புகார் அளிக்கப்பட்டது.

1979 மார்ச் 7-ம் தேதி இரவு ரஜினி கைது செய்யப்பட்டார். .. ஜெயமணி கொடுத்த புகாரில் flashback

Kalai Selvi : இதுவும் பத்ரிகை செய்திதான் ... நாங்களும் பரட்டைதான் ...
எங்களுக்கும் சீப்பு இருக்குது
ரஜினியின் கைதுக்கு காரணமாக இருந்தவர் ஜெயமணி. வாரப் பத்திரிகை ஒன்றில், சினிமா செய்தியாளராக இருந்த ஜெயமணி, போலீஸில் அதிரடியாக அளித்த புகாரில்தான் ரஜினி கைதானார்.
''சென்னை மியூசிக் அகாடமி அருகில் சாலையில் நின்று கொண்டிருந்தேன். அப்போது அங்கே காரில் வந்த ரஜினிகாந்த், என் மீது மோத முயன்றார். நான் சுதாரித்து நகர்ந்து கொண்டதால் தப்பித்தேன். என் மீது காரை ஏற்ற முயற்சித்ததோடு என்னை கொலை செய்துவிடுவதாகவும் ரஜினிகாந்த மிரட்டினார்.'' என ஜெயமணி கொடுத்த புகாரில் 1979 மார்ச் 7-ம் தேதி இரவு ரஜினி கைது செய்யப்பட்டார்.

அப்போது ராயப்பேட்டை போலீஸ் இன்ஸ்பெக்டர் சோமசுந்தரமும் சப் இன்ஸ்பெக்டர் பாஸ்டின் ஆகிய இருவரும்தான் ரஜினியை கைது செய்தவர்கள்.
ராயப்பேட்டை போலீஸ் ஸ்டேஷனுக்கு முதலில் ரஜினி விசாரணைக்கு அழைக்கப்பட்டார். நள்ளிரவு வரையில் விசாரணை நடத்தப்பட்டு, கைது செய்யப்பட்டார். பிறகு ஜாமீனில் விடுவிக்கப்பட்டார்.
இ.பி.கோ 506 (மிரட்டுதல்),

10 நிமிடங்களில் 4 குவார்ட்டர்.குடிக்கும் போட்டியில் உயிரிழப்பு

மாலைமலர் : உத்தர பிரதேச மாநிலம் பரேலி மாவட்டத்தில் மது குடிக்கும் போட்டியில் கலந்துகொண்டு, அளவுக்கு அதிகமாக மது குடித்தவர் ரத்த வாந்தி எடுத்து மரணமடைந்த சம்பவம் அப்பகுதியில் சோகத்தை ஏற்படுத்தியது.
பரேலி: உத்தர பிரதேச மாநிலம் பரேலி மாவட்டத்தில் உகான்பூர் கிராமத்தைச் சேர்ந்தவர் ராஜேந்திர சிங் (55). இவர் கடந்த வெள்ளிக்கிழமை காலை, இஸட்நகர் பகுதியில் உள்ள தனது உறவினர் பிரதீப் என்பவரின் வீட்டிற்கு சென்றுள்ளார்.
அங்கு மது குடிப்பது தொடர்பாக இருவருக்குமிடையே பந்தயம் நடந்தது. 20 நிமிடத்திற்குள் யார் 4 குவாட்டர் பாட்டில்களை குடிக்கிறாரோ அவர்தான் வெற்றியாளர். தோல்வி அடைபவர், இரண்டு பேருக்கான 8 குவார்டர் பாட்டில்களுக்கான விலையை கொடுக்க வேண்டும்.
ராஜேந்திர சிங்கின் மகன் தர்மேந்திரா உள்ளிட்ட 9 பேர் உடனிருந்தனர். ஆனால் போட்டி ஆரம்பித்த பத்து நிமிடத்திலேயே ராஜேந்திர சிங் நான்கு குவாட்டர் பாட்டில்களை, தண்ணீர் உள்ளிட்ட எந்த பானமும் கலக்காமல் ராவாக குடித்து முடித்து பந்தயத்தில் வென்றார்.
இந்த உற்சாகத்துடன் தன் வீட்டிற்கு வந்து படுத்த ஒரு மணி நேரத்தில் ரத்த வாந்தி எடுத்து மயங்கினார்.

