நூறாவது நாள் மகிழ்ச்சியில் வருத்தப்படாத வாலிபர்கள்

சிவகார்த்திகேயன், சத்யராஜ், சூரி மற்றும் நடிகை ஸ்ரீதிவ்யா நடித்து புதுமுக இயக்குனர் பொன்ராம் இயக்கத்தில் வெளிவந்த 'வருத்தப்படாத வாலிபர் சங்கம்' பாக்ஸ் ஆபீஸ் திரைப்படமாக நூறு நாட்களைக் கடந்துள்ளது. எஸ்கேப் ஆர்டிஸ்ட் மோஷன் தயாரிப்பில் வெளிவந்த இந்தப் படம் ஒரு முழு நீள காமெடி திரைச்சித்திரம் ஆகும். இந்தப் படம் மிகப்பெரிய வெற்றியைப் பெற்றதுடன் நடிகர் சிவகார்த்திகேயனின் திரை வாழ்விலும் புதிய உயரத்தைத் தந்துள்ளதாகக் குறிப்பிடப்பட்டுள்ளது. இந்தப் படத்தின் நூறாவது நாள் குறித்து தனது மகிழ்ச்சியை இணையதளத்தில் வெளிப்படுத்தியுள்ள நடிகர் சிவகார்த்திகேயன், இதில் நடித்த நடிகர், நடிகைகள் அனைவருக்கும் மற்றும் திரைத்துறை குழுவினருக்கும் தனது நன்றியைத் தெரிவித்துள்ளார். கடந்த செப்டம்பர் மாதம் 6-ம்தேதி திரையிடப்பட்ட இந்தப் படம் தொடர்ந்து அரங்கு நிறைந்த காட்சிகளாக ஓடிக்கொண்டிருக்கின்றது. 'கேடி பில்லா கில்லாடி ரங்கா' மற்றும் 'எதிர் நீச்சல்' ஆகிய படங்களைத் தொடர்ந்து 'வருத்தப்படாத வாலிபர் சங்கம். நடிகர் சிவகார்த்திகேயனின் மூன்றாவது வெற்றிப்படமாகும்.

ஏ.ஏ.ராஜ் ! காணாமல் போய்விட்ட ஒரு உன்னத இசையமைப்பாளர் ! ஒரு தலைராகத்தின் நிஜமான இசையமைப்பாளர்

ஒருதலைராகத்தின் இசையில் ஒரே சமயம் ஒரு செவ்வியல்தன்மையும் ஜனரஞ்சகத்தன்மையும் இருந்தது. ராஜேந்தர் அந்த ஜனரஞ்சகத்தன்மையை மட்டும் அவருடையதாக அளித்திருக்கலாம். பின்னர் அவர் தனியே இசையமைத்தபோது அதை மட்டும்தான் அவரால் கொண்டுசெல்லமுடிந்தது. ஒருதலை ராகத்தின் இசையின் நுட்பமான அம்சங்களை எவ்வகையிலும் அவரால் கையாள முடியவில்லை
ஒருதலை ராகத்தின் இசையில் பெரும்பங்களிப்பாற்றிய ஏ.ஏ.ராஜ் அதன்பின் இரண்டு படங்களுக்கு இசையமைத்தார். ரஞ்சித் என்பவர் இயக்கத்தில் 1981ல் வெளிவந்த உதயமாகிறது என்ற படம் தமிழகத்தில் பெரும்பாலான இடங்களில் வெளியாகவேயில்லை. ஆகவே இசை எவராலும் கவனிக்கப்படவில்லை. நாங்கள் அன்று அப்படத்தைக் கேள்விப்படவேயில்லை.
ஒருதலைராகம் படத்தை தயாரித்த மன்சூர் புரடக்‌ஷன்ஸின் இ.எம்.இப்ராகீம் தயாரித்து இயக்கிய தணியாத தாகம் என்றபடத்திற்கு ராஜ் அதன் பின் இசையமைத்தார். அந்த இரண்டு வருடங்களுக்குள் ராஜேந்தர் அவரது அதிரடிகள் வழியாக பெரும்புகழ் பெற்றுவிட்டிருந்தார். அவர் இசையமைத்து இயக்கி வெளிவந்த ரயில் பயணங்களில் ஒருதலைராகத்தையே கொச்சையான ஜனரஞ்சகத்தன்மையுடன் எடுத்தது போல இருந்தது. அது பெருவெற்றி பெற்றிருந்தது.
தணியாத தாகம் இரண்டுவருடம் தயாரிப்பில் கிடந்தது. பெரும் பொருளாதார நெருக்கடிகளுடன் கோர்வையில்லாமல் எடுக்கப்பட்டது. ஈ.எம்.இப்ராகீம் இதை இயக்கியதாக சொல்லப்பட்டாலும் உண்மையில் ஒளிப்பதிவாளரும் கதாசிரியரும் சேர்ந்துதான் இதை இயக்கியிருந்தனர். http://www.youtube.com/watch?feature=player_embedded&v=s0L6OK-MQy0
[பூவே நீ யார்சொல்லி]
http://www.youtube.com/watch?feature=player_embedded&v=OvahUM0qTkQ

ப.சிதம்பரம் :லோக்சபா தேர்தலில் யாருக்கும் பெரும்பான்மை் கிடைக்காது.!

மும்பை: லோக்சபா தேர்தலில் யாருக்கும் பெரும்பான்மையும் கிடைக்காது..அப்படி அமையும் ஆட்சியும் நிலையாக இருக்காது என்று மத்திய நிதி அமைச்சர் ப.சிதம்பரம் தெரிவித்துள்ளார். மும்பையில் நேற்று நடைபெற்ற கருத்தரங்கம் ஒன்றில் பேசிய சிதம்பரம். நாம் தேர்தலுக்காக காத்திருக்கிறோம். லோக்சபா தேர்தலில் எந்தவொரு கட்சிக்கும் பெரும்பான்மை கிடைக்கும் என்று என்னால் நிச்சயமாகக்கூற முடியவில்லை. அதேபோல் நிலையான ஆட்சியும் அமைந்துவிடாது. இந்திய ஜனநாயகம், சிக்கலான காலகட்டத்தைக் கடந்து கொண்டிருக்கிறது.நமது அரசு நிர்வாகத்துக்கு, சில அமைப்புகளிள் எல்லை மீறுதல் முட்டுக்கட்டையாக அமைந்துள்ளது. நாடாளுமன்றமே கிட்டத்தட்ட முழுமையாக முடங்கிப்போகிறது. நமது பிரச்சினைகளுக்கு நீதித்துறை மூலமாக தீர்வு கண்டுவிட முடியும் என்று தவறான, கவர்ச்சிகரமான கருத்து நிலவுகிறது. அரசாங்கத்தின் மூன்று கிளைகளும் ஒன்றிணைந்து செயல்பட வேண்டும். இது அவசியமான முன்நிபந்தனை. நாம் 60 ஆண்டுகளுக்கு மேற்பட்ட சுதந்திர இந்திய வரலாற்றின் மிக மோசமான முனையில் நின்றுகொண்டிருக்கிறோம். நாம் அதில் இருந்து கடந்து வர வேண்டும் என்றார்.
tamil.oneindia.in

பா.ஜ.க கூட்டணியில் சேர்ந்த அ.இ.முஸ்லிம் முன்னேற்ற கழகம்

தமிழகத்தில் முதல் முறையாக பாரதீய ஜனதாவுடன், முஸ்லிம் கட்சியான அனைத்து இந்திய முஸ்லிம் முன்னேற்ற கழகம் கூட்டணி சேர்ந்துள்ளது. பாராளுமன்ற தேர்தலை சந்திக்க அரசியல் கட்சிகள் தயாராகி வருகின்றன. தமிழ்நாட்டில் பா.ஜனதா தலைமையில் பல்வேறு கட்சிகளை சேர்த்து கூட்டணி அமைக்க முயற்சிகள் நடந்து வருகின்றன. காந்திய மக்கள் இயக்க தலைவர் தமிழருவி மணியன் இதற்கான ஏற்பாடுகளில் ஈடுபட்டுள்ளார். பா.ஜனதா கூட்டணியில் ம.தி.மு.க. சேர்வது உறுதியாகி இருக்கிறது. பா.ம.க., தே.மு.தி.க. கட்சிகளும் இதில் சேரும் என்று கூறப்படுகிறது. இது தவிர வேறு கட்சிகளையும் இந்த கூட்டணியில் சேர்க்க திட்டமிடப்பட்டுள்ளது. இந்த நிலையில் பா.ஜனதா கூட்டணியில் அனைத்து இந்திய முஸ்லிம் முன்னேற்ற கழகம் சேர்ந்துள்ளது. இந்த கட்சியின் தலைவர் சதக்கத்துல்லா, சென்னை பா.ஜனதா அலுவலகத்தில் நடந்த நிகழ்ச்சியில் தமிழக பா.ஜனதா கட்சி தலைவர் பொன்.ராதாகிருஷ்ணனிடம் தனது கட்சியின் ஆதரவு கடிதத்தை வழங்கினார். இந்த நிகழ்ச்சியின் போது, காந்திய மக்கள் இயக்க தலைவர் தமிழருவி மணியன், பா.ஜனதா மாநில செயலாளர் வானதி சீனிவாசன், செயற்குழு உறுப்பினர் கே.டி. ராகவன் ஆகியோர் உடன் இருந்தனர்.

நடிகர்திலகம் வைகோவும் டபுள் ஸ்ரீ காபரெட் சாமியும் கருத்து பறிமாற்றம் !சீக்கிரம் தமிழ்நாடு அமெரிக்கவாகிடும்

மதுரை: வாழும் கலை அமைப்பின் தலைவர் பண்டிட் ரவிசங்கர் குருஜியை மதுரையில் இன்று ம.தி.மு.க. பொதுச் செயலாளர் வைகோ சந்தித்து பேசினார். ம.தி.மு.க தலைமைக் கழகம் வெளியிட்டுள்ள அறிக்கையில் கூறப்பட்டுள்ளதாவது: மதுரை பசுமலையில் தங்கியிருந்த பண்டிட் ரவிசங்கர் குருஜியை இன்று வைகோ காலை 9.30 மணிக்கு சந்தித்து, அவருக்கு பூங்கொத்து வழங்கினார். பண்டிட் ரவிசங்கர் குருஜி வைகோவுக்கு பொன்னாடை அணிவித்து வரவேற்றார். இருவரும் 45 நிமிடம் தனிமையில் நாட்டு நிலைமைகள் குறித்தும், ஈழத் தமிழர்கள் குறித்தும் கருத்துகளைப் பரிமாறிக் கொண்டனர். பண்டிட் ரவிசங்கர் குருஜியுடன் வைகோ சந்திப்பு வாழும் கலை அமைப்பு உலகில் 180 நாடுகளில் இருக்கிறது. இந்தியாவில் அனைத்து மாநிலங்களிலும் இந்த அமைப்பு நதிநீர் ஆதாரங்களை வளப்படுத்துதல், நோயுற்றுவர்களுக்கு சிகிச்சை தருதல், உடல் நலம் காக்க மூச்சு பயிற்சி கொடுத்தல், பழங்குடி மாணவர்களுக்கு இலவச பள்ளிகள் நடத்துதல் போன்ற மனிதநேய சேவை செய்து வருகிறது. அடேங்கப்பா பில்ட் அப் ? நாட்டு நிலைமை மற்றும் ஈழத்தமிழர்களை பத்தியெல்லாம் டபுள் ஸ்ரீ யும் வைகோவும் பேசினாங்களாம் ?

Congress: ஆம் ஆத்மி கட்சியின் நிபந்தனைகளை ஆராய்ந்து பதில் அளிக்கப்படும்

டெல்லி துணை நிலை ஆளுநரை சந்தித்த ஆம் ஆத்மி கட்சியின்
அரவிந்த கெஜ்ரிவால், தங்களது கட்சியின் நிலைபாடுகளை எடுத்துரைத்தார். மேலும் 10 நாள் அவகாசம் கேட்டதாக செய்தியாளர்களிடம் அரவிந்த் கெஜ்ரிவால் தெரிவித்தார். மேலும் டெல்லியில் உள்ள பிரச்சனைகள் குறித்து காங்கிரஸ், பாஜகவிற்கு கடிதம் எழுதியுள்ளதாகவும் கூறினார். இந்தநிலையில் ஆம் ஆத்மி கட்சியின் நிபந்தனைகளை ஆராய்ந்து பதில் அளிக்கப்படும் என்று காங்கிரஸ் தெரிவித்துள்ளது. இது டெல்லி அரசியலில் புதிய திருப்பத்தை ஏற்படுத்தியுள்ளது. இதுகுறித்து அரவிந்த கெஜ்ரிவால் மேலும் கூறுகையில், காங்கிரஸ் நிபந்தனையற்ற ஆதரவு தருவதாகக் கூறுகிறது. ஆனால் நான் நிபந்தனை விடுக்கிறேன். பல்வேறு பிரச்சனைகள் குறித்து கேள்வி எழுப்பி ஆக்கப்பூர்வமான ஆதரவு தருவதாகக் கூறியுள்ளது. என் கடிதத்திற்கு பாஜகவின் பதில் என்ன. இரு கட்சிகளும் அனுப்பும் பதில்களை மக்கள் முன் வைப்பேன். ஆட்சி அமைப்பது குறித்து மக்கள் என்ன சொல்கிறார்களோ அதை ஆம் ஆத்மி கட்சி செய்யும் என்றார்

இளையராஜா: புதியவர்களே வாருங்கள் நான் இருக்கேன்

சென்னை: புதியவர்களுக்கு என்றுமே நான் இசையமைக்க மறுத்ததில்லை. புதியவர்களே வாருங்கள் நான் இருக்கேன், என்று இளையராஜா பேசினார். விக்னேஷ் புரொடக்ஷன்ஸ் என்ற படநிறுவனம் சார்பாக பி.வேலுச்சாமி தயாரிக்கும் படம் 'ஒரு ஊர்ல'. இந்த படத்தின் இசை வெளியீட்டு விழா இன்று காலை பிரசாத் லேபில் நடந்தது. பொதுவாக தான் இசையமைத்த படங்களின் இசை வெளியீட்டுக்களுக்கு கூட போகாத இசைஞானி இளையராஜா, முற்றிலும் புதியவர்கள் உருவாக்கியுள்ள இந்தப் பட இசை விழாவுக்கு வந்திருந்தார். புதியவர்களே, வாருங்கள்... நான் இருக்கிறேன்! - இளையராஜா விழாவில் பங்கேற்ற தயாரிப்பாளர் சங்க தலைவர் கே.ஆர் பேசுகையில், "என்னை தயாரிப்பாளர் சங்க தலைவர் கே.ஆர். என்று சொல்வதை விட இளையராஜா அவர்களின் ரசிகன் என்று சொல்வதுதான் எனக்கு பெருமை. அவரால் உருவாக்கப்பட்ட இயக்குநர்கள் ஏராளம். தமிழ் சினிமாவில் நிறைய தயாரிப்பாளர்கள் நிறைய முதலீட்டில் படங்கள் தயாரிக்கின்றனர். ஆனால் போட்ட பணத்தை எப்படி திருப்பி எடுப்பது என்பது யாருக்கும் புரிய வில்லை.

