மாவட்டத்தில் உள்ள தொழிலதிபர்கள், தனியார் நிறுவனங்கள், கல்வி நிறுவனங்கள், வர்த்தக நிறுவனங்கள், ரியல் எஸ்டேட் தொழில் செய்பவர்களிடம் வசூல் நடக்கிறது. இந்நிலையில், திருத்தணி எம்எல்.ஏ.,வும், திருவள்ளூர் மேற்கு மாவட்ட தே.மு.தி.க., செயலருமான, அருண் சுப்பிரமணியன், சமீபத்தில், முதல்வர் ஜெயலலிதாவை சந்தித்து, அ.தி.மு.க., பக்கம் தாவினார். காப்பாற்றிக் கொள்ள..:
இவர் மீது, நில அபகரிப்பு, செக் மோசடி வழக்குகள் இருக்கும் நிலையில், அதில் இருந்து தன்னை காப்பாற்றிக் கொள்ளவே, இந்த முடிவை, எடுத்ததாகக் கூறப்படுகிறது. இதுஒருபுறம் இருக்க, திருவள்ளூர் மேற்கு மாவட்டத்தில், வசூலிக்கப்பட்ட தேர்தல் நிதி, இன்னும், தே.மு.தி.க., தலைமையை சென்று சேரவில்லை. இதுகுறித்து, மாவட்ட நிர்வாகிகளிடம், மாநில நிர்வாகிகள் கேட்டபோது, 'வசூலித்த நிதியை, உடனுக்குடன் அருண் சுப்பிரமணியனிடம் கொடுத்து விட்டோம்' என, கூறியுள்ளனர். ஆனால், உண்மையிலேயே, அருண் சுப்பிரமணியனிடம் அந்த நிதியை கொடுத்தார்களா என்பது தெரியவில்லை. இழுப்பவர்களின் யோசனை:
இந்நிலையில், திருவள்ளூர் மேற்கு மாவட்ட, தே.மு.தி.க., நிர்வாகிகள் உட்பட, பல மாவட்ட நிர்வாகிகளை அ.தி.மு.க., பக்கம் இழுப்பதற்கான வேலைகள் துவங்கியுள்ளன. பண்ருட்டி ராமச்சந்திரன் ஏற்பாட்டில், அருண் சுப்பிரமணியன் இதற்கான தீவிர ஏற்பாடுகளை செய்து வருவதாக தெரிகிறது. இவர்கள், விரித்த வலையில், பல நிர்வாகிகள் சிக்கியுள்ளதாகவும் கூறப்படுகிறது. அதனால், முதல்வர் ஜெயலலிதா, ஒவ்வொரு பகுதிக்கும் பிரசாரத்திற்கு செல்லும் போது, அவரது முன்னிலையில், தே.முதி.க., நிர்வாகிகள் இணையும் விழாவை நடத்த திட்டமிடப்பட்டுள்ளது. அதேநேரத்தில், வசூலித்து வைத்த தேர்தல் நிதியுடன், கட்சி தலைமைக்கு, 'டாடா' காட்டிவிட்டு அ.தி.மு.க., பக்கம் தாவ, தே.மு.தி.க., நிர்வாகிகள் பலரும் முடிவு செய்துள்ளனர். அவர்களை, அ.திமு.க., வுக்கு இழுப்பவர்களே, இந்த யோசனையை சொல்லியுள்ளதாக தெரிகிறது. தேர்தல் நேரம் என்பதால், இவ்விஷயத்தில் என்ன செய்வது என, தெரியாமல், தே.மு.தி.க., தலைமை திணறுகிறது.
- நமது நிருபர் - dinamalar.com
கருத்துகள் இல்லை:
கருத்துரையிடுக