பெரியார் பற்றிய பேச்சு: “ரஜினி உரிய விலையை கொடுப்பார்” – கி. வீரமணி

BBC :ரஜினிகாந்த்

பெரியார் தொடர்பாக நடிகர் ரஜினி காந்த் சமீபத்தில் துக்ளக் விழாவில் பேசிய பேச்சு பற்றி கேட்டபோது, ரஜினி காந்த் அதற்கு உரிய விலை கொடுப்பார் என்று தெரிவித்தார் திராவிடர் கழகத் தலைவர் கி.வீரமணி.

மருத்துவப் படிப்புக்கான நீட் தேர்வை எதிர்த்து தமிழகம் முழுவதும் மேற்கொள்ள விழிப்புணர்வு பிரசாரத்துக்கான தொடக்க நிகழ்ச்சியில் பங்கேற்பதற்காக வீரமணி தூத்துக்குடி வந்திருந்தார்.
விமான நிலையத்தில் செய்தியாளர்களை சந்தித்த அவரிடம் ரஜினி காந்த் பேச்சு பற்றி கருத்து கேட்கப்பட்டது. “அவருக்கு இருக்கும் மரியாதை என்ன என்பது தெரிந்துவிட்டது. ரஜினிகாந்த் தவறான தகவலைப் பேசும்போது அதை மற்றவர்கள் சுட்டிக்காட்டுகிறார்கள். அவர் அரசியலுக்கு வந்தால் பேசுவது எப்படி இருக்கும் என்பது உங்களுக்கே தெரியும். தூத்துக்குடி நகரில் நடந்த பெரிய துப்பாக்கிச் சூடு தொடர்பாக அவர் என்ன சொன்னார் என்பதே அவர் யார் என்பதை புரிந்துகொள்வதற்கு வாய்ப்பாகிறது. ஏழு பேரின் நிலை என்ன என்று கேட்டபோதே, எந்த ஏழு பேர் என்று கேட்ட சிறந்த அரசியல் ஞானி அவர்” என்று குறிப்பிட்டார் வீரமணி.

இயக்குனர் சேரன் என்ன சார் இப்படி புளுகுறீங்க ?

Ksb Boobathi : தமிழகத்தில்_மாற்றத்தை கொண்டு வரவேண்டும் என்று சொன்னவர்களை
விட கடந்த 50 ஆண்டுகளுக்கு முன்பு மாற்றம் வரவேண்டும் என்று சொன்னவர்கள் என்ன செய்தார்கள் என்று தெரியவில்லை இன்றுவரை இதே நிலைதான் உள்ளது எந்தவொரு மாற்றமும் இல்லை. இயக்குனர்சேரன். என்ன சார் இப்படி புளுகுறீங்க ..!
பத்துக்கும் மேற்பட்ட படங்களை எடுத்துருக்கீங்க பல படங்களில் நடிச்சிருக்கீங்க இதெல்லாம் எப்படி என்று கேட்டால் என்னுடைய உழைப்பு என்று எதிர் பதில் வரும் மறுக்கவில்லை.
இதை மேலூரில் இருந்து வந்த ஒரு சேரனால் எப்படி செய்ய முடிந்தது..? கொஞ்சம் பின்னோக்கி செல்வோம் உங்கள் வயது தோராயமாக 50 என்று வைத்துக் கொள்வோம் .
அதாவது நீங்கள் பிறப்பதற்கு முன்பு உங்கள் தாயாரோ தந்தையாரோ அரசு வேலைகளில் இருந்தவர்கள் என்று படித்துள்ளேன். அன்றைய காலகட்டத்தில் மேலாதிக்க சாதிநிலை தாண்டவம் ஆடியபோது அந்த குக்கிராமத்தில் இருந்த இவர்கள் படித்து எப்படி வேலையில் சேர்ந்தார்கள் என்று யோசித்தது உண்டா..?
அன்றைய காலகட்டத்தில் பெண்கள் வீட்டுவேலை , கூலிவேல  போன்ற இடங்களில் மட்டுமே இருப்பார்கள் பிறகு எப்படி அரசுவேலைகளில் பணி அமர்த்தப்பட்டார்கள் என்று யோசித்தது உண்டா..?
 மேல்சாதியினர் மட்டுமே படிக்க வேண்டும் என்ற நிலையில் நீங்கள் ஆரம்பகல்வியை , உயர்கல்வியை, பட்டப்படிப்பை எப்படி பெற்றீர்கள் என்றாவது யோசனை செய்தது உண்டா..?

