ஜாகிர் நாயக் இந்தியா வராததால் பரபரப்பு

மும்பை,: 'பாகிஸ்தானில் பதுங்கியுள்ள பயங்கரவாதிகளான தாவூத் இப்ராஹிம், டைகர் மேமன் ஆகியோரை பிடிப்பதைவிட, இந்தியாவைச் சேர்ந்த, பயங்கரவாதத்தை ஆதரிக்கும் ஜாகிர் நாயக்கை முதலில் பிடிக்க வேண்டும்' என, மத்திய அரசை சிவசேனா வலியுறுத்திஉள்ளது. மத்தியிலும், மஹாராஷ்டிராவிலும், பா.ஜ., தலைமையிலான கூட்டணி அரசில் இடம்பெற்றுள்ளது சிவசேனா கட்சி. கட்சியின் பத்திரிகையான 'சாம்னா'வில் நேற்று ெவளியான தலையங்கத்தில் கூறப்பட்டுள்ளதாவது:பாகிஸ்தானில் உள்ள தாவூத்தை பிடிப்போம், டைகர் மேமனை பிடிப்போம் என்று சொல்வதை தற்காலிகமாக நிறுத்துங்கள். வங்கதேசத்தில், இந்திய பெண் உட்பட, 22 பேரை கொன்ற பயங்கரவாதி களை துாண்டிய, மத போதகர் ஜாகிர் நாயக்கை முதலில் பிடிக்க வேண்டும்.

முஸ்லிம் மக்களை பயங்கரவாதத்தில் ஈடுபடுவதற்குதுாண்டும் வகையில் பேசும் ஜாகிர் நாயக்கின், 'பீஸ் டிவி'க்கு உலகெங்கும் தடை விதிக்க நடவடிக்கை எடுக்க வேண்டும். ஐதராபாத்தில் சமீபத்தில் கைது செய்யப்பட்ட, ஐ.எஸ்., பயங்கரவாதிகள், ஜாகிர் நாயக் நடத்திய, 'அமைதி முகாமில்' பங்கேற்றதாகவும் கூறியுள்ளனர்.
ெவளிநாட்டில் இருந்து கறுப்புப் பணத்தை மீட்பது; தாவூத், மேமனை கைது செய்வது போன்ற விஷயங்களை மத்திய அரசு தற்காலிகமாக நிறுத்தி, ஜாகிரை கைது செய்வதில் அக்கறை காட்ட வேண்டும்.இவ்வாறு அதில் கூறப்பட்டுஉள்ளது.


'டிமிக்கி' தந்த ஜாகிர் நாயக்: இந்தியா வராததால் பரபரப்பு

அண்டை நாடான, வங்கதேச தலைநகர் தாகாவில், கடந்த வாரம், பயங்கரவாதிகள் நடத்திய கொலைவெறித் தாக்குதலில், 22 பேர் பலியாயினர். இந்த சம்பவத்தில் தொடர்புள்ள இரு பயங்கரவாதிகள், மும்பையை சேர்ந்த பிரபல மதபோதகர் ஜாகிர் நாயக்கின் பேச்சால் கவரப்பட்டதாக செய்திகள் வெளியாகின. இதையடுத்து, ஜாகிர் நாயக் நடத்தி வரும் சர்ச்சைக்குரிய, 'பீஸ் டிவி' சேனலுக்கு, வங்கதேச அரசு தடை விதித்தது. இதற்கிடையில், சவுதி அரேபியாவுக்கு சென்றுள்ள ஜாகிர் நாயக், நேற்று, மும்பை திரும்புவதாக திட்டமிட்டிருந்தார். ஆனால், கடைசி நேரத்தில் திட்டத்தை மாற்றிய அவர், இந்தியா திரும்பும் பயணத்தை ரத்து செய்துள்ளார். dinamalar.com