இதயத்தை காக்க சிறிய வெங்காயத்தை அதுவும் பச்சையாக.....

இது உங்களுக்காக மட்டுமல்ல. உங்களை நம்பியுள்ள உங்கள் குடும்பத்தாருக்காக, உங்கள் மனைவிக்காக அல்லது கணவனுக்காக; உங்கள் பிள்ளைகளுக்காக. இக்காலத்தில் 30 வயதிலே மாரரடைப்பால் இறப்பது நிகழும்போது இதில் எச்சரிக்கை கட்டாயம் வேண்டும்.

காலையில் ஒரு துண்டு இஞ்சி. தோல் நீக்கி, தண்ணீருடன் வாயில் போட்டு மென்று விழுங்குங்கள். இது உங்கள் இடுப்பில் விழும் மடிப்புச் சதையைப் போக்கும். பித்தம், மயக்கம் வராமல் காக்கும். உடலினுள்ள கொலஸ்ட்டரால் அளவைக் கட்டுக்குள் வைக்கும்.

பிற்பகல் உணவுக்குப்பின் இரண்டு பச்சைப் பூண்டுப் பல்லை தண்ணீருடன் சேர்த்து மென்று விழுங்குங்கள்.

மோடியின் குஜராத்தில் ஏன் விவசாயிகள் தற்கொலை தொடர்கிறது? ஹர்திக் பட்டேல்!

காந்திநகர், படேல் சமூகத்தினரை ஓபிசி பிரிவில் சேர்க்கக் கோரி அச்சமூகத் தலைவர் ஹர்திக் படேல் தொடர்ந்து ஆர்ப்பாட்டங்களை நடத்தி வருகிறார். இந்நிலையில், இன்று காந்தி நகரில் நடந்த செய்தியாளர் சந்திப்பில் அவரது அடுத்த கட்ட போராட்டம் குறித்த அறிவிப்புகளை வெளியிட்டார். அப்போது குஜராத் மாடல் குறித்து செய்தியாளர்களுக்கு அவர் அளித்த பரபரப்பு பேட்டி பின்வருமாறு:-
குஜராத் விவசாயிகள் மகிழ்ச்சியுடன் இருப்பதாக மத்திய அரசு பெருமை பேசி வருகிறது. அப்படி என்றால் சென்ற வாரத்தில் மட்டும் ஏன் 2 விவசாயிகள் தற்கொலை செய்து கொண்டார்கள்? அப்பாவி பெண் கொடூரமாக தாக்கப்பட்டு போலீஸ் நிலையத்திற்கு கொண்டு செல்லப்பட்டு ஏன்  ஜெயிலில் அடைக்கப்பட்டார்? வேலைக்கு ஆட்கள் தேர்வு செய்வதில் முறைகேடு செய்தவர்கள் ஏன் இன்னும் தண்டிக்கப்படவில்லை?

900 கோடி ரூபாய் விஜய மல்லையா சுருட்டியது.....வங்கிகள் தாராளம்...சிபிஐ சோதனை.....

வங்கியில் 900 கோடி ரூபாய் பெற்ற கடனை திருப்பிச் செலுத்தாதது தொடர்பான வழக்கில் தொழிலதிபர் விஜய் மல்லையாவின் வீட்டில் சி.பி.ஐ. அதிகாரிகள் இன்று சோதனை நடத்தினர். மதுபானத் தொழிலில் கொடி கட்டி பறந்த விஜய்மல்லையாவின் கிங்பிஷர் விமான நிறுவனம் கடன் சுமை காரணமாக விமான சேவையை கடந்த 2012ம் ஆண்டு நிறுத்தியது. பல்வேறு பொதுத்துறை வங்கிகளில் பெற்ற கடன்களும் பைசல் செய்யப்படவில்லை. அந்த வகையில் கிங்பிஷர் நிறுவனத்திற்கு 900 கோடி ரூபாய் கடன் கொடுத்திருந்த ஐ.டி.பி.ஐ வங்கி, கடன் திரும்ப செலுத்தப்படாததால், பெரும் நஷ்டமடைந்ததாக தெரிவிக்கப்பட்டது.

டில்லி முதல்வர் கேஜ்ரிவால் அமைச்சரை நீக்கி விட்டு சிபியை விசாரணைக்கும் உத்தரவு...

புதுடில்லி: கட்டுமான நிறுவன அதிபரிடம் லஞ்சம் கேட்ட அமைச்சரை, பதவியிலிருந்து, 'டிஸ்மிஸ்' செய்துள்ள, டில்லி முதல்வர் அரவிந்த் கெஜ்ரிவால், அந்த ஊழல் விவகாரம் குறித்து, சி.பி.ஐ., விசாரணைக்கும் உத்தரவிட்டுள்ளார். டில்லி முதல்வர் அரவிந்த் கெஜ்ரிவால் தலைமையிலான அமைச்சரவையில், சுற்றுச்சூழல், உணவு மற்றும் பொது வினியோகத் துறை அமைச்சராக இருப்பவர், அசிம் அஹமது கான்; மதியா மஹால் என்ற தொகுதியின், ஆம் ஆத்மி கட்சி, எம்.எல்.ஏ.,வாக தேர்ந்தெடுக்கப்பட்டவர். அவர் மீது, கடந்த ஒரு வாரமாகவே, ஊழல் புகார் கூறப்பட்டு வந்தது. முடக்கப்பட்டுள்ள பிரம்மாண்ட கட்டுமானம் ஒன்றின் உரிமையாளரிடம், 'கட்டுமானத்தை தொடர வேண்டுமானால், பணம் தர வேண்டும்' என, அமைச்சர் வௌிப்படையாக மிரட்டும், 'ஆடியோ' கேசட்டை, ஆங்கில, 'டிவி' சேனல்கள் ஒலிபரப்பி வந்தன.ஆனால், சம்பந்தப்பட்ட அமைச்சர், 'எனக்கும், அந்த பேச்சுக்கும் சம்பந்தமில்லை; வேறு யாருடைய குரலோ அது' என, கூறி வந்தார்.நேற்று காலை, பத்திரிகையாளர்கள் கூட்டத்தை, திடீரென கூட்டிய முதல்வர்கெஜ்ரிவால், பதவியிலிருந்து அந்த அமைச்சரை நீக்குவதாக அதிரடியாக அறிவித்தார்.இவரது அரசு ஷீலா திஷிட் அவர்களை எதிர்த்து ஏன் ஊழல் வழக்கு பதியவில்லை என்பது விநோதமாக உள்ளது 

மக்களுக்கும் அரசியல்வாதிகளுக்கும் இடைவெளி பெரிதாக...ஸ்டாலின் நமக்கு நாமே! நல்லதுதான்!

நிசப்தம்: தொண்ணூறுகளுக்குப் பிறகான தமிழக அரசியலை சாக்கடை என்று தாராளமாகச் சொல்லலாம். பணம் சம்பாதிப்பதற்கும் அதிகாரத்தை செலுத்துவதற்கும் மிரட்டுவதற்கும் கட்டப்பஞ்சாயத்து செய்வதற்குமான தேவையான பலத்தைப் பெற்றுக் கொள்வதற்கான களமாக மட்டும் மாறியிருக்கிறது. கரை வேட்டியணிந்தவுடன் கத்தியை முதுகில் செருகிக் கொண்டு திரியும் தோரணை வந்துவிடுகிறது. யாரைப் பற்றியும் கவலைப்பட வேண்டியதில்லை. எதைப் பற்றியும் யோசிக்க வேண்டியதில்லை. எப்படியாவது ஒரு பதவியைப் பிடித்துவிட்டால் ஏதாவதொரு வழியில் நறுக்கென்று பணம் சம்பாதித்துவிடலாம். காலத்துக்கும் தோளைத் தூக்கிக் கொண்டு நடக்கலாம். இதுதான் பதினெட்டு வயதில் கரைகட்டிய வெள்ளை வேட்டியை அணியத் தொடங்கும் ஒவ்வொருவரின் எதிர்பார்ப்பாக இருக்கிறது. இல்லையென்று மறுக்க முடியுமா?

