ஆர்.எஸ்.பாரதி பிணையை நீக்க உயர் நீதிமன்றம் மறுப்பு

/tamil.indianexpress.com: வன்கொடுமை தடுப்பு சட்ட வழக்கில் திமுக அமைப்புச் செயலாளர் ஆர்.எஸ் பாரதிக்கு வழங்கப்பட்ட  பிணையை நீக்கி உத்தரவிட மறுப்பு தெரிவித்தது சென்னை உயர்நீதிமன்றம்!
கடந்த பிப்ரவரி மாதம் 14 ஆம் தேதி கலைஞர் வாசகர் வட்டம் சார்பில், நடத்தப்பட்ட கருத்தரங்கில், ஆர்.எஸ்.பாரதி பட்டியலினத்தவருக்கு எதிராக பேசியதாக சமூக வலைதளங்களில் செய்தி பரவியது.
இதுதொடர்பாக ஆதி தமிழர் மக்கள் கட்சி தலைவர் கல்யாண சுந்தரம் அளித்த புகாரின் அடிப்படையில், தேனாம்பேட்டை காவல் நிலையத்தில் வன்கொடுமை தடுப்புச் சட்டத்தின் கீழ் வழக்குப்பதிவு செய்யப்பட்டது.
இந்த வழக்கை ரத்து செய்ய கோரி ஆர்.எஸ்.பாரதி தாக்கல் செய்த மனு சென்னை உயர் நீதிமன்றத்தில் நிலுவையில் உள்ளது.

தீபாவும், தீபக்கும் ஜெயலலிதாவின் நேரடி வாரிசுகள்- தீர்ப்பில் திருத்தம் செய்து ஐகோர்ட் அறிவிப்பு

 மாலைமலர் :
சென்னை: மறைந்த முதல்-அமைச்சர் ஜெயலலிதாவுக்கு சொந்தமான சென்னை போயஸ் கார்டன் இல்லம் உள்பட சுமார் ரூ.913 கோடி மதிப்புள்ள சொத்துக்களை நிர்வகிக்க ஒரு நிர்வாகியை நியமிக்க வேண்டும் என்று அ.தி.மு.க. நிர்வாகி புகழேந்தி சென்னை ஐகோர்ட்டில் வழக்கு தொடர்ந்தார்.< அதேபோல, ஜெயலலிதாவின் அண்ணன் மகள் தீபா, மகன் தீபக் ஆகியோர் தங்களை ஜெயலலிதாவின் வாரிசுகள் என்று அறிவிக்கக்கோரி சென்னை ஐகோர்ட்டில் வழக்கு தொடர்ந்தனர். இந்த வழக்குகள் நீதிபதிகள் என்.கிருபாகரன், அப்துல்குத்தூஸ் ஆகியோர் விசாரித்து கடந்த 27-ந்தேதி தீர்ப்பு அளித்தனர். அதில், ஜெயலலிதாவின் அண்ணன் மகள் தீபா, மகன் தீபக் ஆகியோர் இரண்டாம் நிலை வாரிசுகள் என்று கூறப்பட்டு இருந்தது.இந்தநிலையில், இந்து வாரிசு முறைச் சட்டத்தின்படி தங்களை நேரடி வாரிசுகளாக அறிவிக்க வேண்டும் என்றும் இரண்டாம் நிலை வாரிசுகள் என்று தீர்ப்பில் கூறப்பட்டுள்ளதை திருத்தம் செய்ய வேண்டும் என்றும் சென்னை ஐகோர்ட்டில் தீபாவும், தீபக்கும் ஒரு மனுவை தாக்கல் செய்தனர்.

தூத்துக்குடி மாணவர் படுகொலை: பதட்டம் - 1000 போலீசார் குவிப்பு

மாலைமலர் : தூத்துக்குடி அருகே கல்லூரி மாணவர் தலை துண்டித்து படுகொலை செய்யப்பட்டதையடுத்து அப்பகுதியில் பெரும் பதட்டம் நிலவி வருவதால் 1000 போலீசார் குவிக்கப்பட்டுள்ளனர். சத்தியமூர்த்தி. ஆறுமுகநேரி: தூத்துக்குடி மாவட்டம் ஆறுமுகநேரி அருகே உள்ள தலைவன்வடலி கிராமத்தை சேர்ந்தவர் பரமசிவன். இவரது மகன் சத்தியமூர்த்தி (வயது 20). இவர் தூத்துக்குடியில் உள்ள ஒரு கல்லூரியில் பி.காம். 3-ம் ஆண்டு படித்து வந்தார். நேற்று மாலை வெளியே சென்ற சத்தியமூர்த்தி இரவு வெகு நேரமாகியும் வீடு திரும்பவில்லை. அதிர்ச்சியடைந்த அவரது பெற்றோர் அவரை தேடி சென்றனர். அப்போது ஊருக்குக்கு அடுத்துள்ள உப்பாற்று ஓடை பகுதியில் ஒரு கோவில் அருகே முட்புதரில் தலை துண்டிக்கப்பட்ட நிலையில் சத்தியமூர்த்தி பிணமாக கிடந்தார். அவரது உடலை பார்த்து உறவினர்கள் கதறி அழுதனர். போலீசார் சம்பவ இடத்திற்கு விரைந்து சென்று சத்தியமூர்த்தி உடலை மீட்டு பிரேத பரிசோதனைக்கு அனுப்ப முயன்றனர்.

கோவை கோயிலில் இறைச்சி வீசிய ராம் பிரகாஷ் சண்முகம் ஆர் எஸ் எஸ் சதி அம்பலம்

tamil.news18.com : கோவை வைசியாள் வீதியில் வேணுகோபால கிருஷ்ணசாமி கோவில் உள்ளது. இந்த நிலையில் நேற்றுக்காலை 10.30 மணியளவில் இரு சக்கர வாகனத்தில் வந்த நபர் ஒருவர், கோவில் வாசல் முன்னர் இறைச்சி இருந்த பிளாஸ்டிக் பையை வைத்துவிட்டுச் சென்றார். மேலும், அருகிலுள்ள ராகவேந்திர சுவாமிகள் கோவில் வாசல் முன்னரும் இதே போல பிளாஸ்டிக் கவரை வைத்து விட்டுச் சென்றார்
அங்கு பூக்கடை வைத்துள்ள பெண், பிளாஸ்டிக் கவரை எடுத்து பார்க்கவும், அதில் இறைச்சி இருக்கவே குரல் எழுப்பியுள்ளார். ஆனால், அந்த நபர் அங்கிருந்து தப்பிச் சென்றார். இதனை அடுத்து போலீசில் புகாரளிக்கப்பட்ட நிலையில், கோவிலுக்கு வந்த போலீசார் இறைச்சியை எடுத்துச் சென்றனர். இதன் பின்னர், பாஜக மற்றும் இந்து முன்னணி அமைப்பினர் காவல் நிலையம் முன் திரண்டனர்.
தீவிர விசாரணைக்குப் பின்னர், இறைச்சி வீசிய கவுண்டம் பாளையம் பிருந்தாவன் நகர் பகுதியில் வசிக்கும் சண்முகம் என்பவரின் மகன் ராம்பிரகாஷ் (48) என்பவர் கைது செய்யப்பட்டார். கைதான நபரிடம் போலீசார் நடத்தப்பட்ட விசாரணை தொடர்பாக கோவை மாநகர போலீசார் அறிக்கை வெளியிட்டுள்ளனர்.

டெல்லி மாஸ்கோ . பாதி வழியில் திரும்பிய விமானம் .பைலட்டுக்கு கொரோனா

மின்னம்பலம் : டெல்லியிலிருந்து மாஸ்கோவிற்கு சென்ற ஏர் இந்தியா விமானத்தின் பைலட் ஒருவருக்கு கொரோனா வைரஸ் பாதிப்பு உறுதி செய்யப்பட்டதால் பாதி வழியிலேயே பயணத்தை ரத்து செய்துவிட்டு நாடு திரும்பியுள்ளது விமானம்.
விமானத்தை எடுப்பதற்கு முன்பு வெளிவந்த சோதனை முடிவில் தவறாக கொரோனா வைரஸ் நெகட்டிவ் என்று வந்திருக்கிறது. A320 விமானம் எந்த பயணிகளும் இல்லாமல், மாஸ்கோவிற்கு சென்று கொண்டிருந்தது.

ஜூன் 30 வரை ஊரடங்கு நீட்டிப்பு: புதிய தளர்வுகள்!

மின்னம்பலம் : நாடு முழுவதும் ஊரடங்கை ஜூன் 30ஆம் தேதி வரை நீட்டித்து மத்திய அரசு அறிவிப்பு வெளியிட்டுள்ளது.
நாடு முழுவதும் மார்ச் 25ஆம் தேதியிலிருந்து ஊரடங்கு அமலில் உள்ளது. ஆனாலும், கொரோனா பாதிப்பு கட்டுக்குள் வராததால் ஊரடங்கை நாடு முழுவதும் நீட்டிக்க வேண்டும் என்று மத்திய அரசிடம் மாநில அரசுகள் கோரிக்கை வைத்தன. இதுதொடர்பாக பிரதமருடன், உள் துறை அமைச்சர் அமித் ஷா இரண்டு முறை ஆலோசனை நடத்தினார்.
இந்த நிலையில் அன்லாக் 1.0 என்ற பெயரில் மத்திய உள் துறை அமைச்சகம் இன்று (மே 30) வெளியிட்ட செய்திக் குறிப்பில், “நாடு முழுவதும் கட்டுப்பாட்டு பகுதிகளில் ஜூன் 30ஆம் தேதி வரை ஊரடங்கு நீட்டிக்கப்படுகிறது.

அமெரிக்காவில் நிறவெறி கலவரம் .. நியூயார்க், லாஸ் ஏஞ்சலஸ், சிகாகோ, டென்வர், ஃபீனிக்ஸ் மற்றும் மெம்ஃபிஸ் நகரங்களில் .

