இந்தி மொழி - உருவான வரலாறு....

நக்கீரன் : இந்தியைக் கற்பதில் தவறேயில்லை. ஆனால் இந்தியைப் பேசாத
மக்களின் மேல் அதைத் திணிப்பதன் அரசியலே நம் கவனத்துக்குரியது. ஒருகாலத்தில் இந்தி எதிர்ப்பை முன்னெடுத்த திமுக முன்னணிக் குடும்பம் தம் குடும்ப உறுப்பினர்கள் இந்திக் கற்க அனுமதித்த அரசியலை வைத்து மட்டும் இதை மலிவாக எடைபோட்டிடக் கூடாது. இந்தித் திணிப்பு என்பது அந்தளவுக்கு அபாயகரமானது.
ஆயிரம் ஆண்டுக்காலமாக இருந்துவந்த உருது மொழியை எதிர்த்து உருவாக்கப்பட்ட ஒரு மொழியே இந்தி. உருது பிரிட்டிசார் காலத்திலும் அலுவல் மொழியாக இருந்தது. இந்து தேசிய கருத்தியலை உருவாக்கியவர்களால் உருதுமொழி ஒரு கட்டத்தில் இஸ்லாமிய மொழியாக அடையாளம் காணப்பட்டது. இதற்கு மாற்றாகப் பேச்சு வழக்கில் இல்லாத சமஸ்கிருத மொழியை இவர்களால் முன்னிறுத்த முடியவில்லை. எனவே சமஸ்கிருதத்தின் குழந்தையாக இந்தி பெற்றெடுக்கப்பட்டது.
பத்தொன்பதாம் நூற்றாண்டின் நடுவில் மத அடிப்படையில் ஒரு மொழிப் போர் தொடங்கியது. இதற்கு வித்திட்டவர் ஒரு கவிஞரும் எழுத்தாளருமான பரத்தேந்து ஹரிஷ் சந்திரா என்பவர் ஆவார். மார்வாடி அகர்வால் இனத்தைச் சேர்ந்த இவரது தாய்மொழி உருதுதான். எனினும் ‘ஆஜ் சல் ரஹா ஹை ஹிந்தி பர் ஹிந்துஸ்தானி ஃபஸ்ஸா!’ (இந்தி இன்று இந்துஸ்தானின் வலையில் அகப்பட்டுள்ளது) என்ற அன்றைய இந்து எழுச்சிக் கருத்தியலுக்கு ஏற்ப இவர் மாறுகிறார். உருது என்பது இஸ்லாமியரின் மொழி, இந்திதான் இந்துக்களின் மொழி என்கிற இந்து அரசியல் நிலைப்பாட்டுக்கு ஏற்ப இவர் உருது மொழியை இழிவாகப் பேசி எழுதும் இந்திமொழி வெறியராக மாறிவிடுகிறார். தொடர்ந்து நவீன இந்தி மொழியின் தந்தையாக உருவெடுக்கிறார்.

வாக்குப்பதிவு எந்திரத்தில் மோசடிகள் செய்யலாம்! அமெரிக்க விஞ்ஞானிகள் அதிர்ச்சி தகவல்!

nakkheeran.in athanurchozhan : 2016 அமெரிக்க அதிபர் தேர்தல் வாக்குப்பதிவு நியாயமாகவும் சுதந்திரமாகவும் நடந்ததா? என்ற கேள்விக்கு அங்கு விடை காண ஆய்வுகள் நடைபெற்றன. இந்தியாவிலும் அந்தச் சந்தேகம் பரவலாக எழுந்தது. நியூயார்க் டைம்ஸ் பத்திரிகை வெளியிட்டுள்ள ஒரு கட்டுரையில் பல அதிர்ச்சிகரமான தகவல்கள் வெளியிடப்பட்டுள்ளன. 2019 இந்திய மக்களவைத் தேர்தல் வாக்காளர்களின் மனநிலையை எதிரொலிப்பதாக இல்லை. நாடு முழுவதும் மோடி எதிர்ப்பு அலை அதிகமாக இருந்தது. ஆனால், மோடி பெரும்பான்மை இடங்களுடன் ஆட்சியை பிடித்தார். இந்நிலையில்தான், தேர்தல்களை வாக்குப்பதிவு எந்திரங்கள் மூலம் நடத்துவதா? பழைய முறையில் வாக்குச்சீட்டு அடிப்படையில் நடத்துவதா என்ற விவாதம் வலுப்பெற்றுள்ளது.
அமெரிக்காவில் நடைபெற்ற ஆய்வுகள் வாக்குப்பதிவு எந்திரத்தை கண்ணை மூடிக்கொண்டு நம்ப வேண்டியதில்லை என்று நிரூபித்திருக்கிறது.
இந்திய எதிர்க்கட்சிகள் இப்போது வாக்குச்சீட்டு முறைக்கு மாறவேண்டும் என்ற கோரிக்கையை மேலும் வலுப்படுத்தி இருக்கின்றன. சர்வதேச அளவில் கம்ப்யூட்டர் விஞ்ஞானிகளும் நிபுணர்களும் வெளியிடும் ஆய்வு முடிவுகள் இந்த கோரிக்கையை வலுப்படுத்த காரணமாகின்றன.

போங்கடா நீங்களும் உங்கள் ஹிந்தியும்... பசியில்லாமல் வாழ வைங்கடா முதலில்! தமிழகம் வரும் வட இந்திய...

தமிழ் மாறன் தமிழ் மாறன்  : சற்று முன் சில டாக்குமெண்ட் காப்பிகளை பிரதி எடுக்க கடைக்குச் சென்றிருந்தேன். அங்கு வடநாட்டு இளைஞர் ஒருவரும் ஏதோ பிரதி எடுக்க வந்திருந்தார்.

அவரிடம், “இங்கிலீஸ் மாலும்..” என்றேன்.
'தெரியாது!' என தலையாட்டினார்.

“தமிழ் மாலும்..” என்றேன். அதற்கும் 'தெரியாது' என தலையாட்டினார்.
பக்கத்தில் இருந்த, இந்தி தெரிந்த ஒருவர் மூலம் அந்த இளைஞரிடம் பேசினேன்.
“எந்த மாநிலம்..?”
”உத்திரப்பிரதேஷ்”
“என்ன படிச்சிருக்கே..?”
“பத்தாம் வகுப்பு”
”இங்கே என்ன வேலை..?”
”பெயிண்ட்டர்!”
“இந்தி படிச்சா வேலை கிடைக்கும்னு சொல்றாங்களே..! உங்க உ.பி.யில வேலை கிடைக்கலையா.. உனக்கு ?”
”அங்கே ஒண்ணுமே இல்லே..! யோகி னு ஒரு சாமியார் ஆள் முதலமைச்சராகி
படு கேவலமான முறையில் ஆட்சி நடத்திறான். அவன் ஆட்சி இந்த பீரியடும் தொடர்ந்திதுனா உத்திரப் பிரதேசமே சுடுகாடாகிடும். முழுக்க முழுக்க ராமரின் பெயரால் அயோக்கியத்தனம் பண்ணும் பக்கா கிரிமினல் அவன். எங்க ஊர் ஏழைப் பெண்களின் கற்புக்கும் குடும்ப வாழ்விற்க்கும் உத்தரவாதமே கிடையாது. தமிழர்கள் தெய்வங்கள்.
உண்மையில் ராமராஜ்யம் என்பதை
நான் இங்கேதான் காண்கிறேன்.

ஸ்டாலின் இலங்கை வருமாறு இலங்கை TNA தலைவர் மாவை சேனாதிராஜா அழைப்பு

தினகரன் : தமிழ்த் தேசியக் கூட்டமைப்பின் பாராளுமன்ற உறுப்பினர் மாவை சேனாதிராசாவிற்கும் தி.மு.கவின் தலைவர் மு.க.ஸ்டா லினுக்கும் இடையிலான சந்திப் பொன்று நேற்றைய தினம் இடம் பெற்றுள்ளது.

சென்னை அண்ணா அறிவாலயத்தில் குறித்த சந்திப்பு இடம்பெற்றுள்ளது.

திராவிட முன்னேற்றக் கழகம், ஈழத் தமிழர்களுக்கு இதுவரை வழங்கிய ஒத்துழைப்புக் களையும் உதவிகளையும் தொடர்ந்து வழங்க வேண்டும் எனவும், தமிழ்த் தேசியக் கூட்டமைப்பும் திராவிட முன்னேற்றக் கழகத்திற்கு உரிய ஆதரவினை வழங்கும் எனவும் மாவை சேனாதிராசா இதன்போது தெரிவித்துள்ளார்.

இந்த சந்திப்பின் போது திராவிட முன்னேற்றக் கழகத்தின் பல முக்கியஸ்தர்களையும் மாவை சேனாதிராசா சந்தித்து கலந்துரையாடலில் ஈடுபட்டுள்ளார்.  இந்த சந்திப்புக்குப்பின் செய்தியாளர்களிடம் பேசிய மாவை சேனாதிராஜா, இலங்கை தமிழர் பிரச்சினைக்கு தீர்வு காண, 13 -வது அரசியல் சட்ட திருத்தம் போதுமானது அல்ல என்றார். எனவே, வருகிற 9 - ம் தேதி, இலங்கை வரும் இந்திய பிரதமர் மோடியிடம் தமிழர் பிரச்சினைக்கு நிரந்தர தீர்வு காண நடவடிக்கை எடுக்குமாறு,  வலியுறுத்துவோம் என்று மாவை சேனாதி ராஜா தெரிவித்தார்

 

பன்னீருக்கு எதிராக எடப்பாடியின் வெளிப்படையான குரல்!

மின்னம்பலம் :மொபைல் டேட்டா ஆனில் இருந்தது. வாட்ஸ் அப் ஆன்லைனில் வந்தது. அதிமுகவின் மதுரை வடக்குத் தொகுதி சட்டமன்ற உறுப்பினரும் அ.தி.மு.க புறநகர் தெற்கு மாவட்டச் செயலாளருமான ராஜன் செல்லப்பா இன்று பிரஸ் மீட்டில் சொன்ன விஷயங்களை மின்னம்பலத்தின் 1 மணி பதிப்பில் எழுதியிருந்தோம். அவர் சொன்னதை ஒருமுறை வாசித்துவிட்டு பின்னணிக்குள் போவோம்.
“மக்களவைத் தேர்தலில் வெற்றிபெற்ற தேனி மக்களவை உறுப்பினர் ரவீந்திரநாத் மட்டுமே ஜெயலலிதா நினைவிடத்தில் சென்று வெற்றியை சமர்ப்பித்துள்ளார். இடைத் தேர்தலில் வெற்றிபெற்ற 9 எம்.எல்.ஏ.க்களும் ஜெயலலிதா நினைவிடத்துக்கு செல்லவில்லை. இது யார் குற்றம்? 9 பேரின் குற்றமா அல்லது தலைமைக் கழகத்தின் குற்றமா? இல்லை ஜெயலலிதா நினைவிடத்துக்கு செல்ல வேண்டும் என்ற எண்ணமே அவர்களுக்கு வரவில்லையா? அவர்களை தடுப்பது யார்? 9 தொகுதி வெற்றி என்பது மிகப்பெரியது. அரசைக் காப்பாற்றுகிற வெற்றி. அந்த வெற்றியைக் கொண்டாட ஜெயலலிதா, எம்.ஜி.ஆர் நினைவிடத்துக்குச் சென்று 9 பேரும் அஞ்சலி செலுத்தவில்லை. அதற்கு காரணம் யார்? இதுபோன்ற சின்னச் சின்ன நெருடல்கள் அதிமுகவை வீழ்த்திவிடுமோ என்ற அச்சம் எங்களுக்கு இருக்கிறது.