ராதிகா பொங்கி எழுந்ததன் பின்னணி: திரைமறைவில் நடந்த சம்பவங்கள் அம்பலம்

தென்னிந்திய நடிகர் சங்க தேர்தல் தொடர்பாக, நேற்று முன்தினம், அடுத்தடுத்து பல திருப்பங்கள் நிகழ்ந்தன. குறிப்பாக, சரத்குமார் அணிக்கு ஆதரவாக, நடிகை எடுத்த முயற்சிகள் தோல்வியில் முடிந்தன என தகவல்கள் வெளியாகி உள்ளன. இதுகுறித்து, நடிகர் சங்க வட்டாரத்தில் விசாரித்ததில், கிடைத்த தகவல்கள்:
* 'தேர்தலில் போட்டி வேண்டாம்; இரு தரப்பினரும் சுமுகமாக பேசி தீர்வு காணலாம்' என, விஷால் அணியில் உள்ள முக்கிய நடிகர்கள் மற்றும் மூத்த நடிகர்களிடம் ராதிகா பேசினார்; ஆனால், யாரும் அதற்கு சம்மதிக்கவில்லை.
* அதனால், நிருபர்கள் சந்திப்பு மூலம், தன் கருத்தை விஷால் அணிக்கு தெரிவிக்க, ராதிகா முடிவு செய்தார். இதுகுறித்து, தயாரிப்பாளர் சங்க தலைவர் தாணுவுக்கு தகவல் தெரிவித்தார். அதற்கு முன் சினிமா சங்கங்களின் கூட்டு குழு கூட்டம் நடக்க வேண்டும் என்றும் விருப்பம் தெரிவித்தார      நடிகர் சங்க கட்டிட கோவில் கும்பாபிஷேக செலவு 4.5 லட்சம் பின்பு அதே கோ்விலை இடிக்க, 2.5 லட்சம் செலவு

சவுதியில் தமிழ் பெண் கைவெட்டப்பட்ட விவகாரம்: கனிமொழி கோரிக்கை

சவுதியில் தமிழ் பெண் ஒருவரது கையை வெட்டி முதலாளி மீது கடும் நடவடிக்கை எடுக்க வேண்டும் என திமுக எம்.பி. கனிமொழி விடுத்த கோரிக்கையை ஏற்று மத்திய அமைச்சர் சுஷ்மா சுவராஜ் அதிரடி நடவடிக்கைக்கு உத்தரவிட்டுள்ளார்
வேலூர் மாவட்டம், காட்பாடி அருகே மூங்கிலேறி கிராமத்தைச் சேர்ந்தவர் கஸ்தூரி(56). இவர், அங்குள்ள ஒரு வீட்டில் பணிப்பெண் வேலைக்கு, கடந்த 2 மாதங்களுக்கு முன்பு சவூதி சென்று பணியாற்றி வருகிறார். இந்த நிலையில், வெளிநாட்டு பணியாளர்களின் பாதுகாப்பு மற்றும் நலன் கருதி சவூதி அரேபிய அதிகாரிகள், அந்நாட்டில் உள்ள அனைத்து வீடுகளிலும் சென்று திடீர் ஆய்வு நடத்தினர். அப்போது, தான் வேலை செய்யும் வீட்டில், அந்த வீட்டு முதலாளி மிகவும் தன்னைக் கொடுமைப்படுத்துவதாக கஸ்தூரி கூறி கதறியுள்ளார். இனால், அந்த வீட்டு முதலாளி கஸ்தூரியின் வலது கையைக் மிகக் கொடூரமாக வெட்டியுள்ளார்.

மாதம் ரூ.5000 பென்சன்! நாசர் அணி அளித்த வாக்குறுதி !

ஒரு ஓட்டு அவங்களுக்கு போனால் கூட அது பாலில் விஷம் கலந்த மாதிரி: நடிகர் கார்த்தி !  தென்னிந்திய நடிகர் சங்கத்திற்கான தேர்தல் வரும் 18ஆம் தேதி சென்னையில் நடைபெறுகிறது. இதற்காக வாக்குகள் சேகரிக்க பாண்டவர் அணியினர் தமிழகம் முழுவதும் பயணம் மேற்கொண்டுள்ளனர். திருச்சியில் இன்று நாடக நடிகர்களை சந்தித்து அவர்கள் வாக்கு சேகரித்தனர். அப்போது மூத்த நாடக நடிகர் ஜெகன் என்பவர், தான் பழம்பெரும் நடிகர் மனோகர் குரூப்பில் இருந்ததாகவும், 40 வருடமாக சென்னையில் இருந்து பின்னர் வாய்ப்புகள் இல்லாத காரணத்தினால் திருச்சியில் இருப்பதாகவும், தற்போது நடிக்க முடியாத நிலையையும், உடல் நலக்குறைவையும் எடுத்து விளக்கினார். அப்போது பேசிய நடிகர் விஷால், இங்கு இருக்கும் எங்கள் குடும்பம் சார்பாக பேசுகிறேன். கண்டிப்பாக நாங்கள் வெற்றி பெறுவோம். மாதா மாதம் திரையுலக குடும்பம் சார்பாக 5 ஆயிரம் ரூபாய் வழங்குவோம்

கல்புர்கி படுகொலையில் மவுனம் : சாஹித்ய அகாதமியில் இருந்து சஷிதேஷ்பாண்டே ராஜினாமா!

பகுத்தறிவாளரும், சிறந்த கன்னட எழுத்தாளருமான
எம்.எம்.கலபுர்கி கடந்த ஆக.30-ஆம் தேதி தார்வாடில் உள்ள அவரதுவீட்டில் மர்ம நபர்களால் படுகொலை செய்யப்பட்டார். இந்த சம்பவம் குறித்து மௌனம் காத்துவருவதற்கு எதிர்ப்பு தெரிவித்து சாஹித்ய அகாதெமி பொதுக்குழு உறுப்பினர் பதவியை 77 வயதான பிரபல எழுத்தாளர் சஷிதேஷ்பாண்டே இன்று ராஜிநாமா செய்துள்ளார். தனது ராஜிநாமா கடிதத்தை சாஹித்ய அகாதெமி தலைவர் விஷ்வநாத்திவாரிக்கு அனுப்பிவைத்துள்ளார். nakkheeran.in

கிரிஜா, திவ்வியா ! தமிழ் தொலைகாட்சி வரலாற்றிலேயே மிகவும் தைரியமான தொகுப்பாளினிகள்! அந்தரங்க டிவி...

சென்னை: இரவு 11 மணிக்கு மேல் டிவி சேனல்களை மாற்றிக்கொண்டே செல்வோர் இந்த இரு தொகுப்பாளினிகளை பார்க்காமல் கடந்து சென்றிருக்கவே முடியாது. கேப்டன் டிவியில் ஒளிபரப்பாகும் 'சமையல் மந்திரம்' நிகழ்ச்சியை தொகுத்து வழங்கும் கிரிஜஸ்ரீ மற்றும் திவ்யா ஆகிய இருவரும் தமிழகத்து இளசு முதல் பெருசுவரை ரொம்பவே ஃபேமஸ். ஆண்களே பேச யோசிப்பதையும், பச்சையாகவே பேசிவிடுவது.., கவர்ச்சி ஆடை.. என இவர்கள் இருவரிடமும் ஏதோ ஒரு ஈர்ப்பு இருப்பதால்தான், அந்த நிகழ்ச்சி டிஆர்பி ரேட்டிங்கில் சக்கைபோடு போடுகிறது. அதிலும், நிகழ்ச்சி முடிந்ததும், நேயர்களை பார்த்து திவ்யா கொடுக்கும் கிரக்கமான முத்தத்திற்காகவே, டிவி முன்பு போர்வையை போர்த்திக்கொண்டு 11.30 மணிவரை கண்ணில் விளக்கெண்ணை ஊற்றிக்கிடப்போர் பலர்.

மட்டக்களப்பில் 2000ஆண்டு பழையான தமிழ் கல்வெட்டுக்கள் கண்டெடுக்கப்பட்டுள்ளது. இலங்கையில் நாகர் வாழ்ந்த...

மட்டக்களப்பு, மகிழடித்தீவில் தமிழ் பிராமி எழுத்துக்கள் அடங்கிய  நாகர்களது வேள்ணாகன், நாகன் மகன் கண்ணன் போன்ற பட்டப்பெயர்கள் எழுதப்பட்ட 2000ஆண்டு பழையான பொருட்கள் கண்டெடுக்கப்பட்டுள்ளது.

இப்பொருட்களை பார்வையிட்ட கலாநிதி சி.பத்மநாதன் (தகைசார் பேராசிரியர் வரலாற்றுத்துறை பேராதனைப் பல்கலைக்கழகம், வேந்தர் யாழ். பல்கலைக்கழகம்) இவ்வாறான பெயர்கள் அடங்கியுள்ளது என குறிப்பிட்டார்.

நாகர் காலத்து பொருட்களான அம்மி, குழவி, ஓட்டுச்சிதைவுகளில்; தமிழ் பிராமி எழுத்துக்கள் காணப்படுவதுடன் இங்கு அம்மியும் குழவியும் சேர்ந்ததாக கண்டெடுக்கப்பட்டுள்ளது.

இதன் மூலம் கொக்கட்டிச்சோலை பிரதேசத்தில் பிற்காலத்தில் இருந்த வன்னிமைகளை போல 2000ம் ஆண்டுகளுக்கு முதல் நாகரின் சிற்றரசு இருந்தது. அல்லது அவர்களது சிற்றரசு ஒன்றில் கொக்கட்டிச்சோலை அடங்கி இருந்தது என்றும் கொள்ளக்கூடியதாக இருக்கின்றது. எனவும் குறிப்பிட்டார்.

இவ்வாலயத்தில் அமைக்கப்பட்டுள்ள ஆலயத்தின் முன் மண்டபத்தின் வாயிலில் உள்ள கற்களை ஆராய்ந்ததில் அவை தாந்தாமலையில் இருந்து கொண்டு வரப்பட்டுள்ளதுடன், அவற்றிலும் நாகமன்னர்களது பெயர்கள் இருப்பதும் குறிப்பிடத்தக்க சலசலப்பு.com

பீகார் : நிதிஷ் கூட்டணி பெரும்பான்மை...கருத்துகணிப்பில்.. 137 இடங்களுடன் வெற்றி...

