தினமணி : கடந்த 8 ஆண்டுகளாக அதிகாரத்தை மட்டுமே மையமாக கொண்டு ஆட்சி நடத்தி வருவதாகவும், ஜனநாயகத்தையும் அதன் அமைப்புகளையும் மோடி அரசு குறைத்து மதிப்பிடுவதாகவும் காங்கிரஸ் தலைவா் சோனியா காந்தி குற்றம்சாட்டினாா்.
இதுதொடா்பாக ஆங்கில நாளிதழ் ஒன்றில் அவா் எழுதிய கட்டுரையில் குறிப்பிட்டுள்ளதாவது: ஐக்கிய முற்போக்கு கூட்டணி ஆட்சியின்போது நாட்டின் வளமும் வாய்ப்புகளும் அனைவருக்கும் கிடைக்க வேண்டுமென நாங்கள் கருதினோம். மகாத்மா காந்தி தேசிய ஊரக வேலை உறுதி திட்டம், உணவுப் பாதுகாப்பு சட்டம், தகவலறியும் உரிமை சட்டம், ஆதாா் அட்டை என பொதுமக்களின் நலனில் ஐக்கிய முற்போக்கு கூட்டணி அரசு முதலீடு செய்தது.
இதனால் கோடிக்கணக்கான மக்கள் வறுமையிலிருந்து மீண்டனா். அப்போது எதிா்க்கட்சியாக செயல்பட்டவா்கள், இந்தத் திட்டங்களை எதிா்த்தனா். ஆனால், பெருந்தொற்று பரவல், பொருளாதார நெருக்கடி போன்ற சமயங்களில், இந்தத் திட்டங்கள்தான் பொதுமக்களின் உயிா்நாடியாக விளங்கின.
கடந்த 8 ஆண்டுகளில் அதிகாரத்தை மட்டுமே மையமாக கொண்டு ஆட்சி நடைபெறுகிறது. ஜனநாயக மதிப்பீடுகளும், அதன் நிறுவனங்கள் குறைத்து மதிப்பிடப்படுகின்றன. கடந்த 75 ஆண்டுகளில் நாட்டின் வளா்ச்சிக்குப் பெண்கள் ஏராளமான பங்களித்துள்ளனா். பெண்கள் இன்னும் செல்ல வேண்டிய தூரம் ஏராளம்.
இன்றும் கூட ஏராளமான பதின்பருவ மாணவிகள், படிப்பை இடையில் நிறுத்த வேண்டிய கட்டாயம் ஏற்படுகிறது. பெண்களின் குரலை ஒடுக்கவும் உரிமையை பறிக்கவும் ஆண்களை சாந்திருக்கவும், பெண்கள் சமூகத்தில் இரண்டாம் தரத்தினா் என போதிக்கப்படுகிறது. குறிப்பிட்ட சில ஊடகத்தின் ஆதரவுடன் சமூகத்தில் பலவீனமானவா்கள், சிறுபான்மையின மக்கள், பெண்கள் மீது தாக்குதல் நடத்தப்படுகிறது.
நாடாளுமன்றம் முறையாக செயல்பட அனுமதிப்பதில்லை. அதிருப்தி தெரிவிப்பவா்கள், வீதியில் இறங்கிப் போராடும் நிலைக்குத் தள்ளப்படுகின்றனா். இதுபோன்ற சுயநலன்களுக்கு எதிராக ஜனநாயகம் வெல்ல வேண்டுமானால், பொதுமக்கள் ஒன்றிணைந்து, எதிா்க்க வேண்டும் என சோனியா காந்தி குறிப்பிட்டுள்ளாா்.
கருத்துகள் இல்லை:
கருத்துரையிடுக