ராஜன் செல்லப்பா :அதிமுகவில் ஓ.பி.எஸ். - இ.பி.எஸ். அணிகள் முழுமையாக இணையவில்லை... ஒரே தலைமை தேவை... வீடியோ

தினகரன் : சென்னை: அதிமுக எம்.எல்.ஏ. ராஜன் செல்லப்பாவின் போர்க்கொடி பற்றி துணை முதல்வர் ஓ.பன்னீர்செல்வம் விளக்கம் அளித்துள்ளார். ராஜன் செல்லப்பாவின் பேட்டியை முழுமையாக பார்த்த பின்பு கருத்து கூறுவதாக கூறியுள்ளார்.
 மதுரை: அதிமுகவுக்கு ஒரே தலைமை தேவை என்று  மதுரை வடக்கு சட்டமன்ற தொகுதி எம்எல்ஏ ராஜன் செல்லப்பா பரபரப்பு பேட்டியளித்துள்ளார். மேலும் பேசிய அவர் அதிமுக பொதுக்குழுவை உடனே கூட்ட ராஜன் செல்லப்பா வலியுறுத்தினார். கட்சியில் அதிகாரம் படைத்த ஒருவர் அதிமுகவுக்கு தலைமையேற்க வேண்டும் என்றும், ஜெயலலிதாவின் ஆளுமைத்திறன் தற்போது அதிமுகவில் யாருக்கும் இல்லை என்று ராஜன் செல்லப்பா தெரிவித்துள்ளார். அதிமுக கட்டுப்பாடுடன் செயல்பட்டிருந்தால் தேர்தலில் வெற்றி பெற்றிருக்கும் என்று தெரிவித்தார்.

ஸ்டாலின் ; கூடங்குளம் அணுக்கழிவு மையம் தொடங்கும் முடிவை கைவிடுக!

zeenews.india.com:  கூடங்குளம் அணுக்கழிவுகளை அணு உலை வளாகத்துக்குள் சேமித்து வைக்க ’AFR’ கட்டும் முடிவினை மத்திய – மாநில அரசுகள் உடனடியாக கைவிட்டு வெளிப்படையாக அறிவிக்க வேண்டும் என திமுக தலைவர் முக ஸ்டாலின் வலியுறுத்தியுள்ளார்! கூடங்குளம் அணுக்கழிவுகளை அணு உலை வளாகத்துக்குள் சேமித்து வைக்க ’AFR’ கட்டும் முடிவினை மத்திய – மாநில அரசுகள் உடனடியாக கைவிட்டு வெளிப்படையாக அறிவிக்க வேண்டும் என திமுக தலைவர் முக ஸ்டாலின் வலியுறுத்தியுள்ளார்!
இதுதொடர்பாக இன்று அவர் வெளியிட்டுள்ள அறிக்கையில் குறிப்பிட்டுள்ளதாவது.,
"கூடங்குளம் அணு உலையில் உற்பத்தியாகும் அணுக்கழிவுகளை, உச்சநீதிமன்றத்தின் தீர்ப்பிற்கு முற்றிலும் மாறாக, கூடங்குளம் வளாகத்திற்குள்ளேயே சேமித்து வைக்க மத்திய பா.ஜ.க. அரசு திட்டமிடுவதற்கு திராவிட முன்னேற்றக் கழகத்தின் சார்பில் கடும் கண்டனத்தைத் தெரிவித்துக் கொள்கிறேன். கூடங்குளம் அணுஉலை தொடர்பான வழக்கில் 6.5.2013 அன்று தீர்ப்பளித்த உச்சநீதிமன்றம், 15 கட்டளைகளைப் பிறப்பித்து,

திருச்சி: இந்தி எழுத்துக்கள் கருப்பு மை பூசி அழிப்பு!

மின்னம்பலம்:  திருச்சி மத்திய அரசு அலுவலகங்களின் பெயர் பலகையில் இந்தி எழுத்துக்கள் கருப்பு மையினால் அழிக்கப்பட்டுள்ளது.
மத்திய அரசின் மும்மொழி கொள்கையைக் கொண்டுவர நினைப்பதை அடுத்து இந்தி திணிப்புக்கு எதிராகப் பலரும் போர்க்கொடி தூக்கியுள்ளனர். மும்மொழிக் கொள்கைக்கு எதிர்க்கட்சிகள் கடும் கண்டனம் தெரிவித்திருந்த நிலையில், இதற்குத் தமிழக முதல்வர் எடப்பாடி பழனிசாமி ஆதரிப்பதாகப் பேசப்பட்டது. ஆனால் இதற்கு அவர் மறுப்புத் தெரிவித்திருந்தார். இந்த சூழலில் திருச்சியில் மத்திய அரசு நிறுவனங்கள், விமான நிலையத்தில் உள்ள பலகைகளில் இந்தி பெயர்கள் கருப்பு மையால் அழிக்கப்பட்டது பரபரப்பை ஏற்படுத்தியிருக்கிறது.
திருச்சி மாவட்டத்தில் மத்திய அரசு நிறுவனமான பி.எச்.இ.எல், துப்பாக்கி தொழிற்சாலை, விமான நிலையம், ரயில் நிலையம், பிஎஸ்என்எல் அலுவலகம் உள்ளிட்ட அரசு அலுவலகங்கள் இயங்கி வருகிறது. அங்கு வைக்கப்பட்டுள்ள பெயர்ப் பலகைகளில் தமிழ், ஆங்கிலம், இந்தி ஆகிய மொழிகளில் பெயர்கள் எழுதப்பட்டிருக்கும்.

வி சி க எம்பி ரவிகுமார் கேந்திர வித்யாலயா கொண்டு வர கோரிக்கை!

Karthick Ramasamy : தமிழகத்தில் CBSE பள்ளிகளை திறக்க தமிழக அரசிடம் No
objection certificate வாங்க வேண்டும். மத்திய பாதுகாப்பு படைகள், மத்திய அரசு நிறுவனங்களில் வேலை பார்ப்பவர்களின் குழந்தைகள் பெற்றோர் வேலை மாறுதல் ஆகி வேறு மாநிலத்திற்கு செல்லும்போது அவர்கள் படிப்பு ஒரே பாடத்திட்டத்தில் இருந்தால் நல்லது என்கிற ஒரே காரணத்திற்காக மட்டுமே இந்த பாடத்திட்டம் கொண்டு வரப்பட்டது.
மற்றபடி அந்த பாடத்திட்டம் சிறந்தது என்கிற போலியான பிம்பத்தை பல காலமாக இங்கு விதைத்து விட்டார்கள். அதை பெரும்பாலான பெற்றோர்களும் நம்பிவிட்டார்கள்.

அந்த பிம்பத்தை வைத்து இங்கு வியாபாரம் மட்டும் நடக்கவில்லை, அதன் முதன்மை நோக்கமே அரசியல்தான். வித்யாலயா, வித்யாஸ்ரம் என்று இன்னும் பல பெயர்களில் இந்துத்துவ அமைப்புகளின் நிதி உதவியுடன் தமிழகம் முழுவதும் பல CBSE பள்ளிகள் கடந்த சில வருடங்களாக துவங்கப்பட்டன. அவற்றிற்கு எந்த தடையுமில்லாமல் தமிழக அரசு NOC வழங்கியது.

குருவாயூரில் மோடி துலாபாரம்.. எடைக்கு எடை தாமரை மலர்

தினமலர் :திருவனந்தபுரம்: பிரதமர் நரேந்திர மோடி, கேரள மாநிலம்,
குருவாயூர் கோவிலில், இன்று(ஜூன் 8) சுவாமி தரிசனம் செய்து, துலாபாரம் காணிக்கை செலுத்துகிறார்.
லோக்சபா தேர்தலில், பா.ஜ., கட்சி அமோக வெற்றி பெற்றது. இதையடுத்து, கடந்த, 30ல், இரண்டாவது முறையாக, பிரதமராக பதவியேற்றார் நரேந்திர மோடி. பொறுப்பேற்ற பின், முதல் முறையாக, கேரள மாநிலத்தில் உள்ள குருவாயூர் கோவிலுக்கு, இன்று வருகிறார்.
டில்லியில் இருந்து, நேற்று இரவு, தனி விமானத்தில் கொச்சி கடற்படை விமான தளத்துக்கு வந்தார். எர்ணாகுளம் விருந்தினர் மாளிகையில், இரவு தங்குகிறார். இன்று காலை, ஹெலிகாப்டரில், குருவாயூர் செல்கிறார். இதற்காக, கோவிலுக்கு சற்று அருகில், ஹெலிபேட் அமைக்கப்பட்டுள்ளது. அங்கிருந்து, காரில், ஸ்ரீகிருஷ்ணன் கோவிலுக்கு, காலை, 10:00 மணிக்கு செல்கிறார்.

மாநிலக் கல்வி முறையைச் சீரழிக்கும் நீட்: தலைவர்கள்!

மின்னம்பலம் : நாடு முழுவதும் நேற்று முன்தினம் வெளியான நீட் தேர்வு முடிகளில், மதிப்பெண் குறைவாக பெற்றதால் திருப்பூரைச் சேர்ந்த மாணவி ரிதுஸ்ரீ, பட்டுக்கோட்டையைச் சேர்ந்த மாணவி வைசியா ஆகியோர் தற்கொலை செய்துகொண்டனர். இந்த சம்பவம் தமிழகத்தையே அதிர்ச்சிக்கு உள்ளாக்கிய நிலையில், விழுப்புரத்தைச் சேர்ந்த மோனிஷாவும் தற்கொலை செய்துகொண்டது பரபரப்பை ஏற்படுத்தியது. இந்த நிலையில் நீட் தேர்வை ரத்து செய்ய வேண்டும் என்கிற குரல் மீண்டும் ஒருமுறை எழுந்துள்ளது.
இதுதொடர்பாக நேற்று (ஜூன் 7) அறிக்கை வெளியிட்டுள்ள திமுக தலைவர் மு.க.ஸ்டாலின், “கடந்த ஆண்டைவிட இம்முறை நீட் தேர்வு எழுதிய தமிழக மாணவ - மாணவியரின் தேர்ச்சி விகிதம் கட்டாயத்தின் காரணமாக உயர்ந்திருந்தாலும், அவர்களில் எத்தனை பேருக்கு அரசு மருத்துவக் கல்லூரிகளில் இடம் கிடைக்கும் என்கிற கேள்விக்குத் திருப்திகரமான பதில் இல்லை” என்று தெரிவித்துள்ளார்.

திமுகவின் 23 எம்பிக்களை குறிவைக்கும் அமித் ஷா ..