பீகார் சட்டசபைக்கு வரும் 12, 16, 28, நவம்பர் 1, 5-ந்தேதிகளில் 5 கட்டமாக தேர்தல் நடைபெற உள்ளது. பாரதீய ஜனதாவை வீழ்த்த வேண்டும் என்பதற்காக ஆளும் ஐக்கிய ஜனதா தளம், ராஷ்டீரிய ஜனதா தளம், காங்கிரஸ் ஆகிய 3 கட்சிகளும் கூட்டணி அமைத்துள்ளன. இதனால் பீகாரில் உள்ள 243 தொகுதிகளிலும் இரு அணிகளுக்கும் இடையில் நேரடி போட்டி ஏற்பட்டுள்ளது. முதல்கட்ட தேர்தல் நடைபெறும் 49 தொகுதிகளில் வரும் சனிக்கிழமையுடன் (10–ந் தேதி) பிரசாரம் நிறைவடையவுள்ளது. இதையடுத்து முதல் கட்ட தேர்தல் நடக்கும் தொகுதிகளில் உச்சக்கட்ட பிரசாரம் நடந்து வருகிறது. இந்த நிலையில் பீகார் தேர்தல் யார் வெற்றி பெறுவார்கள் என்று தேர்தலுக்கு முன்பான கருத்துகணிப்புகள் வெளியாகியுள்ளன. இரண்டு பிரபல தனியார் தொலைக்காட்சி நிறுவனங்கள் மேற்கொண்ட கருத்துகணிப்பில் தற்போதைய முதல்வர் நிதிஷ் குமார் தலைமையிலான  கூட்டணி பெரும்பான்மையுடன் வெற்றி பெறும் தெரியவந்துள்ளது. இந்த ராகுல் பிரசாரத்துக்கு வராமல் இருந்தால் பிகாரில் இவர்கள் வெற்றி நிச்சயம்

தஸ்லிமா நஸ்ரின்:இந்தியா ஒரு சவுதி அரேபியாவாக மாறுகிறதா? India becoming Hindu Saudi? .taslima nasreen

பிரதமர் நரேந்திர மோடியின் சொந்த தொகுதியான வாரணாசியில் இந்த வருட தொடக்கத்தில் கச்சேரி நடத்திய பாகிஸ்தானைச் சேர்ந்த பாடகரான குலாம் அலியின் (74) கலை நிகழ்ச்சி வரும் வெள்ளிக்கிழமை மும்பையின் ஷண்முகானந்த ஹாலில் நடைபெற இருந்தது. பல்வேறு இந்திய சினிமாக்களில் பாடியவரும், புகழ்பெற்ற கசல் பாடகருமான இவரது நிகழ்ச்சியைக் காண மும்பை ரசிகர்கள் ஆவலுடன் காத்திருந்தனர். கலை நிகழ்ச்சி நடைபெறும் இடத்தின் உரிமையாளரிடம், நிகழ்ச்சியை ரத்து செய்து விடுமாறு சிவ சேனா கட்சியை சேர்ந்த உறுப்பினர்கள் மிரட்டியுள்ளனர். இந்திய எல்லைப்பகுதியில் அத்துமீறி தொடர் தாக்குதல்களை பாகிஸ்தான் நடத்தி வரும் நிலையில், தங்கள் பகுதியில் பாகிஸ்தான் பாடகர் குலாம் அலியின் இசை நிகழ்ச்சியை நடத்த அனுமதிக்க முடியாது என்று சிவசேனா கட்சி தரப்பில் தெரிவிக்கப்பட்டுள்ளது. சிவ சேனாவின் இந்த நடவடிக்கையால் இந்த கலை நிகழ்ச்சி அதன் ஏற்பாட்டாளர்களால் திடீரென ரத்து செய்யப்பட்டது.

ஆண்டுக்கணக்காக அண்ணன் தலைவன் கணவன் செயலாளர் வேறென்ன வேண்டும்?

தென்னிந்திய திரைப்பட சங்கத்தின் தேர்தல் விவகாரம் உச்சக்கட்ட மோதலாக உருவெடுத்துள்ளது. இரு தரப்பும் மாறி மாறி மீடியாக்கக்குத் தீனியைத் தருகின்றன.

சரத்குமார் தரப்பும் விஷால் தரப்பும் மாறி மாறி குற்றச்சாட்டுகளை வைத்துக்கொண்டே போகின்றன. நடிகர் சங்கத் தேர்தல் தொடர்பாக சரத்குமார் தரப்பு நேற்று மீடியாவைச் சந்தித்தது. நடிகை ராதிகாதான் முன்னணியில் இருந்து செய்தியாளர்களின் கேள்விகளுக்குப் பதிலளித்தார்.

குறிப்பாக நடிகர் விஷாலை பற்றி பேசும்போது மட்டும் ‘விஷால் ரெட்டி’ என்ற அழுத்தம் திருத்தமாக ராதிகா கூறியபடியே இருந்தார்.

நாங்களும் தாக்கலாமா? ஒமர் அப்துல்லா கேள்வி :இஸ்லாம் தடை செய்ததால் மது குடிப்போர், பன்றி கறி சாப்பிடுவோரை....

ஸ்ரீநகர்: "மது குடிப்பது, பன்றிக் கறி சாப்பிடுவதை இஸ்லாம் மதம் தடை செய்துள்ளது; ஆகையால் நாங்கள் மதுகுடிப்பவர்களையும் பன்றிக் கறி சாப்பிடுவோரையும் தாக்கலாமா? என்று ஜம்மு காஷ்மீர் முன்னாள் முதல்வர் ஒமர் அப்துல்லா கேள்வி எழுப்பியுள்ளார். ஜம்மு காஷ்மீர் சட்டசபையில் சுயேட்சை எம்.எல்.ஏ.வான ரஷீத்தை பாரதிய ஜனதா கட்சியின் 7 எம்.எல்.ஏக்கள் சூழ்ந்து கொண்டு சரமாரியாகத் தாக்கினர். எம்.எல்.ஏ. விடுதியில் மாட்டிறைச்சி விருந்து நடத்தினார் என்பதற்காக இத்தாக்குதலை பா.ஜ.க. எம்.எல்.ஏ.க்கள் நடத்தினர்.  பா.ஜ.க. எம்.எல்.ஏக்களின் தாக்குதலில் இருந்து மக்கள் ஜனநாயகக் கட்சி மற்றும் தேசிய மாநாட்டுக் கட்சி எம்.எல்.ஏக்கள் ரஷீத்தை பாதுகாப்பாக மீட்டனர். இச்சம்பவத்துக்கு காஷ்மீர் முதல்வர் முப்தி முகமது சயீத் கடும் கண்டனம் தெரிவித்துள்ளார்.மாட்டுக்கறி பிரச்சனையில் மக்கள் பேசிகொண்டிருக்க அம்பானிக்கும் அதானிக்கும் மோடி நாட்டை விற்றுவிடுவார்...

மதுராந்தகம் ஆசிரியர் பாலியல் தொல்லையால் 12–ம் வகுப்பு மாணவி தற்கொலை

திண்டிவனம் அருகே உள்ள கட்டளை கிராமத்தை சேர்ந்தவர் கஜேந்திரன். இவரது மகள் கவுசல்யா (வயது 17). செய்யூரை அடுத்த தேவனூரில் பாட்டி அம்மாகண்ணு வீட்டில் தங்கி செய்யூரில் உள்ள தனியார் பள்ளியில் பிளஸ்–2 படித்து வந்தார்.
இன்று காலை கவுசல்யா பள்ளிக்கு செல்வதற்காக சீருடை அணிந்து இருந்தார். அப்போது அவரது செல்போனுக்கு ஒரு அழைப்பு வந்தது. அதில் பேசி முடித்ததும் கவுசல்யா கதறி அழுதார்.
இதுபற்றி பாட்டி அம்மா கண்ணு கேட்ட போது எதுவும் சொல்ல மறுத்துவிட்டார். திடீரென கவுசல்யா வீட்டின் அறைக்கு சென்று தூக்கில் தொங்கினார். இதனை பார்த்து அதிர்ச்சி அடைந்த அக்கம் பக்கத்தினர் அவரை காப்பாற்ற முயன்றனர்.
இதற்குள் அவர், துடிதுடித்து பரிதாபமாக இறந்தார். அப்போது, அறையில் கவுசல்யா எழுதி வைத்திருந்த 2 பக்க கடிதம் இருந்தது. இதனை உறவினர்கள் கைப்பற்றினர்.