5-ம் வகுப்பு, 8-ம் வகுப்பு மாணவர்கள் தங்கள் பள்ளிகளில் தேர்வு எழுதலாம் - அமைச்சர் செங்கோட்டையன்

மாலைமலர் ; தமிழகத்தில் 5-ம் வகுப்பு, 8-ம் வகுப்பு மாணவர்கள் எந்த பள்ளியில் படிக்கிறார்களோ அந்த பள்ளியிலேயே பொதுத்தேர்வை எழுதலாம் என்று உத்தரவிட்டிருப்பதாக அமைச்சர் செங்கோட்டையன் தெரிவித்தார்.

சென்னையில் பள்ளி கல்வித்துறை அமைச்சர் செங்கோட்டையன் நிருபர்களுக்கு பேட்டி அளித்தார். அப்போது அவர் கூறியதாவது:- 5-ம் வகுப்பு, 8-ம் வகுப்பு மாணவர்கள் எந்த பள்ளியில் படிக்கிறார்களோ அந்த பள்ளியிலேயே பொதுத்தேர்வை எழுதலாம் என்று உத்தரவிட்டுள்ளோம். எந்த மாணவரும் அருகில் உள்ள பள்ளிக்கு சென்று பரீட்சை எழுத வேண்டிய அவசியம் இல்லை. 5 பேர், 8 பேர் இருந்தாலும் அவர்களும் தங்கள் பள்ளியிலேயே எழுதலாம்.<
பரீட்சையில் 100-க்கு 100 சதவீதம் மாணவர்கள் தேர்ச்சி பெறுவார்கள். அதில் எந்த அச்சமும் மாணவர்களுக்கு ஏற்படாது. பெற்றோர்களும், கல்வியாளர்களும் இதில் அச்சப்பட தேவையில்லை.

'ஹைட்ரோ கார்பன் திட்டம்' போராட்டத்திற்கு தயாராகும் மக்கள.. 15 லட்சம் மக்களை வேலையின்றி அகதிகளாக்கபோகும்.

nakkheeran.in : ஹைட்ரோ கார்பன் திட்டம் நடைமுறைக்கு வந்தால் டெல்டா மாவட்டங்களில் குறைந்தது 15 லட்சம் பேர் வேலைகளை அகதிகளாக மாறும் அபாயம் ஏற்படும், மீனவர்களும் விவசாயிகளும் குடும்பத்துடன் போராட்டத்திற்கு ஆயத்தமாகி வருகின்றனர்.காவிரி படுகையை இரண்டு மண்டலங்களாக பிரித்து 274 இடங்களில் ஹைட்ரோகார்பன் எடுக்க மத்திய அரசு கடந்த ஆண்டு மே மாதம் அனுமதி அளித்திருக்கிறது. ஹைட்ரோகார்பன் எடுக்க வேதாந்தா, ரிலையன்ஸ் மற்றும் ஓன்,ஜி,சி உள்ளிட்ட நிறுவனங்களுக்கு மத்திய அரசு அனுமதி வழங்கியிருந்தது. ஹைட்ரோகார்பன் எடுப்பதற்காக விவசாயநிலங்களை கையகப்படுத்தும் பணியில் நிறுவனங்கள் இறங்கியிருந்த நிலையில், பொதுமக்களும், விவசாயிகளும், மாணவர்களும், சமூக ஆர்வலர்களும் மீனவர்களும் போராட்டத்தில் குதித்ததால் தற்காலிகமாக நிறுத்தி வைத்திருந்தனர்.

பதில் சொல்ல குரல் வேண்டுமா? கோடியை வென்ற கோடீஸ்வரி!

