ஜெயலலிதா மறைவுக்குப் பிறகு அறிவிக்கப்பட்ட ஆர்.கே.நகர் இடைத்தேர்தலைப் பணப் பட்டுவாடா புகார் காரணமாக நிறுத்திவிட்டு, மீண்டும் அந்தத் தொகுதிக்கு இடைத்தேர்தலையும் நடத்திமுடித்தார். குடியரசுத் தலைவர் மற்றும் குடியரசுத் துணைத் தலைவர் தேர்தல் ஆகியவற்றையும் அவர் நடத்தினார்.
தமிழக தலைமைத் தேர்தல் அதிகாரி பதவியிலிருந்து அவரை மாற்றிவிட்டுப் புதிய அதிகாரி ஒருவரை நியமிக்க ஏற்பாடுகள் நடைபெற்றன. இதையடுத்து, டிட்கோ தலைவர் ரமேஷ் சந்த் மீனா, பிற்படுத்தப்பட்டோர் நலம் மற்றும் சிறுபான்மையினர் நலத்துறைச் செயலாளராக இருக்கும் கார்த்திக், சென்னைப் பெருநகரக் குடிநீர் வடிகால் வாரியம் மற்றும் கழிவுநீரகற்று வாரியத்தின் நிர்வாக இயக்குநராக இருக்கும் சத்ய பிரத சாகு ஆகிய மூவர் பெயர்களை தலைமைச் செயலாளர் கிரிஜா வைத்தியநாதன், இந்தியத் தேர்தல் ஆணையத்துக்குப் பரிந்துரை செய்திருந்தார். அதில், தேர்தல் ஆணையத்தின் தீவிர ஆலோசனைக்குப் பிறகு, சத்ய பிரத சாகு தேர்வு செய்யப்பட்டுள்ளார்.
கருத்துகள் இல்லை:
கருத்துரையிடுக