புதுடெல்லி : மக்களிடம் ஏழ்மை தலைவிரித்தாடும் நிலையில், ஜனாதிபதி பிரதிபா பாட்டீலுக்கு ஸி6 கோடியில் அதிநவீன கார் தேவையா என்று பா.ஜனதா எம்.பி. வருண் காந்தி கேள்வி எழுப்பியுள்ளார். இது குறித்து, டுவிட்டர் இணையதளத்தில் வருண் காந்தி கூறியிருப்பதாவது: ஜனாதிபதி பிரதிபா பாட்டீலுக்கு மத்திய அரசின் சார்பில் அதிநவீன வசதிகள் கொண்ட மெர்சிடிஸ் கார் வாங்கப்பட்டுள்ளது. இதில் கூட்டங்கள் நடத்துவதற்கான இட வசதி உள்ளது.நாட்டில் பல்லாயிரக்கணக்கான மக்கள் வறுமையில் வாடுகின்றனர். வறுமைக்கோட்டுக்கான வரம்பு ஒரு நாளுக்கு ஸி32 என்று நிர்ணயிக்கப்படுகிறது. அந்த அளவுக்கு மக்களின் வாழ்க்கைத் தரம் உள்ளது. இப்படிப்பட்ட ஏழ்மையான இந்தியா போன்ற நாட்டில் அதன் ஜனாதிபதிக்கு ஸி6 கோடியில் கார் தேவைதானா?
எனவே, ஆடம்பர செலவுகளை குறைத்து, மக்களின் ஏழ்மையை போக்கி, அவர்களது வாழ்க்கை தரத்தை உயர்த்த மத்திய அரசு கவனம் செலுத்த வேண்டும். இவ்வாறு வருண் காந்தி கூறியுள்ளார்.
கருத்துகள் இல்லை:
கருத்துரையிடுக