நடந்து முடிந்த மக்களவைத் தேர்தலில், இந்தியா முழுவதும் பாஜக கூட்டணி வெற்றி பெற்ற நிலையில் தமிழகத்தில் மட்டும் தேர்தல் நடந்த 38 தொகுதிகளில் தேனி தவிர மற்ற அனைத்து தொகுதிகளிலும் திமுக கூட்டணியே வெற்றி பெற்றது.
37 திமுக கூட்டணி எம்.பி.க்களும் நாடாளுமன்றத்தில் சிங்கம் போல செயல் படுவார்கள் என்றும் தமிழகத்தின் பிரச்சினைகளுக்காக தீவிரமாக குரல் கொடுப்பார்கள் என்றும் ஸ்டாலின் உட்பட கூட்டணிக் கட்சித் தலைவர்கள் தெரிவித்து வருகிறார்கள்.
இந்த நிலையில் மத்திய உள்துறை அமைச்சராக பொறுப்பேற்றுக் கொண்ட அமித்ஷா தமிழ்நாட்டை நோக்கி சிறப்பு கவனம் பதித்திருக்கிறார்.
பாஜகவை தமிழ்நாட்டில் வளர்ப்பது ஒரு புறம் என்றால் எதிர்க்கட்சிகளை பலவீனப்படுத்துவதும் அமித் ஷாவின் திட்டம்.
இதன் அடிப்படையில் தமிழகத்தில் திமுக சார்பில் நின்று வென்ற 23 மக்களவை உறுப்பினர்கள் மற்றும் கூட்டணி சார்பில் வென்ற உறுப்பினர்கள் ஆகியோரின் அரசியல் ஜாதகத்தை விசாரித்து தனக்கு அறிக்கை அளிக்க வேண்டுமென மத்திய உளவுத்துறைக்கு மட்டுமல்ல ஆர்எஸ்எஸ் இயக்கத்தின் நிர்வாகிகளுக்கும் அறிவுறுத்தியுள்ளார் அமித்ஷா.

துணிக்கடையில் பேரம்பேசுவதில் தகராறு: ஆம்புலன்ஸ் டிரைவர் அடித்து கொலை!

நக்கீரன் - எஸ் பி சேகர்  : விழுப்புரம் அருகேயுள்ளது முண்டியம்பாக்கம் அரசு மருத்துவ கல்லூரி மருத்துவமனை. இது24 மணி நேரமும் இயங்குவதால் இப்பகுதி எப்போதும் பரபரப்பாக செயல்படும் இடம். இந்த பகுதியில் அரசு மற்றும் தனியார் ஆம்புலன்ஸ்கள் ஏராளமாக நிற்கும். இதற்கான ஓட்டுனர்களும் பலர் அங்கேயே இருப்பார்கள்.
அப்படிப்பட்ட ஓட்டுனர்களில் ஒருவர் வட குச்சிபாளையம் கிராமத்தை சேர்ந்த தினேஷ். இவர் மருத்துவமனை அருகில் ரெடிமேடு துணிக் கடை வைத்துள்ளார். முண்டியம்பாக்கம் முருகையன் கடையில் பனியன் எடுக்க சென்றார் தினேஷ். அப்போது விலை பேரம்பேசும் போது முருகையனுக்கும் தினேஷுக்கும் இடையே வாக்குவாதம் முற்றி கைகலப்பானது. அப்போது முருகையன் தனது மகன் ஆகாசுக்கு போன் செய்து தகராறு பற்றி விஷயத்தை சொல்ல, கடும் கோபத்துடன் தனது நண்பர்களோடு வந்த ஆகாஷ் தினேஷை சுற்றி வளைத்து கடுமையாக தாக்கியுள்ளனர்.

தோழர்களுக்கு தமிழகத்தில் இந்தி மொழி பயிற்சி . CTU வின் இந்தி பிரசாரம்

Bilal Aliyar : அன்புள்ள தோழர்களுக்கு!
தமிழகத்தில் இந்தி மொழி பயிற்சி அளிக்க பட்டறை நடத்தப்படுவதாக இந்த சிறு விளம்பரம் தெரிவிக்கிறது. ஏன் என கேட்டால் தேசியம் என எதையாவது தூக்கி கொண்டு வருவீர்கள். அதனால் ஏன்? என்று நான் கேள்வி எழுப்பவில்லை. ஆனால் ஒரே ஒரு சந்தேகம் இருக்கிறது.. அதை மட்டும் தீர்த்து வைத்தால் மகிழ்ச்சி அடைவேன்.
தமிழக தொழிலாளர்களுக்கு இந்தி மொழி பயிற்சி அளிக்கப்படுவதை போல, எங்காவது? என்றைக்காவது வட மாநில தொழிலாளர்களுக்கு தமிழ் மொழி பயிற்சி அளிக்கப்பட்டிருக்கிறதா? ஏனெனில் தமிழகத்தில் தற்போது அமைப்பு சாரா உடலுழைப்பு தொழிலாளர்கள் என்ற கணக்கில் வடமாநில தொழிலாளர்கள் தான் அதிகமாக இருப்பதாக பேசப்படும் சூழலில், அவர்களுக்கு தமிழ் கற்று கொடுத்தால் அவர்களுக்கும் பலனளிக்கும், நாமும் சரவண பவனில் க்யாஹை என்ற சொற்களை கடந்து செல்லலாம்? செய்வீர்களா தோழர்களே...
பின்குறிப்பு: இப்போதைய சூழலில் சீன மொழி கற்று கொடுத்தாலாவது ஓரளவிற்கு பிழைத்து கொள்ள முடியும். இந்த செத்து போன இந்தியை கற்று கொடுத்து என்ன பிரயோசனம்? ஒரு வேளை பொலிட் பீரோவில் பேச வசதியாக இருக்கும் போல...

98 வீதமான தனியார் பள்ளிகளை யார் நடத்துகிறார்கள்? ... முழு புள்ளிவிபரம்

Devi Somasundaram : · திரு ஹெச் ராஜா 55 தனியார் பள்ளிகள் லிஸ்ட் போட்டு அதை முன்னாள் , இன்னாள் திமுக, காங்கிரஸ் சம்பந்தபட்டவர் நடத்துவதா போட்டு இருந்தார் ..
அந்த தகவல் உண்மைன்னே வச்சிப்போம் . .
 தமிழ் நாட்ல மொத்தம் 3320 தனியார் பள்ளிகள் ..அதில் 55 பள்ளி வெறும் 1. 8% .தான் வரும்...
மீதம் உள்ள 3275 கிட்ட தட்ட 98% பள்ளிகள் யார் நடத்துகிறார்கள்னு லிஸ்ட் தருவாரா ராஜா ?? ..
 ஆர் யூ ரெடி சார் ?? ..
 திமுக வினருக்கு ஒரு விண்ணப்பம் ..வெறும் 2% கூட நீங்க தனியார் பள்ளிகளை கைபற்ற வில்லை ...
அதிகாரம் நம்மிடம் இருந்தா அந்த பள்ளிகளில் குழந்தைகள் திராவிட சிந்தனையோடு வளரும்..
 எதிர்கால தமிழகம் நல்லா இருக்கனும் என்றால் அந்த பள்ளிகளை நம் வசமாக்குங்கள் .. இதை கவனிக்க உதவிய ராஜாவுக்கு நன்றிகள்.

தனியார் பள்ளிகளில் ஹிந்தி மட்டுமல்ல 
ஜெர்மன் 
சமஸ்கிருதம் 
பிரெஞ்ச் 
சைனிஸ்... 
கொரியா என பல மொழி கற்கலாம் அதற்காக அதை எல்லாம் ஏன் அரசு பள்ளியில் இல்லை என கேட்பது பொருத்தமற்ற பேச்சு

tamil.asianetnews.com : இந்தியை திமுக ஏன் எதிர்க்கிறது என்பது குறித்து ஆதாரங்களுடன் விளக்கம் அளித்திருக்கிறார் பாஜக தேசிய செயலாளர் எச். ராஜா.
இந்தி பேசாதா மாநிலங்களில் இந்தி கற்றுத் தர வேண்டும் என்று மத்திய அரசுக்கு அளிக்கப்பட்ட கஸ்தூரி ரங்கன் பரிந்துரையில் தெரிவிக்கப்பட்டிருந்தது. மத்திய அரசு இந்தியைத் திணிக்க முயற்சிப்பதாகக் கூறி தமிழக அரசியல் கட்சிகள் கடும் எதிர்ப்பு தெரிவித்தன. திமுக தரப்பில் தீர்மானம் நிறைவேற்றப்பட்டு மத்திய அரசுக்கு எதிர்ப்பு தெரிவிக்கப்பட்டன. இந்தியைப் புகுத்துவது என்பது தேன்கூட்டில் கல்லெறிவதற்கு சமம் என  மத்திய அரசை திமுக சாடியது.

நீட் தேசிய அளவின் 5 இடம் .. தாய் தந்தை இருவரும் மருத்துவர்கள்தான்! .. விகடன் திரிக்கும் கயிறு

விகடனே .... இவரின் தந்தை கண்ணன், தாய் கௌசல்யா இருவரும் மருத்துவர்கள்தாம் இந்த மாணவனுக்குகிடைத்த வாய்ப்புக்கள்  அனிதாக்களுக்கு கிடைக்குமா?
நீட் தேர்வு எளிதுதான்; தற்கொலை வேண்டாம்!" - தேசிய அளவில் 5-ம் இடம் பிடித்த மாணவர் உருக்கம்
vikatan.com - durai-vembaiyyan : நீட் தேர்வு என்பது கடினமான விஷயம் அல்ல. 11-ம் வகுப்பு மற்றும் 12-ம் வகுப்புப் பாடங்களை உன்னிப்பாகக் கவனித்துப்
படித்தால், கண்டிப்பாக எளிதாக வெற்றிபெறலாம். நீட் தேர்வில் தோல்வியுற்றாலும், அடுத்து எழுத வாய்ப்பு உள்ளது. அதனால், நீட் தேர்வில் தோல்வியுற்றதற்காக யாரும் தற்கொலை செய்துகொள்ள வேண்டாம்" என்று கரூரைச் சேர்ந்த மாற்றுத்திறனாளிக்கான பிரிவில் மாநில அளவில் முதலிடமும் தேசிய அளவில் 5-ம் இடமும் வந்த மாணவர் கார்வண்ணபிரபு தெரிவித்தார்.

நேற்றுமுன்தினம் வெளியான நீட்தேர்வில் மதிப்பெண்கள் குறைந்ததற்காகப் பட்டுக்கோட்டையைச் சேர்ந்த வைஷியா என்ற மாணவி உடலில் தீயிட்டுத் தற்கொலை செய்துகொண்டார். இந்த அதிர்ச்சி விலகுவதற்குள், திருப்பூர் வெள்ளியங்காடு கிராமத்தைச் சேர்ந்த மாணவி ரிதுஸ்ரீ தனது வீட்டில் தூக்கிட்டுத் தற்கொலை செய்துகொண்டார். தமிழகத்தையே இந்த இரு சம்பவங்களும் உலுக்க, நீட் தேர்வில் தோல்வியடைந்ததற்காக விழுப்புரம் மாவட்டத்தைச் சேர்ந்த மாணவி மோனிஷா என்பவரும்

தமிழர்களை காவியை வைத்தே கைப்பற்ற குவியும் சாமியார்கள்!