உங்களால் தைரியமாக புகைப்படம் எடுத்துத் தர இயலுமா?வினவு.com

சரி உங்களுக்கும்
வேண்டாம்; எங்களுக்கும் வேண்டாம்; நேரடியாகவே கேள்வியில் இருந்து ஆரம்பிப்போம். செங்கட்டி சைஸ்ஸில் ஆளுக்கொரு போனை வைத்துக்கொண்டு வெற்றிலைக்கு சுண்ணாம்பு தடவுவதைப்போல போனைப் பயன்படுத்தும் மாணவர்கள் இளைஞர்கள் மட்டுமல்ல யாரெல்லாம் செல்போன் கேமிரா வைத்திருக்கிறீர்களோ அவர்களுக்கான கேள்விதான் இது “உங்களால் தைரியமாக புகைப்படம் எடுத்துத் தர இயலுமா?” என்பது.
“முடியுமே” என்று சவாலை ஏற்றுக்கொள்பவர்கள் மேற்கொண்டு படியுங்கள். நமக்கான பயணத்தை இங்கிருந்து தொடங்குவோம்.
அந்தக் காலத்தில் புகைப்படம் எடுப்பது என்பது மிகச் சவாலான காரியம். தொழில் நுட்பம் அதிகம் வளர்ந்திருக்கவில்லை. பிலிம் ரோலை கேமிராவில் மாட்டி, வெளிச்சம் எல்லாம் சரி பார்த்து அதைப் பல வேதிக் கரைசல்களில் தனியாக டெவலப் பண்ண வேண்டும். பிறகு நிலைப்படுத்த வேண்டும். அதே மாதிரி பிரிண்ட் போடும் பொழுதும் பல கட்ட வேலைகள் செய்ய வேண்டும்.

தலிபான்களுக்கு உதவிய பாகிஸ்தான் ராணுவ அதிகாரிகள் பெண் வேடமிட்டு தப்பினர்!

ஆப்கானிஸ்தானில் சமீபத்தில் குண்டூஸ் நகரை தலிபான் தீவிரவாதிகள் கைப்பற்றினார்கள். அந்த நகரை மீட்பதற்காக ஆப்கானிஸ்தான் ராணுவம் தாக்குதல் நடத்தியது. கடும் சண்டைக்கு பிறகு அந்த நகரம் மீண்டும் ஆப்கானிஸ்தான் ராணுவகட்டுப்பாட்டில் வந்தது. இந்த சண்டையில் ஏராளமான தலிபான் தீவிரவாதிகள் கொல்லப்பட்டனர். தலிபான் தீவிரவாதிகள் இந்த நகரை கைப்பற்றுவதற்கு பாகிஸ்தான் ராணுவ அதிகாரிகள் நேரடியாக உதவி செய்ததாக ஆப்கானிஸ்தான் குற்றம் சாட்டியுள்ளது. இது தொடர்பாக ஆப்கானிஸ்தான் ராணுவ துணை தளபதி முராக் அலி கூறியதாவது:- நாங்கள் குண்டூஸ் நகரை மீண்டும் கைப்பற்றும்போது அங்கு பாகிஸ்தான் ராணுவ அதிகாரிகள் பதுங்கி இருந்தனர். அவர்களை நாங்கள் கைது செய்ய முயற்சித்தோம். ஆனால் அவர்கள் பெண்கள் அணியும் பர்தாவை அணிந்து அங்கிருந்து தப்பி விட்டனர்.

பட்டுகோட்டை கல்யாணசுந்தரம் ஒரு ஒரிஜினல் புரட்சி கவிஞன்!

பட்டுக்கோட்டையார் என்னும் சிறப்புக்குரியவர் பட்டுக்கோட்டை கல்யாணசுந்தரம். சிறந்த தமிழ் அறிஞர், பொதுவுடைமைச் சிந்தாந்தி, சிந்தனையாளர் இவர் எளிமையான தமிழில் சமூக சீர்திருத்தக் கருத்துக்களை வலியுறுத்திப் பாடியதுதான் இவருடைய சிறப்பு. இவருடைய பாடல்கள் நாட்டுடைமை ஆக்கப்பட்டுள்ளன. இன்றும் இவருடைய பாடல்கள் மனிதர்களின் எண்ணங்களில் தேரேறி இதயங்களில் குடியேறி உள்ளங்களில் உறவாடி வருகின்றன. இன்று அவரின் நினைவு தினம் . பிறப்பு: தஞ்சை மாவட்டம், பட்டுக்கோட்டை அருகே உள்ள சங்கம் படைத்தான் காடு என்னும் சிற்றூரில் பெற்றோர் அருணாச்சலம் - விசாலாட்சி ஆகியோரின் இளைய மகனாக 13.04.1930 இல் பிறந்தார். இவருக்கு கணபதி சுந்தரம் என்கின்ற சகோதரரும் வேதாம்பாள் என்கிற சகோதரியும் உள்ளனர். படிப்பு: தொடக்க கல்வியை சகோதரர் கணபதிசுந்தரத்தோடு உள்ளூர் சுந்தரம்பிள்ளை திண்ணைப் பள்ளிக்கூடத்தில் இரண்டாம் வகுப்போடு பள்ளிப்படிப்பை முடித்துக்கொண்டார். இயக்கம்: கம்யூனிச விவசாய சங்கத்தில் ஈடுபாடு கொண்டு. அச்சங்கத்தில் தன்னை இணைத்துக் கொண்டு அடித்தட்டு மக்களின் ஆசைகளையும், ஆவேசங்களையும் பிரதிபலித்தார்.

ஒட்டுக்கு பணம் தப்பில்லை! பிகாரில் 80 வீத மக்கள் கருத்து!

பாட்னா: பணம் வாங்கிக் கொண்டு ஓட்டு போடுவதில் தவறில்லை என்ற, 80 சதவீத பீஹார் மக்களின் கருத்தால், மாநில தேர்தல் கமிஷன் அதிர்ச்சி அடைந்துள்ளது. பீஹார் மாநிலத்தில், ஐக்கிய ஜனதா தளத்தைச் சேர்ந்த நிதிஷ் குமார் தலைமையிலான ஆட்சி நடக்கிறது. இங்கே, 243 தொகுதிகளுக்கான பொதுத் தேர்தல், வரும் 12ல், துவங்கி, நவ., 5 வரை, ஐந்து கட்டங்களாக நடக்கிறது. இதில், 6.50 கோடிக்கும் மேற்பட்ட வாக்காளர்கள் ஓட்டளிக்க உள்ளனர். இந்நிலையில், பாட்னாவில் உள்ள, சந்திரகுப்த மேலாண்மை நிறுவனம் நடத்திய ஆய்வில், பணம் மற்றும் பரிசுகளை வாங்கிக் கொண்டு ஓட்டளிப்பதில் தவறில்லை என, 80 சதவீத மக்கள் கருத்து தெரிவித்துள்ளனர். இந்த ஆய்வறிக்கையால், பீஹார் மாநில தேர்தல் கமிஷன் அதிர்ச்சி அடைந்துள்ளது. இதையடுத்து, மக்களிடையே நேர்மையான முறையில் ஓட்டளிக்கும்படி, பத்திரிகைகள், ரேடியோ, சுவரொட்டிகள் மற்றும் பேனர்கள் மூலம் விழிப்புணர்வு பிரசாரம் செய்ய, மாநில தேர்தல் கமிஷன், அதிரடி நடவடிக்கைகளை எடுத்து வருகிறது.  தினமலர்.com  திருடுனத எல்லாத்துக்கும் பங்கு போட்டு குடுக்கணும் ,, ஆமா

கல்யாண் ஜூவலரி மோசடி அம்பலம் ! சேட்டன்கள் ஏற்கனவே ஆந்திராவிலும்......

அன்புமணி மீது வழக்கு பதிவு செய்ய நீதிமன்றம் உத்தரவு! உபியில் தனியார் மருத்துவ....

மத்தியப் பிரதேசத்திலும் உத்தரப் பிரதேசத்திலும் உள்ள இரண்டு தனியார் மருத்துவக் கல்லூரிகளுக்கு அனுமதி வழங்கியதில் சலுகை வழங்கப்பட்டதாகக் கூறப்படும் குற்றச்சாட்டில், முன்னாள் மத்திய சுகாதாரத் துறை அமைச்சர் அன்புமணி ராமதாஸ் மீது குற்றச்சாட்டுகளைப் பதிவுசெய்ய நீதிமன்றம் உத்தரவிட்டுள்ளது. 2008-9 ஆண்டு காலத்தில் நடைபெற்றதாகக் கூறப்படும் முறைகேட்டில் அன்புமணி ராமதாஸ் மீது வழக்கு பதிவுசெய்ய நீதிமன்றம் உத்தரவிட்டுள்ளது. இது தொடர்பாக இந்தியாவின் மத்தியப் புலனாய்வுத் துறை பதிவுசெய்த இரு வழக்குகளில் சிபிஐ நீதிமன்றம் இந்த உத்தரவை பிறப்பித்துள்ளது. ஊழல் தடுப்புச் சட்டத்தின் கீழும் இந்திய குற்றவியல் சட்டத்தின்படியும், கிரிமினல் சதி, ஏமாற்றுதல், மோசடி ஆகியவை நடந்ததற்கான முதற்கட்ட ஆதாரம் இருப்பதால் குற்றம்சாட்டப்பட்டவர்களுக்கு எதிராக வழக்குகளைப் பதிவுசெய்ய நீதிமன்றம் உத்தரவிட்டுள்ளது.

நடிகர் சங்க தேர்தலில்......!