மின்னம்பலம் : கலர்ஸ் தமிழ் தொலைக்காட்சியில் ஒளிபரப்பாகும் கோடீஸ்வரி நிகழ்ச்சியில் கலந்துகொண்டு மாற்றுத்திறனாளியான கௌசல்யா என்பவர் ஒரு கோடி ரூபாய் வென்றுள்ளார்.
கலர்ஸ் தமிழ் தொலைக்காட்சியில் ராதிகா சரத்குமார் தொகுத்து வழங்கும் நிகழ்ச்சி கோடீஸ்வரி. முழுக்க முழுக்க பெண்களுக்கான இந்த நிகழ்ச்சியில் மதுரையைச் சேர்ந்த கௌசல்யா என்பவர் கலந்துகொண்டார். வாய் பேசவும் காது கேட்கவும் முடியாத இவர் நாகர்கோவிலில் அமைந்துள்ள மாற்றுத்திறனாளிகளுக்கான பள்ளியில் கல்வி கற்றவர். இவருக்குத் திருமணமாகி ஒரு குழந்தையும் இருக்கிறது.
எந்த குறையும் சாதனை புரிய தடையாக அமைவதில்லை என்பதை நிரூபிக்கும் விதமாக இந்த நிகழ்ச்சியில் அவர் சிறப்பாக விளையாடினார்.

சிஏஏ தேவையற்றது: வங்கதேசம், ஆப்கன் கருத்து!

மின்னம்பலம் : குடியுரிமை திருத்தச் சட்டம் தொடர்பாக வங்கதேச பிரதமர் ஷேக் ஹசீனா, ஆப்கன் முன்னாள் பிரதமர் ஹமீது கர்சாய் ஆகியோர் கருத்து தெரிவித்துள்ளனர். பாகிஸ்தான், ஆப்கானிஸ்தான், வங்கதேசம் நாடுகளைச் சேர்ந்த இஸ்லாமியர் அல்லாத சிறுபான்மையினருக்குக் குடியுரிமை வழங்க வழிவகை செய்யும் குடியுரிமை திருத்தச் சட்டம் இஸ்லாமியர்களுக்கு எதிராக இருப்பதாகக் கூறி நாடு முழுவதும் போராட்டங்கள் நடைபெற்று வருகின்றன. இந்த நிலையில் சிஏஏவுக்கு எதிராக அண்டை நாடுகளிலிருந்தும் விமர்சனங்கள் எழுந்துள்ளன.
அபுதாபியில் நடைபெறும் உச்சி மாநாட்டில் கலந்துகொள்ள சென்ற வங்கதேச பிரதமர் ஷேக் ஹசீனா, கஃல்ப் செய்தி நிறுவனத்துக்குப் பேட்டி அளித்தார். அவரிடம் இந்தியா கொண்டுவந்த சிஏஏ குறித்து கேள்வி எழுப்பப்பட்டது.

1971ல் நடந்த பேரணி குறித்து பேசியதற்காக மன்னிப்பு கேட்க முடியாது -ரஜினிகாந்த்

தினத்தந்தி: 1971ல் நடந்த பேரணி குறித்து பேசியதற்காக மன்னிப்பு கேட்க முடியாது, கற்பனையாக எதுவும் நான் கூறவில்லை என ரஜினிகாந்த் கூறி உள்ளார்.
சென்னை போயஸ்கார்டனில் நடிகர் ரஜினிகாந்த் இன்று நிருபர்களுக்கு பேட்டி அளித்தார்.அப்போது அவர் கூறியதாவது; துக்ளக் விழாவில் 1971 ஆம் ஆண்டில்  சேலத்தில் நடந்த பேரணி குறித்து நான் பேசிய பேச்சு சர்ச்சையாக உள்ளது. இல்லாத ஒன்றை கற்பனையான விஷயத்தை நான் கூறவில்லை.  கேள்விப்பட்டது மற்றும்  அவுட்லுக் பத்திரிகையில்  வந்ததைத்தான் கூறினேன். இதற்கு நான் மன்னிப்பு கேட்க வேண்டும் என கூறுகிறார்கள். மன்னிக்கவும், நான் மன்னிப்பு கேட்கமாட்டேன் என்பதை தாழ்மையுடன் சொல்லிக்கொள்கிறேன்.

கனிமொழி : விவேகானந்தர் மீது காட்டும் அக்கறையை இந்த அரசு திருவள்ளுவருக்கும் காட்ட வேண்டும்... வீடியோ

தினகரன் :  சென்னை: விவேகானந்தர் மீது காட்டும் அக்கறையை இந்த அரசு திருவள்ளுவருக்கும் காட்ட வேண்டும் என்று திமுக எம்.பி.கனிமொழி கூறியுள்ளார். ஆர்ப்பாட்டம், கண்டன அறிக்கை மூலமே திருவள்ளுவர் சிலையை பராமரிக்க வைக்க வேண்டியுள்ளது. மேலும் ஹைட்ரோ கார்பன் குறித்து மத்திய அரசின் அறிக்கை சுற்றுச்சுழல் மீது அக்கறை இல்லாததை காட்டுகிறது என அவர் தெரிவித்துள்ளார்.