BBC : அமெரிக்காவின் மினசோட்டா மாகாணத் தலைநகரான மினியாபொலிஸ் நகரில் கருப்பினத்தை சேர்ந்த ஒருவர் போலீஸாரின் பிடியில் உயிரிழந்ததால் அங்கு மூன்று நாட்களாக கடும் போராட்டங்கள் நடைபெற்று வருகின்றன. ஒரு காருக்கு அடியில் ஒரு மனிதர் கைவிலங்கிட்டு இருப்பது போன்றும் அவரின் கழுத்தின் மேல் தனது முழங்காலை வைத்து காவலர் ஒருவர் அழுத்துவதும் போன்றும் ஒரு காணொளி இரண்டு தினங்களுக்கு முன் சமூக வலைத்தளங்களில் பரவலாக பகிரப்பட்டது.
“என்னால் மூச்சு விட முடியவில்லை” – ஜார்ஜ் ஃப்ளாய்ட்
அந்தக் காணொளியில் போலீஸாரின் பிடியில் இருந்தவரின் பெயர் ஜார்ஜ் ஃப்ளாய்ட். அவருக்கு வயது 46.
அந்தக் காணொளியில் ஜார்ஜ் “என்னால் மூச்சு விட முடியவில்லை; தயவு செய்து என்னைக் கொல்லாதீர்கள்” என்று கூறுகிறார்.
அமெரிக்காவில் கருப்பினர்த்தவர்கள் போலீஸாரால் கொல்லப்படுவது குறித்து ஏற்கனவே பல குற்றச்சாட்டுகள் இருக்கும் நிலையில், இந்த சம்பவம் மேலும் பதற்றத்தை அதிகரித்துள்ளது.

தமிழகத்தில் தொழில் தொடங்க ஆப்பிள் அமேசானுக்கு அழைப்பு

கண்டிசன்  : 40 வீத கமிசன்

மின்னம்பலம்: உலக அளவில் பிரபல தொழில் நிறுவனங்களான ஆப்பிள் , அமேசான் நிறுவனங்களைத் தமிழகத்திலும் தொழில் தொடங்க முதல்வர் எடப்பாடி பழனிசாமி அழைப்பு விடுத்துள்ளார்.
தமிழகத்தில் புதிய முதலீடுகளை ஈர்ப்பது தொடர்பாக பல்வேறு நடவடிக்கைகளை எடப்பாடி பழனிசாமி எடுத்து வருகிறார். கொரோனா வைரஸ் காரணமாக உலக பொருளாதாரமே பாதிக்கப்பட்டிருக்கும் சூழலில் தமிழக அரசு இந்த நடவடிக்கையை மேற்கொண்டு வருகிறது. முதலீடுகளை ஈர்ப்பதற்காகச் சிறப்புப் பணிக்குழு தலைமைச் செயலாளர் தலைமையில் அமைக்கப்பட்டது. இந்நிலையில், மே 27 ஆம் தேதி, சுமார் 15 ஆயிரத்து 128 கோடி ரூபாய் முதலீட்டிற்கான 17 புரிந்துணர்வு ஒப்பந்தங்கள் வெளிநாட்டு நிறுவனங்களுடன் கையெழுத்தானது.

பிற்படுத்தப்பட்ட மாணவர்களுக்கு 50% இட ஒதுக்கீடு: உச்ச நீதிமன்றத்தில் திமுக வழக்கு.. முதுநிலை மருத்துவ படிப்பில்

Kalai Selvi : what Cong & Communists, BSP TDP YSR KCR RPI, JDs Parties doing for Zero Reservation for OBCs in NEET Medical Seats ?
தினகரன் : சென்னை: முதுநிலை மருத்துவ படிப்பிற்கான இடங்களில்
பிற்படுத்தப்பட்ட மற்றும் இதர பிற்படுத்தப்பட்ட மாணவர்களுக்கு 50 சதவீத இடஒதுக்கீடு வழங்க கோரி திமுக சார்பில் உச்ச நீதிமன்றத்தில் வழக்கு தொடரப்பட்டுள்ளது. இளநிலை மருத்துவ படிப்பிற்கு நீட் தேர்வு இருப்பது போலவே முதுநிலை மருத்துவ படிப்பிலும் நீட் தேர்வு உள்ளது. நீட் இடஒதுக்கீட்டில் பிற்படுத்தப்பட்ட மாணவர்களுக்கு போதிய இடங்கள் கிடைப்பது இல்லை. அங்கு இடஒதுக்கீடு பின்பற்றப்படுவதும் இல்லை. இதுவரை பல ஆயிரம் இடங்களை இப்படி பிற்படுத்தப்பட்ட மாணவர்கள் இழந்துள்ளனர்.  இந்த நிலையில் முதுநிலை மருத்துவ படிப்பிற்கான இடங்களில் இடஒதுக்கீடு சரியாக பின்பற்றப்படவில்லை. மருத்துவ படிப்பில் பல்வேறு குளறுபடிகள் நடப்பதாக தொடர்ந்து சர்ச்சை எழுந்து வருகிறது.

வரலாற்று முக்கிய முடிவுகளை எடுத்து இந்தியா கடந்த ஓராண்டு காலத்தில் வேகமான முன்னேற்றம் - பிரதமர் நரேந்திர மோடி பெருமிதம்

தினத்தந்தி : வரலாற்று முக்கிய முடிவுகளை எடுத்து, இந்தியா கடந்த ஓராண்டு காலத்தில் வேகமான முன்னேற்றம் கண்டுள்ளதாக மக்களுக்கு எழுதிய கடிதத்தில் பிரதமர் நரேந்திர மோடி பெருமிதத்துடன் குறிப்பிட்டுள்ளார். சென்னை, இந்தியாவில் இரண்டாவது முறையாக பிரதமராக பதவி ஏற்று ஓராண்டு முடிந்துள்ள நிலையில், நாட்டு மக்களுக்கு பிரதமர் நரேந்திர மோடி எழுதிய கடிதத்தில்
கூறப்பட்டு இருப்பதாவது:- இந்தியாவை புதிய உச்சங்களுக்குக் கொண்டு செல்ல வேண்டும் என்ற கனவை நிறைவேற்றுவதற்காக 2019-ம் ஆண்டில் இந்திய மக்கள் வாக்களித்துள்ளனர். இந்தியாவை உலக அளவில் முன்னோடி நாடாக்க வேண்டும் என்று விரும்புகிறார்கள். கடந்த ஓராண்டு காலத்தில் எடுக்கப்பட்ட முடிவுகள், இந்தக் கனவை நிறைவேற்றும் பாதையை நோக்கியவையாக உள்ளன.

Raj Rajaratnam Reveals Why He Didn't Take a Plea.. ...Newsweek

Raj Rajaratnam

Rumi Khan

newsweek.com :
Exclusive: Raj Rajaratnam Reveals Why He Didn't Take a Plea

By Suketu Mehta <:>Rajaratnam, former hedge-fund manager and the world’s richest Sri Lankan, is led handcuffed from the New York City FBI headquarters in 2009.

John Marshall Mantel / The New York Times-Redux

It was 6 a.m. on Oct. 16, 2009, and Raj Rajaratnam, head of the Galleon Group hedge fund, was at home on his exercise bike looking out over Manhattan's Turtle Bay, thinking about how many shirts he would have to pack for his trip to England that day. He was to go there to launch a $200 million fund to invest in the Sri Lankan stock market, in which he, the richest Sri Lankan on the planet, was the biggest single investor.
At 6:30 his doorbell rang. He answered it to find a number of policemen and men in suits outside. An FBI agent named B. J. Kang told him he was under arrest for insider trading. There were five other agents with him, come to collect Rajaratnam. They asked if he had a gun, if he had drugs on the property. For a moment he was afraid they would plant something.
As they led him away from his family, Rajaratnam says Kang told him, "Take a good look at your son. You're not going to see him for a long time." He added, for good effect, "Your wife doesn't seem so upset. Because she's going to spend all your money."

சவூதி சிறையிலேயே உயிரிழந்த மனித உரிமை போராளி பேராசிரியர் அப்துல்லா

Fazil Freeman Ali : பாசிச‌த்திற்கு_ம‌த‌மில்லை ! அப்துல்லா அல் ஹ‌மித்
க‌விஞ‌ர், க‌ல்லூரி பேராசிரிய‌ர், அர‌சிய‌ல் விம‌ர்ச‌க‌ர், மனித உரிமை போராளி என்று ப‌ன்முக‌ ஆளுமை கொண்ட‌வ‌ர் இந்த‌ மாம‌னித‌ர்.
2018-ல் ஸ்வீட‌ன் அர‌சு, ச‌வூதில் சிறையில் இருந்த‌ இவ‌ருக்கு Right Livelihood Award அளித்து சிற‌ப்பித்த‌ போதுதான் நான் முத‌ல் முறையாக‌ இவ‌ரைப்ப‌ற்றி கேள்விப்ப‌ட்டேன்.
அர‌சிய‌ல் சீர்திருத்த‌ம் ம‌ற்றும் ம‌னித‌ உரிமை பாதுகாப்புக்காக‌ த‌ன் வாழ்நாள் முழுவ‌தும் போராடிய‌வ‌ர் இந்த‌ ச‌வூதி அரேபியாவில் மைந்த‌ர். இவ‌ர் Saudi Civil and Political Rights Association (ACPRA) என்ற‌ அமைப்பின் ஸ்தாப‌க‌ த‌லைவ‌ர்க‌ளுள் ஒருவ‌ரும்கூட‌.
ச‌வூதி அர‌சின் ம‌னித‌ உரிமை மீற‌லை க‌ண்டித்து உல‌க‌ அர‌ங்கில் ப‌ல‌ முறை பேசி, அத‌ற்காக‌ ப‌ல‌ முறை சிறை சென்ற‌வ‌ர் அப்துல்லா.
2013-ல் இவ‌ருக்கு ஐந்தாண்டு சிறை த‌ண்ட‌னையும், ஒரு ப‌ழைய‌ வ‌ழ‌க்கை தூசி த‌ட்டி அத‌ற்கு ஆறு ஆண்டுக‌ளுமாக‌, மொத்த‌ம் 11 ஆண்டுக‌ள் சிறை த‌ண்ட‌னை விதித்த‌து இஸ்லாமிய‌ சவூதி அர‌சு.
இன்நிலையில் 9 ஏப்ர‌ல் 2020-ல் சிறைக்குள் இருக்கையிலேயே அப்துல்லா ஸ்ட்ரோக் நோயால் பாதிக்க‌ப்ப‌ட்டார். இவ‌ரின் ம‌ருத்துவ‌த்திற்காவ‌து இவ‌ரை விடுத‌லை செய்ய‌வேண்டும் என்று Amnesty International அமைப்பு போராடிய‌தோடு ச‌வூதி ம‌ன்ன‌ருக்கும் க‌டித‌ம் எழுதி வேண்டிய‌து. முற்றாக‌ ம‌றுத்த‌து வ‌காபிய‌ ச‌வூதி அர‌சு.