மின்னம்பலம் :
அலுவலக வைஃபை ஆன் செய்ததும், வாட்ஸ் அப் ஆன்லைன் காட்டியது. கொஞ்ச நேரத்தில் மெசேஜ் வந்து விழுந்தது
.“தமிழகத்தில் சட்டமன்றத் தேர்தல் முறைப்படி நடந்தால் 2021 ஆம் ஆண்டு நடக்க வேண்டும். ஆனால் அதற்குள் அரசியல் அதிரடி மாற்றங்கள் ஏதேனும் நடந்தால் 2020 ஆம் ஆண்டிலேயே கூட சட்டமன்றத் தேர்தல் வரலாம். இதை ஒட்டி தமிழ்நாட்டை மையப்படுத்தி பாஜக தனது புது வியூகத்தை வகுக்கத் தொடங்கிவிட்டது. தென்னிந்தியாவில் இப்போது பாஜக காலூன்ற வேண்டும் என்று கங்கணம் கட்டிக் கொண்டிருப்பது தமிழகத்தில்தான். தமிழகத்துக்காகவென பிரத்யேகமாக சில திட்டங்களை தீட்டி வருகிறார்கள் பாஜகவினர்.
தமிழ்நாட்டின் அடுத்த சட்டமன்றத்தில் பாஜகவின் சட்டமன்ற உறுப்பினர்கள் சிலராவது இடம்பெற வேண்டும் என்ற கணக்கில் ஆன்மிகத்தை மையப்படுத்தி தமிழகத்தில் காலூன்ற முயற்சியெடுக்கிறது பாஜக. எதிர்க்கட்சிகளெல்லாம் காவி என்றே பாஜகவை விமர்சித்துக் கொண்டிருக்க, அந்த காவியை வைத்தே தமிழகத்தில் தனது தளத்தை விரிவுபடுத்த திட்டமிட்டுள்ளது பாஜக. அதில் முக்கியமான திட்டமாக வீடு தேடி ஆன்மீகம், நதிகளுக்கு ஆரத்தி என்ற இரு அம்சத் திட்டங்களை இப்போது வகுத்து முடித்திருக்கிறார்கள்.

வட இந்தியர்களின் வேட்டைக் காடாகும் தமிழகம்.. த பெ தி க பொது கூட்டம் நடத்த நீதிமன்றம் தடை .

'ஒருங்கிணைந்த இந்தியாவை கூறு போட அனுமதிக்க முடியாது' - ஐகோர்ட் கடும் கண்டனம்;
tamil.indianexpress.com : சர்தார் வல்லபாய் பட்டேல் போன்ற தலைவர்கள் அரும்பாடுபட்டு ஒருங்கிணைத்த இந்தியாவை, கூறு போட முயலும் செயலை ஒரு போதும் அனுமதிக்க முடியாது என சென்னை உயர்நீதிமன்றம் கடும் கண்டனம் தெரிவித்துள்ளது.
நாகை மாவட்டம், சீர்காழி பேருந்து நிலையம் அருகில், ஜூன் 8 ம் தேதி ( நாளை) ‘வட இந்தியர்களின் வேட்டைக் காடாகும் தமிழகம்’ என்ற பெயரில் பொது கூட்டம் நடத்த உள்ளதாகவும், தந்தை பெரியார் திராவிட கழகத்தை சேர்ந்த கோவை.ராமகிருஷ்ணன், மே 17 இயக்க ஒருங்கிணைப்பாளர் திருமுருகன் காந்தி உள்ளிட்டோர் பங்கேற்கும் இக்கூட்டத்திற்கு அனுமதி மறுத்து, சீர்காழி காவல் ஆய்வாளர் பிறப்பித்த உத்தரவை ரத்து செய்யக் கோரி, தந்தை பெரியார் திராவிடர் கழகத்தின், நாகை மாவட்ட செயலாளர் பெரியார் செல்வம் வழக்கு தொடர்ந்திருந்தார்.

தமிழகத்தில் குடியரசு தலைவர் ஆட்சி? 6 மாதங்களுக்கு ஒரு எமெர்ஜென்சி ? உள்ளாட்சிகளை குறிவைக்கும் ஆர் எஸ் எஸ் ?

media.webdunia.com : நடைபெற்று முடிந்த மக்களவை தேர்தலில் இந்தியா முழுவதும் அமோக வெற்றி பெற்ற பாஜக, தமிழகத்தில் வலுவான கூட்டணி இருந்தும் மண்ணை கவ்வியது அக்கட்சியின் தலைவர்களுக்கு பெரும் ஏமாற்றமாக இருந்தது. இந்த தோல்விக்கு அதிமுகவே காரணம் என்பதுதான் பாஜக தலைமையின் எண்ணமாக உள்ளது. சட்டமன்ற இடைத்தேர்தலுக்கு காட்டிய முக்கியத்துவத்தை மக்களவை தேர்தலில் அதிமுக காட்டவில்லை என்பதால் அதிமுக மீது கடும் அதிருப்தியில் பாஜக தலைமை உள்ளது ;எனவே அதிமுக - பாஜக கூட்டணி விரைவில் உடையவிருப்பதாகவும், அதிமுக ஆட்சியை கலைத்துவிட்டு ஆறு மாதங்கள் குடியரசு தலைவர் ஆட்சியை நடத்தவும் திட்டமிட்டுள்ளதாக கூறப்படுகிறது.
இந்த ஆறு மாதங்களில் உள்ளாட்சி தேர்தலை நடத்தி அதில் தனியாகவோ அல்லது தேமுதிக உள்ளிட்ட கட்சிகளுடன் இணைந்தோ போட்டியிட பாஜக தலைமை முடிவு செய்துள்ளதாக அரசியல் வட்டாரங்கள் கூறுகின்றன.
இந்த திட்டத்தின்படி அதிமுக ஆட்சி கலைக்கப்பட்டால் நிச்சயம் முதல்வர் உள்பட அமைச்சர்கள் மீது வழக்குகளும் அதிரடி நடவடிக்கைகளும் பாயும் என்பதால் அமைச்சர்கள் தற்போது அதிர்ச்சியில் இருப்பதாக கூறப்படுகிறது. ஆனால் பாஜக தனித்தோ அல்லது பிற கட்சியுடனோ கூட்டணி வைத்தாலும் இப்போதைக்கு பெரிய வெற்றியை பெற முடியாது என்றும் தமிழக தலைவரை மட்டும் மாற்றிவிட்டு கட்சியை வளர்த்து சட்டமன்ற தேர்தல் வரும் வரை பொறுமை காக்கலாம் என்றும் பாஜகவில் உள்ள ஒருசில தமிழக தலைவர்கள் மேலிடத்திற்கு கருத்து தெரிவித்து வருகின்றனர்.

ஸ்ரீலங்கன் ஏர்லைன்ஸ் நேரம் தவறாமையில் உலக முதலிடம்.. 2 வது இடம் பிரேசில் ..3 இடம் ஜப்பான்

மாலைமலர் : குறித்த நேரத்தில் புறப்பாடு மற்றும் நிர்ணயிக்கப்பட்ட நேரத்தில் வந்து சேருதல் ஆகிவற்றின் அடிப்படையில் உலகளாவிய அளவில் நேரம் தவறாமையில் முதலிடம் பிடித்து ஸ்ரீலங்கன் ஏர்லைன்ஸ் சாதனை படைத்துள்ளது. கொழும்பு: உலகம் முழுவதும் நடைபெற்று வரும் பயணிகள் விமானச் சேவைகளை ‘பிலைட்ஸ்டாட்ஸ்.காம்’ என்னும் அமைப்பு ஒவ்வொரு வினாடியும் கண்காணித்து வருகிறது. குறிப்பிட்ட நேரத்தில் ஓரிடத்தில் இருந்து புறப்பட்ட விமானம் மறுமுனைக்கு எப்போது சென்று சேருகின்றது? அங்கிருந்து எப்போது புறப்பட்டு மற்றோர் இடத்தை சென்றடைகிறது என்பன உள்ளிட்ட அனைத்து விவரங்களையும் இந்த அமைப்பு தொடர்ச்சியாக பதிவு செய்கிறது.

அவ்வகையில், ஐரோப்பா, வட அமெரிக்கா, ஆசியா, மத்திய கிழக்கு நாடுகள் மற்றும் தென்னமெரிக்கா ஆகிய கண்டங்களில் உள்ள பிரபல பயணிகள் விமானச் சேவைகள் நான்கு மாதிரியாக பட்டியலிடப்படுகின்றன.

ஐந்து துணை முதல்வர்கள்.. ஆந்திராவில் ஒடுக்கப்பட்ட சமூகங்களுக்கு வழங்கப்பட்ட வாய்ப்பு?

vikatan.com - -sathya-gopalan : இந்திய அரசியல் வரலாற்றை மாற்றி தன் அமைச்சரவையில் ஐந்து துணை முதல்வர்களை நியமித்துள்ளார் ஆந்திர முதல்வர் ஜெகன்மோகன் ரெட்டி. குண்டூரில் உள்ள ஒய்.எஸ்.ஆர் காங்கிரஸ் கட்சி அலுவலகத்தில் இன்று நடந்த கட்சிக்கூட்டத்தில் இது முடிவுசெய்யப்பட்டுள்ளதாகத் தகவல்கள் வெளியாகியுள்ளன. பட்டியலினத்தவர், பழங்குடியினர், பிற்படுத்தப்பட்டவர், சிறுபான்மையினர், கபூ சமூகத்தினர். இந்த ஐந்து பிரிவை சேர்ந்தவர்கள்தான் ஜெகனின் ஐந்து துணை முதல்வர்கள்.

இதில் நான்கு பிரிவினர் பட்டியலின சமூகத்தை சேர்ந்தவர்கள், கபூ பிரிவினர் கிழக்கு கோதாவரி, மேற்கு கோதாவரி, விசாகப்பட்டினம், விழிநகரம் ஆகிய மாவட்டங்களில் அதிகமாக வாழ்கின்றனர்.
இந்தப் பகுதியில் வாழும் மக்களின் ஓட்டுதான் ஆந்திர அரசியலைத் தீர்மானிக்கிறது. சந்திரபாபு நாயுடு ஆட்சிக்காலத்தில் இவர்களுக்கு முறையாகக் கல்வி மற்றும் வேலை வாய்ப்பு கிடைக்காததால் பெரும் போராட்டம் நடத்தினர். அந்த அனைத்துப் போராட்டமும் பின்னர் ஜெகன்மோகன் ரெட்டிக்கு ஓட்டாக மாறியது. 

எடப்பாடி Vs பன்னீர் ..மீண்டும் கூவத்தூர்!!! முந்துவது யார்???

