சட்டசபை தேர்தலில், ஆட்சியில் பங்கு வேண்டும்; 50 தொகுதிகளை ஒதுக்கீடு செய்ய வேண்டும்' என, தி.மு.க., தரப்புக்கு, காங்கிரஸ் சார்பில், நிபந்தனை விதிக்கலாம் என்ற, கட்சியினரின் எதிர்பார்ப்புக்கு, கட்சியின் துணைத் தலைவர் ராகுல் ஒப்புதல் அளித்து விட்டதாக இது குறித்து, காங்கிரஸ் வட்டாரங்களில் கூறப்படுவதாவது:'தமிழகத்தில், அ.தி.மு.க., அரசை அகற்ற, தி.மு.க., காங்கிரஸ் இரட்டை குழல் துப்பாக்கியாக செயல்படும்; இரு கட்சிகளும் இணைந்து பணியாற்றும்' என, தமிழக காங்., தலைவர் இளங்கோவன், தி.மு.க., பொருளாளர் ஸ்டாலின் ஆகியோர் மாறி, மாறி ஒரு நிகழ்ச்சியில் பேசினர்.
அடுத்ததாக நடந்த கூட்டம் ஒன்றில், பேராயர் எஸ்றா சற்குணம் பேசுகையில், 'மீண்டும், தி.மு.க., - காங்கிரஸ் கூட்டணி உருவாக வேண்டும்' என்றார். அதற்கு இளங்கோவன், 'எஸ்றா சற்குணம் விருப்பம் நிறைவேறினால், எனக்கு மகிழ்ச்சி' என்றார். இதையடுத்து, மதுரைக்கு சென்ற இளங்கோவன், தடாலடியாக, 'கூட்டணி ஆட்சி தேவை. முதல்வர் பதவி அவர்களுக்கு என்றால், துணை முதல்வர் பதவி எங்களுக்கு; நிதி அமைச்சர் பதவி அங்கே என்றால், உள்துறை அமைச்சர் பதவி எங்களுக்கு' என்றார்.
பின், சென்னை, புரசை வாக்கத்தில் நடந்த காமராஜர் பிறந்தநாள் விழா பொதுக்கூட்டத்தில், ஸ்டாலின் பேசுகையில், '1980 சட்டசபை தேர்தலில், தி.மு.க., - காங்கிரஸ் பாதிக்கு பாதி தொகுதிகளில் போட்டியிட்டு வெற்றி பெற முடியவில்லை; தமிழக மக்கள், கூட்டணி ஆட்சி தத்துவத்தை ஏற்றுக் கொள்ளவில்லை' என்ற ரீதியில் பேசினார். இதே கருத்தை, தி.மு.க., செய்தி தொடர்பாளர் டி.கே.எஸ். இளங்கோவனும் வலியுறுத்தி சொல்லி விட்டார்.இதனால், இரண்டு கட்சிகளுக்கும் இடையில், கூட்டணி அமைவதில் முரண்பட்ட நிலை ஏற்பட்டது.
பின், சென்னை, புரசை வாக்கத்தில் நடந்த காமராஜர் பிறந்தநாள் விழா பொதுக்கூட்டத்தில், ஸ்டாலின் பேசுகையில், '1980 சட்டசபை தேர்தலில், தி.மு.க., - காங்கிரஸ் பாதிக்கு பாதி தொகுதிகளில் போட்டியிட்டு வெற்றி பெற முடியவில்லை; தமிழக மக்கள், கூட்டணி ஆட்சி தத்துவத்தை ஏற்றுக் கொள்ளவில்லை' என்ற ரீதியில் பேசினார். இதே கருத்தை, தி.மு.க., செய்தி தொடர்பாளர் டி.கே.எஸ். இளங்கோவனும் வலியுறுத்தி சொல்லி விட்டார்.இதனால், இரண்டு கட்சிகளுக்கும் இடையில், கூட்டணி அமைவதில் முரண்பட்ட நிலை ஏற்பட்டது.
ஏற்றுக் கொள்கிறேன்:
இருந்தாலும், திருச்சிக்கு வந்த ராகுல், தன் பேச்சில், தி.மு.க.,வை பற்றி எதுவும் குறிப்பிடவில்லை.இதனால், தி.மு.க., தரப்பு சந்தோஷமாக இருக்கிறது.இருந்தபோதும், திருச்சியில் கட்சிக்காரர்களிடம் பேசிய ராகுல், 'தி.மு.க.,வுடன் கூட்டணி என்றால், 50 'சீட்'கள் வரை பெற வேண்டும்; அப்போதுதான் கூட்டணி சாத்தியம்; உங்களின் இந்த எண்ணத்தை நானும் ஏற்றுக் கொள்கிறேன்' என, சொல்லி விட்டு சென்றுள்ளார். இதைத்தொடர்ந்து, கட்சியினர் உற்சாகமாகி இருந்தாலும், இந்த தகவல் அறிந்து, தி.மு.க., கலக்கமடைந்துள்ளது. இவ்வாறு, அக்கட்சி வட்டாரங்கள் தெரிவித்தன.
- நமது நிருபர் dinamalar.com
- நமது நிருபர் dinamalar.com
கருத்துகள் இல்லை:
கருத்துரையிடுக