சபரிமலையில் பக்தர்கள் 19 பேர் நெஞ்சுவலி காரணமாக மரணம் ! நம்பியோர் கெதி இப்படியாப்பா?

திருவனந்தபுரம், டிச.13- கேரளாவில் உள்ள  சபரிமலை அய்யப்பன் கோவிலுக்கு தமிழகம் உள்பட பல்வேறு மாநி லங்களில் இருந்தும் பக்தர்கள் விரதமிருந்து இருமுடி கட்டி செல்கி றார்கள். இவர்களில் பெரும்பாலானவர்கள் பம்பையில் இருந்து நடந்தே சபரிமலை செல் வது வழக்கம். அவ்வாறு போகும்போது   மலை யில் ஏறும்போது ஏற்படும் ரத்த அழுத்தம் காரணமாகவும் உடல் நலக்குறைவு ஏற்படுவது வழக்கம். அவர்களுக்கு சிகிச்சை அளிக்க பெருவழி நடை பாதை முழுவதும் ஆங்காங்கே மருத்துவ முகாம்கள் அமைக்கப்பட்டு நோய் வாய்ப்படும் பக்தர்களுக்கு உடனே முதல்உதவி சிகிச்சை அளிக்கப்பட்டு அவர்கள் ஆம்புலன்ஸ் மூலம் பெரிய மருத்துவ மனைகளுக்கு அனுப்பி வைக்கப்படுவார்கள்.

இம்முறை சபரி மலையில் கோவில் நடை திறந்த பின்பு வழக்கத்தை விட ஏராளமான பக்தர்கள் அய்யப்பன் கோவிலுக்கு வந்த வண்ணம் உள்ள னர். ஆனால் எப்போதும் இருப்பதை விட இம் முறை கேரளாவில் பருவ மழையும், குளிரும் நில வியதால் பக்தர்கள் பல ரும் பாதிக்கப்பட்டனர். 

போலீசாருக்கு சலுகைகள் ! 312 அறிவிப்புகள் போலீஸ் அதிகாரிகள், கலெக்டர்கள் மாநாட்டில் ஜெயலலிதா

முதல்-அமைச்சர் ஜெயலலிதா தலைமையில், மாவட்ட கலெக்டர்கள் மற்றும் காவல்துறை அதிகாரிகள் கலந்துகொள்ளும் 3 நாள் மாநாடு, தலைமைச் செயலகத்தில் 11-ந் தேதி தொடங்கியது.
புதிய அறிவிப்புகள்
இந்த 3 நாட்கள் மாநாட்டிலும் முதல்- அமைச்சர் ஜெயலலிதா முழுமையாக கலந்து கொண்டு அறிவுரைகளையும், ஆலோசனைகளையும் வழங்கினார்.
மாநாட்டின் நிறைவையொட்டி மக்கள் நலத்திட்டங்கள் தொடர்பாக 312 புதிய அறிவிப்புகளை முதல்-அமைச்சர் ஜெயலலிதா வெளியிட்டார். அதில் கூறப்பட்டு இருப்பதாவது:-
கூடுதல் அதிகாரம்
சென்னை போலீஸ் துணை கமிஷனருக்கு இருக்கும் அதிகாரம் போல், குற்ற விசாரணை முறைச்சட்டத்தின் (சி.ஆர்.பி.சி.) 107, 108, 110 ஆகிய பிரிவுகளின்படி, அனைத்து நகர துணை கமிஷனர்களுக்கும் மாஜிஸ்திரேட்டு அதிகாரம் அளிக்கப்படும். ஜெயாவின் கட்சியும் சரி ஆட்சியும் சரி போலீசு மயம்தான் அது ஏன் ? மக்களைபார்த்து பயம்!

Jeyamohan: ஒருதலைராகம்! தமிழ் சினிமாவின் புதிய அலையை திறந்த ராபர்ட் ராஜசேகர் !அதை மூழ்கடித்த ராஜேந்தர்

1980-இல் நான் கல்லூரியில் படிக்கும்போது ஒருதலைராகம் படம் வெளிவந்தது. மிகச்சில திரைப்படங்களே அதற்கிணையான பெரும் அலையை கிளப்புகின்றன. தமிழ்த்திரையுலகில் ஒருதலைராகத்தின் எழுச்சி என்பது தொடங்கிய அக்கணத்திலேயே முடிந்துபோன ஒன்று. யோசித்துப்பார்த்தால் மிகமிக வருத்தமூட்டும் ஒரு தோல்வி அது. அதை ஓர் வரலாற்றுப்புலத்தில் வைத்துத்தான் பார்க்கவேண்டும்.
1955 இல் வெளிவந்த பதேர் பாஞ்சாலி இந்தியாவில் கலைப்பட இயக்கத்தை ஆரம்பித்துவைத்தது. [கலைப்படம் என்ற சொல்லாட்சியை பின்னாளில் மாற்றுத்திரைப்படம் என்று மாற்றிக்கொண்டார்கள். ஆனால் எனக்கு முதல் சொல்லில்தான் அவ்வியக்கத்தின் நோக்கம் தெளிவாக உள்ளது என்று படுகிறது] அதன்பின் இந்தியாவில் வங்கம், இந்தி,மராத்தி, கன்னடம், மலையாள மொழிகளில் அவ்வியக்கம் இருபத்தைந்தாண்டுக்காலம் நீடித்து இந்தியா பெருமைகொள்ளும் படைப்புகளை அளித்தது.
இந்திய திரைவரலாற்றில் சத்யஜித் ரே முதல் ரிதுபர்ணோ கோஷ் வரையிலான வங்காள திரைமேதைகளின் இடம் மிகமுக்கியமானது. நாம் இந்திய சினிமா என உலகை நோக்கி முன்வைக்கவேண்டிய படைப்புகளை உருவாக்கியவர்கள் அவர்கள்தான்.

தனியார் மூலம் கணினி மயமாகும் அரசு ஆவணங்கள்: ரகசியம் பறிபோகும் அபாயம்

அரசு ஆவணங்களை, தனியார் மூலம், கணினி மயமாக்கும் திட்டத்தால், அரசின் முக்கியமான ரகசிய தகவல்கள் திருடப்படும் அபாயம் ஏற்பட்டு உள்ளது.
தமிழக அரசின், அனைத்து துறைகளின் அன்றாட செயல்பாடு மற்றும் திட்டங்களை கணினி மயமாக்கும், மின் ஆளுமை திட்டம், தீவிரமாக நடைமுறைப் படுத்தப்படுகிறது.  பாதுகாப்பில் எந்த பிரச்னையும் கிடையாது. இவைகளை பின்பற்றினால் : 1. Data Encryption / தகவல் மறையாக்கம், அது நிச்சயம் மென்பொருள் வல்லுனர்கள் செய்திருப்பார்கள்/செய்வார்கள் 2. அரசு ஊழியர்களை அந்த வேலையில் இருந்து முடிந்தவரை தவிர்ப்பது. 3. தனியாரிடம் இருந்து பணிக்கு வரும் நபர்களின் அலைபேசி, வெளி தொடர்பு சாதனங்கள், கேமரா, Data Cards - இவைகளை உள்ளே அனுமதிக்க கூடாது. லாக்கரில் பூட்டி வைத்து டோக்கன் கொடுத்துவிட வேண்டும். வீட்டுக்கு செல்லும் பொது, டோக்கனை பெற்று சாதனங்களை திரும்ப கொடுக்க வேண்டும். 3. பனி செய்யும் இடத்தில், ஒருவருக்கு ஒருவர் பேசாமல் வேலை செய்யும் அளவிற்கு ஒவ்வொருவரின் Cubicle அமைக்க படவேண்டும். 4. பனி செய்யும் ஒருவருக்கு இன்றைக்கு செய்த பனி, நாளைக்கு தொடர கூடாது. Shuffle செய்ய வேண்டும். 5. ஒவ்வொரு கணினியிலும் Local Storage கூடாது. Thin Client Server Storage Concept பின்பற்ற வேண்டும். அதுவும் 5 நாட்களுக்கு தான். 6. 5 நாட்கள் இறுதியில் Cloud Storage யில் தகவல்களை சேமிக்கவேண்டும். 6. கண்காணிப்பு கேமரா ஒவ்வொரு cubicle க்கு இருந்தால் மிக நல்லது. 7. பணியாளர்கள் தமிழ் நாட்டை சேர்ந்தவர்களாக இருக்க வேண்டும், நிச்சயம் வாக்காளர் அட்டை வைத்திருக்க வேண்டும். \\\\ மின் ஆளுமை திட்டம் என்பது நிச்சயம் தேவை. அப்போது தான் ஆவணங்கள், தகவல்கள் உடனுக்குடன் கிடைக்கும், எத்தனை வருடம் ஆனாலும் கிடைக்கும் எதையும் எரிக்க முடியாது.

நிபந்தனையற்ற ஆதரவு தருவதாக காங்கிரஸ் கடிதம் ! அரவிந்த் கெஜ்ரிவால் ஆட்சி அமைக்கிறார் ?

நடந்து முடிந்த டெல்லி சட்டமன்ற தேர்தலில் பாஜக கூட்டணி 32 இடங்களையும், ஆம் ஆத்மி கட்சி 28 இடங்களையும், காங்கிரஸ் கட்சி 8 இடங்களையும், சுயேட்சை உறுப்பினர்கள் 2 இடங்களையும் பிடித்தனர்.

70 உறுப்பினர்கள் கொண்ட சட்டசபையில் 36 உறுப்பினர்களை கொண்ட கட்சி மட்டுமே குறைந்தபட்ச மெஜாரிட்டியுடன் ஆட்சி அமைக்க முடியும். போட்டியிட்ட கட்சிகளில் யாருக்கும் தனிப்பெரும்பான்மை கிடைக்காதால் அங்கு ஆட்சி அமைப்பத்தில் இழுபறி நிலை நடந்து வருகின்றது.

அதிக இடங்களை கைப்பற்றிய கட்சி அடிப்படையில் ஆட்சியமைப்பது குறித்து ஆலோசனை நடத்துவதற்கு வருமாறு பா.ஜனதா கட்சிக்கு டெல்லி கவர்னர் நஜீப் ஜங்க் அழைப்பு விடுத்திருந்தார். அதனையேற்று ஆளுனரை சந்தித்த பா.ஜனதாவின் முதல்வர் வேட்பாளரான ஹர்ஷ்வர்தன், தங்களுக்கு போதுமான எம்.எல்.ஏக்கள் பலம் இல்லாததால் ஆட்சியமைக்க இயலாது என கூறினார்.

இதை தொடர்ந்து டெல்லி சட்டப்பேரவை தேர்தலில் வெற்றி பெற்ற 2வது பெரிய கட்சியான ஆம் ஆத்மி கட்சி தலைவர் அரவிந்த் கெஜ்ரிவாலை ஆட்சி அமைப்பது தொடர்பாக ஆலோசனை நடத்தவருமாறு கவர்னர் அழைப்பு விடுத்தார்.ஆட்சி அமைக்கிறார் 

நக்சல்கொள்கையை பின்பற்றுகிறது ஆம்ஆத்மி ! சு. சாமி

மும்பை: ஆம் ஆத்மி, நக்சல் கொள்கைகளை பின்பற்றி வருவதாக பா.ஜ.,தலைவர்களில் ஒருவரான சுப்ரமணிய சாமி தெரிவித்துள்ளார்.
மும்பையில் செய்தியாளர்களிடம் அவர் கூறியதாவது ஆம் ஆத்மி கட்சிக்கு கொள்கைகள் என்பது இல்லை. அவர்கள் நக்சல் இயக்க சித்தாந்தங்களை பின்பற்றுகின்றனர். இந்த கொள்கையினால் சமுதாயத்தை முன்னேற்ற முடியாது. ஆம் ஆத்மி கட்சி சிறிது காலமே இயங்க முடியும்.நீண்டகாலத்திற்கு நிலைத்து நிற்காது
மேலும் கெஜ்ரிவால் ஊழலை ஒழிக்க போவதாக கூறிவருகிறார். இதுமக்களை ஏமாற்றும் செயல். ஏழை மற்றும் நடுத்தர மக்களை வசியப்படுத்தி அதன் மூலம் தன்னுடை இமேஜை உயர்த்திக் கொண்டு்ள்ளார். அவர் ஒரு போதும் ஊழலை ஒழிக்கப் போவதில்லை. அகில உலகத்திலும்,நேர்மையானவர், அப்பழுக்கற்றவர், பொய்யே சொல்லாதவர், முற்றிலுமாக அனைத்து மக்களாலும் நேசிக்கப்படுபவர் ஒருவர் உண்டு என்றால் அது திரு.சுப்ரமணிய சாமிதான்.