தனது மகன் ஓ.ரவீந்திரநாத் குமாருடன் ஜெயலலிதா சமாதியில் வியாழக்கிழமை அஞ்சலி செலுத்தியிருக்கிறார் ஓ.பன்னீர்செல்வம்.
அன்று காலையில் ஓ.பன்னீர்செல்வம் திருவல்லிக்கேணியில் வாலாஜா மசூதியில் காயிதே மில்லத் நினைவிடத்தில் மலர் போர்வை போர்த்தி மரியாதை செய்தபோது அமைச்சர்கள், கட்சி நிர்வாகிகள் பலர் கலந்து கொண்டனர்.
ஓ.பன்னீர்செல்வம் மாலையில் ஜெயலலிதா நினைவிடத்தில் அஞ்சலி செலுத்தியபோது, அமைச்சர் உதயகுமாரைத் தவிர எந்த அமைச்சரும் வரவில்லை. மதுரை, காஞ்சிபுரம் உள்ளிட்ட சில மாவட்டங்களில் இருந்து வந்துள்ளனர். மாநிலம் முழுவதிலும் இருந்து முக்கியமான நிர்வாகிகள் இதில் இருந்தனர். அதனைத் தொடர்ந்து மதுசூதனனை தனது மகன் ரவீந்திரநாத் குமாருடன் சென்று சந்தித்துள்ளார் ஓ.பன்னீர்செல்வம். இந்த சந்திப்பின்போது அமைச்சர் உதயகுமார் இருந்துள்ளார். வியாழக்கிழமை இவை நடந்த எல்லாவற்றிலும் அரசியல் இருக்கிறது என்கிறார்கள் அரசியல் பார்வையாளர்கள். 

பாக்கியராஜ் நடிகர் சங்க தலைவர் பதவிக்கு போட்டி .. நாசரை எதிர்த்து களம் காண்கிறார்!

nakkheeran.in - kalaimohan : தென்னிந்திய நடிகர் சங்க தேர்தல் வரும் ஜூன் 23 ஆம் தேதி நடைபெற இருக்கிறது. நடிகர் சங்க தேர்தலில் தலைவர் பதவிக்கு போட்டியிடும் நடிகர் நாசரை எதிர்த்து இயக்குனரும், நடிகருமான கே.பாக்யராஜ் போட்டியிட இருக்கிறார் என்ற தகவல்கள் வந்துள்ளது. அதேபோல் இந்த தேர்தலில் பொதுச்செயலாளர் பதவிக்கு ஐசரி கணேஷ், துணைத்தலைவர்கள் பதவிக்கு நடிகர் உதயா மற்றும் குட்டிபதமினி ஆகியோர் போட்டியிட இருக்கின்றனர்

தமிழகத்தில் 24 மணி நேரமும் சினிமா காண்பிக்கலாம்.. தியேட்டர்களுக்கு தமிழக அரசு அனுமதி!

tamil.oneindia.com - veerakumaran: சென்னை: தமிழகத்தில், 24 மணி நேரமும் தியேட்டர்களில் சினிமா படங்களை திரையிட்டுகொள்வதற்கு, தமிழக அரசு அனுமதி வழங்கி உத்தரவிட்டுள்ளது.
தமிழகத்தில் 24 மணி நேரமும் வர்த்தக நிறுவனங்களை திறந்து வைத்துக் கொள்ளலாம் என்று தமிழக அரசு 28ம் தேதி அரசாணை வெளியிட்டது. அது தற்போது அரசிதழிலும் இடம் பெற்றுள்ளது. இந்த நிலையில் திரையரங்குகளை 24 மணி நேரம் திறந்து கொள்ளவும் அந்த உத்தரவில் அம்சம் இடம் பெற்றுள்ளது. தொழில் மற்றும் வேலைவாய்ப்பு துறை செயலாளர் சுனில் பாலிவால் இந்த உத்தரவை பிறப்பித்துள்ளார்.
மல்டிபிளக்ஸ், மால் அல்லது சிறு திரையரங்குகள் என தனித்தனி பாகுபாடுகள் இதில், கிடையாது.. அனைத்து வணிக நிறுவனங்கள் மற்றும் திரையரங்குகளுக்கும் ஒரே சீராக இந்த உத்தரவு பொருந்தும்.
சட்டம்-ஒழுங்கு பாதிக்கும் பகுதிகளில் திறந்து கடைகளை மூடுவதற்கான உத்தரவை காவல்துறை பிறப்பிக்க முடியும் என்று அரசாணையில் தெரிவிக்கப்பட்டுள்ளது.

ஆந்திராவில் CBI தடையை நீக்கினார் ஜெகன் மோகன் ரெட்டி பாஜகவுக்கு ஆதரவு?

LRJ : தேவையில்லாதவங்களுக்கு தேவையில்லாத நேரத்துல சில்லறைய சிதற விடறதுல திராவிட திம்மிகளை அடிச்சிக்க ஈ ஈரேழு லோகத்திலும் ஆட்களே கிடையாது.
ஜாதிக்கொரு துணைமுதல்வர்ங்கிற, இருப்பதிலேயே பிற்போக்குத்தனமான ஜாதிப்பஞ்சாயத்தார் கூட்டமைப்பை உருவாக்கறதை சமூகநீதிங்கிற பேர்ல கொண்டாடறாங்க. கெரகம்.
ஆந்திர அரசியல் என்பது அடிப்படையில் ரெட்டி Vs கம்மா என்கிற இரண்டு ஆண்டபரம்பரை மோதல் தான். இதில் ஆந்திராவின் அரசியல் சரித்திரத்தில் ஓரளவேனும் சமூகநீதியை கொண்டுவந்தவர் என்டிஆர் "காரு". அவர் தான் அந்த ஊரின் சமூகநீதிக்கும் ஆந்திரர்களின் சுயமரியாதைக்குமான (ஆத்ம கௌரவம் என்பது அவர் பயன்படுத்திய மிகவும் பிரபலமான வார்த்தை) முதல் அரசியல் சின்னம். அதன் நீர்த்துப்போன/சீரழிந்த வடிவமே இன்றைய தெலுகு தேசம்.

ஜகன்மோகன் ரெட்டி அடிப்படையில் கொஞ்சம் மூப்பனாரும் கொஞ்சம் விஜயகாந்தும் கலந்த விசித்திர கலவை. அவர் என்னவாக உருவெடுப்பார் என்பதை பொறுத்திருந்து தான் பார்க்க வேண்டும்.

ராஜ்நாத் சிங் - அமித் ஷா அதிகார மோதல்: பணிந்த மோடி

மின்னம்பலம் : மத்திய அரசு ஒவ்வொரு முறை புதிதாக அமையும்போதும் பிரதமரால் அமைக்கப்படும் அமைச்சரவைக் குழுக்கள் பெரிய அளவில் ஊடகங்களின் கவனத்தைப் பெறுவதில்லை. ஏனெனில், ஆளுங்கட்சி அமைச்சரவைக்குள் நடக்கும் சம்பிரதாயபூர்வமான நடவடிக்கையாகவே இது பார்க்கப்படுகிறது.
ஆனால், அளவு கடந்த மெஜாரிட்டியுடன் அரசு அமைத்திருக்கும் பிரதமர் மோடியின் அமைச்சரவையில் பாதுகாப்புத் துறை அமைச்சர் ராஜ்நாத் சிங், உள்துறை அமைச்சர் அமித் ஷா ஆகியோருக்கிடையே நடைபெறும் அதிகார மோதல் புதிய அமைச்சரவைக் குழுக்களின் நியமனம் மூலம் நேற்று ( ஜூன் 6) வெளிப்பட்டுள்ளது.

பிரியங்கா கணவர் வதேராவின் லண்டன் சொத்துகள் முடக்கம்?

Mathivanan Maran /tamil.oneindia.com டெல்லி: பிரியங்கா கண்வர் வதேராவின் லண்டன் சொத்துகளை முடக்க அமலாக்கத்துறை நடவடிக்கை மேற்கொண்டுள்ளது. 

ராபர்ட் வதேரா மீது ஏராளமான நில அபகரிப்பு புகார்கள் நிலுவையில் உள்ளன. மேலும் வெளிநாடுகளில் சட்டவிரோதமாக சொத்துகளை வாங்கி குவித்திருக்கிறார் வதேரா என்பது குற்றச்சாட்டு.

 இது தொடர்பாக அமலாக்கப் பிரிவு தொடர்ந்து வதேராவிடம் விசாரணை நடத்தி வருகின்றனர். தற்போது வதேரா பெற்றிருக்கும் முன்ஜாமீனை ரத்து செய்ய வேண்டும் என்றும் அமலாக்கத்துறை நீதிமன்றத்தில் மனுவும் தாக்கல் செய்துள்ளது. இதனிடையே வெளிநாடுகளுக்கு வதேரா செல்ல நீதிமன்றம் அனுமதித்திருக்கிறது.

2018-19 வட மாநிலத்தில் நீட் தேர்வு எழுதியவர்கள் அப்பட்டமாக காப்பி அடித்து.. விடை புத்தகங்களை பார்த்து எழுதினார்கள்

Palanivel Manickam : மத்திய பிரதேச மாநிலத்தில் நடந்த வியாபம் ஊழலை வெளி கொண்டு வந்த ஆனந்த ராய் என்ற கல்வியாளர் சொல்கிறார்,
2018-19 வட மாநிலத்தில் நீட் தேர்வு எழுதிய மாணவிய,மாணவர்கள் அத்துமீறி அப்பட்டமாக காப்பி அடித்து எழுதியதையும், விடை புத்தகங்களை பார்த்து எழுதியதையும் வெளிப்படுத்தி தனது ட்விட்டர் பக்கத்தில் வெளியிட்டிருக்கிறார்.இந்திய சமூகத்தில் முக்கியமான நம்பகத்தன்மை வாய்ந்த மனிதர் இவர்.இவரின் குரல் ஒட்டுமொத்த சமூகத்திற்கும் கேட்கும் வரை எல்லா கூத்துகளையும் அரங்கேற்றும் வட மாதிலங்கள் ஒருபுறம்,

இங்கே 3300 -ற்கும் மேல் மருத்துவ இடங்களை வைத்திருக்கும் தமிழகத்தில் நீட் தேர்வு எழுதிய மாணவர்களை கை,காது,தலையில் இருப்பவற்றை பிடுங்கி,துணிகளை கிழித்தும் அவமானப்படுத்துவது மறுபுறம் என சமமற்ற ஒரு போட்டியை மத்திய அரசு திட்டமிட்டு நடத்திக்கொண்டிருக்கிறது.

