அரசியல் கட்சிகள் தனிநபர், தனியார் நிறுவனங்கள், அறக்கட்டளைகள்,
நிறுவனங்களிடம் இருந்து தேர்தல் நிதிகளைப் பெறுகின்றன. அதன்படி, டாடா
குழுமத்தின் கட்டுப்பாட்டில் உள்ள முற்போக்கு தேர்தல் அறக்கட்டளை 2019-20
ஆம் ஆண்டில் அதிமுகவுக்கு ரூ.46.78 கோடி தேர்தல் நிதியாக வழங்கியுள்ளது
தெரியவந்துள்ளது.
அதிமுக கடந்த நிதியாண்டில் பெற்ற மொத்த தேர்தல் நிதி பங்களிப்புகளில் தலா
ரூ.20,000க்கு மேல் என கிட்டத்தட்ட 90% தேர்தல் நிதியாக பெற்றுள்ளது. அதிமுக 2020 அக்டோபர் 26ம் தேர்தல் ஆணையத்திடம் தாக்கல் செய்த 2019-20
ஆம் ஆண்டிற்கான தேர்தல் நிதி பங்களிப்பு அறிக்கையின்படி, ஐ.ஐ.டி.சி
லிமிடெட் நிறுவனத்திடமிருந்து அதிமுக ரூ.5.39 கோடி இரண்டு தனித்தனி
காசோலைகளைப் பெற்றுள்ளது.
அதிமுக 2018-19 ஆம் ஆண்டில் ரூ.20,000க்கும் அதிகமான தேர்தல் நிதி பங்களிப்புகளை அறிவித்துள்ளது. பாஜகவுக்கு ரூ.356 கோடியும், காங்கிரசுக்கு ரூ.55.6 கோடியும் வழங்கிய டாடாவின் முற்போக்கு தேர்தல் அறக்கட்டளை 2018-19ல் அரசியல் கட்சிகளுக்கு மிகப்பெரிய அளவில் தேர்தல் நிதி பங்களிப்பை வழங்கியுள்ளது.
கருத்துகள் இல்லை:
கருத்துரையிடுக