வெட்டுக்கிளியை வேட்டை ஆடும் கரிஞ்சான் குருவி .. Black drongo அல்லது King crow

Fazil Freeman Ali : வெட்டுக்கிளி பற்றி பேசும் போது இவனைப் பற்றி பேசாமல் இருக்க முடியாது... ஆமாம் இவனின் பிரதான உணவே வெட்டுக்கிளி தான்...
இவர்கள் ஒரு மணி நேரத்திற்கு சுமார் 150 பூச்சிகளை வேட்டையாடி உண்பவர்கள்.
ஒரு நாளைக்கு எவ்வளவு பூச்சிகளை உண்ணுகிறார்கள் என நீங்களே கணக்கிட்டுக் கொள்ளுங்கள்.

வயிறு நிறம்பியபிறகு சாப்பிடும் பூச்சிகளை ஒன்றிரண்டாக அரைத்து வெளியில் கக்கிவிடுகிறார்கள். அப்படி கக்கிய பூச்சிகள் மண்ணிற்கு சிறந்த உரமாக செயல்படுகிறது.
இவனை போன்றவர்களின் எண்ணிக்கை குறைய குறைய வெட்டுக்கிளிகளின் எண்ணிக்கை அதிகரித்து கொண்டே இருக்கும்... அவன் தான் கரிச்சான் குருவி...
இவனுக்கு மாட்டுக்காரன், இரெட்டைவால் குருவி, வால் நீண்ட கருங்குருவி என்றெல்லாமும் பெயர்கள் உண்டு.
ஆங்கிலத்தில் இவனை Black drongo அல்லது King crow என்றழைப்பார்கள்.
விஞ்ஞான ரீதியாக இவனுக்களிக்கப் பட்ட பெயர் ‘Decrurus macrocercus என்பதாகும்.
இவனின் நிறம் பளபளவென மின்னும் கருப்பு நிறம். புறாவை விட சற்று சிறிதான உடல். நீளமான வால் சிறகுகள். அலகுகள் ஆரம்பிக்கும் இடத்தில் மீசை போன்ற ரோமங்கள். இந்த ரோமங்கள் பூச்சிகள் பறந்து கொண்டிருக்கும் போதே அவற்றைப் பிடிக்க உதவுகின்றன.

12 வயதில் குடும்பத்தைச் சுமக்கும் தஞ்சை சிறுவன்.. வலிக்குப் பயந்தா குடும்பமே பட்டினி கிடக்குமே

vikatan.com - கே.குணசீலன் : “கடந்த ஒரு மாதமா இந்த வியாபாரம் செய்யிறேன். ஸ்கூல் திறந்ததும் படிக்கப் போய்டுவேன். அப்ப அம்மா என்ன செய்யப் போறாங்கன்னு தெரியலை…”

தஞ்சாவூரில் கொரோனா லாக்டெளனால் வருமானமின்றி முடங்கிய தன் குடும்பத்தைக் காப்பாற்றுவதற்காக 12 வயது சிறுவன் தினமும் பத்து கிலோ மீட்டர் வரை சைக்கிளிலேயே சென்று வடை, சமோசா வியாபாரம் செய்து வருகிறார். தஞ்சாவூர், மானோஜிப்பட்டி அருகேயுள்ள உப்பரிகை என்ற பகுதியைச் சேர்ந்தவர் வரதராஜன். கொத்தனார் வேலை செய்து கொண்டிருந்தார். இவரின் மனைவி சுமதி. இவர்களுக்கு 10-ம் வகுப்பு படிக்கும் மகள், 6-ம் வகுப்பு மற்றும் 4-ம் வகுப்பு படிக்கும் பிள்ளைகள் உள்ளனர். இந்த நிலையில் நரம்புத் தளர்ச்சி நோயால் பாதிக்கப்பட்ட வரதராஜனால் சில வருடங்களாகவே வேலைக்குச் செல்ல முடியவில்லை. இதனால் குடும்பம் வறுமையில் தவித்துள்ளது. இதையடுத்து, அவரின் மனைவி சுமதி வீட்டிலிருந்தபடியே நூற்கண்டு தயாரிக்கும் வேலை செய்து வந்தார். அதில் கிடைத்த சொற்ப வருமானத்தைக் கொண்டு தன் பிள்ளைகளையும் கணவரையும் கவனித்து வந்துள்ளார். இந்த நிலையில், கொரோனா லாக்டெளன் சுமதியைக் கடுமையாகப் பாதித்தது. ஒருபக்கம் முடங்கிக்கிடக்கும் கணவர்… மறுபக்கம் மூன்று பிள்ளைகள் என பரிதவித்தபடி இருந்துள்ளார்.

பாலியல் உறவுக்கு மறுத்த சிறுவனை சுட்டுக்கொன்ற பாகிஸ்தான் பொலிஸ் உத்தியோகத்தர்

Meronews.Lk : பாகிஸ்தான் பொலிஸ் உத்தியோகத்தர் ஒருவர்? தன்னுடன் பாலியல் உறவில் ஈடுபட மறுத்த 18 வயது சிறுவனை சுட்டுக்கொன்ற குற்றச்சாட்டில் கைது செய்யப்பட்டுள்ளார்,

பாகிஸ்தானின்  பஞ்சாப் மாகாண நெடுஞ்சாலை ரோந்துச் சேவை உத்தியோகத்தர் ஒருவரையே குதியான் நகர பொலிஸார் கைதுசெய்துள்ளனர்.
குதியான் பொலிஸ் பிரிவுக்குட்பட்ட குதியான் பஸாரில் வைத்து செவ்வாயன்று சுட்டுக்கொல்லப்பட்ட அந்த சிறுவன், உள்ளூர் பிரார்த்தனைத் தலைவர் ஒருவரின் மகனாவார். பிரார்த்தனை தலைவரினாலேயே இந்த சம்பவம் தொடர்பான முதலாவது முறைப்பாடு பொலிஸ் நிலையத்தில் செய்யப்பட்டுள்ளதுஇந்த சம்பவம் தொடர்பான தகவல்கள் சமூக ஊடகங்களில் வேகமாக பரவியதை அடுத்து, மாகாண பொலிஸ் மா அதிபரிடமிருந்து இது தொடர்பான அறிக்கை ஒன்றை சமர்ப்பிக்குமாறு பஞ்சாப் மாகாண முதலமைச்சர் உஸ்மான் புஸ்டார் கோரினார்.

நிறவெறி ..எங்களால் மூச்சு விட முடியவில்லை: கொந்தளிக்கும் அமெரிக்கா! வீடியோ

மின்னம்பலம் : நிறவெறி காரணமாக காவல்துறை அதிகாரியால் கொல்லப்பட்ட ஜார்ஜ் ஃப்ளாய்டின் மரணம் தொடர்பாக கடந்த மூன்று நாட்களுக்கும் மேல் நியூயார்க் நகரத்தில் போராட்டங்கள் வெடித்துள்ளன.
கடந்த திங்கட்கிழமை அமெரிக்காவைச் சேர்ந்த ஜார்ஜ் ஃப்ளாய்ட் என்ற நபரை, கருப்பினத்தவர் என்பதற்காகவே ஒரு மோசடி வழக்கில் சந்தேகித்து போலீஸார் கைது செய்தனர். கைதுக்கு ஒத்துழைக்காத அவரை காவலர் ஒருவர் கழுத்தில் மிதித்து துன்புறுத்தும் வீடியோ இணையத்தில் பரவியது.
பதிவான காட்சிகளில், 46 வயதான ஜார்ஜ் ஃப்ளாய்ட் என அடையாளம் காணப்பட்ட அந்த நபர், “என்னால் மூச்சுவிட முடியவில்லை”, “என்னைக் கொல்ல வேண்டாம்!” என்று கூச்சலிடுவதை கேட்க முடிகிறது. பின்னர் அவர் அசைவில்லாமல், கண்களை மூடிக் கீழே விழுகிறார். காவலர் பிடியில் இருந்த ஜார்ஜ் ஃப்ளாய்ட் உயிரிழந்ததையடுத்து, மின்னாபோலிஸ் நகரில் பெரியளவில் போராட்டம் வெடித்தது.

கொரோனா காலத்தில் நான்காவது நீதிபதி பணியிடை நீக்கம்!

மின்னம்பலம் : சென்னையில் பணியாற்றிய குடும்ப நல நீதிமன்ற நீதிபதியைப் பணி இடை நீக்கம் செய்துள்ளது உயர் நீதிமன்றம்.
சென்னை உயர் நீதிமன்ற வளாகத்தில் அமைந்துள்ள குடும்ப நல நீதிமன்றத்தில், முதன்மை கூடுதல் நீதிபதியாகப் பணியாற்றி வந்தவர் எம்.ஸ்ரீதர், இவர் 10.12.1999 அன்று தமிழ்நாடு நீதித் துறையில் மாவட்ட உரிமையியல் நீதிபதியாக அரியலூரில் பணி நியமனம் செய்யப்பட்டு, மேட்டூர், செஞ்சி, புதுச்சேரி உள்ளிட்ட இடங்களில் குற்றவியல் நீதிமன்ற நீதிபதியாக பணியாற்றி பிறகு சார்பு நீதிபதியாகப் பதவி உயர்வு பெற்று, திருவாரூர், ஜெயங்கொண்டம், திருச்சி உள்ளிட்ட இடங்களிலும் பணியாற்றியவர்.
திருச்சியில் ஊழல் தடுப்பு நீதிமன்றத்தில் சிறப்பு நீதிபதியாகவும் தலைமை குற்றவியல் நீதிபதியாகவும் சிறப்பாக பணியாற்றியவர். இவர் மேட்டூரில் மேஜிஸ்திரேட்டாக இருந்தபோது நடிகை குஷ்பு மீதான அவதூறு வழக்கைத் திறமையாகக் கையாண்டவர்.