நடிகர் சங்க தேர்தல் வருகிற 18-ம் தேதி நடைபெற இருக்கிறது. இதில் சரத்குமார் அணியும், விஷாலும் அணியும் மோதுகின்றனர். இதற்கான வேட்பு மனு தாக்கல் நேற்றோடு முடிந்தது. தற்போது நடிகர் சங்க தேர்தல் சூடுபிடித்து வருகிறது. சரத்குமார் அணியும், விஷால் அணியும் மாறி மாறி தங்களுடைய கருத்துக்களை தெரிவித்து வருகின்றனர். இந்நிலையில் சரத்குமார் அணி சார்பாக, ராதிகா சரத்குமார், சிம்பு ஆகியோர் விஷால் பற்றியும் அவருடைய அணி பற்றிய குற்றச்சாட்டுகளையும் தெரிவித்தனர். இதில் சிம்பு கூறும்போது, நடிகர் சங்கத்தை விஷால் பிரிக்க நினைப்பதாகவும், நடிகர் சங்கத்தை பற்றி தவறான கருத்துக்களை பரப்பி வருவதாகவும் கூறினார்.

கிளிநொச்சி:பாலியல் பலாத்காரம் 4 ராணுவத்தினருக்கு 30 ஆண்டு சிறை! நீதிபதி இளஞ்செழியன்....

நீதிபதி இளஞ்செழியனின் அதிரடி தீர்ப்பு: கிளிநொச்சி மாவட்டத்தின் விசுவமடு பகுதியில் இடம்பெற்றதாக கூறப்படும் கூட்டு பாலியல் வல்லுறவு மற்றும் பாலியல் துஷ்பிரயோக வழக்கில், ருக்கு யாழ்ப்பாணம் மேல் நீதிமன்ற நீதிபதி இளஞ்செழியன் 30 ஆண்டுகள் கடூழிய சிறைத்தண்டனை விதித்து தீர்ப்பளித்துள்ளார்.

கடந்த 2010ம் ஆண்டு வன்னிப் பிரதேசத்தில் மீள்குடியேற்ற நடவடிக்கைகள் மேற்கொள்ளப்பட்டிருந்த போது, இராணுவத்தினரால், விசுவமடு பகுதியில் இரண்டு குழந்தைகளின் தாயார் ஒருவர் கூட்டுப் பாலியல் வல்லுறவுக்கு உட்படுத்தப்பட்டதுடன், 5 பிள்ளைகளின் தாயார் ஒருவர் பாலியல் துஷ்பிரயோகத்திற்கு உள்ளாக்கப்பட்டிருந்தார்.

சொத்து குவிப்பு ஜெயாவுக்கு ஒரு ரூபாய்கூட கட்டாமல் ஜாமீன்! டாஸ்மாக்கை எதிர்த்த மாணவனுக்கு 50,000 முன்பணம் ஜாமீன்!

தமிழ்நாட்டில் மாபியா கும்பல் ஆட்சி ! – வழக்கறிஞர் மில்டன் சொத்துக்குவிப்பு வழக்கில் ஜெ-வுக்கு ஜாமீன் வழங்க ஒரு ரூபாய் கூட முன்பணம் கட்ட சொல்லவில்லை!
டாஸ்மாக்கை எதிர்த்து போராடிய மாணவனுக்கு ரூ. 50,000 முன்பணம் கட்டினால் தான் ஜாமீன்!
நீதிமன்றம் அரசின் பச்சையான ஒடுக்குமுறைக்கு துணை நிற்கிறது!
பாதிக்கப்படும் மக்கள் போராடும் பொழுது தோளோடு தோளாக துணை நிற்கிறோம்!”
வழக்குரைஞர் மில்ட்டன், செயலர், மக்கள் உரிமைப் பாதுகாப்பு மையம், சென்னை 16-09-2015 அன்று கலைஞர் தொலைக்காட்சியில் ”விடியலே வா” நிகழ்ச்சியில் சிறப்பு விருந்தினராக கலந்துகொண்ட அரை மணி நேர காணொளி காட்சி!

வழக்குரைஞர் சு. ஜிம்ராஜ் மில்ட்டன்,
செயலர்,
மக்கள் உரிமைப் பாதுகாப்பு மையம்,
50,  முதல்மாடி, ஆர்மேனியன் தெரு,
பாரிமுனை, சென்னை – 600 001
Contact :  90946 66320

பட்டேல்களின் இட ஒதுக்கீடு போராட்டம் சமுக நீதிக்கு எதிரான போராட்டம்தான்! பார்பன உயர்ஜாதி ஆதரவுடன் குஜராத்தில்....

இந்து மதவெறிக் கலவரங்களுக்காக இழிபுகழ் பெற்ற குஜராத்தில் ஹர்திக் படேல் என்ற 22 வயது இளைஞனின் தலைமையில் ஆகஸ்டு மத்தியில் இடவொதுக்கீடு கோரித் துவங்கிய போராட்டம் இலட்சக்கணக்கானவர்களின் பங்கேற்போடு துவங்கி சில பத்து பேர்கள் கலந்து கொண்ட மூத்திரச் சந்து கூட்டம் ஒன்றோடு நிறைவு பெற்றுள்ளது.
படேல் மற்றும் படேல்களின் போராட்டம் உச்சகட்டத்தில் இருந்ததாக சொல்லப்பட்ட காலத்தில் குஜராத் மாநிலமே குலுங்கியதாக முதலாளித்துவ ஊடகங்கள் தெரிவித்தன. தமிழ் நாட்டின் இடஒதுக்கீடு அரசியல் போராளிகளோ “பெரியாரின் சிரிப்பொலி மோடியின் குஜராத்திலேயே கேட்கிறது பாருங்கள்” என்று பெருமையாக காலரைத் தூக்கி விட்டுக் கொண்டார்கள். அகில இந்திய ஊடகங்களோ, ஹர்திக் படேலுக்கு “மோடி விட்டுச் சென்ற வெற்றிடத்தை நிரப்ப வந்த புதிய தலைவராக” ஞானஸ்நானம் செய்வித்தன.

கலைஞர் :மருத்துவ நுழைவுத்தேர்வு தேவையில்லை!

சென்னை:'மருத்துவக் கல்லுாரி உள்ளிட்ட தொழிற்கல்வி கூடங்களில் சேர, நுழைவுத் தேர்வு தேவையில்லை' என, தி.மு.க., தலைவர் கருணாநிதி கூறியுள்ளார்.அவரது நேற்றைய அறிக்கை:பொது நுழைவுத் தேர்வு மூலம், மருத்துவக் கல்லுாரிகளில், மாணவர் சேர்க்கையை மேற்கொள்ள வேண்டும்' என, அகில இந்திய மருத்துவக் கவுன்சில், மத்திய அரசுக்கு பரிந்துரை செய்துள்ளது. நாடு முழுவதும் உள்ள மருத்துவக் கல்லுாரிகளில், மாணவர் சேர்க்கை பல முறைகளில் மேற்கொள்ளப்படுகிறது.தமிழகத்தில், பிளஸ் 2 மதிப்பெண் அடிப்படையில், இட ஒதுக்கீட்டுக் கொள்கைபடி மாணவர் சேர்க்கை நடைபெறுகிறது. கிராமப்புற, பிற்படுத்தப்பட்ட, மிகவும் பிற்படுத்தப்பட்ட, தாழ்த்தப்பட்ட மாணவர்கள் நலன் கருதி, நுழைவுத் தேர்வு ரத்து செய்யப்பட்டுள்ளது.

தினமலர்; பீஹாரில் பா.ஜ., வெற்றி பெறும்: கருத்துக்கணிப்பில்....

பாட்னா:'பீஹார் சட்டசபை தேர்தலில், பா.ஜ., அமோக வெற்றி பெற்று, ஆளும் கட்சியாக மாறும்' என, கருத்துக்கணிப்பு தெரிவிக்கிறது.மொத்தம், 243 சட்டசபை தொகுதிகளைக் கொண்ட பீஹாரில், ஐந்து கட்டங்களாக தேர்தல் நடைபெற உள்ளது. மக்களின் எண்ணம் பீஹார் தேர்தல் வரும் 12ல், துவங்கி, அடுத்த மாதம் 5ல், முடிவடைகிறது; அடுத்த மாதம் 8ல், ஓட்டுகள் எண்ணப்படுகின்றன.'மக்களின் எண்ணம்' என பொருள்படும், 'ஜனதா கா மூடு' என்ற பெயரில், ஜீ 'டிவி' கடந்த மாத இறுதியில் கருத்துக்கணிப்பு நடத்தியது. போன் வாயிலாக, 35 ஆயிரம் வாக்காளர்களிடம் கருத்துகள் கேட்கப்பட்டன. கருத்துக்கணிப்பில் தெரிவிக்கப்பட்டுள்ள முக்கிய அம்சங்கள்: * மொத்தம், 147 தொகுதிகளில், பா.ஜ., கூட்டணி வெற்றி பெறும்
* முதல்வர் நிதிஷ் குமாரின் ஐக்கிய ஜனதாதளம், முன்னாள் முதல்வர் லாலு பிரசாத்தின் ராஷ்ட்ரீய ஜனதாதளம், காங்கிரஸ் கூட்டணி, 64 இடங்களை மட்டுமே பிடிக்கும்   அந்த அளவிற்கு பணம் பீகார் தேர்தலில் இறக்கிவிடப்பட்டுள்ளது....ஏழைகளை பற்றி பேசும் பணக்காரகட்சி அகில உலக BJP

மாஞ்ச நூல் விற்பனை தடை ! ஆனால் தற்காலிகம்தான்!

