மகனைக்கொன்ற கள்ளக்காதலனை படுகொலை செய்த மஞ்சுளா – சபதத்தை முடித்த தாய்

ராஜ்ப்ரியன் .nakkheeran.in : திருவண்ணாமலை நகரம், அய்யங்குளத்தெருவில் இந்தியன் வங்கி எதிரே கிப்ட் ஷாப் மற்றும் மொபைல் ரீசார்ச் கடை உள்ளது. இந்த கடையில்  டிசம்பர் 29ந்தேதி மாலை 5.30 மணியளவில் கடைக்குள் இருந்தவரை இரண்டு பேர் கடைக்குள் புகுந்து அடித்துள்ளனர். அந்த இளைஞர் வெளியே ஓடிவர, வெளியே நின்றிருந்த இரண்டு பேர் மடக்கி சரமாரியாக கழுத்திலேயே வெட்டி கொன்றுவிட்டு இரண்டு இருசக்கர வாகனத்தில் 5 பேர் எஸ்கேப்பாகினர்.
; கொலை செய்யப்பட்ட நாகராஜ், சென்னையில் பணியாற்றும்போது, சென்னை எம்.ஜீ.ஆர் நகரில் குடியிருந்துள்ளார். அங்கு வசித்தபோது கார்த்திகேயன் மனைவி மஞ்சுளாவை ஆசை வார்த்தை கூறி கள்ளக்காதலியாக வைத்திருந்தார். இதனை கேட்டு அதிர்ச்சியான கார்த்திகேயன் மனைவியை எச்சரித்துள்ளார். அதோடு காவல்நிலையத்தில் புகார் தந்தனர். முதல் முறை எச்சரித்து அனுப்பப்பட்ட நாகராஜ், சில மாதங்கள் அமைதியாக இருந்தவர் மீண்டும் மஞ்சுளாவிடம் தொடர்பை ஏற்படுத்திக்கொண்டார். இதை அறிந்த கார்த்திகேயன், மீண்டும் காவல்நிலையத்தில் புகார் தந்ததன் அடிப்படையில் 4 பிரிவுகளின் கீழ் வழக்கு பதிவு செய்யப்பட்டு சிறையில் அடைக்கப்பட்டார்.

பிளாஸ்டிக் தடை நாளை முதல் .. ஓலைப் பெட்டி, துணிப் பைகளுக்கு மாறிய நெல்லை வியாபாரிகள்

THE HINDU TAMIL : ஒருமுறை பயன்படுத்தி தூக்கி எறியப்படும் 14 வகையான பிளாஸ்டிக் பொருட்கள் மீதான தடை தமிழகத்தில் ஜனவரி 1 முதல் அமலுக்கு வருகிறது. இதனை அமல்படுத்த அரசுத் துறைகள் தீவிரமாக செயல்பட்டு வருகின்றன.
உணவுப் பொட்டலங்கள் கட்ட பயன்படுத்தும் பிளாஸ்டிக் ஒட்டும் தாள், உணவு அருந்தும் மேஜையின் மீது விரிக்கப்படும் பிளாஸ்டிக் தாள், பிளாஸ்டிக்கால் ஆன தெர்மாகோல் தட்டுகள், பிளாஸ்டிக் முலாம் பூசப்பட்ட காகிதத் தட்டுகள், பிளாஸ்டிக் பூசப்பட்ட காகித குவளைகள், பிளாஸ்டிக் தேநீர் குவளைகள், பிளாஸ்டிக் குவளைகள், தெர்மாகோல் குவளைகள், பிளாஸ்டிக் பைகள் உட்பட 14 வகையான பொருட்கள் தடை செய்யப்பட்டுள்ளன.
இவற்றுக்கு மாற்றாக வாழை இலை, பாக்குமர இலை, அலுமினியத்தாள், காகித சுருள், தாமரை இலை, கண்ணாடி மற்றும் உலோகத்தால் ஆன குவளைகள், மூங்கில் மற்றும் மரப்பொருட்கள், துணி, காகிதம், மற்றும் சணலால் தயாரிக்கப்பட்ட பைகள், பீங்கான் பாத்திரங்கள், மண் கரண்டிகள், மண் குவளைகள் உள்ளிட்ட பொருட்களைப் பயன்படுத்த அறிவுறுத்தப்பட்டுள்ளது.

தேர்தல் களத்தில் மோடி vs ராகுல்: யாருக்குச் சாதகம்?

Savukku :இந்திய அரசியல் ஊடகமானது ஜெயிப்பவர்

, தோற்பவர் பற்றி மட்டுமே கவலைப்படும் விளையாட்டு ஊடகப் பிரிவாக ஆகிவிட்டது.
2017ஆம் ஆண்டு குஜராத் சட்டமன்றத் தேர்தல் பிரசாரத்தின்போது நாம் பார்த்ததுபோல், பிரதமர் நரேந்திர மோடி இப்போதெல்லாம் தானாக முன்வந்து அரசியல் கதையாடல்களை உருவாக்குவதில்லை. அப்பிரசாரத்தின்போது அவர் நெகிழ்ச்சியாகவும் எதிர்வினை புரியும்படியும் இருந்தார்: காங்கிரஸ் தன் மீதான அந்தரங்கத் தாக்குதல் தொடுத்தது பற்றி புகார் கூறிக்கொண்டே தனக்கு முன் பிரதமராக இருந்தவர் பாகிஸ்தானியர்களுடன் சேர்ந்து அரசுக்கு எதிராக ‘சதிவலை’ (பின்னர் அதுபற்றி பேசவே இல்லை) பின்னுவதாகவும் கூறினார்.

குணமா சொல்லோணும் Vs சங்கம் முக்கியமில்லை சாப்பாடுதான் முக்கியம் ... 2018 டாப் டிரெண்ட் விடியோக்கள்

மின்னம்பலம் : சமூக வலைதளங்களின் ஆதிக்கம் அதிகமான பின் ஒவ்வொரு ஆண்டும் சமூக, அரசியல் பிரச்சினைகளை மக்கள் நினைவில் வைத்துக்கொள்வது அந்தப் பிரச்சினையை ஒட்டி வெளியான மீம்ஸ், ட்ரோல் வீடியோக்கள் மூலமாகத் தான். அதோடு முகம் தெரியாத பல மனிதர்களின் வீடியோக்களும் ஒரே நாளில் விவாதத்தைக் கிளப்பின. அந்த வகையில் இந்த ஆண்டு டிரெண்ட் ஆன சில வீடியோக்களைப் பற்றிப் பார்க்கலாம்.
அதிமுக அமைச்சர் ஜெயக்குமாரின் பாடல்கள், ராகுல் காந்தியின் கட்டிப்பிடி வைத்தியம், தமிழிசையின் வெற்றிகரமான தோல்வி, எச்.ராஜாவின் ஹைகோர்ட் மேட்டர் என பல விஷயங்கள் டிரெண்ட் ஆகியிருந்தது. இருப்பினும் ஏற்கெனவே புகழ்பெற்ற இவர்களை விடுத்துப் புகழ் வெளிச்சம் அதிகம் விழாத நபர்களைக் கணக்கில் கொள்ளலாம்.

அதிகாரியை மிரட்டி அமைச்சர் சண்முகத்தின் தம்பி விடியோ ஆதாரம் சிக்கியது

மின்னம்பலம் : உணவு பாதுகாப்புத் துறை அதிகாரியை அமைச்சர் சி.வி.சண்முகத்தின் தம்பி என்று கூறி சிலர் மிரட்டும் ஆடியோ வெளியாகி பரபரப்பை ஏற்படுத்தியுள்ளது.
விழுப்புரம் மாவட்டம் உளுந்தூர்பேட்டை அருகேயுள்ள பரிக்கல் கிராமத்தில் அண்மையில் தனியார் பால் பதப்படுத்தும் தொழிற்சாலை ஆரம்பிக்கப்பட்டுள்ளதாகக் கூறப்படுகிறது. ஏற்கனவே அப்பகுதியில் செயல்பட்டு வரும் மற்றொரு தனியார் நிறுவனத்திடமிருந்து பிரிந்து வந்தவர்தான், இதனை துவக்கியுள்ளதாக தெரிகிறது. இதற்காக அனுமதி கேட்டு அரசிடம் அந்நிறுவனம் விண்ணப்பித்திருந்த நிலையில், சம்பந்தப்பட்ட நிறுவனத்தில் உணவு பாதுகாப்புத் துறை அதிகாரி கதிரவன் ஆய்வு மேற்கொண்டுள்ளார். அந்த தொழிற்சாலை சுகாதாரமற்ற முறையில் இருந்ததால், இதுதொடர்பாக அந்நிறுவனத்திற்கு கதிரவன் நோட்டீஸ் அனுப்பியுள்ளதாகக் கூறப்படுகிறது.

இட்லி, தோசை, உப்மா 1 கோடி ரூபாய்க்கு அப்போலோவில் .. ஜெ., மரணத்தில் மர்மம் இருப்பது உறுதி..!- அமைச்சர் சி.வி.சண்முகம் பேட்டி

ndtv- :
ஜெயலலிதா மரணம் தொடர்பாக மர்மம்
இருப்பது உறுதியாகிவிட்டதாகக் கூறி, பல திடுக்கிடும் தகவல்களை தெரிவித்துள்ளார் தமிழக அமைச்சர் சி.வி.சண்முகம்.
இன்று அவர் செய்தியாளர்களை சந்தித்தபோது, ‘அம்மா நன்றாக அனைத்து வேலைகளையும் செய்து வந்தார். திடீரென்று ஒரு நாள் மருத்துவமனையில் அவர் அனுமதிக்கப்பட்டார். அவர் மருத்துவமனையிலிருந்த காலக்கட்டத்தில் அமைச்சர்கள் முதல் தொண்டர்கள் வரை, யாரையும் அம்மாவைப் பார்க்க அனுமதி கொடுக்கப்படவில்லை. இதுதான் உண்மை.