ஆந்திரா ஜெகன் மோகன் வாக்குறுதிகளை நிறைவேற்ற முடியுமா? ( ஆந்திரா சபாநாயகர் ரோஜா)

தினமலர் :ஐதராபாத் : ஏராளமான வாக்குறுதிகளை அள்ளிவீசி, லோக்சபா மற்றும் ஆந்திர சட்டசபை தேர்தலை அமோக வெற்றி பெற்று முதல்வராகி உள்ளார் ஜெகன் மோகன் ரெட்டி. ஆனால் தற்போது அவர் அளித்த வாக்குறுதிகளை நிறைவேற்ற நிதிக்கு என்ன செய்வது என்ற பெரிய கேள்வியுடன் குழப்பத்தில் உள்ளனர் ஒய்எஸ்ஆர்., காங்., கட்சியின் எம்எல்ஏ.,க்களும் எம்.பி.,க்களும்.
ஆந்திராவில் லோக்சபா தேர்தலில் 25 தொகுதிகளில் 23 இடங்களிலும், சட்டசபை தேர்தலில் 175 தொகுதியில் 151 இடங்களிலும் பிரம்மாண்ட வெற்றியை பெற்று ஆந்திர முதல்வரானார் ஜெகன் மோகன் ரெட்டி. ஆனால் ஆந்திராவின் நிதிநிலை ஏற்கனவே மோசமாக உள்ள நிலையில், ஜெகன் மோகன் அளித்த மக்கள் நலத்திட்டங்களை நிறைவேற்ற நிதிக்கு என்ன செய்வது என்ற கவலை எழுந்துள்ளது. 2014-15 ம் நிதியாண்டில் ஆந்திராவின் வருவாய் பற்றாக்குறை ரூ.16,200 கோடியாக இருந்தது.

‘விகடன்’ மீது ரூ. 1.10 கோடி நஷ்ட ஈடு கேட்டு மு.க.ஸ்டாலின் வழக்கு!

கலைஞர் lசெய்திகள்  :. தி.மு.க தலைவர் மு.க.ஸ்டாலின் குறித்து அவதூறாக பொய்ச்செய்தி வெளியிட்ட ஆனந்த விகடன் குழுமத்தின் மீது 1 கோடியே 10 லட்ச ரூபாய் நஷ்டஈடு கோரி சிவில் தொடரப்பட்டுள்ளது.
 முன்னதாக, தி.மு.க தலைவர் மு.க.ஸ்டாலின் மீது அவதூறாக பொய்ச் செய்தி வெளியிட்ட ‘ஆனந்த விகடன்’ குழுமத்திடம் நஷ்ட ஈடு கேட்டு மு.க.ஸ்டாலின் சார்பில் வக்கீல் நோட்டீஸ் அனுப்பப்பட்டது.
சில மாதங்களுக்கு முன்பு வெளிவந்த ‘ஜுனியர் விகடன்’ இதழில், மு.க.ஸ்டாலின் மீது அவதூறு பரப்பும் வகையில், பொய்ச் செய்தியை வெளியிட்ட ‘ஆனந்த விகடன்’ குழுமத்தின் அச்சகம் மற்றும் வெளியீட்டு நிறுவனத்தின் நிர்வாக இயக்குநர் திரு.பி.சீனிவாசன், இயக்குநர்களான திருமதி ராதிகா சீனிவாசன், திரு. குமார் மன்னோர் வெங்கடேஸ்வரா, ஆனந்தவிகடன் பதிப்பகத்தின் ஆசிரியர் திரு.எஸ்.அறிவழகன் மற்றும் ஜுனியர் விகடன் இதழின் செய்தி ஆசிரியர் திரு. பாலகிஷன் ஆகியோருக்கு, தி.மு.க தலைவர் மு.க.ஸ்டாலின் அவர்கள் சார்பில் வில்சன் அசோசியேட்ஸின் வழக்கறிஞர் ரிச்சட்ஸ் வில்சன், நஷ்டஈடு கோரி “வக்கீல் நோட்டீஸ்” அனுப்பினார்.

ஈ வி கே எஸ் இளங்கோவன் தொடுக்க போகும் வழக்கை எண்ணி நடுங்கும் பன்னீரும் மகனும்

நக்கீரன் : 2019 நாடாளுமன்றத் தேர்தலில் தேனி தொகுதியில் அதிமுக வேட்பாளராக துணை முதல் அமைச்சர் ஓ.பன்னீர்செல்வம் மகன் ரவீந்திரநாத், திமுக கூட்டணியில் காங்கிரஸ் வேட்பாளராக ஈ.வி.கே.எஸ். இளங்கோவன், அமமுக வேட்பாளராக தங்க தமிழ்ச்செல்வன் போட்டியிட்டனர். இந்த தேர்தலில் ரவீந்திரநாத் குமார் வெற்றி பெற்றார். இந்த நிலையில் சென்னையில் அண்ணா அறிவாலயத்தில் செய்தியாளர்களை சந்தித்த ஈ.வி.கே.எஸ். இளங்கோவன்,

தேனி தொகுதியில் போட்டியிட்ட எனக்காக திமுக தலைவர் ஸ்டாலின் பிரச்சாரம் செய்தார். அதற்காக அவரை சந்தித்து நன்றி தெரிவித்துக்கொண்டோம். ரவீந்திரநாத் குமார் எம்.பி.யாகவோ, மந்தியாகவோ பதவியேற்க இடைக்கால தடை விதிக்கக்கோரி இன்னும் ஓரிரு நாளில் வழக்கு தொடர உள்ளோம் என்றார்.

காணாமல் போன விமானப்படை விமானமும். துல்லியத் தாக்குதல் கதைகளும்

தேவை, ரஃபேல் அல்ல... காணாமல் போன விமானத்தை கண்டுபிடிக்கும் கருவி!
nakkheeran.in - athanurchozhan : 2019 ஆம் ஆண்டு பிப்ரவரி 14 ஆம் தேதி காஷ்மீர் மாநிலம் புல்வாமா அருகே இந்திய ராணுவ அணிவகுப்புக்கு ஊடாக பயங்கரவாதியின் வாகனம் புகுந்து வெடிக்கிறது. இந்த கொடூர தாக்குதலில் இந்திய வீரர்கள் 40 பேர் கொல்லப்பட்டனர். இந்தத் தாக்குதலை தடுக்க மத்திய அரசுக்கு துப்பில்லையா என்று அரசியல் விமர்சனங்கள் எழுந்த நிலையில், மக்களவைக்கு தேர்தல் அறிவிக்கப்பட்டது. இந்தத் தாக்குதலை பிரதமர் மோடி தனது பிரச்சாரத்தில் பாகிஸ்தானுக்கு எதிரான விமர்சனமாக அடிக்கடி குறிப்பிட்டார். நாடு பாகிஸ்தான் பயங்கரவாதிகளால் ஆபத்தை எதிர்நோக்கி இருப்பதைப் போல அவர் தொடர்ந்து பேசினார்.

இந்தியாவிலேயே தில்லிக்கு அடுத்து தமிழகத்திற்குதான் வேலை தேடி படை எடுக்கிறார்கள்

Ravishankar Ayyakkannu :  இந்தியாவிலேயே தில்லிக்கு அடுத்து வேலை தேடி மக்கள் குவிவது தமிழகத்தில் தான்.
தமிழகத்திற்கு வேலை தேடி வருகிற மற்ற மாநிலத்துக்காரர்கள் தமிழ் கற்றுக் கொள்வது பயன் மிக்கதாக இருக்கும்.
எனவே, நாடு முழுதும் தமிழ் கற்பிக்கும் மையங்களைத் திறக்க தமிழக அரசு ஆவன செய்ய வேண்டுமாறு கேட்டுக் கொள்கிறேன்.
hindustantimes.com :While states in the Hindi-speaking belt, such as Uttar Pradesh, Bihar and Rajasthan, had the highest net outflow of migrants, Tamil Nadu and Kerala recorded the highest migrant inflow during the period. Tamil Nadu is known for anti-Hindi agitations both before and after India’s independence. Yet, according to census data, Tamil Nadu recorded the highest increase in the number of people reporting Hindi as their mother tongue between 2001 and 2011, among all southern states, Gujarat and Maharashtra. This one statistic captures the phenomenon of India’s changing linguistic landscape, the result of migration for economic reasons.
Cultural barriers do not seemingly inhibit economic integration in India. The 2016-17 Economic Survey published by the ministry of finance contained estimates of migration in the 20-29 year age group between 2001 and 2011.

குருமூர்தியின் அமைச்சு பிச்சை கார்ட்டூன் “கண்டவர்களும் களவாக” இரவில் வந்துபோய்....

LRJ : முன்பொருமுறை முதல்வர், துணை முதல்வர் உள்ளிட்ட அதிமுக ரமா வாம்மா பேசிக்கலாம்” என அவரது அந்தப்புர விரிவாக்கத்தில் பிஸியாகிவிட்டதாலோ என்னவோ இதில் அதற்குப்பின் எந்த தொடர் வினையும் ஆற்றவில்லை.
தலைவர்கள் “ஆண்மையற்றவர்கள்”, என்றார். அதிமுக ஆட்சியிடமிருந்தோ, அந்த கட்சியில் இருந்தோ, அந்த கட்சியின் பத்திரிகையிலோ, அந்த கட்சியின் சார்பில் தொலைக்காட்சிகளின் மாலைநேர பேச்சுக்கச்சேரிகளில் கலந்துகொள்ளும் தேங்காய் மூடி பாகவதர்களிடம் இருந்தோ எந்த எதிர்வினையும் இல்லை. அதிமுகவில் “அறுபது வயது கடந்தபின்னும் ஆண்மையுள்ளவர்” (?!) என்று “செயலில் நிரூபித்திருக்கும்” ஒரே ஒரு அமைச்சர் மட்டும் கொஞ்சம் வாயை திறந்தார். ஆனால் அவரும் “ரோட்டோ

இப்போது அதிமுக என்பது பிச்சைக்காரர்கள் கட்சி என்று அந்த கட்சி மற்றும் ஆட்சியாளர்கள் முகத்தில் காறி
உமிழ்ந்திருக்கிறார். முன்பிருந்த லேசான முணுமுணுப்பு கூட இல்லை. முணுமுணுக்காதது மட்டுமல்ல தன் முகத்தில் காறி உமிழ்ந்தவரை வீடுதேடி சென்று சந்தித்து சேவித்துவிட்டு திரும்பியிருக்கிறார் அதிமுக ஆட்சியின் துணை முதல்வர் பொறுப்பில் இருக்கும் ஒரு ஜடம். அதுவும் தனியாகக்கூட அல்ல. தன் அருமந்த தனையனையும் கூடவே கூட்டிப்போய் குருமூர்த்தி காலில் விழுந்து சேவித்து திரும்பியிருக்கிறார்கள் அப்பனும் மகனுமாக.

தெலுங்கானா உள்ளாட்சி தேர்தல்களிலும் பாஜக படுதோல்வி !

Chozha Rajan தெலங்கானா உள்ளாட்சித் தேர்தலிலும் பாஜக படுதோல்வி!
மக்களவைத் தேர்தலில் இந்திய முழுவதும் அதிக இடங்களை வென்ற பாஜக, தெலங்கானா மற்றும் கர்நாடகாவில் வெற்றி பெற்றதன் மூலம் தென்னிந்தியாவில் வலுவான அடித்தளம் அமைத்துள்ளதாக பிரச்சாரம் செய்யப்பட்டது.
ஆனால், சமீபத்தில் கர்நாடகா உள்ளாட்சித் தேர்தலில் படுதோல்வி அடைந்த பாஜக, இப்போது தெலங்கானா மாநில உள்ளாட்சித் தேர்தலிலும் படுதோல்வி அடைந்துள்ளது. தெலங்கானா உள்ளாட்சித் தேர்தலில் மொத்தம் உள்ள 32 மாவட்ட ஊராட்சிகளையும் தெலங்கானா ராஷ்ட்ரிய சமிதி கட்சியே வெற்றி பெற்றுள்ளது. பா.ஜ.க படுதோல்வி அடைந்துள்ளது.

