கோபத்தில் இருந்த ராதாண்ணன் உண்மையில் எம்ஜியாரை கொஞ்சம் மிரட்டவே துப்பாக்கியை நீட்டினார். பின்பு நிதானம் இழந்து வேகமாக சுட்டு இருக்கவேண்டும் ஆனால் மிகவும் துடிப்பாக சூழ்நிலைகளை புரிந்து வேகமாக செயலாற்றும் இயல்பு கொண்ட எம்ஜியார் அதை எப்படி எதிர்கொண்டிருப்பார் என்று நீங்கள் கருதுகிறீர்கள்?
எம் ஆர் ராதாவை விட பல மடங்கு...ஸ்டண்டுகளில் தேர்ச்சி பெற்ற எம்ஜியார் நிச்சயம் பதிலடி கொடுத்திருப்பார்?
சூட்டு காயத்துடனேயே வீட்டின் கீழ் தளத்துக்கு காயத்தோடு எம்ஜியார் ஓடி வந்தார் என்பதுவும் மிகவும் கவனிக்க வேண்டிய செய்தியாகும். வைத்தியசாலையில் இருந்து ராதாண்ணை எப்படி இருக்கிறார்? என்று எம்ஜியார் விசாரித்த வண்ணம் இருந்தார். மேலும் அவரை நன்றாக கவனிக்குமாறும் வேண்டிகொண்டார்.
இவற்றை எல்லாம் கருத்தில் கொண்டு இது பற்றி ராதாவிடமும் சரி எம்ஜியாரிடமும் சரி கேட்ட பொழுது இருவருமே சிரிப்பையே பதிலாக தந்தார்கள் என்பது வரலாறு.
தீர்ப்புக்குப் பின்...
badriseshadri.in/2005/06/blog-post_15.htm சுதாங்கன்
ராதாவின் மகளான ரஷ்யா என்கிற ராணிக்கும் டாக்டர் சீனிவாசன் என்பவருக்கும் ராதா சிறையில் இருக்கும்போதுதான் திருமணம் நடந்தது. ராதாவால் திருமணத்தில் கலந்து கொள்ள முடியவில்லை. 1968-ம் வருடம் ஆகஸ்ட் 26-ம் தேதி நடந்த திருமணத்துக்கு தந்தை பெரியார்தான் தலைமை தாங்கினார். முதலில் காமராஜர்தான் தலைமை தாங்குவதாக இருந்தது. ராதா வேண்டாமென்று மறுத்துவிட்டார். காமராஜர் சொல்லித்தான் ராதா எம்.ஜி.ஆரைச் சுட்டார் என்கிற வதந்தி பரவிக் கிடந்தது. அதனால் காமராஜர் திருமணத்தில் கலந்து கொண்டார்; தலைமை தாங்கவில்லை.
திருமணத்தைத் திரையுலகப் பிரபலங்கள் பலரும் புறக்கணித்தனர். ராதாவின் நாடக மன்றத்தில் நடித்து வளர்ந்தவர் நடிகர் திலகம் சிவாஜி கணேசன். அவர் திருமணத்துக்கு வரவில்லை. வந்த ஒரே நட்சத்திர தம்பதிகள் ஜெமினி கணேசனும், சாவித்திரியும்தான். இதன் பிறகு 1968 இறுதியில் ராதாவுக்கு ஜாமீன் கிடைத்தது. ஆனால் அவர் திருச்சியில் தங்கியிருக்க வேண்டும் என்று நிபந்தனை.
இதற்கிடையில் என்ன நடந்ததோ தெரியாது, நீதிமன்ற வரலாற்றிலேயே ஆபூர்வமாக ஒரு விஷயம் நடந்து. வழக்கமாக ஒரு வழக்கு விசாரணைக்கோ, தீர்ப்புக்கோ எடுத்துக் கொள்ளப்பட்டால், அதைப் பற்றிய ஓர் அறிவிப்பு வெளிவரும். இதை லிஸ்ட் என்பார்கள். இப்படி ஒரு லிஸ்ட் வராமலேயே உயர் நீதிமன்றம் இந்த வழக்கை எடுத்துக் கொண்டு செஷன்ஸ் கோர்ட்டில் வழங்கிய ஏழு ஆண்டுச் சிறைத் தண்டனையை உறுதி செய்தது. ராதாவின் ஜாமீனையும் நிராகரித்தது. ராதா மீண்டும் சிறையில் அடைக்கப்பட்டார்.