அண்மையில் சிறுவன் ஒருவன் மாஞ்சா நூல் கழுத்தில் சிக்கி பலியானதையடுத்து மாஞ்சா நூலுக்கு எதிரான நடவடிக்கைகளை சென்னை போலீசார் முடுக்கி விட்டுள்ளனர். மாஞ்சா நூல் விற்றாலோ, மாஞ்சா நூலில் பட்டம் செய்து விட்டாலோ 4 பிரிவுகளின் கீழ் வழக்கு பதிவு செய்யப்பட்டு கடும் நடவடிக்கைகள் எடுக்கப்படும் என்று சென்னை போலீஸ் கமிஷனர் ஜார்ஜ் கூறியுள்ளார். மேலும், சென்னையில் இன்று முதல் 60 நாட்களுக்கு மாஞ்சா நூல் தயாரிப்பு மற்றும் விற்பனைக்கு தடை விதிக்கப்படுவதாகவும் அவர் குறிப்பிட்டார். மாஞ்சா நூல் தொடர்பான புகார்களை தெரிவிப்பற்காக 044 - 2561 5086 என்ற சிறப்பு எண் வசதியும் செய்யப்பட்டுள்ளதாக ஜார்ஜ் கூறினா maalaimalar.com

கடுமையான வழக்குகள் நிலுவையில் உள்ளவர்கள் வழக்கறிஞர் தொழிலுக்கு வர தடை! உயர்நீதிமன்றம்....

சென்னை:'கிரிமினல்கள், பயங்கரவாத சக்திகள், வழக்குகள் நிலுவையில் உள்ளவர்கள், வழக்கறிஞர் தொழிலுக்கு வர, தடை விதிக்கும் வகையில், புதிய சட்டப் பிரிவு அல்லது சட்ட திருத்தம் கொண்டு வர, மத்திய அரசீலிக்க வேண்டும்' என, சென்னை உயர் நீதிமன்றம் உத்தரவிட்டுள்ளது.குற்றப் பின்னணி உடையவர்கள், வழக்கறிஞர் தொழிலுக்கு வருவதை தடுக்க, நடவடிக்கை எடுக்கக் கோரி, உயர் நீதிமன்ற மதுரை கிளையில், ஆனந்த முருகன் என்பவர் மனு தாக்கல் செய்தார்.இம்மனுவை விசாரித்த, நீதிபதி கிருபாகரன் பிறப்பித்த உத்தரவு:

குற்றப் பின்னணி உடையவர்கள், சட்டத்தில் பட்டம் பெற்று, வழக்கறிஞர் எனக் கூறிக்கொண்டு, கட்டப் பஞ்சாயத்து உள்ளிட்ட, குற்ற நடவடிக்கைகளில் ஈடுபடுவதாக, செய்திகள் வந்த வண்ணம் உள்ளன.

நேருவின் மருமகள் நயன்தாரா ஷேகல் சாகித்ய அகடாமி விருதை திருப்பி கொடுத்தார்

முன்னாள் பிரதமர் நேருவின் மருமகள் நயன்தாரா ஷேகல் சாகித்ய அகடாமி விருதை திருப்பி கொடுத்துவிட்டார். வன்முறைகள் அதிகரித்துவரும் நிலையில் பிரதமர்மோடி மவுனமாக இருக்கிறார் என்று கடுமையாக விமர்சனம் செய்துஉள்ளார். உத்தரபிரதேச மாநிலம், தாத்ரியில் உள்ள பிசோதா கிராமத்தில் ஒரு குடும்பத்தினர், பசுவை அடித்துக்கொன்று சமைத்து சாப்பிட்டதாக கோவிலில் அறிவிக்கப்பட்டது. இதையடுத்து அங்கு இக்லாக் (வயது 50) என்பவரது வீட்டுக்குள் கடந்த 28–ந் தேதி புகுந்த ஒரு கும்பல், அவரை அடித்துக்கொன்று விட்டது. இச்சம்பவம் நாடு முழுவதும் பெரும் அதிர்ச்சியை ஏற்படுத்தி உள்ளது. பெரும் விமர்சனங்கள் எழுந்து உள்ளது. இச்சம்பவத்திற்கு அரசியல் சாயம் பூசாதீர்கள் என்று மத்திய அரசு கேட்டுக் கொண்டு உள்ளது. ஆனால் இவ்விவகாரத்தை கையில் எடுத்து உள்ள எதிர்க்கட்சிகள் கடுமையாக விமர்சித்து வருகிறது. 

மாட்டிறைச்சி வதந்தியால் வாலிபர் தற்கொலை: தாத்ரியில் மீண்டும் பதட்டம்

மாட்டிறைச்சி சமைப்பதாக கிளம்பிய வதந்தியை அடுத்து, முதியவர் அக்லாக் கொல்லப்பட்ட தாத்ரி நகராட்சியின் பிசாரா கிராமத்தில் இன்று மாட்டிறைச்சி வதந்தியால் வாலிபர் ஒருவர் தற்கொலை செய்து கொண்டிருப்பது பெரும் பதட்டத்தையும் பரபரப்பையும் ஏற்படுத்தியுள்ளது.25 வயதான பிரகாஷ் என்ற வாலிபர் இன்று காலை விஷமருந்தி தற்கொலை செய்து கொண்டார். அவரது வீட்டில் மாட்டிறைச்சி பதுக்கி வைக்கப்பட்டிருப்பதாக வதந்தி பரவியதை அடுத்தே அவர் தற்கொலை செய்து கொண்டதாகவும், அவருக்கு போலீசார் தொல்லை கொடுத்ததாகவும் உள்ளூர் கிராம மக்கள் தெரிவித்துள்ளனர் ஆனால், பிரகாஷின் சடலத்தைக் கைப்பற்றி அதை பிரேத பரிசோதனைக்கு அனுப்பியுள்ள போலீசாரோ, இது இயற்கையான மரணம் என்று தெரிவித்துள்ளனர். இந்த சம்பவம் தாத்ரியில் பெரும் பரபரப்பை ஏற்படுத்தியுள்ளது

நடிகர்களின் வருமானவரி விவாதம்! திரையுலகமும் கருப்பு பணமும்!

சிரியா அதிபர் அசாத்: ரஷ்யா, ஈரான் ஈராக் கூட்டணி வெற்றி பெறாவிட்டால் அழிந்துவிடும்

சிரியா, ரஷ்யா, ஈரான் மற்றும் ஈராக் ஆகிய நாடுகளின் கூட்டணி வெற்றி பெறவில்லை என்றால், கிழக்கு ஆசிய நாடுகள் அழிந்துவிடும், என்று சிரியா அதிபர் அசாத் தெரிவித்துள்ளார். இது குறித்து பேட்டி ஒன்றில் தெரிவித்த அசாத், "சிரியா, ரஷ்யா, ஈரான் மற்றும் ஈராக் ஆகிய நாடுகளின் கூட்டணி வெற்றி பெற்றேயாக வேண்டும். இல்லையென்றால் மத்திய கிழக்கு ஆசியா அழிவையே சந்திக்கும். இந்த போரில் வெற்றி பெறுவதற்கான வாய்ப்பு பிரகாசமாக உள்ளது. ஐரோப்பிய நாடுகள் இந்த போரில் தீவிரமாக ஈடுப்பட்டால், அவர்கள் வேகமாக பரவுவதை தடுப்பதோடு மட்டும் அல்லாமல் அவர்களை வீழ்த்த முடியும்” என்று கூறியுள்ளார். chennaionline.com

ஆஸ்கர் விருதுக்கு ஷோபா சக்தி நடித்த பிரெஞ்சு திரைப்படம் "தீபன்"!

சோபா சக்தி என்ற ஈழத்தமிழர் நடித்த ‘தீபன்’ திரைப்படம் ஆஸ்கார் விருதுக்கு பரிந்துரை செய்யப்பட்டுள்ளதாக தகவல்கள் வெளியாகியுள்ளன.பிரான்ஸ் நாட்டு இயக்குனரான சாக் ஆடியார் இயக்கி இலங்கை நாட்டின் எழுத்தாளரும் ஈழத்தமிழருமான சோபா சக்தி நடித்து 2015ம் ஆண்டு வெளியான படம் ‘தீபன்’. இலங்கை உள்நாட்டு போரிலிருந்து தப்பித்து பிரான்ஸ் நாட்டின் தலைநகரான பாரீஸில் குடியேறும் தீபன் அங்கு ஒரு அகதி என்ற நிலையில் அவர் சந்திக்கும் அவலங்கள் மற்றும் பல்வேறு பிரச்னைகள் இந்த படத்தின் கதையாக காட்டப்பட்டது.சோபா சக்தியுடன் தமிழ் நாட்டை சேர்ந்த காளீஸ்வரி என்ற தமிழ் நடிகை யாழினி என்ற கதாபாத்திரத்தில் இந்த படத்தில் நடித்துள்ளார்.ஈழத்தமிழர்கள் அயல்நாடுகளில் வாழும் வாழ்க்கையையும் சந்திக்கும் பிரச்னைகளையும் உணர்வுப் பூர்வமாக வெளிக்காட்டிய இந்த திரைப்படம் பிரான்ஸ் நாட்டின் உயர் விருதான தங்கப்பதக்கத்தை ஏற்கனவே வென்றுள்ளது.

