இது குறித்து தே.மு.தி.க., நிர்வாகிகள் சிலர் கூறியதாவது: தேர்தலின்போது, விஜயகாந்த் கூட்டணி பற்றி பேசும் போது தொண்டர்கள் பலத்த கோஷமிடுவர். தனித்து போட்டி என்று சொன்னதும் தொண்டர்களிடையே கோஷம், உற்சாகமும் இல்லை. லட்சக்கணக்கான உறுப்பினர்களை கொண்டிருந்த, எம்.ஜி.ஆர். கூட சட்டசபை தேர்தலில் கூட்டணி வைத்து தான் வெற்றி பெற்றார். மேல்மட்ட நிர்வாகிகள் விஜயகாந்துடன் இருந்தாலும், கீழ்மட்ட நிர்வாகிகள் வேறு கட்சிக்கு தாவி விடலாம் என்ற முடிவோடு, தி.மு.க., உள்ளிட்ட கட்சியினருடன் தொடர்பு கொண்டுள்ளனர். மார்ச், 11ம் தேதி மகளிர் அணி கூட்டத்தில், 'தே.மு.தி.க., தனித்து போட்டி' என, விஜயகாந்த் அறிவித்தார். அப்போது குறுக்கிட்ட பிரேமலதா, 'தே.மு.தி.க.,வை தலைமை ஏற்கும் கட்சிகளுடன் கூட்டணி வைக்கப்படும்' என, கூறினார். விஜயகாந்த் உடல் நிலையை கருத்தில் கொண்டு, வரும் காலங்களில், பிரேமலதாவை முன் நிறுத்த, தே.மு.தி.க., முடிவு செய்துள்ளது. தற்போது பிரேமலதாவை முன்னிறுத்தினால் கட்சியில் பல குழப்பங்கள் ஏற்படும். அதன் காரணமாக, சட்டசபை தேர்தலுக்கு பிறகு, விஜயகாந்த்தை ஒரு பொம்மைப்போல் உட்கார வைத்து விட்டு, மாநில மகளிர் அணி தலைவியாக உள்ள பிரேமலதாவை முன் நிறுத்தி, அரசியல் பாதையில் பெரிய அளவில் கால்பதிக்க திட்டமிடப்பட்டுள்ளது. இவ்வாறு அவர்கள் கூறினர்.
இப்பவே அவர் டம்மி தானப்பா.... எல்லா பெரிய கட்சிகளிலும் ஒரு டம்மி இருக்கு...
பதிலளிநீக்குமேலும் தற்போதைய செய்திகளை உடனுக்குடன் தெரிந்துகொள்ள Latest Tamil News Online - ஐ சொடுக்கவும்.