ஜெயலலிதா மீதான கைது நடவடிக்கையால், அவர்கள் சோகத்தில் இருப்பதை, இச்சம்பவம் வெளிக்காட்டியது. ஆனால், இப்பதவி ஏற்பு விழாவையொட்டி, பல அமைச்சர்கள், தங்களது நண்பர்களையும், உறவினர்களையும் சென்னைக்கு வரவழைத்தனர். சென்னை கிரீன்வேஸ் சாலையில் உள்ள அரசு பங்களாக்களில் அவர்களை தங்கவைத்தனர். பலர் ஓட்டல்களிலும் தங்க வைக்கப்பட்டனர்.
இப்படி வெளியூர்களில் இருந்து வந்தவர்களுக்கு, பிரபல ஓட்டல்களில் இருந்து வரவழைக்கப்பட்ட, உணவு உபசரிப்பும் நடந்திருக்கிறது. சோகத்தில், உள்ளதாக காட்டிக் கொண்ட, சில அமைச்சர்களின் இந்த செயல்பாடுகள் குறித்த தகவல்கள், ஜெயலலிதாவின் கவனத்திற்கு எடுத்துச் செல்லப்பட்டிருப்பதாக தகவல். தனது கைது சம்பவத்திற்கு பிறகு, தமிழகத்தில் நடந்து வரும், சம்பவங்கள் குறித்து, தன்னை சந்தித்த, அமைச்சர் ஒருவரிடம், ஜெயலலிதா வருத்தத்துடன் பகிர்ந்து கொண்டதாக, அந்த அமைச்சர் சொல்லி வருகிறார். இதனால், ஜெயலலிதா ஜாமின் பெற்று சிறையில் இருந்து வெளியே வந்ததும், கட்சியிலும், ஆட்சியிலும் பல்வேறு அதிரடி காட்சிகள் அரங்கேறும் என, கூறப்படுகிறது.
- -நமது நிருபர் -- dinamalar.com
கருத்துகள் இல்லை:
கருத்துரையிடுக