உயர் நீதிமன்றத் தீர்ப்புக்குப் பிறகு, வழக்கு உச்சநீதிமன்றம் சென்றது. வழக்கமாக இது போன்ற வழக்குகளில் கீழ் நீதிமன்றங்களில் சரியான முறையில் விசாரணை நடந்திருக்கிறதா என்றுதான் உச்ச நீதிமன்றம் பார்க்கும். ராதா வழக்கில் இன்னொரு அசாதாரணமான விசாரணையும் உச்ச நீதிமன்றத்தில் நடந்தது. உயர் நீதிமன்ற சாட்சிகளையும் அழைத்து விசாரித்தது உச்ச நீதிமன்றம். இந்த விசாரணையின்போதுதான், ராதாவின் தண்டனைக் காலம் குறைக்கப்பட்டது. ஏற்கெனவே அனுபவித்த சிறைத் தண்டனையை மனத்தில் கொண்டு, மூன்றரையாண்டு சிறை வாசத்துக்குப்பின் ராதா விடுதலையானார்.
விடுதலையானதற்குப் பிறகு ராதாவால் வெகுநாட்கள் வேலை ஏதும் செய்யாமல் சும்மா இருக்க முடியவில்லை. நாடகம் போடத் தீர்மானித்தார். புதிய நாடகத்தின் தலைப்பு கதம்பம். அவர் ஏற்கெனவே மேடையேற்றி நடித்த தூக்குமேடை, ரத்தக்கண்ணீர், லட்சுமிகாந்தன் கொலை வழக்கு ஆகிய மூன்று நாடகங்களின் தொகுப்பு. அவருடன் முன்னர் நடித்த பழைய ஆள்கள் பலர் அப்போது இல்லை. இருந்த சிலரும் அவருடன் நடிக்க பயந்தார்கள். ஆனாலும் வேறு சிலரைத் தயார் செய்து நடிக்க வைத்தார்.
அப்போது திருவல்லிக்கேணியில் பார்த்தசாரதி சபா அரங்கம் மிகவும் பிரபலம். அங்கேதான் நாடக அரங்கேற்றம். யாரைத் தலைமை தாங்க அழைக்கலாம் என்கிற யோசனை எழுந்தது. உடனே ராதா எம்.ஜி.ஆரை அழைக்கலாம் என்றார். ராதாவே எம்.ஜி.ஆருடன் பேசி தலைமை தாங்க அழைத்தார். எம்.ஜி.ஆரும் ஒப்புக்கொண்டார். ஆனால் கடைசி நிமிடத்தில் வரவில்லை. நாடகத்தில் ஒரு காட்சியில் லட்சுமிகாந்தனைத் துப்பாக்கியால் ராதா பாத்திரம் சுடுவதுபோல் வரும். பழைய பகையை மனத்தில் வைத்துக்கொண்டு நிஜமாகவே உண்மையான துப்பாக்கியால் எதிரே பார்வையாளர் பகுதியிலுள்ள எம்.ஜி.ஆரைச் சுட்டுவிட்டால் என்னாவது என்று யாரோ எம்.ஜி.ஆரிடம் சொல்லியதால்தான் அவர் கலந்து கொள்ளவில்லை என்று பேசப்பட்டது. அப்போது ராதாவுக்கு அறுபத்தைந்து வயது.
வெளியூர்களில் ராதாவின் நாடகங்களுக்கு நல்ல வரவேற்பு கிடைக்க ஆரம்பித்தது. கீமாயணம்-1 என்கிற பெயரில் 'லட்சுமிகாந்தன் கொலை வழக்கு' நடக்கும். கீமாயணம்-2 என்கிற பெயரில் 'தூக்கு மேடை' நாடகம். கீமாயணம்-3 என்கிற பெயரில் 'ரத்தக்கண்ணீர்'. உடல் தளர்ந்தபோதும் நாடகம் போடுவதை நிறுத்தவில்லை. நாடகம் போட்டுத்தான் ஆக வேண்டுமா என்று குடும்பத்தினர் ராதாவிடம் கேட்டார்கள். அதற்கு அவர், "கடைசி காலத்தில் தொழில் இல்லாமல்தான் கலைவாணர் இறந்தார். தியாகராஜ பாகவதருக்கும் அந்த நிலைதான் ஏற்பட்டது. எனக்கு அந்த நிலை ஏற்படக்கூடாது" என்றாராம்.
