tamil.samayam.com - ஷமீனா பர்வீன் : தனுஷும், ஐஸ்வர்யா ரஜினிகாந்தும் காதலித்து திருமணம் செய்து கொண்டு 20 ஆண்டுகள் கழித்து விவாகரத்து கோரி சென்னை குடும்ப நல நீதிமன்றத்தில் மனுதாக்கல் செய்தார்கள்.
அந்த மனு மீதான விசாரணையின்போது தனுஷும், ஐஸ்வர்யா ரஜினிகாந்தும் நேரில் ஆஜராக வேண்டும் என நீதிபதி உத்தரவிட்டிருந்தார்.
இரண்டு முறை தனுஷும், ஐஸ்வர்யாவும் நீதிமன்றத்தில் ஆஜராகவில்லை. இதையடுத்து மூன்றாவது முறை அந்த வழக்கு விசாரணைக்கு வந்தபோது நேரில் ஆஜரானார்கள். மனுவை விசாரித்த நீதிபதி நவம்பர் 27ம் தேதி தீர்ப்பு வழங்கப்படும் என்றார்.
அதன்படி இன்று தீர்ப்பு அளிக்கப்பட்டுள்ளது. இருவருமே விவாகரத்து தான் வேண்டும் என்று நீதிபதி சுபாதேவியிடம் உறுதியாக தெரிவித்தார்கள். இதையடுத்து கடந்த 2004ம் ஆண்டு நவம்பர் மாதம் 18ம் தேதி நடந்த திருமணத்தை ரத்து செய்து உத்தரவிட்டார் நீதிபதி.
தனுஷ், ஐஸ்வர்யா ரஜினிகாந்த் கேட்டது போன்று அவர்களுக்கு விவாகரத்து அளித்திருக்கிறது நீதிமன்றம்.
காதல் கொண்டேன் படம் பார்க்க ஆல்பர்ட் தியேட்டருக்கு சென்றபோது தனுஷை முதல்முறையாக சந்தித்தார் ஐஸ்வர்யா. தானும், தனுஷும் சந்திக்க வேண்டும் என்பது கடவுளின் விருப்பம் என்றார். படம் பார்த்துவிட்டு தனுஷின் நடிப்பை பாராட்டி பூங்கொத்து அனுப்பினார் ஐஸ்வர்யா.
ஐஸ்வர்யா ரஜினிகாந்த் சொல்றத பார்த்தால் கனிமொழி, அஜித் குமார் மாதிரி போல
அதற்காக போன் செய்து நன்றி தெரிவித்தார் தனுஷ். அப்படி பேசிப் பேசி காதல் வளர்ந்தது. பேசிப் பழகி 6 மாதத்தில் தனுஷ், ஐஸ்வர்யாவின் திருமணம் நடந்தது. அவர்களுக்கு யாத்ரா, லிங்கா என இரண்டு மகன்கள் இருக்கிறார்கள்.
மகன்களுக்காக சேர்ந்து வாழுமாறு தனுஷ், ஐஸ்வர்யாவிடம் ரஜினிகாந்த் கூறி வந்தார். ஒரு கட்டத்தில் அப்பாவுக்காக மீண்டும் தனுஷுடன் சேர்ந்து வாழ ஐஸ்வர்யா சம்மதித்ததாக தகவல் வெளியானது. இந்நிலையில் விவாகரத்து கிடைத்த தகவல் அறிந்த ரசிகர்கள் அதிர்ச்சி அடைந்துள்ளனர்.
ஒன்றல்ல இரண்டல்ல 18 ஆண்டுகள் சேர்ந்து வாழ்ந்த நிலையில் காதல் கசந்து இப்படி விவாகரத்தாகிவிட்டதே. கடவுளே, எங்கள் தலைவர் இன்னும் என்னென்ன கொடுமையை எல்லாம் பார்க்க வேண்டி இருக்கோ. இந்த வயதில் தலைவருக்கு இப்படியொரு வேதனையா?. அவருக்கு கொஞ்சம் நிம்மதி கொடு கடவுளே என ரஜினிகாந்த் ரசிகர்கள் புலம்பி வருகிறார்கள்.
கருத்துகள் இல்லை:
கருத்துரையிடுக