மகேந்திரன் ஒரு துரோகி: கமல் ஆவேசம்

தினமலர் :சென்னை : நடிகர் கமலில் மக்கள் நீதி மய்யம் கட்சி துணை தலைவர் மகேந்திரன் விலகியதையடுத்து, மூத்த நிர்வாகிகள் கூண்டோடு ராஜினாமா செய்த நிலையில், மகேந்திரன் ஒரு துரோகி என கமல் ஆவேசமாக கூறியுள்ளார்.
மக்கள் நீதி மய்யம் கட்சி தலைவர் கமல் அறிக்கை:      
களத்தில் எதிரிகளோடு துரோகிகளும் கலந்துள்ளனர் என்பதை கண்கூடாக கண்டோம்.
களையெடுக்கப்பட வேண்டிய துரோகிகளில் முதல் நபராக இருந்தவர் மகேந்திரன்.     
கட்சிக்காக உழைக்க தயாராக இருந்த பலரை தலையெடுக்க விடாமல் தடுத்ததே இவரது சாதனை.
தன்னை எப்படியும் நீக்கி விடுவர் என்பதை அறிந்தே புத்திசாலித்தனமாக விலகிக் கொண்டார்.     ஒரு களையே தன்னைத் தானே நீக்கிக் கொண்டதில் உங்களைப் போலவே நானும் மகிழ்கிறேன்.      இனி நம் கட்சிக்கு ஏறுமுகம் தான்.கோழைகளை நாம்பொருட்படுத்த வேண்டியதில்லை.
மண், மொழி காக்க களத்தில் நிற்போம்.இவ்வாறு அவர் கூறியுள்ளார்.