இந்நிலையில்
வருகிற 13ஆம் தேதி முதல் நாடுமுழுவதும் கொரோனா தடுப்பூசி போடப்படும் என
மத்திய அரசு தெரிவித்திருக்கிறது. முதல் கட்டமாக கொரோனா தடுப்பூசி போடும்
பணியை முடிந்த அளவிற்கு நாடுமுழுவதும் எவ்வளவு பேருக்கு செலுத்தமுடியுமோ
அதை செலுத்திமுடிக்க மத்திய அரசு திட்டமிட்டிருக்கிறது.
அதன்படி
நாடுமுழுவதிலும் பல்வேறு பகுதிகளில் தடுப்பூசிகளை எப்படி கொண்டுசெல்வது,
யார் யாரெல்லாம் எந்தெந்த நாட்களில் தடுப்பூசி செலுத்திக்கொள்ள வேண்டும்
என்பதற்கான பட்டியல்களையும் மத்திய அரசு தயாரித்திருக்கிறது. ஏற்கெனவே
அறிவிக்கப்பட்டிருந்தபடி, மருத்துவத் துறை மற்றும் காவல்துறை, ராணுவத்
துறையைச் சேர்ந்த முன்கள பணியாளர்களுக்கு தடுப்பூசி செலுத்தப்படும்.
அதேபோல்,
கோவின் செயலிமூலம் தடுப்பூசி செலுத்திக்கொள்ள பதிவுசெய்தவர்களுக்கும்
ஜனவரி 13-ஆம் தேதிமுதல் தடுப்பூசி செலுத்தும் பணியை தொடங்கவேண்டும் என்றும்
மத்திய சுகாதாரத் துறை தெரிவித்திருக்கிறது. இதுகுறித்து மாநில வாரியான
விவரப் பட்டியல்கள் விரைவில் வெளியிடப்படும் என்றும் தெரிவித்திருக்கிறது.
இந்த
நிலையில் 10 நாட்களில் கொரோனா தடுப்பூசி செலுத்த மத்திய அரசு தயார் என
மத்திய சுகாதாரத்துறை செயலாளர் ராஜேஷ் பூஷன் கூறி உள்ளார். அவர் மேலும்
கூறும் போது
அவசரகால பயன்பாட்டு அங்கீகார
ஒப்புதல்களின் 10 நாட்களுக்குள் தடுப்பூசி தயாரிக்க நாங்கள் தயாராக
உள்ளோம். இறுதிமுடிவு அரசாங்கத்தால் எடுக்கப்படும். சேமிக்கப்பட்ட
தடுப்பூசிகளின் எண்ணிக்கை மற்றும் வெப்பநிலை கண்காணிப்பாளர்கள் உள்ளிட்ட
வசதி டிஜிட்டல் முறையில் கண்காணிக்கப்படுகிறது. நாட்டில் 10
ஆண்டுகளுக்கும் மேலாக இந்த வசதி எங்களிடம் உள்ளது.
கர்னல்,
மும்பை, சென்னை மற்றும் கொல்கத்தாவில் 4 முதன்மை தடுப்பூசி சேமிப்பு
மையங்கள் உள்ளன, மேலும் நாட்டில் 37 தடுப்பூசி சேமிப்பு மையங்கள் உள்ளன.
அவர்கள் தடுப்பூசிகளை மொத்தமாக சேமித்து விநியோகிக்கிறார்கள் என கூறினார்.
கருத்துகள் இல்லை:
கருத்துரையிடுக