மணல் ரூ.2,500க்கு வாங்கி ரூ.20 ஆயிரத்துக்கு விற்பனை ! மக்களை ஏமாற்றுகின்றனரா லாரி உரிமையாளர்கள்?

 பொதுப்பணித் துறையின் நேரடி விற்பனையில், இரண்டு யூனிட், 2,500 ரூபாய்க்கு கொடுக்கப்படும் மணலை, லாரி உரிமையாளர்கள், 20 ஆயிரம் ரூபாய்க்கு விற்பதாக, புகார் எழுந்துள்ளது. இதனால், அரசின் நேரடி விற்பனையின் பயன், மக்களுக்கு கிடைக்காத நிலை ஏற்பட்டுள்ளது.
சுற்றுச்சூழல் பிரச்னை, "யார்டு' ஒப்பந்ததாரர்கள் முறைகேடு போன்ற காரணங்களால், தமிழகம் முழுவதும், 45க்கும் மேற்பட்ட அரசு மணல் குவாரிகள் மூடப்பட்டுள்ளன. தட்டுப்பாடு காரணமாக, இரண்டரை யூனிட் மணல் வாங்க, 22 ஆயிரம் ரூபாய் வரை, பொதுமக்கள் செலவு செய்ய வேண்டியுள்ளது. இந்நிலையில், காஞ்சிபுரம் மாவட்டத்தில், பழையசீவரம், கள்ளபிரான்புரம் உள்ளிட்ட இடங்களில், அரசு மணல் குவாரிகளில், "யார்டு' நடத்த அனுமதி வாங்கியவர்கள், குவாரிகளில், அளவுக்கதிகமாக மணல் எடுப்பது, கூடுதல் விலைக்கு விற்பது என, பல்வேறு முறைகேடுகளில் ஈடுபட்டது அம்பலமானது. அம்மா ஆட்சியில் பண புழக்கம் நன்றாக உள்ளது.. இனியும் நாம் பிச்சைகாரர்கள் போல் நடிப்பதில் அர்த்தம் கிடையாது...மாதம் லட்ச லட்சமாய் சம்பாதிக்கிறார்கள் ..Rs.25,000 என்பது பெரிய விஷயமா ?

நடிகை சோனாவிடம் ஒரு வெங்கட் பிரபு ஒரு கோடி! சோனா முறையீடு

நடிகை சோனா இயக்குநர் வெங்கட்பிரபு மீது புகார்< இயக்குநர் வெங்கட்பிரபு மீது நடிகர் சங்கத்தில் நடிகை சோனா புகார் அளித்துள்ளார். அப்புகாரில்,  ‘’வெங்கட்பிரபு ‘கோவா’ படத்தை டைரக்டு செய்த போது அவரை அணுகி எனக்கொரு படம் இயக்கித் தரும்படி கேட்டுக் கொண்டேன். அவரும் சம்மதித்தார். ‘கோவா’ படம் ரிலீசானதும் நான் தயாரிக்கும் படத்தை டைரக்டு செய்ய முடிவானது. இதற்காக அவருக்கு ரூ. 1½ கோடி பணம் கொடுத்தேன். ஆனால் உறுதி அளித்தபடி என் படத்தை அவர் டைரக்டு செய்யவில்லை. வேறு படம் எடுக்க போய் விட்டார். அட்வான்ஸ் பணத்தை திருப்பி கேட்ட போது தரவில்லை. பல வருடங்களாக பணத்தை கேட்டு வருகிறேன். இதுவரையிலும் அவர் தரவில்லை. வெங்கட் பிரபு தற்போது ‘பிரியாணி’ படத்தை இயக்கி உள்ளார். அந்த படம் ரிலீசுக்கு முன் எனக்கு தர வேண்டிய பணத்தை வாங்கி தரும்படி கேட்டுக் கொள்கிறேன்’’என்று குறிப்பிட்டுள்ளார். < இதுகுறித்து நடிகர் சங்கம் விசாரணை நடத்தியது. இந்த மனு மீது நடவடிக்கை எடுக்க கோரி தயாரிப்பாளர் சங்கத்துக்கு அனுப்பி வைக்கப்பட்டுள்ளது

சரியா கை தட்டலையாம்.. மரண தண்டனை! வடகொரிய கிம் ஜாங் பதவியேற்பில் மாமா கை தட்டலை

சியோல்: ராணுவ புரட்சிக்கு சதி திட்டம் தீட்டியதாக குற்றம் சாட்டப் பட்டு, வட கொரிய அதிபரின் உறவினரான முன்னாள் ராணுவ துணை தளபதிக்கு மரண தண்டனை நிறைவேற்றப்பட்டுள்ளது. சர்வாதிகார ஆட்சி நடத்துவதாக உலக நாடுகளிடமிருந்து தொடர்ந்து குற்றச்சாட்டுகளை வாங்கியபடி இருக்கிறது கொரியா. ஆனபோதும், அது தனது கடமையே கண்ணாக தொடர்ந்து செயலாற்றிக் கொண்டு தான் இருக்கிறது. அந்தவகையில், தற்போது வட கொரியா அதிபர் கிம்ஜாங்யுன்னின் தந்தை வழி அத்தையின் கணவரும், வட கொரியாவின் ராணுவத் துணை தளபதியாகவும் பணியாற்றிய ஜங்சாங்தயக் (67க்கு மரண தண்டனை நிறைவேற்றப் பட்டுள்ளது, வடகொரிய கிம் ஜாங் பதவியேற்பில் மாமா சரியா கை தட்டலையாம்.. மரண தண்டனை! அதிபருக்கு அடுத்த படியாக 2-வது இடத்தில் அதிகாரம்மிக்கவராக செயல்பட்டவர் ஜங்சாங். இவர் ராணுவ புரட்சி மூலம் அதிபர் கிம் ஜாங்யுன்னிடம் இருந்து ஆட்சியை கைப்பற்ற சதி திட்டம் தீட்டியதாகக் கைது செய்யப் பட்டார். அதிமுக mla  மற்றும் ஆதரவாளர்களுக்கு இது ஒரு பாடமாக இருக்கட்டும் . அம்மா பேசறப்போ சரியா கைதட்டுங்க 

லாலு பிரசாத் யாதவுக்கு ஜாமின்

கால்நடை தீவன ஊழல் வழக்கில் பீகார் முன்னாள் முதல்வர் லல்லுபிரசாத் யாதவ், 5 ஆண்டுகள் சிறை தண்டனை பெற்று ராஞ்சி றையில் அடைக்கப்பட்டுள்ளார். இவர் ஜாமீன் கேட்டு மனு தாக்கல் செய்திருந்தார்.  இதையடுத்து ஜாமீன் வழங்கி உத்தரவிட்டது உச்சநீதி மன்றம்.  ஜாமீன் நிபந்தனைகளை விசாரணை நீதிமன்றமே முடிவெடுக்க வேண்டும் என்றும் உச்சநீதி மன்றம் கூறியது

ராஜ்நாத்சிங்குடன் வைகோ சந்திப்பு: பா.ஜ.க- ம.தி.மு.க. கூட்டணி உறுதி

டெல்லி: மதிமுக பொதுச்செயலாளர் வைகோ, பாஜக தலைவர் ராஜ்நாத்சிங்கை டெல்லியில் சந்தித்து பேசியுள்ளார். இதன்மூலம் லோக்சபா தேர்தல் பாஜக-மதிமுக கூட்டணி உறுதி செய்யப்பட்டுள்ளது.லோக்சபா தேர்தலுக்கு அனைத்துக் கட்சிகளும் தயார் ஆகிவருகின்றன. கடந்த லோக்சபா தேர்தலில் கூட்டணி அமைத்த கட்சிகள் இந்த முறை அதே கூட்டணி அமைக்குமா? அல்லது கூட்டணிகள் இடம் மாறுமா என்ற கேள்வி எழுந்துள்ளது. பாரதீய ஜனதா கட்சியின் பிரதமர் வேட்பாளராக மோடி அறிவிக்கப்பட்டுள்ளார். இந்த நிலையில் நான்கு தேர்தலில் பாரதீய ஜனதா பெற்றுள்ள இமாலய வெற்றியும் பல அரசியல் கட்சிகளை யோசிக்கச் செய்துள்ளது. தமிழ் நாட்டிலும் பாரதீய ஜனதா முக்கிய அரசியல் கட்சிகளை தனது கூட்டணியில் சேர்க்கும் முயற்சியில் இறங்கி உள்ளது. ம.தி.மு.க பொதுச் செயலாளர் வைகோ பா.ஜனதாவுக்கு ஆதரவாக கருத்துக்களை தெரிவித்து வருகிறார். மோடி, பிரதமர் ஆவதற்குரிய ஒளிமயமான எதிர்காலம் தெரிகிறது என்று நான்கு மாநில தேர்தல் வெற்றி குறித்த அறிக்கையில் கூறி இருந்தார்.

நான் எடுக்கிறதே முடிவு.. பிடிக்கலையா போகலாம்..: விஜயகாந்த்

சென்னை: தேமுதிகவில் தாம் எடுப்பதே முடிவு.. பிடிக்காதவர்கள்
கட்சியைவிட்டு போகலாம் என்று அக்கட்சித் தலைவர் விஜயகாந்த் அதிரடியாக அறிவித்துள்ளார். தேமுதிகவில் இருந்து அவைத் தலைவர் பண்ருட்டி ராமச்சந்திரன் விலகிய நிலையில், அக்கட்சியின் அவசரச் செயற்குழு கூட்டம் கோயம்பேட்டில் உள்ள கட்சித் தலைமை அலுவலகத்தில் நேற்று நடைபெற்றது. இந்தக் கூட்டத்தில் பண்ருட்டி ராமச்சந்திரன் தொடர்பாக விஜயகாந்த் எதுவும் பேசவில்லை. ஆனால் தேமுதிக பொருளாளர் ஏ.ஆர்.இளங்கோ, கொள்கைப் பரப்புச் செயலாளர் வி.சி.சந்திரகுமார், பார்த்தசாரதி எம்.எல்.ஏ. ஆகியோர் பண்ருட்டி ராமச்சந்திரனை பற்றி மிகவும் விமர்சித்துப் பேசியிருக்கின்றனர். என்னை நம்பியே கட்சி.. நான் எடுக்கிறதே முடிவு.. பிடிக்கலையா போகலாம்..: விஜயகாந்த் பின்னர் கூட்டத்தில் விஜயகாந்த் பேசுகையில், லோக்சபா தேர்தலில் தேமுதிக இடம்பெறும் கூட்டணியே மகத்தான வெற்றிபெறும். தேமுதிகவில் இருந்து யார் போனாலும், எனக்குக் கவலை இல்லை. என்னை நம்பியே கட்சியைத் தொடங்கினேன். மக்களும் எனக்காகத்தான் வாக்களிக்கின்றனர். போகிறவர்கள் போகலாம்: கட்சி தொடர்பாக நான் எடுப்பதுதான் முடிவு. இதைப் பிடிக்காதவர்கள் கட்சியில் இருந்து போவதாக இருந்தால் போகலாம் என்றார்.
tamil.oneindia.in

அமெரிக்காவில் விசா மோசடி: கைதான இந்திய துணைத்தூதர் தேவயாணி ! குற்றச்சாட்டு நிரூபிக்கப்பட்டால் 15 ஆண்டுகள் சிறை

அமெரிக்காவில் விசா மோசடி: கைதான இந்திய துணைத்தூதர் தேவயாணி ஜாமீனில் விடுதலை வாஷிங்டன்: விசா மோசடியில் கைதான அமெரிக்காவுக்கான இந்திய துணைத் தூதர் ஜாமீனில் விடுதலை செய்யப்பட்டார். அமெரிக்காவுக்கான இந்திய துணைத் தூதர் தேவயாணி கோப்ரகேட்டை, தனது வீட்டில் வேலை செய்யும் பெண்ணிற்கு விசா பெறுவதற்காக போலியான ஆவணங்களை சமர்ப்பித்ததாக குற்றச்சாட்டு எழுந்தது. புகாரையடுத்து, தேவயாணி கோப்ரகேட்டை மீது விசா மோசடி, போலி ஆவணங்கள் தயாரித்தல் உள்ளிட்ட 15 பிரிவுகளின் கீழ் வழக்கு பதிவு செய்யப்பட்டு கைது செய்யப்பட்டார். இதையடுத்து, ஜாமீன் கோரி அவர் மனுத்தாக்கல் செய்திருந்தார். இதைத் தொடர்ந்து ரூ.15 லட்சம் பிணைத் தொகை விதித்து அவருக்கு ஜாமீன் அளிக்கப்பட்டுள்ளது. இந்திய துணைத் தூதர் தேவயாணி கோப்ரகோட்டை மீதான குற்றச்சாட்டு நிரூபிக்கப்பட்டால் 15 ஆண்டுகள் வரை சிறை தண்டனை கிடைக்க வாய்ப்பு உள்ளது.
tamil.oneindia.in

Kamal : கேட்கப்படும் சினிமா புரிகிறதென்றால் அது நல்ல சினிமா அல்ல! நம்மால் ஏன் உலக சினிமாவில் கலக்க முடியவில்லை?