பிரதமர், முதல்வர்களுக்கு ஸ்டாலின் கடிதம்: புதிய மின்சார திருத்த சட்டத்தை கைவிடுங்கள்

மின்ன்னம்பல்ம் : புதிய மின்சாரத் திருத்தச் சட்டம் 2020 க்கு எதிர்ப்பு தெரிவித்து, அதைக் கைவிடுமாறு பிரதமருக்கும், பாஜக கூட்டணி ஆளாத மாநில முதல்வர்களுக்கும் திமுக தலைவர் மு.க.ஸ்டாலின் கடிதம் எழுதியுள்ளார்.
“நமது விவசாயிகள் நாட்டின் முதுகெலும்பு மட்டுமல்ல; இன்றைக்கு நமது நாடு சிறந்து விளங்குவதற்கு அவர்கள் இன்றியமையாத பங்களிப்புகளைச் செய்துள்ளார்கள். ஆனால், அவர்கள் கடந்து வந்த பாதை இலகுவானதாக இல்லை - பல ஆண்டுகால போராட்டங்களுக்குப் பிறகே அவர்களது உரிமைகள் நிலைநாட்டப்பட்டன. அத்தகைய போராட்டங்களில், மிக முக்கியமானது,

ஸ்டாலின் : தமிழகத்தில் கொரோனா கட்டுப்பாட்டுக்குள் இல்லை

Giridharan N - Samayam Tamil :; தமிழகத்தில் கொரோனா கட்டுக்குள் இல்லை என்று திமுக தலைவர் மு.க..ஸ்டாலின் பகிரங்கமாக குற்றம்சாட்டியுள்ளார்
அரசு சொல்வது போல், தமிழகத்தில் கொரோனா கட்டுக்குள் இல்லை. மாறாக, கட்டுக்கடங்காமல்தான் இருக்கிறது என்று திமுக தலைவர் மு.க.ஸ்டாலின் பகிரங்கமாக குற்றம்சாட்டியுள்ளார்.
இதுதொடர்பாக அவர் வெளியிட்டுள்ள அறிக்கையில், " தமிழகத்தில் கொரோனா வைரஸ் கட்டுக்குள் இல்லை. மாறாக கட்டுக்காமல் தான் உள்ளது. இதனை அரசு மறைக்க நினைப்பதே, மக்களுக்கு இழைக்கும் மாபெரும் துரோகமாகும் எந்த அறிவிப்பாக இருந்தாலும் , அரசு அதனை வெளிப்படையாக அறிவிக்க வேண்டும். நோய்த் தொற்று ஏற்பட்டவர்களை தனிமைப்படுத்த அரசு தயங்குகிறது. பரிசோதனைகளை அதிகரித்தால் நோய்த்தொற்றின் எண்ணிக்கையும் அதிகமாகிவிடும் என்பதால் அதனையும் அரசு தவிர்க்கிறது.
டாஸ்மாக் கடைகள் மூடப்பட்டால் திமுகவினரின் மதுபான ஆலைகளும் மூடப்படும்: டி.கே.எஸ். சாமர்த்திய பதில்!!
நோய்த்தொற்றின் எண்ணிக்கையை மறைப்பது முதல்வர் தம்மைத்தாமே ஏமாற்றி கொள்வதற்கு சமமாகும்.

வடக்கு புலிகளால் கோழைத்தனமாக கொல்லப்பட்ட லெப். கேணல் நீலாவினி ...மட்டக்களப்பு , அம்பாரை மவாட்ட தளபதி

Reginold Rg : இந்தநாளில் புலிகள் மேற்கொண்ட கொடூரங்களை வரலாறு என்ன நிபந்தனையுடன் இலகுவாக மன்னித்துவிட்டது என்ற கேள்வியுடன் சிலரது மனச்சாட்சியின் கதவுகளை தட்ட முயற்சிக்கின்றேன்....
இந்த பெண் போராளி யார் என்று தெரிகிறதா வீரம் விளைநிலம் ஈன்றெடுத்த மட்டு மண்ணின் புதல்வி நீலாவினி மட்டு அம்பாரை மவாட்ட தளபதி
தங்களது இளமைக் காலத்தில் உறவுகளை மறந்து, சராசரி மனிதன் அனுபவிக்கும் அத்தனை சுகபோகங்களையும் துறந்து தமிழ் மக்களின் எதிர்கால நலன் என்ற ஓர் இலக்கை நோக்கி பயணிப்பதற்காக போராடப் புறப்பட்டவள் கிழக்கு போராளிகளின் உரிமைகள் மறுக்கப்பட்ட போது கிளர்ந்தெழுந்தவள் யுத்தம் வேண்டாம் எங்களை நிம்மதியாக வாழ விடுங்கள் நாங்கள் ஜனநாயக பாதைக்கு செல்கிறோம் வழி விடுங்கள் என்று கேட்ட பெண் போராளிகளை பெண் என்று கூட பார்க்காமல் புலிகள் கொலை செய்த வரலாறும் இருக்கிறது பெண்மையை போற்றும் நீங்கள் எதற்காக இந்த அப்பாவி அவலைப் பெண்ணை கொலை செய்திர்கள் உங்களுக்கு மனசாட்சி இல்லையா நீங்கள் தமிழர்கள்தானே
புலி தலைவரே நீங்கள் நினைத்து இருந்தால் உங்களிடம் சரணடைந்த நான்கு பெண் போராளிகளையும் விடுதலை செய்து இருக்கலாம் தானே உங்கள் மேல் நாங்கள் வைத்திருந்த நம்பிக்கை வெறும் கனவாகி விட்டாதே அன்று நீங்கள் செய்தது பெரும் துரோகம் .

உன் தட்டில் என்ன இருக்கிறது?

Shalin Maria Lawrence : எனக்கு ஒரு வினோத பழக்கம் இருக்கிறது.
யாராவது தன்னைத்தானே தேசபக்தன் என்று சொல்லிக்கொண்டாலும் இல்லை தேச பக்தியைப் பற்றி ஓவராகப் பொங்கினாலோ அவர்களுக்கு ஒரு சின்ன பரீட்சையை வைப்பேன் . சிக்கலான பயிற்சியெல்லாம் கிடையாது, மிக சுலபமானது தான். இந்தியாவில் எத்தனை மாநிலங்கள் உள்ளன? அவை என்னென்ன? இதுதான் அந்தப் பரீட்சை.
இந்தக் கேள்வியை பலரிடம் நான் கேட்டிருக்கிறேன் ஆனால் ஒரு சதவீதத்துக்கும் குறைவானவர்களே அதற்கான சரியான பதிலை கொடுத்திருக்கிறார்கள்.
பலர் இன்னும் கூட இந்தியாவில் 26 மாநிலங்கள் இருப்பதாக நினைத்துக் கொண்டிருக்கிறார்கள், பலர் 20 என்பார்கள், சிலர் 37 என்பார்கள். எண்ணிக்கையைக் கூட விடுங்கள் மன்னித்து விடலாம். ஆனால் இந்திய மாநிலங்களின் வரிசையில் நேபாளை சொல்லுவார்கள், பூட்டானை சொல்லுவார்கள். வடகிழக்கு மாநிலங்களை பற்றி சுத்தமாக தெரியாது. அசாம் அருணாச்சலப்பிரதேசம் தவிர்த்து வேறு மாநிலங்கள் அவர்களுக்கு நினைவுக்கு வராது. சிக்கிம் இன்னொரு நாடு இல்லையா என்று நம்மையே திருப்பி கேட்பார்கள். மிகவும் விசித்திரமாக இருக்கும். இப்படி பதில் சொல்லும் யாவருமே அதிகம் படித்தவர்கள்தான்.

தாய் இறந்தது அறியாமல் எழுப்ப முயன்ற குழந்தை… புலம் பெயர் தொழிலாளர் வீடியோ

வீர்கேசரி :குஜராத்தில் இருந்து பீகார் மாநிலத்திற்கு வந்து சேர்ந்த பெண் இறந்துவிட்ட
நிலையில், அதை அறியாத அவரது குழந்தை அவரை எழுப்ப முயன்ற

சம்பவம்  அனைவரையும் வேதனைஊரடங்கால் வேலையிழந்து சொந்த மாநிலங்களுக்கு திரும்பும் புலம்பெயர் தொழிலாளர்கள் பல்வேறு இன்னல்களை சந்தித்து வருகின்றனர். போக்குவரத்து வசதி கிடைக்காத நிலையில், பலர் நடந்து செல்லும் அவலம் நீடிக்கிறது. இவ்வாறு செல்லும்போது உடலில் பல்வேறு உபாதைகள் ஏற்பட்டு உயிரிழக்கும் சம்பவமும் தொடர்ந்து அரங்கேறுகிறது.
இந்நிலையில் பீகாரில் உள்ள ஒரு ரெயில் நிலையத்தில் நடந்த சம்பவம், புலம்பெயர் தொழிலாளர்களின் சோகத்திற்கு முடிவே இல்லையா? என்ற கேள்வியை எழுப்பி உள்ளது.
குஜராத்தில் இருந்து சிறப்பு ரெயில் மூலம் பீகார் மாநிலம் முசாபர்பூர் ரெயில் நிலையத்திற்கு வந்த ஒரு பெண் இறந்துவிட்டார். சரியாக சாப்பிடாததால் ரெயிலில் ஏறும்போதே அவரது உடல்நிலை பாதிக்கப்பட்டுள்ளது.

ஈரான் சிறுமி ஆணவ கொலை..

hindutamil.in : ஈரானில் 14 வயது சிறுமி ஆணவக் கொலை செய்யப்பட்டது அந்நாட்டில் பெரும் விவாதத்தை ஏற்படுத்தி உள்ளது.
14 வயதான ரோமினா அஷ்ரப்பின் மரணம் தான் ஈரானில் தற்போது பெரும் கொந்தளிப்பை ஏற்படுத்தி உள்ளது. ரோமினா அஷ்ரப்பின் காதலை ஏற்க முடியாத அவர் தந்தை அவரை ஆணவ கொலை செய்ததாக ஈரான் ஊடகங்கள் செய்தி வெளியிட்டுள்ளன.
ஈரான் தலைநகர் தெஹ்ரானின் வடக்கு மேற்கு பகுதியில் இச்சம்பவம் நடந்தேறியுள்ளது. இந்த ஆணவ கொலைத் தொடர்பாக ரோமினா அஷ்ரப்பின் தந்தை ரேசா அஷ்ரப் கைது செய்யப்பட்டுள்ளார். ரேசா அஷ்ரப் குற்றவாளி என்று உறுதிச் செய்யப்பட்டால் ஈரானின் சட்டவிதிப்படி அவருக்கு 10 ஆண்டுகள்வரை சிறைத் தண்டனை விதிக்கப்படும்

குடும்பத்தின் 4 பேருக்காக 180 சீட் விமானத்தை வாடகைக்கு எடுத்த சாராய முதலை ..