மாவட்ட ஊராட்சிகளில் மொத்தமுள்ள 538 இடங்களில் தெலங்கானா ராஷ்ட்ரிய சமிதி 445 இடங்களையும், காங்கிரஸ் 75 இடங்களிலும் வெற்றி பெற்ற நிலையில், பா.ஜ.க.,விற்கு வெறும் 8 இடங்கள் மட்டுமே கிடைத்துள்ளன. சுயேச்சைகள் 5 இடங்களைக் கைப்பற்றியுள்ளனர்.

ஆட்சிக் கவிழ்ப்பு.... நடப்பது என்ன?

மின்னம்பலம் : மொபைல் டேட்டா ஆன் செய்யப்பட்டது. ஆன்லைனில் இருந்த வாட்ஸ் அப், ‘டைப்பிங்’ மோடில் இருந்தது. கொஞ்ச நேரம் கழித்து மெசேஜ் உள்பெட்டியில் வந்து விழுந்தது.
“திமுக தலைமை அலுவலகமான அறிவாலயத்தில் மட்டுமல்ல திமுகவின் கடைக்கோடித் தொண்டர்கள் எங்கே பார்த்துக்கொண்டாலும் அவர்களுக்குள் கேட்டுக் கொள்ளும் கேள்வி, ‘இந்த ஆட்சியை தலைவர் எப்பப்பா கவுப்பாரு?’ என்பதுதான். ஜெயலலிதா காலமானதில் இருந்து அதிமுக என்ற கட்சிக்கு உள்ளே பல குழப்பங்கள், நெருக்கடிகள், பிளவுகள் ஏற்பட்ட போதிலும் 2017 பிப்ரவரியில் சசிகலா மூலமாக பதவிக்கு வந்த எடப்பாடி பழனிசாமி ஆட்சியைக் கெட்டியாகப் பிடித்துக் கொண்டிருக்கிறார். இதற்கு மத்திய அரசின் ஆதரவும் உறுதியாக இருந்தது.
ஆனால், நடந்து முடிந்த மக்களவைத் தேர்தல், மினி சட்டமன்றத் தேர்தலில் மொத்தமுள்ள 22 தொகுதிகளில் 13 இல் திமுக வெற்றி பெற்றது. ஒன்பது இடங்களில் வெற்றி பெற்ற அதிமுக இழையளவில் சட்டமன்றத்தில் தனது மெஜாரிட்டியை தக்க வைத்துக் கொண்டுள்ளது. இடைத்தேர்தல் மூலம் எப்படியாவது ஆட்சியை கவிழ்த்து விடலாம் என்று கணக்குப் போட்ட திமுக நிர்வாகிகளும், தொண்டர்களும் இந்த ரிசல்ட்டைப் பார்த்து அதிர்ச்சி அடைந்தனர். ஆன போதும் எப்படியாவது நம்பர் விளையாட்டு நடத்தி ஆட்சியக் கவிழ்த்தே தீர வேண்டும் என்று திமுக தலைமையிடம் தங்களது கருத்துக்களை தெரிவித்து வந்தனர்.

நீட்: 24 மணி நேரத்தில் மூன்றாவது தற்கொலை!

மின்னம்பலம்: நாடு முழுவதும் நேற்று வெளியான நீட் தேர்வு முடிவுகளில், மதிப்பெண் குறைவாக பெற்றதால் திருப்பூரைச் சேர்ந்த மாணவி ரிதுஸ்ரீ, பட்டுக்கோட்டையைச் சேர்ந்த மாணவி வைசியா ஆகியோர் தற்கொலை செய்துகொண்டனர். இந்த சம்பவம் தமிழகத்தையே அதிர்ச்சிக்கு உள்ளாக்கிய நிலையில், விழுப்புரத்தைச் சேர்ந்த மோனிஷா என்ற மாணவியையும் நீட்டுக்காக இழந்துள்ளது தமிழகம்.
விழுப்புரம் மாவட்டம் மரக்காணம் கூனிமேடு பகுதியைச் சேர்ந்தவர் மோகன். மீன்பிடி தொழில் செய்துவரும் இவர் அமமுக ஒன்றிய மீனவரணிச் செயலாளராகவும் உள்ளார். இவரது மகள் மோனிஷா. கடந்த ஆண்டு பிளஸ் டூ முடித்த மோனிஷா, புதுச்சேரியில் உள்ள ஒரு தனியார் நீட் பயிற்சி மையத்தில் சேர்ந்து நீட் தேர்வுக்காக கடந்த ஒரு வருடமாக தீவிரமாக படித்துள்ளார்.

இந்திய ராணுவத்தில் 30 ஆண்டுகள் பணியாற்றிய மொஹமத் சானாவுல்லாவின் குடியுரிமை பறிக்கப்பட்டது எப்படி?

BBC :மே 27ம் தேதி மாலை, 52 வயதான மொஹமத் சானாவுல்லா அப்போதுதான் வீடு திரும்பி இருந்தார். 30 ஆண்டுகள் இந்திய ராணுவத்தில் பணிபுரிந்த அவர், 2017ல் ஓய்வு பெற்றார். கைதாகும்போது அஸ்ஸாம் மாநிலத்தில் எல்லை பாதுகாப்புப்படையில் உதவி ஆய்வாளராக பணிபுரிந்து வந்தார்.
சட்டவிரோதமாக நாட்டுக்குள் நுழைபவர்களை தடுப்பது என்பது எல்லை பாதுகாப்புப்படையினரின் வேலைகளில் ஒன்று.
வங்கதேசம் போன்ற நாடுகளில் இருந்து சட்டவிரோதமாக மக்கள் நுழைவது பல தசாப்தங்களாக இந்தியாவின் வடகிழக்கு மாநிலங்களுக்கு ஒரு பிரச்சனையாக இருக்கிறது.
அன்று மாலை, சானாவுல்லா வீட்டில் அமர்வதற்கு முன்பே அவருக்கு காவல்துறை கண்காணிப்பாளர் அலுவலகத்தில் இருந்து ஓர் அழைப்பு வந்தது.
அவரை 'வெளிநாட்டவர்' என்று தீர்ப்பாயம் அறிவித்துள்ளதாக அவருக்கு தெரிவிக்கப்பட்டது.

முகிலன் எங்கே... துப்பு துலங்கியதாக சிபிசிஐடி தகவல்!

tamil.indianexpress.com/tamilnadu வழக்கின் விசாரணை மூன்று வார காலத்திற்கு தள்ளி வைப்பு.
காணாமல் போன சுற்றுச்சுழல் பாதுகாப்பு இயக்கத்தின் செயற்பாட்டாளர் முகிலன் வழக்கில் விசாரணை சரியான பாதையில் உள்ளதாகவும், அது தொடர்பான தகவல்களை தெரிவித்தால் விசாரணை பாதிப்பு எற்படும் என உயர்நீதிமன்றம் கருத்து தெரிவித்துள்ளது.
தூத்துக்குடியில் ஸ்டெர்லைட் ஆலைக்கு எதிராக நடந்த போராட்டத்தின் போது நடைபெற்ற துப்பாக்கி சூடு சம்பவத்தில் காவல்துறை உயர் அதிகாரிகளின் தொடர்பு குறித்த வீடியோவை சமீபத்தில் முகிலன் வெளியிட்டிருந்தார்.
பின்னர், கடந்த பிப்ரவரி 15 ஆம் தேதி முதல் முகிலனை காணவில்லை. இதையடுத்து, முகிலனை கண்டுபிடித்து நீதிமன்றத்தில் ஆஜர் படுத்தக்கோரி மனித உரிமைகள் ஆர்வலர் ஹென்றி திபேன் ஆட்கொணர்வு சென்னை உயர் நீதிமன்றத்தில் மனு தாக்கல் செய்திருந்தார்.

24 மணி நேரமும் கடைகள், வர்த்தக நிறுவனங்களை திறந்து வைக்க தமிழக அரசு அனுமதி

தினத்தந்தி :தமிழகத்தில் 24 மணிநேரமும் கடைகள் மற்றும் வர்த்தக நிறுவனங்களை திறக்க அனுமதி அளித்து தமிழக அரசு அரசாணை வெளியிட்டுள்ளது. சென்னை, தமிழக அரசு வெளியிட்டுள்ள அரசாணையில் 24 மணி நேரமும் கடைகள், தொழில் நிறுவனங்கள், உணவகங்கள், விடுதிகள், திரையரங்குகள் ஆகியவை 365 நாட்களும் திறந்திருக்கலாம். அதே நேரத்தில் ஒரு பணியாளரை ஒரு நாளைக்கு 8 மணி நேரம் மட்டுமே பணியில் ஈடுபடுத்த வேண்டும்.
இரவு 8 மணிக்கு மேல் பெண்கள் பணியாற்ற கூடாது. பெண்கள் இரவில் பணி செய்வதாக இருந்தால் அதற்கு எழுத்துப்பூர்வ அனுமதியை அவர்களிடம் நிறுவனங்கள் பெற வேண்டும். இரவு 8 மணி முதல் காலை 6 மணி வரை பெண்களுக்கு தகுந்த பாதுகாப்பு வழங்க வேண்டும்.
அடுத்த மூன்று ஆண்டுகளுக்கு இந்த புதிய நடைமுறை அமலில் இருக்கும் என்று குறிப்பிடப்பட்டுள்ளது. தமிழகத்தில் தொழில் வளர்ச்சி மற்றும் வேலைவாய்ப்பை அதிகரிக்கச் செய்யும் நோக்கில் இந்த நடவடிக்கை எடுக்கப்பட்டுள்ளதாக அரசாணையில் தெரிவிக்கப்பட்டுள்ளது

அமெரிக்க தமிழ் பள்ளிகளில் சில பார்பனீய மனுதர்ம போதனைகள் ..?

Hema Sankar : அமெரிக்காவில் இயங்கும் தமிழ் பள்ளிகளில் ஒன்று இந்த குருகுலம்( குருகுல் ).
குருகுலம்- உயர் சாதி பிராமணர் மட்டுமே அங்கேயே தங்கி குருவிடமிருந்து கல்வி ( வேதம், கணிதம், அறிவியல்) பயிலும் இடம்.
இதன் பெயரை தமிழ் பள்ளிக்கு வைத்து கோவில்களில் நடத்திக்கொண்டிருக்கிறது ஒரு கூட்டம்.. இந்த பள்ளியில் தமிழ் மட்டும் இல்லை, தமிழுடன் சேர்த்து கடவுளையும், பக்தியையும், சமஸ்கிருத ஸ்லோகத்தையும் சொல்லி தருகிறார்களாம்.. இதை நடத்துவோர் முற்றிலுமாக பார்ப்பணர்கள்.