ஒலி ஓசைகளால் நிரப்படுவது அல்ல சினிமா. ஷேக்ஸ்பியர் இப்போது வந்தாலும் தற்போது சினிமா சூழலுக்கு ஏற்ப திரைக்கதை அமைக்க கற்றுக் கொள்ள வேண்டிய சூழல் இருக்கிறது.
பாலுமகேந்திரா: கொரியா, ஜப்பான், ஈரான் உள்ளிட்ட நாடுகளில் எடுத்து அனுப்பப்படும் படங்களை இங்கே வாயைப் பிளந்து பார்க்கிறோம். நம் படங்களை அவர்கள் வாயைப் பிளந்து பார்ப்பது எப்போது? "பதேர் பஞ்சாலி' இன்னும் சர்வதேச அளவில் இடம் பிடித்திருக்கிறது; தமிழர்களாகிய நம்மால் ஏன் உலக சினிமாவில் கலக்க முடியவில்லை?
சென்னையில் 11-ஆவது சென்னை சர்வதேச திரைப்பட விழாவை வியாழக்கிழமை நடிகர்கள் கமல்ஹாசன், அமீர்கான் ஆகியோர் குத்துவிளக்கேற்றி தொடங்கி வைத்தனர். விழாவின் ஒரு பகுதியாக இயக்குநர் பாலுமகேந்திரா, இசையமைப்பாளர் இளையராஜா உள்ளிட்ட பிரபலங்கள் கேட்ட கேள்விகளுக்கு நடிகர் கமல்ஹாசன் பதிலளித்தார்.

ஓரினச் சேர்க்கையை அனுமதிக்க முயற்சி ! உச்ச நீதிமன்ற நீதிபதிகள் தகுதி கேள்விகுறி ?

புதுடெல்லி: ஓரினச் சேர்க்கையை அனுமதிக்க மத்திய அரசு முயற்சி மேற்கொண்டுள்ளது. ஓரினச் சேர்க்கை கிரிமினல் குற்றம் என்று உச்ச நீதிமன்றம் நேற்று முன்தினம் வழங்கிய தீர்ப்புக்கு கட்சிகளும், சினிமா பிரபலங்களும், விஐபி.க்களும் எதிர்ப்பு தெரிவித்துள்ளனர். இது பற்றி மத்திய சட்ட அமைச்சர் கபில் சிபல் நேற்று கூறுகையில், ‘’டெல்லி உயர் நீதிமன்ற தீர்ப்பையே செயல்படுத்துவதற்கான அனைத்து நடவடிக்கையையும் மத்திய அரசு மேற்கொள்ளும். ஓரினச்சேர்க்கையை குற்றமற்றது என நிச்சயம் மாற்றப்படும்’’ என்றார்.

வங்கதேசம் அப்துல் காதர் முல்லா தூக்கிலிடப்பட்டார் ! ஜமாத்-இ-இஸ்லாமி கட்சியின் மூத்த தலைவரான

பங்களாதேஷ் பாகிஸ்தானிடமிருந்து 1971 ஆம் ஆண்டு சுதந்திரம் பெற நடத்திய போரில், மானுட குலத்துக்கு எதிரான குற்றங்கள் இழைத்ததாகத் தீர்ப்பளிக்கப்பட்ட, இஸ்லாமிய எதிர்க்கட்சியான ஜமாத்-இ-இஸ்லாமி கட்சியின் மூத்த தலைவரான அப்துல் காதர் முல்லா சற்று முன்னர் தூக்கிலிடப்பட்டார். இவர் நேற்று முந்தினம் செவ்வாய்க்கிழமையே தூக்கிலிடப்படவிருந்தார். ஆனால் நீதிமன்றத்தின் தலையீட்டின் பேரில் அவருக்கு வழங்கப்பட்ட மரணதண்டனை தற்காலிகமாக ஒத்திவைக்கப்பட்டது. ஆனால் இவருக்கு அளிக்கப்பட்ட மரணதண்டனை சரியானதே என்று அந்நாட்டின் உச்ச நீதிமன்றம் தீர்ப்பளித்திருந்த பின்னணியில் இவர் சற்றுமுன்னர் தூக்கிலிடப்பட்டதாக, வங்கதேசத்திலிருந்து வரும் செய்திகள் கூறுகின்றன.

50 லட்சம் லஞ்சம் கையும் களவுமாக பிடிபட்ட ADMK எம்.பி.க்கள் சிட்லபாக்கம் ராஜேந்திரன், பொள்ளாச்சி சுகுமார் !

The website alleges that it has MPs from Congress, BJP, BSP, Janata Dal United (JD-U) and AIADMK on videotape, willing to write letters of recommendation for a fictitious Australian oil and gas exploration company for cash payment ranging from Rs. 50,000 to Rs. 50 lakh. Six of these MPs, Cobrapost alleges, even wrote the letters for a fee.புதுடில்லி: வடகிழக்கு மாநிலங்களில் கச்சா எண்ணெய் எடுக்க பரிந்துரை செய்து சிபாரிசு கடிதம் அளிக்க ரூ. 50 ஆயிரம் முதல் ரூ. 50 லட்சம் வரை லஞ்சம் கேட்டு அதிர வைத்துள்ளனர் நமது எம்.பி.,க்கள்.
சமீபத்தில் நடந்த டில்லி சட்டசபை தேர்தலில் ஆம் ஆத்மி கட்சி பெற்ற பெரும் வெற்றிக்கு தலைநகரில் பரவியிருக்கும் லஞ்ச லாவண்யமே முக்கிய காரணமாக கூறப்படுகிறது. ஆனால் இதையெல்லாம் புரிந்து கொள்ள மனமில்லாமல், தொடர்ந்து தமது பணிகளில் (!) கண்ணும் கருத்துமாக பணியாற்றி வருகின்றனர் நமது எம்.பி.,க்கள். கோப்ரா போஸ்ட் என்ற புலனாய்வு இணையதளம் நமது எம்.பி.,க்களின் செயல்பாடுகள் குறித்து ஆய்வு செய்வதற்காக போலியான எண்ணெய் நிறுவனம் ஒன்றின் பெயரில், வடகிழக்கு மாநிலங்களில் கச்சா எண்ணெய் எடுக்க பெட்ரோலியத்துறைக்கு சிபாரிசு செய்யும்படி சில லோக்சபா எம்.பி.,க்களை அணுகியுள்ளனர். "ஆபரேஷன் பால்கன் கிளா" என பெயரிடப்பட்ட இந்த செயல்பாட்டில், சில எம்.பி.,க்கள் கடிதம் தர மட்டுமல்லாது, அந்த கம்பெனிக்காக பெட்ரோலியத்துறையில் லாபி செய்யவும் தனியாக பேமென்ட் பேசி அதிர வைத்துள்ளதாக தெரிவிக்கிறது கோப்ரா போஸ்ட்.  இல்லாத நிறுவனத்திற்கு சிபார்சு அதற்கும் லஞ்சம்  தலைமை எவ்வழியோ தொண்டர்களும் அவ்வழியே

தமிழ் TV சீரியல்களை டப்பிங் சீரியல்கள் ஓவர்டேக் செய்தது எப்படி ?

சித்தியிலும் மெட்டிஒலியிலும் சரவணன் மீனாட்சியிலும் மயங்கிக் கிடந்த தமிழ்ப் பெண்களின் மனத்தை, ‘அவள் ஒரு தொடர்கதை’, ‘உள்ளம் கொள்ளை போகுதே’, ‘என் கணவன் என் தோழன்’, ‘தெய்வம் தந்த வீடு’, ‘சிந்து-பைரவி’, ‘இது காதலா’, ‘மதுபாலா’ போன்ற டப்பிங் மெகா சீரியல்கள் எப்படிக் கொள்ளையடித்தன?

தமிழ் மெகா சீரியல்களை மாய்ந்து மாய்ந்துப் பார்த்த, அழுதும் புலம்பியும் பார்த்த பெண்கள் இப்போது டப்பிங் மெகா சீரியல்களை விரும்பிப் பார்க்கத் தொடங்கியதன் காரணங்கள்தான் என்ன?
90களில் நாடகங்கள் தொடர்களாகத் தொலைக்காட்சிகளில் ஒளிபரப்பாயின. வாரம் தோறும் அல்லது வாரம் இருமுறை என்ற அமைப்பிலும் 13 வாரத்தொடர் என்ற அமைப்பிலும் வெளிவந்தன. பெரும்பான்மையாக அவை ஸ்டூடியோவுக்குள் மிகக் குறைந்த செலவில் எடுக்கப்பட்டவை.

பாரதி ஒரு வேஷதாரியா ? அடிக்கடி ஸ்டாண்டை மாத்தி ஜாதியையும் மதத்தையும் பாதுகாத்தார்

சங்க இலக்கியத்திற்குச் சென்றும்,பெரியாரும், அம்பேத்கரும்கூட இப்படிதான் என்று திரித்துப் பொய்சாட்சி சொல்லியும்; மார்க்ஸ், லெனின் என்று சுற்றி வந்தும், டால்ஸ்டாயை கொடுமைப்படுத்தியும், ‘ பாரதியைப் புரிந்து கொள்வது எப்படி?’ என்று விளக்கப் படாதபாடு படுகிறார்கள் நம் அறிஞர்கள்.

‘பாரதியை எப்படிப் புரிந்து கொள்வது?’ என்பதற்குச் சுலபமான வழியை நம் அறிஞர்களுக்குப் பணிவோடு சொல்லித் தருவோம்.

பாரதியிடம், உயர்ந்த மொழி ஆங்கிலமா? தமிழா?என்றால் ‘பராசக்தி தமிழுக்கு ஒரு தீங்கா?’ என்று பொங்கி எழுவான்.
தமிழா? சமஸ்கிருதமா? என்று நெருக்கிப் பாருங்கள், ‘சமஸ்கிருதம் ஒன்றுதான் தேவ பாஷை’ என்று குழைவான்.

தில்சன் கொலை வழக்கில் ராணுவ அதிகாரிக்கு ஆயுள் தண்டனை

சென்னை தீவுத்திடல் அருகில் உள்ள ராணுவ குடியிருப்பில் வசித்து வந்தவர் ராமராஜீ (58) ராணுவத்தில் லெப்டினன்ட் கர்ணலாக பணியாற்றி ஓய்வு பெற்றவர். இவரது வீட்டின் அருகே குடிசைப்பகுதி உள்ளது.
கடந்த 2011–ம் ஆண்டு இங்கு வசிக்கும் சிறுவர்கள் ராணுவ குடியிருப்பின் காம்பவுண்டு சுவர் ஏறி குதித்து பாதாங்கொட்டை பறித்தனர். அவர்களை விரட்ட ராமராஜீ துப்பாக்கியால் சுட்ட போது 11 வயது சிறுவன் தில்சன் மீது குண்டு பாய்ந்து பலியானான்.
அண்ணாசதுக்கம் போலீசார் ராணுவ அதிகாரி ராமராஜீவை கைது செய்து கோர்ட்டில் வழக்கு தொடர்ந்தனர். வழக்கை விசாரித்த விரைவு கோர்ட்டு ராமராஜீக்கு ஆயுள் தண்டனை விதித்தார்.
தீர்ப்பை எதிர்த்து ராமராஜீ ஐகோர்ட்டில் அப்பீல் செய்தார். நீதிபதிகள் ராஜேஸ்வரன், பிரகாஷ் ஆகியோர் அப்பீல் மனுவை விசாரித்தனர். இன்று தீர்ப்பு கூறினர்.

வங்கதேச இஸ்லாமிய எதிர்க்கட்சி தலைவருக்கு மரண தண்டனை

வங்காளதேசத்தின் விடுதலைப் போர் 1971ஆம் ஆண்டு நடைபெற்றது. அப்போது பாகிஸ்தானுடன் சேர்நது இனப்படுகொலை செய்த குற்றச்சாட்டு தொடர்பாக ஜமாயித் இ இஸ்லாமி கட்சியின் நான்காம் நிலைத் தலைவரான அப்துல் காதர் மொல்லா வங்கதேச அரசினால் சிறை வைக்கப்பட்டார். டாக்காவின் புறநகர்ப் பகுதியான மிர்பூரில் நடந்த நூற்றுக்கணக்கான கொலைகளுக்கு இவர் காரணமாக இருந்தார் என்று இவர் மீது குற்றம் சாட்டப்பட்டு விசாரணை நடத்தப்பட்டது. கடந்த பிப்ரவரி மாதம் நடந்த விசாரணையின் முடிவில் மொல்லாவிற்கு ஆயுள் தண்டனை வழங்கப்பட்டது. இவருடைய தண்டனை தீவிரமாக்கப்பட வேண்டும் என்று, ஆயிரக்கணக்கான பொதுவுடைமைவாதிகள் ஆர்ப்பாட்டத்தில் ஈடுபட்டனர். இந்த ஆர்ப்பாட்டங்களினால் போர்க்கால குற்றங்கள் குறித்த விதிகளைத் திருத்தியமைத்த அந்நாட்டுப் பாராளுமன்றம், மேல் விசாரணைக்கு உத்தரவிட்டது.