அடித்து தூள் கிளப்பும் புதிய தமிழ் எழுத்தாளர்கள் .. சத்தம் போடாமல் வீசும் புயல் ..

Karthikeyan Fastura இன்றுதான் அமேசான் போட்டியில் இறுதிச்சுற்றுக்கு
தேர்ந்தெடுக்கப்பட்ட பட்டியலை பார்த்தேன். எழுத்துலகில் ஒரு அற்புதமான கலகம் நடத்தப்பட்டிருக்கிறது. திராவிட சிந்தனை கொண்ட நண்பர்கள் பெருவாரியான இடங்களை பெற்றிருக்கிறார்கள். திரையுலகில் பா.ரஞ்சித், வெற்றிமாறன், கோபி நயினார், மாரி செல்வராஜ் போன்றோர் சமீபத்தில் நிகழ்த்தி கொண்டிருக்கும் கலகத்திற்கு சற்றும் குறைவில்லாத கலகமே எழுத்துலகில் நடைபெற்றுக்கொண்டிருக்கும் இந்தப் போட்டி முடிவுகள். அவர்களில் Sen Balan, பா.ச. பாலசிங் என் நண்பர்கள் எனும்போது இன்னும் கெத்தாக உணருகிறேன்.
சென்ற வருடம் Sen Balan தொடங்கிவைத்த இந்தக் கலகம் காட்டுத்தீ போல நம் நண்பர்களை தொற்றிக்கொண்டு பலரை எழுத ஊக்குவித்தது. இந்தியாவிலேயே அதிக அளவில் போட்டியில் பங்கேற்ற மொழியாக தமிழ் திகழ்கிறது.
இன்றைய பொழுதில் இந்த தேசத்தின் ஒவ்வொருவர் தலையிலும் கத்தி தொங்கவிடப் பட்டுள்ளது. பாசிஸம் இண்டுஇடுக்கெல்லாம் பரவி வருகிறது. ஒவ்வொரு நாளும் ஓரொரு பிரச்சனையை உருவாக்கி கொண்டே வருகிறார்கள். இன்று காவிரி டெல்டாவில் ஹைட்ரொகார்பன் எடுக்க புதிதாக அனுமதி கொடுத்திருக்கிறார்கள். அதற்கு மக்களிடம் எந்த கருத்து கேட்பதும் நடத்த வேண்டியதில்லை.

மலேசிய பிரதமர் மகதீர் : இந்தியாவை எதிர்க்கும் அளவுக்கு நாங்க பெரிய ஆள் இல்லை!

'We Are Too Small To Retaliate': Malaysia PM On India Curbs On Palm Oil 
வெப்துனியா :மலேசியாவிலிருந்து இறக்குமதியாகும் பாமாயிலுக்கு இந்திய அரசு கட்டுப்பாடுகள் விதித்துள்ளதை தொடர்ந்து இந்தியாவை எதிர்க்க முடியாது என மலேசிய பிரதமர் கூறியுள்ளார்.
இந்திய அரசின் ஜம்மு காஷ்மீர் விவகாரம் மற்றும் குடியுரிமை சட்டம் குறித்து சர்ச்சைக்குரிய வகையில் பேசியவர் மலேசிய பிரதமர் மகாதீர் முகமது. இந்நிலையில் அவரது பேச்சுக்கு இந்தியா அதிருப்தி தெரிவித்ததுடன் இந்திய உள்விவகாரத்தில் தலையிட வேண்டாம் எனவும் கூறியிருந்தது. இந்நிலையில் மலேசியாவிலிருந்து இந்தியாவிற்கு இறக்குமதியாகும் பாமாயில் மற்றும் எலெக்ட்ரானிக் பொருட்களுக்கு புதிய கட்டுப்பாடுகளை விதித்துள்ளது இந்தியா.
மலேசிய பொருட்கள் இறக்குமதியில் இந்தியா மிகப்பெரும் வியாபார சந்தையாகும். இதுகுறித்து சமீபத்தில் பேசியுள்ள மலேசிய பிரதமர் எங்களை போன்ற சிறிய நாடு இந்தியாவுக்கு பதிலடி கொடுக்க முடியாது என்றும், இந்த பிரச்சினையை தீர்க்க வழிகளை யோசித்து வருவதாகவும் கூறியுள்ளார்

