'சிந்து சமவெளி' இதுதான் 'உயிர்', 'மிருகம்' படங்களை இயக்கிய சாமி இயக்கி இருக்கும் மூன்றாவது படம். அதே போன்று 'நாடோடிகள்', 'கோரிப்பாளையம்' ஆகிய இரண்டு படங்களைத் தயாரித்த 'குளோபல் இன்போடெய்ன்மெண்ட்' மைக்கேல் ராயப்பன் தயாரிப்பில் உருவாகி இருக்கும் மூன்றாவது படமும் கூட. சுந்தர் சி.பாபுவின் இசையில் உத்மல் வி.நயனார் ஒளிப்பதிவு, படத்தொகுப்பு - ஜி.சசிகுமார், கலை - தோட்டாதரணி, பாடல்கள் - நா.முத்துகுமார் என பிரபல முன்னணி கலைஞர்கள் பணியாற்றிட 64 நாட்கள் ஒரே ஷெட்யூல் படப்பிடிப்பு கண்டு முடிந்திருக்கும் 'சிந்து சமவெளி' படத்தின் ஆடியோ வெளியீடு சமீபத்தில் சத்யம் திரையரங்கில் இயக்குநர் கே.பாக்யராஜ் உள்ளிட்ட சினிமா வி.ஐ.பி.,கள் புடைசூழ அரங்கேறியது. அதைத் தொடர்ந்து நடந்த பத்திரிக்கையாளர் சந்திப்பில் பேசிய இயக்குநர் சாமி, ஹரிஸ் கல்யாண், அனகா, கஜினி ஆகிய புதுமுகங்களுடன் கஞ்சா கருப்பு மற்றும் பிரபல மலையாள காமெடி நடிகர் இந்திரன்ஸ் நடிக்கும் 'சிந்து சமவெளி' படம் 'பர்ஸ்ட் லவ்' எனும் பெயரில் வெளிவந்த ஒரு ஆங்கில நாவலையும், அதை தழுவி எடுக்கப்பட்ட ஆங்கிலப் படத்தையும் கருவாக கொண்டு உருவாக்கப்பட்ட படம் ஆகும். செக்ஸ் பேஸ்டு சப்ஜெக்ட் என்றாலும் ஊரில் உலகத்தில் இல்லாத ஒன்றையும் இதில் சொல்லவில்லை. தினமும் செய்தித்தாளில் அடிபடும் அந்தரங்க விஷயங்களைத் தான் அழகான படமாக்கி இருக்கிறோம் என்கிறார் சாமி ! அடடே!!
கருத்துகள் இல்லை:
கருத்துரையிடுக