முத்தலாக் மசோதாவுக்கு ஒப்புதல் கிடைப்பதில் சிக்கல்: முக்கிய 10 தகவல்கள்!

ndtv- : உச்ச நீதிமன்றம் முத்தலாக் தொடர்பான தீர்ப்பில், ‘இந்த நடைமுறை முஸ்லிம் மதத்துக்குச் சம்பந்தப்பட்டது என்பதை ஏற்க முடியாது. சட்டத்துக்கு புறம்பானது முத்தலாக்’ என்று கூறியது.
New Delhi: கடந்த சில நாட்களுக்கு முன்னர் மக்களவையான லோக்சபாவில் முத்தலாக் மசோதாவுக்கு ஒப்புதல் கொடுக்கப்பட்டது. இந்நிலையில், இன்று மாநிலங்களவையான ராஜ்ய சபாவில் முத்தலாக் நடைமுறைக்குத் தடை விதிக்கும் மசோதா தாக்கல் ஆனது. இந்நிலையில், எதிர்கட்சிகளின் கடும் எதிர்ப்பால் முத்தலாக் மசோதா நிறைவேறவில்லை. வரும் ஜனவரி 2 ஆம் தேதி வரை மாநிலங்களவை ஒத்திவைக்கப்பட்டுள்ளது. மக்களவையில் மத்திய அரசுக்கு பெரும்பான்மை இருந்த காரணத்தால், மசோதாவுக்கு ஒப்புதல் வாங்குவது சுலபமாக இருந்தது. ஆனால், மாநிலங்களவையில் அரசுக்குப் பெரும்பான்மை இல்லை. அதனால், அனுமதி கிடைப்பதில் சிக்கல் நிலவுகிறது.

திருவாரூர் இடைத்தேர்தல் ஜனவரி 28ம் தேதி ல் - தேர்தல் ஆணையம்

திருவாரூர் தொகுதிக்கு ஜனவரி 28ம் தேதி இடைத்தேர்தல் நடைபெறும் என தேர்தல் ஆணையம் இன்று அறிவித்துள்ளது.
 திருவாரூர் தொகுதிக்கு ஜனவரி 28ம் தேதி இடைத்தேர்தல் - தேர்தல் ஆணையம் அறிவிப்பு சென்னை: முன்னாள் முதல்வர் கலைஞர் கருணாநிதி மறைவை தொடர்ந்து திருவாரூர் தொகுதி காலியாக இருந்து வருகிறது. இந்நிலையில், திருவாரூர் தொகுதிக்கு ஜனவரி 28-ம் தேதி இடைத்தேர்தல் நடைபெறும் என தேர்தல் ஆணையம் இன்று அறிவித்துள்ளது. இடைத்தேர்தலுக்கான மனுதாக்கல் ஜனவரி 3ம் தேதியும், மனுதாக்கல் செய்ய இறுதி நாள் ஜனவரி 10ம் தேதி என்றும், ஜனவரி 11 முதல் வேட்பு மனுக்களை திரும்பப் பெறலாம் என்றும், வேட்பு மனுக்களை திரும்பப் பெற ஜனவரி 14ம் தேதி இறுதி நாள் என்றும் அறிவிக்கப்பட்டுள்ளது. இடைத்தேர்தலில் பதிவாகும் வாக்குகள் எண்ணிக்கை ஜனவரி 31ம் தேதி அன்று நடைபெறும்.

வங்கதேசம் .. ஷேக் ஹசீனா பிரமாண்ட வெற்றி! 300 தொகுதிகளில் 287 தொகுதிகளை அவரது கூட்டணி வென்றுள்ளது.

Prime Minister Sheikh Hasina has secured her third consecutive term with a landslide victory, Bangladesh's Election Commission said on Monday. Her ruling party and its allies have won 288 of the 300 parliamentary seats, surpassing its previous election wins.
tamil.indianexpress.com : வங்கதேச தேர்தல் மூன்றாவது முறையாக அரியணை ஏறுகிறார் ஷேக் ஹசினா... 300 தொகுதிகளில் 287 தொகுதிகளை ஷேக்
ஹசினாவின் கூட்டணி வென்றுள்ளது. Bangladesh elections;2018 : வங்கதேசத்தில் மூன்றாவது முறையாகவும் ஷேக் ஹசினாவின் அவாமி லீக் கட்சி வெற்றி பெற்றதாக இன்று காலை அந்த நாட்டின் தேர்தல் ஆணையம் அறிவித்துள்ளது. 300 தொகுதிகளை கொண்ட வங்கதேச பாராளுமன்றத்தில், 287 தொகுதிகளை ஷேக் ஹசினாவின் கட்சி வென்றுள்ளது குறிப்பிடத்தக்கது.

பங்களாதேஷ் நேசனிலிஸ்ட் பார்ட்டி எனப்படும் பிரதான எதிர்க்கட்சி, 2014ம் ஆண்டு தேர்தலை புறக்கணித்தது. ஆனால் இம்முறை அவர்களால் வெறும் 6 தொகுதிகளில் மட்டுமே வெற்றி பெற முடிந்தது குறிப்பிடத்தக்கது.

அதிமுக கூட்டணியில் ஜி கே வாசன் இணைய முடிவு?

தினமலர் :'தி.மு.க., கூட்டணியில், த.மா.கா.,வுக்கு
இடம் இல்லை' என்ற நிலை உருவாகியுள்ளதால், அக்கட்சி, அ.தி.மு.க., வுடன் கூட்டணி அமைக்க, தயாராகி உள்ளது. முன்னாள் முதல்வர் கலைஞர்  மறைவுக்கு பின், தி.மு.க., தலைவராக, ஸ்டாலின் பொறுப் பேற்றார். அவருக்கு, த.மா.கா., தலைவர், வாசன் வாழ்த்து தெரிவித்தார். அறிவாலயத் தில் நடந்த கலைஞர்  சிலை திறப்பு விழா விற்கு, அழைப்பின்படி, வாசன் பங்கேற்றார். இதனால், தி.மு.க.,வுடன், த.மா.கா., நட்பு கட்சியாக விளங்கி வந்தது.
சமீபத்தில், காங்கிரஸ் தலைவர்கள் சோனியா, ராகுல் ஆகியோர்,சென்னை வந்த பின், தி.மு.க., தலைமையின் போக்கில், மாற்றம் உருவாகி உள்ளது. த.மா.கா.,வுடனான உறவில் இருந்து, விலக துவங்கியுள்ளது.

குளித்தலையில் கடும் பனிப்பொழிவு!- நடுநடுங்கும் மக்கள்

vikatan.com- துரை.வேம்பையன் - RAJAMURUGAN N" : கரூர் மாவட்டம்,குளித்தலை பகுதியில் சில நாள்களாக காலை எட்டு மணி வரை கடும் பனி பெய்வதால்,ஊட்டி,கொடைக்கானல் போல் ஆகிவிட்டதாக மக்கள் சொல்கிறார்கள். வாகனங்களில் செல்பவர்களுக்கு இதனால் சிரமம் ஏற்பட்டுள்ளது. கரூர் மாவட்டத்தில் இருக்கிறது குளித்தலை நகராட்சி. காவிரியை ஒட்டி அமைந்துள்ள இந்த நகரம்,திருச்சி மாவட்ட எல்லையை ஒட்டி அமைந்துள்ளது. பொதுவாக,கரூர் மாவட்டம் வறட்சி மிகுந்த மாவட்டமாக கருதப்படுகிறது. கோடைக்காலங்களில் பாலைவனங்களில் அடிக்கும் வெயிலை போல் இங்கே கடும் வெப்பத்தை உமிழும். தமிழகத்தில் அதிகமாக வேலூரில்தான் வெயில் கொளுத்தும் என்று சொல்வார்கள். ஆனால்,கடந்த இரண்டு வருடங்களாக கரூர் மாவட்டம்,க.பரமத்தி,கடவூர் பகுதிகளில் அதிக வெயில் அடித்தது. 100 டிகிரி செல்சியஸ் வரை வெயில் வாட்டி வதைத்தது.

காராகோரம் ஹைவே .. பாகிஸ்தானையும் சீனாவையும் இணைக்கும் நெடுஞ்சாலை ..

