அதுமட்டுமல்லாமல் கோர்ட்டில் நிலுவையில் உள்ள வழக்கை பற்றி பிரபல ஊடகமான திரைப்படத்தில் பிரபலமான நடிகர் விஜய் பேசியுள்ளார். இது தற்போதைய அரசின் ஆதாயத்தை தேட வேண்டும் என்ற எண்ணத்தில் பேசியது. நீதித்துறையை அவமதிக்கும் செயல். உலக அரங்கில் இந்தியாவுக்கு தலைகுனிவை ஏற்படுத்தும் செயல். இந்தியா ஊழல் நிறைந்த நாடு என்று சித்தரித்து இந்த திரைப்படத்தில் காட்சிப்படுத்தப்பட்டதாக தெரியவருகிறது.திரைப்படத்தை எடுத்தவர்கள், சட்டம் படித்த நீதிபதி போலவும், தாங்களே 2 ஜி வழக்கில் தீர்ப்பு வழங்கிவிட்டதை போலவும் பேசியவிதம் சட்டத்தை மதித்து நடக்கும் அனைவருக்கும் மனவேதனையை ஏற்படுத்தி உள்ளது.எனவே அந்த திரைப்பட நடிகர் விஜய், இயக்குநர் ஏ.ஆர்.முருகதாஸ், லைகா புரொடக்சன்ஸ் தலைமை நிர்வாகி, திரையரங்கு நிர்வாகி ஆகியோரை இந்திய தண்டனை சட்டம் 500-ன் படி தண்டிக்க வேண்டும்.இவ்வாறு அதில் கூறப்பட்டுள்ளது.இந்த மனு இன்று மாஜிஸ்திரேட்டு மாரீசுவரி முன்னிலையில் விசாரணைக்கு வந்தது. அவர், விசாரணையை அடுத்த மாதம் 11-ந் தேதிக்கு ஒத்திவைத்து உத்தரவிட்டார். nakkheeran,in
கருத்துகள் இல்லை:
கருத்துரையிடுக