சில மாதங்கள் கழித்து 'சமையல்காரன்' என்கிற படத்தில் நடிக்க ராதாவுக்கு வாய்ப்பு வந்தது. அன்றைய தமிழக முதல்வரான கருணாநிதியின் மகன் மு.க.முத்துதான் படத்தின் கதாநாயகன். மைசூரில்தான் படப்பிடிப்பு. படப்பிடிப்புக்காக ராதா காரில் மைசூர் சென்றார். அதிகாலை நேரம், பெங்களூரில் காரைவிட்டு வெளியே இறங்கிய ராதா, "பெட்டி படுக்கையெல்லாம் காரிலேயே இருக்கட்டும். பெரியார் இறந்துடுவார்னு தோணுது. அநேகமாக நாம மறுபடியும் திரும்ப வேண்டியிருக்கும்" என்றாராம். ராதாவும் மற்றவர்களும் ஹோட்டல் அறையில் ஒய்வு எடுத்துக் கொண்டிருந்தார்கள். காலை ஏழரை மணிக்கு பெரியார் இறந்துவிட்டதாகத் தகவல் வந்தது.
காரில் சென்னை திரும்பிய ராதா, நேராகப் பெரியாரின் உடல் வைக்கப்பட்டிருந்த ராஜாஜி ஹாலுக்குத்தான் போனார். அவர் உடல் மீது விழந்து புலம்பினார். "போச்சு, எல்லாம் போச்சு. இனிமேல் தமிழ்நாட்டுக்குத் தலைவனே கிடையாது" என்றாராம். அந்த இடத்தில்தான் எம்.ஜி.ஆர் - ராதா சந்திப்பு பல வருடங்களுக்குப்பின் நடந்தது. அப்போது ராதா எம்.ஜி.ஆரிடம், "உன் கூட இருக்கிற யாரையும் நம்பாதே, கழுத்தறுத்துடுவாங்க" என்றாராம்.
'சமையல்காரன்' படத்தில் வில்லனுக்கு அப்பா வேடம் ராதாவுக்கு. அவருக்கு அந்த வயதான பாத்திரம் பிடிக்கவில்லை. கருணாநிதியிடம் சொல்லிப்பார்த்தார். பாத்திரத்தை எப்படி வேண்டுமானலும் மாற்றிக்கொள்ளுங்கள் என்று கருணாநிதி ராதாவுக்கு அனுமதி கொடுத்தாராம். அதற்கு பிறகே ராதா நடித்தார். அந்தப் படத்தில் ராதாவை அறிமுகம் செய்கிற காட்சியில் அவர் ஜெயிலிலிருந்து வெளியே வருவார். "ஜெயில்லதான் காபி கொடுக்கிறான். வெளியே கடைசி எழுத்தத்தான் கொடுக்கிறான்" என்றுதான் அறிமுகமாவார்.
தொடர்ந்து ராதா ஜெய்சங்கருடன் 'ஆடுபாம்பே', 'தர்மங்கள் சிரிக்கின்றன', 'பஞ்சபூதம்', 'கந்தரலங்காரம்' ஆகிய படங்களில் நடித்தார்.
அதற்குப் பிறகு அரசியல் மாறியது. இந்தியப் பிரதமராக இருந்த இந்திரா காந்தி 1975-ல் இந்தியா முழுவதும் "எமர்ஜென்ஸி' கொண்டு வந்தார். பலர் இந்தியா முழவதும் கைது செய்யப்பட்டனர். ராதாவையும் மிசாவில் கைது செய்தார்கள். ராதா கைதானவுடனேயே, "உங்களுக்கும் தந்தை பெரியாருக்கும் எந்தத் தொடர்பும் இல்லை என்று எழுதிக் கொடுங்கள். உங்களை விடுதலை செய்கிறோம்" என்றனர். ராதா மறுத்துவிட்டார். பிறகு ராதாவின் மகன் ராதா ரவி டெல்லி சென்று அன்றைய மத்திய மந்திரியாக இருந்த ஒம் மேத்தாவையும், இந்திரா காந்தியையும் சந்திந்து ராதாவின் உடல்நிலையை விளக்கி ராதாவுக்கு விடுதலை பெற்றுத் தந்தார்.