Mahalaxmi :  பாகிஸ்தானிலிருந்து – சீனாவிற்கு செல்லும்,
1300 கிலோமீட்டர் தூர மலைப்பாதை “காரகோரம் ஹைவே”
( Karakoram Highway )… இந்த பெருஞ்சாலை பால்டிஸ்தானில்
உள்ள கில்கிட்டை (gilgit -ஆக்கிரமிப்பு காஷ்மீரிலுள்ள ஒரு பகுதி )பண்டைக்கால சில்க் ரோடுடன் இணைக்கிறது.
இதில் 806 கி.மீ. பாகிஸ்தான் எல்லைக்குள்ளும்,
மீதி தூரம் சீன எல்லைக்குள்ளும் அமைந்திருக்கிறது….
இந்தப்பாதையை அமைக்க 20 ஆண்டுகள் பிடித்திருக்கிறது.
பாகிஸ்தானுக்கும், சீனாவிற்கும் இடையே ஏற்பட்ட
உடன்பாட்டின்படி, இதன் பெரும்பாலான செலவு, சீனாவால்
ஏற்றுக் கொள்ளப்பட்டிருக்கிறது.
1959-ல் துவங்கிய பணி இருபது ஆண்டுகள் கழித்து
1979-ல் முடிவடைந்திருக்கிறது. அதன் பின்னர் பல சமயம்
பாதை பல இடங்களில் நிலச்சரிவுகளால் பாதிக்கப்பட்டு,
புதுப்பிக்கப்பட்டுக்கொண்டே இருக்கிறது.
இந்த பாதையை உருவாக்கும் பணியில் –
நிலச்சரிவுகளாலும், மலையிலிருந்து
சறுக்கி விழ நேர்ந்ததாலும், பணியில் இருக்கும்போதே –
810 பாகிஸ்தானியர்களும், 200 சீனர்களும் தங்கள்
உயிரை இழந்திருக்கிறார்கள்.

2018ல் நயன்தாராவை பின்னுக்கு தள்ளிய நடிகை கீர்த்தி சுரேஷ்

ssplco - ஸ்பெல்கோ: ‘இது என்ன மாயம்’
படத்தின் மூலம் தமிழ் சினிமாவில்
அறிமுகமானவர் நடிகை கீர்த்தி சுரேஷ். கீர்த்தி சுரேஷ் நடித்த முதல் படமே வெற்றிபெறவில்லை. இருந்தாலும் தளராமல் அடுத்தடுத்து படங்களில் நடித்தார்.
இந்நிலையில் இந்த 2018 ம் ஆண்டில் கீர்த்தி சுரேஷ், அதிகமாக 7 படங்களில் நடித்துள்ளார். கீர்த்தி சுரேஷ் “தானா சேர்ந்த கூட்டம், நடிகையர் திலகம், சர்கார், சாமி ஸ்கொயர், சண்டக்கோழி 2” ஆகிய படங்களில் கதாநாயகியாகவும் சீமராஜா படத்தில் கவுரவ வேடத்திலும் நடித்தார். இது தவிர ‘அக்னியாதவாசி’ என்ற தெலுங்கு படமும் அவர் நடிப்பில் வெளியானது.
இவரை அடுத்து நடிகை ஐஸ்வர்யா ராஜேஷ், “லட்சுமி, சாமி 2, வட சென்னை, செக்க சிவந்த வானம், கனா ஆகிய ஐந்து படங்களில் நடித்துள்ளார். அடுத்ததாக நடிகை வரலட்சுமியும் ஐந்து படங்களில் நடித்துள்ளார். அவர் “சந்திரமவுலி, சர்கார், சண்டக்கோழி 2, எச்சரிக்கை இது மனிதர்கள் நடமாடும் இடம், மாரி 2” ஆகிய படங்களில் வில்லி, குணச்சித்திர வேடங்களில் நடித்தார்.
இதனால் 2018 -ம் ஆண்டில் தமிழ் சினிமாவில் அதிக படங்களில் நடித்தவர்கள் என்ற பெருமையை 3 கதாநாயகிகள் பெற்றுள்ளனர். இவர்களுக்கு அடுத்து சமந்தா, சாயிஷா, ஜோதிகா ஆகியோர் தலா 3 படங்களிலும் மற்ற நடிகைகள் குறைந்தது 2 படங்களிலும் நடித்துள்ளனர்.

ஜிக்னேஷ் மேவானி, பா.ரஞ்சித் கலந்துகொள்ளும் வானம் கலைத்திருவிழா .. ‘நீலம்’ பண்பாட்டு மையம்.. மயிலாப்பூரில் நேற்று முதல்

க.ஸ்ரீபரத் THE HINDU TAMIL:
‘நீலம்’ பண்பாட்டு மையம் சார்பில் 3 நாட்கள் வானம் கலைத்திருவிழா சென்னை மயிலாப்பூரில் நேற்று தொடங்கியது. 1000 கலைஞர்களைக் கொண்டு நடத்தப்பட்ட பறையிசையை எழுத்தாளர் ஆதவன் தீட்சண்யா, குஜராத் எம்எல்ஏ ஜிக்னேஷ் மேவானி, திரைப்பட இயக்குநர் ரஞ்சித் ஆகியோர் பறையடித்து தொடங்கி வைத்தனர்.
திரைப்பட இயக்குநர் பா.இரஞ்சித்தின் ‘நீலம்’ பண்பாட்டு மையம், சமூக மாற்றத்துக்கான தேடலோடு கலைத்தளத்தில் இயங்கிக் கொண்டிருக்கிறது. இந்நிலையில், இந்த மையம் சார்பில் 3 நாட்கள் நடைபெறும் வானம் கலைத் திருவிழா சென்னை யில் நேற்று தொடங்கியது. இதில், எழுத்தாளர்கள் ஆதவன் தீட்சண்யா, ஸ்டாலின் ராஜாங்கம், ஓவியர் சந்துரு, குஜராத் எம்எல்ஏவும் தலித் இயக்க தலைவருமான ஜிக்னேஷ் மேவானி உட்பட பலர் பங்கேற்றனர்.

மோடியின் நிகழ்ச்சியில் கல் வீசி தாக்குதலில் போலீஸ்காரர் மரணம் : உ.பி ல் பதட்டம்

splco/ - ஸ்பெல்கோ : உத்தரப் பிரதேச மாநிலம், காஸிபூரில் பிரதமர் நரேந்திர மோடி கலந்து கொண்ட நிகழ்ச்சியில் ஏற்ப்பட்ட வன்முறையில் கல்வீசி நடத்தப்பட்ட தாக்குதலில் போலீஸ்காரர் ஒருவர் பலியானார். காஸிபூரில் சனிக்கிழமை நடைபெற்ற நிகழ்ச்சியில் பிரதமர் நரேந்திர மோடி கலந்து கொண்டு பேசினார். இந்த நிகழ்ச்சிக்கு ராஷ்ட்ரீய நிஷாத் கட்சியைச் சேர்ந்த தொண்டர்கள் வந்தனர். >அவர்கள் இடஒதுக்கீடு கோரி போராடி வருவதால் அவர்களை போலீஸார் அனுமதிக்கவில்லை. இதனால் ஆத்திரமடைந்த அக்கட்சியினர், காஸிபூரில் இருந்து பிரதமர் மோடி நிகழ்ச்சியின் போதே பல இடங்களில் தடுத்து நிறுத்தினர். மேலும், வாகனங்கள் மீதும் கற்களை வீசி தாக்குதல் நடத்தினர்.>இதுகுறித்த தகவலின்பேரில் போலீஸார் சம்பவ இடத்துக்கு விரைந்து வந்தனர். அப்போது போலீஸார் மீதும் கற்கள் வீசப்பட்டன. இதில் காவலர் சுரேஷ் வத்ஸ் என்பவர் பலத்த காயமடைந்து உயிரிழந்தார்.

இந்தியாவில் பிரிட்டிஷ் பெண்கள் மீதான பாலியல் .. உல்லாசப்பயணிகள் வருகை குறைந்தது

அர்விந்த் சாப்ராபிபிசி பஞ்சாபி BBC :
 சண்டிகரில் தகவல் தொழில்நுட்பப் பூங்கா அமைந்துள்ள பகுதியில் 50 வயதைக் கடந்த பிரிட்டன் நாட்டுப் பெண் ஒருவர், தான் தங்கியிருந்த ஆடம்பர விடுதியில் மசாஜ் செய்யச் சென்ற இடத்தில், இந்திய இளைஞர் ஒருவரால் பாலியல் தாக்குதல் செய்யபட்டதாக வழக்கு பதிவு செய்யப்பட்டுள்ளது.
இந்தச் சம்பவம் டிசம்பர் 20 அன்றே நடந்திருந்தாலும், பாதிக்கப்பட்ட பெண் காவல் புகார் அளித்தபின்னரே டிசம்பர் 28 அன்று வழக்கு பதிவு செய்யப்பட்டது.
கோவாவுக்கு சுற்றுலா வந்த 48 வயதாகும் பிரிட்டன் பெண் ஒருவரை இளைஞர் ஒருவர் பாலியல் வன்புணர்வு செய்து அவரிடம் கொள்ளையில் ஈடுபட்டதாக கைது செய்யப்பட்டு இன்னும் பத்து நாட்கள் கூட முடியாத நிலையில் இந்தச் சம்பவம் வெளிச்சத்துக்கு வந்துள்ளது.
சுமார் 25 வயதாகும் அந்தக் குற்றவாளி தலைமறைவாக இருப்பதாகவும், அவரைத் தேடி வருவதாகவும் காவல் துறை பெண் அதிகாரி ஹர்ஜீத் கௌர் பிபிசியிடம் தெரிவித்தார். தன் இணையருடன் இந்தியா வந்துள்ள அப்பெண் காவல் துறை விசாரணைக்கு முழு ஒத்துழைப்பு அளிப்பதாக உறுதியளித்துள்ளத்தாக காவல் துறையினர் தெரிவித்துள்ளனர்.