வெப்துனியா : 180 இருக்கைகள் கொண்ட விமானத்தை தனது குடும்பத்தினர் 4 பேர் மட்டுமே பயணிக்க ரூ. 20 லட்சத்திற்கு வாடகைக்கு ஒரு தொழில் அதிபர் எடுத்துள்ளார்.
கொரோனா வைரஸ் ஊர்டங்கு காரணமாக கிட்டத்தட்ட இரண்டு மாத இடைவெளிக்குப் பிறகு, உள்நாட்டு வணிக விமான சேவைகள் திங்கட்கிழமை முதல் மீண்டும் தொடங்கப்பட்டன.
 மத்திய பிரதேசம் போபாலைச் சேர்ந்த மதுபான தொழிற்சாலை அதிபரின் குடும்பம் போபாலில் சிக்கி கொண்டது. கடந்த இரண்டு மாதங்களாக போபாலில் சிக்கிக்கொண்டிருந்த தனது மகள் மற்றும் அவரது இரண்டு குழந்தைகள் மற்றும் பணிப்பெண் ஆகிய 4 பேரை டெல்லிக்கு அனுப்பி வைக்க ஏ-320 விமானத்தை வாடகைக்கு எடுத்தார்.

நாடு முழுவதும் புலம்பெயர் தொழிலாளர்கள் 45 கோடி: தமிழகத்தில் மட்டும் ஒரு கோடிக்கு மேல்

தமிழகத்தில் நாங்கள் ஒரு வருடம் முன்பு கணக்கெடுத்தபோது 87 லட்சம் புலம்பெயர் தொழிலாளர்கள் இங்கு இருந்தது தெரியவந்தது. இன்றைய தேதிக்கு அந்த எண்ணிக்கை ஒரு கோடியைத் தொட்டிருக்கும். கோவை, திருப்பூர், ஈரோடு ஆகிய மாவட்டங்களில் அதிக அளவில் புலம்பெயர் தொழிலாளர்கள் வசிக்கிறார்கள். சென்னை, மதுரை, திருச்சியிலும் கணிசமான எண்ணிக்கையில் உள்ளனர். இவர்களில் பெரும்பாலானோர் பிஹார், குஜராத், உத்தரப் பிரதேசம், ஒடிசா, ஜார்க்கண்ட் மாநிலங்களைச் சேர்ந்தவர்கள்.

எம்.எஸ்.செல்வராஜ்

தமிழ் hindu : கரோனா பொதுமுடக்கக் காலத்தில், புலம்பெயர் தொழிலாளர்கள் சந்திக்கும் பிரச்சினைகள் எத்தனை கொடூரமானவை என்பதற்கு அன்றாடம் வெளியாகும் செய்திகளே ஆதாரம்.
பிற மாநிலங்களைச் சேர்ந்த புலம்பெயர் தொழிலாளர்கள் பற்றி ஓரளவு தோராயமான தகவல்களை வழங்குகின்றன

தொழிலாளர்கள் எவ்வளவு பேர் உள்ளனர் என்பது தொடர்பான புள்ளி விவரங்களை எந்த மாநில அரசாலும் முழுமையாகக் கொடுக்க முடியவில்லை. இந்நிலையில் கடந்த ஆண்டு வெளியான, ‘Migration and Women Casual Workers: A Study in Superexploitation’ எனும் புத்தகத்தில் குறிப்பிடப்பட்டிருக்கும் புள்ளிவிவரங்கள்,
தமிழகத்தைப் பொறுத்தவரை வெளிமாநிலத் தொழிலாளர்களின் எண்ணிக்கை, மொத்தமே ஒன்றரை லட்சம் அல்லது இரண்டு லட்சம்தான் என்று போலீஸார் சொல்கிறார்கள். ஆனால், நேற்று வரை ரயிலேற்றி அனுப்பப்பட்டவர்கள் மட்டும் 40 ஆயிரம் பேர். இன்னும் பலர் தங்கள் சொந்த ஊருக்குச் செல்ல ஏற்பாடு செய்யுமாறு அதிகாரிகளிடம் விண்ணப்பங்களை அளித்து வருகிறார்கள். கேரளம், ஆந்திரம், உத்தரப் பிரதேசம், மத்தியப் பிரதேசம், மகாராஷ்டிரா, டெல்லி என அனைத்து மாநிலங்களின் நிலையும் இதுதான்.

அமெரிக்காவில் ஒரு லட்சம் பேர் உயிரிழப்பு .. கொரோனா பாதிப்பு

தினமலர்  : அமெரிக்காவில் கொரோனாவால் ஒரு லட்சம் பேர் உயிரிழந்திருப்பது சோகமான சாதனை என்று அதிபர் டொனால்ட் டிரம்ப் தனது டுவிட்டர் பதிவில் வேதனையோடு தெரிவித்திருக்கிறார்.
உலக அளவில் கொரோனாவால் பாதிக்கப்பட்டோரின் எண்ணிக்கை 58,22,571 ஆக உள்ளது.
கொரோனாவால் உயிரிழந்தோரின் எண்ணிக்கை 3,58,126 ஆக உள்ளது. கொரோனாவால் பாதிக்கப்பட்டுச் சிகிச்சை பெற்றுக் குணமடைந்தவர்களின் எண்ணிக்கை 25,22,999 ஆக உள்ளது.
இந்நிலையில், அமெரிக்காவில் கொரோனா வைரசால் உயிரிழந்தோரின் எண்ணிக்கை ஒரு லட்சத்தைக் கடந்துள்ளது.
அதாவது அமெரிக்காவில் கொரோனாவுக்கு உயிரிழந்தவர்களின் எண்ணிக்கை 1,02,197 ஆக அதிகரித்துள்ளது. > கொரோனாவால் பாதிக்கப்பட்டோரின் எண்ணிக்கை 17,47,781 ஆக உள்ளது. குணமடைந்தவர்களின் எண்ணிக்கை 4,90,356 ஆக உள்ளது. தற்போது சிகிச்சையில் இருப்பவர்கள் எண்ணிக்கை 11,55,238 ஆக உள்ளது. இதனைத்தொடர்ந்து ஸ்பெயின், பிரேசில், ஜெர்மனி, இத்தாலி, ரஷ்யா, துருக்கி, ஈரான், சீனா ஆகிய நாடுகள் அடுத்தடுத்த இடங்களில் உள்ளன.

கொரோனா முகாமில் தலித் தொழிலாளர் சமைத்த உணவை மறுத்த பார்ப்பனர் .. ஜார்கண்ட்

Mirror now -ட. முத்துக்குமார்:
கொரானா வந்தாலும் சரி, கொத்து கொத்தாக செத்தாலும் சரி, இந்த தீண்டாமை மட்டும் ஒழியாது.
ஜார்க்கண்ட் மாநில ஹசாரிபாக் மாவட்டத்தில் ஒரு அரசு பள்ளியில் பல மாநிலங்களை சேர்ந்த 100-க்கும் மேற்பட்ட கொரோனா நோயாளிகள் சிகிச்சைக்காக தங்க வைக்கப்பட்டிருந்தனர்.
இதில 5 பிராமணர்களும் அடக்கம்

இங்கு தங்கியுள்ளோர்களுக்கு தினமும் உணவு வழங்கப்பட்டது.
ஆனால் இந்த 5 பிராமணர்கள் மட்டும் வாங்கி சாப்புட மறுத்துள்ளனர்.
"தாழ்த்தப்பட்டவர்கள் சமைத்த உணவை நாங்க சாப்புட மாட்டோம்" என்று தங்களுக்கு தரும் சாப்பாட்டை சாப்பிட மறுத்துள்ளனர்..
இவர்களைத் தொடர்ந்து மேலும் பலர் சாப்பிட மறுத்து வருகிறார்கள்.
இந்த சம்பவம் பெரிய பிரச்சனையா எழ, கிராம தலைவர் அரசு அதிகாரிகளிடம் சொல்லி, அந்த 5 பேருக்கும் மட்டும் , தனியாக சமைக்க ஏற்பாடு செய்யப்பட்டது.
பின்னர், அந்த 5 பிராமணர்கள் வேறு மையத்தில் தங்க வைக்கப்பட்டுள்ளனர்.
இந்த தகவலை ஹராசிபாக் மாவட்ட துணை ஆணையர் புவனேஷ் பிரதாப் சிங் தெரிவித்துள்ளார்

தற்சார்பு இந்தியா: புதிய விளக்கம்!

மின்னம்பலம் : பிரதமர் மோடி அண்மையில் அறிவித்த தற்சார்பு இந்தியா என்பதற்கான புதிய விளக்கத்தை மத்திய தொழில் வணிகத் துறை அமைச்சர் பியூஷ் கோயல் நேற்று (மே 27) கூறியிருக்கிறார்.
காணொளி மூலம் தொழில் வர்த்தக சங்கங்களைச் சேர்ந்தவர்களுடன் ஆய்வு நடத்தினார் கோயல். முடக்கநிலை அமல் செய்யப்பட்ட பிறகு இந்தச் சங்கங்களைச் சேர்ந்தவர்களுடன் அமைச்சர் இதுபோல ஆய்வு நடத்துவது ஐந்தாவது முறையாகும். முடக்கநிலை அமலால் ஏற்பட்டுள்ள பாதிப்பு, அதன் தொடர்ச்சியாக கட்டுப்பாடுகள் தளர்த்தப்பட்டது பற்றி மதிப்பீடு செய்யவும், பொருளாதாரத்தை மீண்டும் நிலைப்படுத்துவதற்கு அவர்களின் ஆலோசனைகளைக் கேட்கவும் இந்தக் கூட்டத்திற்கு ஏற்பாடு
செய்யப்பட்டிருந்தது.
இந்தக் கூட்டத்தில் தொழில், வர்த்தகத்துறை இணை அமைச்சர்கள் சோம் பர்காஷ், எச்.எஸ். பூரி, துறையின் அதிகாரிகள் உள்ளிட்டோர் கலந்து கொண்டனர். CII, FICCI, ASSOCHAM, NASSCOM உள்ளிட்ட தொழில் வர்த்தக சங்கத்தினர் இதில் பங்கேற்றனர்.

