ஆதலால் அனைத்துத் தரப்பினரும் காதல் செய்வீர் !பார்க்க வேண்டிய படம்... தவறவிடாதீர்கள்..

ராஜபாட்டையில் படுபயங்கரமாக சறுக்கிய சுசீந்திரன் மீண்டும் ஃபார்முக்கு
திரும்பியிருக்கும் படம். இன்றைய இளசுகளின் காதல் எப்படி தன்னைத் தவிர மற்ற எதையும் பார்க்க மறுக்கிறது என்பதை பொட்டில் அடித்த மாதிரி படம் சொல்கிறது.தன்னைத்தானே காப்பாற்றிக் கொள்ள முடியாத டீன் ஏஜ் பருவத்து காதலால் எப்படி பெற்றோர்களும் மற்றவர்களும் அவமானத்துக்கு உள்ளாகிறார்கள். டீன் ஏஜ் ஈகோவால் அடுத்த தலைமுறை எப்படி அனாதையாக்கப்படுகிறது என்பதை மிக இயல்பாக காட்சிப்படுத்தியிருக்கிறார் சுசீந்திரன்.சமீபமாக ஒருவரி துணுக்கு காமெடியில் தமிழ் சினிமா தன்னை இழந்துவிட்டதோ என்று கவலைப்பட்ட நேரத்தில் கலங்கரை விளக்கமாக, அப்படியெல்லாம் இல்லை என்று சுசீந்திரனின் ஆதலால் காதல் செய்வீர் அடையாளம் காட்டியிருக்கிறது. அதனை கொண்டாடுவதும், துணுக்கு காமெடிப் படங்களைத் தாண்டி ஓட வைப்பதும் ஒவ்வொரு ரசிகனின் கடமை.அனைத்துத் தரப்பினரும் பார்க்க வேண்டிய படம்... தவறவிடாதீர்கள்     tamil.webdunia.com