இதுகுறித்து, தி.மு.க., வட்டாரங்கள் கூறியதாவது:மக்கள் நலனுக்காக இடிக்கப்பட்ட மண்டப விவகாரத்தை, விஜயகாந்த் தொடர்ந்து பேசுகிறார். கூட்டணிக்கு வராமலிருக்க, சொத்தை காரணங்களை சொல்கிறார். எதிர்க்கட்சித் தலைவராக உள்ள விஜயகாந்தை, ஜெயலலிதா அவமானப்படுத்திய பின்னும், அவரை வீழ்த்துவதில், அவர் தான் முனைப்புடன் இருக்க வேண்டும். ஆனால், தி.மு.க.,வுக்கு மட்டுமே, அந்த ஆதங்கமும், நிர்ப்பந்தமும் இருப்பதாக நினைக்கிறார். மோசமான தோல்விக்கு பின்னும், தி.மு.க., எழுந்து நிற்கும் கட்சி. ஆனால், இனியொரு தோல்வியை சந்தித்தால், தே.மு.தி.க., இருப்பது கஷ்டம். எனவே, அவர் தான், தி.மு.க.,வை தேடி வர வேண்டும்.
தயார்:
ஏற்கனவே, விஜயகாந்த் இல்லாமல், சட்டசபை தேர்தலை சந்திக்க, தி.மு.க., தயாராகி விட்டது. ஓட்டு சதவீதமும், சமூக நீதியும் தான், தேர்தலில் வெற்றியை தீர்மானிக்கின்றன. அந்த வகையில், தி.மு.க., - காங்., - புதிய தமிழகம், ச.ம.க., - ம.தி.மு.க., - த.மா.கா., உள்ளிட்ட கட்சிகள் இணைந்து, தேர்தலை சந்திக்கும் போது, 37 சதவீத ஓட்டுகள் கிடைக்கும். ஆட்சிக்கு எதிரான ஓட்டுகளும் சேர்ந்தால், தி.மு.க., கூட்டணியால், 40 சதவீத ஓட்டு பெற முடியும். இந்த விவரங்களை கனிமொழி, கருணாநிதியிடம் தெரிவித்து, அதை நோக்கியே செல்வோம் என, குறிப்பிட்டு உள்ளார். இவ்வாறு கட்சி வட்டாரங்கள் தெரிவித்தன. தினமலர்.com
- நமது நிருபர் -
கருத்துகள் இல்லை:
கருத்துரையிடுக