பதினோரு மாதங்கள் சிறைவாசம் அனுபவித்துவிட்டுத் திரும்பியவுடன் மலேசியா, சிங்கப்பூரில் நாடகம் போட ராதாவுக்கு அழைப்பு வந்தது. மூன்று மாதங்கள் இரண்டு நாடுகளிலும் நாடகம் நடத்தினார். சில கூட்டங்களில் பேசினார். அந்தப் பேச்சுக்கள் ஒலிநாடாவாக்கப்பட்டு பல ஆயிரம் பிரதிகள் விற்றுத் தீர்த்தது. பல ஆபூர்வமான சுயசிந்தனைக் கருத்துக்கள் அந்தப் பேச்சுக்களில் நிறைந்து இருந்தது. அங்கிருந்தபோதே ராதாவை மஞ்சள் காமாலை நோய் தாக்கியது. இந்தியா திரும்பி நேரே திருச்சி சென்று தங்கினார் ராதா.
ராதா 1979-ம் ஆண்டு செப்டம்பர் 17-ம் தேதி இறந்தார். எம்.ஜி.ஆர் அப்போது தமிழக முதல்வர். அவர் ராதாவின் இறுதிச் சடங்கில் கலந்து கொள்ளக் கிளம்பினார். ராதாவுக்கு திருச்சியில் செல்வாக்கு அதிகம், பிரச்னை வரக்கூடாது என்பதற்காக ராதா குடும்பத்தினர் எம்.ஜி.ஆரை வரவேண்டாம் என்று தடுத்துவிட்டனர். எம்.ஜி.ஆர் ராதாவின் இறுதிச் சடங்குக்காக ஓர் அரசாங்க வண்டிக்கு ஏற்பாடு செய்தார். ஆனால் ராதா குடும்பத்தினர் அதையும் ஏற்றுக்கொள்ளவில்லை என்கிற தகவலும் உண்டு.
ராதா இறந்த அன்று தந்தை பெரியாருக்கு 101வது பிறந்த நாள் விழா.
metronews.lk/e ;தமிழ்த் திரையுலகிலும் தமிழக அரசியலிலும் நிகரற்ற நாயகனாக விளங்கிய மக்கள் திலகம் எம்.ஜி.ஆரை (எம்.ஜி.ராமச்சந்திரன்) நடிகர் எம்.ஆர்.ராதா துப்பாக்கியால் சுட்டு, இன்று
ஞாயிற்றுக்கிழமையுடன் 47 வருடங்கள் பூர்த்தியாகின்றன.
அது தமிழக சட்டசபைத் தேர்தல் பிரசாரம் உச்சக் கட்டத்தை எட்டிக் கொண்டிருந்த காலம். முன்னணி நடிகரான எம்.ஜி.ஆர். அப்போது தி.மு.கவில் நட்சத்திர அங்கத்தவராக இருந்தார். திடீரென எம்.ஜி.ஆர். சுடப்பட்ட செய்தி ஒட்டுமொத்த தமிழகத்தையும் உலுக்கியது.
எம்.ஜி.ஆரை சுட்டதோடு தன்னையும் சுட்டுக்கொண்டார் எம்.ஆர்.ராதா. இருவரும் அவசரம் அவசரமாக மருத்துவமனைக்குக் கொண்டு செல்லப்பட்டனர். தீவிர சிகிச்சைக்குப் பிறகு இருவருமே உயிர் பிழைத்தனர். தனிப்பட்ட முரண்பாடு காரணமாக நடந்த இந்த மோதல் அரசியல் ரீதியாகவும் முக்கியத்துவம் பெற்றது.
எம்.ஜி.ஆரை எம். ஆர்.ராதா சுட்டார் என்பது பலருக்குத் தெரியும். ஆனால், எதற்காக, எந்தச் சூழ்நிலையில் எம்.ஆர். ராதா சுட்டார் என்பது பலர் அறியாதது. இச்சம்பவத்திற்கான உண்மையான, துல்லியமான காரணம் மக்கள் திலகம் எம்.ஜி.ஆர்., நடிகவேள் எம்.ஆர்.ராதா இருவருக்கு மட்டுமே தெரிந்த இரகசியம் என்கின்றனர்.
ஆனால், 1967 ஜனவரி 12 ஆம் திகதி இடம்பெற்ற இச்சம்பவத்திற்கான காரணமாக அப்போது பரபரப்பாக பேசப்பட்ட விடயங்கள் இவை:
எம்.ஜி.ஆர்.