சென்னையில் 2,062 ரயில் பெட்டிகள் உற்பத்தி .. இந்த ஒரே ஆண்டில் மட்டும் ..

மின்னம்பலம் :சென்னை ஐசிஎஃப் தொழிற்சாலையில் இந்த ஆண்டில் 2,062 ரயில் பெட்டிகள் தயாரிக்கப்பட்டுள்ளதாக மத்திய ரயில்வே அமைச்சகம் தெரிவித்துள்ளது.
2018ஆம் ஆண்டு நிறைவுறும் நிலையில், இந்த ஆண்டுக்கான ரயில்வே துறையின் செயல்பாடுகள் குறித்த விவரங்களை மத்திய ரயில்வே அமைச்சகம் வெளியிட்டுள்ளது. ரயில்வே
துறையின் ஒட்டுமொத்த வளர்ச்சித் திட்டங்கள், இலக்குகள், செயல்பாடுகள், சாதனைகள் உள்ளிட்ட அனைத்து விவரங்களும் வெளியாகியுள்ளன. மேக் இன் இந்தியா திட்டத்தின் கீழ் உள்நாட்டிலேயே ரயில் பெட்டிகள் உற்பத்தி ஊக்குவிக்கப்பட்டு வரும் நிலையில், அதிவேக திறன் கொண்ட (160 கிமீ வேகம்) டிரெயின் 18 ரயில், சென்னை ஐசிஎஃப் தொழிற்சாலையில் தயாரிக்கப்பட்டு விரைவில் பயன்பாட்டுக்கு வரவுள்ளது. தண்டவாள இயந்திர உற்பத்தியை மேலும் ஊக்குவிக்க குஜராத் மாநிலத்தில் உற்பத்தி ஆலை ஒன்றும் அமைக்கப்பட்டு வருகிறது.

தி.மலையில் இளைஞர் படுகொலை– சென்னையில் நடந்த குழந்தை கொலைக்கு பழிக்குப்பழியா

nakkheeran.in rajapriyan: திருவண்ணாமலை நகரம், அய்யங்குளத்தெருவில் இந்தியன் வங்கி எதிரே கிப்ட் ஷாப் மற்றும் மொபைல் ரீசார்ஜ் கடை உள்ளது. இந்த கடையில் நேற்று டிசம்பர் 29ந்தேதி மாலை 5.30 மணியளவில் கடைக்குள் இருந்தவரை இரண்டு பேர்  அடித்துள்ளனர். அந்த இளைஞர் வெளியே ஓடிவர இரண்டு பேர் மடக்கி சரமாரியாக கழுத்திலேயே வெட்டிகொன்றுவிட்டு இரண்டு இருசக்கர வாகனத்தில் எஸ்கேப்பாகினர்.

இதனைப்பார்த்து அக்கம்பக்க கடைக்காரர்கள் உட்பட அனைவரும் கடையை பூட்டிவிட்டு பயத்தில் சென்றுவிட்டனர். இந்த தகவல் போலிஸாருக்கு தெரியவர திருவண்ணாமலை நகர டி.எஸ்.பி அண்ணாதுரை தலைமையிலான போலிஸ் படை சம்பவயிடத்துக்கு வந்து விசாரணை நடத்தியது. இறந்தவரின் உடலை கைப்பற்றி அரசு மருத்துவமனைக்கு உடற்கூறாய்வுக்கு அனுப்பிவைத்தது.

என் மகன் உயிரிழப்பில் சந்தேகம்".. எச்ஐவி பாதிப்பு ரத்தம் கொடுத்த இளைஞரின் தந்தை வாக்குமூலம் .

tamil.oneindia.com - lakshmi-priya : மதுரை: என் மகன் உயிரிழந்ததில் எனக்கு சந்தேகம் ஏற்பட்டுள்ளதாக எச்ஐவி பாதிப்பு ரத்தம் கொடுத்த இளைஞரின் தந்தை போலீஸில் புகார் கொடுத்துள்ளார்.
ராமநாதபுரம் மாவட்டம் கமுதியை சேர்ந்தவர் 19 வயது இளைஞர். இவர் கடந்த 2016-ஆம் ஆண்டு சிவகங்கை மாவட்டத்தில் உள்ள அரசு மருத்துவமனையில் உள்ள உறவினர் பெண்ணை பார்க்க வந்தபோது அங்கு ரத்தத்தை தானமாக கொடுத்தார்.
இதையடுத்து அவர் கடந்த சில மாதங்களுக்கு முன் வெளிநாடு செல்வதற்காக தனது ரத்தத்தை நடைமுறைக்காக பரிசோதனை செய்தார். அப்போது அவரது ரத்தத்தில் எச்ஐவி கிருமி இருப்பது தெரியவந்தது.

எச் ஐ வி இரத்தம் கொடுத்த இளைஞர் மரணத்தில் சந்தேகம் .. விசாராணை

vikatan.com :இரா.கோசிமின் ஆர்.எம்.முத்துராஜ்:
 சாத்தூர் அரசு மருத்துவமனையில் கர்ப்பிணிப் பெண்ணுக்கு ஹெச்.ஐ.வி. ரத்தம் ஏற்றப்பட்ட விவகாரம் தொடர்பாக 5 பேர் கொண்ட குழுவினர் சிவகாசி அரசு மருத்துவமனை ஊழியர்களிடம் 6 மணி நேரம் விசாரணை நடத்தினர்.

விருதுநகர் மாவட்டம் சாத்தூரைச் சேர்ந்த 8 மாத கர்ப்பிணிப் பெண்ணுக்கு டிசம்பர் 3-ம் தேதி ஹெச்.ஐ.வி பாதித்தவரின் ரத்தம் ஏற்றப்பட்டது. இதனால் அந்தப் பெண்ணுக்கும் ஹெச்.ஐ.வி தொற்று ஏற்பட்டது. இந்தச் சம்பவம் தமிழ்நாடு முழுவதும் பெரும் அதிர்ச்சியை ஏற்படுத்தியுள்ளது.
சாத்தூர் நகர் காவல் நிலையத்தில் சிவகாசி அரசு மருத்துவமனை ரத்த வங்கி ஊழியர்கள், சாத்தூர் அரசு மருத்துவமனை மருத்துவர்கள், செவிலியர்கள் ஆகியோர் மீது 269, 338 ஆகிய பிரிவுகளில் வழக்கு பதிவு செய்யப்பட்டுள்ளது.

இந்தச் சம்பவம் தொடர்பாக விசாரணை நடத்துவதற்காக மருத்துவம் மற்றும் ஊரக நலப்பணிகள் கூடுதல் இயக்குநர் எஸ்.மாதவி தலைமையில் 5 பேர் கொண்ட குழுவை, தமிழக சுகாதாரத்துறை செயலர் ராதாகிருஷ்ணன் நியமித்துள்ளார். இந்தக் குழுவில் மருத்துவம் மற்றும் ஊரக நலப்பணிகள் கூடுதல் இயக்குநர் எஸ்.மாதவி, சென்னை மருத்துவக் கல்லூரி பேராசிரியர்கள் ரகுநந்தன், யூப்ரிசாலதா, சுதந்திரன் அம்சவர்த்தினி திருநெல்வேலி மருத்துவக் கல்லூரி பேராசிரியர் மணிமாலா ஆகியோர் இடம் பெற்றுள்ளனர்.

மிருனாள் சென் காலமானார் .. உலக புகழ் பெற்ற திரைப்பட இயக்குனர் .. கொல்கொத்தா .

மாலைமலர் : தாதா சாகேப் பால்கே உள்பட பல்வேறு சிறப்பு விருதுகளை பெற்ற பிரபல வங்காளம் மொழி திரைப்பட இயக்குநர் மிருணாள் சென்(95) கொல்கத்தாவில் இன்று காலமானார்.
கொல்கத்தா: இந்திய திரையுலகின் தவிர்க்க முடியாத மிகப்பெரிய ஆளுமையாக திகழ்ந்தவர் மிருணாள் சென். வங்காளம் மொழி திரைப்பட இயக்குநரான இவர் இந்திய திரைப்படங்களை உலகத் தரத்துக்கு உயர்த்திய திரைப்பட இயக்குநர்களில் முக்கியமானவர்.
இந்தி, தெலுங்கு, ஒடிசா, வங்காளம் ஆகிய 4 மொழிகளில் சுமார் 30 திரைப்படங்கள், 14 குறும்படங்கள் மற்றும் 4 ஆவணப்படங்களை மிருணாள் சென் இயக்கியுள்ளார். இவரைப் பற்றியும் திரைப்படங்கள் வெளிவந்துள்ளன. இவரது படைப்புகள் பிற மொழிகளில் ‘டப்’ செய்யப்பட்டும் வெளியாகின.

இளம்வயதில் திரைப்படங்கள் குறித்து பல புத்தகங்களைப் படித்ததால் மிருணாள் சென்னுக்கு திரைப்படங்கள் மீது ஆர்வம் ஏற்பட்டது. இந்த ஆர்வத்தால் திரைப்பட விமர்சனங்கள் எழுதிவந்தார். கொல்கத்தா ஸ்டுடியோவில் ஆடியோ தொழில்நுட்ப பணியாளராக பணியாற்றினார். 1950 முதல் முழுநேர திரைப்படப் பணிகளில் இறங்கினார்.