சிறுமிகளைக் காப்பாற்றிய யானை.. வீடியோ

மின்னம்பலம் : அருணாசலப் பிரதேசத்தின் லோகித் மாவட்டத்திலுள்ள தேசு நாளா ஆற்றில் மாட்டிக்கொண்ட இரண்டு சிறுமிகள், யானைகள் மூலம் மீட்கப்பட்டனர். சிறுமிகளில் ஒருவருக்கு 16 வயது, மற்றொருவருக்கு 14 வயது. “தொடர் மழையினால் ஆற்றில் நீரோட்டம் ஓட்டம் கடுமையாக உள்ளது. இந்த ஆற்றில் இரண்டு சிறுமிகள் மாட்டிக்கொண்டனர் என்ற தகவல் கிடைத்ததும் மாவட்ட நிர்வாகம் விரைவாகச் செயல்பட்டு இந்த நடவடிக்கையை எடுத்துள்ளது. தற்போது இரண்டு சிறுமிகளும் நிவாரண முகாம்களில் தங்க வைக்கப்பட்டுள்ளனர்” என்று நகரத்தின் துணை கமிஷனர் பிரின்ஸ் தவான் கூறியுள்ளார். தேசு நாளா ஆற்றின் அருகில் இருக்கும் மத்துவா முகாமில் பலர் இவ்வாறு மாட்டிக் கொண்டிருப்பதாகத் தகவல் கிடைத்ததும் அந்த இடத்தை காலி செய்து மக்களை வெளியேற்றுவதற்கு நிர்வாகம் நடவடிக்கை எடுத்துள்ளது என்றும் அவர் கூறியுள்ளார். - பவித்ரா குமரேசன்

இந்தியா-சீனா இடையே சமரசம் செய்ய அமெரிக்கா தயார்: டிரம்ப் அறிவிப்பு .. படைகள் குவிப்பால் எல்லையில் பதற்றம்

தினத்தந்தி : இந்திய-சீன எல்லையில் பதற்றம் ஏற்பட்டுள்ள நிலையில், இரு
நாடுகளுக்கும் இடையே சமரசம் செய்து வைக்க தயார் என்று அமெரிக்க ஜனாதிபதி டிரம்ப் அறிவித்து உள்ளார். வாஷிங்டன், இந்தியாவை ஒட்டிய எல்லை பகுதியில் சாலை அமைப்பது, ராணுவ கட்டமைப்புகளை பலப்படுத்துவது போன்ற பணிகளை சீனா ஏற்கனவே செய்து முடித்து உள்ளது. இதேபோல் இந்தியாவும் எல்லை கட்டுப்பாட்டு கோட்டை ஒட்டிய தனது பகுதிக்குள் சாலை அமைப்பது, பாலங்கள் கட்டுவது போன்ற பணிகளை செய்து வருகிறது. இதை சீனா விரும்பவில்லை. எல்லையில் இந்திய ராணுவத்தின் பலம் அதிகரிப்பதை தனக்கு ஆபத்து என்று அந்த நாடு கருதுகிறது. இதனால் லடாக் மற்றும் வடக்கு சிக்கிமில் எல்லைப்பகுதியில் சீன ராணுவ வீரர்கள், அவ்வப்போது நமது வீரர்களுடன் மோதலிலும், கைகலப்பிலும் ஈடுபடுகிறார்கள். கடந்த 5-ந் தேதி கிழக்கு லடாக்கில் இரு தரப்பு வீரர்களுக்கும் இடையே ஏற்பட்ட மோதலை தொடர்ந்து அங்கு பதற்றம் நிலவுகிறது.

சென்னை ராஜீவ் காந்தி மருத்துவமனை பெண் தலைமை செவிலியர் இறப்பு .. கொரோனா பாதிப்பு

தினத்தந்தி : கொரோனா பாதிப்பு; சென்னை ராஜீவ் காந்தி அரசு மருத்துவமனை பெண் தலைமை செவிலியர் உயிரிழப்பு! 
சென்னையில் பணி நீட்டிப்பு செய்யப்பட்ட ராஜீவ் காந்தி அரசு மருத்துவமனை பெண் தலைமை செவிலியர் கொரோனா பாதிப்புக்கு பலியாகி உள்ளார். சென்னை, சென்னை ராஜீவ் காந்தி அரசு மருத்துவமனையில் பணியாற்றிய பெண் தலைமை செவிலியர் கடந்த ஏப்ரல் மாதத்தில் பணி ஓய்வு பெற்றுள்ளார். இதன்பின்னர் பணி நீட்டிப்பு வழங்கப்பட்டு தொடர்ந்து மருத்துவமனையில் பணியாற்றியுள்ளார். இந்நிலையில், அவருக்கு கடந்த 2 நாட்களுக்கு முன் கொரோனா பாதிப்பு உறுதி செய்யப்பட்டது. இதனால் அவர் அதே மருத்துவமனையில் சிகிச்சைக்கு சேர்க்கப்பட்டார். எனினும், இதில் பலனின்றி அவர் உயிரிழந்து உள்ளார்

திருவாரூர் தேருக்கும் நீரில் மூழ்கிய சுவீடன் கப்பலுக்கும் வியத்தகு ஒற்றுமைகள் ..?

Devi Somasundaram : டிராவல் செய்றப்போ எதோ ஆல்பத்தை செலக்ட்
செய்றப்போது நினைத்தாலே இனிக்கும் பட பாடல் ப்ளே லிஸ்ட்ல வர ...அது மைண்ட்ல ஒட்டிகிச்சு ..
வீட்டுக்கு வந்தும் ...நினைத்தாலே இனிக்கும் An affair to remember..நினைத்தாலே இனிக்கும்னு ரிபிட் மோட்ல பாடிட்டே இருந்தேன் ...
பொதுவா ரிலேடட் வார்த்தைகள தொடர்ந்து தேடுவது எனக்கும் அப்பாவுக்கும் பழக்கம் ..அப்பா An affair to remember அப்டினு ஒரு படம் வந்துச்சு சின்னா..பழைய காதல பத்தின படம் ..கிட்ட தட்ட நம்ம ஆட்டோக்ராப் மாதிரின்னு சொல்ல ..
நான் கூகுள்ள An affair to remember நு தேட அது love affair அப்படின்னு ஒரு படம் காட்டுச்சு ..( 1939 ஒன்னு 94 ஒன்னு ..ரண்டு வந்துருக்கு ) .
ஒரு கப்பல் தளத்தில் சந்திக்கும் ஒரு ஏழை ப்ரன்ச் பெயிண்டருக்கும் ஒரு பாடகிக்கும் வரும் காதல்...அதில் இருவரும் ஏற்கனவே நிச்சயம் ஆனவர்கள் .. என்ன டைடானிக் வாசம் வருதேன்னு இருக்கா..அதே வாசம் எனக்கும்..
அப்டியே டைட்டானிக் போக sinking ship first on board ந்னு தேட ..அது பயண கப்பல் மட்டும் போர் கப்பலும் முழுகி இருக்குன்னு ஒரு கப்பல் படத்தை காட்டுச்சு ..
நம்ம திருவாரூர் தேர் மாதிரி துவார பாலகர், யாழி, நடன மாது, கலசம் ,அதுல பூ, தாங்கு தூண்கள், பூ போடும் சிம்ம வாகன பொம்மைகள்னு .
என்னங்கடா இது எங்கூர் தேர போர் கப்பல்னு கட்டி வச்சு இருக்காங்கன்ன்னு தேட..

இலங்கை தமிழர்களின் உணவு பழக்கமும்... ஒரு காரமான விமர்சனமும்

Raja M Raja : சமைக்கவே தெரியாத ஒரு இனமென்றால் அது இலங்கை தமிழினம்தான்..
காய்ந்த பிரட்டும் பருப்பு துவையலையும் பிரியாணி மாதிரி திம்பானுக.. சாம்பாரு வக்க தெரியாது ஒரு கொழம்பு காய்ச்ச தெரியாது துவையல அரைச்சு சம்பலு மரக்கறின்னு சோத்தோட குழைச்சு அடிப்பார்கள்...
 அட நிசமாவே வெரைட்டியும் இருக்காது வாய்க்கும் ருசியா இருக்காது.. சிங்கள சாப்பாட்ட காப்பியடிச்சு பெட்டிஸ் ரோல்சுன்னு நம்ம ஊரு சம்சா மாதிரி உருட்டி உள்ள கறிவைக்கிற ஐட்டத்தையெல்லாம் மெயின் டிஷ்சும்பாங்க..
கத்தரிக்கா கொத்சு வைக்கிறத கௌரவமா நினைப்பார்கள் இந்திய சாப்பாடுன்னா உயிர விடுவானுக.. பாண் பருப்பு நெத்திலி கருவாடு மாசி சம்பல் இதை தவிர வேற எதுவும் பெருசா சமைக்க தெரியாது.. ப்ளைன் டீன்னு வரடீய போட்டு குடம் குடமா குடிப்பார்கள்.

ராதா மனோகர் : சுமார் நூறு வருடங்களுக்கு முன்பு வரை   இலங்கை தமிழர்களுக்கு தமிழகத்தோடு மிக நெருங்கிய குடும்ப சமுக உறவுகள் இருந்தது . தமிழகத்தில் இருக்கும் பலவேறு மாவட்ட மக்களிடையே இருக்கும் உறவு போன்றது அது.
உணவு பழக்கங்களும் பெரும்பாலும் ஒன்றாகவே இருந்தது
இலங்கை தமிழர்களிடையே பாரம்பரிய  மதிய உணவாக இருந்தது அரிசி சோறு காய்கறி மீன் இறைச்சி கறி வைகைகள் போன்றவையாகும்.
காலை மாலை உணவுகளாக இருந்தவை தோசை, இடியப்பம் , புட்டு .  அப்பம்  இட்டலி போன்றவையாகும்.
எழுபதுகளின் ஆரம்பத்தில் கொத்து  ரோட்டி என்பது வருகை புரிந்தது. முதலில் அது இஸ்லாமிய உணவு நிலையங்களில் இருந்து பின்பு எல்லா மக்களிடையேயும் பரவி விட்டது .
அதற்கு முக்கிய காரணம் அப்போது இருந்த ஸ்ரீமாவோ அரசாங்கத்தில் நிலைவிய கடும் உணவு தானிய தட்டுப்பாடுதான்.

