இந்தக் கூட்டத்தில், தமிழகத்தில் நிலவும் வரலாறு காணாத மின்வெட்டை கண்டித்தும் அதிமுக அரசுக்கு எதிராகவும் இன்று தமிழகம் முழுவதும் மாவட்ட தலைநகரங்கள், நகர, ஒன்றிய பேரூராட்சிகளில் ஆர்ப்பாட்டம் நடத்தப்படும் என்று தீர்மானம் நிறைவேற்றப்பட்டது.
அதன்படி சென்னை வள்ளுவர் கோட்டம் அருகே நடக்கும் ஆர்ப்பாட்டத்துக்கு திமுக தலைவர் மு.கருணாநிதி தலைமை தாங்கினார். கூட்டத்தில் பேசிய அவர், தமிழகத்தில் நிலவும் வரலாறு காணாத மின்வெட்டு மக்களை வெகுவாக பாதித்துள்ளதாக கூறினார். அதுமட்டுமின்றி தமிழகத்தில் சட்ட ஒழுங்கு கேள்விக்குறியாகவே மாறிவிட்டது என்றும் குற்றம்சாட்டினார். தொடர்ந்து பேசிய அவர், தமிழகத்தில் 928 கொலைகள், 768 கொள்ளைகள் மற்றும் 476 வழிப்பறி சம்பவங்கள் நடந்துள்ளதாக பட்டியலிட்டு கூறினார். தமிழக மக்களுக்கு ஒரு நேர்மையான அரசுவை ஜெ தலைமையில் வழங்க முடியவில்லை என்று கூறிய அவர், திமுக-வை பழிவாங்கும் எண்ணத்துடன் தமிழக அரசு செயல்பட்டு வருவதாக கூறினார். எத்தனை பொய் வழக்குகள் போட்டாலம் திமுக வெல்லும் என்றும் அவர் கூறினார். தமிழ்நாட்டில் நிலவும் மின்வெட்டுக்கு இதுவரை எந்த வித நடவடிக்கையும் ஆளும் அதிமுக அரச எடுக்கவில்லை என்று குற்றம்சாட்டிய அவர், காவிரி விஷயத்திலும் அனைத்துக் கட்சி கூட்டம் நடத்தி முடிவு எடுக்க தயங்குவது ஏன் என்று கேள்வி எழுப்பினார்
கருத்துகள் இல்லை:
கருத்துரையிடுக