லாரிகள் வேலைநிறுத்தம்: கோவையில் ரூ.500 கோடிக்கு வர்த்தகம் பாதிப்பு; காய்கறிகள் தேக்கம்

சுங்கச்சாவடிகளை எதிர்த்து நடைபெற்று வரும் லாரி உரிமையாளர்கள் வேலைநிறுத்தத்தால் கோவை மாவட்டத்தில் சுமார் ரூ.500 கோடிக்கு இழப்பு ஏற்பட்டுள்ளதாக லாரி உரிமையாளர்கள் சங்கம் தெரிவித்துள்ளது. இதனால் மேட்டுப்பாளையத்தில் காய்கறிகள் தேக்கமடைந்து அழுகத் தொடங்கியுள்ளன.

சுங்கச்சாவடிகளை மூட வேண்டும் உள்ளிட்ட கோரிக்கைகளை வலியுறுத்தி அக்.1-ம் தேதி முதல் லாரிகள் வேலைநிறுத்தம் நடைபெற்று வருகிறது. இதனால் தமிழகத்தில் சரக்குப் போக்குவரத்து பெரிய அளவில் பாதிக்கப்பட்டுள்ளது. குறிப்பாக கோவை மாவட்டத்தில் சிமென்ட், கம்பி, தீவனங்கள், பம்ப்செட்டுகள், கிரைண்டர்கள் உள்ளிட்டவை வர்த்தகத்துக்கு எடுத்துச் செல்லப்படாமல் உள்ளன.

லாட்டரி மார்ட்டின் ! அதிமுக. திமுக. கம்யுனிஸ்ட். பாஜக மற்றும் தமிழ் உணர்வாளர்கள் ஒன்றாக....... !

காலையில் கக்கூசு ஒழுங்காக போகவில்லை என்றாலும் கருணாநிதியை காரணம் காட்டும் தமிழ் இன உணர்வாளர்கள் தற்போது  கள்ள மௌனம் சாதிப்பதே   யோக்கியதை இதுதான் என காட்டுகிறது . கோவையின் கல்லூரி மாணவர்கள் சந்தித்து அரட்டையடிக்க வாய்ப்புள்ள இடங்களில் முதன்மையானது தேநீர் கடைகள். கோவையின் டீ மாஸ்டர்கள் கணக்கில் அசகாய சூரர்கள். “மாஸ்டர், டூ பை த்ரீ… சிக்ஸ் பை 15.. ஒன் பை போர்” என்று விதம் விதமாக வேண்டுகோள் வந்தாலும் குழம்ப மாட்டார்கள். அதிலும், காந்திபுரம் ஆறாவது குறுக்குச் சந்தில் முன்பு ஒரு கில்லாடி கேரள சேட்டன் இருப்பார்.. அவருக்காகவே அந்தக் கடையில் கூட்டம் அள்ளும்.
மேற்படி நாயர் கடையில் இருந்து சில மீட்டர்கள் தள்ளி இருந்த அந்தக் கட்டிடத்தின் முன் அப்போதே விலையுயர்ந்த கார்கள் அணிவகுத்து நிற்கும். பளபளப்பான மேட்டுக்குடி மக்களுக்கு இந்த அழுக்கு சந்துக்குள் என்ன தான் வேலை?

சிரியாவில் மற்றொரு தொல்லியல் சின்னம் "பொடிப்பொடியானது" !

சிரியாவின் வட பகுதியில் இருக்கும் தொன்மையான நகரான , பல்மைராவில் மற்றுமொரு தொல்லியல் முக்கியத்துவம் வாய்ந்த இடத்தை இஸ்லாமிய அரசு என்ற அமைப்பின் தீவிரவாதிகள் குண்டு வைத்துத் தகர்த்துவிட்டதாக அதிகாரிகளும், உள்ளூர் வட்டாரங்களும் தெரிவிக்கின்றன. "வெற்றி வளைவு" எனப்படும் இந்த நினைவு மண்டபம் அந்த நகரைக் கட்டுப்பாட்டில் வைத்திருக்கும் இஸ்லாமிய அரசு அமைப்பின் தீவிரவாதிகளால் தகர்த்துப் பொடிப்பொடியாக்கப்பட்டதாக ஏ.எப்.பி செய்தி நிறுவனத்திடம் பல்மைரா தொல்லியல் ஆர்வலர் ஒருவர் தெரிவித்தார். இந்த நினைவு மண்டபம் சுமார் 2,000 ஆண்டுகளுக்கு முன் கட்டப்பட்டிருக்கலாம் என்று கருதப்படுகிறது. ஐ.எஸ் அமைப்பின் போராளிகள் ஏற்கனவே இந்த இடத்தில் இரண்டு தொன்மை வாய்ந்த கோவில்களை அழித்துவிட்டனர். இந்த இரு கோயில்களும் யுனெஸ்கோ அமைப்பால் புராதன உலகத்தின் மிக முக்கியத்துவம் வாய்ந்த கலாசார மையங்கள் என்று வர்ணிக்கப்படுகின்றன.

பாட்டும் நானே பாவமும் நானே பாடல் கவி.கா.மு.ஷெரீப் எழுதியது என்பது உண்மையே!

1956 ம் ஆண்டு ‘சம்பூர்ணராமாயணம்’ என்ற படம் எம்.ஏவி. பிக்சர்ஸ் எம்.ஏ .வேணு என்பவரால் தயாரிக்கப்பட்டது . இயக்குனர் ஏ .பி நாகராஜன். ராமயணத்தில் ராவணன் ஒரு இசை மேதை . சபையோருக்கு ராவணனின் இசைத்திறமையை வெளிப்படுத்தும் விதமாக அரசவையில் ராவணன் பாடும் பாடல் ஒன்று தேவைப்பட்டதாம் . அரசவையில் ராவணன் பாடும் அந்த ஒரு காட்சியிலேயே ராவணின் இசைப் புலமையை வெளிப்படுத்தும் விதமாக பாடல் சிறப்பாக அமைய வேண்டும் என்பதற்காக இரு கவிஞர்களிடம் பாடல் எழுதும் பொறுப்பு தரப்பட்டதாம்.
அந்தக் கட்சிக்கு கவிஞர் மருதகாசி ‘சங்கீத சௌபாக்கியமே ! என்றும் குன்றாத பெரும்பாக்கியமே ! “ என்ற பாடலை எழுதினார் . அந்தப் பாடலில் வெவ்வேறு சந்தர்ப்பங்களில் பாடும் ராகங்களை சி.எஸ் ஜெயராமன்பாடுவார் இன்றும் மக்கள் மனதில் நீங்காமல் ஒலித்துக்கொண்டிருக்கும் பாடல் அது .
ராவணன் பாடும் அந்த பாடல் காட்சிக்காக கவிஞர் .கா.மு .ஷெரிப்அவர்கள் ‘பாட்டும் நானே ! பாவமும் நானே ! என்ற பாடலை எழுதி டி .எம். சௌந்தரராஜன் பாட அந்த இரண்டு பாடல்களுமே கே.வி .மகாதேவனால் இசை அமைக்கப்பட்டு ஒலிப்பதிவுசெய்யப் பட்டதாம் .

காட்டுப்பள்ளி துறைமுகத்தை அதானியிடம் தாரைவார்த்த அதிமுக! மதுரைவாயில் பறக்கும் சாலையை அதானிக்காக முடக்கிய கொள்ளை..