ஹைட்ரோ கார்பனுக்கு அனுமதியளிக்க மாட்டோம்: அமைச்சர் ஜெயக்குமார்

மின்னம்பலம் : ஹைட்ரோ கார்பன் திட்டத்துக்கு தமிழக அரசு அனுமதியளிக்காது என அமைச்சர் ஜெயக்குமார் தெரிவித்துள்ளார்.
ஹைட்ரோ கார்பன் ஆய்வுக் கிணறுகளை அமைக்க சுற்றுச் சூழல் துறையிடம் அனுமதி பெற வேண்டியது இதுவரை அவசியமாக இருந்துவந்தது. அதுபோலவே, கிணறு அமையவுள்ள பகுதியின் பொதுமக்களிடம் கருத்துக் கேட்பதும் கட்டாயமாகும். 2006ஆம் ஆண்டு கொண்டுவரப்பட்ட இந்த விதியில் திருத்தம் செய்து, அரசிதழில் வெளியிட்டுள்ளது மத்திய அரசு. அதன்படி, இனி ஹைட்ரோ கார்பன் கிணறுகளை அமைக்க சுற்றுச் சூழல் துறையின் அனுமதியையோ அல்லது பொதுமக்களின் கருத்துக்களையோ கேட்கத் தேவையில்லை.

பாஜக தேசிய தலைவராக ஜகத் பிரகாஷ் நட்டா போட்டியின்றி தேர்வு

தினத்தந்தி :  பாரதீய ஜனதா கட்சி கடந்த 2014 ஆம் ஆண்டு மத்தியில் ஆட்சியை கைப்பற்றியது. அப்போது பாஜகவின் தேசிய தலைவராக இருந்த ராஜ்நாத்சிங், பிரதமர் மோடி தலைமையிலான அமைச்சரவையில் உள்துறை அமைச்சராக பதவியேற்றார். அதனை தொடர்ந்து கடந்த 2019 ஆம் ஆண்டு மக்களவை தேர்தலில் பாஜக அரசு வெற்றி பெற்று மீண்டும் ஆட்சி அமைத்தது. பிரதமர் மோடியின் புதிய அமைச்சரவையில் பாஜக தலைவராக இருந்த அமித்ஷா, உள்துறை அமைச்சராக பதவியேற்றார். இதனால் பாஜகவின் புதிய தேசிய தலைவரை நியமிக்க வேண்டிய சூழ்நிலை ஏற்பட்டது. பாஜகவின் தேசிய தலைவர் தேர்தலுக்கான அறிவிப்பை தேர்தல் பொறுப்பாளர் ராதாமோகன் சிங் வெளியிட்டார்.

ஹைட்ரோ கார்பன் திட்டம் தமிழக மக்களின் கருத்து தேவை இல்லை ! மத்திய அரசு தீர்மானம் ...

வெப்துனியா :தமிழகத்தில் நடைபெற்று வரும் பல்வேறு போராட்டங்களில் ஒன்று ஹைட்ரோகார்பன் திட்டத்திற்கு எதிரான போராட்டம். இந்த போராட்டம் தஞ்சை உள்ளிட்ட பகுதிகளில் அவ்வப்போது நடந்து வரும் நிலையில் தற்போது மத்திய அரசின் புதிய உத்தரவு ஒன்றால் தஞ்சை பகுதி மக்கள் மட்டுமன்றி தமிழக மக்கள் அனைவரும் அதிர்ச்சியடைந்துள்ளனர்
இந்த உத்தரவின்படி தமிழகத்தில் ஹைட்ரோகார்பன் திட்டத்தை செயல்படுத்த சுற்றுச்சூழல் அனுமதி தேவையில்லை என்றும், அதுமட்டுமன்றி மக்களின் கருத்து கேட்பு கூட்டங்கள் நடத்த வேண்டிய அவசியம் இல்லை என்றும் மத்திய அரசு அரசாணை வெளியிட்டுள்ளது
இந்த அரசாணையால் தஞ்சை பகுதியில் உள்ள விவசாயிகள் கடும் அதிர்ச்சி அடைந்துள்ளனர்.

