உதயநிதி போட்டி தொடர்பாக பிகே ஆலோசனை - ஓகே சொன்ன ஸ்டாலின் - எதிர்க்கும் உதயநிதி என்ற தலைப்பில் டிஜிட்டல் திண்ணையில், “தனது தாத்தா கலைஞர் போட்டியிட்டு வென்ற சென்னை சேப்பாக்கம் தொகுதியில் உதயநிதி நிற்பதற்கான பூர்வாங்க வேலைகளை அவரது தரப்பினர் தொடங்கிவிட்டனர்” என்று சொல்லியிருந்தோம்.
இந்த நிலையில் நாமக்கல் உள்ளிட்ட மேற்கு மாவட்டங்களில் உதயநிதி ஸ்டாலின் சுற்றுப் பயணம் மேற்கொண்டு வருகிறார். நாமக்கல்லில் கிழக்கு, மேற்கு மாவட்ட திமுக இளைஞரணி நிர்வாகிகள் ஆலோசனைக் கூட்டத்தில் கலந்துகொண்டார்.
பின் செய்தியாளர்களிடம் பேசிய உதயநிதி, “மறைந்த தமிழக வேளாண் துறை அமைச்சர் துரைக்கண்ணுவின் மரணத்தில் மர்மம் நிறைந்துள்ளது. அவரது குடும்பத்தினரிடம் உரியதை பெற்றுக்கொண்டு உடலை ஒப்படைத்ததாகத் தகவல் வெளியாகியுள்ளது. திமுக தலைவர் தேர்தலில் நிற்பாரா என முதல்வர் சந்தேகம் எழுப்பியுள்ளார். முதலில் அவர் தேர்தல் களத்துக்கு வருவாரா என்பதை காலம் தீர்மானிக்கும்” என்று தெரிவித்தார்.
முன்னதாக சட்டமன்றத் தேர்தலில் நீங்கள் போட்டியிடும் தொகுதி என்ன என்பது குறித்துக் கேட்கப்பட்ட கேள்விக்கு, வரும் சட்டமன்றத் தேர்தலில் தான் போட்டியிடும் தொகுதி குறித்து தலைமைதான் முடிவு செய்யும் என்றும் உதயநிதி ஸ்டாலின் தெரிவித்தார்.
எழில்
கருத்துகள் இல்லை:
கருத்துரையிடுக