விஜயகாந்த்: குடிக்கிறது பெரிய தப்பா என்ன?

விஜயகாந்த்தின் இளையமகன் சண்முகபாண்டியன் ‘சகாப்தம்’ படத்தின்மூலம் நாயகனாக அறிமுகம் ஆகிறார். இப்படத்தின் ஆரம்பவிழா சென்னை விருகம்பாக்கத்தில் உள்ள விஜயகாந்த் தெருவில் மேடை அமைத்து நடைபெற்றது.  இவ்விழா ஒரு பொதுக்கூட்டம் போலவே இருந்தது.   நடிகர்கள் சத்யராஜ்,பிரபு, கார்த்திக், இயக்குநர்கள் விக்ரமன், எஸ்.ஏ.சந்திரசேகரன், ஆர்.கே.செல்வமணி ஆகியோர் வந்திருந்து வாழ்த்தினர்.

இவ்விழாவில் விஜயகாந்த் பேசும்போது,  ‘’இது அரசியல் விழா அல்ல;  இருந்தாலும்  சொல்கிறேன், சில பேர் ஜெயலலிதாவுக்கு பயந்துகொண்டு இங்கு வராமல் இருக்கிறார்கள். வாழ்த்தியவர்களுக்கு என் நன்றியை தெரிவித்துக்கொள்கிறேன்.

சினிமாவுக்காக பெயரை மாற்றிக்கொள்ள போகிறாயா என்று மகனிடம் கேட்டேன்.  இந்தப்பெயரே இருக்கட்டும் என்று சொல்லிவிட்டார்.  

சென்னையில் பார்ப்பன நீதிபதிகள் ஆதிக்கம்! மேலும் இரு பார்ப்பன பெண்நீதிபதிகளா?

சென்னை உயர்நீதிமன்றத்தில் ஏற்கெனவே பார்ப்பன நீதிபதிகளின் ஆதிக்கம் நிறைந்துள்ள நிலையில், பெண் நீதிபதிகள் என்ற பெயரால் மேலும் இரண்டு பார்ப்பனப் பெண்கள் நியமனம் செய்யப்பட இருப்பதை எதிர்த்து, நீதிபதிகள் நியமனத்தில் இதுவரை வாய்ப்பு மறுக்கப்பட்ட பிரிவினருக்கு வாய்ப்பு அளிக்கப்பட வேண்டும் என்பதை வலியுறுத்தி, வரும் 16ஆம் தேதி சென்னையிலும், மதுரையிலும் திராவிடர் கழகத்தின் சார்பில் ஆர்ப்பாட்டம் நடைபெறும் என்று திராவிடர் கழகத் தலைவர் கி.வீரமணி அவர்கள் விடுத்துள்ள அறிக்கை வருமாறு: சென்னை உயர்நீதிமன்றத்திற்கு அனுமதிக்கப் பட்டுள்ள நீதிபதிகளின் எண்ணிக்கை 60ஆகும்.

இதில் தற்போது - ஓய்வு பெற்ற நீதிபதிகள் நீங்கலாக - காலியாக உள்ள நீதிபதிகளின் எண்ணிக்கை 14 ஆகும்.

அம்பானி ஆலையில் தயாராகும் சிஎன்என் ஐபிஎன் செய்தி அறிக்கைகள்

மாலை நேர ஆங்கிலச் செய்தி தொலைக்காட்சி சேனல்கள் பார்ப்பவர்களைப் பொறுத்த வரை என்.டி.டி.வியும், சி.என்.என்-ஐ.பி.என்னும், டைம்ஸ் நவ்வும்தான் நாட்டின் தலைவிதியை தீர்மானிக்கின்றன என்று தோன்றும். ‘நாட்டின் தலைவிதியை தம் கைவசம் வைத்திருக்கும்’ இந்தத் தொலைக்காட்சிகளின் தலைவிதிகளை கைவசம் வைத்திருப்பது யார் என்பதை, சி.என்.என்.-ஐ.பி.என் குறித்து காரவன் மேகசினில் வெளியாகியிருக்கும் ராகுல் பாட்டியாவின் கட்டுரை விளக்குகிறது.

2007 சிஎன்பிசி-டிவி 18 நிகழ்ச்சியில் ராகவ் பாலும் முகேஷ் அம்பானியும்.

2012-ம் ஆண்டு ஜனவரி மாதம், சி.என்.என்-ஐ.பி.என் தொலைக்காட்சியை நடத்தும் டி.வி-18 நிறுவனம் ஈநாடு தொலைக்காட்சியில் (ETV) ரிலையன்சின் பங்குகளை ரூ 2,100 கோடி கொடுத்து வாங்கப் போவதாக அறிவித்தது. ஆந்திராவின் ராமோஜி ராவ் குழுமத்துக்கு சொந்தமான ஈநாடு நிறுவனத்தின் வசம் ஏழு மாநிலங்களில் 12 தொலைக்காட்சி சேனல்கள் இருக்கின்றன. மேலோட்டமாக பார்த்தால் ஊடகத் துறையில் ரிலையன்சுக்கு இருந்த ஆதிக்கம் டி.வி-18 கையில் வருவது போலத் தோன்றும்.

ஜெ சொத்துக்குவிப்பு வழக்கு: அசையும் சொத்துக்களை ஒப்படைக்க உத்தரவு!

பெங்களூரு: முதல்வர் ஜெயலலிதா மீதான சொத்துக்குவிப்பு வழக்கில் அசையும் சொத்துக்களை வரும் 21ஆம் தேதிக்குள் ஒப்படைக்க வேண்டும் என பெங்களூரு சிறப்பு நீதிமன்றம் உத்தரவிட்டுள்ளது. அ.தி.மு.க. பொதுச் செயலாளரும், முதல்வருமான ஜெயலலிதா, அவரது தோழி சசிகலா, இளவரசி, சுதாகரன் ஆகியோர் மீதான சொத்துக்குவிப்பு வழக்கு பெங்களூரு சிறப்பு நீதிமன்றத்தில் பல ஆண்டுகளாக நடைபெற்று வருகிறது. ஜெயலலிதா சொத்துக்குவிப்பு வழக்கு: அசையும் சொத்துக்களை ஒப்படைக்க உத்தரவு! இந்நிலையில், ஜெயலலிதா வழக்கு தொடர்பான அசையும் சொத்துக்களை நீதிமன்றத்தில் ஒப்படைக்க உத்தரவிட வேண்டும் எனக் கோரி தி.மு.க. எம்.பி. தாமரைக்கண்ணன் மனு ஒன்றை தாக்கல் செய்தார். இந்த மனு நீதிபதி ஜான்குன்ஹா முன்பு இன்று விசாரணைக்கு வந்தது. அப்போது, சொத்துக்குவிப்பு வழக்கு தொடர்பான தங்கம், வைர நகைகள், வாகனங்கள் உள்ளிட்ட அசையும் சொத்துக்களை வரும் 21ஆம் தேதிக்குள் நீதிமன்றத்தில் ஒப்படைக்க வேண்டும் என உத்தரவிட்டார்
tamil.oneindia.in

ஓரினச்சேர்க்கை ! சுப்ரீம் கோர்ட் உத்தரவுக்கு சோனியா, ப.சிதம்பரம், கபில் சிபல் எதிர்ப்பு

டெல்லி: ஓரினச்சேர்க்கையில் ஈடுபடுவது சட்டவிரோதமானது என்று உச்சநீதிமன்றம் தீர்ப்பு அளித்துள்ளதற்கு காங்கிரஸ் தலைவர் சோனியா காந்தி, மத்திய அமைச்சர்கள் கபில் சிபல், ப.சிதம்பரம் ஆகியோர் எதிர்ப்பும், அதிருப்தியும் தெரிவித்துள்ளனர். டெல்லி உயர் நீதிமன்றம் கடந்த 2009ம் ஆண்டு ஜூலை மாதம் 2ம் தேதி தீர்ப்பளித்திருந்தது. அதில், வயது வந்தோர் மனம் ஒத்து சேர்ந்து கொண்டால் அது சட்ட விரோதமாகாது என்று தெரிவித்திருந்தது. இந்த தீர்ப்பை எதிர்த்து உச்ச நீதிமன்றத்தில் மேல்முறையீடு செய்யப்பட்டது. இந்த வழக்கு நீதிபதிகள் ஜி.எஸ். சிங்வி மற்றும் எஸ்.ஜே. முகோபத்யாய ஆகியோர் முன்பு விசாரணைக்கு வந்தது. விசாரணையின்போது சிலர் ஓரினச் சேர்க்கைக்கு ஆதரவாகவும், சிலர் எதிராகவும் மனுக்கள் தாக்கல் செய்தனர்.

உருகுவேயில் கஞ்சாவுக்கு சட்டப்பூர்வ அனுமதி ! உலகிலேயே முதல் நாடு

மாண்டிவிடியோ,

கஞ்சாச்செடியை வளர்க்கவும், கஞ்சாவை விற்பனை செய்யவும், பயன்படுத்தவும் எந்தவொரு நாட்டிலும் சட்டப்பூர்வ அனுமதி இல்லை. இந்த நிலையில் தென் அமெரிக்க நாடான உருகுவேயில் கஞ்சாவுக்கு சட்டப்பூர்வ அனுமதி அளிப்பதற்கான மசோதா, பாராளுமன்றத்தில் கடந்த ஆகஸ்டு மாதமே நிறைவேறியது. செனட் சபையில் இந்த மசோதா நிறைவேற வேண்டி இருந்தது.
இப்போது செனட் சபையிலும் மசோதா நிறைவேறி விட்டது. மசோதாவுக்கு ஆதரவாக 16 வாக்குகளும், எதிராக 13 ஓட்டுக்களும் விழுந்தன.
கஞ்சா சட்டப்பூர்வமாக்கப்பட்டிருப்பதால், 18–வயதான கஞ்சா உபயோகிக்கிறவர்கள் மாதம் ஒன்றுக்கு 40 கிராம் கஞ்சா வாங்கிக்கொள்ளலாம்.

கலைஞர்: கோடிக் கணக்கிலே கடன் பெற்றவர்களை வங்கிகள் கண்டு கொள்வதில்லையாமே?

கேள்வி :- ஆயிரக்கணக்கில், இலட்சக் கணக்கில் வங்கிகளிலே கடன் வாங்குபவர்களை “கிட்டி கட்டி” வசூலிக்கும் வங்கிகள், கோடிக் கணக்கிலே கடன் பெற்றவர்களைக் கண்டு கொள்வதில்லையாமே?

கலைஞர் :- மாணவர்கள் தங்கள் படிப்பிற்காக வாங்கிய கடன்களைத் திருப்பிச் செலுத்தவில்லை என்பதற்காக அவர்களின் புகைப்படங்களை வங்கியின் வாசலில் வைத்தது பற்றி நான் சில மாதங்களுக்கு முன்பு அது தவறு என்பதைக் குறிப்பிட்டு எழுதியிருந்தேன்.

2008ஆம் ஆண்டு இந்தியாவில் உள்ள வங்கிகளின் மொத்த வராக் கடன் 39 ஆயிரத்து 30 கோடி ரூபாய். 2012இல் இந்தத் தொகை 1 இலட்சத்து 17 ஆயிரம் கோடி ரூபாயாக உயர்ந்தது. 2013 மார்ச் 31ஆம் தேதியன்று பொதுத் துறை வங்கிகளுக்கான மொத்த வராக் கடன் 1 இலட்சத்து 64 ஆயிரம் கோடி ரூபாய்.

விஜயகாந்த் விழாவில் பங்கேற்க தி.மு.க.,வுக்கு அழைப்பு ! தேர்தல் கூட்டணி்?

