தி.மு.க திட்டமிட்டு நிறைவேற்றிய காடம்பாறை நீர் மின் உற்பத்தித் திட்டம்" .. தி.மு.க-வினருக்கே இது புதிதாகத் தோன்றலாம்.

தேவன் பலராமன்.  : வால்பாறை உச்சியில் உள்ள "நீரார் அணை"

கட்டப்பட்டது காமராஜரால். ஆனால் இதனால் தமிழகத்திற்கு யாதொரு பிரயோஜனமும் இல்லை. ஏனெனில் அணை மதகுகள் திறக்கப்பட்டதும் தண்ணீர் கேரள எல்லையைத் தொட்டுவிடும். இந்தத் தண்ணீர் தான் அதிரம்பள்ளி நீர்வீழ்ச்சிக்கான major source.

அதன்பின் ஆட்சிக்கு வந்த தி.மு.க-வின் பொதுப்பணித் துறை அமைச்சராக பதவியேற்ற கலைஞர் அவர்கள் அந்த அணைக்கு எதிர்ப்புறம் மலையைக் குடைந்து அந்த தண்ணீரை சோலையாறு அணைக்கு கொண்டு செல்ல திட்டம் தீட்டி அடிக்கல் நாட்டி பணிகளைத் தொடர்ந்தார். 20-அடிக்கு 20-அடி என்ற அளவில் "D" போன்ற அமைப்பில் 8.5 கி.மீட்டர் தூரத்துக்கு ஒரே நேர்கோட்டில் வெட்டப்பட்ட குகைக் கால்வாய் இது. பராமரிப்பு
பணிகளுக்காக இந்த குகைக்குள் முழு 8.5 கி.மீட்டருக்கும் இன்றும் டிராக்டரில் பயணிக்கிறார்கள்.

அடுத்து பேரறிஞர் மறைய முதல்வராக கலைஞர் பதவியேற்க, சாதிக்பாட்சா அவர்கள் பொதுப்பணித் துறை அமைச்சராக இருந்து இத்திட்டத்தை முடித்து வைத்தார். கலைஞர் திறந்து வைத்தார். இந்த காலகட்டம் 1968 முதல் 1972 வரை ஆகும்.

இந்தத் தண்ணீர் மலைக்குகையை விட்டு வெளியேறிய பின்னர் அதே பாதையில் "நீர் மின்சாரம்" உற்பத்தி செய்யப் படுகிறது. அதுதான் "காடம்பாறை நீர் மின் உற்பத்தித் திட்டம்" ஆகும். இதுவும் தி.மு.க தான் திட்டமிட்டு நிறைவேற்றியது. பின்னர் சோலையார் அணையிலிருந்து மலைப் பகுதியில் திறந்த வெளிக் கால்வாய்கள் மூலம் தண்ணீர் கொண்டு செல்லப்பட்டு ஆழியாறு அணையை சென்றடைகிறது. இதன்மூலம் தான் பொள்ளாச்சி, உடுமலைப்பேட்டை பகுதிகள் பாசன வசதி பெற்றன. இது வரலாறு.

தி.மு.க-வினருக்கே இது புதிதாகத் தோன்றலாம். பதிவில் சொன்னபடி இதுதான் உண்மை. கலைஞரின் சாதனைகள் திட்டமிட்டு இருட்டடிப்பு செய்யப் படுகின்றன.

- தேவன் பலராமன்.

Babu Devasundaram அதிக மழை பொழியும் சின்னக்கல்லாரில் உள்ள மேல் நீரார் அணை மற்றும் கீழ் நீரார் அணைகள் இரண்டின் தண்ணீர் மலைச் சுரங்கங்கள் வழியாக சோலையாறு அணைக்கு நீரை திருப்பிவிட அமைக்கப்பட்டவை. சோலையாறு அணையில் 2 மின் உற்பத்தி (1 சோலையாறு கேரளா ஆற்றிலும் 2 மானாம்பள்ளி - பரம்பிக்குளம் ஆற்றிலும் கலக்கிறது) நிலையங்கள் உள்ளன. பரம்பிக்குளம் அணை தண்ணீர் ஆளியார் மற்றும் திருமூர்த்தி அணைகளுக்கு அனுப்பப்பட்டு விவசாயத்திற்கு பயனளிக்கிறது. காடம்பாறை-அப்பர் ஆளியார் இரண்டும் நீரேற்று நீர் சுழற்சி மின்உற்பத்தி செய்ய (Peak load demand service productionக்காக) அமைக்கப்பட்டவை. அப்பர் ஆளியாரில் நீர்வரத்து அதிகரிக்கும்போது நவமலை மின்நிலைய உற்பத்திக்குபின் அவற்றின் உபரிநீரும் ஆளியார் அணைக்கு வந்து சேரும். ஆளியாரில் ஒரு கதவணை மின்நிலையமும் அமைக்கப்பட்டுள்ளது.