பாலியல் தொல்லை - பிறப்புறுப்பு துண்டிக்கப்பட்ட வாலிபர் உயிரிழப்பு

மாலைமலர் : மகாராஷ்டிரா மாநிலத்தில் 42 வயது குடும்பப் பெண்ணை பின்தொடர்ந்து பாலியல் தொல்லை அளித்ததால் பிறப்புறுப்பு துண்டிக்கப்பட்ட 27 வயது வாலிபர் சிகிச்சை பலனின்றி உயிரிழந்தார். #privateparts #partschopped #stalkingwoman
மும்பை: மகாராஷ்டிரா மாநிலம், தானே மாவட்டம், கிழக்கு டோம்பிவில்லி அருகேயுள்ள யஷ்வந்த் நகர் பகுதியை சேர்ந்தவர் துஷார் புஜாரே(27). வீட்டுக் கடன் வாங்கித்தரும் ஆலோசகராக பணியாற்றிவந்த துஷாருக்கு அப்பகுதியை சேர்ந்த 42 வயது மதிக்கத்தக்க பெண்ணுடன் பழக்கம் ஏற்பட்டது. திருமணமாகி 21 வயது மகள் மற்றும் 15 வயதில் ஒரு மகன் என இரு பிள்ளைகளுக்கு தாயான அந்தப் பெண்ணின் மீது மோகம் கொண்ட துஷார், தன்னை திருமணம் செய்து கொள்ளுமாறு அவரை தொல்லைப்படுத்த ஆரம்பித்தார். ஒருகட்டத்தில் அந்த பெண்ணின் கணவரிடமே தனது ஆசையை வெளிப்படுத்தினார். இதனால் துஷாருக்கும் தனது மனைவிக்கும் கள்ளத்தொடர்பு இருக்கலாம் என்று அவர் சந்தேகிக்க ஆரம்பித்தார். இதைதொடர்ந்து, அவர்களின் குடும்பத்தில் சண்டையும் சச்சரவும் ஏற்பட்டது.

எகிப்து பிரமிட் வளாக வெடிகுண்டு தாக்குதல் : பதில் தாக்குதலில் 40 தீவிரவாதிகள் உயிரிழப்பு

BBC :எகிப்தில் டஜன்கணக்கான தீவிரவாதிகள் அவர்களின் பதுங்கிடங்களில் நடத்தப்பட்ட பாதுகாப்பு சோதனைகளில் போலீசாரால் கொல்லப்பட்டதாக அந்நாட்டின் உள்துறை அமைச்சகம் தெரிவித்துள்ளது. சனிக்கிழமை காலையில் கிஸா மற்றும் வடக்கு சினாய் பகுதிகளில் நடத்தப்பட்ட பாதுகாப்பு சோதனைகளில் 40 பயங்கரவாதிகள் கொல்லப்பட்டதாக உள்துறை அமைச்சகம் வெளியிட்ட அறிக்கையொன்று தெரிவித்துள்ளது.
கொல்லப்பட்ட பயங்கரவாதிகள் சுற்றுலா தலங்கள், தேவாலயங்கள் மற்றும் ராணுவ அலுவலகங்கள், அதிகாரிகள் மீது தாக்குதல் நடத்த திட்டமிட்டதாக கூறப்படுகிறது.
வெள்ளிக்கிழமையன்று கிஸா பிரமிட் வளாக பகுதியில் ஒரு சுற்றுலா பேருந்து மீது நடத்தப்பட்ட வெடிகுண்டு தாக்குதலை தொடர்ந்து மேற்கூறிய பாதுகாப்பு சோதனைகள் நடத்தப்பட்டன.

கர்ப்பிணிக்கு எச்ஐவி ரத்தம் ஏற்றிய விவகாரம்: ரத்த தானம் வழங்கி தற்கொலைக்கு முயன்ற இளைஞர் உயிரிழப்பு

tamilthehindu : சாத்தூரைச் சேர்ந்த கர்ப்பிணி பெண்ணுக்கு எச்ஐவி ரத்தம் ஏற்றப்பட்ட விவகாரத்தில், ரத்தம் அளித்த இளைஞர் தற்கொலை முயன்று மருத்துவமனையில் சிகிச்சை பெற்றுவந்தநிலையில் அவர் இன்று பரிதாபமாக உயிரிழந்தார்.
சாத்தூர் அரசு மருத்துவமனைக்குக் கடந்த மாதம் பரிசோதனைக்காகச் சென்ற அதே பகுதியைச் சேர்ந்த 8 மாத கர்ப்பிணிப் பெண்ணை சோதித்த அரசு மருத்துவர்கள் அவருக்கு ரத்தக் குறைபாடு உள்ளதாக கண்டறிந்தனர்.< அவருக்கு ரத்தம் ஏற்றுவதற்காக சிவகாசி அரசு மருத்துவமனை ரத்த வங்கியில் இருந்து ரத்தத்தைப் பெற்று அவருக்கு ரத்தம் செலுத்தப்பட்டது.
சில நாட்கள் கழித்து அவர் உடல் நலம் பாதிக்கப்பட்டது. உடல் நிலையில் திடீரென பாதிப்பு ஏற்பட்டதால் அந்த கர்ப்பிணிப் பெண் மீண்டும் மருத்துவமனைக்குச் சென்றார். அப்போது அவரைப் பரிசோதித்தபோது அந்தப் பெண்ணுக்கு எச்.ஐ.வி தொற்று ஏற்பட்டுள்ளதைக் கண்டறிந்தனர்.

சுமந்திரன் : ஜனநாயக அரசியலை முன்னெடுப்பதற்கு புலிகள் தடையாக இருந்தனர் ; சுமந்திரன்

சம்பந்தர் எதிர்கட்சி தலைவர் - சுமந்திரன் எம்பி

T Yuwaraj veerakesari : தமிழ் தேசிய கூட்டமைப்பின் உருவாக்கத்திற்கு முன்னர்
தமிழ் அரசியல் கட்சிகள் ஜனநாயக அரசியலை முன்னெடுப்பதற்கு விடுதலைப்புலிகள் தடையாக இருந்தனர்.  என தமிழ் தேசிய கூட்டமைப்பின் பாராளுமன்ற உறுப்பினர் எம். ஏ. சுமந்திரன் தெரிவித்துள்ளார்.

யாழிலுள்ள அவரது இல்லத்தில் இன்றைய தினம் சனிக்கிழமை நடைபெற்ற ஊடகவியலாளர் சந்திப்பின் போது, அண்மையில் கொழும்பில் நடைபெற்ற நிகழ்வொன்றில் முன்னாள் வடமாகாண சபை உறுப்பினர் கே. சயந்தன் தமிழ் தேசிய கூட்டமைப்பு விடுதலை புலிகளுடனான டீலில் உருவானது என கருத்து தெரிவித்தமை தொடர்பில் கேட்ட போதே அவ்வாறு பதிலளித்தார்.
அது தொடர்பில் மேலும் தெரிவிக்கையில்,
தமிழ் தேசிய கூட்டமைப்பு உருவான போது நான் தமிழ் தேசிய கூட்டமைப்பில் இருக்கவில்லை. அதனால் எந்தவிதமான டீல் நடந்தது என்றோ , அல்லது டீல் நடந்ததா ? என்பது பற்றி எனக்கு  தனிப்பட்ட அறிவு கிடையாது, ஆனாலும் பொதுவாக எல்லோருக்கும் தெரிந்த உண்மை இருக்கின்றது.
அது என்னவெனில் தமிழ் தேசிய கூட்டமைப்பின் உருவாக்கத்திற்கு முன்னர் தமிழ் அரசியல் கட்சிகள் ஜனநாயக அரசியலை முன்னெடுப்பதற்கு விடுதலைப்புலிகள் தடை விதித்திருந்தனர்.

பெரியார் கொள்கையை அமுல்படுத்திய காமராஜ் அண்ணா கலைஞர் படங்களை தவிர்த்து பிரபாகரன் படமா?

LR Jagadheesan : நீங்கள் ஏன் தேவையில்லாமல் திடீரென பிரபாகரனை
எதிர்க்கிறீர்கள்? விமர்சிக்கிறீர்கள்?
நானாக எங்கே பிரபாகரனை விமர்சித்தேன்? முதல்முறையாக பல்வேறு பெரியாரிய அமைப்புகள், ஒரே மேடையில் தோன்றி இந்துத்துவ மதவாத அரசியலை எதிர்த்து முழங்குகின்றன. பல்லாயிரம் பேர் திரண்ட பிரம்மாண்ட முன்னெடுப்பு. தமிழ்நாட்டின் அத்தனை பெரியாரிய இயக்கங்கள், ட்டில் நடக்கும் அந்த நிகழ்வில் தமிழக/இந்திய அரசியல் தான் பிரதான இலக்கு பேசுபொருள். உலகிலேயே அதிகபட்சமாக தமிழ்நாட்டில் தான் ஏழுகோடிக்கும் அதிகமான தமிழர்கள் வாழ்கிறார்கள். அதுவும் பல்லாயிரம் ஆண்டுகளாக ஒரே நிலப்பரப்பில். இந்த தமிழ்நாட்டுத் தமிழர்களுக்காகத்தான் பெரியார் தன் ஒட்டுமொத்த வாழ்வை ஒப்புக்கொடுத்தார். அவரது அரசியலை கொள்கைகளை சுதந்திர இந்தியாவில் ஆட்சியில் இருந்து நிறைவேற்றியவர்கள் மூன்று முதல்வர்கள். காமராஜர், அண்ணா மற்றும் கலைஞர். அந்த மூவரின் படங்களை தம் மேடையில் வைக்க மறுத்த இந்த விழாவின் ஏற்பாட்டாளர்கள் பிரபாகரனுக்கு எதற்காக கட் அவுட் வைத்தார்கள்? என்பதே என்னுடைய எளிய கேள்வி.
ஆளுமைகள், பெருந்தலைகள் கூடி அடுத்த
தலைமுறை இளைஞர்களுக்கு பெரியாரை, அவரது அரசியலை கடத்தும் ஆனப்பெரிய முயற்சி. கண்டிப்பாக பாராட்டுக்குரியது தான். ஆனால் தமிழ்நா