நடித்த 'பெற்றால்தான் பிள்ளையா?' என்ற படத்தை எம்.ஆர்.ராதாவின்
நெருங்கிய நண்பரான வாசு தயாரித்து 9.12.1966 -ஆம் திகதி
வெளியிட்டிருந்தார். நண்பனுக்கு உதவி செய்யும் எண்ணத்தில்தான்
படத்தை முடிக்க கடனுதவி செய்தார் ராதா.'படத்தை முடிக்க வேண்டிய கட்டத்தில் புதிய காட்சிகளை இணைக்கச் சொல்லிவிட்டார் எம்.ஜி.ஆர். அதனால் செலவு கூடிவிட்டது. இலாபமில்லாவிட்டாலும் பரவாயில்லை. கையைக் கடிக்காமல் இருந்தால் போதும். உங்களுக்கு வேறு பணம் தர வேண்டும். என்ன செய்வது என்றே விளங்கவில்லை' என எம்.ஆர்.ராதாவிடம் புலம்பினாராம் வாசு.
'நான் கொடுத்த பணம் திரும்பி வராதா? இந்நாள் வரை நான் இளகிய மனம் உடையவனாக வாழ்ந்து வந்திருக்கிறேன். எந்தச் சூழ்நிலையிலும் இனி யாருக்கும் உதவி செய்யக்கூடாது. பணம் கொடுத்து பகையைத் தேடிக் கொள்ளக்கூடாது என்ற என்னை மாற்றிவிட்டாய். வா. என்னோடு.... எம்.ஜி.ஆரிடமே பேசுவோம்' என்று எம்.ஆர்.ராதா கூறினாராம்.
அன்று மாலை 5 மணிக்கு ராமாவரம் தோட்டத்தில் உள்ள எம்.ஜி.ஆர். வீட்டுக்கு எம்.ஆர்.ராதாவும் சென்றார். 'பெற்றால்தான் பிள்ளையா' படத்தின் தயாரிப்பாளர் வாசுவும் சென்றனர்.
அங்கு செல்லும்போது எம்.ஆர். ராதா கைத்துப்பாக்கியையும் எடுத்து வைத்துக்கொண்டது எனக்குத் தெரியாது என்று பின்னர் ஒரு பேட்டியில் வாசு கூறினார்.
ராமாவரம் தோட்டத்தில் எம்.ஆர்.ராதாவும், வாசுவும் எம்.ஜி.ஆரைச் சந்தித்தனர். 'என்னுடைய தொழில் நடிப்பது... பண விடயத்துக்கு நான் பொறுப்பில்லை' என்று எம்.ஜி.ஆர் கூறினாராம். இதனால் உணர்ச்சி வசப்பட்டு கைத்துப்பாக்கியால் சுட்டாராம் எம்.ஆர்.ராதா.
'எம்.ஜி.ஆரை ராதாவும் வாசுவும் சந்தித்தார்கள். அப்போது தகராறு ஏற்பட்டது. எம்.ஆர்.ராதா தன் மடியில் வைத்திருந்த கைத்துப்பாக்கியை எடுத்து, எம்.ஜி.ஆரை சுட்டார். எம்.ஜி.ஆர். குனிந்தார். குண்டு இடது புற காது அருகே கன்னத்தில் பாய்ந்தது. உடனே ராதா துப்பாக்கியைத் தன் தலையில் வைத்து விசையை அழுத்தினார். குண்டு அவர் நெற்றியில் பாய்ந்தது' என்று பொலிஸார் பின்னர் தெரிவித்தனர்.
சுடப்பட்ட எம்.ஜி.ஆர். முதலில் ராயப்பேட்டை ஆஸ்பத்திரிக்குக் கொண்டு போகப்பட்டார். முதல் சிகிச்சைக்குப் பிறகு, சென்னை பொது வைத்தியசாலையில் சேர்க்கப்பட்டார். எம்.ஆர்.ராதாவும் இதே வைத்தியசாலையில் அனுமதிக்கப்பட்டார். அவர் நெற்றியில் பாய்ந்த குண்டு அகற்றப்பட்டது.
ஆனால், எம்.ஜி.ஆர். கழுத்தில் பாய்ந்த குண்டு, மூன்று முக்கிய நரம்புகளுக்கு இடையே பதிந்திருந்தது. அதை அகற்றினால் நரம்புகளுக்குச் சேதம் ஏற்பட்டு, உயிருக்கே ஆபத்து ஏற்படலாம் என்ற நிலை. எனவே மருத்துவர்கள் இந்த குண்டை அப்படியே விட்டு விட்டுத் தையல் போட்டனர்.