சீனாவில் இருந்து பரவும் கொரானா வைரஸ் ... அச்சத்தில் உலகநாடுகள்

வெப்துனியா : சீனாவிலிருந்து பரவி வரும் கொரனா வைரஸ் என்னும் புதிய வைரஸால் உலக நாடுகள் அச்சத்தில் ஆழ்ந்துள்ளன.சீனாவின் உகான் மாகாணத்தில் கொரனா என்ற புதிய வைரஸ் கண்டுபிடிக்கப்பட்டுள்ளது. கடுமையான சுவாச பிரச்சினையை ஏற்படுத்தும் இந்த வைரஸுக்கு சீனாவில் இருவல் பலியாகியுள்ளனர். இந்த வைரஸ் எதனால் உருவாகிறது மற்றும் இதன் அறிகுறிகள் குறித்து ஆய்வுகள் நடைபெற்று வருகின்றன. இருவர் பலியாகியுள்ள நிலையில் இந்த வைரஸ் பாதிப்பு பலருக்கு ஏற்பட்டிருக்கலாம் என கருதப்படுகிறது.
புதிய வைரஸ் தங்கள் நாடுகளுக்குள் புகுந்துவிட கூடாது என்பதில் அமெரிக்கா உள்ளிட்ட பல நாடுகள் தனி கவனம் செலுத்தி வருகின்றன. அமெரிக்கா விமான நிலையங்களுக்கு சீனாவில் இருந்து வரும் பயணிகள் உயர்தர சோதனைகளுக்கு உட்படுத்தப்படுவதாக தகவல்கள் வெளியாகியுள்ளன. அதுபோல சீனாவுக்கு செல்லும் பயணிகளுக்கும் பல்வேறு ஆலோசனைகள் வழங்கப்பட்டு வருகிறது.

சிதம்பரத்தால் ஸ்டாலினுக்கு வந்த கோபம்!

மின்னம்பலம் : உள்ளாட்சித் தேர்தல் இடப்பங்கீட்டில் கூட்டணி தர்மத்தை திமுக மதிக்கவில்லை எனத் தமிழ்நாடு காங்கிரஸ் கமிட்டி தலைவர் கே.எஸ்.அழகிரி, சட்டமன்ற காங்கிரஸ் தலைவர் கே.ஆர்.ராமசாமி ஆகியோர் கடந்த 10ஆம் தேதி வெளியிட்ட அறிக்கை திமுக - காங்கிரஸ் கூட்டணியில் விரிசலை உண்டாக்கியது. இதுதொடர்பாக கடந்த 18ஆம் தேதி திமுக தலைவர் ஸ்டாலினை, கே.எஸ்.அழகிரி உள்ளிட்டோர் சந்தித்துப் பேசினர். அதன்பிறகு ஸ்டாலின் அறிக்கை வெளியிட்டு கூட்டணி தொடர்பான பிரச்சினையை முடிவுக்குக் கொண்டுவந்தார்.
இந்த நிலையில் இதுபற்றிய மேலும் சில தகவல்கள் டெல்லி வட்டாரங்களில் இருந்து நமக்குக் கிடைத்தன.
கே.எஸ்.அழகிரி அறிக்கை தொடர்பாக திமுக முதன்மைச் செயலாளர் டி.ஆர்.பாலு, குலாம் நபி ஆசாத் உள்ளிட்ட காங்கிரஸ் மேலிடத் தலைவர்களைத் தொடர்புகொண்டு பேசினார். பாலுவிடம் பேசிய பிறகு குலாம் நபி ஆசாத் உடனடியாக இந்த விஷயத்தில் தலையிட்டு, மறுப்பு வெளியிடும்படி கே.எஸ்.அழகிரியிடம் அறிவுறுத்தினார்.
இதையடுத்து, கூட்டணி தொடர்பான அறிக்கையைத் தெளிவுபடுத்துவதற்கான பதில் அறிக்கை ஒன்றை அழகிரி தயார் செய்தார். அந்த அறிக்கையில், ‘சில மாவட்டங்களில் எங்களுக்கு ஏற்பட்ட சங்கடங்களைச் சுட்டிக்காட்ட முனைந்தோமே தவிர, கூட்டணி தொடர்பாக எதுவும் கருத்து தெரிவிக்கவில்லை. எங்களது அறிக்கை தவறாக அர்த்தப்படுத்தப்பட்டிருக்கிறது. திமுகவின் மனம் புண்பட்டிருந்தால் வருத்தம் தெரிவித்துக்கொள்கிறோம்’ உள்ளிட்ட திமுகவைச் சமாதானப்படுத்துவது போன்ற வார்த்தைகள் இடம்பெற்றிருந்திருக்கிறது.