பெண்கள் 500- 10,000 ரூபாய் வரையிலும் விற்கப்படுகிறார்கள்.. அகமதாபாத், பாகிஸ்தான், ராஜஸ்தான், மும்பை போன்ற

tamil.boldsky.com - balaji-viswanath.: இந்தியாவில் பாலியல் தொழிலில் ஈடுபடுவது சட்டவிரோதமான செயல். ஆனால், இது சில பகுதி மற்றும் சமுதாயத்தினருக்கு மட்டும் தானா? என்ற கேள்வி பலரது மனதில் நிலவிக் கொண்டிருக்கலாம். நமது நாட்டில் சில குறிப்பிட்ட சமுதாயத்தினர் பாலியல் தொழிலில் தான் ஈடுபட வேண்டும், அது தான் அவர்கள் செய்ய வேண்டிய தொழில் என எழுதப்படாத சட்டமாக இருந்து வருகிறது.
தேவதாசிகளை பற்றிய மறைக்கப்பட்ட வரலாற்று உண்மைகள்!
உலகின் பழமையான தொழில்களில் ஒன்றாக திகழ்கிறது பாலியல். இந்தியாவில் சில முக்கிய நகரங்களின் பாக்கெட் அளவிலான அடக்கமான பகுதிகளில் ரெட் லைட் ஏரியா என்ற பெயரில் வெளிப்படையாக செயல்பட்டு வருகிறது. எந்த பெண்ணும் இந்த தொழிலுக்கு விரும்பி வருவதில்லை, வேறு வழி இல்லாமலும், சிலரின் கொடுமையாலும் தான் இந்நிலைக்கு தள்ளப்படுகின்றனர்.

சிந்தனை மொழியில் இருந்து விலகி வேற்று மொழியில் கற்பது அறிவை வளர்க்காது

Kanimozhi MV : முழுதும் ஆங்கில வழி கல்வியில் மட்டுமே படித்தேன் ; அதன்
குறைகளை நன்கு அறிவேன்; ஆழ்ந்த அறிவு ஆங்கில வழி படிப்பவர்களை விட தமிழ் வழி படித்தவர்களிடம் இருப்பதை அனுபவ பூர்வமாக உணர்ந்திருக்கின்றேன்;
அரசு பள்ளிகள் தமிழிலும் ஆங்கிலத்திலும் செயல்படுவதில் என்ன சிக்கல் என்று தெரியவில்லை;
முழுவதும் தமிழை எடுத்துவிட்டால் என்ன நன்மை என்று எனக்கு புரியவில்லை! தமிழ்வழி படித்தவர்கள் கிரின்கார்ட்டு வாங்கி இங்கு நல்ல பணியில் இருக்கின்றனர்; தமிழ் ஒரு மொழியாக வேண்டுமானால் இருக்கட்டும் என்று சொல்வது வேதனை;
உங்களுக்கு ஆராய்ச்சியாளர்கள் விஞ்ஞானிகள் தானே வேண்டும் ; அதற்கு அருமையான யோசனை
வீட்டிலும் ஆங்கிலம் பேச தொடங்கி விடுங்கள் , நிறைய மாற்றங்கள் வந்துவிடும் ;
எதற்கு தமிழை ஒரு மொழியாக வேண்டுமானால் வைத்துக்கொண்டு? அதை வீடுகளில் இருந்தும் ஒழித்துவிட்டால் சிந்தனை பேச்சு எழுத்து ஒரே மொழியில் அமையும் போது நன்மைகள் அதிகம் ;
உண்மையும் இது தான் !
தமிழை யாராவது வெளிநாட்டு அறிஞர் அருங்காட்சியிலாவது
காப்பாற்றிக் கொடுப்பார்கள்!
என் குழந்தைகள் வெளிநாட்டில் பிறக்கவில்லை என்றால் அரசு தமிழ் வழிக்கல்வியில் தான் சேர்த்திருப்பேன்;

நடிகை ராதிகா மக்கள் விரோத விளம்பரம் .... கீழ்வேளூர் காவல்நிலையத்தில் பொதுமக்கள் புகார்

செல்வகுமார் நக்கீரன் : கஜா புயல் பாதித்த பகுதிகளில் பொதுமக்கள் கடன் நிறுவனங்கள் மற்றும் வங்கி கடன்களை கட்ட முடியாமல் தவித்து வருகின்றனர்.
இந்நிலையில் தனியார் கடன் நிறுவன விளம்பரத்தில் நடித்துள்ள நடிகை ராதிகா, அனைவரும் வாங்கிய கடன்களை உடனே கட்ட வேண்டும், அரசு எந்த கடன்களையும் தள்ளுபடி செய்யவில்லை என்று பேசியிருப்பதை கண்டித்து  கீழ்வேளூர் காவல்நிலையம் முன்பு 100க்கும் மேற்பட்ட பொதுமக்கள் போராட்டம் நடத்தினர். அதோடு கீழ்வேளூர் காவல் நிலையத்தில் நடிகை ராதிகா மீது பொதுமக்கள் புகார் கொடுத்துள்ளனர்.

ரங்கராஜ் பாண்டேயின் தேசநலன்.. நடுநிலை.. தேசபக்தி.. எல்லாம் ஆரிய பார்ப்பன நலம் ...

ஆலஞ்சியார் : சின்னதம்பி பாட ஆரம்பிச்சுட்டான்.. 
பாண்டே "அண்ணன்"
மோடியை பற்றி புகழ்ந்து தள்ளியிருக்கிறார் .. இதில் வியக்க ஒன்றுமில்லை பார்பனர்கள் பாஜகவின் முகமாய்தான் எப்போதுமிருப்பார்கள் .. தேசநலன் நடுநிலை தேசபக்தி என்பதெல்லாம் அவர்களை பொறுத்தவரை ஆரியர்நலன் பச்சையாக சொல்ல வேண்டுமெனில் பார்பனர்நலன் .. அவ்வளவுதான் ..
இத்தனை ஆண்டுகள் காத்திருந்து நேரடியாக அதிகாரத்தில் தலையிடும் அல்லது நடத்துகிற வாய்ப்பை பெற்றிருக்கிறார்கள் ..அதை இழக்க அவர்களென்ன மடையர்களா என்ன..?
பொய்யை ஆயுதமாக கொண்டு செயல்படுவதும் அதை பெரியளவில் விளம்பரம் மார்கெட்டிங் செய்வதும் ...இல்லாத ஒன்றை இருப்பது போல் காட்டுவதும் நாம் பார்க்காததா.. ..
2ஜி என்ற ஒன்றை அது சட்டத்தின் முன் நிற்காதென அறிந்தும் ஒரு மாய எண்ணை மக்களிடம் சொல்லி தொடர்ந்து வலைப்பின்னி ..மார்கெட்டிங் செய்து ஆட்சிக்கு வந்தனர் .. இதோ குஜராத் போல இந்தியாவை மாற்றுவிடுவார் "அண்ணன் மோடி" என ஓயாமல் சொல்லி கடைசியில் குஜராத் பழைய வண்ணாரபேட்டை லெவலுக்கு இருப்பதை கண்டு நாம் அதிர்ச்சியடைந்ததுதான் மிச்சம் ..

கும்பகோணத்தில் கைத்தறி கண்காட்சி .. முழு விடியோ ..

மின்னம்பலம் : தஞ்சாவூர் மாவட்டம் கும்பகோணத்தில் மாநில அளவிலான கைத்தறி கண்காட்சி மற்றும் விற்பனை நேற்று (டிசம்பர் 28) தொடங்கியுள்ளது.
தமிழ்நாடு கைத்தறி மற்றும் துணி நூல் துறையுடன் இணைந்து ஒன்றிய கைத்தறி ஜவுளி அமைச்சகம் இந்தக் கைத்தறி கண்காட்சி மற்றும் விற்பனையை ஒருங்கிணைத்துள்ளது. ஈரோடு, திருவண்ணாமலை, காஞ்சிபுரம், நாமக்கல், சேலம் மற்றும் மதுரை உள்ளிட்ட பல மாவட்டங்களில் உள்ள 60க்கும் மேற்பட்ட கூட்டுறவுச் சங்கங்களிருந்து இக்கண்காட்சிக்குக் கைத்தறி ஆடைகள் கொண்டு வரப்பட்டுள்ளன. இந்தக் கண்காட்சி மற்றும் விற்பனையை கைத்தறிப் பிரிவின் மாநிலச் செயலாளர் கே.ஜே.லெனின் குத்துவிளக்கு ஏற்றித் தொடங்கி வைத்தார்.

