மேலும், கருணாநிதிக்கு அளிக்கப்படும் என்.எஸ்.ஜி., பாதுகாப்பு ஏற்பாடுகளையும், அவர் பார்வையிட்டு சென்றுள்ளதாகவும் கூறப்படுகிறது. இந்த பிரச்னை காரணமாக, கடந்த ஆறு நாட்களாக, கருணாநிதி அறிவாலயம் வரவில்லை. கோபாலபுரம் வீட்டில் தான் தங்கியிருந்தார். நேற்று முன்தினம் இரவு தான், அவர், சி.ஐ.டி., காலனி வீட்டுக்கு போனார் என்றும், தி.மு.க., தரப்பில் கூறுகின்றனர்.
இதுகுறித்து, தி.மு.க., வட்டாரத்தில் மேலும் கூறியதாவது:கடந்த, 25ம் தேதி நடந்த, கறுப்புச் சட்டை போராட்டத்தில், கருணாநிதி, கலந்து கொண்டதோடு சரி. அதன்பின் அவர், எந்த நிகழ்ச்சியிலும், கலந்து கொள்ளவில்லை. ஆறு நாட்களாக, அறிவாலயம் கூட செல்லாமல், கோபாலபுரம் வீட்டில் தான் இருந்தார்.அவரை, அவரது துணைவியார் ராஜாத்தி, நேற்று முன்தினம் மதியம் கோபாலபுரம் வந்து, பார்த்துச் சென்றுள்ளார். நேற்று மதியம், ராஜாத்தியும் கனிமொழியும், கருணாநிதிக்கான மதிய உணவை, சி.ஐ.டி., காலனி வீட்டில் இருந்து, எடுத்து வந்தனர்.நேற்று இரவு தான் அவர், கோபாலபுரம் வீட்டை விட்டே வெளியே வந்தார். சி.ஐ.டி., காலனி வீட்டுக்கு சென்றார். ஜெயலலிதா ஜாமின் வழக்கில் முடிவு தெரியும் வரை, இந்த சூழ்நிலை நீடிக்கலாம்.இவ்வாறு, தி.மு.க., வட்டாரம் தெரிவித்தது.
நமது சிறப்பு நிருபர் dinamalar.com
கருத்துகள் இல்லை:
கருத்துரையிடுக