ஆட்சி அமைக்க பெறும்பான்மையாக 170 தொகுதிகளில் வெற்றி பெற வேண்டும். பின்னடைவு ஏன் ? தேர்தல் முடிவுகளில் பின்னடைவை சந்தித்துள்ள கன்சர்வேடிவ் கட்சியின் தலைவரான ஸ்டீபன் ஹாப்பர் தனது பொறுப்பில் இருந்து விலகவுள்ளார். இவரது ஆட்சியில் கொண்டு வரப்பட்ட சட்ட திட்டங்கள் மக்களிடம் எதிர்ப்பை ஏற்படுத்தியது . குறிப்பாக இங்கு குடியுரிமை பெறுவோர் முகத்திரை (பர்தா ) அணியக் கூடாது என அரசு சட்டம் கொண்டு வந்தது. இதற்கு ஏற்பட்ட எதிர்ப்புகளை சமாளிக்க கன்சர்வேடிவ் கட்சி திணறியது. வளர்ச்சி திட்டங்கள், சில சட்டங்கள் மக்களுக்கு அதிருப்தியை ஏற்படுத்தியது .
இந்நிலையில் லிபரல் கட்சி கொடுத்த வாக்குறுதிகள் மீது மக்களுக்கு நம்பிக்கை ஏற்பட்டதே, எங்களின் வெற்றிக்கு காரணம் என இந்த கட்சி தரப்பில் கூறப்பட்டுள்ளது . லிபரல் கட்சி தலைவர் ஜஸ்டின் ட்ருதா(JustinTrudeau) மறைந்த முன்னாள் பிரதமர் பியெர் ட்ருதாவின் மகன் ஆவார் . இவர் மக்களின் எதிர்பார்ப்பை நிறைவேற்றுவார் என்ற நம்பிக்கை ஏற்பட்டுள்ளது. தமிழர்கள் நலனில் அக்கறை : லிபரல் கட்சி ஈழத்தமிழர்கள் நலனில் அக்கறை கொண்டு விளங்கியது .
இதன் அடையாளமாக போர்க்குற்றம் புரிந்தவர்களுக்கு கனடாவில் நுழைய அனுமதி இல்லை என பிரசாரம் செய்தது. இது கணிசமாக வாழும் தமிழர்கள் மத்தியில் வரவேற்பை பெற்றது. ஈழத்தமிழர்கள் 6 பேர் லிபரல் கட்சி சார்பில் போட்டியிட்டனர். இதில் ஸ்காபரோ ரூச்பார்க் என்ற தொகுதியில் ஹரி ஆனந்தசங்கரி வெற்றி பெற்றுள்ளார். இவர் பழம்பெரும் ஈழ தமிழ் தலைவரான ஆனந்தசங்கரியின் மகனாவார்.dinamalar.com
கருத்துகள் இல்லை:
கருத்துரையிடுக