அமெரிக்க நிறவெறி .. மூச்சு விடமுடியாமல் உள்ளது ... வீதியில் கழுத்தின் மீது காலால் ..

பெரோஸ்காந்தி !.. குஜராத்தி முதலைகளை அன்றே தோலுரித்த இந்திரா காந்தியின் கணவர்

Raja M Raja : அதாவது சுதந்திரம் வாங்குனதும் நேருவோட மந்திரிசபை அமையுது...
அப்ப இன்னா பன்றானுகன்னா இந்த குஜராத்தி ராஜஸ்தானியெல்லாம் தங்களுக்காக அமைக்கப்பட்ட இந்த தேசத்தை பணத்தை பெருக்க யூஸ் பன்ன ஆரம்பிச்சானுக..
அதாவது மொதல் வேலையா ஷேர்மார்க்கெட்ல விளையாட ஆரம்பிச்சானுக..
அதுல மொத ஆளு யாருன்னா ராதாகிஷன்னு ஒரு ஜெயின் அவரு என்ன பன்னாருன்னா பென்னட் கோல்மன்னு ஒரு ஷேர் புரோக்கரிங்க் கம்பெனிய வச்சு மணி லாண்டரிங்க் விளையாட ஆரம்பிச்சாரு...

கரெக்டா அவனுக்கு ஆப்பு வச்சாரு ஒரு ஹானஸ்ட் எம்பி..
அவரது ஊழலையெல்லாம் புட்டு புட்டு வச்சு தம்பி இங்க வாலாட்டாத ஒட்ட நறுக்கிருவேன்னு அத்தாந்தண்டி பிஸ்னஸ் மேக்னட்டை தூக்கி உள்ள வச்சான் அந்த எம்பி..
அப்புடி என்ன அந்த குஜராத்தி ராதாகிஷன் அவ்வளவு பெரிய ஆளான்னு கேக்குறீங்களா..
அவர் முழு பேரு ராதாகிஷன் டால்மியா..
ஆமாங்க இன்னைக்கு இந்தியாவையே கையில் வைத்திருக்கும் டைம்ஸ் ஆப் இந்தியா க்ருப்போட ஓனரு டால்மியா சிமெண்ட் டால்மியாதான் அவரு..
இன்னிக்கும் இந்திய மக்கள் எந்த செய்தியை பார்க்க வேண்டும் என்பதை தீர்மானிக்கும் உலகிலேயே அதிகமான விற்பனையாகும் டைம்ஸ் ஆப் இன்டியாவின் ஓனரேதான்..

10000த்திற்கும் மேற்பட்ட மருத்துவ இடங்கள் உயர்சாதியினருக்கு .. சாதித்தலைவர்கள் உங்கள் கையில் அரிவாள் கொடுப்பார்கள்,

டான் அசோக் : அன்புள்ள ஆண்டபரம்பரை அடிமைகளே...
உங்களுக்கு, அதாவது பிற்படுத்தப்பட்ட மாணவர்களுக்குச் செல்ல வேண்டிய 10000த்திற்கும் மேற்பட்ட மருத்துவ உயர்படிப்பு இடங்கள் உயர்சாதியினருக்கு கடந்த சில வருடங்களில் சென்றிருக்கிறது. இதில் வேடிக்கை என்னவென்றால் பிற்படுத்தப் பட்டவர்களுக்குதான் இட ஒதுக்கீடு இல்லையே தவிர, ஆண்டுக்கு 8 லட்சம் வரை சம்பாதிக்கும் சோத்துக்கே வழியில்லாத ‘ஏழை உயர்சாதியினருக்கு’ பொருளாதார ரீதியில் 10% இட ஒதுக்கீடு உண்டு!! அதாவது ஒரு இட்லி உள்ளவனுக்குத்தான் எக்ஸ்ட்ரா இட்லி கிடையாது. மூன்று ஊத்தப்பம் வைத்திருப்பவனுக்கு இன்னொரு ஆனியன் ஊத்தப்பம் இலவசம்!!!

இது அநியாயம்தானே? ஒரு ஜனநாயக நாட்டில் ஒரு அநீதியைக் கண்டால் என்ன செய்யலாம்? வழக்கு போடலாம். ஆனால் வழக்கு போட்டவர்களுக்கு 50 ஆயிரம் அபராதம் விதித்துள்ளது நீதிமன்றம்! இந்தியாவில் 70%க்கும் மேல் பிற்படுத்தப்பட்டவர்கள்தான். அதனால் என்ன? எல்லாரையும் பழையபடி வேலையாட்களாக, எடுபிடிகளாக, அடியாட்களாக ஆக்க வேண்டும் என்கிற ஒரே நோக்கத்தில் வேலை செய்கிறது பார்ப்பன சாதிக்கட்சியான பாஜக.

கொரானா காலமும் 40 சாதிய வன்கொடுமைகளும்

Vincent Raj : கொரானா காலமும் 40 சாதிய வன்கொடுமைகளும்
இந்த கொரானா காலத்திலும் சாதிய கொலைகள், ஆணவ கொலைகள், காவல் சித்திரவதைகள், பாலியல் வன்முறைகள், குடியிருப்புகள் தாக்கப்படுதல், சாதி ரீதியாக இழிவுபடுத்தி அவமான படுத்தப்படுதல் போன்ற வன்முறைகள் தலித்துகள் மீது அதிகரித்து உள்ளன. அது மட்டும் அல்ல நாற்காலியில் உட்கார அனுமதி மறுக்கின்றனர். சாதி ரீதியாக இழிவாக பேசுகின்றனர். பணி செய்ய விடாமல் சித்திரவதை செய்கின்றனர் என்று மூன்று பஞ்சாயத்து தலைவர்கள் புகார் தெரிவித்து இருக்கின்றனர். கடந்த நான்கு நாட்களில் 4 தலித்துகள் கொல்ல பட்டு உள்ளனர். இந்தியாவில் வேறு எந்த மாநிலத்திலும் இல்லாத அளவிற்கு தமிழகத்தில் தலித்துகள் மீது சாதிய கொடுமைகள் அதிகரித்து வருகின்றன.
தமிழக முதல்வர் இக்கொடுமைகளுக்கு எதிராக உரிய அளவிற்கு நடவடிக்கை எடுக்க வில்லை. குழந்தைகள் மீதும் பெண்கள் மீதும் வன்முறை தடுப்புக்கு என்று உதவி எண்களை அரசு வெளியிட்டு இருக்கிறது. அவற்றின் மூலம் உரிய தீர்வு கிடைப்பது இல்லை என்று குற்றசாட்டு இருந்தாலும் குறைந்த பட்சம் உடனடி புகார் தெரிவிக்க மய்யமாவது இருக்கிறது. ஆனால் தலித்துகள் மீது நடக்கும் கொடுமைக்கு இது போன்ற அவசர கால புகார் எண்கள் இல்லாமல் இருப்பது ஏமாற்றமே. ஆகவே உடனடியாக சாதி வன்கொடுமைக்கு எதிராக புகார் தெரிவிக்க மாநில அளவில் உதவி எண்களை தெரியப்படுத்தும் திட்டம் உடனடியாக கொண்டு வர வேண்டும். வன்கொடுமையில் ஈடுபட்ட குற்றவாளிகள் முன் ஜாமீன் எடுக்க வேண்டும் என்றால் புகார் தாரருக்கு தகவல் தெரிவிக்க வேண்டும் என்று விதி இருக்கிறது. இந்த கொரானா காலத்தில் பாதிக்கப்பட்டவர்களுக்கு தகவல் தெரிவிக்க அவசியம் இல்லை என்று நீதி மன்றம் சமீபத்தில் உத்தரவு இட்டு உள்ளது. இதை பயன்படுத்தி குற்றவாளிகள் எளிதாக ஜாமீன் பெற்று விடுகின்றனர்.

வெட்டுக்கிளி படையெடுப்பு!- வடமேற்கு மாநிலங்கள் .. தமிழகத்தையும் முன் தாக்கியது?

hindutamil.in : ஆப்பிரிக்க, அரேபிய நாடுகளைத் தாக்கிய வெட்டுக்கிளிகளின் படையெடுப்பு இந்தாண்டு இந்திய மாநிலங்கள் சிலவற்றிலும் கடும் சேதத்தை ஏற்படுத்தியிருக்கிறது.
 வடமேற்கு மாநிலங்களைத் தாக்கிய இந்த வெட்டுக்கிளிகள் தமிழகத்தைத் தாக்காது என்று தமிழக வேளாண் துறை சொல்லியிருக்கிறது. ஆனால், நம்மோடு வாழ்ந்து கொண்டிருக்கிற 98 வயதாகும் தமிழின் மூத்த படைப்பாளியான கி.ராஜநாராயணன், தென்மாவட்டத்தைத் தாக்கிய வெட்டுக்கிளி படையெடுப்பு குறித்து தனது முன்னோர்கள் சொன்னதை அப்படியே படம் பிடித்திருக்கிறார்.
1976-ல் வெளியாகி, பல பதிப்புகள் கொண்ட 'கோபல்ல கிராமம்' என்ற நாவலில் இதுபற்றி கி.ராஜநாராயணன் எழுதியிருப்பதாவது
’’ஸ்ரீனி நாயக்கரும் எங்க்கச்சியும் ஓடிவந்து முற்றத்தில் பார்த்தபோது திடுக்கிட்டுப் போனார்கள். அவர்கள் பிரியமாக வைத்து வளர்த்த கறிவேப்பிலைச் செடி மீது இலை தெரியாமல் விட்டில்கள் (வெட்டுக்கிளிகள்) மொய்த்துக் கொண்டிருந்தன.
அவை விட்டில்கள் என்று சொல்வதா அல்லது அதுக்கு வேறு ஏதாவது பெயர் உண்டா என்பது அவர்களுக்குத் தெரியாது. பார்த்துக்கொண்டிருக்கும் போதே அந்த வளர்ப்புச் செடியில் ஒரு இலைகூட இல்லை!

2 வயது குழந்தைக்கு பாலியல் தொல்லை... அதிமுக பொருளாளர் கணேசன் கைது!