தி.மு.க., தலைமையிலான கூட்டணியில், தே.மு.தி.க., இடம் பெறுவதற்கு அச்சாரமாக, இன்று நடக்க உள்ள, தே.மு.தி.க., தலைவர் விஜயகாந்தின் இரண்டாவது மகன், சண்முக பாண்டியன், கதாநாயகனாக அறிமுகமாகும், "சகாப்தம்' படத் துவக்க விழாவில், தி.மு.க., தலைவர் கருணாநிதி பங்கேற்க வேண்டும்' என, தே.மு.தி.க., தரப்பில் இருந்து அழைப்பு விடுக்கப்பட்டுள்ளது. அதே நேரத்தில், தே.மு.தி.க., செயற்குழு கூட்டமும், இன்று மாலை, விஜயகாந்த் தலைமையில் அவசரமாகக் கூடுகிறது.
ஐந்து மாநில சட்டசபை தேர்தலுக்கு முன், தன் தலைமையில் தான் கூட்டணி அமைக்க வேண்டும் என, விஜயகாந்த் விருப்பம் தெரிவித்தார். ஆனால், தேர்தல் முடிவுகள் வெளியான பிறகு, பலமான கட்சிகளுடன் கூட்டணி அமைத்து, லோக்சபா தேர்தலை சந்தித்தால் தான், தன் கட்சியை கட்டுக்கோப்பாக வைத்திருக்க முடியும் என, விஜயகாந்த் கருதுகிறார். ஏற்காடு தேர்தல் பிரசாரத்தில், விஜயகாந்துக்கு ஆதரவாக, தி,மு.க., ராஜ்யசபா தலைவர் கனிமொழி பேசியது; "விஜயகாந்த் வெள்ளை மனம் படைத்தவர்' என, தி.மு.க., தலைவர் கருணாநிதி அளித்த பேட்டி ஆகியவை, விஜயகாந்தை நெகிழ்ச்சி அடைய வைத்துள்ளது.  தி மு க வை கிழி கிழி என்று கிழித்து தோரணம் கட்டிய விஜயகாந்த் இப்போது எந்த முகத்தை வைத்து கொண்டு தி மு கவுடன் கூட்டணி வைப்பார் என்று புரியவில்லை

முகேஷ் அம்பானியின் மகன் குடிபோதையில் கார் ஓட்டி விபத்து ! ஆனால் வேறு ஒருவர் தானே காரை ஒட்டியதாக போலீசில் சரண்

குடிபோதையில் கார் ஓட்டி விபத்து ஏற்படுத்தினாரா முகேஷ் அம்பானியின் மகன்? மும்பை: ரிலையன்ஸ் இன்டஸ்ட்ரீஸ் தலைவர் முகேஷ் அம்பானியின் மகன் ஆகாஷ் அம்பானி குடிபோதையில் கார் ஓட்டி விபத்து ஏற்படுத்தியதாக சம்பவத்தை நேரில் பார்த்த ஒரு பெண் தெரிவித்துள்ளார். கடந்த ஞாயிற்றுக்கிழமை நள்ளிரவில் மும்பை பெட்டார் ரோட்டில் எம்ஹெச் 01- பிகே 99 என்ற பதிவு எண் கொண்ட கருப்பு நிற ஆஷ்டன் மார்டின் கார் வேகமாக வந்துள்ளது. கட்டுப்பாட்டை இழந்த கார் உருண்டு சென்று ஆடி கார் மீது மோதியது. பின்னர் ஆஷ்டன் மார்டினின் ஒரு டயர் கழன்று சென்று ஹுண்டாய் எலான்ட்ரா மீது மோதியது. இந்த சம்பவத்தை அடுத்து ஆஷ்டன் மார்டின் காரை ஓட்டி வந்தவர் சம்பவ இடத்தில் இருந்து ஓடிவிட்டார். இந்நிலையில் கடந்த திங்கட்கிழமை இரவு ரிலையன்ஸ் நிறுவன டிரைவர் ஒருவர் கம்தேவி காவல் நிலையத்திற்கு வந்து விபத்தை ஏற்படுத்திய காரை தான் தான் ஓட்டி வந்ததாக தெரிவித்தார். இதற்கிடையே சம்பவத்தை நேரில் பார்த்த பெண் ஒருவர் பிரபல தொலைக்காட்சி சேனல் நடத்தும் ஆன்லைன் செய்தி இணையதள நிருபர்களிடம் கூறுகையில், ரிலையன்ஸ் இன்டஸ்ட்ரீஸ் தலைவர் முகேஷ் அம்பானியின் மகன் ஆகாஷ் அம்பானி நல்ல குடிபோதையில் காரை ஓட்டி வந்து விபத்து ஏற்படுத்தினார் என்றார்.
tamil.oneindia.in

காங்கிரசின் பிரதமர் வேட்பாளர் நந்தன் நிலகேனி?

டெல்லி: காங்கிரஸ் கட்சியின் பிரதமர் வேட்பாளராக ராகுல் காந்தி விரும்பவில்லையெனில் 'ஆதார்' நந்தன் நிலகேனி அறிவிக்கப்படலாம் என்கின்றன காங்கிரஸ் கட்சி வட்டாரங்கள். காங்கிரஸ் கட்சியைப் பொறுத்தவரையில் தற்போதுவரை ராகுல் காந்திதான் பிரதமர் வேட்பாளராக கருதப்படுகிறார். இருப்பினும் தொடர்ச்சியான தேர்தல் தோல்விகளால் அவர் இதை விரும்புவாரா என்பதும் கேள்விக் குறியாகவே இருக்கிறது. இந்த நிலையில் அடுத்த பிரதமர் வேட்பாளர்பட்டியலில் ப.சிதம்பரம், ஏ.கே. ஆண்டனி, சுஷில்குமார் ஷிண்டே ஆகியோரது பெயர் எப்போதும் அடிபடும். தற்போதோ இவர்களைத் தாண்டி ஆதார் நந்தன் நிலகேனி கூட காங்கிரஸ் கட்சியின் பிரதமர் வேட்பாளராக அறிவிக்கப்படலாம் என்கின்றன காங்கிரஸ் வட்டாரங்கள். நிலகேனி மறுப்பு ஆனால் நிலகேனியோ இந்த கருத்தை முற்றிலுமாக நிராகரிக்கிறார். இருப்பினும் அவரை காங்கிரஸ் கட்சி பிரதமர் வேட்பாளராக அறிவிக்க பல வாய்ப்புகள் இருப்பதாக கூறப்படுகிறது.

ரஜனிகாந்த் ! ஏராளமான பொய்கள் ? பெரும் காப்பரெட் மோசடியாக பரிணமிக்கிறார் !

பொய்களை திரும்ப திரும்ப சொன்னால் அவை உண்மையாகிவிடும் என்பது சிலரின் நம்பிக்கை. குறிப்பாக அரசியல்வாதிகளும் சினிமாக்காரர்களும் இந்த டெக்னிக்கை அடிக்கடி உபயோகப்படுத்துவார்கள் .
தமிழ் சினிமா உலக வரலாற்றில் எத்தனையோ அபத்தங்கள் நிகழ்துள்ளன. வெறும் பொய்களாலேயே கட்டி எழுப்பபட்ட மாளிகைகளும் பல உண்டு,
வசூல் வருகிறது என்ற ஒரே காரணத்திற்காக நடிகர் ரஜனிகாந்த் எதோ ஒரு அற்புதமான நடிகன் ஒரு வரலாற்று பொக்கிஷம் மகா மகா ஆத்மீக பேர்வழி என்றெல்லாம் கொஞ்சம் கூட உண்மையே இல்லாத பொய்களை   மீடியாக்கள் வெட்கம் இல்லாமல் பரப்பி வருகின்றனர், இதர சினிமா பிரபலங்களும் தங்கள் வருமானம் என்றே ஒற்றை காரணத்திற்காக வெட்கமே இல்லாமல் ராஜனிகாந்தை அடுத்த மகாத்மா லெவலுக்கு தலையில் தூக்கி வைத்து பொய் ஜால்ரா வீசுகின்றனர்.

எம்மை பொருத்தவரை அவர் ஒரு சாதாரண நடிகர் . சிறந்த நடிகரே அல்ல. இதில் வேடிக்கை என்னவென்றால் அவரே இதை பல தடவை ஒப்புக்கொண்டும் உள்ளார். ஆனாலும் சினிமா ஜால்ராக்களும் பத்திரிகையாளர்களும் விடுவதாய் இல்லை . இந்த யுகத்தின் அற்புத கலைஞன் மனிதகுலம் கண்டிராத மாணிக்கம் என்றெல்லாம் அவரை அளவுக்கு மீறி பலூன் போன்று ஊதி ஊதி பெருப்பித்து விட்டார்கள்.

சிங்கப்பூரில் இந்தியர் வாழும் பகுதியில் மதுபானம் விற்க தடை

சிங்கப்பூரில் சிறிய இந்தியா என்ற பகுதியில் இந்தியர்கள் அதிகம் வாழ்கின்றனர். நேற்று முன்தினம் இரவில் அங்குள்ள ஹாம்பசையர் சாலையில் நடந்து சென்ற தமிழரான சக்திவேல் குமார வேலு என்ற தொழிலாளி தனியார் பஸ் மோதி உயிரிழந்தார். இதனால் ஆத்திரம் அடைந்த தொழிலாளர்கள் கலவரத்தில் ஈடுபட்டனர். இந்தியா, வங்காளதேசம் உள்பட தெற்கு ஆசிய நாடுகளை சேர்ந்த சுமார் 400 பேர் பயங்கர ஆயுதங்களுடன் தாக்குதலில் ஈடுபட்டனர்.ஏராளமான வாகனங்கள் தீவைத்து எரிக்கப்பட்டன. 10 போலீசார் உள்பட 18 பேர் காயம் அடைந்தனர். அதை தொடர்ந்து கலவரத்தில் ஈடுபட்ட 24 இந்தியர்கள் கைது செய்யப்பட்டனர்.

அவர்கள் விவரம் வருமாறு:–

உச்ச நீதிமன்றம் : ஓரினச் சேர்க்கை சட்டவிரோதமானது

டெல்லி: ஆண், பெண் ஓரினச் சேர்க்கை சட்டவிரோதமானது என்று உச்ச நீதிமன்றம் இன்று தீர்ப்பளித்துள்ளது. ஓரினச் சேர்க்கை சரியே என்று டெல்லி உயர் நீதிமன்றம் கடந்த 2009ம் ஆண்டு ஜூலை மாதம் 2ம் தேதி தீர்ப்பளித்திருந்தது. வயது வந்தோர் மனம் ஒத்து சேர்ந்து கொண்டால் அது சட்ட விரோதமாகாது என்று டெல்லி உயர் நீதிமன்றம் தெரிவித்திருந்தது. இந்த தீர்ப்பை எதிர்த்து உச்ச நீதிமன்றத்தில் மேல்முறையீடு செய்யப்பட்டது. இந்த வழக்கு நீதிபதிகள் ஜி.எஸ். சிங்வி :மற்றும் எஸ்.ஜே. முகோபத்யாய ஆகியோர் முன்பு விசாரணைக்கு வந்தது. விசாரணையின்போது சிலர் ஓரினச் சேர்க்கைக்கு ஆதரவாகவும், சிலர் எதிராகவும் மனுக்கள் தாக்கல் செய்தனர். இதையடுத்து இந்த வழக்கின் தீர்ப்பு கடந்த ஆண்டு மார்ச் 27ம் தேதி ஒத்தி வைக்கப்பட்டது. பின்னர் சுமார் ஓராண்டு மற்றும் 9 மாதங்கள் கழித்து இன்று தீர்ப்பு வழங்கப்பட்டுள்ளது. தீர்ப்பில் ஓரினச் சேர்க்கை சரியே என்ற டெல்லி உயர் நீதிமன்றத்தின் தீர்ப்பு ரத்து செய்யப்பட்டது. மேலும் ஓரினச் சேர்க்கை சட்டவிரோதமானது என்று நீதிபதிகள் தெரிவித்துள்ளனர். இந்திய தண்டனை சட்டம் பிரிவு 377ன் படி இயற்கைக்கு புறம்பான உறவு சட்டவிரோதமானது என்பதை உச்ச நீதிமன்றம் உறுதி செய்துள்ளது. இந்த தீர்ப்பை வழங்கிய நீதிபதிகளில் ஒருவரான சிங்வி இன்று ஓய்வு பெறுகிறார் என்பது குறிப்பிடத்தக்கது.
tamil.oneindia.in

உலக வர்த்தக அமைப்பில் உரிமைகள் பறிபோன அவலம்

உலக வர்த்தக அமைப்பின் வேளாண் ஒப்பந்தத்தால், இந்திய விவசாயிகளுக்கு விளையக்கூடிய கேடுகள் குறித்து, பக்கம் பக்கமாக கருத்துக்கள் வெளியாகியும், நம் மத்திய அரசு, மேற்கத்திய நாடுகளிடம் இந்த விஷயத்தில் சரணடைந்து விட்டது.
இந்திய அரசின் சார்பில், பாலியில் நடந்த உலக வர்த்தக அமைப்பு கூட்டத்தில் பங்கேற்ற, மத்திய அமைச்சர் ஆனந்த சர்மா, முதலில், பல வீர வசனங்களை விடுத்தார். ஆனால், அங்கு சென்று, மேற்கத்திய நாட்டு பிரதிநிதிகளை பார்த்து, கன்னத்தில் போட்டுக் கொண்டு, எந்த தயக்கமும் இல்லாமல், இந்திய விவசாயிகளை விலை பேசிவிட்டார். கொடுமை என்னவென்றால், அதை ஒரு பெரும் வெற்றியாக, பெரிய சாதனையாக சித்தரித்து, அதை எல்லோரையும் நம்பவும் வைத்துள்ளது மத்திய அரசு. துரதிஷ்டவசமாக, பெரும்பாலான ஊடகங்களும் அதை அப்படியே ஏற்று சித்தரித்து உள்ளன.

Cell பேசி கொண்டே வாகனம் ஓட்டினால் 'டிரைவிங் லைசென்ஸ்' ரத்து

மொபைல் போனில் பேசிக் கொண்டே வாகனங்களை ஓட்டிச் செல்பவர்களின் ஓட்டுனர் உரிமம் (டிரைவிங் லைசென்ஸ்) ரத்து செய்யப்படும்' என, போக்குவரத்து துறை எச்சரித்துள்ளது.
"கடந்த, 10 ஆண்டுகளில், அதிகளவில் சாலை விபத்துகள் நடந்த மாநிலங்களில், தமிழகம் முதலிடம் வகிக்கிறது' என, தேசிய குற்ற ஆவண காப்பாகம் (என்.சி.ஆர்.பி.,) தெரிவித்தது. 2012ல், தமிழகத்தில் மட்டும், 68 ஆயிரம் சாலை விபத்துகளில் நடந்துள்ளன; 16,175 பேர் உயிரிழந்துள்ளனர். தமிழகத்தில், ஒரு மணி நேரத்திற்கு, எட்டு விபத்து; நாள்தோறும் சராசரியாக, 44 உயிரிழப்பு ஏற்படுகின்றன. இதையடுத்து, தமிழகத்தில் விபத்துகளை குறைக்க தேவையான நடவடிக்கைகளை எடுக்க, மாவட்ட கலெக்டர் தலைமையிலான சாலை பாதுகாப்பு குழுவினருக்கு, போக்குவரத்து துறை அறிவுறுத்தியது. அதன்படி, சாலை பாதுகாப்பு நடவடிக்கைகள் மேற்கொள்ளப்படுகினறன. பெரும்பாலான விபத்துகள், கவனச் சிதறலால் ஏற்படுகின்றன. லஞ்சம் வாங்க புதிய வழி.....