பயங்கரவாதிகளுக்கு சிம்கார்டு வழங்கிய 6 பேர் சிக்கினர்.. சப்-இன்ஸ்பெக்டர் வில்சன் கொலை...

தினத்தந்தி : களியக்காவிளையில் சிறப்பு சப்-இன்ஸ்பெக்டர் சுட்டுக்கொலை செய்யப்பட்ட சம்பவத்தில் பயங்கரவாதிகளுக்கு சிம்கார்டு வழங்கிய 6 பேர் காஞ்சீபுரத்தில் சிக்கியுள்ளனர்.

சென்னை: குமரி மாவட்டம் களியக்காவிளையில் கடந்த 8-ந்தேதி சிறப்பு சப்-இன்ஸ்பெக்டர் வில்சன் துப்பாக்கியால் சுட்டு கொலை செய்யப்பட்ட வழக்கில் பயங்கரவாதிகள் அப்துல் சமீம், தவுபிக் ஆகிய இருவரும் கைது செய்யப்பட்டனர்.
அவர்கள் பயன்படுத்திய செல்போன்களை வைத்து போலீசார் துப்பு துலங்கி வருகிறார்கள். இது தொடர்பாக தமிழக கியூ பிரிவு போலீசார், தீவிரவாத தடுப்பு பிரிவு போலீசார், தேசிய புலனாய்வு அமைப்பினர் உள்ளிட்டோர் விசாரணை நடத்தி வருகிறார்கள்.
பயங்கரவாதிகளின் பின்னணியில் உள்ளவர்கள் கைது செய்ய நடவடிக்கை எடுக்கப்பட்டு வருகிறது.

சோவின் துக்ளக்கிற்கும் மறுவாழ்வு கொடுத்த கலைஞர்!

கலைச்செல்வி : ரஜினி என்றஅரிதாரம் பூசிய அடிமைகிழவருக்கு இந்த
வரலாறு எல்லாம் தெரியுமா.
முரசோலியால் காப்பாற்றப்பட்ட துக்ளக்*
தொடங்கியதில் இருந்தே துக்ளக் இதழ் ஆனந்த விகடன் அச்சகத்தில்தான் அச்சிடப்பட்டு வெளியானது.
சோவின் அரசியல் கருத்துகளால் பல இடர்பாடுகள் வந்தபோதிலும் எஸ்.எஸ்.வாசன் உறுதியாக இருந்து சமாளித்தார்.
அப்போதுதான் எமெர்ஜென்ஸி வந்தது. பத்திரிக்கைக்கான கச்சா பொருள் பேப்பர். அப்போது அது மொத்தமும் இறக்குமதி என்பதால் முழுமையாக மத்திய அரசின் கட்டுப்பாட்டில் கோட்டா முறையில் வந்தது.
இப்போது வாசனுக்கு வேறு வழியில்லை. விகடனைக் காப்பாற்ற துக்ளக்கை கைவிட வேண்டியிருந்தது.
சென்னையில் வேறு யாரும் துக்ளக்கை அச்சடிக்க முன்வரவில்லை. சோ தற்காலிகமாக பத்திரிக்கையை நிறுத்த முடிவு செய்தார். அப்போது ராம்நாத் கோயங்கா மட்டும் துணிச்சலாக உதவ முன்வந்தார்.
அச்சடிக்க துவங்கிய அதே இரவில் எக்சைஸ் ரெய்டு தொடங்க, முதல் ஃபாரமே நிறுத்தப்பட்டது.
இதைக் கேள்விப்பட்ட *முதல்வர் கலைஞர்* ராஜாராமை அழைத்து சோ துணிச்சல்காரன்., இந்த நேரத்துலே அவனை கஷ்டப்பட விடக்கூடாது.,