அதிமுக பொருளாளர் போக்சோவில் கைது* தேனி மாவட்டம் கோம்பை
பேரூர் அதிமுக பொருளாளர் கணேசன் 61 போக்சோ சட்டத்தின் கீழ் கைது.
நக்கீரன் : 2 வயது குழந்தைக்கு பாலியல் தொல்லை கொடுத்த அதிமுக பிரமுகர் கைது செய்யப்பட்டுள்ளார். தேனி மாவட்டம், தேவாரம் அருகே 2 வயது பெண் குழந்தைக்கு பாலியல் தொல்லை அளித்ததாக அதிமுக பிரமுகர் கைது செய்யப்பட்டுள்ளார். குழந்தைக்கு பாலியல் தொல்லை கொடுத்த அதிமுக பொருளாளர் கணேசன் (61 வயதுடைய) போக்ஸோ சட்டத்தின் கீழ் கைது செய்யப்பட்டுள்ளதாக தகவல்கள் வந்துள்ளது

தீபக்கும் தீபாவும் ஜெயலலிதாவின் வாரிசுகள்.. போயஸ் கார்டன் வீடு அவர்களுக்குத்தான் ... தீர்ப்பு விபரம்

BBC : மறைந்த முதலமைச்சர் ஜெயலலிதாவின் இல்லத்தை தமிழக முதலமைச்சரின் அதிகாரப்பூர்வ இல்லமாக ஏன் மாற்றக்கூடாது என சென்னை உயர் நீதிமன்றம் கேள்வியெழுப்பியுள்ளது. ஜெயலலிதாவின் அண்ணன் குழந்தைகளை அவரது அதிகாரப்பூர்வ வாரிசுகளாகவும் நீதிமன்றம் அங்கீரித்துள்ளது. ஜெயலலிதாவின் அதிகாரப்பூர்வ வாரிசுகளாக தங்களை அறிவிக்க வேண்டுமெனக் கோரி, அவரது அண்ணன் ஜெயகுமார் மகன் தீபக் சென்னை உயர் நீதிமன்றத்தில் வழக்கு ஒன்றைத் தொடர்ந்திருந்தனர். அதில் தனது சகோதரி தீபாவையும் இணைத்திருந்தார்.
அந்த வழக்கை நீதிபதிகள் கிருபாகரன், அப்துல் குத்தூஸ் அடங்கிய அமர்வு விசாரித்துவந்தது. இந்த வழக்கில் இன்று தீர்ப்பு வழங்கப்பட்டது.
வழக்கின் பின்னணி: ஜெயலலிதாவின் பெற்றோர் சந்தியா - ஜெயராமன் தம்பதிக்கு ஜெயலலிதா, ஜெயகுமார் என இரண்டு குழந்தைகள். ஜெயராமன் முன்பே இறந்துவிட, சந்தியா 1971ஆம் ஆண்டு நவம்பர் மாதம் 2ஆம் தேதி மரணமடைந்தார்.
ஜெயலலிதாவின் சகோதரர் ஜெயக்குமார், விஜயலட்சுமி என்பவரை திருமணம் செய்தார். இவர்களுக்கு தீபக், தீபா என இருவர் பிறந்தனர். இதில் ஜெயக்குமார் 1995ஆம் ஆண்டு அக்டோபர் 13ஆம் தேதி மரணமடைந்தார். விஜயலட்சுமி 2013ஆம் ஆண்டு ஜனவரி 24ஆம் தேதி மரணமடைந்தார்.
>ஜெயலலிதா திருமணம் செய்யாமல் மறைந்துவிட்ட நிலையில், தீபக்கும் தீபாவும் இந்து வாரிசுரிமை சட்டத்தின்படி தங்களை அவரது இரண்டாம் நிலை வாரிசுகளாக அறிவிக்கும்படி கோரினர். ஜெயலலிதாவுக்குத் தங்களைத் தவிர ரத்த ரீதியான உறவு யாருமில்லை என்பதையும் அவர்கள் சுட்டிக்காட்டியிருந்தனர். மேலும், ஜெயலலிதா எழுதியதாக உயில் ஏதும் இதுவரை கிடைக்கவில்லை.

சிங்கம்பட்டி ஜமீனைச் சிதைத்த வழக்கு - வரலாற்று ரகசியம்!

மின்னம்பலம் : - கோமல் அன்பரசன்
மன்னராட்சி முடிந்து எத்தனை ஆண்டுகளானாலும் ராஜாக்களைப் பற்றிய செய்திகள் என்றாலே நமக்குத் தனி ஈர்ப்பு இருக்கத்தான் செய்கிறது. அதனால்தான் சமீபத்தில் மறைந்த சிங்கம்பட்டி ஜமீன்தார் குறித்த செய்திகள் ஆர்வமுடன் பேசப்படுகின்றன. ஆனால், அந்த சிங்கம்பட்டி ஜமீனைப் பற்றி சரியாக 100 ஆண்டுகளுக்கு முன்பு தமிழகம் மாய்ந்து மாய்ந்து பேசிய வரலாற்றுச் சம்பவம் குறித்து பலருக்கும் தெரிந்திருக்க வாய்ப்பில்லை. காலத்தின் காலடியில் மறைந்து கிடைக்கும் அந்த ரகசியத்தைத் தோண்டி எடுத்துப் பார்க்கலாம்.
இரண்டு பக்கங்களும் மரங்கள் அடர்ந்த சென்னை மவுன்ட் ரோட்டின் மையப்பகுதியான தேனாம்பேட்டை. மழைக்கால இரவு நேரம். மணி எட்டரையைத் தாண்டி இருந்தது. அந்த உயர் ரக உறைவிட பள்ளிக்கூடத்தின் முதல்வரான டே லா ஹே (De la Haye), தன் மனைவியுடன் வெளியில் சென்றுவிட்டு ,மீண்டும் பள்ளிக்குத் திரும்பினார். அங்கே படிக்கும் சென்னை மாகாணத்தின் குறுநில மன்னர்கள், ஜமீன் குடும்பங்களைச் சேர்ந்த பிள்ளைகள் எல்லாம் பெரிய கூடத்தில் ஒன்று கூடி இருந்தனர்.

சத்தமின்றி 30 பசுமை காடுகள் தனியாருக்கு தாரைவார்ப்பு.. கொரோனா பொது முடக்கத்தின்போது

தினகரன் : புதுடெல்லி: கொரோனா நோய் பரவலை தடுப்பதற்காக கடந்த 2 மாதங்களாக பொது முடக்கம் அமலில் இருந்த நிலையில் மத்திய சுற்றுச்சூழல் வன மற்றும் பருவநிலை மாற்ற அமைச்சகம், உயிரியல் முக்கியத்துவம்வாய்ந்த 30 காடுகளை தனியார் திட்டங்களுக்காக தாரை வார்த்துள்ளது. கொரோனா
வைரஸ் பரவுவதை தடுப்பதற்காக கடந்த மார்ச் 24ம் தேதி தொடங்கி தேசிய அளவில் பொது முடக்கம் அமலில் இருந்து வருகின்றது. இதன் காரணமாக அரசு பணிகள் பெரிதும் முடங்கியுள்ளது. ஆனால் இந்த ஊரடங்கு காலத்திலும் மத்திய சுற்றுச்சூழல் வன மற்றும் பருவநிலை மாற்ற அமைச்சகமானது உயிரியல் முக்கியத்துவம் வாய்ந்த காடுகளை தனியார் திட்டங்களுக்காக அளிப்பது தொடர்பான 30 திட்டங்கள் குறித்து ஆலோசித்து அனுமதி அளித்துள்ளது. சுரங்கம் மற்றும் நெருஞ்சாலை துறை குறித்த திட்டங்களும் இதில் அடங்கும்.

வெளிமாநில தொழிலாளர்கள் நடந்து செல்லும் அவலம்: உச்ச நீதிமன்றம் வருத்தம் ( வலிக்கும் மெதுவா )

தினத்தந்தி : வெளிமாநில தொழிலாளர்கள் தங்கள் சொந்த ஊர்களுக்கு நடந்து செல்லும் அவலம் குறித்து வருத்தம் தெரிவித்த சுப்ரீம் கோர்ட்டு நீதிபதிகள், இதுகுறித்து மத்திய, மாநில அரசுகள் நாளைக்குள் அறிக்கை தாக்கல் செய்ய உத்தரவிட்டு உள்ளனர். புதுடெல்லி, கொரோனா பரவலை கட்டுப்படுத்துவதற்காக கடந்த மார்ச் மாதம் 25-ந் தேதி முதல் ஊரடங்கு அமல்படுத்தப்பட்டதால், வெளிமாநில தொழிலாளர்கள் பெரிதும் பாதிக்கப்பட்டனர். வேலை இல்லாததாலும், பஸ், ரெயில் போக்குவரத்து திடீரென்று நிறுத்தப்பட்டதாலும், அவர்கள் தங்கள் சொந்த மாநிலத்துக்கு திரும்ப முடியாமல் தவித்தனர். இதனால் புலம் பெயர்ந்த தொழிலாளர்களை அவர்களுடைய சொந்த மாநிலங்களுக்கு அனுப்பி வைப்பதற்காக கடந்த 1-ந் தேதி முதல் ரெயில்வே அமைச்சகம் பல்வேறு மாநிலங்களில் இருந்தும் ‘ஷர்மிக்’ சிறப்பு ரெயில்களை இயக்குகிறது.

இந்தியா, சீனா படைகள் குவிப்பு- லடாக் எல்லையில் பதற்றம் அதிகரிப்பு

மாலைமலர் : லடாக் எல்லைப் பகுதிகளில் சீனாவுக்கு பதிலடியாக இந்தியாவும் படைகளைக் குவித்து வருவதால் பதற்றம் அதிகரித்து உள்ளது. புதுடெல்லி: இந்தியா- சீனா இடையே எல்லைப் பிரச்சினை நீடித்து வருகிறது. எல்லையை ஒட்டியுள்ள பகுதிகளில் இரு நாடுகளின் ராணுவமும் உள்கட்டமைப்புகளை மேற்கொள்ளும்போது அவ்வப்போது பதற்றம் உருவாகிறது. கடந்த 5ம் தேதி லடாக்கில் உள்ள
பாங்காங் ஏரி பகுதியில் இந்திய, சீன ராணுவ வீரர்களிடையே மோதல் ஏற்பட்டது. கைகலப்பில் ஈடுபட்டதுடன், கம்புகள் மற்றும் கற்களாலும் தாக்கினர். இதில் பலர் காயமடைந்தனர்பின்னர் அதிகாரிகள் பேச்சுவார்த்தை நடத்தியதையடுத்து மோதல் முடிவுக்கு வந்தது.