முக்கியமான’ நேரத்தில காணமல் போன தமிழருவி மணியன் வந்துவிட்டாரமே ?

ஒரு வாரத்திற்கு முன்னால.. நம்ம குறும்புக்கார தம்பி அங்கனூர் தமிழன்வேலு எனக்கு போன் பண்ணி, ‘தோழர் நம்ம Don ஊர்ல இருந்து வந்துட்டாரு’ என்றார்.

‘டானா.. யாருங்க அது?’ என்றேன்.

‘என்ன தோழர் அதுக்குள்ள நம்ம டானை மறந்துட்டீங்க… அய்யா தமிழுருவி மணியன் தான்’ என்றார்.

ஆமாங்க.. எல்லோரும் அவரை சுத்தமா மறந்துட்டோம்.. இந்த நன்றி கெட்டத்தனதாங்க தமிழன் குணம். ஒரு ‘முக்கிய’ பிரமுகர் ‘முக்கியமான’ நேரத்தில காணாம போயிட்டாரே.. எவ்வளவு தமிழ் பகைவர்கள் அவருக்கு எதிராக இருப்பாங்க…என்ன ஆனாரு.. ஏதானாருன்னு ஒருத்தரும் கவலப் படல..

நம்மள விடுங்க… அவரு இல்லாதபோது அவரைப் போலவே பலர் நம்மள நல்லா எண்டர்டெய்ன்மெண்ட் பண்ணி சந்தோசமா வைச்சிருந்தாங்க..

பாவம் இந்த ஜுனியர் விகடனை நினைச்சாதான் பரிதாபமா இருந்தது.. அவரு எழுதாமல் சர்குலேசன் டவுனாகி படாதபாடு பட்டு இருப்பாங்க… நல்ல வேளை வந்து தூக்கி நிறுத்திட்டாரு…

ஜுனியர் விகடனை.

இனி இருக்கு தமிழ் பகைவர்களுக்கு.

‘அடி குடுத்த.. கை புள்ளைக்கே இவ்வளவு காயம்….’mathimaran.wordpress.com 

எல்லாத்துக்கும் காரணம் தலைமைதான் பட்டென்று போட்டுடைத்த பண்ருட்டி ராமச்சந்திரன்

சென்னை: தேசிய முற்போக்கு திராவிட கழகம் என்ற கட்சி துவங்குவதற்கு அச்சாணியாக இருந்தவரும்,விஜயகாந்தின் தலைமை ஆலோசகராக இருந்தவருமான பண்ருட்டி ராமச்சந்திரன் இன்று தனது எம்.எல்.ஏ., மற்றும் கட்சி பொறுப்புகளில் இருந்தும் விலகி கொள்வதாக அறிவித்துள்ளார். இதனால் இந்த கட்சியில் கலக்கம் ஏற்பட்டுள்ளது. தமது உடல் நலம் காரணம் என்று அவர் கூறியிருந்தாலும், இவர் விலகியதற்கு திரைமறைவில் பல்வேறு காரணங்கள் இக்கலாம் என்றும் கூறப்படுகிறது.
அச்சாணியாக இருந்தவர் பண்ருட்டி: கடந்த 2005ல் விஜயகாந்த் இந்த கட்சியை துவக்கினார். இவர் அரசியலில் களம் புகுந்தது முதல் இவருக்கு முழு அரசியல் ஆலோசகராக இருந்து வந்தவர் பண்ருட்டி ராமச்சந்திரன். கட்சிக்கு பெயர் வைப்பது முதல் சின்னம் வரை இவரது யோசனையின்படியே நடந்தது. இந்த கட்சியில் இவருக்கு அவைத்தலைவர் பொறுப்பு வழங்கப்பட்டது. கடந்த 2006ல் நடந்த சட்டசபை தேர்தலில் விஜயகாந்த் விருத்தாச்சலம் தொகுதியில் இருந்து தேர்வு செய்யப்பட்டார்.விஜயகாந்துக்கு மரியாதையை தெரிந்தால்தானே மற்றவர்களுக்கு மரியாதையை கொடுப்பதற்கு.

தி.மு.க: சென்னையில் இருந்து கேரள மக்களை வெளியேற்றினால் என்னவாகும்? கேரளா அட்டைபாடி தமிழர்களைக வெளியேற்றும் கேரளா

சென்னை: 'கேரள மாநிலத்தை சேர்ந்தவர்களை, சென்னையில் இருந்து வெளியேற்ற வேண்டும் என, தமிழக அரசு உத்தரவிட்டால், இந்தியாவின் ஒருமைப்பாடு கேள்விக்குறியாகி விடாதா?' என, தி.மு.க., தலைவர் கருணாநிதி கூறியுள்ளார்.கேரள மாநிலம், அட்டப்பாடி பகுதியில், வாழ்ந்து வரும் தமிழர்கள் அனைவரும், தங்களுக்கு சொந்தமான நிலங்களை அப்படியே விட்டுவிட்டு, வெளியேற வேண்டும்' என, கேரள அரசு உத்தரவிட்டுள்ளது. இந்த செய்தி உண்மையாக இருக்குமானால், அது புலி வாலை பிடித்த கதை போல ஆகிவிடும். கேரள மாநிலத்தை சேர்ந்தவர்கள், உலகெங்கிலும் உள்ளனர்; அவர்கள் இல்லாத இடமே இல்லை. "சென்னையில் உள்ள கேரளத்தவர்களை, தமிழகத்திலிருந்து வெளியேற்ற வேண்டும்' என, தமிழக அரசு உத்தரவிட்டால், என்னவாகும்?  
இவ்வாறு ஒவ்வொரு மாநிலத்தில் உள்ளவர்களும், அடுத்த மாநிலத்தை சேர்ந்தவர்களை, வெளியேற்ற முன் வந்தால், இந்தியாவின் ஒற்றுமை, ஒருமைப்பாடு என்பதெல்லாம் கேள்விக்குறியாகி விடாதா? அட்டப்பாடியில், பழங்குடியினருக்கு சொந்தமான நிலங்களை, தமிழர்கள் ஆக்கிரமிக்கவில்லை. கேரள அரசில் பணியாற்றும் சில அதிகாரிகள், தமிழர்களிடம் இருந்து, அந்த நிலங்களை பெற்று, "பழங்குடியின மக்களிடம் திரும்ப ஒப்படைக்கிறோம்' என்ற பெயரால், அவற்றை ஒரு சில பெரிய நிறுவனங்களுக்கு, தாரை வார்க்கும் முயற்சியாகத்தான் இப்படிப்பட்ட நடவடிக்கைகளில் ஈடுபடுவதாக தெரிகிறது. தமிழக அரசு, இப்பிரச்னை குறித்து உடனடியாக கவனித்து, கேரள அரசுடனும், மத்திய அரசுடனும் தொடர்பு கொண்டு, உரிய நடவடிக்கை எடுத்து, அட்டப்பாடியில் காலம், காலமாக இருந்து வரும் தமிழர்களை காப்பாற்ற முன் வர வேண்டும். இவ்வாறு, கருணாநிதி கூறியுள்ளார். ஆனா லக்ஷ்மி மேனன், நஸ்ரியா, நயன்தாராவ மட்டும் உட்டுருங்க. அவங்களுக்கு ஒண்ணுன்னா தமிழர்களால தாங்கிக்க முடியாது.

நவீன டிஜிட்டல் தொழில் நுட்பத்தில் MGR ரின் ஆயிரத்தில் ஒருவன்

மக்கள் திலகம் எம்.ஜி.ஆரின் மெகா ஹிட் படங்களில் ஆயிரத்தில் ஒருவன் முக்கியமான படமாகும்.புரட்சி தலைவர் எம்.ஜி.ஆர் - ஜெயலலிதா நடிப்பில்  1965-ல் வெளியான ” ஆயிரத்தில் ஒருவன்” நவீன டிஜிட்டல் தொழில் நுட்டப்த்தில் மீண்டும் வெளியாகிறது.அதோ அந்த பறவை போல, நாணமோ இன்னும் நாணமோ, ஓடும் மேகங்களே ஒரு சொல் கேளீரோ, பருவம் எனது பாடல், உன்னை நான் சந்தித்தேன், ஏன் என்ற கேள்வி போன்ற பாடல்கள் பட்டி தொட்டியெங்கும் ஒலித்து இன்றைக்கும் விரும்பி கேட்கப் பட்டு வருகிறது. சூப்பர் ஹிட் பாடல்களும் சிறந்த நடனங்களும் சண்டைகாட்சிகளும்  நிறைந்த இந்த படத்தில் தான் ஜெயலலிதா முதன் முதலில் எம்.ஜிஆருடன் இணைந்து நடித்தார் ‘ஆயிரத்தில் ஒருவன்’ திரைப்படம் 49 ஆண்டுகளுக்குப் பிறகு மீண்டும் டிஜிட்டல் தொழில் நுட்பத்தில் வெளியாகவிருக்கிறது.
இயக்குனர் பி.ஆர் பந்துலு இயக்கத்தில் உருவான இப்படம்  1965 ஜூலை 9 ந்தேதி வெளியானது.இசை விஸ்வநாதன்-ராமமூர்த்தி. படத்தில் நாகேஷ்,எம்.என்.நம்பியார்,ஆர்.எஸ்.மனோகர்,மாதவி  உள்பட பலர் நடித்து உள்ளனர்.எப்போது எம்.எம்.ஜி.ஆர் படம் மீண்டும் ரிலீசானாலும் தியேட்டர்கள் நிரம்பி வழியும்.தற்போது ஆயிரத்தில் ஒருவன் நவீன டிஜிட்டர்  தொழில் நுட்பத்தில் மாற்றி அமைக்கபட்டு விரைவில் வெளியாகிறது. டிஜிட்ட்ல் மயமாக்கும் வேலைகள் முடிவடைந்து விட்டன .இசை அப்கிரேடு வேலை நடந்து வருகிறது. ஜனவரி தமிழகம்  முழுவதும் படம் ரிலீசாகிறது.

நரேந்திர மோடி ஒரு ஜோக்கர், பொருளாதாரம் மற்றும் வரலாறு அவருக்கு தெரியாது: மணிசங்கர் ஐயர்

சத்தீஷ்கார், மத்திய பிரதேசம், ராஜஸ்தான் மற்றும் புதுடெல்லியில் நடந்து முடிந்த சட்டசபைத் தேர்தலில் பாரதீய ஜனதா கட்சி வெற்றி பெற்றது. பாரதீய ஜனதா கட்சியின் பிரதமர் வேட்பாளர் நரேந்திர மோடி இந்த 4 மாநிலங்களில் தீவிர பிரச்சாரம் மேற்கொண்டார். அவருடையை அலை குஜராத்தை தாண்டி அடுத்த மாநிலங்களிலும் அடிக்க தொடங்கியுள்ளது என்று பாரதீய ஜனதா கட்சி கூறிவருகிறது. இந்நிலையில் இவ்விவகாரம் தொடர்பாக நரேந்திர மோடியை காங்கிரஸ் கட்சியின் மூத்த தலைவர் மணிசங்கர் ஐயர் கடுமையாக தாக்கி பேசியுள்ளார்.
அவரது நேர்மையற்ற பேச்சு அவர் எவ்வளவு பெரிய ஒரு ஜோக்கர் என்பதை காட்டியுள்ளது என்று கூறியுள்ளார். மேலும், அவருக்கு வரலாறு பற்றியும், பொருளாதாரம் பற்றியும் ஒன்றும் தெரியாது என்று மணிசங்கர் ஐயர் பேசியுள்ளார். அதாங்க அது ஒரு டுபாக்கூர் அல்லது ஒரு வண்டுமுருகன் ஆமா சொல்லிப்புட்டன் 

சிங்கப்பூர் லிட்டில் இந்தியா கலவரம் குடிபோதையில் செய்த கலவரம் மட்டுமே ?

கடந்த ஞாயிற்றுக் கிழமை (டிசம்பர் 8, 2013) இரவு 9.30 மணியளவில் சிங்கப்பூர் லிட்டில் இந்தியாவில் பேருந்து மோதி ஒரு தொழிலாளி கொல்லப்பட்டதைத் தொடர்ந்து நூற்றுக் கணக்கான தொழிலாளர்கள் கலகம் செய்திருக்கின்றனர். ஒரு ஆம்புலன்சுக்கு தீ வைக்கப்பட்டது. 2 போலீஸ் வண்டிகள் கவிழ்த்து போடப்பட்டன. தொழிலாளியைக் கொன்ற பேருந்தின் கண்ணாடிகள் அடித்து நொறுக்கப்பட்டன. 39 பேர் காயமடைந்தனர்.
“இது இனக் கலவரம் இல்லை” என்றும், “குடிபோதையில் இருந்த சிலர் ஒரு போக்குவரத்து விபத்து உயிரிழப்பை தொடர்ந்து செய்த கலவரம் மட்டுமே” என்றும் சிங்கப்பூர் பிரதமர் கூறியிருக்கிறார். “சிங்கப்பூரில் உழைக்கும் பெரும்பாலான வெளிநாட்டுத் தொழிலாளர்கள் சட்டத்துக்கு கட்டுப்பட்டவர்கள். சிங்கப்பூர் பொருளாதாரத்துக்கு பங்களித்து தமது வாழ்வை நடத்துகின்றனர், சொந்த நாட்டில் இருக்கும் தத்தமது குடும்பங்களுக்கு பணம் அனுப்புகின்றனர்.” என்கிறார் அவர்.