தமிழ் பள்ளியில் சமஸ்கிருத ஸ்லோகம் எதற்கு, அதுவும் குருக்குலம் என்று பெயர் வைத்த பிறகும் இந்த பள்ளியில் சேர்க்கின்றனர் பெற்றோர்கள். படித்து இங்கு வரும் பெற்றோர்களே குழந்தைங்களிடம் சுயமரியாதையை சொல்லி தர தவரி, தமிழ் என்று சமஸ்கிருத பார்பனிய சிந்தனையை வளர்க்கிறார்கள்.
இங்க கோவில்களில் அவர்களுக்கென்று தனி சாம்ராஜ்யமே நடத்தி வருகிறார்கள்.. ஆனால் இதை எல்லாம் கண்டும் காணாமல் அடிமை கூட்டமாக இருக்கின்றனர் பலர். சாதிக்கு ஒரு சங்கம் இருக்கு.
இதையெல்லாம் நாம கேட்டுட்டா, பொம்பள நீ பேசனா உன் பின்னாடி ஆளுங்க வருவானுங்கனு பேசறியானு கேக்கறானுங்க.. கொஞ்சம் கூட சோத்துல உப்பு போட்டே திண்ண மாட்டீங்களாடா.. படிச்சவனுங்க தான நீங்கல்லாம். கருத்து சுதந்திரம், பாலியல் சுதந்திரம், பகுத்தறிவு பேசும் லிபரல்ஸ் அதிகம் இருக்க நாட்ல கூட இப்டி இன்னும் அடிமைங்களா தான் வாழ்வீங்களானு தோணும்.

அவுஸ்திரேலியா தமிழர் மீது தாக்குதல்: ஐ.எஸ். ஆதரவு பெண்ணுக்கு 42 ஆண்டுகள் சிறை

தினமணி :நீதிமன்றத்துக்கு அழைத்துவரப்படும் முமேனா.

ஆஸ்திரேலியாவில் தமிழரை கத்தியால் குத்திய இஸ்லாமிய தேச (ஐ.எஸ்.) பயங்கரவாத ஆதரவு வங்கதேசப் பெண்ணுக்கு அந்த நாட்டு நீதிமன்றம் 42 ஆண்டுகள் சிறை தண்டனை விதித்தது.
இதுகுறித்து தகவல்கள் தெரிவிப்பதாவது:
வங்கதேசத்தைச் சேர்ந்த முமேனா ஷோமா (26) என்ற பெண், கடந்த 2013-ஆம் ஆண்டில் ஐ.எஸ். பயங்கரவாதிகளின் பிரசாரங்களால் கவரப்பட்டு, அவர்களது ஆதரவாளராக மாறினார்.
அதையடுத்து, துருக்கி வழியாக சிரியாவிலுள்ள ஐ.எஸ். பகுதிக்குச் செல்லும் நோக்குடன், அந்த நாட்டில் கல்வி பயில்வதற்கான விசாவுக்கு முமேனா ஷோமா விண்ணப்பித்தார். எனினும், அவரது விண்ணப்பத்தை துருக்கி நிராகரித்தது.

குஜராத் மருத்துவமனையில் குழந்தையின் கைவிரலை துண்டித்த நர்ஸ்

தினத்தந்தி :ஆமதாபாத், குஜராத் மாநிலம் ஆமதாபாத்தில் உள்ள அரசு மருத்துவமனை ஒன்றில் நிமோனியா நோயால் பாதிக்கப்பட்ட 5 மாத குழந்தை ஒன்று சிகிச்சைக்காக அனுமதிக்கப்பட்டது.
அங்கு மருந்து ஏற்றுவதற்காக குழந்தையின் கையில் கட்டு போடப்பட்டது. பின்னர் அதை நர்ஸ் ஒருவர் பிரித்தார்.
அப்போது குழந்தையின் கட்டை விரலை அவர் தவறுதலாக துண்டித்து விட்டார். இதனால் அதிர்ச்சியடைந்த மருத்துவமனை நிர்வாகம் அறுவை சிகிச்சை மூலம் குழந்தையின் விரலை மீண்டும் சேர்த்து விட்டது. எனினும் அந்த அறுவை சிகிச்சை வெற்றி பெறுமா? என்பது குறித்து உறுதியாக கூற முடியாது என டாக்டர்கள் அறிவித்து விட்டனர்.

அ.தி.மு.க-வில் இணைந்த அ.ம.மு.க முக்கியப் புள்ளி பாப்புலர் முத்தையா

எஸ்.மகேஷ் - vikatan : நெல்லை அ.ம.மு.க. மாவட்டச் செயலாளர் பாப்புலர் முத்தையா, தினகரனிடமிருந்து விலகியதற்கு சில முக்கிய காரணங்களை நம்மிடம் தெரிவித்தார். மாவட்டச் செயலாளருக்கு தகவல் தெரிவிக்காமல் நெல்லைக்குள் பொதுச் செயலாளர் தினகரன் வந்ததாகவும், மரியாதை என்பதே கட்சியில் இல்லை என்றும் அவர் குற்றம்சாட்டினார்.
அம்மா மக்கள் முன்னேற்றக் கழகத்திலிருந்து முக்கிய நிர்வாகிகள், அ.தி.மு.க-வில் தொடர்ந்து இணைந்துவருகின்றனர். நெல்லை மக்களவைத் தொகுதியில் அம்மா மக்கள் முன்னேற்றக்  கழகம் சார்பில் போட்டியிட்டவர் முன்னாள் எம்.எல்.ஏ. மைக்கேல் ராயப்பன். தேர்தலில் தோல்வியடைந்த கையோடு அ.தி.மு.க-வில் இணைந்துள்ளார். இவருடன் அ.ம.மு.க-வின் நெல்லை வடக்கு மாவட்டச் செயலாளர் பாப்புலர் முத்தையா தலைமையில் முக்கிய நிர்வாகிகள் முதல்வர் எடப்பாடி பழனிசாமி, துணை முதல்வர் ஓ.பன்னீர்செல்வம் ஆகியோரைச் சந்தித்து அ.தி.மு.க-வில்  இணைந்தனர். இவர்கள் இணைவதற்கு சில நாள்களுக்கு முன் அ.ம.மு.க அமைப்புச் செயலாளராக இருந்த அண்ணாமலை அ.தி.மு.க-வில் இணைந்தார். நெல்லை மாவட்ட அம்மா மக்கள் முன்னேற்றக் கழகத்தினரில் பலர் அதிருப்தியில் இருந்துவருகின்றனர். இதனால் அதிருப்தியிலிருக்கும் நிர்வாகிகள் அ.தி.மு.க-வில் சேருவது தொடர்கதையாகிவருகிறது. இதே நிலை நீடித்தால் அம்மா மக்கள் முன்னேற்றக் கழகத்தின் கூடாரம் நெல்லையில் காலியாகும் சூழல் ஏற்பட்டுள்ளது.

சுப வீரபாண்டியன் ரங்கராஜ் பாண்டேக்கு .. ஆரியப் பார்ப்பன வல்லாண்மைக்குத் தமிழகம் என்றும் அடிபணியாது.!

ஏதேனும் ஒரு வழியில் இந்தியை, அதன் வழி சமஸ்கிருதத்தை ஏன் திணிக்க விரும்புகின்றார்கள், அதற்கு உங்களைப் போன்றோர் ஏன் துணை போகின்றீர்கள் என்பதைத் தமிழகம் அறியும். சமஸ்கிருதம் என்பது வெறும் மொழி மட்டுமன்று. அது ஒரு பண்பாட்டு வல்லாண்மை. அந்த ஆரியப் பார்ப்பன வல்லாண்மைக்குத் தமிழகம் என்றும் அடிபணியாது.
சுப. வீரபாண்டியனின் திறந்த மடல் - "நடுநிலையாளர்" பாண்டேவுக்கு ஒரு பதில்!
அன்புள்ள திரு ரங்கராஜ் (பாண்டே) அவர்களுக்கு,
வணக்கம். 'ஹிந்தி திணிப்பு உண்மையா?' என்னும் தலைப்பில், சாணக்கியாவில் நீங்கள் ஆற்றியுள்ள உரையைக் காணொளி வடிவில் முழுமையாகப் பார்த்தேன். பல ஆண்டுகளுக்குப் பின்,'புரட்சி வெடிக்கும், கிளர்ச்சி வெடிக்கும்' என்னும் குரல்கள் கேட்பதாக, ஒரு மெலிதான ஏளனத்துடன் தொடங்கும் அந்த உரை குறித்துச் சில செய்திகளைப் பகிர்ந்து கொள்ளவே இந்தத் திறந்த மடலை எழுதுகின்றேன்.
புதிய கல்விக் கொள்கை குறித்து ஆராய, டி.எஸ்.ஆர். சுப்பிரமணியம் தலைமையில் குழு அமைக்கப்பட்டதும், அதன் பிறகு, 2017 ஜூன் மாதம் இஸ்ரோ முன்னாள் தலைவர் கஸ்தூரி ரங்கன் தலைமையில் 9 பேர் கொண்ட குழு அமைக்கப்பட்டதுமான செய்திகளையும், அவர்கள் இப்போது 484 பக்கங்களில் பரிந்துரை வழங்கியுள்ளனர் என்னும் செய்திகளையும் எல்லாம் கூறிவிட்டு, அந்த அறிக்கையை 'நுனிப்புல்' மேயாமல் ஆழ்ந்து படிக்க வேண்டும் என்று அறிவுரையும் கூறியுள்ளீர்கள்.

NEET 60 ஆண்டுகளில் ஒவ்வொரு செங்கலாக தமிழகம் . அதை மூன்றே ஆண்டுகளில் உடைத்தெறிந்துவிட்டது சனாதானம்.

ந முகுந்தன்  : என் இனிய ஆண்ட பரம்பரைகளா,
நீட் தேர்வில் தேர்வானவர்கள் எண்ணிக்கையை பார்த்தாச்சா?
SC/ST - 20,009
OBC - 63,749
Others - 7,04,335

அதாவது மொத்தமே 83758 பிற்படுத்தப்பட்ட & தாழ்த்தப்பட்ட மாணவர்கள் தேர்வான நிலையில் முன்னேறிய வகுப்பினர் மட்டும் 7 லட்சம் பேர் தேர்வாகியுள்ளனர்.
தமிழ்நாட்டில் 69% இடஒதுக்கீடு அமுலில் இருக்கிறது.
அகில இந்திய அளவில் 49.5% இடஒதுக்கீடு இருக்கிறது.
ஆனால் இந்த தேர்வு முடிவுகள் அடிப்படையில் தேர்வானவர்கள் சதவிகிதம் என்ன தெரியுமா?
12% தான்.
நீட் தேர்வு எதற்காக வலுக்கட்டாயமாக நுழைக்கப்பட்டதோ அந்த இலக்கை நோக்கி சரியாக பயணிக்கிறது.
பெரியார், அண்ணா, காமராஜர், கலைஞர், ஜெயலலிதா ஆகியோர் எதிரெதிர் கட்சியில் இருந்தாலும், சமத்துவத்துக்கும் சமவாய்ப்புக்குமான அடிப்படை கட்டமைப்பை 60 ஆண்டுகளில் ஒவ்வொரு செங்கலாக கட்டி எழுப்பினர்.
அதை மூன்றே ஆண்டுகளில் உடைத்தெறிந்துவிட்டது சனாதானம்.