மோடிக்கு கறுப்புக் கொடி காட்ட மாட்டேன்: சீமான்

மின்னம்பலம் : கஜா புயலால் பாதிக்கப்பட்ட
டெல்டா மக்களுக்கு, புயலடித்து ஒன்றரை மாதங்கள் ஆகியும் இன்னமும் மறுவாழ்வுக்கு உரிய உதவிகள் மத்திய, மாநில அரசுகளால் செய்யப்படவில்லை என்பதைக் கண்டித்து நாகப்பட்டினத்தில் இன்று ஆர்பாட்டம் நடந்தது.
தமிழ் தேசிய பேரியக்கத்தின் தலைவர் பெ.மணியரசன், தலைமையில் நடந்த இந்த ஆர்ப்பாட்டத்தில் நாம் தமிழர் கட்சித் தலைவர் சீமான், நடிகர் மன்சூர் அலிகான் மற்றும் விவசாய சங்கப் பிரமுகர்கள் கலந்துகொண்டனர். இன்று டிசம்பர் 29 காலை 10 மணி முதல் மாலை 6 மணி வரை தொடர் முழக்கப் போராட்டமாக இது அமைந்தது.
நாகை புதிய பேருந்து நிலையத்தை ஒட்டி அமைந்திருக்கும் அவுரித் திடலில் நடந்த இந்த ஆர்பாட்டம் நாகப்பட்டினம் வாசிகளையும் பேருந்து நிலையத்துக்கு வந்து செல்லும் ஆயிரக்கணக்கான டெல்டா வாசிகளையும் ஈர்த்து உட்கார வைத்தது. காரணம் அவர்களின் வலி.
இந்த ஆர்பாட்டத்தின் இடையே செய்தியாளர்களிடம் பேசிய பெ.மணியரசன், “மாநில அரசு சொன்ன 27 பொருட்கள் அடங்கிய நிவாரணப் பொருட்கள் அடங்கிய பெட்டி வரவில்லை என்று இன்று வரை மக்கள் சாலை மறியல் செய்யும் அவலத்தில் இருக்கிறார்கள். அந்த பெட்டிகள் வந்த பகுதிகளில் கூட அதில் பொருட்கள் குறைகின்றன என்கிறார்கள்.

கச்சத்தீவு அருகே 3 ஆயிரம் தமிழக மீனவர்களை இலங்கை கடற்படை விரட்டி...

கச்சத்தீவு  அருகே 3 ஆயிரம் தமிழக மீனவர்களை இலங்கை கடற்படையினர் விரட்டியடித்ததுடன் 15 படகுகளில் இருந்த மீன்பிடி வலைகளையும் நாசப்படுத்தினர்.
 கொழும்பு: தமிழ்நாட்டை சேர்ந்த சுமார் 3 ஆயிரம் மீனவர்கள் கச்சத்தீவின்
அருகேயுள்ள இந்திய கடல் எல்லையில் 514 படகுகளில் இருந்தவாறு இன்று காலை மீன் பிடித்து கொண்டிருந்தனர்.
அப்போது, இலங்கை கடற்படையை சேர்ந்த 15 ரோந்துப் படகுகள் அப்பகுதிக்கு விரைந்து வந்தன. அப்படகுகளில் இருந்த கடற்படையினர் அங்கு மீன் பிடித்து கொண்டிருந்த தமிழக மீனவர்களை மிரட்டி, விரட்டியடித்தனர்.
மேலும் 15 படகுகளில் இருந்த மீன்பிடி வலைகளையும் நாசப்படுத்தியதாக ராமேஸ்வரத்தில் இன்று செய்தியாளர்களுக்கு பேட்டியளித்த தமிழக மீன்வளத்துறை துணை இயக்குநர் காத்தவராயன் தெரிவித்தார்.மாலைமலர்

சென்னை தனியார் மருத்துவமனை பாத்ரூமில் ரகசிய கேமரா!! உறைந்துபோன பெண்கள்

வெப்துனியா :சென்னையில் தனியார் மருத்துவமனையில் பெண்கள் பாத்ரூமில் ரகசிய கேமரா வைக்கப்பட்டிருந்த சம்பவம் அதிர்ச்சியை ஏற்படுத்தியுள்ளது. சென்னையில் சமீபத்தில் பெண்கள் விடுதியில் ரகசிய கேமரா வைக்கப்பட்டிருந்தது கண்டுபிடிக்கப்பட்டு விடுதியின் உரிமையாளர் கைது செய்யப்பட்டார்.
இது தமிழகம் மட்டுமில்லாது நாடெங்கும் கடும் அதிர்வலைகளை ஏற்படுத்தியது. இந்நிலையில் சென்னை சைதாப்பேட்டையில் உள்ள பிரபல தனியார் மருத்துவமனையில் பெண்கள் துணி மாற்று அறைக்கு சென்ற பெண் ஒருவர் அங்கு ரகசிய கேமரா வைக்கப்பட்டிருந்ததைக் கண்டுபிடித்தார்.
இந்த நாச வேலையில் ஈடுபட்டது, அதே மருத்துவமனையில் வேலை பார்த்து வந்த 2 துப்புரவு தொழிலாளர்கள் என தெரியவந்தது. இதையடுத்து போலீஸாரிடம் அளிக்கப்பட்ட புகாரின் பேரில் போலீஸார் அந்த 2 அயோக்கியன்களை கைது செய்தனர். அவன்களிடம் தொடர்ச்சியாக விசாரணை நடத்தப்பட்டு வருகிறது. இந்த சம்பவம் சென்னைவாசிகளை கடும் அதிர்ச்சியில் ஆழ்த்தியுள்ளது.<

விஷம் குடித்துவிட்டேன்; புதுமனைவியோடு நீ சந்தோஷமாய் வாழு!'- தாயின் பேச்சால் உயிரைவிட்ட மகன், காதல் மனைவி

.vikatan.com -  சி.ய.ஆனந்தகுமார் - தே.தீட்ஷித் :
காதல் திருமணத்துக்கு எதிர்ப்பு வலுத்ததால், தற்கொலை செய்துகொண்ட காதல் கணவனின் மறைவைத் தாங்க முடியாமல், மனைவியும் உயிரை மாய்த்துக்கொண்ட செய்துகொண்ட சம்பவம் திருச்சி, புதுக்கோட்டையில் பெரும் அதிர்ச்சியை உண்டாக்கியுள்ளது.

புதுக்கோட்டை மாவட்டம், மாத்தூர் அடுத்துள்ளது வெண்ண முத்துப்பட்டி கிராமத்தைச் சேர்ந்தவர் பழனியப்பன் மகன் பார்த்திபன். 24 வயதுடைய இவர், திருச்சி மாவட்டம், துவாக்குடியில் உள்ள தனியார் நிறுவனம் ஒன்றில் கிரேன் ஆப்பரேட்டராக வேலை பார்த்து வந்தார். இந்த நிலையில் பார்த்திபன், அதேபகுதியைச் சேர்ந்த சங்கிலிமுத்து என்பவரின் மகள் அனுப்பிரியாவை கடந்த 2 வருடங்களாகக் காதலித்து வந்ததாகக் கூறப்படுகிறது.

கியாஸ் சிலிண்டர் வெடித்ததில் மனைவி-மகளுடன் தி.மு.க. பிரமுகர் உயிரிழப்பு

தேசிய விருது பெற்ற தி.மு.க. பிரமுகர்
மாலைமலர் : கொடைக்கானல் அருகே கியாஸ் சிலிண்டர் வெடித்ததில் மனைவி-மகளுடன் தி.மு.க. ஊராட்சி மன்ற முன்னாள் தலைவர் உடல் கருகி பரிதாபமாக உயிரிழந்தார்.
 திண்டுக்கல் மாவட்டம் கொடைக்கானல் கீழ்மலை பகுதியில் உள்ள மங்களம்கொம்பு கிராமத்தில் வீட்டில் கியாஸ் சிலிண்டர் வெடித்து, ஒரே குடும்பத்தை சேர்ந்த 3 பேர் உயிரிழந்தனர். திண்டுக்கல் மாவட்டம் தாண்டிக்குடி அருகே, கொடைக்கானல் கீழ்மலை பகுதியில்  மங்களம்கொம்பு கிராமத்தைச் சேர்ந்தவர் கணேசன் வயது 50. தி.மு.க. பிரமுகரான இவர்  ஊராட்சி மன்ற  முன்னாள் தலைவர் ஆவார்.  இவரது வீட்டில் அதிகாலையில் கேஸ் சிலிண்டர் வெடித்த விபத்தில், அவரும் அவரது மனைவி மஞ்சுளா ( 45)  மகள் விஷ்ணுப்ரியா(10)  ஆகிய 3 பேரும் உயிரிழந்தனர்.

இடைநிலை ஆசிரியர்களின் போராட்டத்திற்கு தோள் கொடுப்போம் !