பிடித்து வைக்கப்பட்டிருக்கும் தொழிலாளர்கள்.

“இந்த நிகழ்வை ஊதிப் பெருக்காமல், முழுமையிலிருந்து பரீசீலித்து அதற்குரிய முக்கியத்துவம் மட்டும் கொடுக்க வேண்டும்” என்று சிங்கப்பூரின் சமூக ஆர்வலர்கள் கருத்து தெரிவித்திருக்கின்றனர்.

மணி சங்கர் அய்யர் :மன்மோகன் சிங்கை மீண்டும் பிரதமராக்கியது மாபெரும் தவறு

டெல்லி: மன்மோகன் சிங்கை இரண்டாவது முறையாக பிரதமராக்கியது மாபெரும் தவறு என்று காங்கிரஸ் மூத்த தலைவர் மணி சங்கர் அய்யர் கூறியுள்ளது அக்கட்சிக்குள் பெரும் அதிர்ச்சி அலைகளை ஏற்படுத்தியுள்ளது. டெல்லியில் செய்தியாளர்களிடம் பேசிய முன்னாள் மத்திய அமைச்சரும், காங்கிரஸ் நாடாளுமன்ற உறுப்பினருமான மணி சங்கர் அய்யர் பிரதமர் மன்மோகன் சிங் மீது பகிரங்க தாக்குதலை தொடுத்துள்ளார். 2009ஆம் ஆண்டு மன்மோகன் சிங்கை மீண்டும் பிரதமராக்கியது தவறு என அவர் கூறியுள்ளார். இதை அப்போதே தாம் சுட்டிக்காட்டிய போது கட்சியில் ஒருவரும் தமது கருத்தை ஏற்கவில்லை என்று மணி சங்கர் அய்யர் கூறியுள்ளார். கட்சியை முழுவதுமாக சீர்திருத்தி மாற்றி அமைக்க வேண்டும் என்று குறிப்பிட்டுள்ள அவர் தேவைப்பட்டால் எதிர்க்கட்சி வரிசையில் அமரவும் காங்கிரஸ் தயங்கக் கூடாது என்றார்

சிங்கப்பூரில் கலவரம் வெடிக்கக் காரணம் என்ன? : ராமதாஸ்

பா.ம.க. நிறுவனர் ராமதாஸ் வெளியிட்டுள்ள அறிக்கையில்,‘’சிங்கப்பூரில் இந்தியர்கள் அதிகம் வாழும் லிட்டில் இந்தியா பகுதியில் நேற்று முன்நாள் நிகழ்ந்த சாலை விபத்தில் தமிழகத்தைச் சேர்ந்த சக்திவேல் குமாரவேல் என்பவர் உயிரிழந்துள்ளார். இதையடுத்து அங்கு வெடித்த மிகப்பெரிய கலவரம், அடுத்த இரண்டு மணி நேரத்தில் கட்டுப்படுத்தப்பட்டிருக்கிறது லிட்டில் இந்தியா பகுதியில் வெடித்த கலவரம் தொடர்பாக வழக்குப் பதிவு செய்த சிங்கப்பூர் காவல் துறையினர் தமிழகத்தைச் சேர்ந்த பலர் உள்ளிட்ட 25 இந்தியர்களையும், சிங்கப்பூரைச் சேர்ந்த ஒருவரையும் கைது செய்துள்ளனர். அதுமட்டுமின்றி, அப்பகுதியில் உள்ள அனைத்து வீடுகளையும் சோதனையிடும் காவல்துறையினர் அங்கு தமிழர் எவரேனும் இருந்தால் கைது செய்து வருகின்றனர்.

சிங்கப்பூர் பொது அமைதிக்கு மிகவும் முக்கியத்துவம் தரும் நாடு ஆகும். பொது இடங்களில் வன்முறை யோ, கலவரமோ நடக்காத அளவுக்கு சட்டம்– ஒழுங்கை சிங்கப்பூர் பாதுகாத்து வருகிறது. அப்படிப்பட்ட நாட்டில் கலவரம் வெடித்தது வருந்தத்தக்கது.

மெட்ரோ ரயில்: 30 சதவிகிதம் சுரங்கம் தோண்டும் பணிகள் நிறைவு

சென்னையின் பல்வேறு பகுதிகளில் நடைபெறும் மெட்ரோ ரயில் சுரங்கப் பணிகளில், இதுவரை 11 கிலோ மீட்டர் தூரம் வரை சுரங்கம் அமைக்கப்பட்டுள்ளதாக மெட்ரோ ரயில் அதிகாரிகள் தெரிவித்தனர்.

முக்கியமாக சென்னை பூந்தமல்லி நெடுஞ்சாலை யில் உள்ள நேரு பூங்காவில் இருந்து எழும்பூர் மெட்ரோ ரயில் நிலையம் வரை 948 மீட்டருக்கு சுரங்கப் பணி நடைபெற்று முடிவடைந்துள்ளது.

சென்னை மெட்ரோ ரயில் திட்டத்தில், 24 கிலோ மீட்டர் தூரம், சுரங்கப் பாதையில் அமைக்கப்பட்டு வருகிறது. இந்தத் திட்டத்தில் முதன் முதலில், பூந்தமல்லி நெடுஞ்சாலையில் உள்ள நேரு பூங்காவில் இருந்து, எழும்பூர் வரை, 948 மீட்டர் துரம் சுரங்கம் அமைக்கும் பணி 2011ஆம் ஆண்டு ஜூலை மாதம் தொடங்கப்பட்டது.

இந்தப் பாதையில் அதிகப்படியான பாறைகள் குறுக்கிட்டதால் பணிகள் மெதுவாக நடைபெற்று இப்போது முடிவுக்கு வந்துள்ளது. இதே வழித்தடத்தின் மற்றொரு பாதையில் 722 மீட் டருக்கு சுரங்கம் அமைக்கும் பணிகள் முடிந் துள்ளது.

பண்ருட்டி ராமச்சந்திரன் ராஜினாமா : தீவிர அரசியலில் இருந்து ஓய்வு

தே,மு,தி.க., கட்சியின் சட்டசபை தலைவரும், அக்கட்சியின் எம்.எல்.ஏ.,வுமான பண்ருட்டி ராமச்சந்திரன், தனது எம்.எல்.ஏ., பதவியை ராஜினாமா செய்துள்ளார்.இது குறித்து சபாநாயகர் தனபாலுக்கு எழுதி உள்ள கடிதத்தில், 'உடல் நிலை சரியில்லாததாலும், வயதானதாலும் எனது எம்.எல்,ஏ., பதவியை ராஜினாமா செய்கிறேன்' என்று குறிப்பிட்டுள்ளார். அவர், தே.மு.தி.க., கட்சி பொறுப்புக்களி்ல் இருந்தும், தீவிர அரசியலில் இருந்தும் ஓய்வு பெறுவதாகவும் அறிவித் துள்ளார். >தேமுதிக அவைத்தலைவர், எதிர்க்கட்சி துணைத்தலைவர்   பதவியில் இருந்தும் விலகினார்&

பாஜகவுடன் திமுக கூட்டணியா?

தி.மு.க. தலைவர் கலைஞர் சென்னையில் இன்று நிருபர்களுக்கு பேட்டி அளித்தார்.

கேள்வி: பாராளுமன்றத்தில் அலைக்கற்றை ஒதுக்கீடு குறித்த ஜெ.பி.சி. அறிக்கை தாக்கல் செய்திருக் கிறார்களே, அந்த அறிக்கை பற்றி உங்கள் கருத்து என்ன?

பதில் : நாடாளுமன்றத்தில் எங்கள் கழக உறுப்பினர்கள், அந்த அறிக்கைக்கு எதிராக கருத்து தெரிவித்து வெளி நடப்பும் செய்திருக்கிறார்கள் அல்லவா? அது தான் என்னுடைய கருத்தும் ஆகும்.

கே: தி.மு.க., காங்கிரஸ் கூட்டணி தொடருமா?

ப: பொதுவாகக் கூட்டணி பேச்சுவார்த்தைகளே இன்னும் தொடங்கவில்லை. எனவே யாரோடு கூட்டணி என்பது பற்றிய பேச்சே எழவில்லை.

கே: தி.மு. கழகம் பா.ஜ.க. வோடு கூட்டுச் சேரலாம் என்ற மன நிலையில் இருப்பதாகச் சொல்லப்படுகிறதே?

ப: தி.மு. கழகத்தின் மன நிலை என்ன என்பதை வெளிப்படையாக உங்களிடம் சொல்ல முடியாது.

கே: அன்னா ஹசாரே மீண்டும் போராட்டத்தைத் தொடங்கியிருக்கிறாரே? அந்தப் போராட்டத்தின் மீது நம்பிக்கை இல்லையா?

ப: நம்பிக்கையும் இருக்கிறது; ஆதங்கமும் இருக்கிறது.

கே: தி.மு. கழகப் பொதுக் குழுவின் "அஜெண்டா" என்ன? வெறும் பாராளுமன்றத் தேர்தல் மட்டும் தானா?

ப: நிலைமைக்கு ஏற்ப.

தனியார் பள்ளி மாணவர் சேர்க்கை AD கட்சிகளை மிஞ்சும் அளவுக்கு ஆளுயர விளம்பர பேனர்கள்

தமிழகத்தில் தனியார் பள்ளிகளில் அடுத்த ஆண்டுக்கான மாணவர்கள் சேர்க்கை பணியை, மே மாதத்தில்தான் மேற்கொள்ள வேண்டும் என்று அரசு உத்தரவிட்டுள்ளது. ஆனாலும், சென்னை உள்ளிட்ட பெரிய நகரங்களில் பேராசை படைத்த சில தனியார் பள்ளிகள் இந்த உத்தரவு வருவதற்கு முன்னதாகவே சேர்க்கையை முடித்து விட்டன அல்லது இதற்கான விண்ணப்பங்களை பல ஆயிரம் ரூபாய்க்கு விற்பனை செய்து விட்டன. அரசியல் கட்சிகளை மிஞ்சும் அளவுக்கு ஆளுயர விளம்பர பேனர்களை வைத்து வரவேற்ற அவை, அரசு அறிவிப்பு வெளி வந்தவுடன் சத்தமில்லாமல் அவற்றை காணாமல் செய்து விட்டன.
தனியார் பள்ளிகளில் மாணவர் சேர்க்கை பல மாதங்களுக்கு முன்கூட்டியே நடந்து வருவது கல்வித்துறை அதிகாரிகளுக்கு தெரியாமல் போய்விட்டதா? அப்படி என்றால் அவர்கள் கண்ணை மூடிக் கொண்டு வேலை பார்ப்பதாகத்தானே எடுத்து கொள்ள முடியும்.
மிழகத்தில் தனியார் பள்ளிகளில் மட்டுமே சுமார் 40 லட்சம் மாணவ, மாணவிகள் படிப்பதாக புள்ளி விவரங்கள் தெரிவிக்கின்றன.

மன்மோகன் சிங் காங்கிரஸ் தலைமையுடன் பனிப்போர் ! உச்சகட்டம் ?

நான்கு மாநில சட்டப் பேரவைத் தேர்தல்களிலும் காங்கிரஸ் கட்சி எதிர்கொண்டிருக்கும் வரலாறு காணாத தோல்வி, கட்சித் தலைமையை ஆட்டம் காண வைத்திருப்பதில் ஆச்சரியம் ஒன்றுமில்லை. அடுத்து ஆறு மாதங்களில் நடைபெற இருக்கும் மக்களவைத் தேர்தலில் காங்கிரஸ் படுதோல்வியைச் சந்திக்காமல் இருக்க என்ன வழி என்பதை காங்கிரஸ் தலைமை சிந்திக்கத் தொடங்கி இருக்கிறது.
தேர்தல் முடிவுகள் வெளிவந்து கொண்டிருந்தபோதே, காங்கிரஸ் தலைவி சோனியா காந்தியும், ராகுல் காந்தியும் வழக்கத்துக்கு மாறாக உடனடியாக பத்திரிகையாளர்களைச் சந்தித்தனர். அந்தச் சந்திப்பில், தோல்விக்கான காரணங்கள் ஆராயப்படக்கூடும் என்றும், ஆம் ஆத்மி கட்சியிடமிருந்து மக்களின் செல்வாக்கைப் பெறும் உத்தியை காங்கிரஸ் கற்றுக்கொள்ள வேண்டியிருக்கிறது என்றும் கூறியதுடன் நிறுத்திக் கொள்ளவில்லை. ஒருபடி மேலேபோய், நிருபர் ஒருவர் கேட்ட கேள்விக்கு, "தக்க சமயத்தில் காங்கிரஸ் கட்சியின் பிரதமர் பதவி வேட்பாளர் அறிவிக்கப்படுவார் என்றும், அவர் யார் என்பதை கட்சித் தலைமை முடிவு செய்யும் என்றும் கூறியிருப்பது, அரசியல் நோக்கர்களைச் சிந்திக்க வைத்திருக்கிறது.தோல்விக்கு பொறுபேற்க யாரும் முன்வரமாட்டார்கள் அதிலும் ராகுல் எஸ்கேப் பண்ண வழிதேடுவார் !