Seventeen per cent of the samples tested had more than one drug, found the CSE study, Antibiotics in Chicken: அறிவியல் மற்றும் சுற்றுச்சூழல் மையம் (சி.எஸ்.இ) நடத்திய ஓர் ஆய்வில் கோழி இறைச்சியில் அதிக அளவு ஆன்ட்டி பயாடிக் இருப்பது கண்டுபிடிக்கப்பட்டுள்ளது. டெல்லியில் நடத்தப்பட்ட இந்த ஆய்வில் பரிசோதனைக்கு எடுத்துக்கொள்ளப்பட்ட கோழிக்கறியில் 40% மாதிரிகளில் அளவுக்கு அதிகமான ஆன்ட்டி பயாடிக் மருந்துகள் கலந்திருப்பது தெரியவந்துள்ளது. கறிக்கோழிக்கு அதிகம் ஆனட்டி பயாடிக் செலுத்தப்படுவதன் காரணமாக அதனை சாப்பிடும் மனிதர்களுகும் ஆன்ட்டி பயாடிக்கினால் குணப்படுத்த முடியக்கூடிய நோய்களையும் குணப்படுத்த முடியாத நிலை ஏற்படுகிறது என்று தெரிவிக்கப்பட்டுள்ளது.
“ஆன்ட்டி
பயாடிக் பயன்பாடுகள் மனித, மருத்துவப் பயன்பாடுகளையும் மீறிச்
சென்றுள்ளது. கால்நடை வளர்ப்பு தொழிற்துறையினர் கோழிகள் எடை கூடுவதற்கும்,
வேகமாக வளர்வதற்கும் ஆன்ட்டி பயாடிக் மருந்துகளை அதிகம்
பயனபடுத்துகின்றனர். இது தவறான அணுகுமுறை ஆகும்" என்றுஆய்வின் தலைமை
இயக்குனர் சுனியா எச்சரிக்கை விடுத்துள்ளார்.
நோயாளிகள்
மத்தியில் ஆண்டிபயாடிக் எதிர்ப்பு சக்திபோக்கு பற்றி, பெங்களூரை சேர்ந்த
இதய அறுவை சிகிச்சை நிபுணர் தேவி ஷெட்டி உள்பட பல டாக்டர்கள் விடுத்த
எச்சரிக்கையை அடுத்து சி.எஸ்.இ. இந்த ஆய்வை மேற்கொண்டுள்ளது. கோழி வளர்ப்பு
உரிமையாளர்கள் குறுகிய காலங்களில் (சுமார் 35 முதல் 42 நாட்கள்) வேகமாக
வளர்வதற்கும் ஆன்ட்டி பயாடிக் மருந்துகளை அதிகம் பயன்படுத்துகின்றனர்.
ஆன்ட்டி பயாடிக் மருந்துகள் காரணமில்லாமல் வெறும் எடையை அதிகரிக்கவும்
வளர்ச்சியை துரிதப்படுத்துவதற்காகவும் மட்டுமே பயன்படுத்தப்படுகிறது.
ஆய்வுக்கு
டெல்லியிலிருந்து 70 சிக்கன் மாதிரிகள் ஆய்வுக்கு எடுத்துக் கொள்ளப்பட்டன.
கோழிகளின் கிட்னி, தசை மற்றும் கிட்னி பரிசோதனை செய்யப்பட்டது. பொதுவாக
கோழிவளர்ப்பில் 6 ஆன்ட்டி பயாடிக் மருந்துகள் பயன்படுத்தப்பட்டு வருகிறது.
ஆக்சிடெட்ரா சைக்ளின், குளோர்டெட்ராசைக்ளின், டெட்ராசைகிளின் வகையறாவான
டாக்சிசைக்ளின், என்ரோபிளாக்சசின், சிப்ரோபிளாக்சசின், நியோமைசின் ஆகியவை
அளவுக்கு அதிகமாக பயன்படுத்தப்பட்டு வருகிறது. இதில் 5 வகை மருந்துகள்
அனைத்து சிக்கன்களிலும் காணப்பட்டன. கிலோவுக்கு 3.37-131.75 மைக்ரோகிராம்
ஆன்ட்டி பயாடிக் மருந்துகளின் படிவுகள் சிக்கன் கறியில் இருப்பது
தெரியவந்தது. என்று ஆய்வாளர்கள் தெரிவித்துள்ளனர்.
குர்கான்
பகுதியில் இருந்து வாங்கப்பட்ட கோழி இறச்சி மாதிரியில் ஒன்றுக்கும்
மேற்பட்ட (ஆக்சிடெட்ராசைக்ளின், டாக்சிசைக்ளின், என்ரோபிளாக்சசின்)
மருந்துகளின் படிவுகள் அதிக அளவில் காணப்பட்டுள்ளது. இதனால், கோழிகறி
சாப்பிடுபவர்களுக்கு ஆன்ட்டி பயாடிக் மருந்துகளையும் தடுக்கும்
பாக்டீரியாக்களின் ஆதிக்கம் ஏற்படும் அபாயம் இருப்பதாக அவர்கள்
கூறுகின்றனர். சிப்ரோபிளாக்சசின் என்ற ஆன்ட்டி பயாடிக் மூக்கு முதல் பாதம்
வரையிலான அனைத்து நோய்களையும் எதிர்க்கும் மருந்தாகும். இதன் பலனை மனித
உடல் இழக்கும்போது கிருமித் தொற்று நோய்களுக்கு சிகிச்சை அளிப்பது பெரும்
சவாலாக மாறிவிடும். இந்தியாவில் இது அதிகரித்திருப்பதாக சி.எஸ்.இ.
எச்சரித்துள்ளது. மேலும், இறைச்சி உற்பத்தித் தொழிற்துறையில் அதிகமாக
ஆன்ட்டி பயாடிக் பயன்படுத்தப்படுவதைத் தடுக்க அரசு கடும் சட்டங்களையும்
கண்காணிப்பு முறையையும் கொண்டு வரவேண்டும் என்று சி.எஸ்.இ.
தெரிவித்துள்ளது nakkheeran.in
கருத்துகள் இல்லை:
கருத்துரையிடுக