இடைநிலை ஆசிரியர்களின்  போராட்டம் வாழ்வாதாரப் போராட்டம் மட்டுமல்ல, அரசுப்பள்ளிகளின் வாழ்வுக்குமான போராட்டம்!
இடைநிலை ஆசிரியர்களின் போராட்டத்திற்கு தோள்கொடுப்போம் ! வினவு :இடைநிலை ஆசிரியர்களின் உண்ணாநிலை போராட்டம் கடந்த 5 நாட்களாக நடந்து கொண்டிருக்கிறது. இது அனைவரும் அறிந்ததே. ஆனால் பலர், 40,000/- ரூபாய் அல்லது 50,000 சம்பாதிக்கிற ஆசிரியர்கள் ஏன் போராடணும்? கொழுப்பெடுத்து உண்ணா விரதம் இருக்காங்க-என்று நினைக்கிறார்கள். அதனாலேயே இந்த போராட்டத்தையும் அவர்கள் கண்டு கொள்வதில்லை.>உண்மை நிலை என்ன ? 2009-க்கு முன் பணியில் சேர்ந்த ஆசிரியர்களுக்கு மட்டுமே இந்த அளவிற்கு சம்பளம் வழங்கப்படுகிறது. அதற்குப்பின் சேர்ந்த ஆசிரியர்கள் அடிப்படை ஊதியமாக வெறும் ரூபாய் 5,200 மட்டுமே பெறுகின்றனர். 10 ஆண்டுகளாக வேலை செய்யும் ஆசிரியர்களே இப்போதுதான் 23,000 ரூபாய் சம்பளம் பெறுகின்றனர். அதற்கும் குறைவான வருடங்கள் வேலை பார்க்கும் ஆசிரியர்கள், இதைவிடக் குறைவாகவே ஊதியம் பெறுகின்றனர். இவர்களின் ஊதியம் மத்திய அரசு துப்புரவு தொழிலாளிகளின் ஊதியத்துக்கு இணையானது மட்டுமே.
ஏன் இந்த நிலை ? ஒரே வேலை செய்யும் இடைநிலை ஆசிரியர்கள் அனைவருக்கும் ஒரே சம்பளம் தராமல், 2009-க்கு முன், 2009-க்குப் பின் என பிரிப்பதற்கு என்ன காரணம்? 2009-இல் இடைநிலை ஆசிரியர்களுக்கான தகுதியை 10-ஆம் வகுப்பு என கெசட்டில் வெளியிட்டு அவர்களுக்கு அடிப்படை சம்பளம் 8,370-லிருந்து, 5,200 ஆக குறைக்கப்பட்டதுதான் பிரச்சினைக்கு காரணம்.

சமத்துவ நெறி நோக்கி சமூகநீதிப் பயணம்

மின்னம்பலம் : சமத்துவ நெறி நோக்கி சமூகநீதிப் பயணம் - 2
இந்து என்று இன்று சொல்லப்படுகிற மதத்தின் அன்றைய வடிவமாகிய வைதீக சமயத்தில் நிலவிய இரக்கமற்ற பாகுபாடுகளை எதிர்த்துதான் சித்தார்த்தன் அரண்மனையிலிருந்து மட்டுமல்லாமல், சமயத்திலிருந்தும் வெளியேறி தனி இயக்கமாகப் புறப்பட்டார், கௌதம புத்தரானார். சமயத்திற்குள் நிலவிய பாகுபாடுகளை, உள்ளிருந்தே சரி செய்ய முடியாமல் சமண இயக்கத்தைத் தொடங்கினார்கள் தீர்த்தங்கரர்கள்.
“சாதியாவதேதடா சலந்திரண்ட நீரெலோ
பூதவாசலொன்றலோ பூதமைந்தும் ஒன்றலோ…“
பறைச்சியாவ தேதடா பணத்தியாவ தேதடா
இறைச்சி தோலெலும்பினும் இலக்கமிட்டிருக்கிதோ…”
என்று சிவவாக்கியச் சித்தர் வாடா போடாவென வம்புக்கிழுத்தது அப்போது சாதிய அநீதிகளை உயர்த்திப் பிடித்தவர்களைத்தான் என்று ஊகிப்பது கடினமல்ல.
ஆக்கிரமிப்பாளர்களிடமிருந்து ஆதிக்குடிகளின் மண்ணைக் காப்பதற்காகப் போராடியதற்காகக் கழுத்தறுத்துக் கொல்லப்பட்ட நரகன் கதை, பின்னர் கொடுமைக்கார நரகாசுர வதம் என்ற புராணமாக்கப்பட்டது. மண்ணுரிமைக்காகப் போராடித் தோற்கடிக்கப்பட்ட அந்த ஆதிக்குடிகளுக்கெல்லாம் அசுரர்கள், அரக்கர்கள் என்ற பெயர் சூட்டப்பட்டதே ஒரு சமூக அநீதிதான். இந்தப் புரிதல் ஏற்பட்ட பிறகு நான் எனது பேச்சிலும் எழுத்திலும் ஏதேனுமொரு கொடுஞ்செயலைக் குறிப்பிடுகையில் “அரக்கத்தனமான” என்ற சொல்லைக் கையாளுவதில்லை.

சென்னை கர்ப்பிணிக்கும் ஹெச்.ஐ.வி. ரத்தம்? மற்றுமொரு அதிர்ச்சி சம்பவம்

tamil.indianexpress.com : சாத்தூரில் கர்ப்பிணி பெண்ணுக்கு ஹெச்.ஐ.வி. பாதித்த நபரிடம் இருந்து பெறப்பட்ட ரத்தம் ஏற்றப்பட்ட விவகாரம் பரபரப்பை ஏற்படுத்தியது. அதற்குள்ளாக சென்னையிலும் ஒரு பெண்ணுக்கு ஹெச்.ஐ.வி. பாதித்த ரத்தம் ஏற்றப்பட்டதாக புகார் கிளம்பியிருக்கிறது.
விருதுநகர் மாவட்டம், சாத்தூரில் அரசு மருத்துவமனைக்கு சிகிச்சை பெற வந்த பெண்ணுக்கு ஹெச்.ஐ.வி. பாதித்த ரத்தம் ஏற்றப்பட்ட விவகாரம் தமிழ்நாடு முழுவதும் அதிர்வலைகளை ஏற்படுத்தியிருக்கிறது. அந்தப் பெண்ணுக்கு தற்போது மதுரை அரசு மருத்துவமனையில் சிகிச்சை அளிக்கப்பட்டு வருகிறது.
இந்த நிலையில் அதேபோன்ற ஒரு கொடூரம் சென்னையிலும் அரங்கேறியிருப்பதாக தகவல்கள் வெளியாகி இருக்கின்றன. சென்னையை அடுத்த மாங்காடு, மாரியம்மன் கோவில் தெருவை சேர்ந்த ஒரு தம்பதியர் கீரை வியாபாரம் செய்து வருகிறார்கள். இவர்களுக்கு 6 வயதில் ஒரு மகன் இருக்கிறான். அந்தப் பெண்மணி மீண்டும் கர்ப்பம் அடைந்தார்.

சிலோன் ரேடியோ .. இந்திய அரசின் திரையிசை தடையை உடைத்த வரலாறு... மயில்வாகனனும் இலங்கை வானொலியும்

1950- 70 கள்வரை  ஒவ்வொரு திரைப்படமும்
வெளியாகும் வேளையில் தயாரிப்பாளர்கள்
மயில்வாகனனின் தயவை நாடினார்கள். காலை 8 மணிக்கு கொழும்பிலிருந்து விமானத்தில் புறப்பட்டு சென்னைவந்து, பாட்டுக்களைப் பெற்றுக்கொண்டு, சென்னையில் மதிய போசனத்தை முடித்து, மாலை 4 மணிக்கு மீண்டும்
கொழும்பு திரும்புவார் மயில்வாகனன். மாலை 6 மணிக்கு அந்த புதிய பாடல்கள் அன்றைய தினம் ஒலிபரப்பாகும். இது, அந்தக் காலத்தில் மயில்வாகனனின் மாமூலான
செயல்பாடாகவிருந்தது. விளைவு, புதிய திரைப்படத்துக்கு கூட்டம் அலைமோதும். பாடல்கள் மூலமாகமட்டுமல்லாமல், நடிகர்கள், பின்னணி கலைஞர்கள், இசையமைப்பாளர்கள், இயக்குநர்கள் போன்றவர்களுடன் பல்வேறுவிதமான நேரடி நிகழ்ச்சிகளை ஏற்படுத்தியும் இலங்கை வானொலி தன் செல்வாக்கைப் பெருக்கியது.
உலகில் எந்த வானொலி நிலையத்திலுமே இல்லாத அளவில், ஒரு லட்சத்துக்கும் அதிகமான சிங்கள, தமிழ், ஆங்கில பாடல்களின் இசைத்தட்டுக்களை இலங்கை வானொலி பொக்கிஷமாகக்கொண்டுள்ளது. 1920-30களில் வெளியான, மிகவும் அரிதான 78 rpm இசைத்தட்டுக்கள் உள்பட! ,
Subramaniam Mahalingasivam :   திருமதி ஞானம் இரத்தினம், இலங்கை வானொலியிலே நீண்டகாலம் அதன் கல்விச் சேவையில் பணியாற்றி, பின்னர் தமிழ் நிகழ்ச்சிகள் தயாரிப்பாளராகவும், தமிழ் சேவையின் உதவிப் பணிப்பாளராகவும் பணியாற்றியவர்.

`Green Light' என்று, அவர் தன்னுடைய வானொலி அநுபவங்களை - அக்காலத்து நினைவுகளை, நூலாக வெளியிட்டிருக்கிறார்.
1957ஆம் ஆண்டு இந்தியா வந்தபோது, அகில இந்திய வானொலியின் சென்னை நிலையத்துக்கு தாம் சென்றதை அவர் அந்த நூலிலே குறிப்பிடுகிறார்.