அண்ணன் வர்றாரு!
ரஜினி அரசியலுக்கு வரவேண்டும்…கொள்ளையடிப்பதற்கான மணல்
இன்னும் மிச்சமிருக்கிறது ஆற்றில்,
திருடி விற்பதற்கான நீர்
இன்னும் மிச்சமிருக்கிறது நிலத்தடியில்,
ஒருமுறை சொன்னால் நூறுமுறை வெட்டி எடுக்க
இன்னும் மிச்சமிருக்கிறது கிரானைட்,
பச்சைத்தமிழன் குடிக்கவேண்டிய சாராயம்
இன்னும் மிச்சமிருக்கிறது டாஸ்மாக்கில்…
கால் கழுவ தண்ணீர் இல்லாவிட்டால் என்ன
பால் அபிசேகம் செய்ய கட்அவுட் இருக்கிறது
காவிரியில் தண்ணீர் ஓடாவிட்டால் என்ன
திரையரங்கில் காலா ஓடப் போகிறது. கபாலி டிக்கெட் இரண்டாயிரம். காலா டிக்கெட் அய்யாயிரம். தமிழனை முன்னேற்ற. தலைவர் வழி தனி வழி!. அவரை விட்டால். இதெல்லாம் யாரால் முடியும்?
நாட்டை மிச்சம் வைக்காமல்
உச்சம் தொடுவதில்
மோடி என்னடா மோடி,
சூப்பர் ஸ்டார்
மோடிக்கெல்லாம் டாடி!
சிஸ்டம் சரியில்லை!
கஷ்டப்படுபவர்களே
இதோ… ரஜினி வருகிறார்
இனி உங்களுக்கு என்ன கவலை?
கவலையே ரஜினியாக வரும்போது!
– துரை. சண்முகம் வினவு
கருத்துகள் இல்லை:
கருத்துரையிடுக