பரங்கிமலைத் தொகுதியில் தி.மு.க. வேட்பாளராக எம்.ஜி.ஆர். போட்டியிட்ட நேரத்தில்தான் அவர் சுடப்பட்டார். தேர்தல் பிரசாரத்திற்குப் போகாமலேயே, ஆஸ்பத்திரியில் படுத்தபடி அவர் வெற்றி பெற்றார்.
சிகிச்சைக்குப் பின், எம்.ஜி.ஆரும் எம்.ஆர்.ராதாவும் குணம் அடைந்தார்கள். எம்.ஜி.ஆரை சுட்டதாக ராதா மீது சைதாப்பேட்டைக் நீதிமன்றில் வழக்கு நடந்தது. இந்த வழக்கில் 1967.05.22 ஆம் திகதி எம்.ஜி.ஆர். நீதிமன்றுக்கு வந்து சாட்சியம் அளித்தார்.
வழக்கு விசாரணை முடிவில் எம்.ஆர்.ராதா குற்றவாளி என்பது உறுதி செய்யப்பட்டு சிறைத் தண்டனை விதிக்கப்பட்டது. சென்னை செஷன்ஸ் நீதிமன்றத்தில் அவருக்கு 7 ஆண்டுகள் சிறைத்தண்டனை என்று தீர்ப்பு கூறப்பட்டது. இதை எதிர்த்து மேல் நீதிமன்றில் மேன்முறையீடு செய்தார். ஏழு ஆண்டுகள் சிறைத்தண்டனையை மேல்நீதிமன்றம் உறுதி செய்தது.
பின்னர் உயர் நீதிமன்றுக்கு மேன்முறையீடு செய்தார். அந்நீதிமன்றம் சிறைத்தண்டனையை 5 ஆண்டுகளாகக் குறைத்தது. சிறையில் நன்னடத்தை காரணமாக தண்டனை சற்று குறைந்தது. நான்கரை வருடங்களின்பின் அவர் விடுதலையானார்.
எம்.ஜி.ஆருக்கு ஏற்பட்ட குண்டு காயத்தினால் பேசும் திறன் பாதிக்கப்பட்டு இருந்தாலும் எம்.ஜி.ஆரின் செல்வாக்கு பன்மடங்கு உயர்ந்துவிட்டிருந்தது. விடுதலையான எம்.ஆர்.ராதாவின் வாழ்வில் எத்தனையோ மாற்றங்கள். அவருடைய இயல்பான ஆர்ப்பாட்டங்கள் இல்லை. கிண்டல்இ கலாட்டா, சத்தம் எல்லாமே அடங்கிவிட்டன. ஆனால், அப்போது அவருக்கு ஏராளமான ரசிகர்கள் இருந்தனர்.
அவரது வாயைக் கிளறி செய்திகளை வரவழைத்து பத்திரிகையில் வெளியிட முயன்றார்கள். 'ஒன்றும் பேசாதீர்கள். இராமச்சந்திரன் நல்லவர். நடையைக் காட்டுங்கள்' என்று பத்திரிகைக்காரர்களை விரட்டிவிடுவார் எம்.ஆர். ராதா.
தனது உயிருக்கே உலை வைக்கக்கூடிய நடவடிக்கையில் ஈடுபட்டிருந்தாலும் எம்.ஆர்.ராதா மீது எம்.ஜி.ஆர் பகைமை பாராட்டவில்லை. ஆனால், இந்த கசப்பான சம்பவத்திற்குப் பிறகு படத்தில் அவருடன் நடிப்பதை நிறுத்திக் கொண்டார் எம்.ஜி.ஆர். துப்பாக்கிப் பிரயோகத்தின் பின்னரும் ராதா அண்ணனை காப்பாற்றுங்கள் என எம்.ஜி.ஆர். கூறினாராம்.
பின்னர் தி.மு.க.விலிருந்து எம்.ஜி.ஆர். விலக்கப்பட்டு 1972 இல் அண்ணா திராவிட முன்னேற்றக்கழகத்தை ஆரம்பித்த எம்.ஜி.ஆர். 1977 முதல் 1987 இல் தான் இறக்கும்வரை அப்பதவியை வகித்தார். இதற்கிடையில் 1979 ஆம் ஆண்டு எம்.ஆர்.ராதா தனது 72 ஆவது வயதில் காலமானார்.
கருத்துகள் இல்லை:
கருத்துரையிடுக