மக்களின்
உணர்வுகளை பிரதிபலிக்க கூடிய கூட்டணி தான் ஜனநாயக முற்போக்கு
கூட்டணியாகும். இதில் அனைத்து சமுதாயத்திற்கும் இடமுண்டு. சிறுபான்மையினர்,
தாழ்த்தப்பட்டோருக்கும் இடமளித்து தேர்தல் களத்தினை தலைவர் கருணாநிதி
கண்டு வருகிறார். இது ஒரு சமூக கூட்டணி, கொள்கை கூட்டணியாகும், ஆனால்
எதிரணியில் வெளியே ஒரு பேச்சு, உள்ளே ஒரு ஏற்பாடு நடக்கிறது.
புதிய
வாக்காளர்களுக்கு மோடி வித்தை பற்றி தெரியாது. ஆனால் வயதானவர்களுக்கு மோடி
வித்தை பற்றி நன்றாக தெரியும். 1992ல் பாபர் மசூதி இடிப்பு, 2002
குஜராத்தில் சிறுபான்மையினத்தை அழித்ததை உலக அறிஞர்கள் எல்லாம்
கண்டித்தார்கள்.
இந்தோனேசியாவிற்கு
அடுத்தபடியாக இந்தியாவில் தான் இஸ்லாமியர்கள் அதிகம் வசிக்கிறார்கள்.
அவர்களை ஒழிக்க பா.ஜ.க. முடிவெடுத்துள்ளது. இந்தியாவில் பன்மொழி,
கலாச்சாரத்தை ஒழிக்க இவை தீர்மானித்துள்ளது. பன்னாட்டு கம்பெனிகள் எல்லாம்
பல கோடி செலவு செய்து மோடியை முன்னிறுத்தி வருகின்றனர்.
மோடி
அலை மோடி அலை என கூறுகின்றனர். அப்படி ஒரு அலை வீசினால் அவர் ஏன் இந்தியா
முழுவதும் அலைந்து கொண்டிருக்கிறார். ஒரு நாட்டின் பிரதமர் வேட்பாளர்
என்பவர் அவருடைய இடத்தில் அல்லவா இருக்க வேண்டும். இப்படி அலைய கூடாது. அதே
போல் பிரதமர் வேட்பாளர் என்பவர் தற்போது நடிகர்களை தேடி அலைந்து
கொண்டிருக்கிறார். இந்த நிலை வெட்ககேடானது. பா.ஜ.க. தலைமையில் உள்ள கூட்டணி
தற்போது தீவிர சிகிச்சை பிரிவில் உள்ள கூட்டணியாக உள்ளது’’என்று
தெரிவித்தார். nakkheeran.in
கருத்துகள் இல்லை:
கருத்துரையிடுக