அனைத்து அதிகாரத்தையும் தன்னிடம் வைத்துள்ள மத்திய அரசுக்கு, புலனாய்வுத்துறையை வைத்துள்ள மத்திய அரசுக்கு, வருமான வரித்துறையை தன்னிடம் வைத்துள்ள மத்திய அரசுக்கு தனியார் கல்லூரிகளில், பள்ளிகளில் எப்படியான கல்விக் கட்டணக் கொள்ளைகள் தெரியாமல் இருக்க முடியாது. கோடிகளில் வருமானம் செலுத்துவர்களிடம் இல்லாத கறுப்புப் பணம் சாமானியனிடம் இருக்கும் என்று அவர்களின் பணத்தை வங்கிகளில் முடக்குவது, மக்களை காக்க வேண்டிய நிலையில் இருக்கின்றவர்களே, தாங்கள் சேமித்த பணத்தையே பயன்படுத்த முடியாமல் இருக்கச் செய்வது எந்த வகையில் சரியாக இருக்க முடியும்.
கறுப்புப் பணம் வைத்திருப்பவர்களுக்கு, அந்தப் பணம் அதிகப்படியான பணமே. அதனால் அவர்களுக்கு அன்றாட வாழ்க்கைப் பிரச்சனை என்பது இருக்கப்போவது இல்லை. ஆனால் சாமானியனுக்கு அப்படியல்ல. இதோ, இத்தனைக்கு கட்டுப்பாடுகள் இருந்தாலும், ஆளும் கட்சியியைச் சேர்ந்தவரே 500 கோடிகளுக்கு மேல செலவு செய்து திருமணத்தை நடத்தியுள்ளார். ஆனால் சாமானிய மக்கள் இரண்டரை லட்சம் ரூபாய்க்குள்தான் திருமணத்தை செய்து முடிக்க வேண்டும். அதுவும் ஏகப்பட்ட நிபந்தனைகளுடன். இதையெல்லாம் சாமானியன் கேட்பது என்பது இயலாதது. ஊடகங்களும் அதை கண்டுகொள்ளாது. கறுப்புப் பணத்தனி ஒழிக்க வேண்டும்.... ஏழைகளுக்காக போன்ற கவர்ச்சியான வார்த்தைகள் ஆளும் கட்சியால் சொல்லப்படும்போது ஊடகங்கள் மிகப்பெரிதாகக் காட்டுகின்றன.
50 பேர்களுக்கு மேலாக இறந்துபோன மக்களைப்பற்றி அதிகமாக செய்தியாக்குவது இல்லை. எல்லாம் 72 மணி நேரத்தில் சரியாகிவிடும் என்று சொல்லப்பட்டது. இரண்டு வாரம், பிறகு மூன்று வாரங்கள்.... ஆனால் அவ்வளவு எளிதாக தீர்க்கப்படமுடியாது என்பது நடைமுறை எதார்த்தம். அப்படியான மக்கள் பிரச்சனைகளுக்காக எதிர்க்கட்சிகள் கேட்காமல் இருந்தால்தான் அது மிகப் பெரியது தவறு. எதிர்க்கட்சிகள் சரியாகவே தங்களது ஜனநாயகக் கடமையை செய்துகொண்டுதான் இருக்கின்றன. அதற்க்கு முடிவு என்பது பிரதம கையில்தான் என்பது சரியான வாதம் என்று சொன்னால் தவறாகாது. தினமலர்,com
கருத்துகள் இல்லை:
கருத்துரையிடுக