கடந்த திமுக ஆட்சியின்போது கையெழுத்தாகி உருவான திருவள்ளூர் மாவட்டம் காட்டுப்பள்ளி துறைமுகத்தை அதானி குழுமம் கையகப்படுத்தியுள்ளது. இது சென்னை துறைமுகத்தை கிடப்பில் போடும் திட்டமாகும் என்று திமுக தலைவர் கருணாநிதி ஏற்கனவே எச்சரித்திருந்ததன் பின்னணியில் இந்த புதிய கையகப்படுத்துதல் நடந்துள்ளது. முன்னதாக நேற்றுதான் திமுக தலைவர் கருணாநிதி இதுதொடர்பாக நீண்ட அறிக்கை வெளியிட்டிருந்தார். அதானிக்காக சென்னை துறைமுகத்தை செயலிழக்க வைக்கிறார்கள் என்று அதில் சாடியிருந்தார் கருணாநிதி

சென்னையிலிருந்து 30 கிலோமீட்டர் தொலைவில் திருவள்ளூர் மாவட்டத்தில் உள்ள காட்டுப்பள்ளி என்ற இடத்தில் இந்த துறைமுகம் உள்ளது. இந்தத் துறைமுகத்தின் செயல்பாடுகளை தற்போது அதானி துறைமுகங்கள் ஏற்றுள்ளது. இதுதொடர்பாக அந்தத் துறைமுகத்தை பராமரித்து வரும் லார்சன் அன்ட் டூப்ரோ நிறுவனத்துடன் அது ஒப்பந்தம் செய்துள்ளது

புறாக்களை வாணவெடியில் வைத்து கொன்ற காங்கிரஸ் தொண்டர்கள்

விசாகப்பட்டினம்: ஆந்திராவில் காங்கிரஸ் கட்சி சார்பில் நடந்த கூட்டம் ஒன்றில், கட்சியினர் வாணவெடிகளில் உயிருடன் புறாவை வைத்து வெடிக்க வைத்தனர். கொவ்ரு நகரில், காங்கிரஸ் கட்சியினரின் இந்த மனிதத்தன்மையற்ற கொடுர செயல்கள் வீடியோவாக பரவி வருகிறது. மாநில கட்சி தலைவர் என். ரகுவீரா ரெட்டியை கவர்வதற்காக, புறாவை வாணவெடியில் வைத்து, வெடியை பற்ற வைத்தனர். பட்டாசு மேலே சென்று வெடித்ததும், வெப்பம் காரணமாக புறாக்கள் கருகிய நிலையில் இறந்து தெருவில் விழுந்தன. வாணவெடியில் உள்ள அட்டையில், புறாவை இறுக்கமாக கட்டி வைத்து வெடிக்க வைத்தனர். பட்டாசு வெடித்ததும், கயிறு அவிழ்ந்து புறா பறக்கும் வகையில் திட்டமிடப்பட்டிருந்தது. ஆனால், பட்டாசில் இருந்து வெளியான வெப்பம் காரணமாக புறாக்கள் இறந்து மைதானத்திற்குள்ளேயே விழுந்தன.

வைகோ அணியில் இருந்து விடுதலை சிறுத்தைகள் கட்சியும் வெளியேறுகிறது

தமிழகத்தில் சட்டமன்ற தேர்தலை சந்திக்க அரசியல் கட்சிகள் தயாராகி வருகின்றன. அ.தி.மு.க., தி.மு.க. ஆகிய கட்சிகளுக்கு எதிராக புதிய கூட்டணியை உருவாக்கி தேர்தலை எதிர்கொள்ள ம.தி.மு.க., விடுதலை சிறுத்தைகள், மார்க்சிஸ்ட் மற்றும் இந்திய கம்யூனிஸ்டு கட்சிகள் முடிவு செய்தன.
இதையடுத்து இந்த கட்சிகள் அடங்கிய கூட்டு இயக்கம் தொடங்கப்பட்டது. இதில் மனித நேய மக்கள் கட்சியும் இடம் பெற்றிருந்தது.
காந்தியவாதியான சசி பெருமாள் மதுவிலக்கு போராட்டத்தின் போது உயிரிழந்ததை தொடர்ந்து இந்த கட்சிகள் கூட்டாகவே இணைந்து மதுவிலக்கு தொடர்பாக பல்வேறு போராட்டங்களை நடத்தின. இதனால் இந்த 5 கட்சிகளுக்கு இடையேயான நெருக்கமும் அதிகரித்தது.
மதுவிலக்கு போராட்டத்தில் ஈடுபட்டிருக்கும் இந்த கூட்டு இயக்க அரசியல் களத்திலும் கூட்டணி அமைக்கும் என்று வைகோ அறிவித்தார்.
இதனால், ம.தி.மு.க., விடுதலை சிறுத்தைகள், மனிதநேய மக்கள் கட்சி, மார்க்சிஸ்ட் மற்றும் இந்திய கம்யூனிஸ்ட்டு கட்சிகள் இனைந்து வருகிற சட்டமன்ற தேர்தலில் புதிய அணியாக களம் இறங்கும் என்கிற எதிர்பார்ப்பு ஏற்பட்டது. வைகோ ரொம்ப நல்லவரு...ஆங் சாரி நல்ல சொற்பொழிவாளர்! 

யுவராஜ் : சரணடைய மாட்டேன்! என்னை சுட்டுக்கொன்றுவிடுவார்கள்!

சேலம் மாவட்டம் ஓமலூரை சேர்ந்த என்ஜினீயரிங் மாணவர் கோகுல்ராஜ் கொலை வழக்கில் பலர் கைது செய்யப்பட்டுள்ளனர். சேலம் மாவட்டம் சங்ககிரியை சேர்ந்த தீரன்சின்னமலை பேரவை தலைவர் யுவராஜ் போலீஸ் பிடியில் சிக்காமல் தலைமறைவாக உள்ளார்.  யுவராஜை பிடிக்க தனிப்படை போலீசார் பல்வேறு இடங்களில் தேடி வரும் நிலையில் அவர் புதிய தலைமுறை தனியார் தொலைக்காட்சிக்கு பேட்டி அளித்த சம்பவம் பரபரப்பை ஏற்படுத்தி உள்ளது.அப்பேட்டியில் அவர்,   ‘’நான் தேடப்படும் குற்றவாளி. நான் பொதுமக்கள் மத்தியில் தண்டனையை ஏற்கத்தயார்.இதற்கு விவாத மேடை ஒன்றை அமைக்கட்டும். அவர்கள் தரப்பில் கருத்துக்களை கூறட்டும். நான் என் கருத்துக்களை தெரிவிக்கிறேன்.   அவர்கள் தரப்பு  கருத்தைக்கூற 9 மணி நேரம் எடுத்துக்கொள்ளட்டும்.

நீதியரசர்கள் கருத்துரிமையை நசுக்கக்கூடாது. அது நீதித்துறை பாசிசம்.

நமது நண்பர்கள் வாஞ்சிநாதன், திருநாவுக்கரசு, சி.எம்.ஆறுமுகம் மற்றும் 11 சக வழக்கறிஞர்களை, எந்த விதமான சட்ட அடிப்படையும் இல்லாமல் பார் கவுன்சில் ஆப் இந்தியா தற்காலிக நீக்கம் செய்திருக்கிறது.

உயர்நீதிமன்ற வழக்குரைஞர் லஜபதிராய்

இவ்வாறு தற்காலிக நீக்கம் செய்வதற்கான அதிகாரத்தை வழக்கறிஞர் சட்டத்தின் பிரிவுகள் 35 மற்றும் 36 ஆகியவை, பார் கவுன்சிலுக்கு வழங்கவில்லை என்பதை சட்டம் குறித்த ஆரம்ப அறிவு கொண்ட எந்த ஒரு நபராலும் புரிந்து கொள்ள முடியும்.
நமது நண்பர்கள் கடந்த பத்து ஆண்டுகளுக்கும் மேல், ஒடுக்கப்பட்ட மக்களின் உரிமைகளுக்காக, நீதிமன்றத்திற்கு உள்ளேயும் வெளியேயும் கடுமையாகப் போராடியவர்கள். அவர்களுடன் நாம் கரம் கோர்த்து நிற்கிறோம். அவர்கள் நமது அரசமைப்பு கூறும் விழுமியங்களை வேறு யாரை விடவும் அதிகமாகப் பாதுகாத்து நின்றவர்கள். அவர்களுக்கு எதிரான பார் கவுன்சிலின் இந்த நடவடிக்கை நெறியற்றது, சட்டவிரோதமானது.

விஷ்ணுப்ரியா: நான் அமையாகிறேன்... அந்த 2 பக்கங்கள் .அதிகாரிகளின் அதிர்ச்சி...

போலீஸ் உயரதிகாரிகளின் டார்ச்சரால் சிக்கித் தவித்த, பெண் டி.எஸ்.பி., விஷ்ணுபிரியா, தற்கொலை செய்வதற்கு முன் எழுதிய கடிதத்தில், 'நான் அமைதியாகிறேன்' என குறிப்பிட்டிருப்பது, பரபரப்பை ஏற்படுத்தி உள்ளது. திருச்செங்கோடு பெண் டி.எஸ்.பி., விஷ்ணுபிரியா, 27, கடந்த மாதம், 18ல், தன் முகாம் அலுவலக மாடி அறையில் துாக்கிட்டு, தற்கொலை செய்து கொண்டார். இதுகுறித்து, சி.பி.சி.ஐ.டி., போலீசார், மதுரை வழக்கறிஞர் மாளவியா, கீழக்கரை பெண் டி.எஸ்.பி., மகேஸ்வரி உள்ளிட்ட பலரிடம் விசாரித்துள்ளனர். ஆனால், வழக்கில் எந்த முன்னேற்றமும் இல்லை.இந்நிலையில், விஷ்ணுபிரியா தற்கொலை செய்த நாளன்று, இரண்டு பக்க கடிதமும், அதற்கு முன், ஜூலை, 15ல், ஒன்பது பக்கம் என, மொத்தம், 11 பக்கத்தில் கடிதம் எழுதி இருந்ததாகவும், போலீசார் தெரிவித்தனர். அதில் இரண்டு பக்கத்தை மறைத்து, ரகசியம் காத்து வந்தனர். அந்த இரு பக்கங்களும் தற்போது வெளியாகி இருப்பது, போலீசார் மத்தியில் அதிர்ச்சியை ஏற்படுத்தி உள்ளது.